Псалом 103-й, Предначинательный

ВЕЧЕРНЯ

Перед началом всенощного бдения иерей возлагает на себя епитрахиль и фелонь и кадит святую трапезу, жертвенник и весь алтарь. Диакон со свечой исходит из алтаря и, став перед святыми вратами, возглашает:

Диакон: Воста́ните!*

Хор: Благослови́! (Если в монастыре,то Святе́йший или Высокопреосвяще́ннейший или Преосвяще́ннейший Влады́ко, благослови́! )

Священник: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.

*Если священник служит Всенощное Бдение без диакона, то он произносит за диакона все его ектении и возгласы, кроме этого, первого. В этом случае хор не поёт: «Благослови!», и Всенощное Бдение начинается возгласом священника: «Слава Святей, и Единосущней…»

Хор: Ами́нь.

Священнослужители в алтаре поют:

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Прииди́те, поклони́мся и припаде́м Ему́*.

*(Начиная со Светлой седмицы и до отдания Пасхи вместо «Приидите, поклонимся…» поётся «Христос воскресе …» трижды.)

Псалом 103-й, Предначинательный

(Поётся протяжно: так, чтобы священник успел совершить каждение всего храма и вернуться в алтарь)

Хор: Благослови́, душе́ моя́, Го́спода. / Благослове́н еси́, Го́споди.

Го́споди, Бо́же мой, возвели́чился еси́ зело́. / Благослове́н еси́, Го́споди.

На гора́х ста́нут во́ды. / Ди́вна дела́ Твоя́, Го́споди.

Посреде́ гор про́йдут во́ды. / Ди́вна дела́ Твоя́, Го́споди.

Вся прему́дростию сотвори́л еси. / Сла́ва Ти, Го́споди, сотвори́вшему вся.

Сла́ва Отцу́, и Сы́ну, и Свято́му Ду́ху и ны́не, и при́сно, и во ве́ки веко́в. Ами́нь.

Аллилу́ия, аллилу́ия, аллилу́ия, сла́ва Тебе́, Бо́же. (Трижды)

Великая ектения

Диакон: Ми́ром Го́споду помо́лимся.

Хор: Го́споди, поми́луй. (На каждое прошение, кроме последнего)

Диакон: О свы́шнем ми́ре и спасе́нии душ на́ших Го́споду помо́лимся.

О ми́ре всего́ ми́ра, благостоя́нии Святы́х Бо́жиих Церкве́й и соедине́нии всех Го́споду помо́лимся.

О святе́м хра́ме сем и с ве́рою, благогове́нием и стра́хом Бо́жиим входя́щих в онь Го́споду помо́лимся.

О Вели́ком Господи́не и Отце́ на́шем Святе́йшем Патриа́рсе Кири́лле и о Господи́не на́шем Преосвяще́ннейшем епи́скопе (имярек епархиального архиерея), честне́м пресви́терстве, во Христе́ диа́констве, о всем при́чте и лю́дех Го́споду помо́лимся.

О Богохрани́мей стране́ на́шей, власте́х и во́инстве ея́ Го́споду помо́лимся.

О гра́де сем (или: ве́си сей; если в монастыре, то: о святе́й оби́тели сей), вся́ком гра́де, стране́ и ве́рою живу́щих в них Го́споду помо́лимся.

О благорастворе́нии возду́хов, о изоби́лии плодо́в земны́х и вре́менех ми́рных Го́споду помо́лимся.

О пла́вающих, путеше́ствующих, неду́гующих, стра́ждущих, плене́нных и о спасе́нии их Го́споду помо́лимся.

О изба́витися нам от вся́кия ско́рби, гне́ва и ну́жды Го́споду помо́лимся.

Заступи́, спаси́, поми́луй и сохрани́ нас, Бо́же, Твое́ю благода́тию.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Священник: Яко подоба́ет Тебе́ вся́кая сла́ва, честь и поклоне́ние, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Блажен муж*

(1-й антифон 1-ой кафисмы)**

*(На всенощном бдении накануне Господских двунадесятых праздников «Блажен муж…» не поётся, если только праздник не попадает на воскресенье.)

