Последование канона для двух святых.

Песнь 1

Лик поет ирмос Минеи святаго.

К тропарем стихи припеваются по ликом сии:

Стих: На 8: Тогда потщашася владыки Едомстии и князей Моавитских, прият я трепет, растаяща вси живущии в Ханаане.

И чтется 1-й тропарь 1-го канона Минеи святаго.

Стих: Нападет на ня страх и трепет, величием мышцы Твоея да окаменятся.

И чтется 2-й тропарь 1-го канона Минеи святаго.

Стих: На 6: Дондеже пройдут людие Твои, Господи, дондеже пройдут людие Твои сии, яже стяжал еси.

И чтется 3-й тропарь 1-го канона Минеи святаго.

Стих: Соделал еси, Господи, святыню, юже уготовасте руце Твои.

И чтется Богородичен 1-го канона Минеи святаго.

Стих: Госпо́дь ца́рствуяй ве́ки, и на век, и еще́, егда́ вни́де конь фарао́нов с колесницами и вса́дники в мо́ре.

И чтется 1-й тропарь 2-го канона Минеи святаго.

Стих: И наведе́ на ня Госпо́дь во́ду морску́ю, сы́нове же Изра́илевы проидо́ша су́шею посреде́ мо́ря.

И 2-й тропарь 2-го канона Минеи святаго.

Сла́ва Отцу́ и Сы́ну и Свято́му Ду́ху.

И 3-й тропарь 2-го канона Минеи святаго.

И ны́не и при́сно и во ве́ки веко́в. Ами́нь.

И Богородичен 2-го канона Минеи святаго.

Песнь 3

Ирмос Минеи 1-го канона святаго.

Стих: На 8: Даяй молитву молящемуся и благослови лета праведнаго.

Й тропарь 1-го канона Минеи святаго.

Стих: Господь немощна сотвори супостата его, Господь Свят.

Й тропарь 1-го канона Минеи святаго.

На 6: Да не хвалится премудрый премудростию своею, и да не хвалится сильный силою своею, и да не хвалится богатый богатством своим.

Й тропарь 1-го канона Минеи святаго.

Стих: Но о сем да хвалится хваляйся, еже разумети и знати Господа, и творити суд и правду посреде земли.

Богородичен 1-го канона Минеи святаго.

Ин канон Минеи святаго

Стих: Госпо́дь взы́де на небеса́ и возгреме́, Той су́дит конце́м земли́, Пра́веден сый.

Й тропарь 2-го канона Минеи святаго.

Стих: И даст кре́пость царю́ на́шему, и вознесе́т рог христа́ Своего́.

Й тропарь 2-го канона Минеи святаго.

Сла́ва Отцу́ и Сы́ну и Свято́му Ду́ху.

Й тропарь2-го канона Минеи святаго.

И ны́не и при́сно и во ве́ки веко́в. Ами́нь.

Богородичен 2-го канона Минеи святаго.

Ирмос 3-й песни второго канона.

Посем ектения малая:

Па́ки и па́ки миром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, Пречи́стую, Преблагослове́нную, Сла́вную Влады́чицу нашу Богоро́дицу и Присноде́ву Марию, со все́ми святыми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник: Я́ко Ты еси́ Бог наш и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Лик: Ами́нь.

Чтец: Седален 1-го святого.

Слава Отцу́ и Сы́ну и Свято́му Ду́ху,

Седален 2-го святого,

И ныне и при́сно и во ве́ки веко́в. Ами́нь.

Богородичен Минеи, глас тот же.

Богородичен егоже.

Песнь 4

Го́споди, услы́шах слух Твой, и убоя́хся, Го́споди, разуме́х дела́ Твоя́, и ужасо́хся.

Посреде́ двою́ живо́тну позна́н бу́деши. Внегда́ прибли́житися ле́том, позна́ешися. Внегда́ приити́ вре́мени, яви́шися. Внегда́ смути́тися души́ мое́й во гне́ве, ми́лость Твою помяне́ши.

Бог от ю́га прии́дет, и Святы́й из горы́ приосене́нныя ча́щи.

Покры́ небеса́ доброде́тель Его́, и хвалы́ Его́ испо́лнь земля́.

И сия́ние Его́ я́ко свет бу́дет, ро́зи в рука́х Его́, и положи́ любо́вь держа́вну кре́пости Свое́й.

Пред лице́м Его́ преды́дет сло́во, и изы́дет на по́ле за пя́ту Его́.

Ста и подви́жеся земля́, призре́ и раста́яша язы́цы.

Стры́шася го́ры ну́ждею, раста́яша хо́лми ве́чнии, ше́ствия ве́чная их, за труд ви́деша.

Селе́ния Ефио́пская убоя́тся, и кро́вы земли́ Мадиа́мския.

Еда́ в река́х прогне́ваешися, Го́споди? Еда́ в река́х я́рость Твоя́: или́ в мо́ри устремле́ние Твое́?

Яко вся́деши на ко́ни Твоя́, и ежде́ние Твое́ спасе́ние.

Наляца́я наляче́ши лук Твой на ски́птры, глаго́лет Госпо́дь.

Река́ми разся́дется земля́, у́зрят Тя, и поболя́т лю́дие.

Расточа́я во́ды ше́ствия, даде́ бе́здна глас свой, высота́ привиде́ния своя́.

Воздви́жеся со́лнце, и луна́ ста в чи́не свое́м.

Во свет стре́лы Твоя́ по́йдут, в блиста́нии мо́лнии ору́жий Твои́х.

Преще́нием ума́лиши зе́млю, и я́ростию низложи́ши язы́ки.

Изше́л еси́ на спасе́ние люде́й Твои́х, спасти́ пома́занныя Твоя́ прише́л еси́.

Вложи́л еси́ во главы́ беззако́нных смерть, воздви́гл еси́ у́зы, да́же до вы́и в коне́ц.

И ирмос 1-го канона Минеи святаго.

Стих: Разсе́кл еси́ во изступле́нии главы́ си́льных, стрясу́тся в ней, разве́рзут узды́ своя́, я́ко снеда́яй ни́щий тай.

И 1,2-й тропарь 1-го канона Минеи святаго.

Стих: И возве́л еси́ на мо́ре ко́ни Твои́, смуща́ющия во́ды мно́ги.

И паки 3-й тропарь 1-го канона Минеи святаго.

Стих: Сохрани́хся, и убоя́ся се́рдце мое́, от гла́са моли́твы усте́н моих.