Тропарь св. Иоанну Предтечи, глас 2

Память праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже, за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.

Кондак, глас 6

Пророче Божий и Предтече благодати,/ главу твою, яко шипок священнейший, от земли обретше,/ исцеления всегда приемлем,/ ибо паки, якоже прежде,// в мире проповедуеши покаяние.

Величание

Величаем Тя, / Крестителю Спасов Иоанне / и почитаем вси // честныя Твоея главы обретение.

Стихира, глас 6

Глава, яже Агнца Божия проповедавшая, / плотию явльшагося, / и всем покаяния спасенныя пути Божественными заповедьми известившая, / яже прежде Иродово законопреступление обличившая / и сего ради отсечена от телесе, / и на время подъемшая сокровение, / якоже светоявленное нам возсия солнце, / покайтеся – вопиющая - / и ко Христу ныне предложитеся во умилении душевном, // подающему миру велию милость.

КЕЛЬЯ ПРЕПОДОБНОЙ ПЕЛАГЕИ

Тропарь, глас 8

В тебе мати известно спасеся, еже по образу:/ приимши бо крест, последовала еси Христу,/ и, деющи, учила еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобная Пелагие, дух твой.

Кондак, глас 2

Тело твое постами изнуривши, / бденными молитвами Творца умолила еси о деяниях твоих, / яко да приимеши совершенное оставление,/ еже и обрела еси, мати, яве,// путь покаяния показавши.

Величание

Ублажаем тя, / преподобная мати Пелагие, / и чтим святую память твою, / ты бо молиши за нас // Христа Бога нашего.

Октября. Воскресенье. День седьмой.

Завтрак. Эв е 'н Сап и 'р. Пустынька св. Иоанна Крестителя. Эйн-К а ' рем. Русский Горненский монастырь.

АКЕЛДАМА

МОНАСТЫРЬ ПРП. ОНУФРИЯ ВЕЛИКОГО

Тропарь прп. Онуфрию, глас 8

В тебе, отче, известно спасеся, еже по образу: / приим по крест, последовал еси Христу / и Дея учил еси презирати убо плоть, преходит бо, / прилежати же о души, вещи безсмертней; / темже и со Ангелы срадуется, преподобне Онуфрие, дух твой.

Кондак, глас 3

Сиянием Духа Пресвятаго, богомудре, просвещся, / оставил еси яже в житии молвы, / пустыню же достигл, преподобне отче, / возвеселил еси Иже над всеми Бога и Зиждителя, / сего ради прославляет тя // Христос, блаженне, великий Дародатель.

Ублажаем тя, / преподобне отче Онуфрие, / и чтим святую память твою, / наставниче монахов // и собеседниче Ангелов.

Антифон, глас 6:

Тече глаголя Иуда беззаконным книжником: / что мне хощете дати, / и аз вам предам Его? / Среди же совещавающих/ Сам стоял еси невидимо Совещаваемый:// Сердцеведче, пощади души наша.

Милостию Богови послужим, / якоже Мария на вечери, / и не стяжим сребролюбия, яко Иуда: // да всегда со Христом Б о гом будем.

Слава, и ныне: Егоже родила еси, Дево, неизреченно, / выну яко Человеколюбца  / не престай молящи, // да от бед спасет вся к Тебе прибегающия.

Антифон, глас 2:

Лазарева ради восстания, Господи, / осанна Тебе зваху дети еврейския, Человеколюбче; // беззаконный же Иуда не восхоте разумети.

На вечери Твоей, Христе Боже, / учеником Твоим предглаголал еси: / един он вас предаст мя; // беззаконный же Иуда не восхоте разумети.

Иоанну вопросившу: Господи, / предаяй Тя кто есть? / Того хлебом показал еси; // беззаконный же Иуда не восхоте разумети.

На тридесятих сребреницех, Господи, / и на лобзании льстивном / искаху иудее убити Тя; // беззаконный же Иуда не восхоте разумети.

На умовении Твоем, Христе Боже, / учеником Твоим повелел еси: / сице творите, якоже видите; // беззаконный же Иуда не восхоте разумети.

Бдите и молитеся, / да не внидете в напасть, / учеником Твоим, Христе Боже наш, глаголал еси; // беззаконный же Иуда не восхоте разумети. 

Слава, И ныне. Спаси от бед рабы Твоя, Богородице, / яко вси по Бозе к Тебе прибегаем // яко нерушимей стене и предстательству.

Антифон, глас 5:

Днесь Иуда оставляет Учителя / и приемлет диавола, / ослепляется страстию сребролюбия, / отпадает Света, омраченный: / как бо можаше зрети, / Светило продавый на тридесятих сребреницех? / Но нам возсия Страдавый за мир, / к Немуже возопим: / пострадавый и сострадавый человеком, // Господи, слава тебе!

Днесь Иуда притворяет богочестие / и отчуждается дарования, / сый ученик, бывает предатель; / во обычном лобзании лесть покрывает, / и предпочитает Владычния любве / несмысленно работати сребролюбию, / наставник быв соборища беззаконнаго. // Мы же имущее Спасение – Христа, Того прославим.

