Отделение третье. О таинствах, их необходимости и правильном совершении

Статья 1

1. Те, которые не приемлют семи церковных таин, не сподобятся вечного блаженства

251 Одиннадцать учеников, идоша в Галилею в гору, как повелел им Иисус. И видевше его, поклонишася ему. Иные усомнешася. И приблизившись Иисус сказал им: дана Мне всякая власть на небе и на земле. Шедше, научите все народы, крестя их во имя Отца и Сына и Святого Духа, уча их соблюдать всё, что Я повелел вам. И се, Я с вами во все дни до скончания века. Аминь.

 

252 Явился одиннадцати и упрекал их за неверие и жестокосердие, что видевшим Его воскресшего не поверили. И сказал им: идите по всему миру и проповедуйте Евангелие всей твари. Кто будет веровать и креститься, спасён будет; а кто не будет веровать, осуждён будет.

 

253 Аминь, аминь глаголю тебе. Если кто не родится водою и духом, не может войти в царствие Божие.

 

254 Аминь, аминь глаголю вам. Если не будете есть Плоти Сына Человеческого и пить Крови Его, то не будете иметь в себе жизни. Ядущий Мою Плоть и пиющий Мою Кровь имеет жизнь вечную, и Я воскрешу его в последний день. Ибо Плоть Моя истинно есть пища, и Кровь Моя истинно есть питие.

 

255 Ядущий Мою Плоть и пиющий Мою Кровь пребывает во Мне, и Я в нём.

 

2) Кормчая

256 Правило 47. Подобает просвещающимся святым крещением, в крещении миром мазаться, мастью небесной и причастником быть царствия Христова.

 

3) Матфея Правильника

257 Якоже арагянская крещаема отрочата еже не злосмрадием воняти, христиане не вменяются. Сице ниже миром помазуемни от несвященных как не дано бысть сицевым освящения коего отнюдь подавати.

 

