Священномученик димитрий (овечкин),                           пресвитер осинский

(25 / 12 МАЯ И 14/ 1 НОЯБРЯ)

ТРОПАРЬ, ГЛАС 5:

ВСЕХВАЛЬНЕ ЧУДОТВОРЦЕ И ИЗРЯДНЫЙ УГОДНИЧЕ ГОСПОДЕНЬ, ДЕРЖАВНЫЙ ПОБОРНИК БЛАГОЧЕСТИЯ, НЕПООКОЛЕБИМЫЙ АДАМАНТЕ ПОВЕЛЕНИЙ ХРИСТОВ, НАУКУ С ПРЕДАНИЕМ СВЯЩЕННЫМ ПРЕСЛАВНО СОЧЕТАВАЛ ЕСИ, СВЯЩЕННОМУЧЕНИЧЕ ОТЧЕ НАШ ДИМИТРИЕ, МОЛИ МИЛОСТИВАГО БОГА СПАСТИСЯ ДУШАМ НАШИМ.

 

КОНДАК, ГЛАС 8:

ДНЕСЬ БЛАГОВЕРНИИ ЛЮДИЕ СВЕТЛО ПРАЗДНУЕМ ПАМЯТЬ ВЕЛИКОГО ПРАВЕДНИКА ЛЮБОВИЮ, ГРАДА ОСЫ ПРЕСЛАВНОГО МОЛИТВЕННИКА, И ЧУДОТВОРЦА ПРЕИЗРЯДНАГО, ЦЕВНИЦУ БОГОНОСНУЮ ЗЕМЛИ ПЕРМСКИЯ, И ПРЕДИВНОГО ЗА НАС                       ПРЕД БОГОМ ПРЕДСТАТЕЛЯ, СВЯЩЕННОМУЧЕНИКА БОГОДУХНОВЕННАГО ДИМИТРИЯ, ЕГО МОЛИТВАМИ                    ИЗБАВЛЯЕМ ОТ ВЕЧНЫЯ МУКИ ДУШИ НАША.

 

 

ИКОС, ГЛАС 3:

ПРЕДИВНЫЙ ЗА НАС КО ГОСПОДУ МОЛИТВЕННИЧЕ, ВЕЛИКИЙ УЧИТЕЛЮ ТОЧНЫХ НАУК И БОГОСЛОВИЯ СТРУНО ГРОМОГЛАСНАЯ, НЕЛИЦЕМЕРНЫЙ ИСПОВЕДНИЧЕ ПОВЕЛЕНИЙ ГОСПОДНИХ, РАЧИТАТЕЛЮ О СПАСЕНИИ ДУШ НАШИХ, УГОДНИЧЕ ИЗРЯДНЫЙ СВЯЩЕННОМУЧЕНИЧЕ ДИМИТРИЕ, ПРЕДСТОИШИ НЫНЕ ПРЕСТОЛУ ЦАРЯ СЛАВЫ НЕТЛЕННЫЯ И МОЛИШИСЯ ЗА НЫ, ПОЧИТАЮЩИХ ТЯ ЛЮБОВИЮ, ТЫ МОЛИ СОЗДАТЕЛЯ НАШЕГО ИЗБАВИТИСЯ НАМ ОТ ВСЯКАГО ЗЛА И ПРЕГРЕШЕНИЙ, ВО ЕЖЕ СПАСТИСЯ ДУШАМ НАШИМ.

 

ВЕЛИЧАНИЕ

ВЕЛИЧАЕМ ТЯ, СВЯЩЕННОМУЧЕНИЧЕ ХРИСТОВ ОТЧЕ НАШ ДИМИТРИЕ, И ЧТИМ СВЯТУЮ ПАМЯТЬ ТВОЮ, ТЫ БО МОЛИШИ О НАС ХРИСТА БОГА НАШЕГО.

 

