Статья 4. Антихрист человек будет и родится от колена Данова

 

1)Слово св. Ипполита об антихристе

564 Елма убо льва и скимна львова. предвозгласиша книги Xриста. подобно и антихристе речено есть. Рече бо Моисей тако: скимн львов Дан и вскочит от Васана. Не да ся никтоже соблазнит меня, яко о спасителе нашем речено есть слово се. Да приставит ум. Дан, рече, скимн львов колено нарек Даново обличи предложеное. От него же хощет антихрист родитися. Яко Спас от Иудова колена родися, тако и антихрист от Данава колена родитися имать. А якоже есть и истина что рече Иаков, да будет Дан, змея на пути седящая, хаплющи пяту коню. Змия убо кто, не яже иже кони льстец, яже в бытии нарицается прельстившия его и подстрекавшия Адама. Не ельма многими обличении лепо есть показати реченая, се разумеем.

 

Яко убо воистину от Данова колена хощет ся родити мучитель, а не царь, судни зело, сын диявола. Рече пророк: Дан судити имать людям своим, аки единому колену израилеву. И рече некто се о Самсоне, о мале бых, а по всему свершитися имать, на антихриста. Глаголет бо Иеремия тако: подвизание от Дана да услышим, скорее конь его, от гласа ржания коня его земля потрясеся. Глаголет бо и другой пророк: соберёт всю силу свою от востока солнца до запада, яже звал и яже не звал, идут с ним. Повелити имать море от ядрил, корабль своих, и почернеет поле от щитов и от оружия. И всяк, иже ся срящет с ним в рати, о меча умрет. Яко убо си не на иного речена суть не на мучителя и без стыда и Богу противника. Да скажем о прочих.

 

Т. е.: итак, писание провозгласило Христа львом и скимном львовым; подобное сказано и об антихристе. Моисей говорит так: Дан скимен львов, и изскочит от Васана (Втор.33:22). Но дабы кто не погрешил, думая, что это слово сказано о Спасителе, пусть приложит ум. Дан, говорит, скимен львов: наименовав колено Даново, приводит в ясность, из какого колена имеет родиться антихрист. Ибо яко от колена Иудова рождается Христос, так от колена Данова родится антихрист. А что это так, Иаков говорит: «да будет Дан змий, на земли седяй, угрызая пяту конску (Быт.49:17)». Какой же это сый, яко не антихрист, обольститель, о котором говорится в книге Быт.3:1, обольстивший Еву и запнувший Адама? Но как это до́лжно доказать бо́льшим числом свидетельств, то мы и не замедлим.

 

Что подлинно от Данова колена имеет родиться и восстать тиран и царь, судия ужасный, сын диавола, об этом говорит пророк: «Дан судити имать люди своя и едино племя во Исраили (Быт.49:16)». Но скажет кто-нибудь, что это сказано о Самсоне, который, родившись от колена Данова, судил народ двадцать лет. Это сбылось на Самсоне только отчасти, а вполне сбудется на антихристе. Ибо и Иеремия говорит так: «от Дана» услышим глас «резвости коней его: от гласа ржания яждения коней потрясеся вся земля» (Иер.8:16). Говорит и другой пророк: соберёт всю силу свою от востока солнца до запада: те, коих звал он и коих не звал, пойдут с ним. Море он сделает белым от парусов на кораблях, и поле сделает чёрным от щитов воинских, и всякий, кто встретится с ним на брани, падёт мечом. Что это сказано не о ком-нибудь другом, а об оном тиране бесстыдном и богоборном, покажем ниже.

 

2) Беседы св. Иоанна Златоустого на 14 посланий св. апостола Павла

565 Да никто же вас не прельстит ни по единому же образу, яко аще не прииде отступление прежде, и откроется человек греха, сын погибели, противник и превозносяйся на всякого, глаголемого Бога или чтилища, тако якоже ему сести в Церкви Божией, аки Богу, показующу себе яко бог есть.

 

Об антихристе здесь беседует, и велие открывает тайны.

 

Что есть отступление?

 

Того самого антихриста нарицает отступление, яко многих имущего погубити, и оставить тако, яко рече, соблазнити, аще мощно, и избранных. И человека греха нарицает его: бесчисленное бо сделает, и приуготовит иных да делают лютая. Сына же погибели глаголет и, зане и той погибнет.

 

Кто же есть сей? Убо ли Сатана?

 

Никакоже: но человек некий, всякое егово преемляй действо. И окрыется человек, рече, превозносяйся на всякого глаголемого Бога или чтилища. Не бо в идолослужении введет он, но богопротивен некто будет, и всех разорит богов, и повелит кланятися себе вместо Бога. И сядет в храме Божьем, не иже в Иерусалиме, но и церквах. Показующу, рече, себе бога. Не рече, глаголюща, но покушающегося показати: ибо дела велия сделает, и знамения покажет чудная.

 

То же и в Апостоле Толковом на послание к Солунянам, зачало 275, лист 892.

