Статья 5. Мирянин не имеет власти прощать и разрешать кающихся, а потому горе не исповедующимся у священников

1) Благοвестник

314 Если богу согрешит, не могу аз препростыми простить его, но если Божий чин имеяй священнич.

 

К сему читай во 2 отделении, в статье 8, под числом 1, выписку из Кормчей, вопросы Иоанна мниха (стр. 97), и под числом 6, выписку из Потребника, наказании духовнику (стр. 113).

 

2) Катехизис Малый

315 Вопрос. Которая есть пятая тайна?

 

Ответ. Покаяние, еже за грехи бывает с сокрушением сердечным во исповедании грехов, с надежею о отпущении. Ради излияния честной крове сына Божия, и то разрешением священническим, им же сила дана есть от Христа вязати же и решити.

 

Вопрос. Како или что подобает разумети в сей тайне?

 

Ответ. Первее кающемуся подобает быти Христианином православно верующим. Понеже без глаголания веры, ни единое же покаяние быти не может. Второе, разрешити кающагося никто же не может, точию православный священник, понеже кроме церкви несть священия и разрешения. Третье: который к покаянию приступает, подобает ему имети сетование и сокрушение сердечное, за те грехи, ими же ко Господу Богу и ближнему приразися. Четвертое: как да имать вся своя грехи, их же кается исповедати: понеже не имать его разрешити от того, о чем не ведает священник, якоже о том много свидетельств во святом писании обрящеши, а наипервее в деяниих апостольских: мнози же от веровавших прихождаху исповедающе, и сказующе дела своя. Такоже и ко Иоанну крестителю вси приходящии исповедовали грехи своя: якоже Марко евангелист свидетельствует: и исхождаше к нему вся иудейская страна и иерусалимляне, и крещахуся вси во Иордане реце от него, исповедающе грехи своя: к сему и заповедь апостольская послушествует сице глаголющи: исповедайте убо друг другу согрешения. Исповедатися убо никомуже иному имамы, точию пред теми, иже имут силу разрешити, и сведением нам совещати.

 

Вопрос. Како бывает разрешение грехов от духовного отца?

 

Ответ. По слышании исповеди от кающегося священник добре рассудивши истинное его исповедание, сокрушение же сердечное и усердие, и устроение, к оцеломудрению, также и произволение соблюдаться от грехов, разрешает его по достоинству покаяния от грех, в них же имать разрешити или удержати, разрешая же его в молитвах своих и употребляет сими словесы глаголя: Аз данною мне властью от Христа разрешаю тя, во имя Отца и Сына и Святого Духа: ими же творит его приятна телу и крови Господни: как и на судном дни не имать быти осужден по реченному: аминь глаголю вам, елика если свяжете на земли, будут связана на небеси: и елика если разрешите на земли, будут разрешена и на небеси.

 

3) Преподобного Никона Черногорца

316 Вся же обличаемая от света являются. Все бо являемо свет есть. Не разумно же, паче же, нечестиве глаголющии ничтоже ползоватися, от еже к человеком исповедания за подобострастно. Един бо Бог может отимати грехи, буди как сия глаголют. Первое убо как прикровение своея мерзости и безсловесия предлагают. Потом же развращают еже сам Господь глагола к своим слугам, елики если свяжете на земли, будут связани на небеси, и елики если разрешите на земли, будут разрешени на небеси. И паки им же оставите согрешения, оставятся им, и им же держите – держатся. И как вы есте свет миру и соль земли. Еще же и по плоти брату его глаголющу, исповедайте друг другу согрешения, и молитву творите друг за друга, как да исцелеете. И друг другу тяготы носите, и тако исполните закон Христов. К сим же отвергут всяко и крещение и все Божественное священнодейство. за еже убо от человек служимо быти, от Бога же освящатися. Обыче бо Бог спасение человеческое, не точию ангелы действовати, но и человеки святыми. И древле убо пророки, последи же собою и святыми апостолы. И прочее даже до скончания к своим в роды слугам глаголет: приемляй вас мене приемлет. И отметаяйся вас мене отметается. И слушаяй вас мене слушает, тем же если и человек есть исповедание слышай, но Бог его ради обратит и наказует и прощает, якоже и Давида Нафаном. Темже глаголаше рех исповем на мя безаконие мое господеви, и прочая бяше исповедание его, и ради Нафана обращение, темже паки рече, да обратят мя боящиеся тебе, и ведущии сведения твоя, и покажет мя праведник милостию и обличит мя. Святыи бо Божии слуги суть, священники и поспешники, и строители во спасение хотящим спастися, и се являя апостол глаголаше. Сице убо да мнит нас человек как слуги Христовы и строители тайнам Божиим, человек убо человеку споспешествует в покаяние как рех, и служит и строительствует, и наказует и обличает, яже к спасению, по апостолу и пророку. Бог же очищает грехи исповедующегося глаголя: Аз есмь потребляяй грехи исповедующемуся, и не воспомяну. Ты же помяни и да стяжемся, и глаголи ты первее грехи своя да оправдишися.

 

317 Если прегрешением прегрешит человек в грех въпад, изнурит же плоти тела своего и истает кости мозгов своих в посте и плачи, ничтоже успеет. Если же изречет человеку, священнику грехи своя на срам себе, ради сего оправдится, ибо враг весть, как велми оставляет Бог согрешения. Иже с теплою верою ему приходящому и прощает еже со слезами ему исповедающаяся, той бо есть враг поспешая человеку на все злое, и сего ради возбраняет им не исповедовати.

 

318 Святого Анастасия синайского.

 

Вопрос. А кто срамляяся рещи священнику человеку своя грехи и студодеяния, внидет же в церковь, и о себе исповестся Господу, убо приятен ли есть или ни?

 

Ответ. В он же день умилится человек и обещается Богу, ктому не согрешати, но прилежне покается, приемлет его Бог, но не приемлет извещение един о себе совершение о своем прощении. Иже бо на ся надеяйся падет, и горе единому когда падется, несть бо воздвижай его, и муж безсовестен (читай: безсоветен) себе ратник, как не требующа себе помышляя, в себе высокомудрия.

 

Господь же гордым противится, смиренным же дает благодать. Иже бо зде не хотяй пред единем посрамитися, тамо пред многими посрамлен будет, и муце предан будет. Многажды бо неции как Бога ради постничествовавше о себе и много зло пострадавши, за безсовестия и не требования их, еже от искреннего пользы, далече от Бога быша. Без совета бо трудяйся всячески обнищавает. само совершен бо и не требуяй един Бог есть, всяк же человек скуден и требуяй есть, если и мнится премудр быти. Веровавый убо господню учению, и святых его ученик спасется. Темже блаженнии апостоли богодухновенная своя учения, как в написаннее законе предаша церкви, как да теми друг от друга наставляемся ко спасению в них же речеся.

 

319 Иже от человек убо содеянная согрешения к пресвитером достоит исповедоватися подражающим человеколюбца Бога.

 

320 Согрешения несть исповедовати к простому человеку, разве к Иерею, понеже иерей земный ангел и небесный человек глаголется.

 

321 Якоже человек от человека священника крещением просвещается Святого Духа благодатию, тако исповедаяся в покаяние, ради иерея приемлет оставление благодатию Христовою.

 

К сему читай выписку из сей же книги в статье 15 второго отделения под числом 4, стр. 151.

