Канон праздника Триоди (Антипасхи), глас 1 со ирмосом на 6 (ирмосы по дважды):

Ирмос: О́бразу служи́ти мусики́йскому согла́сию созыва́ющу лю́ди, / от пе́сней Сио́нских пою́ще оте́чески о́троцы Дави́довы, / мучи́телево разори́ша злочести́вое веле́ние, / и пла́мень в ро́су преложи́ша, песнь воспева́юще: / превозноси́мый отце́в и наш Бо́же, благослове́н еси́. (Дважды)

Припев: Б лагослове́н еси́, Го́споди Бо́же оте́ц на́ших, и хва́льно и пpосла́влено Имя Твое́ во ве́ки.

Тропарь: Я́ко пе́рвый есть дней и госпо́дственный светоно́сный сий, / во́ньже ра́доватися досто́йно но́вым и боже́ственным лю́дем с тре́петом: / прино́сит бо и ве́ка о́браз, / я́ко осми́ца соверша́я бу́дущаго, / превозноси́мый отце́в и наш Бо́же, благослове́н еси́.

 Припев: И вся́ дела́ Твоя́ и́стинна, и пpа́ви путие́ Твои́.

Тропарь: Еди́н дерзну́вый, неве́рною же ве́рою / облагоде́тельствовавый нас Фома́ Близне́ц, / реши́т у́бо мра́чное неве́дение всех конце́в, ве́рным неве́рствием, / себе́ же вене́ц плете́т я́ве глаго́ля. / Ты еси́ Госпо́дь превозноси́мый, отце́в и наш Бо́же, благослове́н еси́.

Припев: И вси́ суди́ Твои́ и́стинни, и судьбы́ и́стинны сотвоpи́л еси́.

Тропарь Н е всу́е усумне́вся Фома́ о воста́нии Твое́м, не низложи́ся, / но несумне́тельное тща́шеся показа́ти сие́, Христе́, всем язы́ком. / Отону́дуже неве́рием уве́рив, всех научи́ глаго́лати: / Ты еси́ Госпо́дь превозноси́мый, отце́в и наш Бо́же, благослове́н еси́.

Припев: И на гpа́д святы́й оте́ц на́ших Иеpусали́м.

Тропарь: С о стра́хом ру́ку Фома́ в ре́бра Твоя́ живоно́сная, Христе́, вложи́в, / тре́петен ощути́ де́йство, Спа́се, сугу́бое / двема́ естество́ма в Тебе́ соединя́емыма неслия́нно, / и ве́рою взыва́ше, глаго́ля: / Ты еси́ Госпо́дь превозноси́мый, отце́в и наш Бо́же, благослове́н еси́.

Кано́н блаженной, глас 8 на 8:

Припев: Б лагослове́н еси́, Го́споди Бо́же оте́ц на́ших, и пpепе́тый и пpевозноси́мый во ве́ки.

Тропарь: В озгоре́ся нече́стие в земли́ на́шей,/ я́ко пла́мень дре́вле в пещи́ вавило́нстей,/ ве́ру оте́ческую в лю́дех тща́щееся попали́ти,/ ты же, блаже́нная, приходя́щих к тебе́ науча́ла еси́ ве́рою воспева́ти:/ отце́в Бо́же, благослове́н еси́.

Припев: И благослове́нно Имя сла́вы Твоея́ святое, пpепе́тое и пpевозноси́мое во ве́ки.

Тропарь: В озгоре́ся нече́стие в земли́ на́шей,/ я́ко пла́мень дре́вле в пещи́ вавило́нстей,/ ве́ру оте́ческую в лю́дех тща́щееся попали́ти,/ ты же, блаже́нная, приходя́щих к тебе́ науча́ла еси́ ве́рою воспева́ти:/ отце́в Бо́же, благослове́н еси́.

Припев: Б лагослове́н еси́ в хpа́ме Святы́я сла́вы Твоея́, пpепе́тый и пpевозноси́мый во ве́ки.

Тропарь: В озгоре́ся нече́стие в земли́ на́шей,/ я́ко пла́мень дре́вле в пещи́ вавило́нстей,/ ве́ру оте́ческую в лю́дех тща́щееся попали́ти,/ ты же, блаже́нная, приходя́щих к тебе́ науча́ла еси́ ве́рою воспева́ти:/ отце́в Бо́же, благослове́н еси́.

Припев: Б лагослове́н еси́, ви́дяй бе́здны, Седя́й на хеpуви́мех, пpепе́тый и пpевозноси́мый во ве́ки.

Тропарь: Б огопроти́внии мучи́телие, от зако́на Бо́жия отсту́пльшии,/ о́гнь гоне́ний во стране́ на́шей возжго́ша,/ ты же, пра́ведная Матро́но, приходя́щим к тебе́ си́лою Христо́вою ро́су духо́вную подава́ла еси́,/ да не попале́ны до конца́ бу́дут, но при́сно воспева́ют:/ отце́в Бо́же, благослове́н еси́.

Припев: Б лагослове́н еси́ на пpесто́ле сла́вы Ца́pствия Твоего́, пpепе́тый и пpевозноси́мый во ве́ки.

Тропарь: Б огопроти́внии мучи́телие, от зако́на Бо́жия отсту́пльшии,/ о́гнь гоне́ний во стране́ на́шей возжго́ша,/ ты же, пра́ведная Матро́но, приходя́щим к тебе́ си́лою Христо́вою ро́су духо́вную подава́ла еси́,/ да не попале́ны до конца́ бу́дут, но при́сно воспева́ют:/ отце́в Бо́же, благослове́н еси́.

Припев: Б лагослове́н еси́ на тве́pди Hебе́сней, пpепе́тый и пpевозноси́мый во ве́ки.

Тропарь: А́ нгелу Бо́жию,/ в пещи́ вавило́нстей отроко́м дре́вле пла́мень о́гненный угаси́вшему,/ уподо́билася еси́ блаже́нная,/ росси́йским бо лю́дем во дни нече́стия моли́твами твои́ми/ от злобо́жнаго языковре́дия неврежде́нным бы́ти споспе́шествова́ла еси́, науча́ющи взыва́ти:/ отце́в Бо́же, благослове́н еси́.

С ла́ва Отцу́, и Сы́ну, и Свято́му Ду́ху.

Тропарь: А́ нгелу Бо́жию,/ в пещи́ вавило́нстей отроко́м дре́вле пла́мень о́гненный угаси́вшему,/ уподо́билася еси́ блаже́нная,/ росси́йским бо лю́дем во дни нече́стия моли́твами твои́ми/ от злобо́жнаго языковре́дия неврежде́нным бы́ти споспе́шествова́ла еси́, науча́ющи взыва́ти:/ отце́в Бо́же, благослове́н еси́.

И ны́не и при́сно, и во ве́ки веко́в. Ами́нь.

Богородичен: К покро́ву Твоему́ прибега́ем, Де́во, купино́ неопали́мая,/ грехи́ на́ша, я́ко те́рние зловре́дное, попали́ моли́твами Твои́ми,/ да чи́стым се́рдцем взыва́ем:/ отце́в Бо́же, благослове́н еси́.

Катава́сия Па́схи:

Хор: О́троки от пе́щи изба́вивый, / быв Челове́к, / стра́ждет я́ко сме́ртен, / и стра́стию сме́ртное, / в нетле́ния облачи́т благоле́пие, / Еди́н благослове́н / отце́в Бог и препросла́влен.

Песнь 8: