На Господи, воззвах: стихиры на 8, глас 1

Месяца июля в 29 день

РОЖДЕСТВО ИЖЕ ВО СВЯТЫХ ОТЦА НАШЕГО НИКОЛЫ АРХИЕПИСКОПА МИРЛИКИЙСКОГО, ЧУДОТВОРЦА [15]

НА ВЕЛИЦЕЙ ВЕЧЕРНИ

Блажен муж: Антифон 1:

На Господи, воззвах: стихиры на 8, глас 1

Подобен: О, дивное чудо:

П риспе день светлого рождества.* ныне сошедшеся вернии, рождество творим.* великаго святителя Николы.* от благого корени боголюбиваго отца Феофана. *из ложесн от богонравныя матери своея Ноны.* радуйтесь Феофане и Ноно, из них же спасение человеком родися.* и кто доволен по достоянию возможет восхвалити.* от Ноны днесь младеньствующаго Феофане радуйся.* Ноно веселися, славяще Истинаго Святая.** и Избавителя Иисуса Единаго Господа [16].

С ей день веселия радуйтеся людие.* се бо свету светилник от Ноны днесь преславно прозябе.* всемирная радость от праведника возсия нам, от Феофана и Ноны, небесный престол Божий.* приятелище чистоты.* радость провозвещающе всему миру.* житию нашему ходатай. *и клятве взятие благословению подание.* темже в рожество твое святителю богозванный.* мир мирови испроси. **и душам нашим велию милость.

Т вое славят рождество, святителю Николае.* разумнаго света заре. *церковное светило святительская красота.* царское украшение богопроповедниче богоходатайный * блаженный разум свято прозябший гроздь.* винограда животного вино искапил еси веселящее верных сердца.* дряхльствующая же омрачением лести. * упоеныя пияньством идольскаго гнева.* всяк богоразумию привел еси. * О святопомазанная главо, о всечестный верх.*О всеблаженне и преблаженне,честный наш учителю прииди и посети нас, озлобленныя греховными страстьми. **Христу помолися даровати душам нашим велию милость [17].

Ины стихиры, глас 2

Подобен: Кими похвальными:

К ими похвальными венцы. *увязем святителя священству венца.* благочестию управление. *церкви светлое украшение.* источника божественных исцелений.* неисчерпаемого  пролитие дарований духовных.* реку многих чудес,** вселенную веселяща течением Николу добраго предстателя нашего и хранителя.

К ими смиренными устнами воспоем святителя дивнаго в чудесех. * и бесплотным сожителя*  веселие земли нашей, правде правителя.*  сиротам питателя. * обидимым заступника. ** больным врача безмездна. [18]

К ими духовными песньми восхвалим святителя.*  печальным утешителя, отчаянным упование. * ненадеющимся надежда.*  побеждаемым всем тепла заступника Божественнаго Николу воспевающе. * похвалу всем земнородным и всего священства украшение. * реку милости воистинну Божественнаго Христова смирения ревнителя.* приидете верных собори псаломски восплещем руками * и восхвалим святителя Христова и чудотворца Николу.** подающаго мирови велию милость.

Слава, гл.8:

П риидите вси вернии  [19] святителие убо цари же и князи и сановницы и вси людие.*  мужи еже и жены. * юноша и девы и всяк возраст и всяко достояние согласно воспоем.*  всечестное и преславное рождество Николы всеблаженнаго благочестия светило воздержания правило терпению столпа.*  простоте сокровище смирения руку независтную. * нищим утешение, странным препитателя. * истинныя любве Христовы. * делателя воистину блажняго. * человекам верным заступника тепла. * бедным помощника скора. * болезнем и страстем неисцельным врача безмездна. * и всяким недугом целителя преизрядна. * тем убо ныне сошедшеся на всечестное его рождество. * воспоем глаголюш.*  радуйтеся блаженная версто Феофане присно блаженна. * и Ноно блаженная супруго всечестная.*  рождьшия светилника вселенней просвещающаго. ** и освещающаго душа наша. [20]

Чтения 3 святительские [21]

На литии стихиры, гл.8

Подобен: О, преславное чудо:

С вятителю отче Николае,* ты еще во утробе матерни * святительства прозвание приим.* нареченное от Бога * ты из млада Христа возлюбил еси * прием от Бога паству словесных овец.* добре пасящи церковь Божию.* тем ныне [22] празднуем всечестное твое рождество ** радуися Христа величаем.

С вятителю отче Николае.* испроси яже к Богу твоими молитвами.* церкви утвержение святителя.* покрый молитвою своею.* благовереному и христолюбивому царю нашему * победы дая на враги и одоления.* неподвижиму и необориму граду твоему были сподоби.* и верным людем грехов оставление испроси.* и всем призывающим всечестное рождество твое.** прощение согрешением даруй.

С вятителю отче Николае богомудре.* ты воистину явися наставник и учитель.* омраченная сердца наставляющи на истиный путь.* ты бысть нищим и убогим защитник.* сиротам и вдовицам заступник князем крепкое истязание.* святителем известное основание.* вельможам твердше наказание.* и всем верным притекающим к тебе с верою.* и чтущим всечестное твое рождество.** испроси грехов оставление:

Слава, гл.6:

В сяк град и страна пресловущему святому храму сему* срадуется днесь празднующе всечестное преславное рождество святителя Христова и чудотворца Николы. * ибо дивный врач и спаситель наш великий Николае. * небеснаго братества лечбы предлагает.*  к непрестанным лечбам всех тихо созва.*  не хитростьми человеческими не обязанием но действом Святаго Духа. * душевное и телесное исцеление. * паче естества подавая.*  егоже приемлюще доволне,*  родов всех и возраст славим Христа Бога*  подающаго его ради велию милость.**  воспевающим того всечестное и преславное рождество.

И ныне, гл.4

П реславная днесь.*  видим тленных естество на земли. * яко Сыне Божий хощет родитися от Девы всечистыя отроковицы.*  яко богоглаголивый пророче Давид. * рече бо яко пророк сию предзря.*  одши виждь и приклони ухо твое. * и слыши [23] ныне преславная глаголаша о Тебе во всех [Христос].*  град Божий и одушевленный странно глаголание.*  странно повеление странно рождение.** ангелом благовещенно.

Слава, глас З:

П риидите вси празднолюбцы.*  честное рождество святителя Божия Николы.*  восхвалимо вопиюще к нему и глаголюще:*  дар от Бога приял еси.*  святитель Божий Николае всех христиан недуги исцеляти от бед избавляти.*  и грехи отпущати от пленения спасати. * от горкия смерти избавляти и от всякия нужа и печали.*  но и нас не презри святителю Христов Николае.*  веси бо иже требует здравия телесем и душам спасения.* тем убо сердечне.*  и ныне к тебе припадающе вседушевно кланяющеся телесне молящися умилно.*  помяни убо и нас во святых своих молитвах ко Господу.*  да не погибнем за умножение грех наших*  покрый нас от всякаго зла и лютых напастей*  на тя бо уповаем и твоего всечестнаго рождества.**  праздник чтущи Тя ублажаем. [27]

И ныне, Богородичен: [28]

НА УТРЕНИ

Тропарь, глас 4:

Т аинодерзновенне уподобился ec и мудре царя бо.*  обличил еси ангелом двократы избави три мужи от смерти. * тем по успении твоем сияеши чюдесы.*  отче наш [29] Николае. ** моли Христа Бога спастися душам нашим.

Кондак, глас 4:

В мирех рождейся святителю Николае.*  от благаго корени боголюбиваго отца Феофана из ложесн от богонравныя утробы матере своея Ноны. * проразумел еси путь спасения.*  исполнися множество чюдес преподобне быв. ** сего ради освятися и явися велий таинник Божия благодати.

Седальны. и канон. и хвалитны из службы декабря в 6 день [30]

Месяца июля в 29 день

РОЖДЕСТВО ВЕЛИКАГО СВЯТИТЕЛЯ И ЧУДОТВОРЦА НИКОЛАЯ [31]

НА МАЛЕЙ ВЕЧЕРНИ

Слава, глас 4:

В сечестное твое рождество, отче Николае, * ангелов множество на небеси и человеческий род на земли, честно ублажает, * яко святитель Вышняго во святем рождестве твоем пронаречен еси, * Того моли о нас, не престай молимся,**  яко на тя упование полагаем, святителю Николае.

И ныне.

Слава, глас 4:

В семирная радость, от праредник возсия нам днесь рождество твое, * святителю отче Николае, * иже премногия ради твоея чистоты храм Божий одушевлен явился еси*  и во святителех предивен познаваешися * того молитвами Христе Боже мир мирови низпосли** и душам нашим велию милость.

И ныне.

Тропарь, глас 2:

Д несь воссия нам, яко солнце торжество твое, отче Николае,*  ибо в рождестве твоем дивным стоянием ног твоих ангелы возвеселил еси, * и человеки удивил еси, * противныя же устрашил еси, * темже ныне и Христова церковь украшается яко невеста,*  и высоким гласом вопиет весело уяснися моя доброта прекрасно, * приидите вернии,*  возвеселитеся и подимите спасение ваше и душевное нетление,*  в бедах скораго помощника, в скорбех посетителя, * в мори обуреваемии тихое пристанище,* алчущий питателя, слепии вождя,*  нищии богатство, старцы жезл,*  юнии наказателя и чистоте учителя,**  и вси притекающий с верою приемлют исцеление душам и телом.