 

4) Тактикон преподобного Никона Черногорца

322 Отцы и братия, аз окаянный и недостойный сматряю се, да если есть Божия воля да составится святая обитель и подвижется собравшееся ту, и седящи не будет елико противу силе нашей небрежение, когда произволяет и есть воля Божия, обогда убо аз туда прихожду, обогда же инем образом хощу творити, и кождо паки если что требуется, да приходит ко мне. Занеже если и недостоин есть, но не точию к вам, но и ко всем повелен бых глаголати Божественная писания. И сего ради о исповедех убо сокровенных помысл, священнодействующим иереом повелевается ходити на учительство же к имущим служения слову. От Бога же и человек, паче же и от соборной церкви, о нем подобно есть и повелевает: если убо священники правят слово истинное от Божественных писаний якоже пишет о нем убо и се подобает. Ащели по своих волях и мудрованиях кождо учит или глаголет, не вверяемы бывают, разве точию исповеди сокровенным помыслом, срама ради исповедующегося, якоже рече богослов Григорий как срам часть от муки есть. И паки по исповедующего в делах покаяния, и делания заповедей господних, и прочая иереовы заповеди и молитвы, и чина прощение и разрешение иереев, от Бога да бывают.

 

Учительства же якоже предрекохом, иже служение слову имать, но не от своея воли и мудрования, но от Божественных писаний, якоже и повелено бысть, добро убо есть отцы и зело добро еже ведети кому свои меры, и не преходити Божественных отец, и не приидет ему зло.

 

323 А как пресвитером священнодействующим подобает исповедем бывати, а не ко инем, все Божественное писание глаголет: и обаче таковая в книге толкования заповедей христовых изложена быша от Господа. Здесь же главизны некия ныне бываша, в наше извещение речем любви твоей о сих. В нем же, ныне жительствуем пресловущем граде Антиохии, бе некий князь. И болев, к смерти исповедася презвитру. Паки же устравився и разумен сый и добродетелен, суди се в себе. Как если и бысть отповедь моя, но к смерти сущу ми бысть: елма убо Богу благоволящу здрав уже бых о болезни, лепо есть прочее по чину, и якоже подобает сотворити ми исповедь. И се убо добре совеща, не ведяше же как к священником лепо есть бывати исповедем, имея же веру к некоему мниху, сего призва, не сущу же священнику. Да как ему рече исповеди ради, той имея ведение, не смею рече, за еже не имети ми священнический сан. Князь же рече, аз доспех исповедатися и пресвитеру но за еже к смерти быти ми, сего ради творю се. Мних же паки слышав, отлагаше Дóндеже рассмотрит. И убо отшед. Заутра возратися паки, и глагола князю елика уведев же и виде, и рече: видех некоего как во образе духовного моего отца, как дающа в руце мои древо зело тонко, на нем же бе оплетено уже, и рече ко мне: возми се и развяжи, и паки свяжи. Мне же, рече, вземшу и не возмогшу разрешити, паки дах ему. И давый ми рече: как ведети подобает, как ни решиши ни вяжеши: но рекшему ти исповеди ради рцы, как да сотворит подобающая, и призовет пресвитера и исповесть грехи своя. И да речет пресвитер евангелие, еже рекл есть Христос ко святому апостолу Петру: как егоже свяжеши на земли, будет связан на небесех, и прочая. Сия же слышав князь, сотвори тако, и исповедав сие опасно иному старцу. Сей же старец исповеда сия в своей обители глаголя: якоже убо Божественная писания учат нас, се ине и от сего навыкнуем, как к пресвитером священнодействующим лепо есть бывати исповедем.

 

