В храме святого – канон Богородицы (с прошедшей Недели) со ирмосом на 4 (ирмосы по дважды), блж. Ксении на 6 и прп. Ксении на 4.

Канон в храме святого

Песнь 1:

Канон Богородицы (с прошедшей Недели) со ирмосом на 4, глас 1:

Ирмос: Т воя́ победи́тельная десни́ца / Боголе́пно в кре́пости просла́вися: / та́ бо Безсме́ртне, / я́ко всемогу́щая, проти́вныя сотре́, // Изра́ильтяном пу́ть глубины́ новосоде́лавшая.   (Дважды)

Припев: Пресвята́я Богоро́дице спаси́ на́с.

Тропарь: К у́ю Ти́ досто́йную пе́снь на́ше принесе́т неможе́ние? то́чию обра́довательную, е́йже на́с Гаврии́л та́йно научи́л е́сть: ра́дуйся, Богоро́дице Де́во, Ма́ти Неневе́стная.

Припев: Пресвята́я Богоро́дице спаси́ на́с.

Тропарь: К у́ю Ти́ досто́йную пе́снь на́ше принесе́т неможе́ние? то́чию обра́довательную, е́йже на́с Гаврии́л та́йно научи́л е́сть: ра́дуйся, Богоро́дице Де́во, Ма́ти Неневе́стная.

Припев: П ресвята ́ я Богоро ́ дице спаси ́ на ́ с.

Тропарь: П рисноде́ве и Ма́тери Царя́ вы́шних си́л, от чисте́йша се́рдца ве́рнии духо́вне возопии́м: ра́дуйся, Богоро́дице Де́во, Ма́ти Неневе́стная.

Припев: Пресвята́я Богоро́дице спаси́ на́с.

Тропарь: Б езме́рная бе́здна Твоего́ непостижи́маго Рождества́, Всечи́стая, ве́рою несумне́нною у́бо чи́сте прино́сим Ти́ глаго́люще: ра́дуйся, Богоро́дице Де́во, Ма́ти Неневе́стная.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: В одо́ю Креще́ния омы́вшися,/ перворо́днаго греха́ изба́вилася еси́, ма́ти Ксе́ние,/ и на́ша сердца́ слеза́ми покая́ния очи́сти,/ просвеще́ние подаю́щи почита́ющим святу́ю па́мять твою́.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: В одо́ю Креще́ния омы́вшися,/ перворо́днаго греха́ изба́вилася еси́, ма́ти Ксе́ние,/ и на́ша сердца́ слеза́ми покая́ния очи́сти,/ просвеще́ние подаю́щи почита́ющим святу́ю па́мять твою́.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: В воде́ Креще́ния зми́я лука́ва потопи́вшая,/ житие́м твои́м страда́льческим вра́жию си́лу умертви́ла еси́, блаже́нная,/ от нея́же и нам изба́вимся Спа́са умоли́.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: В воде́ Креще́ния зми́я лука́ва потопи́вшая,/ житие́м твои́м страда́льческим вра́жию си́лу умертви́ла еси́, блаже́нная,/ от нея́же и нам изба́вимся Спа́са умоли́.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: В о́ду живу́ю неистощи́мых даро́в/ подаде́ тебе́ Христо́с, блаже́нная ма́ти,/ Его́же нищету́ во́льно возлюби́ла еси́.

Припев: Свята́я блаже́нная ма́ти Ксе́ние моли́ Бо́га о на́с.

Богоро́дичен: В о́ды покая́ния пода́ждь ми, Пречи́стая,/ и, очи́стивши мя от нечистоты́ грехо́вныя,/ чи́ста предста́ви, Богороди́тельнице, Сы́ну Твоему́ и Бо́гу.

Кано́н преподобной Ксении, глас 8 на 4:

Припев: Преподобная ма́ти Ксе́ние моли́ Бо́га о на́с.

Тропарь: Стра́ннаго су́ща вся́кия доброде́тели и удали́вшагося от Бо́га дея́ньми безме́стными,/ присво́й мя Сему́ моли́твами твои́ми благоприя́тными,/ Ксе́ние честна́я, преподо́бная,/ твое́ стра́нное житие́ благохва́лящаго.

Припев: Преподобная ма́ти Ксе́ние моли́ Бо́га о на́с.

Тропарь: Огнь тя разжже́ мы́сленный, я́ко вещь удобопа́льну, мирску́ю пре́лесть/ и плотска́го обру́чника отврещи́ся увеща́ ра́зумом му́жественнейшим/ и Го́споду чи́сте уневе́стися.

Сла́ва Отцу́ и Сы́ну и Свято́му Ду́ху.

