Статья 8. Еретики убегают православных при молении, ястии, питии и беседах

1) Кормчая

383 Еретицы же глаголютися, иже о вере блазнятся и согрешают. Отлучившии же ся от соборной церкве сии именуются авдиане, иже убо веру имеют, якоже и соборная церковь: множаишии же от них в монастырех пребывают: и со всеми на месте не молятся: и хулят епископов наших богатства ради, другия же ради инех вин. И со июдеи пасху особно творят. Имеют же некия особныя распри, недоразумная словеса Божественного писания, неправо сказующе.

2) Св. Василия Великого богоугодных трудов

384 Согласие вашея ненависти противу нас, и что вы все до единого последуете предначинателю брани противу нас, увещавало меня равно ко всем молчать, и ниже каковыя беседы начинать, но в молчании печаль свою сносить. А понеже противу оклеветанию не должно молчать, не потому, чтоб чрез прекословие за самих себе отмщение творить, но чтоб не допустить лжи благоуспевать, и прельщенных не оставить в повреждении: то за нужное я почел сие всем предложить, и писать благоразумию вашему, хотя и прежде общее всему пресвитерству писал, и ни единого о вас ответа не удостоился. Не ласкательствуйте братие влагающим злые догматы в души ваша, ниже допущайте, чтоб в виду вашем людие Божии нечестивыми догматами развращалися. Савелии Ливианин, и Маркелл Галатянин первые из всех дерзнули изучить сие, и писать то, что ныне у вас, аки собственное свое изобретение, начинают провозглашать начальники людские, шумя только языком и не можя вероятным доказательством ухищрений сих и обманов утвердить. Они то, что можно иное сказать, а иного и не можно, об нас в народе говорят, и всяким образом от собеседования нашего уклоняются (А сие делают) для чего? для того, что боятся, дабы не обличены были в своих злых догматах, по случаю которых столь безстыдно они с нами поступили, что и сны некоторые противу нас вымыслили, оклеветывая учение наше аки вредное. Но когда все осенния мечтания в главы свои воспримут, то никакой хулы не могут нам зделать, поелику много таких при всякой церкви, которые свидетельствуют о истине. Если вопрошают их о вине неукротимыя и непримиримыя сея брани, они ответствуют, что Псалмы и образ песнопения по обычаю, у вас содержимому, переменены, и иное сему подобное, чего надлежало бы им стыдиться.

3) Маргарит

385 Еда бо мало есть, еже посреде нас ижидив? Еда бо от прилучшихся есть сомнение, яко да едино и то же вмениши быти, и смешаеши несмесная. Распяша они Христа, ему же ты поклоняешися. Зриши ли, колико есть еже посреде како убо ко онем течеши убившим, иже поклонятися глаголяи распятому? Еда бо аз сии ввожу потязанием закон, и иже оглаголаниа вид, не и писание ли сим приемлет к тем образом. Слыши что рече Иеремия к самем онем: пойдите в Кидар и видите, послите во островы Хиттимския, и видите и разумейте, аще быша такова, аще изменят языци боги их, и тии не суть бози? Вы же изменисте славу вашу, от неяже не пользуетеся. А еже глаголет, сице есть. Они, рече, идолом поклоняющеся, и бесовом служаще. толику о прелести имут совесть, яко не хотети оставити оны, и ко истине приити. Вы же истинному Богу покланяющеся, оставльше отеческое благочестие, к чужим сами приидосте. И елику имут они о прелести совесть, ниже толику вы о истине показасте. Сего ради рече, аще быша такова, аще изменят язы́цы боги своя, и тии не суть бози. вы же изменисте славу вашу, от нея же непользуетеся. Не рече: изменисте Бога вашего, Бог бо не изменяется. Но: изменисте славу вашу. Еда бо мене рече неправдовасте, еда бо мне бысть пакость. Вы сами себе обесчестите. Мою не умалисте славу, но вашу. Дадите убо и мне се, и к нашим рещи, аще наших подобает нарицати, иже о нех мудрствующая. Поидите в сонмища и видите, аще измениша жидове славу их, или пост их, или пасху с нами постиша, или в той же день некогда ядоша. И той несть пост, но законопреступление и грех и блажнение. Но обаче не измениша? Вы же изменисте славу вашу, от нея же не пользуетеся, и якоже онех сами приидосте. Когда с нами пасху постиша они, когда мучеником праздник с нами сотвориша, когда в богоявления день к нам приобщишася. Они, к истине не текут, а вы к законопреступлению течете. Законопреступление же, глаголю, понеже чрез подобающаго времене та бывают. Бе некогда время, егда сия хранити достояние. Ныне же несть. Сего ради еже некогда законно бе, законопреступно есть ныне. Дадите ми Илии к тем рещи, ибо он, зря жидовы нечествующа, обогда убо богови внимающих, овогда же идолов служащих, сице к ним рече: доколе храмлете на обе бедре ваши? Аще есть Господь Бог с вами, приидите и ходите вслед его. Аще ли Ваал, то идите по нем. Сие и аз глаголю к тем ныне: аще жидовство мните истину быти, чесого ради забавляете церкви? Аще ли Христианство истинно есть, якоже и есть, пребывайте, исходите вслед его. Тайнам приобщаешися рцыми, Христу покланяешися, от него благая просиши, и со враги его празднуешь. И киим нравом в церковь приходиши прочее. Кои же убо наша глаголющим мудрствовати, и яже онех ревнующим. Довольно есть сие слово нам.

4) Барония

386 Собрася со всея Африки собор в Карфагене, на обращение и соединении еретиков донатистов по увещанию Анастасия папы, якоже быше речеся. На том соборе глаголаху о сем, и не можаху ино что над сие изобрести, токмо да бы во всяком граде епископ православный, к начальным донатистам, с сановитыми лицами посылал и увещавал их, и к мирной и дружеской беседе или к прению призывал. По соборе, на нем же о церковных и иных нуждах промышляху онии отцы и епископы, всяк во своем граде посылаше к донатистам, и сами собою увещаваху их. Каков ответ даде Поссидию, православному епископу, некий донатист Криспин в Каламии [написал Августин] рече от писания: Словес грешника не бойся, безумному ничтоже глаголи, да не посмеется премудрым словесем твоим. Наконец рече: отступите от мене, нечестивии, путей их не хощу. Сей ответ записан есть в делах судейских. И всяк [глаголет Августин] посмеявашеся ему ученый, и не ученый, зане уподобися сему, иже лишися разума.

387 Тожде Августин восприя от Прокулиана донатиста, егда на прение призываше его, еже и Поссидий от Криспина, презре его, и ни едину беседу сотвори с ним. О сем скорбя Августн пишет к тому же Прокулиану: Ваши епископы никогда с нами мирно глаголати не хотяху, грешников бегающе. Кто может стерпеть и толикую гордость? Или апостол Павел со грешниками не беседоваше, и с самыми святотатцами? Ктому грозяху нам вашея страны иереи: отыдите от людей наших, аще не хощете от нас убиены быти. Ведяху яко народ их прельщен, зело оной беседы желающе, глаголющ: о вы на едино место собралися, явилася бы оными прениями истина, о том ныне довлеть.