Един же некий иже от тамо седя и послушая брат, по времени некоем разболеся лютым недугом. Бе же брат он в юности своей в блуд впал, и клятся клятвою не оставити жену Дóндеже жив есть. И лету многу мимошедшу, юностных пременься подвижений, прииде в покаяние и исповеда грехопадения своя некоему старцу как безмолвнику, а не священнику. И как не имея попечения якоже надеяшеся на яже сотвори исповедь, случися ему юже рехом болезнь, и се напрасно. Множество бесов прииде к нему, носяще написану хартию клятвы юже написа жене. глаголаху же нечисти бесове к нему: сице как се написаная хартия, и якоже клялся еси, преступник клятвы хощеши судитися. Он же сия видев же и слышав недоумеяшеся что сотворити, надеяся якоже глаголаше на покаяние и исповедь, яже сотворил есть; но не возможе избавитися бесовского обличения. Едва убо позде некогда прииде в помышление, якоже глаголаше о нем же слыша от старца лепо быти глаголющу, по видению иже предреченный мних виде ко иереом исповеди творити. Сия убо якоже речеся во уме приим брат, и вину бесовского безстудного предстояния сию а не ину вину вменив, абие якоже имяше призывает инока иерея, и купно внегда исповедатися, без вести быша абие нечистии беси, как ктому не видети их от часа оного: такоже и болезни пременися. Священник же и прочии старцы приидоша в недоумение о написании клятвы. Призвавше же предреченного старца иже ко иереом исповедатися сказа лепо быти, и яже о вещи поведаша вся.

 

Он же отвещав рече, как коварство бяше бесовское, как да брат клятвы баснь (т. е. обличения) убоявся, возвращся паки погрузится во гресе. Но вседержитель Бог хотяй всем спастися и в разум истинный приити, не остави брата впасти в руце нечистых. Ныне убо есть молитва в молитвеннице разрешающая таковая, и да речет ю̀ священник иже во узах сущим. И как сотвори священник по словеси старца, предреченый брат лето едино пожив времени преидушу, паки в той же час и день, в онь же яве как разболелся бе, в покаянии Христовою благодатию скончася. И сия убо отче мой показуем, и с Божественными писаньми, как к священником лепо есть исповеди творити, тии убо имут власть вязати же и решати: и обаче не от себе, якоже непщуют, но по Божественных писаниших, а не по своих похотех, ельма ниже тем последует Божественная благодать.

 

324 Слыши убо, владыко мой, вещь, бывшую во днех наших, извествующу о таковых не точию словом, но и делом: Наш пресвитер, пришедый от острова кипрского, егоже и ты на лице видел еси, поведа ми нечто таково, как жена некая волхвовании и чародеянии упражняющися, и от некоего иного умолена бывши еже сотворити свою хитрость о некоем, за еже привлещи его к того воле. На зло же упражняющаяся она абие посла два беса к нему же, хотяше действовати: тии же скверни беси шедше паки возвратишася безделии. Вопрошаеми же от на зло упражняемыя рещи вину, они же реша, как под заповедию такового обретше, ниже приближится смеюще, бе бо он исповедався к преждереченному пресвитеру, и от него заповедь запрещения приял якоже Божественная велят правила.

 

Таже вопрошаше от них жена, во всех ли убо заповедь имущих сице случается вам? Они же к ней: ни, но во онех точию имже той пресвитер дает заповеди, как от закона Божия учит и от писаний, и от них заповедает, и сего ради не смеем тамо приближатися, но боимся Божиих закон: елицы же от себе учат, или заповеди дают, таковых ни же боимся ни отбегаем отнюд. Сия от нечистых бесов слышавши жена, и надеявшися на пресвитероево учительство скоро притекши приступи к нему и яже от себе вся исповедавши, взыска заповедь. Пресвитер же якоже се милуя ту, не возложи ей яже по законех достойную заповедь и праведную. Она же моляшеся и глаголя, не помилуй мя отнюд, но по закону Божию суди ми от Божественных писаний, сих бо ми поведаша боятися бесове. И даст же ей пресвитер заповедь, и оттоле уцеломудрися Христовою благодатию.

 

Сия ми поведа той пресвитер иже о таковых в чину искус приемый, егоже и сам видел еси. И оттоле убо пресвитер надеявся и известив си, вкупе же множае и убоявся, опаснейше от Божественных писаний учаше и заповедаше, а не по своей воле.

 

Тоже и в Прологе 24 марта, лист 123 оборот.