Тропарь: С тра́нную уразуме́вши Жизнь, на Небесе́х пребыва́ющую и непреходя́щую,/ зва́ние я́ко дея́ние премени́ла еси́/ и потекла́ еси́, я́коже еле́нь жа́ждущий,/ Безсме́ртнаго в след Обру́чника.

И ны́не и при́сно и во ве́ки веко́в, ами́нь.

Богородичен: Пе́сньми Всечи́стую, ве́рнии, Мари́ю да восхва́лим,/ Богома́терь обра́дованную, покро́в Боже́ственный,/ благоти́шное приста́нище, всех ве́рных спасе́ние.

Катава́сия Сретения, глас 3:

Хор: С у́шу глу́бороди́тельную зе́млю/ со́лнце наше́ствова иногда́:/я́ко стена́ бо, огусте́ обапо́лы вода́/ лю́дем пешомореходя́щим и Богоуго́дно пою́щим: / / пои́м, Го́сподеви, сла́вно бо просла́вися.

 

Песнь 3:

Канон Богородицы (с прошедшей Недели) со ирмосом на 4, глас 1:

Ирмос: Е ди=не, ве=дый челове=ческаго существа= не=мощь/ и ми=лостивно в не вообра=жся,/ препоя=ши мя с высоты= си=лою,/ е=же вопи=ти Тебе=, Святы=й,\ одушевле=нный хра=ме неизрече=нныя сла=вы Твоея=, Человеколю=бче.   (Дважды)

Припев: Пресвята́я Богоро́дице спаси́ на́с.

Тропарь: О́ блак Тя́ ле́гкий нело́жно, Де́во, имену́ем, проро́ческим возсле́дующе рече́нием: прии́де бо на Тебе́ Госпо́дь низложи́ти еги́петския пре́лести рукотворе́ния, и просвети́ти си́м служа́щыя.

Припев: Пресвята́я Богоро́дице спаси́ на́с.

Тропарь: О́ блак Тя́ ле́гкий нело́жно, Де́во, имену́ем, проро́ческим возсле́дующе рече́нием: прии́де бо на Тебе́ Госпо́дь низложи́ти еги́петския пре́лести рукотворе́ния, и просвети́ти си́м служа́щыя.

Припев: П ресвята ́ я Богоро ́ дице спаси ́ на ́ с.

Тропарь: Т я́ запеча́танный вои́стинну ли́к проро́ческий исто́чник, и заключе́нную две́рь именова́, де́вства Твоего́, Всепе́тая, я́вственне зна́мения на́м пи́шуще: е́же сохрани́ла еси́ и по рождестве́.

Припев: Пресвята́я Богоро́дице спаси́ на́с.

Тропарь: У ма́ пресу́щественна ви́дети, я́коже мо́щно, сподо́блься Гаврии́л, Де́во Всенепоро́чная, ра́достный Тебе́ гла́с принесе́, Сло́ва зача́тие я́вственне возвеща́ющий, и неизрече́нное Рождество́ пропове́дающий.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Н ебе́снаго кру́га Зижди́телю все житие́ твое́ отда́вши,/ возлюби́ла еси́ Того́ до конца́,/ сподо́би и нас моли́твами твои́ми, блаже́нная,/ люби́ти Го́спода до конца́ дний на́ших.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Н ебе́снаго кру́га Зижди́телю все житие́ твое́ отда́вши,/ возлюби́ла еси́ Того́ до конца́,/ сподо́би и нас моли́твами твои́ми, блаже́нная,/ люби́ти Го́спода до конца́ дний на́ших.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Н ебе́сныя жи́зни жела́ющи,/ в житии́ твое́м вся земна́я пренебрегла́ еси́,/ сподо́би и нас, ма́ти Ксе́ние,/ моли́твами твои́ми Небе́сныя жи́зни дости́гнути.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Н ебе́сныя жи́зни жела́ющи,/ в житии́ твое́м вся земна́я пренебрегла́ еси́,/ сподо́би и нас, ма́ти Ксе́ние,/ моли́твами твои́ми Небе́сныя жи́зни дости́гнути.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Н ебе́снаго черто́га жела́ющи,/ стра́нническое житие́ прешла́ еси́/ и ны́не со все́ми святы́ми в Небе́сных черто́зех лику́еши.

Припев: Свята́я блаже́нная ма́ти Ксе́ние моли́ Бо́га о на́с.

Богоро́дичен: Н ебе́снаго Творца́, Богоро́дице всепе́тая, ро́ждши,/ Небе́с простра́ннейшая яви́лася еси́./ Нас от пространна́го пути́ поги́бельна укло́ньши,/ на Небе́сный путь наста́ви, молю́ся.

Кано́н преподобной Ксении, глас 8 на 4:

Припев: Преподобная ма́ти Ксе́ние моли́ Бо́га о на́с.

