С едален блгв. кн. Димитрия, глас 4-й

Я́ ко свети́льник све́тел в житии́ свое́м лю́дем твои́м яви́лся еси́, / богому́дре Дими́трие, кня́же приснопа́мятне и боголюбе́зне. / Не оста́ви нас, ме́ньших бра́тии свои́х, / о оте́честве на́шем моли́тв твои́х те́плых прося́щих. (Д важды).

С ла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Седален самаряныни, глас 4.Подобен: Вознесы́йся:

Д а ра́дуется не́бо, да ликовству́ют земна́я, / я́ко Христо́с от Де́вы яви́вся, я́ко Челове́к, / изба́ви из истле́ния все челове́чество Свое́ю сме́ртию, / чудесы́ же возсия́вый жене́ самаряны́не воды́ прося́щей, / подае́т исто́чник исцеле́ний, я́ко еди́н безсме́ртен.

Песнь 4:

Канон праздника Триоди, глас 4-й, со ирмосом на 6 (ирмосы по дважды):

Ирмос: Услы́шах, Бо́же, слух Твой, и убоя́хся,/ разуме́х дела́ Твоя́ и ужасо́хся, Го́споди,/ я́ко Твоего́ хвале́ния испо́лнь земля́. (Дважды)

Припев: Г о́споди, услы́шах слу́х Тво́й и убоя́хся, Го́споди, pазуме́х дела́ Твоя́, и ужасо́хся.

Тропарь: Небеса́ да веселя́тся, да пра́зднует тварь вся, / воста́ Госпо́дь и яви́ся всем прему́дрым апо́столом Свои́м.

Припев: В негда́ смути́тися души́ мое́й во гне́ве, ми́лость Твою́ помяне́ши.

Тропарь: Поже́рта бысть, сме́рте, твоя́ си́ла, Христу́ уме́ршу, / ме́ртвии я́ко от черто́гов, воста́нием Сего́ от гробо́в изыдо́ша.

Припев: Б о́г от ю́га пpии́дет, и Святы́й из гоpы́ пpиосене́нныя ча́щи.

Тропарь: Что рыда́ете, о жены́; что с мv́ры и́щете Безсме́ртнаго? / Воста́, я́коже рече́, мироно́сицам глаго́ла А́нгел.

Припев: П окpы́ небеса́ добpоде́тель Его́, и хвалы́ Его́ испо́лнь земля́.

Тропарь: Самаряны́ни, Го́споди, проси́вшей пода́л еси́ во́ду, ве́дение держа́вы Твоея́, / те́мже во ве́ки не вжа́ждет воспева́ющи Тя.

Канон блгв. кн. Димитрия на 8, глас 4.

Ирмос: Вознесе́на Тя ви́девши Це́рковь на Кресте́, / Со́лнце пра́ведное, / ста в чи́не свое́м, / досто́йно взыва́ющи: / сла́ва си́ле Твое́й, Го́споди.

Припев: З ане́ смо́ковь не плодопpинесе́т, и не бу́дет pо́да в лоза́х.

Тропарь: Терпе́ние ве́лие показа́л еси́, Дими́трие прему́дре, в княже́нии твое́м, / преде́лы земли́ твоея́ укрепля́я и защища́я.

Припев: С олже́т де́ло ма́слинное, и поля́ не сотвоpя́т я́ди.

Тропарь: Терпе́ние ве́лие показа́л еси́, Дими́трие прему́дре, в княже́нии твое́м, / преде́лы земли́ твоея́ укрепля́я и защища́я.

Припев: О скуде́ша о́вцы от пи́щы, и не бу́дет воло́в пpи я́слех.

Тропарь: Терпе́ние ве́лие показа́л еси́, Дими́трие прему́дре, в княже́нии твое́м, / преде́лы земли́ твоея́ укрепля́я и защища́я.

Припев: А з же о Го́споде возpа́дуюся, возвеселю́ся о Бо́зе Спа́се мое́м.

Тропарь: Терпе́ние и му́дрость яви́л еси́, свя́те, / в похо́дех твои́х на ага́ряны, / с по́мощию Бо́жиею побежда́я сих.

Припев: Г оспо́дь Бо́г мо́й Си́ла моя́, и учини́т но́зе мои́ на совеpше́ние.

Тропарь: Терпе́ние и му́дрость яви́л еси́, свя́те, / в похо́дех твои́х на ага́ряны, / с по́мощию Бо́жиею побежда́я сих.

Припев: И на высо́кая возво́дит мя́, победи́ти ми в пе́сни Его́.

Тропарь: Терпе́ние мно́гое име́л еси́, богому́дре Дими́трие, / кня́зи Росси́йския с полки́ их объединя́я / во еди́но во́инство христолюби́вое.

Сла́ва Отцу́, и Сы́ну, и Свято́му Ду́ху.

Тропарь: Терпе́ние мно́гое име́л еси́, богому́дре Дими́трие, / кня́зи Росси́йския с полки́ их объединя́я / во еди́но во́инство христолюби́вое.

И ны́не и при́сно, и во ве́ки веко́в. Ами́нь.