**В современной общецерковной практике поётся не весь 1-й антифон 1-ой кафисмы (т.е. псалмы 1, 2 и 3), а лишь по 1 и 1/3 стиха из каждого из этих псалмов.

Хор: Блаже́н муж, и́же не и́де на сове́т нечести́вых. Аллилу́ия, аллилу́ия, аллилу́ия.

Яко весть Госпо́дь путь пра́ведных, и путь нечести́вых поги́бнет. Аллилу́ия, аллилу́ия, аллилу́ия.

Рабо́тайте Го́сподеви со стра́хом и ра́дуйтеся Ему́ с тре́петом. Аллилу́ия, аллилу́ия, аллилу́ия.

Блаже́ни вси наде́ющиися Нань. Аллилу́ия, аллилу́ия, аллилу́ия.

Воскресни́, Го́споди, спаси́ мя, Бо́же мой. Аллилу́ия, аллилу́ия, аллилу́ия.

Госпо́дне есть спасе́ние, и на лю́дех Твои́х благослове́ние Твое́. Аллилу́ия, аллилу́ия, аллилу́ия.

Сла́ва Отцу́ и Сы́ну и Свято́му Ду́ху. Аллилу́ия, аллилу́ия, аллилу́ия.

И ны́не и при́сно, и во ве́ки веко́в. Ами́нь. Аллилу́ия, аллилу́ия, аллилу́ия.

Аллилу́ия, аллилу́ия, аллилу́ия, сла́ва Тебе́, Бо́же. (Трижды)

Малая ектения

Диакон: Па́ки и па́ки ми́ром Го́споду помо́лимся.

Хор: Го́споди, поми́луй. (На первые два прошения)

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Священник: Я ко Твоя́ держа́ва, и Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор: Ами́нь.

Стихиры на Го́споди, воззва́х:

Канонарх: Глас 1-й*. Го́споди, воззва́х к Тебе́, услы́ши мя.

*(На воскресном всенощном бдении стихи «Господи, воззвах…» и воскресные стихиры поются на глас недели. В другие дни «Господи, воззвах…» поётся на глас первой по порядку стихиры.)

Хор: Го́споди, воззва́х к Тебе́, услы́ши мя, / услы́ши мя, Го́споди. /

Го́споди, воззва́х к Тебе́, услы́ши мя; / вонми́ гла́су моле́ния моего́, / внегда́ воззва́ти ми к Тебе́. // Услы́ши мя, Го́споди.

Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю, / же́ртва вече́рняя. // Услы́ши мя, Го́споди.

Канонарх или Хор:

Положи́, Го́споди, хране́ние усто́м мои́м, / и дверь огражде́ния о устна́х мои́х.

Не уклони́ се́рдце мое́ в словеса́ лука́вствия, / непщева́ти вины́ о гресе́х,

с челове́ки де́лающими беззако́ние, / и не сочту́ся со избра́нными их.

Нака́жет мя пра́ведник ми́лостию и обличи́т мя, / еле́й же гре́шнаго да не нама́стит главы́ моея́,

я́ко еще́ и моли́тва моя́ во благоволе́ниих их. / Поже́рты бы́ша при ка́мени судии́ их:

услы́шатся глаго́ли мои́, я́ко возмого́ша. / Я ко то́лща земли́ просе́деся на земли́, расточи́шася ко́сти их при а́де.

Яко к Тебе́, Го́споди, Го́споди, о́чи мои́: / на Тя упова́х, не отыми́ ду́шу мою́.

Сохрани́ мя от се́ти, ю́же соста́виша ми, / и от собла́зн де́лающих беззако́ние.

Паду́т во мре́жу свою́ гре́шницы: / еди́н есмь аз, до́ндеже прейду́.

Гла́сом мои́м ко Го́споду воззва́х, / гла́сом мои́м ко Го́споду помоли́хся.

Пролию́ пред Ним моле́ние мое́, / печа́ль мою́ пред Ним возвещу́.