Тропарь: Удержа́ла еси́ раче́ние Боже́ственное чи́стыя души́ твоея́,/ забве́ние прияти́ тя поще́ния боле́зней увеща́, честна́я, и естества́.

Припев: Преподобная ма́ти Ксе́ние моли́ Бо́га о на́с.

Тропарь: Безсме́ртнаго Обру́чника добро́тами наслажда́ема,/ добро́ту пло́ти увяди́ла еси́/ и яви́лася еси́ красне́йша, в Боже́ственный черто́г всели́вшися.

Сла́ва Отцу́ и Сы́ну и Свято́му Ду́ху.

Тропарь: П озлаще́нная кри́ла доброде́телей стяжа́вши,/ к высоте́ Небе́сней возлете́ла еси́, блаже́нная,/ я́ко голуби́ца нетле́нна.

И ны́не и при́сно и во ве́ки веко́в, ами́нь.

Богородичен: Све́тлый о́блаче мы́сленнаго и пресве́тлаго Со́лнца,/ возсия́вшаго из чре́ва Твоего́, Де́во,/ просвети́ ду́ши пою́щих Тя.

Катава́сия Сретения:

Хор: Утвержде́ние на Тя наде́ющихся,/ утверди́, Го́споди, Це́рковь,/ Ю́же стяжа́л еси́/ честно́ю Твое́ю Кро́вию.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон:   З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Ты еси́ Бог наш, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к, глас 2. Подо́бен: Крове́й твои́х:

Т вою́ страннонра́вную, Ксе́ние, па́мять соверша́юще,/ любо́вию почита́ющия тя, пое́м Христа́,/ во всех тебе́ подаю́щаго кре́пость исцеле́ний,/ Ему́же всегда́ моли́ся о всех нас.

Седален прп. Ксении, глас 8. Подо́бен: Прему́дрости:

З а милосе́рдие я́вльшееся на земли́ возлюби́вши Сло́во Бо́га Отца́,/ Тому́ после́довала еси́, я́ко Жениху́, всеблаже́нная,/ и тле́ннаго жениха́ усе́рдно оста́вила еси́,/ оста́вльши же тле́нное бога́тство./ Те́мже, во стра́нстве тезоимени́тно живу́щи,/ стра́сти умертви́ла еси́/ и живы́х восприя́ла еси́ насле́дие, Богодухнове́нная./ Моли́ Христа́ Бо́га прегреше́ний оставле́ние дарова́ти/ пра́зднующим любо́вию святу́ю па́мять твою́.

Сла́ва Отцу́ и Сы́ну и Свято́му Ду́ху.

Седален блж. Ксении, глас 5-й:

Я́ ко стра́нница во гра́де свята́го Петра́ яви́лася еси́,/ благоволе́нием Бо́жиим укрепля́ема, ма́ти прему́драя,/ Боже́ственных даро́в и чуде́с удосто́ившаяся./ Те́мже, иму́щи дерзнове́ние ко Христу́ Бо́гу,/ мир испроси́ душа́м на́шим и ве́лию ми́лость.

И ны́не и при́сно и во ве́ки веко́в, ами́нь.

Богородичен Минеи, глас тот же:

М а́ти Пречи́стая, гра́де Бо́жий,/ изба́ви лю́ди Твоя́ от бед/ и по́мощь пода́ждь проти́витися враго́м го́рдым, да вопие́м Ти:/ ра́дуйся, Благослове́нная.

Песнь 4:

Канон Богородицы (с прошедшей Недели) со ирмосом на 4, глас 1:

Ирмос: Го=ру Тя, благода=тию Бо=жиею приосене=нную,/ прозорли=выма Авваку=м усмотри=в очи=ма,/ из Тебе= изы=ти Изра=илеву/ провозглаша=ше Свято=му\ во спасе=ние на=ше и обновле=ние.   (Дважды)

Припев: Пресвята́я Богоро́дице спаси́ на́с.

Тропарь: С лы́ши чуде́с не́бо, и внуша́й земле́, я́ко Дщи́ пе́рстнаго у́бо па́дшаго Ада́ма, Бо́гу нарече́на бы́сть, и Своему́ Соде́телю Роди́тельница, на Спасе́ние на́ше и обновле́ние.

Припев: Пресвята́я Богоро́дице спаси́ на́с.

Тропарь: С лы́ши чуде́с не́бо, и внуша́й земле́, я́ко Дщи́ пе́рстнаго у́бо па́дшаго Ада́ма, Бо́гу нарече́на бы́сть, и Своему́ Соде́телю Роди́тельница, на Спасе́ние на́ше и обновле́ние.

Припев: П ресвята ́ я Богоро ́ дице спаси ́ на ́ с.

Тропарь: П ое́м вели́кое и стра́шное Твое́ та́инство, преме́рных бо утаи́вся чинонача́лий, на Тя́ И́же сы́й сни́де я́ко до́ждь на руно́, Всепе́тая, на Спасе́ние на́с, пою́щих Тя́.