МОЛИТВА СВЯЩЕННОМУЧЕНИКУ ДИМИТРИЮ ОСИНСКОМУ

О, ПРЕИЗРЯДНЫЙ УГОДНИЧЕ ХРИСТОВ, СВЯЩЕННОМУЧЕНИЧЕ ДИМИТРИЕ! ПРИПАДАЕМ К ТЕБЕ И ТВОЮ НЕЛИЦЕПРИЯТНОМУ ТВОЕМУ ПРЕДСТАТЕЛЬСТВУ О НАС НЕДОСТОЙНЫХ ЧАДАХ ДУХОВНЫХ ТВОИХ, ПРЕД ПРЕСТОЛОМ СЛАВЫ ЕГО НЕТЛЕННЫЯ, УМОЛИ, ЕГОЖЕ ИСПОВЕДОВАЛ ДАЖЕ ДО КРОВЕ И МУЧЕНИЧЕСКОГО УБИЕНИЯ, СПАСТИСЯ СТРАНЕ НАШЕЙ РОССИЙСКОЙ, УТВЕРДИТИСЯ В БЛАГОЧЕСТИИ ЛЮДЕМ, ЖИВУЩИМ НА НЕЙ, ГРАДУ НАШЕМУ ПЕРМИ И ГРАДУ ОСЕ, В НЕЙ ЖЕ КОЛЫБЕЛЬ ТВОЯ СЛУЖЕНИЯ ХРИСТУ ЖИЗНОДАВЦУ БЫСТЬ, О РАБАХ ГОСПОДА БОГА НАШЕГО, ГРЕХОМ ЛЮТЫМ ПОПОЛЗШИМ, ОСКУДЕНИЕМ ВЕРЫ И ГЛАГОЛОВ БЛАГОЧЕСТВИЯ НЕ ВЕДУЮЩИХ, ДОСТИГНУТЬ ЧЕРТОГА НЕБЕСНОГО ОТЦА НАШЕГО И СОЗДАТЕЛЯ, ОСВЯТИТЬСЯ РАЗУМОМ ДУХА ЕГО СВЯТАГО БОЖЕСТВЕННОГО, ЧАДОМ НАШИМ РАЗУМЕВАТИ НАУК ПРОСТОЕ ЕСТЕСТВО И НЕИЗРЕЧЕННОЕ МИЛОСЕРДИЕ СПАСИТЕЛЯ НАШЕГО, ОТПАВШИХ В СЕКТЫ ПОДАЖДЬ ВОЗВРАЩЕНИЕ В ЛОНО ЦЕРКОВНОЕ, АТЕИСТАМ И БЕЗБОЖНИКАМ, АКИ ПАВЛУ ВЕРХОВНОМУ

 

 

ГОСПОДЬ, СНИМИ ЧЕШУЮ БЕСОВСКОГО ВОЗБЕШЕНИЯ, СОТВОРИ НАС СОСУДАМИ ИЗБРАННЫМИ ГОСПОДУ ВО БЛАГОДЕЯНИЕ И ЦЕРКВИ И ОТЕЧЕСТВУ НАШЕМУ В ПОХВАЛУ И УТВЕРЖДЕНИЕ, СТАРИКОМ, ВДОВАМ, СИРОТАМ И ВСЕМ НУЖДАЮЩИМСЯ БУДИ ПРЕСЛАВНЫЙ ПИТАТЕЛЮ И ЗАЩИТЕЛЮ, ДЕТЯМ НАШИМ ПРЕМУДРЫЙ НАСТАВНИЧЕ В ПРЕДАНИЯХ ГОСПОДНИХ, ОСКВЕРНЯЮЩИМ И ПОПИРАЮЩИМ СВЯТЫНИ ЦЕРКВИ ХРИСТОВОЙ ГРОМОМГЛАСНЫЙ ОБЛИЧИТЕЛЮ И ВРАЗУМИТЕЛЮ, ЧИНОВНИКОМ ПОДАЖДЬ ВРАЗМУЛЕНИЕ И МИЛОСЕРДИЕ И ВСЕМ, ВЛАСТЬ ИМУЩИМ, БЛАГОЧЕСТИВОМУ НАРОДУ БОЖЬЕМУ ПОДАЖДЬ ЧАЯНИЕ НЕПРЕСТАННО СЛАВОСЛОВИТЬ ТЕБЯ И ПРЕСВЯТУЮ ТРОИЦУ, ЕЙ ЖЕ СЛАВА,                  ЧЕСТЬ И ПОКЛОНЕНИЕ ПОДОБАЕТ, ОТЦА, И СЫНА, И СВЯТАГО ДУХА, НЫНЕ И ПРИСНО, И ВО ВЕКИ ВЕКОВ. АМИНЬ.

 

Священномученик ПАВЛИН (Крошечкин), архиепископ Могилевский

Тропарь, глас 2:

Веры Православныя непорочный блюстителю/ и заповедей Христовых усердный исполнителю,/ священномучениче Павлине,/ Христа всем сердцем возлюбив,/ паству твою добре упасл еси./ В хладней Сибири мученическую смерть приял еси, / венцем славы украсился еси/ и в вечной славе пребывая,// моли спастися душам нашим.

 

Молитва

О, священномучениче Христов Павлине! Услыши слезныя молитвы чад твоих и воздыхания наша, сердцами сокрушенными и смиренными приносимыя. Се бо беззаконии омрачихомся и того ради бедами, яко тучами, обложихомся. Но ты, святе Павлине, понеси яко сильный немощи наша, не отлучайся от нас духом, да не разлучимся вконец от любве Божия. Призри милостивно на предстоящия и молящияся пред святою иконою твоею и прошения коегождо яже ко спасению исполни. Веруем бо, яко ты ради страданий за Церковь Божию, Отечество наше и Христоименитыя люди велие дерзновение ко Господу имаши.

 

 

Умоли благость Его, да укрепит ны в Православии и единомыслии,                              а наипаче в непоколебимом исповедании Живоначальныя Троицы и Спасителя мира, Сына Божия, Христа Бога нашего, во плоти пришедшаго, спасшаго нас на кресте, воскресшаго, ко Отцу возшедша и паки грядущаго со славою судити живым и мертвым. Паки просим тя, предстательствуй пред Богом за паству твою и вся православныя христианы, да дарует Господь архипастырем и пастырем нашим духовное трезвение и ревность о спасении своем и врученныя паствы, страну нашу в мире и благоденствии соблюдет, правителем дарует суд и правду, а всем нам братолюбие и любовь. Милостивый святителю, яви ныне всем требующим твоея помощи исцеление душ и телес, мирное устроение, от клеветы и обид заступление. Да тако мы днесь и чрез все житие, твоею помощию спасаеми, восхвалим Подвигоположника Иисуса, Сына Божия. Емуже подобает всякая слава, честь и поклонение, со Безначальным                                          Его Отцем и Святым, Благим и Животворящим Его Духом,                                     ныне и присно, и во веки веков. Аминь.

 

Священномученику Прокопию, архиепископу Херсонскому

Тропарь, глас 1:

Свети́льник всесве́тлый во гра́де Херсо́не яви́лся еси́, па́стырю до́брый, священному́чениче Проко́пие. Любо́вь и милосе́рдие в сердца́х ве́рных насажда́я, тве́рдо стоя́ти во испове́дании ве́ры Правосла́вныя призыва́л еси́. Те́мже со пресви́тером Иоа́нном за Христа́ пострада́л еси́, и ны́не ку́пно с ни́м на небеси́ престо́лу Бо́жию предстоя́, моли́ Ми́лостиваго Бо́га оте́чество на́ше в Правосла́вии и благоче́стии утверди́ти, ми́р Це́ркви дарова́ти и душа́м на́шим ве́лию ми́лость.

Кондак, глас 4:

Во святи́телех благоче́стно пожи́в, и муче́ния пу́ть проше́д, безбо́жия си́лу побежда́я, побо́рник бы́в Херсо́нстей па́стве, богому́дре. Те́мже тя́ почита́юще, та́ко вопие́м ти́: от бе́д изба́ви на́с при́сно твои́ми мольба́ми, о́тче священному́чениче Проко́пие.

 

Величание

Велича́ем тя,/ священному́чениче Проко́пие,/ и чтим святу́ю па́мять твою́,/          ты бо мо́лиши о нас// Христа́ Бо́га на́шего.

Молитва

О, пресла́вный священному́чениче Проко́пие, страстоте́рпче непреодоле́нный, Архиере́ю Бо́жий и о Це́ркви Херсо́нстей хода́таю! При́зри на моле́ние на́с, почита́ющих святу́ю па́мять твою́ и испроси́ на́м у Христа́ Бо́га проще́ния грехо́в на́ших, да не до конца́ прогне́вается на на́с Госпо́дь: согреши́хом бо и недосто́йнии яви́хомся милосе́рдия Бо́жия. Моли́ о на́с Го́спода, да ниспо́слет ми́р на гра́ды и ве́си на́ша, да изба́вит на́с от наше́ствия иноплеме́нников, междоусо́бныя бра́ни и вся́ких раздо́ров, и нестрое́ний. Утверди́, священному́чениче всеблаже́нне, ве́ру и благоче́стие во все́х на́с, и да изба́вит на́с Госпо́дь от ересе́й, раско́лов и вся́каго суеве́рия. О, ми́лостивый на́ш предста́телю! Моли́ся за ны́ ко Го́споду, да сохрани́т на́с от гла́да и вся́ких боле́зней, и да пода́ст вся́ на потре́бу челове́ком поле́зная. Наипа́че же да сподо́бимся моли́твами твои́ми Небе́снаго Ца́рствия Христа́ Бо́га на́шего, Ему́же че́сть и поклоне́ние подоба́ет со Безнача́льным Его́ Отце́м и Пресвяты́м Ду́хом, ны́не и при́сно и во ве́ки веко́в. Ами́нь.

 

Тропарь, глас 5 (священномученику Феофану, епископу Соликамскому (Ильменскому):

Святителю Андронику соревнуя, безбожных обличитель явился еси; в бдениих и постничестве преуспевая, любовию Господнею возсиял еси; мучений тяжких за Христа удостоенный, и ныне Тому предстоиши. Священномучениче Феофане блаженне, не забуди нас грешных, молящихся тебе.

 

Кондак, глас 2 (священномученику Феофану, епископу Соликамскому (Ильменскому):

В годину лютых испытаний святительский жезл приял еси; от храма к храму пешешествуя, молитвою освятил еси пределы архиерейства твоего; Христа враги в узы заточенный, ходатай теплый к Богу за народ явился еси. Темже Церковь тя, мудре, прославляет, яко боголюбца и священномученика.