 

3) Преподобного Ефрема Сирина

566 Уведев же убо се нечестивый и прелукавый враг, яко хочет приити паки с небесе Господь в славе Божества своего, помысли, како прияти образ пришествия его, и прельстити вся. Господь же наш на облацех светлых яко молния страшна, приидет на землю. А враг не тако приидет на землю на облаце светле, отступник бо есть. Родитбося воистину о жены скверны, сосуд ему. Не сам же родится сатана, но во образ его приидет прескверный яко тать, лжею говения, хотя прельстити вся человеки. Смирен же и молчалив являяся, яко и се рещи. Ненавидяй неправду, и отвращаяся идол, почитая же благоверие, нищелюбец благ, благообразен, много зело строен, тих ко всем. Чтити же имать зело язык жидовский, тии бо чают пришествия его. На всем же сим чудеса сотворит и знамения, и страхования с областию многою. Угодити же всем подвизайся лестию, яко да возлюблен будет вскоре многими. Мыта же, сиречь, дара не приимет, со гневом не речет и не явится уныл, но всегда весел и тих присно. Над всеми же сими, всяцем образом учения прельстит весь мир в смерть, Дóндеже царь будет.

 

4) Макарьевская Минея

567 Феодорово. Угаснет бо одержащая лесть и тогда явится безаконник. Се бо и Господь рече, проповесться евангелие во все концы земли, в сведение им, и тогда приидет конец. Кто сей есть убо сатана, никакоже. Но человек, кто всего приимый действо Северианово. По подобию спасову грядет сатана человек всесовершен. И открыется человек безаконию. Человеком беззакония самого того глаголет антихриста. Не бо сатана есть антихрист. Но человек, поспешествуем от сатаны.

 

5) Макарьевская Минея, месяц Февраль

568 Горек же прескверный обрящет корень тогда, достоин сосуд своего лукавства, еже мнетися девица сущи но скверна во всем. Из нея же родится нечистый он. Подобится не како и тому Христову вочеловечению. Знамения же и чудеса мнится сотворяти не по истине – по ложне и волхвованием, его же приимут беззаконные и Христа отвергнутся.

 

569 Родитжеся воистину из нечистыя отроковица. Воплотитжеся не сам но мнением всяко. И приидет всескверный, яко льстец и ложь.

 

570 Душа. Да воистину ли сатана сам хощет воплотитися и существо его с плотию родится, душу имущу и ум, и словесные силы, и человек существом будет рыбне.

 

Плот. Ни, госпоже моя, ни непщуй се отинуде, но от рода убо Данова, и страны галилейским отроковица девица мнимая. Всесквернена яже родит вскоре тогда человека от скверны блудныя, и в него сатана вниде абие. И все его действо приимет зелнейшее, быв в иступлении изумлен от него. И с ним всяко лютая сделает и сотворит яже выше слово изчете тебе. Се, госпоже, рех тебе, ея же ради вины приидет злейший антихрист он. Попущающу Богу вину отъяти хотящу. Законопреступных и лукавых убийц жидов. Таже и верных мужественная и доблестная человеческая сила явится.

 

6) Толкование на Апокалипсис св. Андрея Кесарийского

571 Да знаменает же ся сие яко колено Даново, яко из него рождаемому Антихристу с прочими не учинися: но вместо него Девино, яко священническое древле, в число не приходящее.

 

То же и в русском переводе, Москва. 1884 г., стр. 61–62.

 

7) Богословие преподобного Иоанна Дамаскина

572 Не сам убо диявол будет человек, по подобию Господня вочеловечения, не буди то: но человек от блудодеяния родится, и все действие сатанино приимет. Ибо провидевый Бог будущее воли его развращение, попустит в него диаволу вселитися.

 

573 От блудодеяния убо, якоже рех, родится, и воспитается потаенно, и внезапно востанет и власти сопротивится, и царствовати будет.

 

То же и в Макарьевской Минее, месяц Декабрь, 4 дня того же пр. Иоанна Дамаскина слово 47 об антихристе, лист 106 оборот, столб. 2, и в его же книге Небеса, глава 37, лист 56 оборот.

 

8) Апостол Толковый

574 От Исаакова бо племени святые изыдоша. От Исаака же сведеся до Июды, от его же племени по плоти родися Христос. От Измаила же сведеся до Дана: от него же по плоти приидет антихрист.

 

9) Триодь Постная

575 Предиже его (Христова второго) пришествия, приидет сопротивник Христу, и родится якоже глаголет Божественный Ипполит римский, из жены скверны девицы, от евреи сущи, от племени Данова, иже бяше отрок Иакову, и походит негли еже по Христе, проходя житие. И чудеса сотворит, елика убо и Xристос содеял. И мертвеца воскресит, обаче по привидению вся содеет. И рождение, и плоть, и прочая вся, якоже глаголет апостол, тогда глаголя открыется сын пагубе, во всякой силе и знамениях и чудесех лжа. Обаче не сам диявол, в плоть претворится, якоже из Дамаска глаголет, но человек из блуда родився, и все сатанино действо подымет.

 

8) Книга о вере

576 А той антихрист человек будет, беззакония сын, и родится, якоже глаголет Ипполит римский, от девицы нечистыя жидовки сущия, от колена Данова.

 

К сему читай в Соборнике Большом, в неделю Мясопустную, слово 3, лист 127.