Припев: Пресвята́я Богоро́дице спаси́ на́с.

Тропарь: С вяты́х Свята́я Богоро́дице Всепе́тая, ча́яние язы́ков, и Спасе́ние ве́рных, из Тебе́ возсия́ Изба́витель и Жизнода́вец, и Госпо́дь: Его́же моли́ спасти́ся рабо́м Твои́м.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: У слы́шавши, Ксе́ние, я́ко Небеса́ пове́дают сла́ву Бо́жию,/ отве́ргла еси́ суету́ мирску́ю/ и в по́двизе поста́ и лише́ния на земли́ Бо́га сла́вити возжеле́ла еси́,/ Его́же сла́вити и нас сподо́би.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: У слы́шавши, Ксе́ние, я́ко Небеса́ пове́дают сла́ву Бо́жию,/ отве́ргла еси́ суету́ мирску́ю/ и в по́двизе поста́ и лише́ния на земли́ Бо́га сла́вити возжеле́ла еси́,/ Его́же сла́вити и нас сподо́би.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: У слы́шавши и уразуме́вши дела́ Госпо́дня,/ просла́вила еси́ Его́ Божество́,/ наде́ждею и любо́вию к Нему́ украси́вши ду́шу твою́,/ по́двиги просвети́лася еси́, блаже́нная, Бо́жиею си́лою укрепля́ема.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: У слы́шавши и уразуме́вши дела́ Госпо́дня,/ просла́вила еси́ Его́ Божество́,/ наде́ждею и любо́вию к Нему́ украси́вши ду́шу твою́,/ по́двиги просвети́лася еси́, блаже́нная, Бо́жиею си́лою укрепля́ема.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: У слы́шавши преще́ния вра́жеская и вся́кия ко́зни от них терпя́щи,/ непоколеби́ма пребыла́ еси́,/ и нас непоколеби́мых в доброде́телех утверди́.

Припев: Свята́я блаже́нная ма́ти Ксе́ние моли́ Бо́га о на́с.

Богоро́дичен: Услы́ши, Пречи́стая Влады́чице, моле́ния на́ша,/ и изба́ви нас от наси́лия вра́жия,/ и глас Христо́в, призыва́ющий благослове́нныя в Ца́рство, услы́шати сподо́би.

Кано́н преподобной Ксении, глас 8 на 4:

Припев: Преподобная ма́ти Ксе́ние моли́ Бо́га о на́с.

Тропарь: Ве́но Христу́ принесла́ еси́ чистоту́,/ умерщвле́ние уде́с и боле́зни воздержа́ния/ и восприя́ла еси́ Небе́сное Ца́рство и ве́чнующее наслажде́ние

Припев: Преподобная ма́ти Ксе́ние моли́ Бо́га о на́с.

Тропарь: О́браз тебе́ до́брым подаю́щи, привлекла́ еси́ мно́гия ду́ши на спасе́ние,/ отто́ргшися мирска́го пристра́стия,/ Ксе́ние Богому́драя и досточу́дная

Сла́ва Отцу́ и Сы́ну и Свято́му Ду́ху.

Тропарь: М оча́щи посте́лю слеза́ми, преподо́бная, и с пе́пелом яду́щи хлеб,/ утеше́ние получи́ла еси́ нестаре́ющееся и ра́я наслажде́ние.

И ны́не и при́сно и во ве́ки веко́в, ами́нь.

Богородичен: Ра́дуйся, от нас, Свята́я Богоро́дице,/ ра́дуйся, Ра́дость ро́ждшая ми́ру,/ ра́дуйся, еди́на защище́ние челове́ков,/ Благослове́нная Богоро́дице Чи́стая.

Катава́сия Сретения:

Хор: Покры́ла есть Небеса́ доброде́тель Твоя́, Христе́:/ из киво́та бо проше́д святы́ни, Твоея́ нетле́нныя Ма́тере,/ в хра́ме сла́вы Твоея́ яви́лся еси́,/ я́ко Младе́нец руконоси́м,/ и испо́лнишася вся Твоего́ хвале́ния.

Песнь 5:

Канон Богородицы (с прошедшей Недели) со ирмосом на 4, глас 1:

Ирмос: П росвети=вый сия=нием/ прише=ствия Твоего=, Христе=,/ и освети=вый Кресто=м Твои=м ми=ра концы=,/ сердца= просвети= све=том Твоего= Богоразу=мия\ правосла=вно пою=щих Тя.   (Дважды)

Припев: Пресвята́я Богоро́дице спаси́ на́с.

Тропарь: В еселя́тся небе́сныя си́лы зря́ще Тя́: ра́дуются с ни́ми челове́ков собра́ния: Рождество́м бо Твои́м совокупи́шася, Де́во Богоро́дице, е́же досто́йно сла́вим.

Припев: Пресвята́я Богоро́дице спаси́ на́с.

Тропарь: В еселя́тся небе́сныя си́лы зря́ще Тя́: ра́дуются с ни́ми челове́ков собра́ния: Рождество́м бо Твои́м совокупи́шася, Де́во Богоро́дице, е́же досто́йно сла́вим.

Припев: П ресвята ́ я Богоро ́ дице спаси ́ на ́ с.

Тропарь: Д а дви́жатся вси́ язы́цы челове́честии и мы́сли, к похвале́ челове́ческаго вои́стинну удобре́ния, Де́ва предстои́т я́ве сла́вящи, ве́рою Тоя́ пою́щих чудеса́.

Припев: Пресвята́я Богоро́дице спаси́ на́с.

Тропарь: С ла́вится пе́ние всепрему́дрых и похвала́, Де́ве и Ма́тери Бо́жии приноси́мая: сла́вы бо бы́сть Сия́ Хра́м Пребоже́ственныя, Ю́же досто́йно сла́вим.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П росвеща́хуся ве́рнии лю́дие,/ зря́ще незло́бие и кро́тость твою́, ма́ти Ксе́ние,/ помози́ и нам, блаже́нная, подража́ти твоему́ незло́бию.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П росвеща́хуся ве́рнии лю́дие,/ зря́ще незло́бие и кро́тость твою́, ма́ти Ксе́ние,/ помози́ и нам, блаже́нная, подража́ти твоему́ незло́бию.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П росвети́вши стезю́ жи́зни твоея́ све́том богоразу́мия,/ Христа́ Го́спода вседу́шне возлюби́ла еси́,/ сподо́би и ны, блаже́нная Ксе́ние, в сем бы́ти тебе́ подража́тели.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П росвети́вши стезю́ жи́зни твоея́ све́том богоразу́мия,/ Христа́ Го́спода вседу́шне возлюби́ла еси́,/ сподо́би и ны, блаже́нная Ксе́ние, в сем бы́ти тебе́ подража́тели.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П росвети́ нас, о ма́ти Ксе́ние, наде́ждею и любо́вию ко Го́споду,/ ны́не бо зря́щи Христа́ лице́м к лицу́, све́та неизрече́ннаго наслажда́ешися,/ Тому́ за ны моли́ся.

Припев: Свята́я блаже́нная ма́ти Ксе́ние моли́ Бо́га о на́с.

Богоро́дичен: Просвети́ла еси́ омраче́нное естество́, Богоро́дице,/ Свет и́стинный ро́ждши,/ те́мже и нас све́том просвети́вши, от мра́чных враг свободи́.

Кано́н преподобной Ксении, глас 8 на 4:

Припев: Преподобная ма́ти Ксе́ние моли́ Бо́га о на́с.

Тропарь: Я́ко ю́ница, жела́ющи Па́стыря Боже́ственную добро́ту, взыва́ла еси́:/ где ны́не пасе́ши, Женише́?/ Где почива́еши, рцы ми?/ Жела́ю Твое́ ви́дети преизя́щное виде́ние и распаля́юся всю́ду.

Припев: Преподобная ма́ти Ксе́ние моли́ Бо́га о на́с.

Тропарь: Рачи́тельныя добро́ты Моея́, – вопие́т Жени́х, – и́щущи, честна́я,/ доброде́тельми облиста́вшися, в Небесе́х Мя смотри́:/ та́мо пасу́ Аз и Моя́ призыва́ю всегда́ о́вцы

Сла́ва Отцу́ и Сы́ну и Свято́му Ду́ху.

Тропарь: Г о́рлица красне́йшая, ла́стовица светле́йшая и мы́сленный слави́й,/ ловле́ния прете́кши мы́сленных се́тей, яви́лася еси́, Ксе́ние честна́я,/ и в пожела́нней добро́те Христо́ве, досточу́дная.

И ны́не и при́сно и во ве́ки веко́в, ами́нь.

Богородичен: Безма́терня горе́, в после́дняя су́щим до́ле,/ ражда́еши без Отца́, осуществова́вшаго, Де́во, на́ше все́ за благоутро́бие мно́гое,/ Его́же моли́ спасти́ от тли пою́щия Тя.

Катава́сия Сретения, глас 3:

Хор: Я́ко ви́де Иса́ия обра́зно на престо́ле превознесе́на Бо́га,/ от А́нгел сла́вы дориноси́ма,/ о, окая́нный, – вопия́ше, – аз:/ прови́дех бо воплоща́ема Бо́га,/ Све́та Невече́рня и ми́ром влады́чествующа.

Песнь 6:

Канон Богородицы (с прошедшей Недели) со ирмосом на 4, глас 1:

Ирмос: О бы=де нас после=дняя бе=здна,/ несть избавля=яй,/ вмени=хомся, я=ко о=вцы заколе=ния,/ спаси= лю=ди Твоя=, Бо=же наш,\ Ты бо кре=пость немощству=ющих и ис правле=ние. (Дважды)

Припев: Пресвята́я Богоро́дице спаси́ на́с.

Тропарь: П редстоя́т раболе́пне Рождеству́ Твоему́ чи́ни небе́снии, дивя́щеся досто́йно Твоему́ безсе́менному Рождеству́, Присноде́во: ты́ бо чи́стая, и пре́жде Рождества́, и по Рождестве́ еси́.

Припев: Пресвята́я Богоро́дице спаси́ на́с.

Тропарь: П редстоя́т раболе́пне Рождеству́ Твоему́ чи́ни небе́снии, дивя́щеся досто́йно Твоему́ безсе́менному Рождеству́, Присноде́во: ты́ бо чи́стая, и пре́жде Рождества́, и по Рождестве́ еси́.

Припев: П ресвята ́ я Богоро ́ дице спаси ́ на ́ с.

Тропарь: В оплоти́ся пре́жде сы́й Безпло́тен, Сло́во из Тебе́, Пречи́стая, вся́ческая во́лею творя́й, безтеле́сных во́инства приведы́й от небытия́ я́ко Всеси́лен.

Припев: Пресвята́я Богоро́дице спаси́ на́с.

Тропарь: У мерщвле́н бы́сть вра́г живоно́сным Твои́м плодо́м Богоблагода́тная: и попра́н бы́сть а́д проявле́нне, и и́же во у́зах свободи́хомся. Те́мже вопию́: стра́сти разруши́ се́рдца моего́.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: М оли́тву, я́ко исто́чник приснотеку́щий, ны́не излива́еши,/ неду́жныя исцеля́ющи, кре́пость и си́лу стра́ждущим подаю́щи,/ сподо́би и нас моли́твами твои́ми изба́витися от вся́ких лю́тых.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: М оли́тву, я́ко исто́чник приснотеку́щий, ны́не излива́еши,/ неду́жныя исцеля́ющи, кре́пость и си́лу стра́ждущим подаю́щи,/ сподо́би и нас моли́твами твои́ми изба́витися от вся́ких лю́тых.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: М оли́твою́ Небе́сною и по кончи́не твое́й от неду́г свобожда́еши,/ цели́тельнице безме́здная, досто́йно хва́лима еси́ на земли́,/ моли́ся о душа́х на́ших.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: М оли́твою́ Небе́сною и по кончи́не твое́й от неду́г свобожда́еши,/ цели́тельнице безме́здная, досто́йно хва́лима еси́ на земли́,/ моли́ся о душа́х на́ших.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: М оли́тву на́шу приими́, ма́ти Ксе́ние,/ да в честны́й храм твой прии́дем со тща́нием/ и неду́гов душе́вных и страсте́й теле́сных исцеле́ние ско́ро прии́мем.

Припев: Свята́я блаже́нная ма́ти Ксе́ние моли́ Бо́га о на́с.

Богоро́дичен: М оли́твою Твое́ю всемо́щною, Пречи́стая,/ изба́ви нас от враг ви́димых и неви́димых, от грехо́в и вся́кия му́ки,/ я́ко ро́ждшая Человеколю́бца Бо́га.

Кано́н преподобной Ксении, глас 8 на 4:

Припев: Преподобная ма́ти Ксе́ние моли́ Бо́га о на́с.

Тропарь: Стра́нное твое́ житие́ и па́че челове́ка поще́ние прославля́я,/ тебе́ ра́ди Стра́нствовавый, сла́вная,/ зна́меньми и чудесы́ пресла́вными и́стинно тя, преподо́бная, украси́.

Припев: Преподобная ма́ти Ксе́ние моли́ Бо́га о на́с.

Тропарь: Кру́гом доброде́телей венча́вшися, востекла́ еси́,/ к Нему́же жела́ла еси́, Христу́,/ кру́гом зве́здным тя па́че ума́ возвеща́ющу бли́жним и да́льным страннообра́зно,/ Ксе́ние сла́вная

Сла́ва Отцу́ и Сы́ну и Свято́му Ду́ху.

Тропарь: У страни́вшагося дале́че от за́поведей Бо́га на́шего,/ присво́й мя твои́ми, преподо́бная, мольба́ми/ и стра́нна мя сотвори́ лю́тыя гее́нны/ и страсте́й, содержа́щих мя.

И ны́не и при́сно и во ве́ки веко́в, ами́нь.

Богородичен: На ра́мех Херуви́мских неопи́санно Седя́й,/ опи́сан в Твое́м чре́ве всели́ся пло́тию, а не Божество́м,/ и из Тебе́ про́йде Спаса́яй челове́чеством.

