Написанный по благословению Иова, митрополита Челябинского и Златоустовского, насельницей Свято-Успенского монастыря г. Александров монахиней Елизаветой (Максютовой)

Акафист

Для канонизации

Евдокии Чудиновской

 

Написанный по благословению Иова, митрополита Челябинского и Златоустовского, насельницей Свято-Успенского монастыря г. Александров монахиней Елизаветой (Максютовой)

(а пока, для келейного чтения)

Г.

Акафист

Блаженной Евдокии Чудиновской

дни памяти 5 марта; 14 марта

 

Кондак 1

Избранная Богом на служение ближним, блаженная дево-старица и молитвеница Евдокие, с семилетнего возраста кротко претерпевая страдания, гонения, клевету, нищету Господа ради, принимая это, яко от руки Божией, прощая от сердца их обиды, не оставляй нас, любящих тебя, без своего заступления и моления пред Создателем нашим, да сохранит Он нас от враг видимых и невидимых, зовущих тебе:

Радуйся, блаженная Евдокие, молитвы наша к Богу возносящая.

Икос 1

Равноангельнаго жития взыскала еси, блаженная мати, понесла труды и скорби от лет отроческих, мучения принимая от родного отца. Богородица же тебе Материю нареклася и с тобою непосильныя труды разделила. Того ради возносим тебе похвалы, вопиюще:

 

Радуйся, Божиею Материю отмеченная;

Радуйся, с детства Богу себе посвятившая;

Радуйся, незлобия приятелище;

Радуйся, врагам милость подающая;

Радуйся, злобу мира не приявшая;

Радуйся, помощница в бедах наших;

Радуйся, блаженная Евдокие, молитвы наша к Богу возносящая.

 

Кондак 2

Видевше духовными очами кротость и незлобие Господа Иисуса Христа, егда Он прощал врагов и мучителей Своих в невообразимых страданиях на Кресте, и ты терпела еси странствия земныя, постоянного жительства не имущая, аки светильник горящий ходя по стопам заповедей Божиих, в трудах и скорбях, в лютых искушениях от людей озлобленных, любовию их побеждая, научая пети Богу: Аллилуия.

Икос 2

Разум тебе от Бога данный наставил тебя на истинном пути, блаженная наша Дунюшка. Понесла плен от разбойников, непосильныя труды от мачехи, от отца укорение. Мы же, дивящеся твоей безропотности детской, взываем хвалебно тебе:

 

Радуйся, каменныя наша сердца размягчающая;

Радуйся, воспоминающих страдания твоя, от безчувствия обращающая;

Радуйся, просящим: «Дунюшка, Дунюшка, помоги мне» - покров молитвенный;

Радуйся, души наша ко спасению наставляющая;

Радуйся, милости Божия нам раздающая;

Радуйся, края нашего ограда;

Радуйся, всех нас, яко мати заступающая;

 

Радуйся, блаженная Евдокие, молитвы наша к Богу возносящая.

Кондак 3

Силою Свыше, от Бога тебе дарованною, лютую стужу и клевету мужественно претерпела еси, обливаемая ледяною водою, но согреваемая Божиею Материю. Мы же дивяся твоему всепрощению к обидящим тя и терпению, воспеваем Богу: Аллилуия.

              

Икос 3

Имея силу духовную, пронесла крест свой, подражая Господу. Восходила, дево, на свою Голгофу, привязанная к древу и обливаемая в стужу ледяною водою. Наказана была посещения ради отшельника, исцелявшаго твои гноящиеся раны, утешающаго тебя в пещере своей, открывшего тебе тайну, яко был в миру женою в естестве; послежде пред всеми тайну свою поведал еси, дабы покаялися людие во зле и жестокости. Возвращённая к жизни милосердием Божиим, явила ты, Дунюшка, пример всепрощения виновным в мучениях твоих. И мы с любовию сердечной взываем к тебе:

 

Радуйся, холод и клевету преодолевшая;

Радуйся, льдины душ наших растопляющая;

Радуйся, снег наших отношений мерзлых в воду благодати претворяющая;

Радуйся, огонь в сердцах наших возжигающая;

Радуйся, солнце правды нам показующая;

Радуйся, предстательством твоим нам вечную пасху уготовляющая;

 

Радуйся, блаженная Евдокие, молитвы наша к Богу возносящая.