Внегда́ исчеза́ти от мене́ ду́ху моему́: / и Ты позна́л еси́ стези́ моя́:

на пути́ сем, по нему́же хожда́х, / скры́ша сеть мне.

Смотря́х одесну́ю и возгля́дах, / и не бе зна́яй мене́:

поги́бе бе́гство от мене́, / и несть взыска́яй ду́шу мою́.

Воззва́х к Тебе́, Го́споди, рех: / Ты еси́ упова́ние мое́, часть моя́ еси́ на земли́ живы́х.

Вонми́ моле́нию моему́, / я́ко смири́хся зело́,

изба́ви мя от гоня́щих мя, / я́ко укрепи́шася па́че мене́.

(Далее, каждый из последующих стихов 141-го псалма, начиная от 8-го стиха (который разбивается на два стиха), а затем каждый стих 129-го и 116-го псалмов, читаются канонархом до половины. Хор поёт вторую их половину и сразу начинает петь стихиру. По окончании стихиры канонарх возглашает первую половину следующего стиха псалма. Хор поёт вторую его половину и следующую стихиру. И т. д., пока не будет пропета стихира после последнего стиха 116-го псалма: «Яко утвердися милость Его на нас, / и истина Господня пребывает вовек». Все эти стихи напечатаны в Часослове (сс. 152 — 155) подряд, без разбивки на псалмы и без своих порядковых номеров. Количество стихир определяется уставом или настоятелем храма. Отметки «На 10:», «На 8:», «На 6:» и т. д. означают, с какого стиха (стоящего сразу после отметки) хор должен начать петь стихиры, чтобы установленному количеству стихир: 10, 8, 6 и т. д. соответствовало количество оставшихся стихов, с тем, чтобы после каждого из них было пропето по стихире. Перед каждой стихирой нового гласа канонарх называет её глас, а затем возглашает первую половину стиха-припева. При переходе к стихирам (стихире) другого святого или другого воспеваемого события того же гласа, канонарх возглашает: «Глас тойже…», и затем — первую половину стиха-припева.)

На 10, стихиры:

Изведи́ из темни́цы ду́шу мою́***, / испове́датися Имени Твоему́.

***(Первую часть стиха возглашает канонарх, вторую часть поёт хор и сразу начинает петь стихиру.)

Мене́ ждут пра́ведницы, / до́ндеже возда́си мне.

На 8:

Из глубины́ воззва́х к Тебе́, Го́споди, / Го́споди, услы́ши глас мой.

Да бу́дут у́ши Твои́ / вне́млюще гла́су моле́ния моего́.

На 6:

Аще беззако́ния на́зриши, Го́споди, Го́споди, кто постои́т? / Яко у Тебе́ очище́ние есть.

Имене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

На 4:

От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Яко у Го́спода ми́лость, и мно́гое у Него́ избавле́ние: / и Той изба́вит Изра́иля от всех беззако́ний его́.

Хвали́те Го́спода, вси язы́цы, / похвали́те Его́, вси лю́дие.

Яко утверди́ся ми́лость Его́ на нас, / и и́стина Госпо́дня пребыва́ет вове́к.

Канонарх: Сла́ва, глас… (называет глас стихиры, которая поётся на «Славу».)

Хор: Сла́ва Отцу́ и Сы́ну и Свято́му Ду́ху. (И поёт стихиру.)

Канонарх: И ны́не, глас … (называет глас догматика или стихиры).

Хор: И ны́не и при́сно, и во ве́ки веко́в. Ами́нь. (И поёт догматик или стихиру.)*

*(На воскресном всенощном бдении здесь поётся догматик гласа недели; на всенощном бдении под двунадесятый праздник — стихира праздника; на всенощном бдении под праздник святого — догматик по гласу «Славы».)

[ Если стихира на «Славу» не поётся то:

Канонарх: Сла́ва, и ны́не, глас… (называет глас догматика или стихиры). Сла́ва Отцу́ и Сы́ну и Свято́му Ду́ху.

