Верненский, семиреченский и Пермский чудотворец

 

ТРОПАРЬ, ГЛАС № 3:

 

СВЕТИЛЬНИЧЕ НЕЗАХОДИМОЕ ПРАВОСЛАВИЯ, / МЕЧУ СОКРУШАЮЩЕЕ ЗЛОЧЕСТИЕ, / ДИВНЫЙ НАСТАВНИЧЕ ЮНЫХ МУЖЕЙ И ЖЕН ВО БЛАГОЧЕСТИИ ХРИСТОВОМ, / РОСОДАТЕЛЬНЫЙ ПРОПОВЕДНИЧЕ БЛАГОЧЕСТИЯ. ТАКО, / СВЯЩЕННОМУЧЕНИЧЕ ОТЧЕ НАШ ПИМЕНЕ, / МОЛИ МИЛОСТИВАГО БОГА / СПАСТИСЯ                ДУШАМ НАШИМ.

 

КОНДАК, ГЛАС № 5:

ДНЕСЬ ЛИКУЮТ ЗЕМЛЯ ПЕРМСКАЯ ВКУПЕ СО СТРАНОЮ КАЗАХСТАНСКОЮ, / ЯКО ЖЕ ОБРЯЩЕШИ СТОЛП И УТВЕРЖДЕНИЕ ПОВЕЛЕНИЙ ГОСПОДНИХ, / ЯВИЛСЯ ЕСИ РАСПНИТЕЛЮ БОГОХУЛЬСТВА И ГРЕХОВНАГО МУДРОВАНИЯ, / ГРОМЕ, / НИЗВЕРГАЮЩЕЕ БЕСОВКОЕ НАВАЖДЕНИЕ УМОВ НЕПРОСВЕЩЕННЫХ ИСТИНАМИ БОГОПОЗНАНИЯ. ТАКО, / СВЯТЕ СВЯЩЕННОМУЧЕНИЧЕ ХРИСТОВ ОТЧЕ НАШ ПИМЕНЕ, / МОЛИ МИЛОСТИВАГО БОГА, / СПАСТИСЯ ОТ ПЛЕВЕЛ АДОВЫХ, / НИЗВЕРГАЮЩИХ В ПРОПАСТЬ НЕГАСАЕМЫХ МУЧЕНИЙ, / ПРЕДСТАТЕЛЬСТВОМ ТВОИМ КО ЖИЗНОДАВЦУ ХРИСТУ, / УМОЛИ ПОДАТИ НАМ ОСТАВЛЕНИЕ ЛЮТЫХ ПРЕГРЕШЕНИЙ / И ДАРОВАТИ НАМ ВЕЛИЮ МИЛОСТЬ.

ИКОС, ГЛАС № 8:

 

ДНЕСЬ СПАСЕНИЯ ЛУЧ ЯВИСЯ ЗЕМЛЕ ПЕРМСТЕЙ И ВЕСЯМ ЗЕМЛИ АЛМА-АТИНСКИЯ, / СВЕТЕ ЖЕ ИСТИННАГО БОГОВЕДЕНИЯ ПРОСВЕЩАЕТ ВСЕХ ВЕРОЮ ГОСПОДУ ХРИСТУ СЛУЖАЩИХ, / ТЫ ЖЕ СВЕЩЕ НЕГАСИМАЯ БЛАГОДАТИ ХРИСТОВОЙ, / СВЯЩЕННОМУЧЕНИЧЕ ОТЧЕ НАШ ПИМЕНЕ, / ПОУЧАТИСЯ У ТЕБЕ СПОДОБИ / ИСТИННЫХ ЗАВЕТОВ БОГОПИСАННАГО И НЕЛИЦЕМЕРНАГО СОЗЕРЦАНИЯ БОЖЕСТВА, / И ОБРЕСТИ СОКРОВИЩЕ БЛАГ ВЕЧНЫЯ ЖИЗНИ, / И ВЕЛИЮ МИЛОСТЬ.

