Ирмосы канона Богородице, глас 4.

Песнь 1

Отве́рзу уста́ моя́, / и напо́лнятся Ду́ха, / и сло́во отры́гну Цари́це Ма́тери, / и явлю́ся, све́тло торжеству́я, // и воспою́, ра́дуяся, Тоя́ чудеса́.

Песнь 3

Твоя́ песносло́вцы, Богоро́дице, / живы́й и незави́стный исто́чниче, / лик себе́ совоку́пльшия духо́вно утверди́, / в Боже́ственней Твое́й сла́ве // венце́в сла́вы сподо́би.

Песнь 4

Седя́й в сла́ве / на Престо́ле Божества́, / во о́блаце ле́гце, / прии́де Иису́с Пребоже́ственный, / нетле́нною дла́нию, и спасе́ зову́щия: // сла́ва, Христе́, си́ле Твое́й.

Песнь 5

Ужасо́шася вся́ческая / о Боже́ственней сла́ве Твое́й: / Ты бо, Неискусобра́чная Де́во, / име́ла еси́ во утро́бе над все́ми Бо́га, / и родила́ еси́ Безле́тнаго Сы́на, / всем воспева́ющим Тя // мир подава́ющая.

Песнь 6

Боже́ственное сие́ и всечестно́е / соверша́юще пра́зднество, / Богому́дрии, Богома́тере, / прииди́те, рука́ми воспле́щим, // от Нея́ ро́ждшагося Бо́га сла́вим.

Песнь 7

Не послужи́ша тва́ри Богому́дрии / па́че Созда́вшаго, / но о́гненное преще́ние му́жески попра́вше, / ра́довахуся, пою́ще: // препе́тый отце́в Госпо́дь и Бог, благослове́н еси́.

Чтец, читая тропари 8-й песни канона, припев «Сла́ва Отцу́ и Сы́ну и Свято́му Ду́ху» заменяет припевом «Благослови́м Отца́ и Сы́на и Свята́го Ду́ха, Го́спода».

После чтения тропарей 8-й песни канона, перед катавасией, поем: Хва́лим, благослови́м, / покланя́емся Го́сподеви, / пою́ще и превознося́ще во вся ве́ки.

Песнь 8

Отроки благочести́выя в пещи́ / Рождество́ Богоро́дичо спасло́ есть: / тогда́ у́бо образу́емое, / ны́не же де́йствуемое, / вселе́нную всю воздвиза́ет пе́ти Тебе́: / Го́спода по́йте дела́ // и превозноси́те Его́ во вся ве́ки.

Диакон: Богоро́дицу и Ма́терь Све́та в пе́снех возвели́чим.

Песнь Пресвятой Богородицы

Хор: Вели́чит душа́ Моя́ Го́спода, / и возра́довася дух Мой о Бо́зе, Спа́се Мое́м.

Честне́йшую Херуви́м / и Сла́внейшую без сравне́ния Серафи́м, / без истле́ния Бо́га Сло́ва ро́ждшую, // су́щую Богоро́дицу, Тя велича́ем. (На каждый стих)

Яко призре́ на смире́ние Рабы́ Своея́, / сe бо отны́не ублажа́т Мя вси ро́ди. Честне́йшую...

Яко сотвори́ Мне вели́чие Си́льный, и свя́то И мя Его́, / и ми́лоcть Его́ в ро́ды родо́в боя́щымся Его́. Честне́йшую...

Сотвори́ держа́ву мы́шцею Свое́ю, / расточи́ го́рдыя мы́слию се́рдца их. Честне́йшую...

Низложи́ си́льныя со престо́л и вознесе́ смире́нныя; / а́лчущыя испо́лни благ и богатя́щыяся отпусти́ тщы. Честне́йшую...

Восприя́т Изра́иля, о́трока Своего́, помяну́ти ми́лоcти, / я́коже глаго́ла ко отце́м на́шым, Авраа́му и се́мени его́ да́же до ве́ка. Честне́йшую...

И далее — 9-я песнь канона. После нее — катавасия.

Песнь 9

Всяк земноро́дный / да взыгра́ется, Ду́хом просвеща́емь, / да торжеству́ет же Безпло́тных умо́в естество́, / почита́ющее свяще́нное торжество́ Богома́тере, / и да вопие́т: / ра́дуйся, Всеблаже́нная, // Богоро́дице Чи́стая Присноде́во.

