Святии безсребренницы Космо и Дамиане, молите Бога о нас.

Озаря́еми сла́вою Боже́ственною, Богосве́тлии безсре́бреницы,/ озари́те на́ша ду́ши, разоря́юще страстну́ю мглу,/ я́ко да вас ве́рою почита́ем.

Святии безсребренницы Космо и Дамиане, молите Бога о нас.

Тлетво́рных очи́щшеся пе́рвее страсте́й боле́зней преложе́нием,/ очища́ете на́ша лю́тыя неду́ги, му́дрии,/ и боле́зни душе́вныя облегча́ете.

Кано́н ХРА́МА

П реподобне отче Серафиме, моли Бога о нас

Го́споди, отве́рзи мои́ недосто́йнеи устне́ и даждь ми сло́во ра́зума/ воспе́ти досто́йно па́мять блаже́ннаго Серафи́ма,/ ны́не со А́нгелы моля́щагося Тебе́/ изба́вити нас от вса́каго лю́таго обстоя́ния.

П реподобне отче Серафиме, моли Бога о нас

К Богоро́дице вели́кий моли́твенник был еси́, преподо́бне,/ Ю́же ви́дети со апо́столы сподо́бился еси́,/ и ны́не не преста́й моли́твами твои́ми посеща́ти чад твои́х.

Кано́н из Окто́иха (му́ченичны́й), глас 5:

Припев: С вяти́и му́ченицы, моли́те Бо́га о нас.

Тропарь: Телеса́ предаю́ще некро́тким судия́м, претерпе́сте нестерпи́мыя ра́ны до́блии страда́льцы, ча́юще прия́ти по́чести свы́ше: и введе́ ва́с Христо́с в ве́чныя оби́тели, ра́дующихся и пою́щих побе́дную пе́снь.

 

Припев: С вяти́тели Христо́вы, моли́те Бо́га о нас.

Тропарь: Преподо́бнии и пра́веднии, и святи́телие, благосла́внии соверши́вше повеле́ния Бо́жия, упасо́ша лю́ди, и до́бре наста́виша к воде́ ра́зума: и пото́ки сла́дости досто́йно восприя́ша, источа́юще благода́тию исцеле́ний ре́ки.

 

С ла́ва Отцу́ и Сы́ну и Свято́му Ду́ху.

И ны́не и при́сно и во ве́ки веко́в, ами́нь.

Песнь 3:

Кано́н безсребренников, глас 6:

Припев: Святии безсребренницы Космо и Дамиане, молите Бога о нас.

Тропарь: Мир пое́т ва́ша, святи́и, мно́гая благодея́ния/ и чуде́с мно́жества, чудотво́рцы и вра́чеве,/ А́нгел всех равностоя́тели.

Припев: Святии безсребренницы Космо и Дамиане, молите Бога о нас.

Тропарь: Вас обои́х, светода́телей, мо́лим,/ звезд на высоте́ лежа́щих Це́ркве та́йно, Космо́ и Дамиа́не,/ сердца́ ве́рных озари́те.

Кано́н ХРА́МА

П реподобне отче Серафиме, моли Бога о нас

Моли́твами твои́ми, преподо́бне, предстоя́ Бо́гу со А́нгелы,/ за весь мир моли́ся,/ бра́ни вра́жия потреби́ти и побе́ду на супоста́ты дарова́ти.

П реподобне отче Серафиме, моли Бога о нас

От ю́ности ве́рою и любо́вию прилепи́лся еси́ Влады́це Вы́шних сил, преподо́бне Серафи́ме,/ и, возсия́в в пусты́ни Саро́встей, я́ко со́лнце,/ в ско́рбех приходя́щим к тебе́ уте́шитель был еси́;/ моли́ спасти́ся нам.

Кано́н из Окто́иха (му́ченичны́й), глас 5:

Припев: С вяти́и му́ченицы, моли́те Бо́га о нас.

Тропарь: Па́лицами бие́мо не пощаде́сте те́ло, и мечи́ секо́мо всехва́льнии ору́жницы, укрепля́еми наде́ждею му́ченицы ве́чных красо́т.

Припев: С вяти́тели Христо́вы, моли́те Бо́га о нас.

Тропарь: Святи́тельства оде́жду просвети́сте, ви́ды доброде́тельными упа́сше Христо́во ста́до на па́житех живо́тных.

Припев: С ла́ва Отцу́ и Сы́ну и Свято́му Ду́ху.

И ны́не и при́сно и во ве́ки веко́в, ами́нь.

Седа́лен, глас 8.

От исто́чника бе́здны, Иису́са,/ чуде́с струи́ благоле́пно поче́рпше, святи́и,/ та́йными ту́чами страсте́й мра́чныя о́блаки отгоня́ете/ и неду́гующим челове́ком исцеле́ния подае́те./ Тем, получи́вше здра́вое весе́лие,/ ва́ми, пресла́внии, удивля́еми, зове́м:/ Богоно́снии безсре́бреницы, моли́те Христа́ Бо́га/ согреше́ний оставле́ние дарова́ти/ пра́зднующим любо́вию святу́ю па́мять ва́шу.

Сла́ва, и ны́не, Богоро́дичен:

Я́ко Всенепоро́чная Неве́сто Творца́,/ я́ко Неискусому́жная Ма́ти Изба́вителя,/ прия́телище я́ко су́щи Уте́шителя, Препе́тая,/ беззако́нию мя су́ща скве́рное оби́телище/ и бесо́м игра́лище в ра́зуме бы́вша,/ потщи́ся от тех злоде́йства мя изба́вити/ и све́тлое жили́ще доброде́телей соверши́, Светоно́сная, Нетле́нная,/ отжени́ о́блак страсте́й, и Вы́шняго прича́стия сподо́би,/ и Све́та невече́рняго моли́твами Твои́ми.

Песнь 4:

Кано́н безсребренников, глас 6:

Припев: Святии безсребренницы Космо и Дамиане, молите Бога о нас.

Тропарь: Боже́ственное ро́ждие (ветвь) вои́стинну благопло́дно,/ ло́зы Боже́ственныя, та́йное вино́ иска́пающия,/ в весе́лии му́дрыя безсре́бреники ублажи́м.

Припев: Святии безсребренницы Космо и Дамиане, молите Бога о нас.

Тропарь: Ору́жие яви́стеся, устреля́ющее враги́ неви́димыя,/ и́хже и нас стрел изба́вите, заступа́юще на́шу жизнь,/ му́дрии безсре́бреницы.

Кано́н ХРА́МА

П реподобне отче Серафиме, моли Бога о нас

Вели́кими по́двиги твои́ми, преподо́бне,/ я́ко фи́никс, процве́л еси́,/ словесы́ благопло́дными и непоро́чным житие́м сердца́ притека́ющих к тебе́ услажда́я,/ и ны́не у́бо моли́ся, да обря́щем ми́лость от Христа́, Спа́са на́шего.