Хор: И ны́не и при́сно, и во ве́ки веко́в. Ами́нь. (И поёт догматик или стихиру.) ]

(Во время пения догматика или стихиры священник с диаконом совершают вход)

(Хор поёт догматик или стихиру протяжно, так, чтобы священник с диаконом успели выйти на солею, встать перед Царскими вратами, и чтобы диакон успел покадить навратные иконы Спасителя и Богородицы, затем священника)

Вход с кадилом

Диакон: Прему́дрость, про́сти!

Хор: Све́те Ти́хий святы́я сла́вы, Безсме́ртнаго Отца́ Небе́снаго, Свята́го, Блаже́ннаго, Иису́се Христе́: / прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ пет бы́ти гла́сы преподо́бными, / Сы́не Бо́жий, живо́т дая́й: // те́мже мир Тя сла́вит.

Прокимен

Диакон: Во́нмем!

Священник: Мир всем.

Хор: И ду́хови твоему́.

Диакон: Прему́дрость, во́нмем! Проки́мен, глас 6-й: Госпо́дь воцари́ся, / в ле́поту облече́ся.

Хор: Госпо́дь воцари́ся, в ле́поту облече́ся. (И далее — на каждый стих)

Диакон — стих 1: Облече́ся Госпо́дь в си́лу и препоя́сася.

Диакон — стих 2: Ибо утверди́ вселе́нную, я́же не подви́жится.

Диакон — стих 3: До́му Твоему́ подоба́ет святы́ня, Го́споди, в долготу́ дний.

Диакон: Госпо́дь воцари́ся...

Хор: В ле́поту облече́ся.

Прокимны вечерни, дневные

В воскресенье, глас 8:

Се ны́не благослови́те Го́спода, / вси раби́ Госпо́дни.

Стих: Стоя́щии во хра́ме Госпо́дни, во дво́рех до́му Бо́га на́шего.

В понедельник, глас 4:

Госпо́дь услы́шит мя, / внегда́ воззва́ти ми к Нему́.

Стих: Внегда́ призва́ти ми, услы́ша мя Бог пра́вды моея́.

Во вторник, глас 1:

Ми́лость Твоя́, Го́споди, / пожене́т мя вся дни живота́ моего́.

Стих: Госпо́дь пасе́т мя и ничто́же мя лиши́т; на ме́сте зла́чне, та́мо всели́ мя.

В среду, глас 5:

Бо́же, во И мя Твое́ спаси́ мя / и в си́ле Твое́й суди́ ми.

Стих: Бо́же, услы́ши моли́тву мою́, внуши́ глаго́лы уст мои́х.

В четверг, глас 6:

По́мощь моя́ от Го́спода, / сотво́ршаго не́бо и зе́млю.

Стих: Возведо́х о́чи мои́ в го́ры, отню́дуже прии́дет по́мощь моя́.

В пятницу, глас 7*:

*(Если двунадесятый Господский праздник — Воздвижение, Рождество Христово, Богоявление, Преображение, Вознесение — случится в субботу, прокимен пятницы на великой вечерне опускается. Вместо него поётся Великий прокимен вечерни праздника.)

Бо́же, Засту́пник мой еси́ Ты, / и ми́лость Твоя́ предвари́т мя.

Стих: Изми́ мя от враг мои́х, Бо́же, и от востаю́щих на мя изба́ви мя.

[Затем, если положены, читаются паремии (обычно — три); перед каждой из них:

Диакон: Прему́дрость!

Чтец оглашает заголовок паремии(например: При́тчей чте́ние. )

Диакон: Во́нмем!

Чтец читает паремию.]

Сугубая ектения

Диакон: Рцем вси, от всея́ души́ и от всего́ помышле́ния на́шего

рцем.

Хор: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Хор: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор: Го́споди, поми́луй. (Трижды, на каждое прошение)

Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рсе Кири́лле и о Господи́не на́шем Преосвяще́ннейшем епи́скопе (имярек епархиального архиерея), и всей во Христе́ бра́тии на́шей.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Еще́ мо́лимся о блаже́нных и приснопа́мятных созда́телех свята́го хра́ма сего́ (если в монастыре, то: святы́я оби́тели сея́), и о всех преждепочи́вших отце́х и бра́тиях, зде лежа́щих и повсю́ду, правосла́вных.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре, то: святы́я оби́тели сея́).

Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Священник: Я ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Сподоби, Господи

Хор: Сподо́би, Го́споди, в ве́чер сей без греха́ сохрани́тися нам. / Благослове́н еси́, Го́споди, Бо́же оте́ц на́ших, / и хва́льно и просла́влено Имя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя. / Благослове́н еси́, Го́споди, научи́ мя оправда́нием Твои́м. / Благослове́н еси́, Влады́ко, вразуми́ мя оправда́нием Твои́м. / Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. / Тебе́ подоба́ет хвала́, Тебе́ подоба́ет пе́ние, / Тебе́ сла́ва подоба́ет, Отцу́ и Сы́ну и Свято́му Ду́ху, / ны́не и при́сно и во ве́ки веко́в. Ами́нь.

Просительная ектения

Диакон: Испо́лним вече́рнюю моли́тву на́шу Го́сподеви.

Хор: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диакон: Ве́чера всего́ соверше́нна, свя́та, ми́рна и безгре́шна у Го́спода про́сим.

Хор: Пода́й, Го́споди. (На каждое прошение, кроме последнего)

Диакон: А нгела ми́рна, ве́рна наста́вника, храни́теля душ и теле́с на́ших у Го́спода про́сим.

Проще́ния и оставле́ния грехо́в и прегреше́ний на́ших у Го́спода про́сим.

До́брых и поле́зных душа́м на́шим и ми́ра ми́рови у Го́спода про́сим.

Про́чее вре́мя живота́ на́шего в ми́ре и покая́нии сконча́ти у Го́спода про́сим.

Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на Стра́шнем Суди́щи Христо́ве про́сим.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Священник: Я ко Благ и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Священник: Мир всем.

Хор: И ду́хови твоему́.

Диакон: Главы́ на́ша Го́сподеви прикло́ним.

Хор: Тебе́, Го́споди. (Медленно, чтобы священник успел прочитать молитву)*

Молитва главопреклонения

Священник: Го́споди, Бо́же наш, приклони́вый небеса́ и соше́дый на спасе́ние ро́да челове́ческаго, при́зри на рабы́ Твоя́ и на достоя́ние Твое́; Тебе́ бо, Стра́шному и Человеколю́бцу Судии́, Твои́ раби́ подклони́ша главы́, своя́ же покори́ша вы́я, не от челове́к ожида́юще по́мощи, но Твоея́ ожида́юще ми́лости и Твоего́ ча́юще спасе́ния; я́же сохрани́ на вся́кое вре́мя, и по настоя́щем ве́чере, и в приходя́щую нощь, от вся́каго врага́, от вся́каго проти́внаго де́йства диа́вольскаго, и от помышле́ний су́етных, и воспомина́ний лука́вых.

Священник: Бу́ди держа́ва Ца́рствия Твоего́ благослове́на и препросла́влена, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор: Ами́нь.

*Далее, если нет указания на медленное пение, то хор поёт в обычном темпе

Стихиры на литии

(если служится лития)

Канонарх: Глас … (называет глас первой по порядку стихиры, и возглашает её первую строфу).