 

ВЕЛИЧАНИЕ

ВЕЛИЧАЕМ ТЯ, / СВЯЩЕННОМУЧЕНИЧЕ ХРИСТОВ ОТЧЕ НАШ ПИМЕНЕ, / И ЧТИМ ЧЕСТНАЯ СТРАДАНИЯ ТВОЯ, / ЯЖЕ ЗА ХРИСТА ПРЕТЕРПЕЛ ЕСИ.

 

СОБОР СВЯТЫХ РЕКТОРОВ ПЕРМСКОЙ ДУХОВНОЙ СЕМИНАРИИ

24 НОЯБРЯ / 11 НОЯБРЯ (+ 1800)

ТРОПАРЬ, ГЛАС № 5:

СВЕТОЗАРНИИ НАСТАВНИЦЫ БЛАГОЧЕСТИЯ, // ДИВНИИ ПРЕДСТАТЕЛИ О НАС ПРЕД ВСЕДЕРЖИТЕЛЕМ ХРИСТОМ БОГОМ НАШИМ, // НЕРУКОТВОРИМЫИ ХРАМЫ ДУХА СВЯТАГО БОЖЬЕГО, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ, // МОЛИТЕ МИЛОСТИВАГО БОГА СПАСТИСЯ ДУШАМ НАШИМ.

 

 

КОНДАК, ГЛАС № 8:

НАСЛЕДНИЦЫ СВЕТА ФАВОРСКАГО, // СОЛОМОНОВУ ПРЕМУДРОСТЬ В НАСТАВЛЕНИЕ МЛАДЫХ ЛЕТАМИ ВОСПРИЯЛИ ЕСИ, // СОСУДЫ ИЗБРАННИИ БЛАГОДАТИ ВСЕВЫШНЯГО, // ЗВЕЗДЫ НЕГАСИМЫЯ СЛАВЫ НЕБЕСНЫЯ, // СВЯТИИ СВЯЩЕННОМУЧЕНИЦЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ,// МОЛИТЕ МИЛОСЕРДНАГО ГОСПОДА ДАРОВАТИ НАМ ОСТАВЛЕНИЕ ПРЕГРЕШЕНИЙ                                  И ВЕЛИЮ МИЛОСТЬ.

ИКОС, ГЛАС № 3:

ВОИНЫ ХРИСТОВЫ НЕПОБЕДИМИИ, // НАСТАВНИЦЫ ОТРОКОВ И ОТРОКОВИЦ ДОСТОХВАЛЬНИИ, // БЛИСТАНИЕ ВЕЛИЕ ПРЕДИВНОЕ ГРАДА ПЕРМСКАГО, // ДУХОВНЫЯ СЕМИНАРИИ ПЕРМСКИЯ ПРЕСЛАВНОЕ УКРАШЕНИЕ, // СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ,// МОЛИТЕ МИЛОСТИВАГО БОГА СОКРУШИТИ ОКОВЫ СИЛЫ АДОВЫ, // ВОСПРИЯТИ ПАЖИТЬ ЗАПОВЕДЕЙ БОЖИИХ, // ДАРОВАТИ НАМ СЛЕЗЫ ПОКАЯНИЯ И ВЕЛИЮ МИЛОСТЬ.

 

СТИХИРА, ГЛАС 1 (КОЛЕНОПРЕКЛОНЕННАЯ):

СОКРУШИТЕЛИ ВРАТ БЕСОВСКАГО ОБДЕРЖАНИЯ, // ХРАНИТЕЛИЕ БЛАГОЧЕСТИЯ ЗАКОНА БОЖИЯ, // ХЕРУВИМОВ ЛИКОВАНИЕ И ВЕРНИМ ЧАДОМ ЦАРЯ НЕБЕСНАГО ОТРАДО, // ЗАСТУПНИЦЫ И УЧИТЕЛИЕ ДЕВИЦ И ОТРОЦЕВ, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ,// МОЛИТЕ ВСЕДЕРЖИТЕЛЯ ХРИСТА БОГА НАШЕГО, // В ЗАКОНЕ ЕГО НЕУСЫПНО ХОДИТИ. НАВЫКНУВ БО СТЯЖАТИ БЛАГОДАТЬ СВЯТАГО ДУХА И ВСЕМ ЛЮДЯМ, // ЖАЖДУЩИМ СПАСЕНИЯ, ВЕЛИЮ МИЛОСТЬ.

 

 

ВЕЛИЧАНИЕ

ВЕЛИЧАЕМ ВАС, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ, // И ЧТИМ ЧЕСТНАЯ СТРАДАНИЯ ВАША, ЯЖЕ ЗА ХРИСТА ПРЕТЕРПЕЛИ ЕСТЕ.

ИНОЕ ВЕЛИЧАНИЕ

ВЕЛИЧАЕМ ВАС, // СВЯТИИ СВЯЩЕННОМУЧЕНИЦЫ ХРИСТОВЫ НИКОЛАЕ, ФЕОФАНЕ, ПИМЕНЕ, МАТФЕЕ И СТЕФАНЕ, // И ЧТИМ СВЯТУЮ ПАМЯТЬ ВАШУ, // ОТРОКОВИЦЕМ И ОТРОЦЕМ ОТЦЫ И НАСТАВНИЦЫ ДОБРИИ, И СОБЕСЕДНИЦЫ ШЕСТОКРЫЛАТЫХ ХЕРУВИМОВ ДЕРЗНОВЕНИИ.

 

Священномученики Алексий, Лев и Александр,                                пресвитеры Красноуфимские

Тропарь, глас 4

Столпи непоборимии Божественныя церкве, / иереи прехвальнии, / службы приносяще и жертву непорочну, / Владыце Христу Богу нашему, / святии священномученики Алексие, Льве и Александре, / светильницы Красноуфимския земли, / молите от тли и бед избавити ны, / А́нгелом собеседницы // и Троице поборницы.

 

Кондак, глас 3

Яко светильницы разумнаго солнца, / возсияли бо есте сущим во тьме, / мужеством и мудростию пожив Господеви, / святии священномученицы Уральския земли, / правдою, молитвою и целомудрием, / созывающе всех к высоте благочестия; / темже вопием вам: // Радуйтеся, всем верным спасение.

Величание

Величаем вас, / святии священномученицы Алексие, Льве и Александре, / и чтим честная страдания ваша, // яже за Христа претерпели есте.

Молитва

О, святии новомученицы и исповедницы Церкве Российския Алексие, Льве и Александре, услышите усердную мольбу нашу! Вемы, яко неции от вас, еще отроцы суще, послушающе о древлих страстотерпцех, в сердце своем помыслиша, колико прелюбезно и доброхвально есть таковым подражати, ихже ни муки, ни смерть не разлучиша от любве Божия. Благо же вам, яко последователи есте вере и терпению тех, о нихже слышасте и ихже возлюбисте. А понеже на всякое время возможно есть наити на ны испытанием нечаянным, испросите от Господа нам мужества дар, иже толико благопотребен есть в житии человечестем. Вся концы Отечества нашего страданьми своими освятившии, яко общи за вся ны молитвенницы, умолите Бога, избавити люди своя от ига, ужаснейшаго паче всякаго инаго. И да отпустится всему роду нашему грех, на народе Российском тяготеющий: убиение Царя, помазанника Божия, святителей же и пастырей с паствою, и страдания исповедников, и осквернение святынь наших. Да упразднятся расколы в церкве нашей, да будут вси едино, и да изведет Господь на жатву делатели Своя, сие есть да не оскудевает Церковь пастырьми добрыми, иже имут просвещати светом истиныя веры столь великое множество людей, вере не наученных, или от веры отвратившихся. Недостойни есмы милости Божия, обаче страданий ради ваших Христос Бог наш да ущедрит и помилует всех нас, в помощь вас призывающих. Мы же Ему, Спасителю нашему со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.