Канон Пресвятой Богородице пред иконой Ее казанской — КиберПедия 

Индивидуальные и групповые автопоилки: для животных. Схемы и конструкции...

Археология об основании Рима: Новые раскопки проясняют и такой острый дискуссионный вопрос, как дата самого возникновения Рима...

Канон Пресвятой Богородице пред иконой Ее казанской

2017-05-14 335
Канон Пресвятой Богородице пред иконой Ее казанской 0.00 из 5.00 0 оценок
Заказать работу

 

Тропарь, глас 4-й

 

Заступнице усердная, Мати Господа Выш­няго, за всех мсшиши Сына Твоего Христа Бога нашего и всем творйши спастися, в дер­жавный Твой покров прибегающим. Всех нас заступи, о Госпоже Царице и Владычице, иже в напастех, и скорбех, и в болёзнех, обреме­нённых грехи многими, предстоящих и мо­лящихся Тебе умилённою душею и сокрушён­ным сердцем, пред пречистым Твоим образом со слезами, и невозвратно надёжду имущих на Тя избавления всех зол. Всем полезная даруй и вся спаси, Богородице Дево: Ты бо еси Божественный покров рабом Твоим.

 

КАНОН, ГЛАС 4-Й

 

Песнь 1

 

Ирмос: Отверзу уста моя и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

 

Припев: Пресвятая Богородице, спаси нас.

 

Благоговеют Ти, Богородице, ангелов на­чальницы, и святых чини честно служат, праведнии красуются, небесных Ходатаицу блажат Тя, купно же и земля и нёбо в веселии светло восхваляют Тя, и мы, грёшнии, милости просим: озари наша сердца, Владычице, воспети песнь Святыя Твоёя иконы явлению.

 

Пресвятая Богородице, спаси нас.

 

Приидите, соберйтеся, христоименйтии людие, умы тайно очйстившеся, во святую церковь Матере Христа Бога нашего, источает бо нам неоскудно от святыя иконы источник духовен, целебен душам и телом, песнь вопиющим: благословен из Тебе рождейся Бог наш.

Слава: Дивит, Пренепорочная, и ужасает всяк слух странно чудо Божественнаго Твоего рождества: како Херувимскаго Твор­ца зачала еси; како Огнь нестерпимый во утробе носила еси; како Сущую Жизнь плотию облекла еси и Живот всему миру родила еси, Бога купно и Человека.

И ныне: Под кров Твой, Дево Госпоже, прибегаем вси роди человечестии, просвети ны светом Рождества Твоего, грешныя рабы

Твоя, молящияся прилежно и кланяклцияся пречйстей Твоей иконе, просяще от Тебе прияти велйкия милости.

 

Песнь 3

 

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы Сподоби.

 

Пресвятая Богородице, спаси нас.

 

Кую Ти достойную похвалу наше прине­сёт конечное неможёние, яко явлением пречйстыя Твоея Божественныя иконы неза- вйстныя источники целебныя источаёши верно прибегающим к Тебе рабом Твоим?

 

Пресвятая Богородице, спаси, нас.

 

Божественныя Твоея иконы святое яв­ление, Богородице Дево, яко светозарное возсия нам солнце, преславных чудес лучи пущающи, тьмы лютых обстояний отгоняющи священными Твоими, Владычице, предстательствы.

 

Слава: Исполнила еси благодати иногда первописанную Твою икону, Госпоже Дево Богородице, и ныне та же благодать йстинствует сиянием веры чудес, яко Тоя

ради первопйсанныя, ко спасению верно к Тебе по Бозе прибегающим.

 

И ныне: Покланяемся, Богородице, Твоему пречистому образу и пресладкому Твоему Младенцу, Превёчному и Незаходимому Свету Христу, Имже спасла еси от лютых зол и тлёния смёртнаго все человеческое естество.

 

Господи, помилуй. (Трижды) Слава, и ныне:

 

Седален, глас 8-й

 

Божественнии Слова апостоли, Евангелия Христова велегласнии вселённыя благовестницы, Божественную Церковь создавше в пресвятое Твоё имя, Богородице, и к Тебе, Госпоже, приходят, моляще Тя приитй на тоя освящение. Ты же, о Богомати, рекла еси: идите с миром, и Аз с вами тамо есмь. Они же, шёдше, обретают тамо на стене церкве Твоего, Владычице, образа подобие, Божественною писано силою шаровными подобии, и, видевше, поклонишася Ти и прославиша Бога. С нймиже и мы Божественней Твоей покланяемся иконе, просяще от Тебе великия милости: даруй согрешений оставление рабом Твоим, Едина Благословенная.

 

Песнь 4

 

Ирмос: Седяй в Славе на Престоле Божества во облаце легце, прийде Иисус Пребожёственный нетленною дланию и спасе зовущия: слава, Христе, силе Твоей.

 

Пресвятая Богородице, спаси нас.

 

Почтим, людие, Чистыя в чистоте икону Девы Богородицы и Тоя Божёственнаго Младенца, Христа Бога нашего, и лобызаем и прославляем со страхом и трепетом: почитаем бо икону благочёстно, паче же почитаем Самую Тую сущую Чистую Богоматерь.

 

Пресвятая Богородице, спаси, нас.

 

Давид, Божественный и чудный пророк, издалеча провидя, глагола: лицу Твоему помолятся богатии людие. Мы же, вёрнии, покланяемся и лобызаем честную икону, душами купно и телесы освящаемы.

 

Слава: Евангелия Христова Богогласный списатель Лука Божиим мановением всенепорочный Твой написует образ, Богородице, и Младенца Превечнаго на руках Твоих вообразив, к немуже притекающия напастей и бед избавлявши, и вся покрываеши, и спасаеши Твоёю Мйлостию.

 

И ныне: Ты еси похвала и венец святым всем, о Царице, Ты упование наше и Помощ­нице по Бозе, и на Тя надежду спасения наше­го возложйхом вси. Тебе молимся, яко Божии Матери: одождй грешным рабом Твоим бо- гатыя Твоя душеспасйтельныя милости.

 

Песнь 5

 

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

 

Пресвятая Богородице, спаси нас.

 

Всяко, Пречистая, существо воспёти недо- умеёт Тя, паче бо Горних умов превозвысилася еси, рождши неприступнаго и страш- наго Всецаря и Бога, но, яко Милостива и скорая человеком Помощница, вонмй мо- лёнию раб Твоих и даруй Твою помощь.

 

Пресвятая Богородице, спаси нас.

 

Идеже осенит благодать Твоя, Богородице, страхом исчезают демони и разрушается злокозненное тех мечтание, бегают дуси тёмнии, радуется же верных все множество, Тебе песнь хвальну от сёрдца вопиюще: радуйся, Божественный покрове душ наших.

 

Слава: Безочёсным сладкое зрение даётся, глухим слышание, немым благоглаголание, хромым хождение, прокажённым очищение, дёмонствуемым целомудрие и в болёзнех сущим различных исцеление осенёнием Пречйстыя Твоея, Богородице, иконы.

 

И ныне: Не умолчим никогдаже, Бого­родице, псалмы и пёсньми воспевати величия Твоя, Обрадованная: Бога бо войс- тинну воплотйвшагося родила есй во спасение наше всемирное и избавление.

 

Песнь 6

 

Ирмос: Божественное сие и всечестное совершаю- ще празднество, богомудрии, Богоматере, приидите, руками восплещим, от Нея рождшагося Бога славим.

 

Пресвятая Богородице, спаси, нас.

 

Божественнаго Твоего Рождества, Дёво Госпоже, пребогатая благодать, юже древле изглашением предала еси пречистому Твоему образу, неоскудне действовати великая же и преславная во спасение на Тя надеющимся.

 

Пресвятая Богородице, спаси нас.

 

Идеже прославляется святое имя Обрадованныя Богородицы, тамо всяческих благих источницы проливаются; приидите в чистоте, человёцы, се бо явлением Божественныя Дёвы иконы сказуёт Царицы при­шествие во спасение всех верных.

 

Слава: Деления болезней, отгнание же страстей и душепитательное спасение, грехов прощение и вечное избавление от пречйстыя Твоея иконы, Владычице, вёрно приходяще приемлем, Богомати Всенепорочная.

 

И ныне: К Тебе, Госпоже, прибегают роди правоверных, просят великия милости и приемлют неоскудно сущии в недузех исцеление, в страстех пременение, в печалех утешение. Источи и мне, Владычице, каплю душеспасительную, да со всеми и аз пою Твоё величие.

 

Господи, помилуй, (трижды) Слава, и ныне:

 

Кондак, глас 8-й

 

Притецем, людие, к тихому сему и доб­рому пристанищу, скорой Помощнице, готовому и тёплому спасению, покрову Дёвы, ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.

 

Икос

 

Смысл очйстивше и ум, притецем к Бого­родице, светло пёсньми ублажающе Ю, и пречистую икону Ея прославляем и чтим, и, припадающе, покланяемся яко Самой сущей Оной: честь бо иконы на Первообразное восходит, и почитаяй и покланяяйся ей почитает самое Первообразное, якоже божественнии отцы рекоша. И аще кто не чтит Пресвятыя Богородицы и не покла­няется иконе Ея, анафема да будет: посрам­ляет бо и погубляет не чтущия Ю, избавляет же от великих бед и зол благонравныя и Богобоящияся рабы Своя.

 

Песнь 7

 

Ирмос: Не послужйша твари богомудрии, паче Создавшаго, но, огненное прещёние мужески поправше радовахуся, поюще: препетый отцев Господь и Бог, благословен еси.

 

Пресвятая Богородице, спаси, нас.

 

Приидите, почерпем отпущение от неис- тощимаго источника, точащаго святыню, Пречистыя Девы и Тоя Пречистаго Младенца, Божия Слова, нас ради вочеловёчшагося. К Немуже возопийм: Творче, Избавителю, препрославленный со Отцём и Духом, Боже, благословен еси.

 

Пресвятая Богородице, спаси нас.

 

Неусыпную, Чистая, и богоприятную имущи молитву, и непреодолеёмую дер­жаву крепости, врагов наших дерзость, яже на ны, разори и выя их под нозе верному народу нашему низложи, да возвеселимся о Тебе, рабй, Сыну Твоему вопиюще: отец наших Боже, благословен еси.

 

Слава: Радуемся и веселимся, вернии людие, чудному явлению иконы Пречистыя Владычицы Богородицы: река бо явися неисчерпаема, целебную воду точащи, сле­пым бо вйдети даёт и глухим слышание, хромым хождение и всем, сущим в недузех, безмездное исцеление.

 

И ныне: Неиспытана глубина, недовёдомо таинство, непостижим образ, Дево, зачатия Твоего, зачатия без семене, без мужа рож­дество. Безплотный воплотися, Превечный младенствует, Сын Божий, Сын Тебе Девы, бывает. Емуже вопием: Боже, благословен еси.

 

Песнь 8

 

Ирмос: Отроки благочестивыя в пещи Рождество Богородичо спасло есть, тогда убо образуемое, ныне же деиствуемое, вселенную всю воздвизает пёти Тебе: Господа поите дела и превозносите Его во вся веки.

 

Пресвятая Богородице, спаси нас.

 

Ум Ангельский и человеческий ужасаете, Богородице, како Бога Небеснаго, ложеснами объёмши, воплотила еси? Како, Младен­ца рождши, яко Сына на руку носиши? Егоже ужасается тварь и трепещут Горнии Престоли, вопиюще непрестанно: Свят, Свят, Свят еси, Боже, препётый и превозносимый во веки.

 

Пресвятая Богородице, спаси нас.

 

Радуйся, сущая радосте всего мира, со Архангелом Гавриилом вопиём Ти, Бого­родице; радуйся, вместилище Невместймаго; радуйся, Благодатная, носило Божества всего; радуйся, Адамово воззвание, с Тобою Господь и Тебе ради с нами, спасая нас. Егоже поём и превозносим во веки.

 

Слава: Корень Иессеев освящённый, ко­рень греха нашего исторгнула еси; жезл Ааронов процветший, Жизнодателя цвета израстйвшиХриста; стамно манноприёмная, смерти всю силу сокрушила еси и в породу жизни возвела еси род человеческий, тёмже Тя поём, добрых виновную.

 

И ныне: Ты похвала христианом еси, Владычице, Ты оружие на враги и стена к Тебе прибегающим. Тя и ныне на помощь призываем, Госпоже: не даждь врагом

вознестися на люди Твоя, иже Тебе не хвалят, ни Сына Твоего, Богородице, и Твоей иконе не кланяются, сих победи и души наша спаси.

 

Песнь 9

 

Ирмос: Всяк земнородный да взыграется, Духом просвещаёмь, да торжествует же Безплотных умов естество, почитающее священное торжество Богоматере, и да вопиет: радуйся, Всеблажённая Богородице, Чистая Приснодёво.

 

Пресвятая Богородице, спаси нас.

 

Тебё, твёрдую Помощницу роду человечес­кому, Богородице Марие, лик пророческий многообразно провозвести: сень святую небёс пространнейшую, скрижаль богописанную и купину неопалимую, дверь богопроходную, гору же и лёствицу, и мост, и жезл процветший, мы же войстинну Богородицу Тя величаем.

 

Пресвятая Богородице, спаси нас.

 

Таина глубины Рождества Твоего ум ан­гельский ужасает, Дево, и пречистая икона демоны прогонит, и лица нечестивых омрачает, и в студ поревает: не терпят бо взирати на силу ея, бегают же и исчезают. Мы же любезно покланяемся и лобызаем и Тя Богородицу величаем.

 

Слава: Предстательница сущи неотступна к Вышнему Царю, яко имущи матерне дерзновение непостыдно, в мире глуббце православных житие утверди, и отечество наше возвыси, и вся полезная даруй всегда рабом Твоим, да Тя Богородицу, величаем.

 

И ныне: О Всемилостивая христианом Помощнице! Не может Тя воспети достойно ум человеческий и ангельский, яко всея твари честнёйши, небесных и земных славнейши: всех бо родила еси Творца и Бога. Но, о Владычице, приимй мйлостивно, Юже Тебе от сердца возложйхом песнь, спасай нас всегда, на Тя бо надеемся.


Поделиться с друзьями:

Археология об основании Рима: Новые раскопки проясняют и такой острый дискуссионный вопрос, как дата самого возникновения Рима...

Общие условия выбора системы дренажа: Система дренажа выбирается в зависимости от характера защищаемого...

Поперечные профили набережных и береговой полосы: На городских территориях берегоукрепление проектируют с учетом технических и экономических требований, но особое значение придают эстетическим...

Состав сооружений: решетки и песколовки: Решетки – это первое устройство в схеме очистных сооружений. Они представляют...



© cyberpedia.su 2017-2024 - Не является автором материалов. Исключительное право сохранено за автором текста.
Если вы не хотите, чтобы данный материал был у нас на сайте, перейдите по ссылке: Нарушение авторских прав. Мы поможем в написании вашей работы!

0.05 с.