Слава, и ныне, Богородичен:

В ся паче смысла,*  вся преславная твоя Богородице таинства,*  чистоте запечатленной, и девству храниму,*  Мати позналася еси неложна, Бога рождши истиннаго, ** того моли спастися душам нашим.

НА ВЕЛИЦЕЙ ВЕЧЕРНИ.

Стихиры, глас 2.

Подобен: Киими похвалными венцы:

К иими похвальными венцы, венчаем святителя в чудеснем рождестве его, плотию бо в Мирех суща, духовно же всех достизающа, и всю вселенную озаряюща, иже чисте того любящих, всем предстателя и заступника, и всем скорбным утешителя, благочестия столпа, верным поборника, его же ради шатания врагов Христос низложи, имеяй велию милость.

К иими песньми похвалим святителя в честнем рождестве его, нечестию сопротивоборца и благочестию поборника, Церкви первостоятеля, великаго защитника и учителя, и теплаго пособника, злославныя посрамляюща, потребителя Ариева, его же ради сего шатание Христос низложи, имея велию милость.

К иими духовными пенми и песньми восхвалим святителя во славнем торжестве его, далече бо сущая провидяща и отстоящая яко близ суща, и в рождестве своем стояние честных ног пророчествующа неложно, еже всей вселенней хотящи быти назирателя, и обидимым избавителя, царем окормителя, и связанным разрешителя, и от неправедныя смерти свободителя и всем дарующа верным велию милость.

Слава, глас 6.

С вятителем удобрение и отцем славу, источника чудес неисчерпаемаго и верным заступника великаго, сошедшеся, о празднолюбцы, цветы добродетелей вземше, песненными похвалами воспоем, глаголюще: радуйся, в Мирех Ликийский рожденный и всему миру вожделенный, верным хранителю и наместниче честный и столпе непоколебимый. Радуйся, светильниче всесветлый, иже мирския концы просвещая чудесы. Радуйся, печальным божественное радование и обидимым теплый поборниче. И ныне, всеблаженне Николае, не престай моляся Христу Богу о чтущих верою и любовию присно радостную и всепразднественную память рождества твоего.

И ныне: К то тебе не ублажит, преподобне.

Чтения святительская.

На литии стихиры, глас 2:

О тче Николае, аще и Мирская страна израсти тя, но мир весь, иже тобою просвещенный мирными благоухании и чудес множеством, взывает похвальными песньми. И спасшийся тобою неосуждени, с сущими в Мирех, и мы поюще вопием: моли спастися душам нашим.

Глас 4:

О тче Николае, закона судьбами, яко сад при водах насажден бысть и в дому Божий преславно процвел еси и всех верных чудесы предивными возвеселил еси, тем же и ныне прииди, отче, посреде нас невидимо и озари нас от Бога данною ти благодатию во светлем сем торжестве, в честнем твоем рождестве, богоносе Николае.

Глас 8:

Д облестей твоих, преподобие отче, плоды просветил еси верных сердца чудесными блистании. Кто бо слыша о сем не удивится, яко во святем рождестве твоем стоянием ног твоих предивен и непреклонен явился еси, досточудне Николае. Тем же и нас поющих и хвалящих тя присно избави от враг видимых и невидимых твоими к Богу молитвами и спаси души наша.

Глас той же:

Н а хвалу потекл еси Господню, Николае, во временней жизни, и Той тя прослави на небесней истинней жизни. Тем же дерзновение стяжав к Нему, моли спасти души наша.

Слава, глас 6:

Д несь верных собори сошедшеся, воспоем вкупе согласно предивнаго отца святителя Николая торжество, зачатие бо его честно, и рождество его свято, и во младенчестве его дивная всем явишася, темже вопием ему: сосуде святоизбранный, столпе и утвержение Церкви, Царствию наследниче, непремолчи вопити о нас ко Господу.

И ныне, Богородичен: Т ворец и Избавитель мой…

Слава, глас 2:

П риидите, христоименитых людей собор и всех верных сословие, днесь ныне в лице ставше и светлым гласом возопием: блажен еси Феофане, яко такову отроку быв родитель, хотящаго родити словом учения многих ко спасению. Блаженна ложесна твоя, Нонно, имаже носила еси, и красна сосца твоя, имаже воздоила еси хотящаго напитати душетленным гладом тающия. Блаженно отчество ваше, град Ликия, и вся окрестная его, но помолимся вама блаженная, еже молити его о нас, да испросит у Христа мира мирови и душам нашим велию милость.

И ныне, глас той же: О чудесе новаго.