4) Кормчая

258 Зело мнишимися Божественного писания не разумея, понеже только во единой того части гнев являя Божий, помыслом поник во всем до конца писании, излияна Божия человеколюбия никако же ведый, во образе пастыря вражия дела творя, злым бесом продав агнца не чаяния ради, не хотя пряти во уме реченного пророком Иезекиилем, как крове погибшего от руки пастыря взыщу. Како ты смееши человека погубити отчаяния ради, за него же Христос душу свою дати не отречеся? Како обильнейшею печалию потопити тщишися фавстина, пред всеми исповедавша своя грехи со многим смирением, егоже великий Павел сотворити не восхоте: по познании бо греха присвои паче согрешившего, и любовь тверду и крепку имети к нему Коринфянам молящеся. Или как паче подобаше насаждати виноград христов, празден некак и ленив еси. Отсецати же насаждения уже от него и вне церкви метати борз некак и бодр и тщалив сотворился еси. Не говори убо человече, как делом согреших, словесы же только исповедующихся Господь. Таковая убо глаголя, не далече еси чистых убо словесы, нечистых же делесы, невежных наватиан: понеже убо они премножеством безумия, и буести не полезной, да не реку душетленной, по крещении всяко покаяние отмещут, ты же ни поне словесы бывающого покаяния не хощеши прияти: и паче великого оного слыши Моисея не праздно, но зело прилежно козлища о гресе от архиерея Аарона взысковаше, являше бо исповедание всякие души согрешшия, тем же и прощения получаху, добрее бо как воистину, и паче лепо крепцей души делы творити исповедание, якоже, поиением и бдением и на земли леганием на вретищи и попеле подстану сущу, и милостынею же нещадною, и тихою, и инеми плоды должными известному покаянию. Если же от презрения или от напасти некия, или от немощи некие, или от лености многия не стяжет кто преждереченных помощи, и устну исповедания, не отмещет, иже за человеческие грехи и за нечестия, и за скверны великие умрый Иисус Господь, и словесы покаяние: но приемлет, как приношение приносимое ему, как и Моисей шерсти козла, еже есть всего хуждьше с багром честным и со златом, и со инеми, которыми болезньми и труды мытарь спасеся? не простыми ли глаголы смирения. Кими же поты и труды разбойник со креста в рай вселися? не малыми ли глаголами и исповеданием христова царства? Смотри убо пресвитере, не токмо от Бога, но человеколюбия неизследимого, якоже рече писание ко Господу от нашего лица, как милость твоя велика на мне. Вельми бо согрешающим нам, вельми изливает кающимся нам море своего многого благосердия, угашающа огнь зол наших. Помышляти бо должен еси не только суд, но и человеколюбие христово, наказающого на полезное человеческий род, исходяща и страждуща с нами, да не погибнем. Се бо и Навуходоносор всяк образ злобы безчеловечия же и нечестия сотворив, и кровьми землю напоив, и николи же ничто же возрастив подобного помысла, но противна себе Богу сотворив: обаче когда в зверя преложися, и скот бысть Божиим судом. Словесы только исповедася, и глаголы малыми: ниже бесчисленая беззаконновав делесы, абие и милости Божия прежде таковая судившего напоследок насладися, и восприят Царский престол и образ, и честь обильнейшую получил, как глаголаше Господь, как уканет ярость моя на некоего судима, паки того исцелю. Аз прогневаюся, и аз ущедрю. Не глаголи убо невеждьно, как простых глагол Бог покаяния не приемлет, понеже время есть глаголати к тебе, как приношения убо богатая, злато же и сребро, и яже по сих приемлет Бог, двою же цату вдовицы никако же. И како убо веровати мя сотвориши как имаши разум Божественных списаний? Просто Спасу вопиющу во евангелиях: несть воля Отца моего, да погибнет един от меньших сих; ты же многи и велики хощеши лишити спасения, понеже глаголеши глагол единех не приемлет Бог. Где же положиши реченное от Господа Исаией пророком? Глаголи ты первие грехи своя, да оправдишися, приемлет бо создавый нас от хотящих спастися, не только чистоту и правду, и мученическое страдание, и постническое житие благоугодное, но и скорбь, бывающую о гресе, и толчения чела, и биение персей, и колену поклонение, и руку воздеяние с болезнию сердечною, и облобызание блудницы владычной нозе объемшия, и сетованный о гресех глас. И воздыхание из глубины сердечной. Плод устен, исповедующихся имени Христа Иисуса, и плачевное рыдание, и капли слёзной, и помыслы плачуща, и совесть с болезнью вопиющу, и взирании очию приближно к Богу возглядающее, и плачущия диаволя нападения, и стужения великого, и своея немощи: еяже ови убо от человек противится могут мужеством многим: ови же не могут ко искушению удоб уловляеми суще, и скори на падение. От всех же сих, их же прежде прежде рекохом, со всеми сими приемлет Бог и уста по Давиду глаглющу, согреших Господу моему, злое сотворь пред ним. Многа же суть отнюд бывающая от человек согрешших, мала убо мнима быти, велико же спасение содевающа кающимся о своих гресех. Смотри же и великого Моисея, паче же Бога, им закон полагающа и повелевающа, не только волы, и козлы, и овцы о согрешениих приносить господеви [таковая бо и многа суть богатых] но изнемогших силою душевною многое паче промышление, спасения ради творящу, немощи убогих споспешно, и преклоняющегося к смиреным, да не отчаются: даже до голубей и горлицы, и малы муки приносити закон положившого. И ты убо инех пресвитере не уничижай, но приемли сердце сокрушено, и смирено, и согревай, и созидай, и спасай: не только плодов исправления тяжких от согрешающих изыскуя делы постническими, но и словеса приимая кающихся о своих гресех, и со многим смирением исповедающих тебе, яже зле содеяша. Велика убо есть покаяния сила, яже нас как снег сотворяет, и как ясину убеляет, если и прежде бывшии греси, многими времены очерниша душу лукавыми делы и преобразиша. Рече бо Бог кающимся о своих гресех: стойте нази разумы, как осуждени и уныли, и напишу дерзновением, и как праведницы венчавшися отидите, щедроты бо моя на всех делех моих. Темже и глаголем к Богу, дела есмы руку твоею. Пишет бо в книгах Иоклих, яко Господь очи долу поникшии спасает, и спасешися в чистоте руку твоею; се же есть и грешники спасает Бог, долу поникшие в покаянии в смирении мнозе, как мытаря смиренного биюща в перси своя и глаголюща, Боже очисти мя грешного. Тем же и Господь к таковым грешником рече: приклоните ми души ваши из глубины как осуждени, и тыя же венцы праведным приимите. Тако спасаются поникшии детельною добродетелию, не деланием Божиих повелений, но человеколюбием Божиим и исповеданием, иже со многим смирением и сокрушением сердца, своя грехи исповедав. Он убо таковым образом спасается покаяния, и глубиною смирения, ты же спасися в чистоте руку своею; рекши в благих и добродетельных деяниях. Руце бо писание добродетельных деянии нарицати обыкло есть, спасайся зовы ко Господу, сохрани душу мою владыко Христе, еда когда покрадет мя диавол прельстив от правды, и уподоблюся с нисходящими в ров. Ров же именует ад, и тьму греховную. Беспрестани убо моли Спаса глаголя, спаси раба твоего, владыко, уповающаго на тя.