Малая ектения

Диакон: Па́ки и па́ки ми́ром Го́споду помо́лимся.

Хор: Го́споди, поми́луй. (На первые два прошения)

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Священник: Я ко Тя хва́лят вся Си́лы Небе́сныя, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Хор: Ами́нь.

[Если бдение воскресное, то после «Аминь»:

Диакон: Свят Госпо́дь Бог наш.

Хор: Свят Госпо́дь Бог наш.

Диакон: Яко Свят Госпо́дь Бог наш.

Хор: Свят Госпо́дь Бог наш.

Диакон: Над все́ми людьми́ Бог наш.

Хор: Свят Госпо́дь Бог наш. ]

Чтец читает ексапостиларий (светилен).

Стихиры на Хвалитех

Канонарх: Глас 1-й. Вся́кое дыха́ние да хва́лит Го́спода.

Хор: Вся́кое дыха́ние да хва́лит Го́спода. / Хвали́те Го́спода с Небе́с, / хвали́те Его́ в вы́шних. // Тебе́ подоба́ет песнь, Бо́гу.

Хвали́те Его́, вси А нгели Его́, / хвали́те Его́, вся Си́лы Его́. // Тебе́ подоба́ет песнь, Бо́гу*.

*Канонарх или Хор:

Хвали́те Его́, со́лнце и луна́, хвали́те Его́, вся зве́зды и свет. Хвали́те Его́ Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. Поста́ви я в век и в век ве́ка, повеле́ние положи́, и не ми́мо и́дет. Хвали́те Го́спода от земли́, зми́еве и вся бе́здны: огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты. Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о Сотво́ршем eго́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Яко благоволи́т Госпо́дь в лю́дех Свои́х, и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.

(Далее последний, 9-й, стих 149-го псалма, а затем каждый из стихов 150-го псалма (кроме 5-го стиха, который канонарх читает целиком), читаются канонархом до половины. Хор поёт вторую их половину (а после 5-го стиха, возглашаемого канонархом, хор поёт 6-й стих целиком) и сразу начинает петь стихиру. По окончании стихиры канонарх возглашает первую половину следующего стиха псалма. Хор поёт вторую его половину и следующую стихиру. И т. д., пока не будет пропета стихира после последних, 5-го и 6-го, стихов 150-го псалма, объединённых вместе: «Хвалите Его в кимвалех доброгласных, хвалите Его в кимвалех восклицания. / Всякое дыхание да хвалит Господа». Все эти стихи напечатаны в Часослове (сс. 60 — 63) подряд, без разбивки на псалмы и без своих порядковых номеров. Действия канонарха при перемене гласа стихиры и при переходе к стихирам другого святого того же гласа — см. на «Господи, воззвах…»)

На 6:

Сотвори́ти в них суд напи́сан, / сла́ва сия́ бу́дет всем преподо́бным Его́.

Хвали́те Бо́га во святы́х Его́, / хвали́те Его́ во утверже́нии си́лы Его́.

На 4:

Хвали́те Его́ на си́лах Его́, / хвали́те Его́ по мно́жеству вели́чествия Его́.

Хвали́те Его́ во гла́се тру́бнем, / хвали́те Его́ во псалти́ри и гу́слех.

Хвали́те Его́ в тимпа́не и ли́це, / хвали́те Его́ во стру́нах и орга́не.

Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.*

*На воскресном всенощном бдении на Хвалитех поётся 8 стихир. Стихи к последним двум стихирам берутся не из вышеуказанных псалмов, а из 9-го псалма (33-й и 2-й стихи) — для воскресных стихир (эти стихи можно найти на утрени на Хвалитех, в воскресной службе Октоиха), и из других псалмов — если празднуется память святого, и поются его стихиры (смотри эти стихи на стиховне вечерни в службе святому, в Минее). Эти последние, особые, два стиха-припева прибавляются к шести обычным припевам, после них пропеваются стихиры, а затем поются стихиры на «Слава» и на «И ныне». Стихиры на «Слава» и на «И ныне» на Хвалитех поются так же, как на «Господи, воззвах…»

Стихи к воскресным стихирам*

Воскресни́, Го́споди, Бо́же мой, да вознесе́тся рука́ Твоя́, / не забу́ди убо́гих Твои́х до конца́.