Тропарь, глас 8

Егда славнии ученицы на умовение вечери просвещахуся, / тогда Иуда злочестивый сребролюбием нелуговав омрачашеся, / и беззаконным судиям Тебе праведнаго Судию предает. / Виждь, имений рачителю, / сих ради удавление употребивша. / Бежи несытыя души, / Учителю таковая дерзнувшая. // Иже о всех Благий Господи, слава тебе.

СИЛОАМСКАЯ КУПЕЛЬ

Кондак, глас 4

Душевными очима ослеплен, / к Тебе, Христе, прихожду, / якоже слепый от рождения, / покаянием зову Ти: / Ты сущих во тьме Свет пресветлый.

Стихира, глас 2

Слепый родивыйся, в своем помысле глаголаше: / еда аз грех ради родительных родихся без очию, / еда аз за неверие языков родихся во обличение? / Не домышляюся вопрошати, / когда нощь, когда день? / Не терпита ми нозе каменнаго претыкания, / не видех бо солнца сияюща, / ниже во образе мене Создавшаго. / Но молю Ти ся Христе Боже, // призри на мя и помилуй мя.

Мимоходя Иисус от святилища, / обрете человека слепа от рождения, / и умилосердився положи брение на очию его, / и рече к нему: иди умыйся в Силоаме, / и умывся прозре, славу возсылая Богу. / Соседи же его глаголаху ему: / кто твои зеницы отверзе, / ихже никтоже от зрящих исцелити возможе? / Он же возопив, рече: / Человек Иисус глаголемый, / Он ми рече, умыйся в Силоаме, и прозрех. / Той есть воистинну, / Егоже рече Моисей в законе, Христа Мессию: // Той есть Спас душ наших.

Стихира, глас 5

Господи, мимоходя путем, / обрел еси человека слепа от рождения, / и удивлени бывше ученицы, вопрошаху Тя глаголюще: / Учителю, кто согреши: / сей ли, или родители его, да слеп родися? / Ты же Спасе мой возопил еси к ним: / ни сей согреши, ни родители его, / но да явятся дела Божия на нем. / Мне подобает делати дела Пославшаго Мя, / яже никтоже может делати. / И сия рек, плюнув долу, и брение сотворь,  / помазал еси очи его, рек к нему: / иди, умыйся в Силоамстей купели. / Он же умывся здрав бысть, и вопияше к Тебе: / верую Господи, и поклонися Тебе. // Темже вопием и мы, помилуй нас.

ВХОД ГОСПОДЕНЬ В ИЕРУСАЛИМ

Тропарь, глас 4

Спогребшеся Тебе крещением, Христе Боже наш,/ безсмертныя жизни сподобихомся Воскресением Твоим,/ и воспевающе зовем:/ осанна в вышних,// благословен Грядый во имя Господне.

Кондак, глас 6

На престоле на небеси, / на жребяти на земли носимый Христе Боже, / ангелов хваление, и детей воспевание / приял еси зовущих Ти: // благословен еси грядый Адама воззвати.

Стихира, глас 1

Грядый Господь к вольной Страсти, / апостолом глаголаше на пути: / се восходим во Иерусалим, / и предастся Сын Человеческий, якоже есть писано о Нем. / Приидите убо и мы очищенными смыслы сшествуим Ему, / и сраспнемся, и умертвимся Его ради житейским сластем, / да и оживем с Ним, и услышим вопиюща Его: / не ктому в земный иерусалим за еже страдати, / но восхожду ко Отцу Моему и Отцу Вашему, / и Богу Моему и Богу вашему, / и совозвышу вас в Горний Иерусалим, // в Царство Небесное.

Стихира, глас 5

Достигше, вернии, спасительную Страсть Христа Бога, / неизреченное Его долготерпение прославим: / яко да благоутробием Своим совоздвигнет и нас, умершвленных грехом, // яко благ и Человеколюбец.

Господи, грядый к страданию, / твоя утверждая ученики, / глаголал еси, особь приемь ихъ: / како глагол Моих не помните, /яже прежде рекох вам? / Яко всякому пророку несть писано, / токмо во Иеруслаиме убиену быти. / Ныне убо время настоит, еже рекох вам: /се бо предаюся рукама грешных поруган быти, / иже и Кресту Мя пригвоздивше/  и погребению предавше, / омерзена вменят яко мертва. / Обаче дерзайте: тридневен бо востану //в радость верных и жизнь вечную

ДОПОЛНИТЕЛЬНО

Иже Крестом ограждаеми, врагу́ противля́емся, не боя́щеся того́ кова́рства, ни лови́тельства: я́ко бо го́рдый упраздни́ся, и попра́н бы́сть на Дре́ве си́лою распя́таго Христа.

Крест Твой Господи, освяти́ся: Тем бо бывают исцеления немощству́ющым грехми́: сего́ ра́ди Тебе припа́даем, поми́луй нас.

Господи, оружие на диавола Крест Твой дал ес нам: трепещет бо и трясется, не терпя взирати на силу его: яко мертвыя возставляет, и смерть упраздни. Сего ради покланяемся погребению Твоему и востанию.