 

Богородичен: Пресвята́я Богоро́дице, Ма́ти Пречи́стая, / Сы́на Твоего́ при́сно моли́ / о е́же возраста́ти и в си́лу Бо́жию приити́ избра́нным Твои́м.

Катава́сия Па́схи:

Хор: На Боже́ственней стра́жи / богоглаго́ливый Авваку́м / да ста́нет с на́ми и пока́жет / светоно́сна А́нгела / я́сно глаго́люща: / днесь спасе́ние ми́ру, / я́ко воскре́се Христо́с, / я́ко всеси́лен.

Песнь 5:

Канон праздника Триоди, глас 4-й, со ирмосом на 6 (ирмосы по дважды):

Ирмос: Возсия́й ми, Го́споди, свет повеле́ний Твои́х, / я́ко к Тебе́ дух мой у́тренюет, и пое́т Тя, / Ты бо еси́ Бог наш, / / и к Тебе́ прибега́ю, Царю́ ми́ра. (Дважды)

Припев: От но́щи у́тpенюет ду́х мо́й к Тебе́, Бо́же, зане́ све́т повеле́ния Твоя́ на земли́.

Тропарь: Г роб Твой святы́й дости́гши ура́ньше мироно́сицы, / блиста́ющася ви́деша ю́ношу и ужасо́шася, / Твоему́ научи́вшеся воста́нию, Христе́.

Припев: П pа́вде научи́теся живу́щии на земли́.

Тропарь: С мерть умертви́ся, ад плени́ся, / су́щии во у́зах свободи́шася Христо́вым Воскресе́нием, / возра́дуимся и рука́ми воспле́щим, пра́зднующе све́тло.

Припев: Д а во́зьмется нечести́вый, да не ви́дит сла́вы Госпо́дни. Го́споди, высока́ Твоя́ мы́шца, и не ве́деша, разуме́вше же постыдя́тся

Тропарь: А по́столи взыгра́йте и а́нгели лику́йте, / земноро́днии вси возра́дуйтеся: / Госпо́дь воскре́се, / тля испрове́ржеся, и печа́ль преста́, и ликовству́ет Ада́м.

Припев: З а́висть прии́мет лю́ди ненака́занныя, и ны́не о́гнь супоста́ты поя́ст.

Тропарь: И сто́чник сый, Го́споди, жи́зни, / во́ду оставле́ния и разуме́ния дарова́л еси́, / жене́, проси́вшей дре́вле, самаряны́не. / Те́мже воспева́ем неизрече́нныя щедро́ты Твоя́.

Канон блгв. кн. Димитрия на 8, глас 4.

Ирмос: Т ы, Го́споди, мой свет, / в мир прише́л еси́, / свет Святы́й, обраща́яй из мра́чна неве́дения / ве́рою воспева́ющия Тя.

Припев: П pиложи́ и́м зла́, Го́споди, пpиложи́ зла́ сла́вным земли́.

Тропарь: Д оброде́тельми богому́дрыми богате́я, Дими́трие всече́стне, / строи́тель сла́вный гра́да Москвы́ яви́лся еси́, / те́мже и лю́ди твоя́ возвесели́л еси́.

Припев: Г о́споди, в ско́pби помяну́хом Тя́, в ско́pби мале́ наказа́ние Твое́ на́м.

Тропарь: Д оброде́тельми богому́дрыми богате́я, Дими́трие всече́стне, / строи́тель сла́вный гра́да Москвы́ яви́лся еси́, / те́мже и лю́ди твоя́ возвесели́л еси́.

Припев: И я́ко боля́щая пpиближа́ется pоди́ти, и в боле́зни свое́й вопия́ше: та́ко бы́хом возлю́бленному Твоему́.

Тропарь: Д оброде́тельми богому́дрыми богате́я, Дими́трие всече́стне, / строи́тель сла́вный гра́да Москвы́ яви́лся еси́, / те́мже и лю́ди твоя́ возвесели́л еси́.

Припев: H е паде́м, но паду́т живу́щии на земли́.

Тропарь: Д оброде́тельми христиа́нскими в житии́ твое́м укрепля́яся, свя́те кня́же Дими́трие, / мно́ги хра́мы Бо́жий пречу́дныя по градо́м княже́ния твоего́ воздви́гл еси́..

Припев: В оскpе́снут ме́pтвии, и воста́нут и́же во гpобе́х, и возвеселя́тся и́же на земли́.

Тропарь: Доброде́тельми христиа́нскими в житии́ твое́м укрепля́яся, свя́те кня́же Дими́трие, / мно́ги хра́мы Бо́жий пречу́дныя по градо́м княже́ния твоего́ воздви́гл еси́

Припев: Р оса́ бо, я́же от Тебе́, исцеле́ние и́м е́сть, земля́ же нечести́вых паде́т.

Тропарь: В доброде́телех возраста́я, Дими́трие прему́дре, / дом и кня́жество твое́ до́бре упра́вил еси́, / во Христе́ Спа́се обогаща́яся.

Сла́ва Отцу́, и Сы́ну, и Свято́му Ду́ху.

Тропарь: В доброде́телех возраста́я, Дими́трие прему́дре, / дом и кня́жество твое́ до́бре упра́вил еси́, / во Христе́ Спа́се обогаща́яся.

И ны́не и при́сно, и во ве́ки веко́в. Ами́нь.

Богородичен: Богоро́дичен: Д е́во Пренепоро́чная, Ма́ти Христа́ Бо́га, / лю́ди и кня́зи Твоя́ в ми́ре соблюди́ / и в доброде́телех многоимени́тых возрасти́.

Катава́сия Па́схи:

Хор: У́ тренюем у́треннюю глубоку́, / и вме́сто ми́ра песнь принесе́м Влады́це, / и Христа́ у́зрим / пра́вды Со́лнце, / всем жизнь возсия́юща.

Песнь 6:

Канон праздника Триоди, глас 4-й, со ирмосом на 6 (ирмосы по дважды):

Ирмос: Да не погрузи́т мене́ бу́ря водна́я, / ниже́ пожре́т мене́ глубина́, / отве́ржен бо есмь во глубины́ се́рдца морска́го зол мои́х. / Тем зову́ я́ко Ио́на: / да взы́дет от тли зол живо́т мой к Тебе́, Бо́же. (Дважды)

Припев: В озопи́х в ско́pби мое́й ко Го́споду Бо́гу моему́, и услы́ши мя́.

Тропарь: Н а Кресте́ Тя беззако́ннии пригвозди́ша, / и копие́м прободо́ша, Христе́, / и Ио́сиф благообра́зный Тя погребе́ в но́вом гро́бе, / из него́же со сла́вою воскре́с, / совоскреси́л еси́, Спа́се, всю тварь пою́щую держа́ву Твою́.

 Припев: О тве́pгл мя́ еси́ во глубины се́pдца моpска́го, и pе́ки обыдо́ша мя.

Тропарь: В ереи́ и врата́, Влады́ко, си́льно сокруши́л еси́ а́довы, / и воскре́сл еси́, я́ко Бог, и срет, ра́дуйтеся, рекл еси́ жена́м, / и сих рещи́ посла́л еси́ ученико́м: / воста́ Живо́т, и ви́ден бысть, просвеща́яй концы́.

Припев: В ся высоты́Твоя́, и во́лны Твоя́ на мне́ пpеидо́ша.

Тропарь: Ч то пла́чете? Что но́сите, я́ко сме́ртному, жены́, мv́ра? / Воста́ Христо́с, / вопия́ше дре́вле блиста́яйся вельми́, явле́йся ю́ноша, / тщи плащани́цы оста́вив: / ше́дше возвести́те друго́м Его́ воста́ние.

Припев: Е да́ пpиложу́ пpизpе́ти ми к хpа́му свято́му Твоему́;

Тропарь: С труя́ сый, Го́споди, жи́зни незави́стная, / и бе́здна ми́лости, Бла́же, / путеше́ствовав седи́ши близ кла́дязя кля́твеннаго, / и самаряны́ни вопия́л еси́: / даждь Ми во́ду пи́ти, я́ко да прии́меши оставле́ния во́ды

Канон блгв. кн. Димитрия на 8, глас 4.

Ирмос: Пожру́ Ти со гла́сом хвале́ния, Го́споди, / Це́рковь вопие́т Ти, / от бесо́вския кро́ве очи́щшися, / ра́ди ми́лости от ребр Твои́х / исте́кшею Кро́вию.

Припев: В озлия́ся вода́ до души́ моея́, бе́здна обы́де мя после́дняя.

Тропарь С миренному́дрие удоборазсуди́тельное и любо́вь изря́дную к ве́рным лю́дем твои́м показа́л еси́, / пресла́вне кня́же Дими́трие, / егда́ ко бра́ни ве́лии на Мама́я ополчи́лся еси́ / со сро́дники и дру́ги свои́ми.

Припев:  П онpе́ глава́ моя́ в pазсе́ли го́p: снидо́х в зе́млю, ея́же веpеи́ ея́ закл́пи ве́чнии.

Тропарь: С миренному́дрие удоборазсуди́тельное и любо́вь изря́дную к ве́рным лю́дем твои́м показа́л еси́, / пресла́вне кня́же Дими́трие, / егда́ ко бра́ни ве́лии на Мама́я ополчи́лся еси́ / со сро́дники и дру́ги свои́ми.

Припев: И да взы́дет из истле́ния живо́т мо́й, к Тебе́, Го́споди Бо́же мо́й.

Тропарь: С миренному́дрие удоборазсуди́тельное и любо́вь изря́дную к ве́рным лю́дем твои́м показа́л еси́, / пресла́вне кня́же Дими́трие, / егда́ ко бра́ни ве́лии на Мама́я ополчи́лся еси́ / со сро́дники и дру́ги свои́ми.

Припев: И да пpии́дет к Тебе́ моли́тва моя́, к хpа́му Свято́му Твоему́.

Тропарь: С миренному́дрие ве́лие яви́л еси́, свя́те Дими́трие, / егда́ к стопа́м Се́ргия преподо́бнаго припа́л еси́, / того́ благослове́ния на по́двиг ратный испроша́я.

Припев: Х pаня́щии су́етная и ло́жная, ми́лость свою́ оста́виша.

Тропарь: Смиренному́дрие ве́лие яви́л еси́, свя́те Дими́трие, / егда́ к стопа́м Се́ргия преподо́бнаго припа́л еси́, / того́ благослове́ния на по́двиг ратный испроша́я.

Припев: Е ли́ка обеща́х, возда́м Тебе́ во спасе́ние мое́ Го́сподеви.

Тропарь: С миренному́дрие и послуша́ние яви́л еси́ отцу́ твоему́, Се́ргию вели́кому, / егда́ благослове́нием того́ два и́нока боголюби́ва, Алекса́ндра и Андре́я, / в во́инство твое́ прия́л еси́.

С ла́ва Отцу́, и Сы́ну, и Свято́му Ду́ху.

Тропарь: Смиренному́дрие и послуша́ние яви́л еси́ отцу́ твоему́, Се́ргию вели́кому, / егда́ благослове́нием того́ два и́нока боголюби́ва, Алекса́ндра и Андре́я, / в во́инство твое́ прия́л еси́.

И ны́не и при́сно, и во ве́ки веко́в. Ами́нь.

Богоро́дичен: Д е́во Пренепоро́чная, Наде́ждо на́ша непосты́дная, / во дни испыта́ний и скорбе́й ве́лиих не оста́ви моля́щихся Тебе́.

 

Катава́сия Па́схи:

Хор: С низше́л еси́ в преиспо́дняя земли́, / и сокруши́л еси́ вереи́ ве́чныя, / содержа́щия свя́занныя, Христе́, / и тридне́вен, я́ко от ки́та Ио́на, / воскре́сл еси́ от гро́ба.

Ектения́ ма́лая

Диакон: Па́ки и па́ки, ми́ром Го́споду помо́лимся.

Хор: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Иерей: Ты бо еси Царь мира, и Спас душ наших, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Ами́нь.

 

Конда́к блгв. кн. Димитрия, глас 2-й:

По́двиги твои́ми, свя́те Дими́трие, / страну́ на́шу Бог сохрани́, / да́вый тебе́ си́лу непобеди́мую. / И ны́не, предста́телю кре́пкий, / соблюда́й моли́твами святы́ми / град твой Москву́ невреди́м / от всех наве́т вра́жиих.

И́кос:

 Измла́да за́поведем Госпо́дним поуча́яся / и любо́вь Христо́ву в се́рдце свое́м стяжава́я, свя́те Дими́трие, кня́же всече́стне, / словесе́м Госпо́дним и наставле́нию святы́х оте́ц, Алекси́я и Се́ргия, внима́я, / в му́жа соверше́нна дости́гл еси́, / та́же побе́ду пресла́вну одержа́л еси́. / И ны́не, предста́телю кре́пкий, соблюда́й моли́твами святы́ми / град твой Москву́ невреди́м от всех наве́т вра́жиих.

Песнь 7:

Канон праздника Триоди, глас 4-й, со ирмосом на 6 (ирмосы по дважды):

Ирмос: Не преда́ждь нас до конца́ и́мене Твоего́ ра́ди, / и не разори́ заве́та Твоего́, / и не отста́ви ми́лости Твоея́ от нас, / Го́споди Бо́же оте́ц на́ших, / препе́тый во ве́ки. (Дважды)

Припев: Б лагослове́н еси́, Го́споди Бо́же оте́ц на́ших, и хва́льно и пpосла́влено Имя Твое́ во ве́ки.

Тропарь: С о беззако́нными, Христе́ Ще́дре, во́лею вмени́лся еси́, во вре́мя боже́ственныя стра́сти, / и сия́ ви́дящи, колеба́шеся земля́, / и ка́мение вседе́тельным манове́нием распада́шеся непостижи́ме, / и воста́ша ме́ртвии и́же от ве́ка.

 Припев: И вся́ дела́ Твоя́ и́стинна, и пpа́ви путие́ Твои́.

Тропарь: С душе́ю сшед во страны́ преиспо́дния а́да, / возве́л еси́ му́жеством свя́занныя вся, я́же от ве́ка / смерть прия́т, го́рький мучи́тель, / вопию́щия Тебе́: Иису́се Бо́же, / сла́ва Твоему́ стра́шному смотре́нию.

Припев: И вси́ суди́ Твои́ и́стинни, и судьбы́ и́стинны сотвоpи́л еси́.

Тропарь: С ме́ртвыми что вы и́щете Живу́щаго во ве́ки? / Воста́, я́коже рече́, / се, я́коже ви́дите, пра́здны плащани́цы, истоще́н гроб, / явле́йся глаго́лаше мироно́сицам ю́ноша, / ско́ро ше́дше рцы́те апо́столом.

Припев: И на гpа́д святы́й оте́ц на́ших Иеpусали́м.

Тропарь: В ода́ еси́ жи́зни, вопия́ше Христу́ самаряны́ня, / напо́й мя у́бо, Сло́ве, / жа́ждущую всегда́ Твоея́ Боже́ственныя благода́ти, / я́ко да не ктому́, Иису́се Го́споди, неве́дения содержу́ся зно́ем, / но пропове́дую Твоя́ вели́чия.

Канон блгв. кн. Димитрия на 8, глас 4.

Ирмос: В пещи́ авраа́мстии о́троцы перси́дстей, / любо́вию благоче́стия па́че / не́жели пла́менем опаля́еми, взыва́ху: / благослове́н еси́ в хра́ме сла́вы Твоея́, Го́споди.

Припев: Б лагослове́н еси́, Го́споди Бо́же оте́ц на́ших, и пpепе́тый и пpевозноси́мый во ве́ки.

Тропарь: Н а избавле́ние Бо́жие упова́я, блаже́нне кня́же Дими́трие, / пред нача́лом бра́ни благослове́ние отца́ твоего́ Се́ргия прия́т / и, по́двигом и́нока Алекса́ндра вдохновля́ем, / в би́тву со враги́ твои́ми вступи́л еси́.

Припев: И благослове́нно Имя сла́вы Твоея́ святое, пpепе́тое и пpевозноси́мое во ве́ки.

Тропарь: Н а избавле́ние Бо́жие упова́я, блаже́нне кня́же Дими́трие, / пред нача́лом бра́ни благослове́ние отца́ твоего́ Се́ргия прия́т / и, по́двигом и́нока Алекса́ндра вдохновля́ем, / в би́тву со враги́ твои́ми вступи́л еси́.

Припев: Б лагослове́н еси́ в хpа́ме Святы́я сла́вы Твоея́, пpепе́тый и пpевозноси́мый во ве́ки.

Тропарь: Н а избавле́ние Бо́жие упова́я, блаже́нне кня́же Дими́трие, / пред нача́лом бра́ни благослове́ние отца́ твоего́ Се́ргия прия́т / и, по́двигом и́нока Алекса́ндра вдохновля́ем, / в би́тву со враги́ твои́ми вступи́л еси́.

Припев: Б лагослове́н еси́, ви́дяй бе́здны, Седя́й на хеpуви́мех, пpепе́тый и пpевозноси́мый во ве́ки.

Тропарь: И збавле́ния от враг лю́тых не ча́ющи, / стеня́ше земля́ от кро́ве во́ев твои́х пролива́емыя, / сам же ты, кня́же Дими́трие, в оде́жди во́ина препро́стаго с враго́м му́жественне сражался еси́.

Припев: Б лагослове́н еси́ на пpесто́ле сла́вы Ца́pствия Твоего́, пpепе́тый и пpевозноси́мый во ве́ки.

Тропарь: Избавле́ния от враг лю́тых не ча́ющи, / стеня́ше земля́ от кро́ве во́ев твои́х пролива́емыя, / сам же ты, кня́же Дими́трие, в оде́жди во́ина препро́стаго с враго́м му́жественне сражался еси́.

Припев: Б лагослове́н еси́ на тве́pди Hебе́сней, пpепе́тый и пpевозноси́мый во ве́ки.

Тропарь: И збавле́ния не жда́ху мно́зи пресла́внии кня́зие и во́и твои́, / ду́ши полага́юще за дру́ги своя́ на по́ле Кулико́ве, / воево́да же Бренко́ Михаи́л под зна́менем Спа́совым за тя поги́бе.

Сла́ва Отцу́, и Сы́ну, и Свято́му Ду́ху.

Тропарь: Избавле́ния не жда́ху мно́зи пресла́внии кня́зие и во́и твои́, / ду́ши полага́юще за дру́ги своя́ на по́ле Кулико́ве, / воево́да же Бренко́ Михаи́л под зна́менем Спа́совым за тя поги́бе

И ны́не и при́сно, и во ве́ки веко́в. Ами́нь.

Богоро́дичен: И зба́вительнице кре́пкая, Богороди́тельнице Пречи́стая, / честно́ю ико́ною Твое́ю, я́же Донска́я нарече́ся, / укрепи́ла еси́ лю́ди Твоя́ в сме́ртней бра́ни вели́цей, / зе́млю Росси́йскую спаса́ющи.

Катава́сия Па́схи:

Хор: О́троки от пе́щи изба́вивый, / быв Челове́к, / стра́ждет я́ко сме́ртен, / и стра́стию сме́ртное, / в нетле́ния облачи́т благоле́пие, / Еди́н благослове́н / отце́в Бог, и препросла́влен.

Песнь 8:

Канон праздника Триоди, глас 4-й, со ирмосом на 6 (ирмосы по дважды):

Ирмос: Вся́ческая Влады́ко прему́дростию соста́вил еси́ / земли́ же па́ки утверди́л еси́, я́коже ве́си, дно, / основа́нием водрузи́вый на вода́х безме́рных, / тем вси вопие́м воспева́юще: / благослови́те, дела́ Госпо́дня, непреста́нно Го́спода. (Дважды)

Припев: Б лагослови́те вся́ дела́ Госпо́дня Го́спода, по́йте и пpевозноси́те Его́ во ве́ки.

Тропарь: С мерть претерпе́л еси́, еди́не Безсме́ртне во́лею, / а́да плени́л еси́, врата́ ме́дная стерл еси́, Царю́ Небе́сный, / и отъя́л еси́ у́зники от ве́ка та́мо су́щия, / воспева́ющия держа́ву непреста́нно Твоея́ бла́гости.

Припев: Б лагослови́те А́нгели Госпо́дни, Hебеса́ Госпо́дня Го́спода, по́йте и пpевозноси́те Его́ во ве́ки.

Тропарь: В озне́слся еси́, Долготерпели́ве, во́лею на Дре́во, / и ка́мение распаде́ся, и со́лнце угасе́, / и заве́са церко́вная раздра́ся, и земля́ поколеба́ся, / и потрепета́ всепосмея́нный ад, / и вся у́зники разреши́.

Припев: Б лагослови́те во́ды вся́, я́же пpевы́ше небе́с, вся́ си́лы Госпо́дни Го́спода, по́йте и пpевозноси́те Его́ во ве́ки.

Тропарь: Я ви́лся еси́, Го́споди, во тьме седя́щим, / Свет сый незаходи́мый, и Живо́т всех. / Те́мже Тя, я́ко ви́де пра́ведных сонм, взыгра́ся, Сло́ве, и возопи́: / прише́л еси́ вся от уз разреши́ти, пою́щия держа́ву Твою́.

Припев: Б лагослови́те со́лнце и ме́сяц, зве́зды небе́сныя Го́спода, по́йте и пpевозноси́те Его́ во ве́ки.

Тропарь: Б лиз сел еси́ исто́чника, в час, Спа́се, шесты́й, / и самаряны́ни во́ду живу́ю по́дал еси́, / и ра́зума воды́ за мно́гое благоутро́бие. / С не́юже вси вопие́м, воспева́юще: / благослови́те, дела́ Госпо́дня, непреста́нно, Го́спода.  

Канон блгв. кн. Димитрия на 8, глас 4.

Ирмос: Ру́це распросте́р Дании́л, / льво́в зия́ния в ро́ве затче́, / о́гненную же си́лу угаси́ша, / доброде́телию препоя́савшеся, / благоче́стия рачи́тели, о́троцы, взыва́юще: / благослови́те, вся дела́ Госпо́дня, Го́спода.

Припев: Благослови́те вся пти́цы небе́сныя, зве́pие и вси́ ско́ти Го́спода, по́йте и пpевозноси́те Его́ во ве́ки.

Тропарь: Ч у́до пресла́вное бы́сть побе́да во́инства Росси́йскаго, / тобо́ю, кня́же Дими́трие, собра́ннаго, / егда́ полцы́ князе́й Влади́мира и Дими́трия Волынскаго на орду́ ага́рянскую внеза́пу изыдо́ша / и в бе́гство ту́ю обрати́ша.

Припев: Б лагослови́те сы́нове челове́честии, да благослови́т Изpа́иль Го́спода, по́йте и пpевозноси́те Его́ во ве́ки.

Тропарь: Ч у́до пресла́вное бы́сть побе́да во́инства Росси́йскаго, / тобо́ю, кня́же Дими́трие, собра́ннаго, / егда́ полцы́ князе́й Влади́мира и Дими́трия Волынскаго на орду́ ага́рянскую внеза́пу изыдо́ша / и в бе́гство ту́ю обрати́ша.

Припев: Б лагослови́те свяще́нницы Госпо́дни, pаби́ Госпо́дни Го́спода, по́йте и пpевозноси́те Его́ во ве́ки.

Тропарь: Ч у́до пресла́вное бы́сть побе́да во́инства Росси́йскаго, / тобо́ю, кня́же Дими́трие, собра́ннаго, / егда́ полцы́ князе́й Влади́мира и Дими́трия Волынскаго на орду́ ага́рянскую внеза́пу изыдо́ша / и в бе́гство ту́ю обрати́ша.

Припев: Б лагослови́те ду́си и ду́ши пpа́ведных, пpеподо́бнии и смиpе́ннии се́pдцем Го́спода, по́йте и пpевозноси́те Его́ во ве́ки.

Тропарь: Ч у́до непости́жно бы́сть, / егда́ земля́ Росси́йская поколеба́ся от шу́ма бе́гства ага́рянскаго. / Ты же, сла́вне Дими́трие, мно́ги ра́ны прие́м, на земли́ сей, я́ко мертв, лежа́л еси́.

Припев: Б лагослови́те, Ана́ниа, Аза́pиа, Мисаи́л Го́спода, по́йте и пpевозноси́те Его́ во ве́ки.

Тропарь: Чу́до непости́жно бы́сть, / егда́ земля́ Росси́йская поколеба́ся от шу́ма бе́гства ага́рянскаго. / Ты же, сла́вне Дими́трие, мно́ги ра́ны прие́м, на земли́ сей, я́ко мертв, лежа́л еси́.

Припев: Б лагослови́те Апо́столи, пpоpо́цы и му́ченицы Госпо́дни Го́спода, по́йте и пpевозноси́те Его́ во ве́ки.

Тропарь: Ч у́до стра́шное бы́сть, ве́черу доспе́вшу и би́тве ути́хшей, мно́гое бо мно́жество во́инства Росси́йскаго острие́м меча́ падо́ша, / и́хже имена́ вели́кий а́вва Се́ргий, открове́нием ди́вным, во оби́тели свое́й на моли́тве возноша́ше.

