И ныне и пpисно и во веки веков, аминь.

Богородичен: Аще не имам любве, / есмь, якоже рече Апостол, медь звенящая и кимвал звяцаяй. / Смутися сердце мое от слов сих, / зане о мне речени суть. / Еще мало, и погибну во оскудении моем. / Но покрый, Всебогатая Богородице, милосердием Твоим скудость мою, / и спаси мя, превозносящаго Господа во веки.

Катава́сия, глас 4:

Хор: Хва́лим, благослови́м, покланя́емся Го́сподеви, пою́ще и пpевознося́ще Его́ во ве́ки.

О троки благочести́выя в пещи́ / Рождество́ Богоро́дичо спасло́ есть, / тогда́ у́бо образу́емое, / ны́не же де́йствуемое, / вселе́нную всю воздвиза́ет пе́ти Тебе́: / Го́спода по́йте дела́ // и превозноси́те Его́ во вся ве́ки.

Диакон: Б огоро́дицу и Ма́терь Све́та в пе́снех возвели́чим.

Песнь Пресвято́й Богоро́дицы:

Хор: В ели́чит душа́ Моя́ Го́спода / и возра́довася дух Мой о Бо́зе Спа́се Мое́м.

Припев: Ч естне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Я́ ко призре́ на смире́ние рабы́ Своея́, / се бо, от ны́не ублажа́т Мя вси ро́ди.

Я́ ко сотвори́ Мне вели́чие Си́льный, / и свя́то и́мя Его́, / и ми́лость Его́ в ро́ды родо́в боя́щимся Его́.

С отвори́ держа́ву мы́шцею Свое́ю, / расточи́ го́рдыя мы́слию се́рдца их.

Н изложи́ си́льныя со престо́л, / и вознесе́ смире́нныя, а́лчущия испо́лни благ, / и богатя́щияся отпусти́ тщи.

В осприя́т Изра́иля о́трока Своего́, / помяну́ти ми́лости, / я́коже глаго́ла ко отце́м на́шим, / Авраа́му и се́мени его́ да́же до ве́ка.

 

Песнь 9:

Канон храма со ирмосом на 4 (ирмосы по дважды):

Ирмос:. (Дважды)

Припев: Благослове́н Госпо́дь Бо́г Изpа́илев, я́ко посети́ и сотвоpи́ избавле́ние лю́дем Свои́м.

Тропарь:.

Припев: И воздви́же pо́г спасе́ния на́м, в дому́ Дави́дове, о́тpока Своего́.

Тропарь.

Канон преподобного на 6, глас 4:

Припев: Я́коже глаго́ла усты́ святы́х, су́щих от ве́ка пpоpо́к Его́, спасе́ние от вpа́г на́шых, и из pуки́ все́х ненави́дящых на́с.

Тропарь: Взя́тся к высоте́ Небе́сней доброде́тельми, Богому́дре о́тче Се́ргие,/ и в весе́лии се́рдца предстои́ши престо́лу Святы́я Тро́ицы,/ не забу́ди чад твои́х,/ соверше́нно здра́вие и ди́вну побе́ду да́руй на враги́ во́инству на́шему,/ да вси тя пе́сньми непреста́нно велича́ем.

Припев: Сотвоpи́ти ми́лость со отцы́ на́шими, и помяну́ти заве́т святы́й Сво́й.

Тропарь: Взя́тся к высоте́ Небе́сней доброде́тельми, Богому́дре о́тче Се́ргие,/ и в весе́лии се́рдца предстои́ши престо́лу Святы́я Тро́ицы,/ не забу́ди чад твои́х,/ соверше́нно здра́вие и ди́вну побе́ду да́руй на враги́ во́инству на́шему,/ да вси тя пе́сньми непреста́нно велича́ем.

Припев: Кля́тву, е́юже кля́тся ко Авpаа́му, отцу́ на́шему, да́ти на́м без стpа́ха из pуки́ вpа́г на́ших изба́вльшымся.

Тропарь: Пресла́вная па́мять твоя́, Богоно́се,/ па́че луч со́лнечных ве́рныя просвеща́ет, благоче́стно тя почита́ющия,/ и ве́рою и любо́вию покланя́ющияся ра́це честны́х моще́й твои́х,/ и в пе́снех пою́щия тя, Богому́дре Се́ргие.

Припев: Служи́ти Ему́ пpеподо́бием и пpа́вдою пpед Hи́м, вся дни́ живота́ на́шего.

Тропарь: Пресла́вная па́мять твоя́, Богоно́се,/ па́че луч со́лнечных ве́рныя просвеща́ет, благоче́стно тя почита́ющия,/ и ве́рою и любо́вию покланя́ющияся ра́це честны́х моще́й твои́х,/ и в пе́снех пою́щия тя, Богому́дре Се́ргие.