 

5) Блаженного Симеона Солунского

259 Понеже ищете, еже по силе реку во Христе: семь суть дарований Духа, как Исаиа глаголет: и семь тайн Церковных, чрез Духа действуемые. Сия же есть: Крещение, Хрисма, Общение, Хиротония, Брак, Покаяние и Елей святый. Вмале же тебе и о коейждо сих явлю: если и первее в толковании Божественной литургии о сих мрачно рехом как возможно бе.

 

Глава 34. О крещении. Крещение убо возраждает духом понеже первое бесстрастное рождение погубихом, и в беззакониих мы зачахомся, и во гресех, как поёт Давид, роди коегождо нас мати его.

 

Глава 35. О Хрисме. Хрисма же печать первую, и еже по образу влагает, еже преслушания ради погубихом. еще и благодать, юже в души Божественным вдухновением прияхом. Тем и Духа носит силу, и благовоние его обилует, и знамение христово есть и печать.

 

Глава 36. О божественном общении. Общение же самому единяет владыце. И того плоти истинно и крови общимся. И понеже чрез снедь умрохом, и рая и Бога отлучихомся. жизнь вечную чрез общение восприемлем паки. И тлю отлагающе бессмертному соединяемся, смертну ради нас плотию бывшу.

 

Глава 37. О Хиротонии. Хиротония же, власть подает и силу сотворшаго: и понеже ничтоже сущих кроме того, прииде же той, во еже благо быти да привести тую свою силу восприемля от нас, подаде нам чрез свое священство. И чрез то все нам тайны действуются. И ни едино же святое без иерея есть: Еще же и изначала начальники ны зримых поставив: паки в насущем лучши начальники ны чрез священство поставляет. Того ради и Давид глаголет: поставиши тые начальники над всею землею, небесе бо ключи нам предаде.

 

Глава 38. О браке. Брак же, снисхождения есть дар Божии, ради детотворения, Дóндеже все сие с тлением стоит, небо хотяще Бог бессловесное в нас и от течения и скверны составление быти: но понеже умрохом вольно, остави преемство тако рода действовати, как бессловесным: да познаем, во что поставихомся. И сие Дóндеже убо восставит и обессмертит естество нетленный, и умер за ны и востав, тем и благословляет брак сам, как убо да не без благословения начаток бывает нашея жизни.

 

Глава 39. О покаянии. Покаяние во исправление наше паки отпадения действует. И понеже по крещении не есть призвание ино по благодати же и дару и подвигов и трудов кроме. Только через обращение и слезы, и еже исповедати грехи, и отступити от злых, сей великий дадеся дар, в нем же уже и монахов вводится образ, как покаяния сый залог.

 

Глава О святом елее. Святый елей же предадеся, и сей как священная тайна, и Божественный образ милости во избавление и освящение от греха обращающимся подаемый. Тем и решения грехов подает, и от недугов восставляет, и освящения наполняет. Сия же вся, Иисус Христос, Бог наш, предаде, и иже его чрез него Божественые ученики. Сугубым бо сущим нам из души же и телесе, сугубо и сия нам предаде. Как истинно и самому сугубу ради нас бывшу, Богу истинно сущу, и человеку истинно бывшу: как убо да благодатью духа умно наши души освящает, и чувственными же водою же и елеем, и хлебом и потиром и прочими освящаемыми духом, да освятит наша и телеса, и всесовершенное подаст спасение.