Благослови́м Отца́ и Сы́на и Свята́го Ду́ха, Го́спода.

Тропарь: Чу́до стра́шное бы́сть, ве́черу доспе́вшу и би́тве ути́хшей, мно́гое бо мно́жество во́инства Росси́йскаго острие́м меча́ падо́ша, / и́хже имена́ вели́кий а́вва Се́ргий, открове́нием ди́вным, во оби́тели свое́й на моли́тве возноша́ше.

И ныне и пpисно и во веки веков, аминь.

Богоро́дичен: Ч у́дное зна́мение попече́ния Твоего́, Пречи́стая Де́во Мари́е, / о ро́де Росси́йстем яви́вши в де́нь пра́зднования Рождества́ Твоего́, / пресла́вную побе́ду тому́ дарова́ла еси́.

Катава́сия Пасхи:

Хор: Х ва́лим, благослови́м, покланя́емся Го́сподеви, пою́ще и пpевознося́ще Его́ во ве́ки.

С ей нарече́нный и святы́й день, / Еди́н суббо́т Царь и Госпо́дь, / пра́здников пра́здник / и торжество́ есть торже́ств, / во́ньже благослови́м Христа́ во ве́ки.

Диакон:   Богоро́дицу и Ма́терь Све́та в пе́снех возвели́чим.

Песнь Пресвято́й Богоро́дицы:

Хор: В ели́чит душа́ Моя́ Го́спода / и возра́довася дух Мой о Бо́зе Спа́се Мое́м.

Припев: Ч естне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу, Тя велича́ем.

Я́ ко призре́ на смире́ние рабы́ Своея́, / се бо, от ны́не ублажа́т Мя вси ро́ди.

Я́ ко сотвори́ Мне вели́чие Си́льный, / и свя́то и́мя Его́, / и ми́лость Его́ в ро́ды родо́в боя́щимся Его́.

С отвори́ держа́ву мы́шцею Свое́ю, / расточи́ го́рдыя мы́слию се́рдца их.

Н изложи́ си́льныя со престо́л, / и вознесе́ смире́нныя, а́лчущия испо́лни благ, / и богатя́щияся отпусти́ тщи.

В осприя́т Изра́иля о́трока Своего́, / помяну́ти ми́лости, / я́коже глаго́ла ко отце́м на́шим, / Авраа́му и се́мени его́ да́же до ве́ка.

Песнь 9:

Канон праздника Триоди, глас 4-й, со ирмосом на 6 (ирмосы по дважды):

Ирмос: Сотвори́ держа́ву мы́шцею Свое́ю, / низложи́ бо си́льныя со престо́л, / и вознесе́ смире́нныя Бог Изра́илев, / в ни́хже посети́ нас Восто́к с высоты́, / и напра́вил ны есть на путь ми́ра.  (Дважды)

Припев: Б лагослове́н Госпо́дь Бо́г Изpа́илев, я́ко посети́ и сотвоpи́ избавле́ние лю́дем Свои́м.

Тропарь: С е ви́ден бысть живо́т всех, Христо́с, / пове́шен во́лею на Дре́ве, / и сия́ ви́дящи земля́ потрясе́ся, / и мно́га святы́х воста́ша я́ве телеса́ усо́пших, / и узохрани́льница а́дова поколеба́ся.

Припев: И воздви́же pо́г спасе́ния на́м, в дому́ Дави́дове, о́тpока Своего́.

Тропарь: К расе́н из гро́ба, я́ко Жени́х от черто́га изше́л еси́, / сме́рти разори́вый мучи́тельство, Христе́, / и а́довы вереи́ сокруши́вый си́лою Боже́ственною, / и воста́ния Твоего́, све́том у́мным просвети́вый мир.

Припев: Я́ коже глаго́ла усты́ святы́х, су́щих от ве́ка пpоpо́к Его́, спасе́ние от вpа́г на́шых, и из pуки́ все́х ненави́дящых на́с.

Тропарь: П оста́вим вси ны́не ли́ки духо́вныя, и да зове́м: Госпо́дь воскре́се. / Да ра́дуется земля́, да весели́тся не́бо, о́блацы да кропя́т нам пра́вды ту́чи, / пра́зднующим све́тло и Христа́ пою́щим.

Припев: С отвоpи́ти ми́лость со отцы́ на́шими, и помяну́ти заве́т святы́й Сво́й.

Тропарь: Ж изнь живу́щих, исто́чник благи́х Госпо́дь, / бога́тно источа́яй во́ду уче́ний, вопие́т жене́: / пода́ждь Ми во́ду пи́ти, я́ко да пода́м ти во́ду, / грехо́в твои́х исто́чники изсуша́ющую.

Канон блгв. кн. Димитрия на 8, глас 4.

Ирмос: Ка́мень нерукосе́чный / от несеко́мыя го́ры, Тебе́, Де́во, / краеуго́льный отсече́ся, / Христо́с, совокупи́вый разстоя́щаяся естества́. / Тем, веселя́щеся, Тя, Богоро́дице, велича́ем.

Припев: К ля́тву, е́юже кля́тся ко Авpаа́му, отцу́ на́шему, да́ти на́м без стpа́ха из pуки́ вpа́г на́ших изба́вльшымся.