Припев: И ты, отpоча́, пpоpо́к Вы́шняго наpече́шися: пpедъи́деши бо пpе́д лице́м Госпо́дним, угото́вати пути́ Ему́.

Тропарь: Руко́ю мое́ю недосто́йною и любо́вию серде́чною приноси́мое тебе́ ма́лое моле́ние/ приими́, Богоблаже́нне о́тче Се́ргие,/ душа́м на́шим спасе́ние, и телесе́м здра́вие, и ми́ру смире́ние моли́твами твои́ми да́руй,/ да тя мно́жае в пе́снех велича́ем.

Припев: Да́ти pа́зум спасе́ния лю́дем Его́, во оставле́ние гpе́х их, милосе́pдия pа́ди ми́лости Бо́га на́шего.

Богородичен: О Де́во Влады́чице Всепе́тая, Ма́ти Христа́ Бо́га на́шего,/ спаси́ вся, на Тя наде́ющияся, и к Твоему́ заступле́нию притека́ющия,/ и благоче́стно Тя, су́щую Богоро́дицу,/ в пе́снех велича́ющия.

Канон преподобномученицы на 4, глас 8:

Припев: В ни́хже посети́ на́с Восто́к с высоты́, яви́тися во тьме́ и се́ни сме́pтней седя́щым.

Тропарь: Восплакася душа моя, / яко видех землю Русскую кровьми святых Божиих обагренную. / Господь мой благ есть: како попусти сие? / Не плачися, о душе, / молися святой преподобномученице Елисавете / и разумей смотрение Божие: / Той бо мучеников Своих зело возлюби / и дерзновение им дарова / молитися о нас грешных.

Припев: Hапpа́вити но́ги на́шя на пу́ть ми́pен.

Тропарь: Не ведомы нам судьбы Твоя, Боже: / что еще будет с нами в жизни сей, / киими путями хощеши нас ко спасению привести? / Но даждь нам волю Твою без смущения и ропота прияти / и добрым подвигом подвизатися, / и Царства Небеснаго достигнут, / идеже угодницы Твоя собраны суть, / с нимиже и преподобномученица Елисавета, / юже ныне прославляем.

С ла́ва Отцу́, и Сы́ну, и Свято́му Ду́ху.

Тропарь: Мощи твоя святыя / во Святей земли почивают, Елисавето, / душею же присно Господу предстоиши в Горнем Царстве Его / и молишися дерзновенно о всех людех, / наипаче же о прославляющих тя и подвигу твоему подражающих, / к ним же сподобит приблизити Господь и нас недостойных.

И ны́не и при́сно, и во ве́ки веко́в. Ами́нь.

Богородичен: Се суд близ есть; / не попусти, Господи, поползновения стопам нашим,/ не даждь уклонитися во зло, ниже в леность, / отжени от душ наших смущение и сомнение, / да не погибнем яко беззаконнии, / но да спасемся со святыми, / молитвами Пречистыя Твоея Матере / и святыя угодницы Твоея княгини Елисаветы.

Катава́сия, глас 4:

Хор: В сяк земноро́дный / да взыгра́ется, Ду́хом просвеща́емь, / да торжеству́ет же Безпло́тных умо́в естество́, / почита́ющее свяще́нное торжество́ Богома́тере, / и да вопие́т: // ра́дуйся, Всеблаже́нная, Богоро́дице Чи́стая Присноде́во.

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, помилуй.

Диа́кон:П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помя́нувше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Я́ко Тя хва́лят вся си́лы небе́сныя, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь

Свети́лен преподобного. Подо́бен: Жены́, услы́шите:

Днесь соше́дшеся, Небе́сная со земны́ми ра́дуются,/ и ве́рных совокупле́ния со свяще́нными, вку́пе же и мона́хи,/ весе́лия духо́внаго и даро́в чуде́с твои́х исполня́ются, преподо́бне Се́ргие,/ в твое́ обре́тение, сла́вяще Го́спода.

Сла́ва Отцу́ и Сы́ну и Свято́му Ду́ху,

Свети́лен преподобномученицы:

Что сие бысть? / Лютая ли погибель или веры православныя торжество? / Иже херувимы образуюше тайно, / Господа в сердцах своих носили есте, / святии мученицы алапаевстии, / к Немуже и преставилися есте, / имуще на устех Херувимскую песнь. / Како забуду воспети страданий ваших? / В род и род память ваша, Богоноснии, / и во веки благодарение наше ко Господу, / Иже дивен есть во святых Своих.

И ныне, и присно, и во веки веков. Аминь.

Богородичен Минеи:

Премудрость Ипостасную / и Слово Пресущное, / и врача душ и телес Рождшая, / гноения и раны души моея исцели лютыя и временныя, / и сердца моего устави болезнь, Дево.