 

260 Святым же духом состави себе божественну ону плоть, показа же обаче и в крещении на него нисходящаго ради нас: понеже и крещени чистый подъя нас, да крещаемии сие приемлем. Требуем убо и мы по нужди духовного мира сего. И паче в крещении и не будет совершенно кто крещен, иже и мира не приемый. Крещением бо убо возрождается и грехов омывается духом: не еще же и залоги имать благодати, ниже воню жизни, ниже печать Духа. Тем как креститися нужно; и миром мазатися есть нужда. И того ради крестившимся от Филиппа как только крещение приемшим, Пётр, и Иоанн налагаху руки, и приемляху Духа Святого, еже убо миро есть: наложение бо рук миро подаяще, как и во апостолах бываше, и чрез тыя многим иным, и тогда убо наложение рук, ныне же место рук само есть освященное и глаголемое великое миро освящаемое не от пресвитеров, но от патриархов и архиереев, священными молитвами же и благословениями Петра и Иоанна богатствующих силою: еже убо и посылаемо же в концы, силу имать наложения рук. И нужда сим печататися всякому верному в крещении, да и божественнейшее крещение всяк крестивыйся совершенно имать в себе. Если бо спас Духа прия крестяся, и крестившийся от Филиппа Духа приемляху, наложением рук Петра и Иоанна, да не несовершенны будут и непечатственны духом крестящиимся вернии сим долженствуют мазатися миром в крещении: и не как латин или некиих иных младенцы несовершенни пребывают и не печатственни благодати Духа не приемлющии ниже знаменуемо знаменем Христовым, печать бо есть миро Христово в Духе. И иерей сие восклицает, внегда печатствовати миром, глаголя: Печать дара Духа Святого, аминь. Бездарен и убо и не печатствен Христу, мира не приемый, миро же не елей просто, но священное молитвами на жертвеннике от архиереев, христовых апостолов, паче же самого Христа обильствующих силою. И ниже миро еже от останков (мощей) святых как еже от телесе Божественного и мироточивого Димитрия, или некоего иного святых, как же расславляется и во стране кипрстей великомученика Маманта, или святые иконы, как глаголемые аттиксия святые: или из елеа, пред святыми иконами, или останками повешенных светильников. И сия убо честь и благодать имуща Божественную, и брачьбы подающа: но не силу оного Божественнейшого мира: особно бо сия и чрез архиерейство, и архиерейские молитвы подается, и не просто действуется, но на жертвеннике во времени священнодейства полагаемо, во святый же и великий четверток в службе священнодейства молитвами священнословимое, и печатию Божественною креста совершенно действуемое, как же и Божественные тайны. И как же не будет тело и кровь христова, не священнодействованный хлеб и чаша чрез молитвы иерея: ниже великое миро, не священнодействовано чрез священнейшия молитвы Божественнейших архиереев. От сего же крещения и мира, и христиане зовемся, и есмы, и паче от мира, еже и хрисма зовется.

 

261 Сей убо и конец таиньства всякого да лести изменившая и скверны греха, чисти же бывше, и запечатани Христу во Святем Духе. Плоти и крове самого Христа приобщимся, и крайне да соединимся тому. Сие бо еже и чрез пророка глаголет: вселюся в них и похожду, и еже сам моляшеся ко Отцу, глаголя: да будут едино как же и мы. И еже: се аз с вами есмь вся дни. Понеже даже до тогда чрез таиньства и невидно с нами будет.

 

То же и в главах 64–67 и 73. В русском переводе см. «Писания св. отцов и учителей церкви», т. I, стр. {?}, в «Христианском Чтении» за {?} г.

 

К сему читай выписки из сей же книги, в 1 статье второго отделения, под числом 2 (стр. 59), и в 8 статье под числом 5 (стр. 107), главы 75–76 и 157.