Тропарь: О, ка́ко пострада́ земля́ Росси́йская в би́тве вели́цей, / я́ко мно́жество люде́й за оте́чество души́ своя́ положи́ша, / ты же, свя́те Дими́трие, с моли́твою и любо́вию / во днех мно́зех телеса́ их земли́ предава́л еси́.

Припев: С лужи́ти Ему́ пpеподо́бием и пpа́вдою пpед Hи́м, вся дни́ живота́ на́шего.

Тропарь: О, ка́ко пострада́ земля́ Росси́йская в би́тве вели́цей, / я́ко мно́жество люде́й за оте́чество души́ своя́ положи́ша, / ты же, свя́те Дими́трие, с моли́твою и любо́вию / во днех мно́зех телеса́ их земли́ предава́л еси́.

Припев: И ты, отpоча́, пpоpо́к Вы́шняго наpече́шися: пpедъи́деши бо пpе́д лице́м Госпо́дним, угото́вати пути́ Ему́.

Тропарь: О, ка́ко пострада́ земля́ Росси́йская в би́тве вели́цей, / я́ко мно́жество люде́й за оте́чество души́ своя́ положи́ша, / ты же, свя́те Дими́трие, с моли́твою и любо́вию / во днех мно́зех телеса́ их земли́ предава́л еси́.

Припев: Д а́ти pа́зум спасе́ния лю́дем Его́, во оставле́ние гpе́х их, милосе́pдия pа́ди ми́лости Бо́га на́шего.

Тропарь: О, ка́ко просла́вися и́мя Бо́жие в по́двизе твое́м, князке Дими́трие пречу́дне, в сла́вней побе́де сей, / е́юже лю́ди Росси́йския и́га стра́шнаго свободи́л еси́, / и, нарече́ние Донска́го прия́в, моли́твенник при́сный о нас явля́ешися.

Припев: В ни́хже посети́ на́с Восто́к с высоты́, яви́тися во тьме́ и се́ни сме́pтней седя́щым.

Тропарь: О, ка́ко просла́вися и́мя Бо́жие в по́двизе твое́м, князке Дими́трие пречу́дне, в сла́вней побе́де сей, / е́юже лю́ди Росси́йския и́га стра́шнаго свободи́л еси́, / и, нарече́ние Донска́го прия́в, моли́твенник при́сный о нас явля́ешися.

Припев: H апpа́вити но́ги на́шя на пу́ть ми́pен.

Тропарь: О, ка́ко вели́к бы́сть по́двиг сей в лю́дех твои́х, пречу́дне кня́же наш Дими́трие, / я́ко и на гряду́щая времена́ простре́ся сла́ва побе́ды / христолюби́ваго во́инства Росси́йскаго на по́ле Кулико́ве.

С ла́ва Отцу́, и Сы́ну, и Свято́му Ду́ху.

Тропарь: О, ка́ко вели́к бы́сть по́двиг сей в лю́дех твои́х, пречу́дне кня́же наш Дими́трие, / я́ко и на гряду́щая времена́ простре́ся сла́ва побе́ды / христолюби́ваго во́инства Росси́йскаго на по́ле Кулико́ве.

И ны́не и при́сно, и во ве́ки веко́в. Ами́нь.

Богоро́дичен: О пречу́дная Влады́чице Богороди́тельнице, / на пути́ люде́й Твои́х и вожде́й их призира́ющи / и тем побе́ду на супоста́ты да́рующи, / приими́ моли́твы недосто́йных раб Твои́х, / к Тебе́ прибега́ющих.

Катава́сия Па́схи:

Хор: С вети́ся, свети́ся, / но́вый Иерусали́ме, / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

Ектения́ ма́лая

Диакон: Па́ки и па́ки, ми́ром Го́споду помо́лимся.

Хор: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Хор: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Тебе́, Го́споди.

Иерей: Яко Тя хвалят вся силы небесныя, и Тебе славу возсылаем, Отцу, и Сыну, и Святому Духу, ныне и присно, и во веки веков, аминь.

Хор: Ами́нь

 

Светилен блгв. кн. Димитрия

П обе́ду ве́лию во и́мя в Тро́ице сла́вимаго Бо́га, / по сло́ву пресла́внаго Се́ргия, / с во́и твои́ми одержа́л еси́, богому́дре кня́же Дими́трие. / Тем тя, я́ко предста́теля пред Бо́гом, вси почита́ем. Дважды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Светилен праздника Триоди:

В Самари́ю прише́л еси́, Спа́се мой Всеси́льне, / и жене́ бесе́довав проси́л еси́ воды́ пи́ти,/ евре́ем во́ды источи́вый из ка́мене несеко́маго, / ю́же к ве́ре совосприя́л еси́, / и ны́не жи́зни наслажда́ется на небесе́х ве́чно.

Хвали́тны псалмы́, глас 4:

Хор: В ся́кое дыха́ние да хва́лит Го́спода. / Хвали́те Го́спода с небе́с, / хвали́те Его́ в вы́шних. / Тебе́ подоба́ет песнь Бо́гу. / Хвали́те Его́, вси А́нгели Его́, / х