НА УТРЕНИ

Слава и ныне, Богородичен:

В семтворца Бога же и Содетеля Всенепорочная, Чистая Духом Божественным в ложеснах заченши и тления кроме родила еси, Его же славяще, Тя воспеваем Дево, яко Палату Царя всех и миру заступление.

Слава, и ныне, Богородичен:

В кал греховный впадох и нет мне постояния, люте погрузи мя буря согрешений. Но яко рождьши Слова Единаго, Человеколюбца, на мя, раба твоего, призри и избави всякаго греха, и страстей душетленных, и всякаго озлобления льстиваго врага, Богородице неискусомужная. Моли Христа Бога грехов оставление подати ми, Тя бо имам надежду, раб твой.

Слава, и ныне, Богородичен:

Н еискусобрачная Невесто, присно Дево, со святители непрестанно восхваляем тя, яко Тобою нам величия сотвори Сын Твой и Бог Превечный от Отца, иже в ложеснах Твоих вместитися изволивый, да от лести свободит род наш.

Степенна, глас 4: Прокимен:

П раведник яко финикс процветет и яко кедр иже в Ливане умножится. Стих: Насажден в дому Господни: Евангелие от Матфея. Зачало 11: В ы есте свет миру, не может град укрытися, верху горы стоя.

По 50 псалме: стихира, глас 6. Д несь верных собори сошедшеся.Писана на литии Слава. Канон Пресвятой Богородице со ирмосом на 6. Канон великому святителю и вселенскому чудотворцу Николаю, глас 2.

Песнь 1.

Ирмос: Д ивно славно творяй чудеса:

Д ивен и славен еси Господи, творяй чудеса, разделивый море, и воду из камене источивый жаждущим людем, напои убо, Блаже, и мене росою Твоея благодати, да возмогу воспети угодника Твоего преславное рождество.

Д ивное и славное рождество твое, святе Николае, от любве душевныя хощу похвалити, но недоумением содержим, боюся трепеща, зане вем, яко не красна похвала во устех грешников. Но обаче дерзая на благоутробие твое, славлю святое твое рождество.

Д ивна во истину и славна, святителю, память рождества твоего, яко звезда утренняя посреди облак, и яко солнце сияя на церковь вышняго, и яко дуга на облацех славы, тако сияет хвала твоя на тверди церковней, отче Николае.

Д ивнаго и преславнаго святителя на преславное рождество христоименитиии стекшеся, усердно соберитеся и славу Господеви воздадите, яко дарова нам такова пастыря и учителя нелестна, и путеводителя, и от бед свободителя, еретиком же посрамителя.

Богородичен:

Д ивна и преестественна тайна рождества твоего, Богородице, кий слух слыша не удивится богорождению твоему, яко во утробе своей Создателя всех нетесно вместила еси, и паки Дева пребыла еси.

Песнь 3.

Ирмос: Н еплодная душе:

Н еплодну имам душу аз окаянный, како тя могу похвалити, святителю. Воистину ты, отче, плод благохвальный, душу мою плодоносну покажи, да возмогу воспети святое твое рождество.

Н еплодна быста родители твоя по рождестве твоем, святителю Николае. Естеству убо поведающу, яко не могут другаго такова родити, добродетельми же яко Авраам плодна и верна быста, того ради и мзду о вере своей от Бога тебе прияста.

Слава:

Н еплодных чресл честное прозябение, святителю, слыша, кто не удивится, рождшуся бо тебе, святе. Воистину дивная о тебе яви Господь, трем бо часом неуклонно тебе стоящу на земли, идеже хотяше омытися, чудне Николае.

И ныне:

Н еплодных ложесн рождение, Пресвятая Владычице, но рождьши нам Христа Плода Бессмертнаго, питающаго всяко создание и смотрящаго всю тварь, Богородительнице.

Седален по 3 песни, глас 5:

О блаженная версто и благословенное супружество прекраснаго душею Феофана и боголюбивыя Нонны, божественным бо желанием совокуплени быста, и израстивша нам прекраснаго плода, чуднаго Николая, нетокмо бо яко цвет шипка или крина при исхождении воды или стебло ливаново во дни жатвы, но истиннаго плода реку, отца сирым и вдовицам заступника, богатство нищим и болящим здравие и утешение, и сущим в богатстве окормление, старости подпор и юности обучителя, благочестия окормителя, еретиком же и бесом губителя. К немуже мы ныне возопием: отче святителю Николае, моли спастися поющим тя.

Слава, и ныне, Богородичен:

Б лаженна ложесна твоя, Богородительнице Дево, яко ширши небес явлвшася, словом бо составльшаго тварь во утробе Своей бессеменно имела еси, и во объятиих Своих нетрудно носила еси, тем молим Тя, Всеблаженная, еже молити от Тебе рожденнаго Христа, Бога нашего, во еже спастися поющим Тя.