Катава́сия Сретения:

Хор:  Возопи́ к Тебе́, ви́дев ста́рец очи́ма спасе́ние,/ е́же лю́дем прии́де от Бо́га:/ Христе́, Ты Бог мой.

 

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к блаженной, глас 3:

Д несь све́тло лику́ет град свята́го Петра́,/ я́ко мно́жество скорбя́щих обрета́ют утеше́ние,/ на твоя́ моли́твы наде́ющеся,/ Ксе́ние всеблаже́нная,/ ты бо еси́ гра́ду сему́ похвала́ и утвержде́ние.

И́кос:

К а́ко возмогу́, гре́шный аз, скве́рный душе́ю и те́лом,/ пове́дати е́же во пло́ти равноа́нгельное житие́ твое́ и пресла́вная чудеса́,/ а́ще у́бо мно́зи прему́дрии не дерза́ют испове́дати/ мно́гаго твоего́ терпе́ния и смире́ния и те́плыя ко Христу́ любве́?/ Но обаче́ наде́яся на твое́ заступле́ние, о блаже́нная, вопию́ ти:/ ра́дуйся, я́ко везде́ призыва́ющих тя ско́ро предваря́еши,/ ра́дуйся, я́ко мно́жество скорбя́щих обрета́ют тобо́ю утеше́ние,/ ра́дуйся, свята́я блаже́нная ма́ти Ксе́ние,/ гра́ду сему́ похвало́ и утвержде́ние.

Песнь 7:

Канон Богородицы (с прошедшей Недели) со ирмосом на 4, глас 1:

Ирмос: Тебе=, у=мную, Богоро=дице, пещь,/ разсмотря=ем, ве=рнии,/ я=коже бо о=троки спасе= три Превозноси=мый,/ мир обнови=, во чре=ве Твое=м всеце=л,\ хва=льный отце=в Бог и препросла=влен.   (Дважды)

Припев: Пресвята́я Богоро́дице спаси́ на́с.

Тропарь: Т я́, Богоро́дице, ле́ствицу Иа́ков проро́чески разумева́ет: Тобо́ю бо Превозноси́мый на земли́ яви́ся, и с челове́ки поживе́, я́ко благоволи́, Хва́льный отце́в Бо́г и Препросла́влен.

Припев: Пресвята́я Богоро́дице спаси́ на́с.

Тропарь: Т я́, Богоро́дице, ле́ствицу Иа́ков проро́чески разумева́ет: Тобо́ю бо Превозноси́мый на земли́ яви́ся, и с челове́ки поживе́, я́ко благоволи́, Хва́льный отце́в Бо́г и Препросла́влен.

Припев: П ресвята ́ я Богоро ́ дице спаси ́ на ́ с.

Тропарь: Р а́дуйся, Чи́стая, из Тебе́ про́йде Па́стырь, и́же во Ада́мову ко́жу обо́лкся вои́стинну, Превозноси́мый, во всего́ мя челове́ка, за благоутро́бие непости́жное: Хва́льный отце́в Бо́г и Препросла́влен.

Припев: Пресвята́я Богоро́дице спаси́ на́с.

Тропарь: Н о́вый Ада́м от чи́стых крове́й Твои́х Преве́чный Бо́г бы́сть вои́стинну, Его́же ны́не моли́, обетша́вшаго мя́ обнови́ти зову́ща: Хва́льный отце́в Бо́г и Препросла́влен.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: О́ троки евре́йския А́нгел от огня́ неопа́льны сохрани́/ и тебе́, Ксе́ние, в стра́нничестем житии́ укрепи́, пою́щу:/ благослове́н еси́, Го́споди Бо́же, во ве́ки.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: О́ троки евре́йския А́нгел от огня́ неопа́льны сохрани́/ и тебе́, Ксе́ние, в стра́нничестем житии́ укрепи́, пою́щу:/ благослове́н еси́, Го́споди Бо́же, во ве́ки.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Д е́тем ева́нгельски подража́ла еси́ в житии́ твое́м,/ стезю́ те́сную проше́дши в незло́бии,/ те́мже и нас на по́двиг доброде́тели се́я укрепи́, пою́щих:/ благослове́н еси́, Го́споди Бо́же, во ве́ки.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: Д е́тем ева́нгельски подража́ла еси́ в житии́ твое́м,/ стезю́ те́сную проше́дши в незло́бии,/ те́мже и нас на по́двиг доброде́тели се́я укрепи́, пою́щих:/ благослове́н еси́, Го́споди Бо́же, во ве́ки.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: О троко́м в пещи́ халде́йстей подража́ющи, Ксе́ние,/ воспева́ла еси́ Христа́, да́вшаго ти кре́пость,/ те́мже и мы, чту́ще тя, блаже́нная, со дерзнове́нием зове́м:/ благослове́н еси́, Го́споди Бо́же, во ве́ки.