Испове́мся Тебе́, Го́споди, всем се́рдцем мои́м, / пове́м вся чудеса́ Твоя́.

*Если празднуется святой, здесь поются стихи стиховных стихир вечерни из службы святому.

Хор: Слава: стихира Евангельская, рядовая*.

*(Если эта стихира не поётся здесь, то она читается на «Слава, и ныне» перед 1-м часом. Смотри Устав. Евангельские стихиры можно найти в Приложении к данному изданию)

Канонарх: И ны́не, глас 2:

Хор: И ны́не и при́сно и во ве́ки веко́в. Ами́нь.

Богородичен*

*Этот богородичен поётся только на воскресной утрени.

Хор: Преблагослове́нна еси́, Богоро́дице Де́во, / Вопло́щшим бо Ся из Тебе́ ад плени́ся, / Ада́м воззва́ся, / кля́тва потреби́ся, / Е ва свободи́ся, / смерть умертви́ся, и мы ожи́хом. / Тем, воспева́юще, вопие́м: / благослове́н Христо́с Бог, // благоволи́вый та́ко, сла́ва Тебе́.

Священник: Сла́ва Тебе́, показа́вшему нам свет.

Великое славословие

Хор: Сла́ва в вы́шних Бо́гу, / и на земли́ мир, / в челове́цех благоволе́ние. / Хва́лим Тя, благослови́м Тя, / кла́няем Ти ся, славосло́вим Тя, благодари́м Тя / вели́кия ра́ди сла́вы Твоея́. / Го́споди, Царю́ Небе́сный, Бо́же, О тче Вседержи́телю, / Го́споди Сы́не Единоро́дный, Иису́се Христе́, и Святы́й Ду́ше. / Го́споди Бо́же, А гнче Бо́жий, Сы́не Оте́чь, / взе́мляй грех ми́ра, поми́луй нас, / взе́мляй грехи́ ми́ра, приими́ моли́тву на́шу; / седя́й одесну́ю Отца́, поми́луй нас. / Яко Ты еси́ Еди́н Свят; / Ты еси́ Еди́н Госпо́дь, Иису́с Христо́с, в сла́ву Бо́га Отца́. Ами́нь.

На всяк день благословлю́ Тя и восхвалю́ И мя Твое́ во ве́ки, и в век ве́ка.

Сподо́би, Го́споди, в день сей без греха́ сохрани́тися нам. / Благослове́н еси́, Го́споди, Бо́же оте́ц на́ших, / и хва́льно и просла́влено Имя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя.

Благослове́н еси́, Го́споди, научи́ мя оправда́нием Твои́м. (Трижды)

Го́споди, прибе́жище был еси́ нам в род и род. / Аз рех: Го́споди, поми́луй мя, исцели́ ду́шу мою́, я́ко согреши́х Тебе́.

Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, / я́ко у Тебе́ исто́чник живота́, / во све́те Твое́м у́зрим свет. // Проба́ви ми́лость Твою́ ве́дущим Тя.

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Святы́й Безсме́ртный, поми́луй нас.

Святы́й Бо́же, Святы́й Кре́пкий, Святы́й Безсме́ртный, поми́луй нас.

Тропарь воскресный по Великом славословии:

Если глас Недели 1, 3, 5, 7:

Днесь спасе́ние ми́ру бысть, / пое́м Воскре́сшему из гро́ба, / и Нача́льнику жи́зни на́шея: / разруши́в бо сме́ртию смерть, // побе́ду даде́ нам, и ве́лию ми́лость.

Если глас Недели 2, 4, 6, 8:

Воскре́с из гро́ба, и у́зы растерза́л еси́ а́да, / разруши́л еси́ осужде́ние сме́рти, Го́споди, / вся от сете́й врага́ изба́вивый, / яви́вый же Себе́ апо́столом Твои́м, / посла́л еси́ я на про́поведь, / и те́ми мир Твой по́дал еси́ вселе́нней, // еди́не Многоми́лостиве.

Сугубая ектения

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор: Го́споди, поми́луй. (Трижды, на каждое прошение)

Диакон: Еще́ мо́лимся о Вели́ком Господи́не и Отце́ на́шем Святе́йшем Патриа́рсе Кири́лле и о Господи́не на́шем Преосвяще́ннейшем епи́скопе (имярек епархиального архиерея), и всей во Христе́ бра́тии на́шей.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Еще́ мо́лимся о блаже́нных и приснопа́мятных созда́телех свята́го хра́ма сего́ (если в монастыре, то: святы́я оби́тели сея́), и о всех преждепочи́вших отце́х и бра́тиях, зде лежа́щих и повсю́ду, правосла́вных.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (если в монастыре, то: святы́я оби́тели сея́).

Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Священник: Яко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Просительная ектения

Диакон: Испо́лним у́треннюю моли́тву на́шу Го́сподеви.

Хор: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диакон: Дне всего́ соверше́нна, свя́та, ми́рна и безгре́шна у Го́спода про́сим.

Хор: Пода́й, Го́споди. (На каждое прошение, кроме последнего)

Диакон: Ангела ми́рна, ве́рна наста́вника, храни́теля душ и теле́с на́ших у Го́спода про́сим.

Проще́ния и оставле́ния грехо́в и прегреше́ний на́ших у Го́спода про́сим.

До́брых и поле́зных душа́м на́шим и ми́ра ми́рови у Го́спода про́сим.

Про́чее вре́мя живота́ на́шего в ми́ре и покая́нии сконча́ти у Го́спода про́сим.

Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на Стра́шнем Суди́щи Христо́ве про́сим.

Пресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Священник: Яко Бог ми́лости и щедро́т, и человеколю́бия еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Священник: Мир всем.

Хор: И ду́хови твоему́.

Диакон: Главы́ на́ша Го́сподеви прикло́ним.

Хор: Тебе́, Го́споди. (Медленно, чтобы священник успел прочитать молитву)

Молитва главопреклонения

Священник: Го́споди Святы́й, в Вы́шних живы́й и на смире́нныя призира́яй, и Всеви́дящим Оком Твои́м призира́яй на всю тварь: Тебе́ приклони́хом вы́ю се́рдца и телесе́, и мо́лимся Тебе́: простри́ ру́ку Твою́ неви́димую от свята́го жили́ща Твоего́ и благослови́ вся ны: и а́ще что согреши́хом, во́лею или́ нево́лею, я́ко Благ и Человеколю́бец Бог, прости́, да́руя нам ми́рная и преми́рная блага́я Твоя́.

Священник: Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: Ами́нь.

Диакон: Прему́дрость.

Хор: Благослови́.

Священник: Сый благослове́н Христо́с Бог наш, всегда́, ны́не и при́сно, и во ве́ки веко́в.

Хор: Ами́нь. Утверди́, Бо́же, святу́ю правосла́вную ве́ру правосла́вных христиа́н, во век ве́ка.

Священник: Пресвята́я Богоро́дице, спаси́ нас.

Хор: Честне́йшую Херуви́м и Сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Священник: Сла́ва Тебе́, Христе́ Бо́же, Упова́ние на́ше, сла́ва Тебе́.

Хор: Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в.Ами́нь.

Го́споди, поми́луй. (Трижды) Благослови́.

Отпуст (в воскресенье)

Священник: Воскресы́й из ме́ртвых, Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных апо́стол (далее упоминаются святой храма и святые дня), святы́х пра́ведных Богооте́ц Иоаки́ма и А нны и всех святы́х, поми́лует и спасе́т нас, я́ко Благ и Человеколю́бец.

Многолетие

Хор: Вели́каго Господи́на и Отца́ на́шего Кири́лла, / Святе́йшаго Патриа́рха Моско́вскаго и всея́ Руси́, / и Господи́на на́шего Преосвяще́ннейшаго (имярек), / митрополи́та (или: архиепи́скопа, или: епи́скопа) (епархиальный титул его), / богохрани́мую страну́ на́шу Росси́йскую, вла́сти и во́инства ея́, / настоя́теля, братию и прихо́жан свята́го хра́ма сего́ и вся правосла́вныя христиа́ны, // Го́споди, сохрани́ их на мно́гая ле́та.

В кафедральных соборах и монастырях епархии после Многолетия поётся: Исполла эти дэспота.

Если на Хвалитех на «Славу» не положена воскресная евангельская стихира, то она поётся или читается после Многолетия (или после Исполла эти дэспота) на «Слава, и ныне:».