 

Кондак 4

Бурю радости и скорби испытала еси, блаженная Евдокие, егда пришедый к тебе под видом странника угодник Божий Николай. Душу твою отделивши от тела, провел тебя по обителем вечности святых и грешных. Тридневно пребывала еси во гробе, узревши Суды Божии и получивши дар прозорливости. Мы же, страшася грехов, покаянно Богу вопием: Аллилуия.

           

Икос 4

Слышавше людие от священнослужителя пасхальное приветствие к восставшей из гроба тебе в конце отпевания, и о виденных тобою райских селениях, о муках нераскаянных грешников в аду, просящих тебя: «Вернись на Землю и вымоли нас из места сего мучения», исполнились радости о твоем воскресении и чувствами покаяния. Воспоминая это, в страхе взываем тебе:

 

Радуйся, смерть прежде срока видевшая;

Радуйся, райския селения посетившая;

Радуйся, беседами твоими в спасении нам помогающая;

Радуйся, вопль матери своей во аде услышавшая;

Радуйся, молящаяся за души, мучимые грехами;

Радуйся, сияющая неземным светом райския радости;

 

Радуйся, блаженная Евдокие, молитвы наша к Богу возносящая.

Кондак 5

Боготечною звездою, предвозвещающею мучения, явилися обе блажении, в народе зовомыя Дунюшка Чудиновская и Паша Саровская, царю нашему Николаю, егда за трапезой падением его со стула предсказали ему падение престола Российскаго и муки, чрез три года сбывшиеся. Но, по милости Божией, молитвами Новомученников и всех подвижников, плачущих о России, ныне мы можем пети Богу: Аллилуия.

 

Икос 5

Видевше скорбь блаженных о падении его со стула, аки со престола Российскаго, царь Николай, приняв дары во время поминальной о преподобном Серафиме трапезы, не поимел в сердце своем обиды за падение свое на землю, якобы от невнимания Дунюшки произшедшее, но благодушно глаголал: «Не со престола же падение». Видевши пророчество сбывшимся, во умилении воспеваем тебе, наша блаженная мати:

 

Радуйся, тайны Божия возвещающая;

Радуйся, за отечество и царя готовая душу положити;

Радуйся, назидание народа твоего;

Радуйся, со блаженными и праведными за Россию скорбящая;

Радуйся, мысли наша к Престолу вечности возводящая;

Радуйся, Царя царей видевшая;

 

Радуйся, блаженная Евдокие, молитвы наша к Богу возносящая.

Кондак 6

Проповедуют святость жития твоего, богоблаженная, людие, получая от тебе помощь молитвами твоими. И по смерти твоей не оставляеши нас, блаженная Дунюшка, собирая на могиле твоей народ убогий и разсеянный; и ныне село Чудиново слышит пение: Аллилуия.

Икос 6

  Возсияла слава подвигов твоих, блаженная мати, зимою и летом спешат людие к тебе с бедами своими тропою незарастающею из мест дальних и ближних. Ограда твоя, цельноспаенная, дивно расширилась, дабы вкупе мы пели на могиле твоей в радости:

Радуйся, блаженство у Бога обретшая;

Радуйся, всех к себе призывающая;

Радуйся, матерь нам добрая;

Радуйся, в печали нас утешающая;

Радуйся, в житейских делах нам помощница;

Радуйся, получившая от Бога дар чудотворения;

 

Кондак 7

Хотя избавити от скорби плачущаго человека, душею неустроеннаго, вразумила некую девицу в Чудиново спешити и тамо мужа себе обрести и утешити. И совершися тако, якоже ты вразумила еси, дабы они в радости воспевали Богу: Аллилуия.

             

Икос 7

Новый источник чудес могилою твоею в Чудиново открыт жаждущим благодати людем молитвами твоими, блаженная мати Евдокие, спешащим к твоей ограде проливати слезы покаяния. И тако очистившись душею, радостным сердцем возносим тебе:

 

Радуйся, зрение имевшая духовное;

Радуйся, нас от слепоты избавляющая;

Радуйся, мир духовный видети научающая;

Радуйся, помогающая нам душу свою полагати в руце Божии;

Радуйся, примером жития своего вразумляющая;

Радуйся, простоту веры нам показующая;

 

Радуйся, блаженная Евдокие, молитвы наша к Богу возносящая.

 

Кондак 8

Странницей бездомной прошла еси путь жизни твоей, промыслом Божиим достигла Иерусалима; не убоявшись бури морской пламенно молила Господа о людех, пребывающих в ужасе, спасая их молитвою, дабы пели Богу: Аллилуия.

Икос 8

Вся бывши отдана в волю Божию, блаженная Евдокие, молитвы возносила ко престолу Небеснаго Отца за люди Его, на пути в Иерусалим, в беде находящихся. И по молитвам твоим корабль от бури спасеся. Ты же утопала в холодной морской пучине, сброшенная туда чьею-то рукою дерзкою. И Матерь Божия, обнявши тебя в воде, чудесно утешила и спасла от потопления, дабы молилась ты за мир, грехами обуреваемый, да и мы вопием тебе:

 

Радуйся, бурю душ наших утишающая;

Радуйся, молитвою к Богу с корабля утопшего люди спасшая;

Радуйся, добрую пристань примером своего незлобия нам готовящая;

Радуйся, кротостию своею в душах наших стихии страстей укрощающая;

Радуйся, Земли обетованной цвет красный;

Радуйся, со всеми спутниками в святой град Иерусалим достигшая;

Радуйся, блаженная Евдокие, молитвы наша к Богу возносящая.

 

Кондак 9

Всякия претерпела еси болезни, блаженная мати, нищету телесную, глад и жажду, но укрепляемая Господом, явилась нам источником благодати, напояющим жаждущих, дабы утешенные пели Богу: Аллилуия.

 

Икос 9

Ветии многовещанныя воспети и прославити без помощи Божией не возмогут, како ты незлобием и верою в Господа безумие мира обличила еси и немощию плоти своей посрамила еси крепкия и мудрыя века безбожнаго. Не удали, Дунюшка, от нас своего заступления, устрояя обитель под покровом твоим, у могилы твоей воспевающим:

Радуйся, источник молитв и благодати;

Радуйся, сиротам и вдовицам заступление;

Радуйся, река, текущая к Богу;

Радуйся, Православия утверждение и очищение;

Радуйся, от ложных учений души людския отвлекающая;

Радуйся, источник чудес и благодати Христовой;

Радуйся, блаженная Евдокие, молитвы наша к Богу возносящая.

Кондак 10

Спасти хотя душу твою, ты плоть духовно распяла еси и, невозвратно себя отвергшись, обильно источаеши благодати чудеса и росу душам, утомленным бедами. Не остави нас, Дунюшка, воспевающих с тобою Богу: Аллилуия.

           

Икос 10

Стена еси твердая явилася ты, молящимся тебе, девица-мати, Матери Божией покровом отмеченная. В бедах и несчастиях всегда молилась Господу, воспоминая Его крестныя страдания. Тем же зовем ти:

 

Радуйся, обретшая в страданиях Христа;

Радуйся, скорбями очищенная;

Радуйся, за Христом последовавшая;

Радуйся, радостно к Богу отшедшая;

Радуйся, народ свой не оставляющая;

Радуйся, церковь Вознесения Господня нам в наследие заповедавшая;

Радуйся, блаженная Евдокие, молитвы наша к Богу возносящая.

Кондак 11

Пение хвалебное приносят ти, Дунюшка блаженная, благодарнии людие, воспоминая во граде Иерусалиме, поучения твоя о духовной небесной лествице, в трепете виденной и ветхозаветным патриархом Иаковом, и явление тебе Свыше свечи горящей, стоящей на просфоре, егда она опустилась к тебе на плечо. В радости о милости Божией возносим песнь: Аллилуия.

Икос 11

Светозарным светом явилось житие твое, святая мати, во мраке жития сего освещающая люди. Пребывая во граде Божием, указала нам на Иерусалим небесный, вещая о путех Горних. Не забуди нас, наша Дунюшка, ползающих в рве погибели, дабы и нам воспети радость вечную:

 

Радуйся, веру в людях укрепляющая;

Радуйся, град обетования нам показующая;

Радуйся, в делах благих путеводительнице;

Радуйся, в видениях Свыше проявляющая глубокое смирение;

Радуйся, в безропотности токи благодатных слез проливающая;

Радуйся, примером жизни своей врачующая души убогия;

 

Радуйся, блаженная Евдокие, молитвы наша к Богу возносящая.

Кондак 12

Благодать обильно источаеши от Источника приснотекущего, блаженная Евдокие, подражая женам благовестницам, егда Господь явил чудо в веси Ячменке, названной Чудиново по воскресении твоем из мертвых; за клевету ледяною водою обливаемую и от сего умершую. По прошествии времене паки умершую воскресил тебя Бог, на укрепление людей верою в Воскресение из мертвых Сына Божия, и поем Ему: Аллилуия.

Икос 12

Поюще многая чудеса твоя, от Бога тебе ради нам явленныя, блаженная мати, в духе пасхальной радости, славя Воскресение Христово, поем тебе, воскресение получившей:

 

Радуйся, в мир иной сопровождаемая и возвращенная святителем Николаем;

Радуйся, возбудившая восстанием твоим священника пети слова Пасхи Христовой;

Радуйся, по воскресении твоем в руках держащая благоухающие цветы райския;

Радуйся, яко твоим воскресением Бог нам падшим дарует душ воскресение;

Радуйся, женам мироносицам подражающая;

Радуйся, у дверей Чертога Царскаго нас встречающая;

 

Кондак 13

О молитвеннице ко Христу и Его Матери, блаженная наша Дунюшка, моли о нас, погибающих, дабы и нам обрести спасение, живущим в мире, не видящем пасти дракона отверстой, желающей поглотити в себе души ленивыя и гордыя. Мы же уповаем на твое молитвенное заступление, воспеваем Богу: Аллилуия

Этот кондак чи­та­ет­ся трижды, за­те́м 1-й икос «Ангелом светлым, хранителем твоим...» и
1-й кондак «Избранной угоднице Христа Бога нашего блаженной Евдокии составим похвалу...»

Икос 1

Равноангельнаго жития взыскала еси, блаженная мати, понесла труды и скорби от лет отроческих, мучения принимая от родного отца. Богородица же тебе Материю нареклася и с тобою непосильныя труды разделила. Того ради возносим тебе похвалы, вопиюще:

 

Радуйся, Божиею Материю отмеченная;

Радуйся, с детства Богу себе посвятившая;

Радуйся, незлобия приятелище;

Радуйся, врагам милость подающая;

Радуйся, злобу мира не приявшая;

Радуйся, помощница в бедах наших;

Радуйся, блаженная Евдокие, молитвы наша к Богу возносящая.

 

Кондак 1

Избранная Богом на служение ближним, блаженная дево-старица и молитвеница Евдокие, с семилетнего возраста кротко претерпевая страдания, гонения, клевету, нищету Господа ради, принимая это, яко от руки Божией, прощая от сердца их обиды, не оставляй нас, любящих тебя, без своего заступления и моления пред Создателем нашим, да сохранит Он нас от враг видимых и невидимых, зовущих тебе:

Радуйся, блаженная Евдокие, молитвы наша к Богу возносящая.

Мо­ли́т­ва к угоднице Божией

Тропарь, глас 6

Блаженную нашу молитвенницу / Чудиновскую старицу Евдокию / земли Уральския цвет благоуханный восхвалим / и не престанем умоляти / не остави нас сирых без твоего заступления / но молися за ны ко Господу / да подаст Он нам просимое / во спасение душ наших.

 

 

Кондак, глас 6

 

От младенства служити Христу предизбранная / Тому усердно подражающи / безропотно крест скорбей понесшая / и радость в терпении обретшая / благодати дар получившая / приходящих к тебе утешая / пример житием твоим нам являя / не остави нас, дева-старица / моляся о нас и духом с нами пребывая / молитвы наша к Богу возносящи.    

 

Акафист

Для канонизации

Евдокии Чудиновской

 

написанный по благословению Иова, митрополита Челябинского и Златоустовского, насельницей Свято-Успенского монастыря г. Александров монахиней Елизаветой (Максютовой)

(а пока, для келейного чтения)

Г.

Акафист