Песнь 4.

Ирмос: П окрыла есть небеса:

П окрыла есть яко облак любы твоя и благодать твоя, юже имаши от Бога, святителю Николае, всех призывающих имя твое святое, всюду бо неоскудно подававши и коегждо прошения исполняеши. Прииди и ныне посреди нас невидимо и посети нас, озлобленных грехми, любовию празднующих пречестное твое рождество.

П разднуется и украшается рождеством твоим, святителю, яко монисты Церковь Христова, и невески светло одевается и красуется, веселяся и вопия радостно, глаголя: приидите и видите желаемаго мною небеснаго гражданина и служителя Христова, днесь рождьшася от благоверну родителю.

П амять рождества твоего, отче святителю, всем человеком бысть веселие. Покрый нас, отче всечестне, призывающих тя с верою и празднующих честно торжество праздника твоего, святите Николае.

П охваляему бо праведнику возвеселятся людие, якоже рече писание. Днесь ныне мы грешнии, в рождестве твоем, отче Николае, радуемся и веселимся духовне, Христа славяще, иже тебе таковую благодать даровавшаго, яко Того хваления исполнь земля.

Богородичен:

П ресвятая Богоневесто, рождшая Христа, Правителя и Содетеля всем, немощьствующую душу мою исцели и настави мя на деяния благая, да всегда славлю Тя Преблагословенную.

Песнь 5.

Ирмос: Н а земли невидимый явился еси:

Н а земли, отче святителю, явися верным твое святое рождество, во истину любезное торжество, якоже бо ливан в кадильнице или яко маслина износящи плод, тако нам память рождества твоего, отче милосерде Николае.

Н а земли днесь ныне, святителю, познан бысть и, яко от Бога познан был еси, прослави бо тя Господь в рождестве твоем, ибо стоянием честных ног твоих являя хотящее быти на тебе дарование.

Н а земли ныне церковь православных веселится, святителю Николае, и ликует с чады своими в памяти рождества своего, милосерде, и вопия глаголет: уяснися ныне доброта прекрасно и никогда же угаснет.

Богородичен:

Н а землю во чрево Твое, Чистая, яко дождь на руно сниде Господь и Бог наш, и от Твоих пречистых девических кровей плоть прием и чудодействова, и пострада, и взыде на небеса, с Собою возвышая праотца.

Песнь 6.

Ирмос: Г лубина страстей восста на мя:

Г лубина страстей восста на ны и буря противных ветров, но предварив нас, отче святителю, и разори сопротиволежащий на нас совет лукаваго, и лукавых человек стремления хвалящихся о злобе своей, спаси ны от ни, милосерде Николае.

Г лубине богатства Божия дивитися суть должно, дела же Божий славити зело есть лепо. Памяти же святых чтити велми есть полезно. Почтим убо и мы, братие, и возлюбим возлюбленнаго Богом святителя Николая, како во святем младенстве его дивная о нем показа Бог. Питаше бо ся, но не тако якоже обычай детем, в среду же и пяток единою касашеся, и то к вечеру, от леваго же сосца отнюд не ссаше, прознаменуя десное жития его.

Г лубиною мудрости помышляяй о всех Господь прежде противны ветров тишину уготовляет, на Ариев убо плевел огнь вжигает, сего дивнаго реку и преславнаго святителя Николая рождество являет, пореченном от апостола Павла, егоже предуведе Бог сего и предизбра и оправда и прослави.

Богородичен:

Г лубине таинству богорождения Твоего кто не удивится Пресвятая Дево Владычице, веков бо Творец вселися в Тя и плоть от Тебе приим умну и словесну, вся человеки обожи.

Кондак, глас 2.

Подобен: В Мирех святе.

В Мирех рождься, святе Николае, от благородна корене, яко благоплодна ветвь прозябл еси, исполнь бо бых божественных даров, яко солнце зарями весь мир чудесы просветил еси, сего ради прославляем тя, яко ученика и таинника Божия благодати.

Ин кондак, глас 3:

Я ко звезда пресветлая просиял еси, блаженне Николае. Посреди Ликии града от праведнику родился еси, отче, и в честнем рождестве твоем чудна и славна тя показа Господь, и во святем младенстве твоем дивная явлена быша о тебе. Троицу бо проповедал еси трех часов стоянием честных ног твоих на земли в час рождения твоего, и от сосца деснаго питашеся, от леваго же никакоже, в среду же и в пяток единою и то во время вечернее, и оттого, отче, познан был еси воздержания нелестное правило, и яко имаши быти велий таинник Божия благодати.

Икос:

П риидите ныне с нами, братие, и купно духовне возвеселимся во святем торжестве богоноснаго отца нашего святителя Николая, и прославим преславно рождьшагося, и от утробы освященного, и Божественнаго Духа приимшаго, и святую Троицу в час рождения своего стоянием ног своих проповедавшаго, и всех человек удивльшаго, и хваляще святое и чудное рождество его. Любовию и правостию сердечною благодарная к нему сице рцем: Радуйся от матерних ложесн Богу возложенная и от Него усвоенная и освященная главо, сокрушивый проклятому сатане главу, Радуйся предизбранный и освященный сосуде и Богу возложенный и возлюбленный. Радуйся, царем правоверным помоще и окормление, и на враги победа и одоление, и православию утверждению. Радуйся, в Духа Святаго облеченный и на благодеяние благочестивым поданный. Радуйся, нечестивых потребителю и на страх их явленный. Радуйся, бесом прогонителю и еретиком обличителю. Радуйся, яко во святем рождестве твоем дивен всем познанный яко имаши быти великий таинник Божия благодати.

Песнь 7.

Ирмос: Т рие отроцы в пещи:

О т Троицы Бога проповедал еси, чудне Николае, темже и почести от Него венец приял еси, блаженне, и ныне в торжестве твоем усердно призывающих тя не забуди нас, раб своих, но свыше назирай, тя бо имам крепка молитвенника.

С крыжаль в сердцы своем от младенства, отче Николае, стяжав дивных добродетелей, написанну бессмертным пречистым перстом Христа Бога нашего, моли Его о нас, во еже написанным нам быти в книзе животней, святителю отче Николае досточудне.

В о святем Рождестве твоем, святителю отче, Богом познан был еси и Бога познал еси, и весь бысть Божие жилище, весь явися орган духовный, возглашающ всяку добродетель богодохновенных пений спасения сказания и доброту являя Небеснаго Царствия, святителю Николае.

Богородичен:

С Богом Заступницу Тя стяжахом, Ты бо Божия Мати бысть Творца и Содетеля. И наше воображение приемша Всенепорочная, и сие спасша от тли и смерти и славою божественною прославльшаго.

Песнь 8

Ирмос: Ангельми немолчно:

А нгелы дивятся, видяще преславная в час рождения твоего, отче Николае, человецы же радуются, приемлюще тя яко своего благодетеля и к Богу молитвенника неуклонна, всем бо явился еси радость спасения, милосерде Николае.

К то не почудится или кто не прославит имене твоего, отче святителю, слыша на тебе выше закона естественнаго бывшая знамения в рождестве твоем, и тем яви тя Господь светильника всему миру, во святем же младенстве твоем у матерних сосец показа тя изрядна и искусна, тем воистинну воздержанию нелестный учитель явился еси, святителю Николае.

В торый Предтеча на земли явился еси на обличение беззакония, отче Николае. Ов бо обличи. Ирода беззаконновавшаго, ты же, отче, вся ереси далече от церкве отгнал еси и вся соблазны и беззакония, яко хврастия, огнем ревности своея попалил еси, верных же утвердил еси, милосерде Николае.

Богородичен:

Д ивлюся, святая Богоневесто, Владычице, таинству Богорождения Твоего, всех бо Содетель в Тя вселися, и все человеческое естество на небеса вознесе, прибегающих под кров Твой приими и спаси ны, Богоблагодатная Владычице.

Песнь 9.

Ирмос: Б лагословен Господь Бог Израилев:

Б лагословен еси Боже о всех, яже твориши, идеже бо хощеши, тамо побеждается естества чин, якоже и ныне в рождестве святителя Твоего выше закона естественнаго верным твоим дивная и пречудная явил еси, того молитвами, Христе, направи на путь мира.

Б лагословенна тя Богом, всем, отче Николае, благослови убо имене поющаго святое рождество твое, и руками помощи простри, и приведи к тихому пристанищу покаяния, яко да всегда славлю тя, отче Николае.

А ще и много беззаконновах аз окаянный, не отступаю надежди, покрова твоего, отче Николае, всегда прибегаю и на тя надежду мою полагаю. Тем в нынешнем настоящем торжестве во святем твоем рождестве радостно вопию ти: ты мя, отче, избави от всякия скорби, и бед, и печалей, елика бо хощеши и можеши.

Б лаженне и богоносе Николае, виждь тесноту души моея, како враг мой подвиже на мя брань на всяк день и не может истощити тула стрел моих, но присно ураняет мя и почити ми не даст. Аз же изнемогох, но ты, отче, сокруши козни его молитвами своими, яко да прием помощь твою святую, непрестанно славлю тя.

Богородичен:

Н иктоже прибегаяй под кров надежди Твоея, Пресвятая Богоневесто, тощ исходит, но всяк просяй приемлет скорую Твою помощь, юже и мне подаждь, Отроковице, поющему пресвятое Твое рождество.

Светилен:

В оистину шлем и оружие на диавола непобедимое ты еси, отче Николае, от Бога явлен еси. Христианом же поможение и утверждение, иерархом удобрение, в бедах же притекающим к тебе скорая помощь и заступление, святителю Господень. (дважды)

Слава, и ныне:

О блаче превыщий небес, радуйся, искапающий нам каплю душеспасительную. Богородице, Ты Всеблагая, подаждь от Бога царем нашим победы на враги и междоусобия бурю утиши, елика бо хощеши, вся можеши, яко мати Господня.

Слава, глас 2:

О т корене благаго благий прозябе плод, иже от младенчества освященный, и якоже Самуил в дар Богу возложенный, отче святителю Николае, Божиею бо благодатию паче, нежели млеком воспитанный, тем и на гору добродетелей взыде, преочищенну душу стяжав, и разум имея присно к Богу, небесное бысть жилище Духа, Христова обитель явися. Того, блаженне, моли о нес, еже спастися душам нашим.

И ныне, Богородичен: глас той же: Я ко плодовита маслина Дева. Таже славословие великое и отпуст. НА ЛИТУРГИИ Блаженны. На Апостол и Евангелие и причастен все святительское.

[1] См. нашу статью «Слава на Руси св. Николая» // Музыкальная академия. – 2001. – №1. – С.1-12

[2] В целом современный месяцеслов Православной Церкви содержит шесть праздников св. Николаю. Каждому из них соответствует своя гимнография. Условно их можно разделить на две группы. Первую составляют памяти, скажем так, житийного цикла. Сюда относятся: праздник Преставления св.Николая или, как он именуется в богослужебных рукописях, Память св.Николая... (6 / 19 декабря); Пренесение мощей св.Николая из Мир Ликийских в Бар град… (9 / 22 мая) и Рождество св.Николая (29 июля / 11 августа).

Вторую группу составляют праздники в честь чудотворных икон Святителя. Таких праздников на Руси сложилось довольно много, но в Месяцеслове Православной Церкви указано только три – те, слава о которых прошла по всей России. Это памяти: Принесения Зарайского образа св. Николая из града Корсуни в земли Рязанские… (9 / 22 мая); Явление Великорецкого образа св. Николая… (24 мая / 7 июня); Принесение образа «Николы Великорецкого» в Москву (29 июля / 11 августа).

Точно известно о греческом происхождении только одной из названных памятей – Преставления св. Николая. В Византии была составлена и служба на этот праздник.

Остальные пять праздников (вероятно все) принадлежат Русской Церкви и гимнографию к ним составляли русскиепеснотворцы. Подробнее об этом см. в нашей статьте «Русская гимнография св. Николаю: проблемы ее изучения» // «Правило веры и образ кротости… Образ св. Николая, архиепископа Мирликийского, в византийской и славянской агиографии, гимнографии и иконографии». – М., изд-во ПСТБИ, 2004. – С. 356-369.

[3] Днем празднования Рождества св. Николая указывается преимущественно 29 юля, но в разных источниках м.б. и 20 мая, 23 и 24 августа. Подробнее об этом см. Сергий (Спасский) прот. Полный Месяцеслов Востока. – Т. II. – М, 1977. – С.377.

[4] Там же.

[5] Лосева О.В. Русские месяцесловы XI - XIV веков. – М., 2001. – С.413

[6] Василий (Изюмский), прот. Зарайская святыня: 750 лет городу Зарайску. – М.: Центр, 1996. – С.81.

[7] Голубцов А.П. Чиновник новгородского Софийского собора. – М., 1899. – С.132

[8] Вознесенский А., Гусев Ф. Житие и чудеса св. Николая чудотворца, архиепископа Мирликийского и слава его в России. – СПб., 1899; То же. – Репринт. изд. 1899 г. – СПб., 1994. – С.670.

[9] Серебрякова Е.И. Книжные миниатюры «Принесение Великорецкого образа св.Николая в Москву» // Доклад на Международной научной конференции «Святитель Николай Мирликийский в византийской, славянской и русской литературе и иконографии». – М., 2003.

[10] Вероятно, это случилось после возвращения образа из столицы.

[11] В русских Прологах с 1662 года в день 29 июля полагалось чтение Повести о принесении на Русь Можайского образа св.Николая.

[12] Связи с последованием Рождеству Иоанна Предтечи мы не обнаружили, разве только обращение гимнографов к св.Николаю … яко вторый Предтеча на земли явился еси....

[13] Отметим, что тексты кондака и седальнов строятся «по подобию» соответствующих текстов греческой декабрьской службы. Следовательно, они могли быть составлены самое раннее в VIII - IX вв.

Стихира «Всечестное твое рождество» заимствуется с незначительными изменениями из службы Рождеству Богородицы, где в свою очередь она полагается на Малой вечерни. Чин Малой вечерни, как известно, сложился к XII - XIII векам, тогда же появились и песнопения для этой части службы. Соответственно, стихира «Всечестное твое рождество» могла появится в службе Рождеству св.Николая не раньше этого времени. Напомним, что первый месяцеслов, содержащий память Рождества св.Николая, относится именно к XII - XIII вв.

[14] Идеи о содержательной интерпретации гласов, смысловой соотнесенности гласа и текста, мы почерпнули из книги: Прот. Борис (Николаев). «Знаменный распев и крюковая нотация как основа русского православного церковного пения». М., 1995. Конкретная проявленность этой соотнесенности — через смыслы, вложенные в попевки, рассмотрена в работе: Голованова О. Славянский Октоих: к вопросу о певческой интерпретации тек­стов. РАМ им. Гнесиных, Дипл. работа. 2000.

[15] Текст службы дан по списку РГБ ф.98 №903, 1657 г. Далее в сносках указаны варианты текста из списка РГБ ф.299 №484.1, 1723 г.

[16] В списке ф.299 №484 нет строки и избавителя Иисуса Единаго Господа.

[17] В списке ф.299 №484 нет двух строк: О святопомазанная главо, всечестный верх и и преблаженне.

[18] В списке ф.299 №484 в конце стихиры есть дополнительная строка: дарующа велию милость.

[19] В списке ф.299 №484 – вси вернии.

[20] В списке ф.299 №484 после Славы значится: И ныне, Догматик, глас 8: Ц арь Небесный

[21] В списке ф.299 №484 более подробно выписано: Выход. Прокимен дню.Чтения 3 святительские в осенних службы писаны.

[22] В списке ф.299 №484 нет наречия ныне.

[23] В списке ф.299 №484 нет глагола слыши.

[24] В списке ф.299 №484 - быша

[25] В списке ф.299 №484 этот текст в таком варианте звучит после прокимна на Литургии, здесь же он представлен иначе, а именно: Процвел ecu яко Финиск темже молим тя, помяни всех нас, и от противных напасти всякая, молитвами твоими избави нас.

[26] В списке ф.299 №484 эта стихира писана после прокимна на Литургии. Имеются изменения в тексте, а именно: нет двух строк - в cu земнороднии ликовствуйте и и чудотворца.

[27] В списке ф.299№484 – писано на Литургии после стихиры Днесь благоплодная Нона....

[28] В списке ф.299 №484 непосредственно выписан текст Богородична: У мертви наша плотския страсти и похоти, Богородительнице Чистая. устави и страстей наших бурю, утоли волнение, смысл укрепи Благословенная Пречистая сердца, верно чтущих Тя Заступницу.

[29] В списке ф.299 №484 нет местоимения наш.

[30] В списке ф.299 №484 подробно выписаны тексты УТРЕНИ, для которых в списке ф.98 №903 только указан адрес – служба 6 декабря. Для полноты рассмотрения обоих списков приведем здесь дальнейшее содержание службы по списку ф.299 №484:

Стихира по 50-м псалме на хвалитех писана в службе месяца декабря в 6 день: Светилен подобен: Жены услыште: В елика чудеса твоя пресвятый Николае. яко явися во сне. богомудрому Константину царю три воины спасл ecu. безвины умирающа тако и нас спаси, Николае святителю Господень.

Слава, и ныне, праздника

Глас 2:

П равило вере и образ кротости яви тя стаду твоему Христос Бог, святителю Николае в Мирех убо благоухающую ти всюду сияют светло Божественная твоя исправления сирых и вдовиц предстателю темже молися непрестанно спасти душа наша.

О тче Николае мироположница мощей твоих Миры обогащает в них же и связанныя неправедно осужденныя во сне царю видением твоим явився свободил ecu от смерти и уз и темницы но и ныне якоже тогда и присно видением твоим явився моляй о душах наших.

Слава, гл.5: В острубим

НА ЛИТУРГИИ

Блаженны от канона перваго песнь 3-я и втораго каноноа песнь 6-я. Прокимен В озвеселится праведник о Господе и уповает нанъ Стих: У слыши Боже молитву мою

[ П роцвел яко финикс] давидский отче. и обитель явися Пресвятому Духу. и славна тя показа. тем бо ныне о нас Христу непрестанно молися почитающих верою всечестное рождество твое Николае всеблаженне.

Стих: У ста праведного.

Д несь благоплодная Нона… (текст см. по списку ф.98 №903 На стиховне стихира)

Слава, глас З: П риидите вcи празднолю