Молитвы на литии

Диакон: Спаси́, Бо́же, лю́ди Твоя́ и благослови́ достоя́ние Твое́, посети́ мир Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя; моли́твами Всепречи́стыя Влады́чицы на́шея Богоро́дицы и Присноде́вы Мари́и; си́лою Честна́го и Животворя́щаго Креста́; предста́тельствы Честны́х Небе́сных Сил Безпло́тных; Честна́го Сла́внаго Проро́ка, Предте́чи и Крести́теля Иоа́нна; святы́х сла́вных и всехва́льных Апо́стол; и́же во святы́х оте́ц на́ших и вселе́нских вели́ких учи́телей и святи́телей Васи́лия Вели́каго, Григо́рия Богосло́ва и Иоа́нна Златоу́стаго; и́же во святы́х отца́ на́шего Никола́я, архиепи́скопа Мирлики́йскаго, Чудотво́рца; святы́х равноапо́стольных Мефо́дия и Кири́лла, учи́телей Слове́нских; святы́х равноапо́стольных вели́каго кня́зя Влади́мира и вели́кия княги́ни О льги; и́же во святы́х оте́ц на́ших святи́теля Михаи́ла, пе́рваго митрополи́та Ки́евскаго; первосвяти́телей Моско́вских и всея́ Руси́: Петра́, Алекси́я, Ио́ны, Мака́рия, Фили́ппа, И ова, Ермоге́на и Ти́хона; митрополи́тов Моско́вских Филаре́та, Инноке́нтия и Мака́рия; святи́телей (имярек, епархиальных); святы́х сла́вных и добропобе́дных му́чеников; новому́чеников и испове́дников Росси́йских: Влади́мира, митрополи́та Ки́евскаго, Вениами́на, митрополи́та Петрогра́дскаго, Петра́, митрополи́та Крути́цкаго, Иларио́на, архиепи́скопа Вере́йскаго; святы́х ца́рственных страстоте́рпцев; преподобному́чениц вели́кия княги́ни Елисаве́ты и и́нокини Варва́ры; преподо́бных и богоно́сных оте́ц на́ших; преподо́бных оте́ц ста́рцев О птинских; святы́х пра́ведных Иоа́нна Кроншта́дтскаго и Алекси́я Моско́вскаго; святы́х блаже́нных Ксе́нии Петербу́ржския и Матро́ны Моско́вския; святы́х и пра́ведных богооте́ц Иоаки́ма и А нны; и свята́го (имярек храмового святого и имярек святого, память которого совершается в этот день) и всех святы́х; мо́лим Тя, Многоми́лостиве Го́споди, услы́ши нас, гре́шных, моля́щихся Тебе́, и поми́луй нас.

Хор: Го́споди, поми́луй. (40 раз)

Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рсе Кири́лле и о Господи́не на́шемВысокопреосвяще́ннейшем митрополи́те [ или архиепи́скопе, или Преосвяще́ннейшем епи́скопе] (имярек епархиального архиерея), (если в монастыре, то: и о архимандри́те, или игу́мене на́шем имярек) и о всем во Христе́ бра́тстве на́шем, и о вся́кой души́ христиа́нстей, скорбя́щей же и озло́бленней, ми́лости Бо́жия и по́мощи тре́бующей; о покрове́нии гра́да сего́, и живу́щих в нем (или ве́си сея́ и живу́щих в ней, или святы́я оби́тели сея́ и живу́щих в ней); о ми́ре и состоя́нии всего́ ми́ра; о благостоя́нии Святы́х Бо́жиих Церкве́й; о спасе́нии и по́мощи со тща́нием и стра́хом Бо́жиим тружда́ющихся и служа́щих оте́ц и бра́тий на́ших; о оста́вльшихся и во отше́ствии су́щих; о исцеле́нии в не́мощех лежа́щих; о успе́нии, осла́бе, блаже́нней па́мяти и о оставле́нии грехо́в всех преждеотше́дших оте́ц и бра́тий на́ших, зде лежа́щих и повсю́ду, правосла́вных; о избавле́нии плене́нных, и о бра́тиях на́ших во слу́жбах су́щих, и о всех служа́щих и служи́вших во святе́м хра́ме сем (если в монастыре: во святе́й оби́тели сей) рцем.

Хор: Го́споди, поми́луй. (50 раз)

Диакон: Еще́ мо́лимся о е́же сохрани́тися гра́ду сему́ (или: ве́си сей), и свято́му хра́му сему́ (если в монастыре: святе́й оби́тели сей), и вся́кому гра́ду и стране́ от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни; о е́же ми́лостиву и благоуве́тливу бы́ти Благо́му и Человеколюби́вому Бо́гу на́шему, отврати́ти вся́кий гнев, на ны дви́жимый, и изба́вити ны от належа́щаго и пра́веднаго Своего́ преще́ния, и поми́ловати ны.

Хор: Го́споди, поми́луй. (Трижды)

Диакон: Еще́ мо́лимся и о е́же услы́шати Го́споду Бо́гу глас моле́ния нас, гре́шных, и поми́ловати нас.

Хор: Го́споди, поми́луй. (Трижды)

Священник: Услы́ши ны, Бо́же, Спаси́телю наш, Упова́ние всех конце́в земли́ и су́щих в мо́ри дале́че, и ми́лостив, ми́лостив бу́ди, Влады́ко, о гресе́х на́ших и поми́луй ны. Ми́лостив бо и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Священник: Мир всем.

Хор: И ду́хови твоему́.

Диакон: Главы́ на́ша Го́сподеви прикло́ним.

Хор: Тебе́, Го́споди.

Священник: Влады́ко Многоми́лостиве, Го́споди Иису́се Христе́, Бо́же наш, моли́твами Всепречи́стыя Влады́чицы на́шея Богоро́дицы и Присноде́вы Мари́и; си́лою Честна́го и Животворя́щаго Креста́; предста́тельствы Честны́х Небе́сных Сил Безпло́тных; Честна́го Сла́внаго Проро́ка, Предте́чи и Крести́теля Иоа́нна; святы́х сла́вных и всехва́льных Апо́стол; и́же во святы́х оте́ц на́ших и вселе́нских вели́ких учи́телей и святи́телей Васи́лия Вели́каго, Григо́рия Богосло́ва и Иоа́нна Златоу́стаго; и́же во святы́х отца́ на́шего Никола́я, архиепи́скопа Мирлики́йскаго, Чудотво́рца; святы́х равноапо́стольных Мефо́дия и Кири́лла, учи́телей Слове́нских; святы́х равноапо́стольных вели́каго кня́зя Влади́мира и вели́кия княги́ни О льги; и́же во святы́х оте́ц на́ших святи́теля Михаи́ла, пе́рваго митрополи́та Ки́евскаго; первосвяти́телей Моско́вских и всея́ Руси́: Петра́, Алекси́я, Ио́ны, Мака́рия, Фили́ппа, И ова, Ермоге́на и Ти́хона; митрополи́тов Моско́вских Филаре́та, Инноке́нтия и Мака́рия; святи́телей (имярек, епархиальных); святы́х сла́вных и добропобе́дных му́чеников; новому́чеников и испове́дников Росси́йских: Влади́мира, митрополи́та Ки́евскаго, Вениами́на, митрополи́та Петрогра́дскаго, Петра́, митрополи́та Крути́цкаго, Иларио́на, архиепи́скопа Вере́йскаго; святы́х ца́рственных страстоте́рпцев; преподобному́чениц вели́кия княги́ни Елисаве́ты и и́нокини Варва́ры; преподо́бных и богоно́сных оте́ц на́ших; преподо́бных оте́ц ста́рцев О птинских; святы́х пра́ведных Иоа́нна Кроншта́дтскаго и Алекси́я Моско́вскаго; святы́х блаже́нных Ксе́нии Петербу́ржския и Матро́ны Моско́вския; святы́х и пра́ведных богооте́ц Иоаки́ма и Анны; и свята́го (имярек храмового святого и имярек святого, память которого совершается в этот день) и всех святы́х Твои́х; благоприя́тну сотвори́ моли́тву на́шу, да́руй нам оставле́ние прегреше́ний на́ших, покры́й нас кро́вом крилу́ Твое́ю, отжени́ от нас вся́каго врага́ и супоста́та; умири́ на́шу жизнь, Го́споди; поми́луй нас и мир Твой, и спаси́ ду́ши на́ша, я́ко Благ и Человеколю́бец.

Хор: Аминь.

Стихиры на стиховне

Канонарх: Глас … (называет глас первой по порядку стихиры и возглашает её первую строфу).

Ныне отпущаеши

Хор: Ны́не отпуща́еши раба́ Твоего́, Влады́ко, / по глаго́лу Твоему́, с ми́ром; / я́ко ви́деста о́чи мои́ спасе́ние Твое́, / е́же еси́ угото́вал пред лице́м всех люде́й, / свет во открове́ние язы́ков, // и сла́ву люде́й Твои́х, Изра́иля.

Чтец (или Диакон): Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды) Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Отче наш, Иже еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник: Яко Твое́ есть Ца́рство, и си́ла, и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в.

Хор: Ами́нь.

Отпустительный тропарь*

Хор: Богоро́дице Де́во, ра́дуйся, / Благода́тная Мари́е, Госпо́дь с Тобо́ю; / благослове́на Ты в жена́х / и благослове́н Плод чре́ва Твоего́, // я́ко Спа́са родила́ еси́ душ на́ших. (Трижды)

*(В дни праздников здесь могут быть изменения. Смотри Устав.)

[ Если была лития, то:

Благословение хлебов

Диакон: Го́споду помо́лимся.

Хор: Го́споди, поми́луй.

Священник: Го́споди Иису́се Христе́, Бо́же наш, благослови́вый пять хле́бов и пять ты́сящ насы́тивый, Сам благослови́ и хле́бы сия́, пшени́цу, вино́ и еле́й, и умно́жи сия́ во гра́де сем (или: в ве́си сей, или: во святе́й оби́тели сей) и во всем ми́ре Твое́м, и вкуша́ющия от них ве́рныя освяти́. Я ко Ты еси́ благословля́яй и освяща́яй вся́ческая, Христе́ Бо́же наш, и Тебе́ сла́ву возсыла́ем со Безнача́льным Твои́м Отце́м и Всесвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в.

Хор: Ами́нь. ]

Хор: Бу́ди Имя Госпо́дне благослове́но отны́не и до ве́ка. (Трижды)

Псалом 33

(до половины)

Хор: Благословлю́ Го́спода на вся́кое вре́мя, / вы́ну хвала́ Его́ во усте́х мои́х. / О Го́споде похва́лится душа́ моя́; / да услы́шат кро́тцыи и возвеселя́тся. / Возвели́чите Го́спода со мно́ю, / и вознесе́м И мя Его́ вку́пе. / Взыска́х Го́спода, и услы́ша мя, / и от всех скорбе́й мои́х изба́ви мя. / Приступи́те к Нему́, и просвети́теся, / и ли́ца ва́ша не постыдя́тся. / Сей ни́щий воззва́, и Госпо́дь услы́ша и, / и от всех скорбе́й eго́ спасе́ и. / Ополчи́тся Ангел Госпо́день о́крест боя́щихся Его́, / и изба́вит их. / Вкуси́те и ви́дите, я́ко Благ Госпо́дь; / блаже́н муж, и́же упова́ет Нань. / Бо́йтеся Го́спода, вси святи́и Его́, / я́ко несть лише́ния боя́щымся Его́. / Бога́тии обнища́ша и взалка́ша, / взыска́ющии же Го́спода // не лиша́тся вся́каго бла́га.

Священник: Благослове́ние Госпо́дне на вас, Того́ благода́тию и человеколю́бием, всегда́, ны́не и при́сно, и во ве́ки веко́в.

Хор: Ами́нь.*

*(Начиная со Светлой седмицы и до отдания Пасхи здесь, после «Аминь» поётся тропарь «Христос воскресе …» трижды.)

Утреня

Шестопсалмие

Чтец: Сла́ва в вы́шних Бо́гу, и на земли́ мир, в челове́цех благоволе́ние. (Трижды)

Го́споди, устне́ мои́ отве́рзеши, и уста́ моя́ возвестя́т хвалу́ Твою́. (Дважды)

Псалом 3:

Го́споди, что ся умно́жиша стужа́ющии ми? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.

Аз усну́х, и спах, воста́х, я́ко Госпо́дь засту́пит мя.

 

Псалом 37:

Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я ко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Я ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Яко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́, и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́