 

5) Пοтребник Иосифовский

325 Не просто вси имут власть разрешати и связовати, но они едини им же от Бога таковая вручена, и они паки не от себе якоже хотят, но образ показует вины, Божественная писания в среду приводя.

 

326 Если бо Христианин без покаяния умрет, то не достоит над ним иерею пети, ни приношения зань принести как не исполнил закона Божия и веры христианския.

 

То же и в Иоасафовских Пοтребниках 7147 г., в Иноческом лист 135, а в Мирском лист 168 оборот.

 

6) Блаженного Симеона Солунского

327 Зане сие еже решити же и вязати, токмо епископов есть, и разнии о сем канони глаголют: и явленно, как и апостолом единым сие дадеся от Христа, Бога нашего, апостолов же преемники епископы. Тем же пресвитеры, как седмьдесятных чин преимуще, и не имут твердости (власти) Духа даяти, сие есть благодати, или хиротонисати, или миротворити, или решение даяти грехов в Духе: как ни же Филипп, сый седми, можаше сие. Наложением же рук даяше того Петр и Иоанн, и прочии дванадесятицы апостоли, и тех преемники епископства. Тем же и от седмидесятных многия послежди тии епископи хиротонисаша. Тем не имут (не могут) хиротониею еже решити и вязати пресвитерие, но епископи сами. Повелением убо (обаче) епископов, сиречь заповедию по нужди, как канони глаголют, могут тое и пресвитеры действовати: обаче долженствуют епископом возлагали власть, имущим многшая и вящшая. как ни же власть пресвитером во всех рассуждати и за то же яже отвержения не крепотствуют сии решити, токмо епископи: ниже яже убийства, или иереев падения и преротства {пререкания?} же, и прочая. Если же и вземшии повеления долженствуют вопрошати, кию власть возимут весма решити, не приемшии. Если же и не священ кто, колми же паче, тем и сии с не хиротонисанно действующими осудятся. Если нигде кто по нужди во обстоянии некиих помыслы возомнит прием возложи тыя епископу, или имущему чрез писание служение: Таковое бо видехом случающееся и во многших благоговейных монахов, иже внимание да имут не от себе самых решити, ни же звати себе самыя духовники, зане ни же имуть сие, по нужди приемлюще, и сие исповедающе как не суть духовники, яже ко спасению спростирающаяся да приносят. И если убо близ есть служения служитель, тамо того да посылают. Если же не есть, тогда убо да приемлют, да заповедают же и отцу рещи духовному, и сами же яже прияша же и слышаша, имущим мощь от Бога решити да возвещают, и тако решение твердо [известно] будет, якоже и монахом не имущим священства от архиереев дадеся, яже покаяния действовати, и приимати помыслы слышася убо и нам, но не нужно весьма мнится. Понеже треба приемлющему помыслы, и благословляти, и молитву приглаголати, и преподаяти таины требующим, и просто быти иерею, якоже приносити и ходатайствовати от кающихся, и молитися. По нужде же некогда многшей, во еже не присутствовати доволну некоему священных насие, власть даяти, как же приимати помыслы и монахом благоговейным: обаче не якоже решити тыя от себе самых, но якое же возносити по месту архиерею, и от того ответу бывати. Но иерея требствует того имети дела содельника, как убо нуждная чрез того да будут, молитвы же прощения, и общение таин и принос о кающемся, и святый елей, и с прочими иереи: и просто, вся законенная яже священство действует. Αз же и о сем благоговейно имам, и не нужно мню действовать кому покаяния для, священство не имущему сия бо священства суть.

 

В русском переводе см. «Писания св. отцов и учителей церкви», т. II, стр. 148–151, в «Христианском Чтении» за 1857 г.)

 

К сему читай в статье 8 второго отделения, под числом 5, выписку из сей же книги: глава 249, стр. 109 и ответы на вопросы митрополита Пентапольского Гавриила, стр. 111.