 

 

6) Катехизис Великий

262 Во всех тайнах церковных, действует Дух Святый, и нам дадеся, как же на крещении дух освящения, и истины, и дух обручения и дарования приясте. Дух сыноположения, такоже и возложения рук, и миром помазания, и в хиротонисании, сие же, и во время освящения церкви. Тако бо святый апостол Павел глаголет, как Дух Святый действует вся во всех.

 

263 Вопрос. Потребно ли есть учение и опасное ведение о семи святых тайнах?

 

Ответ. Зело потребно есть. Ими бо вси освящаемся, и спасение содержим, не веды же и небрегии о них, сей погибает. Тем же прилежно со тщанием должни есмы поучатися о них, да познавше нас достойно их употребляем и спасены будем.

 

264 Их же святая соборная и апостольская восточная церковь всегда употребляет, ими же особне освящаемся, и оправдаемся, и всыновление Божественное приемлем.

 

265 Вся убо семь тайны потребни суть, но не всякому человеку, ни же единообразна. Брак бо и священничество, если убо и нужно потребни суть церкви, но от другия страны, в воли и избрании всякого есть, тако как и не брачився и не хиротонисався может спастися. прочая же пять тайны потребни суть во спасение и ко спасению, но не единообразне. Крещение бо и причащение, и покаяние, сице нуждно потребни суть всякому во спасение да спасется, как же корабль во преплытие глубины морские, без них же ни един спастися может, разве если не возможет их употребляти вожделев их.

 

Святое же миро, и последнее елеосвященно помазание, сице ко спасению суть потребни, дабы имели есмы спасение наше дерзновение известно же и твердо. Ельма убо не точию имети требе есть спасение, но да будет дерзновенне и утверженне. Святое убо миро дерзновенны нас устрояет ко страдальчеству, последнее же елеосвященно помазание и останки грехов отпущает. Сего ради пренебрегии я, немощен есть и не известен ниже утвержен во своем спасении, разве если бы я вожделел и не возмогл бы их употребляти.

 

Вопрос. Кая суть действа и концы сих семи святых таин?

 

Ответ. Всех семи таин сие есть действо, как дают благодать Божию освящающую и оправдающую приемлющим я̀. Ибо душу нашу очищают от грех и богоугодну содевают. Даров же Божиих различных ко спасению потребных исполняют ю̀. Есть же особне действо другое самих точию трех святых таин, сиречь крещения, святого мира, и священничества. Как нам души начертание содевают и печатают, еже во веки не истребляется ниже изменяется. О нем же святый апостол Павел сице глаголет: помазавый нас Бог, иже и запечталевый нас, и давый обручение Духа в сердца наша. Помазание же есть благодатию, ею же ны Господь благоугодны себе творит. Начертание же или печатление назнаменование, о нем же глаголем. Обручение же Духа есть совесть блага во одержание спасения. Сих же трех святых таин начертание разлучает начертанных или печатленных от прочих человек, сицева начертания не имущих на себе. Как крещенных и святым миром помазанных разлучает от всех неверных. Хиротонисанных же, разделяет святыня от мирских человек верных. И пребывает сие начертание на душе во веки неотъемлемо на земли и на небеси. Тем же не достоит и не леть есть сия повторяти, но единощи точию подаяти.

 

266 Если бо и не всяк должен есть священствовати, но убо потребовати священничества всяк должен есть, без него спастися не может.

 

267 Веждь убо без всякого сомнения, как в церкви Божией не две точию суть тайны, но всесовершенно семь.

 

268 Святой же Климент, папа римский, послание, 4 глаголет: всяк со тщанием да ускоряет ко крещению. Посем же печатлен быв от епископа прияти имать седмеричную благодать Святого Духа. Зане глаголет: без сея тайны никто же совершен християнин может быти.

 

269 Сих же таин если кто по чину святой соборной и апостольской церкви восточной не употребляет, но пренебрегает я̀, той без них как без известных посредств, оного крайнего блаженства способитися не может.

 

К сему читай выписку из сей же книги во втором отделении, в 8 статье, под числом 7, стр. 116.