Припев: Свята́я блаже́нная ма́ти Ксе́ние моли́ Бо́га о на́с.

Богоро́дичен: О трокови́це Де́во, простри́ на нас ми́лость Сы́на Твоего́,/ да кроме́шныя тьмы изба́вимся мольба́ми Твои́ми, пою́ще:/ благослове́н еси́, Го́споди Бо́же, во ве́ки.

Кано́н преподобной Ксении, глас 8 на 4:

Припев: Преподобная ма́ти Ксе́ние моли́ Бо́га о на́с.

Тропарь: Пелена́ми Рим хва́лится,/ Ми́ласса же мно́жае, твоя́ мо́щи стяжа́вши,/ из ни́хже то́чатся чудеса́ ве́рным, Богоневе́сто.

Припев: Преподобная ма́ти Ксе́ние моли́ Бо́га о на́с.

Тропарь: Река́ яви́лася еси́ врачева́ний, страсте́й мо́ре потопля́я песнопою́щих:/ благослове́н еси́, Го́споди – Бо́же оте́ц на́ших.

Сла́ва Отцу́ и Сы́ну и Свято́му Ду́ху.

Тропарь: У спи́ла еси́ стра́сти душетле́нныя во мно́гих бде́ниих, блаже́нная,/ и пра́ведным подо́бным сном усну́ла еси́,/ о ми́ре моля́щися.

И ны́не и при́сно и во ве́ки веко́в, ами́нь.

Богородичен: Из Тебе́ Воплоти́вшагося па́че сло́ва моля́щи не преста́й, Препе́тая Богоро́дице,/ от сете́й изба́витися вра́жиих душа́м на́шим.

Катава́сия Сретения, глас 3:

Хор:  Тебе́ во огни́ ороси́вшаго/ о́троки Богосло́вившия,/и в Де́ву нетле́нну все́льшагося/ Бо́га Сло́ва пои́м,/ благоче́стно пою́ще:/ благослове́н Бог оте́ц на́ших.

Песнь 8:

Канон Богородицы (с прошедшей Недели) со ирмосом на 4, глас 1:

Ирмос: В пещи= о=троцы Изра=илевы,/ я=коже в горни=ле,/ добро=тою благоче=стия чисте=е зла=та блеща=хуся, глаго=люще:/ благослови=те, вся дела= Госпо=дня, Го=спода,\ по=йте и превозноси=те во вся ве=ки.   (Дважды)

Припев: Пресвята́я Богоро́дице спаси́ на́с.

Тропарь: Ч ерто́г светови́дный, из него́же все́х Влады́ка, я́ко Жени́х произы́де Христо́с, воспои́м вси́ вопию́ще: вся́ дела́ Госпо́дня Го́спода по́йте, и превозноси́те во вся́ ве́ки.

Припев: Пресвята́я Богоро́дице спаси́ на́с.

Тропарь: Ч ерто́г светови́дный, из него́же все́х Влады́ка, я́ко Жени́х произы́де Христо́с, воспои́м вси́ вопию́ще: вся́ дела́ Госпо́дня Го́спода по́йте, и превозноси́те во вся́ ве́ки.

Припев: П ресвята ́ я Богоро ́ дице спаси ́ на ́ с.

Тропарь: Р а́дуйся Престо́ле сла́вный Бо́жий, ра́дуйся ве́рных стено́, Е́юже су́щым во тьме́ возсия́ све́т Христо́с, Тебе́ блажа́щым, и вопию́щым: вся́ дела́ Госпо́дня Го́спода по́йте, и превозноси́те во вся́ ве́ки.

Припев: Пресвята́я Богоро́дице спаси́ на́с.

Тропарь: С пасе́нию вино́внаго на́м Го́спода ро́ждши, моли́ о все́х вопию́щих приле́жно, Де́во Всепе́тая: благослови́те вся́ дела́ Госпо́дня Го́спода, по́йте и превозноси́те во вся́ ве́ки.

Кано́н блаженной Ксении, глас 8 на 6:

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П обеди́тельница страсте́й яви́лася еси́, Ксе́ние,/ лю́тая искуше́ния вра́жия побежда́ющи и непреста́нно пою́щи:/ благослови́те, вся дела́ Госпо́дня, Го́спода.

Припев: Свята́я блаже́нная ма́ти Ксе́ние моли́ Бо́га о на́с.

Тропарь: П обеди́тельница страсте́й яви́лася еси́, Ксе́ние,/ лю́тая искуше́ния вра́жия побежда́ющи и непреста́нно пою́щи:/ благослови́те, вся дела́ Госпо́дня, Го