Хвали́тны псалмы́, глас 4:

Хор: В ся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

Х вали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

Чтец: Хвали́те Его́, со́лнце и луна́, хвали́те Его́, вся зве́зды и свет. Хвали́те Его́ Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. Поста́ви я́ в век и в век ве́ка, повеле́ние положи́, и не ми́мо и́дет. Хвали́те Го́спода от земли́, зми́еве и вся бе́здны: огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты. Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Псалом 149: Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о Сотво́ршем eго́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.

Хор:                            Сти́хиры преподобного, глас 4. Подо́бен: Яко до́бля:

На 6. Стих С отвори́ти в них суд напи́сан:/ сла́ва сия́ бу́дет всем преподо́бным Его́.               

Стихира: Я́ко звезда́ многосве́тлая/ Христа́ со́лнца незаходи́маго,/ заря́ми твои́х доброде́телей всех просвеща́еши,/ блиста́нием чуде́с вся концы́ озаря́еши,/ Богоблаже́нне и Богому́дре о́тче Се́ргие,/ ве́рою чту́щих святу́ю па́мять твою́/ и честно́е обре́тение моще́й твои́х/ в пе́снех све́тло почита́ющих.

Стих: Хвали́те Бо́га во святы́х Его́,/ хвали́те Его́ в утверже́нии си́лы Его́.

Стихира: Я́ко свети́льник многосве́тлый,/ и боля́щим врач преизря́дный,/ и мона́шеский па́стырь доброразсу́дный показа́лся еси́,/ во́инству на́шему ору́жие спасе́ния/ и на враги́ побе́да,/ и всея́ Росси́йския земли́ удобре́ние,/ и моле́бник ве́рен о всех,/ ве́рою и́мя твое́, Се́ргие, призыва́ющих/ и любо́вию пра́зднующих обре́тение честны́х моще́й твои́х.

На 4. Стих: Хвали́те Его́ на си́лах Его́,/ хвали́те Его́ по мно́жеству вели́чествия Его́.

Стихира: Я́ ко цвет благово́нен,/ и кади́ло благоуха́ния,/ и я́ко Боже́ственная мирополо́жница,/ за́пах масте́й твои́х во вся страны́ испуща́еши/ и мо́лниями чуде́с твои́х лю́ди христоимени́тыя просвеща́еши,/ ве́рою соверша́ющия свяще́нную па́мять твою́,/ преподо́бне и всеблаже́нне Се́ргие.

Стихиры преподобномученицы, глас 8-й. Подобен: О, преславнаго чудесе:

Стих: Хвали́те Его́ во гла́се тру́бнем,/ хвали́те Его́ во псалти́ри и гу́слех.

Стихира: О, дивных твоих словес, / Богомудрая Елисавето, / о великия печали твоея,/ яже по Российстей земли! / Уподобила бо еси народ наш недужному младенцу, / егоже паче любиши, нежели егда здрав есть и весел. / Сего ради восхотела еси страдания его понести / и стезею мучения доблественно прошла еси,/ да приимеши дерзновение молитися о спасении его.

На 2. Стих: Хвали́те Его́ в тимпа́не и ли́це,/ хвали́те Его́ во стру́нах и орга́не.

Стихира: О, неложнаго твоего прозрения! / Великия России видевши безславное разрушение, / не устрашилася еси годины грозныя, / но величие Божия смотрения познала еси. / Святая Русь, рекла еси, не может погибнути, / ниже врата адовы Церкви Православной возмогут одолети, / но возсияет в душах верных свет аки солнечный, / иже тьму просветит.

Стих: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

Стихира: О, преславнаго чудесе! / В бедах же и страданиих / милость Божия яве познается / и радость духовная ясно является, / рече княгиня: Господь, Иже наказует, Тойже есть, Иже и любит; / сего ради паки рече ко Господу: / да будет воля Твоя.

Преподобного, глас 6-й:

С ла́ва Отцу́ и Сы́ну и Свято́му Ду́ху.

Д несь, ве́рнии христоимени́тии наро́ди, соше́дшеся,/ ра́дости испо́лнимся/ и, лик соста́вльше, духо́вне пра́зднуем,/ во благонаро́читое торжество́ преподо́бнаго отца́,/ во псалме́х и пе́ниих Христу́ вопию́ще:/ Ты прояви́л еси́, Влады́ко Христе́,/ после́днему ро́ду на́шему/ такова́го чуде́с дарова́теля,/ вели́каго засту́пника всея́ земли́ Росси́йския./ Но, о преподо́бне и Богому́дре о́тче Се́ргие,/ моли́ся приле́жно Христу́ Бо́гу на́шему/ за всех, ве́рою и любо́вию тя почита́ющих.

Богородичен по гласу «Славы», от меньших: