Статья 1. О пророках Енохе и Илии

 

1) Библия

500 И угоди Енох Богу, и не обреташеся зане престави его Бог.

 

501 И бысть има (Илии Елисею) идущема идяста и гласта. И се колесница огненная, и разделиша между овема. И взят бысть Илия вихром яко на небо.

 

502 Взявыйся (Илия) вихром огненным и колесницею огненных коней. В писании в обличение на времена, уставити гнев пред яростию, и обратити сердце отцов на сыны, и устроити колена иаковля.

 

503 И се аз посылаю вам Илию Фесвитянина, прежде пришествия дня Господня великого и просвещенного, иже устроит сердце отцу к сыну, и сердце человеку к искреннему, да не пришед поражу землю гробию.

 

2) Слово св. Ипполита об антихристе504

505 Два бо пришествия Господу и Спасу нашему. В книгах кажется, едино убо первое, юже плотию бысть бесчестен. Занеже укорен бысть и бесчестен от жидов. Яко и сана, рече, видехом его и не имеяше лица ни лепоты, и лицо его бесчестно и охудело. Паче всех человек, человек в язве сый, могий терпети беды, бесчестье прияти и небреже.

 

Второе же ем пришествие, проповедано есть, яко со славою придет с небес и с силою ангельскою и отчею славою.

 

506 Тако и два предтечи показастася. Первый убо быв Иоанн, Захариин сын всяческий: предтеча и пророк, проповедатель Спасу родився. Благовествуя всем небесный свет, иже в мире явился.

 

507 И пакы к скончанию сего мира, судии являющуся. По нужде убо есть, предтечами сего сперва явитися. якоже Малахией пророком сказано: пущу к вам явиться Илию Фезвита прежде пришествия великого дня Господня, иже исправит сердца отцам к чадам, и непокорных на мудрость праведных. Еда когда пришед поражу землю всю. Сия убо пришедша повеста хотящее быти с небесе христосово явление, яже сотворита чудеса и дивления. Ед поне тако мощи начнета увещати и обратити человеки на покаяние, от многого беззакония их и нечестия.

 

Т. е. ибо яко в Писании показаны два пришествия Господа и Спаса нашего: Одно из них, первое, по плоти бывшее, безчестно по причине уничижения Его, яко это провозгласил Исаия говоря: «видехом его, и не имяше вида, ни доброты: но вид его безчестен, умален паче всех человек: человек в язве сый, и ведый терпети болезнь, яко отвратися лице его, безчестно бысть и не вменися (Ис.53:2)». Второе же пришествие Его возвещено славным, когда Он придёт с небес с силою ангелов и славою Отчею (Лк.9:26).

 

Так и два предтечи показаны. Первый – Иоанн, сын Захарии, был по всему предтеча и провозвестник Спасителя нашего: благовествуя небесный свет, явившийся в мире, и опять при кончине мира имеющего явиться судиею. Необходимо при этом надлежит сперва явиться предтечам Его, яко говорит [Господь] через Малахию и Ангела: «послю вам Илию Фесвитянина прежде пришествия дня Господня великого и просвещённого, иже устроит сердца Отцам на чада и противных в мудрости праведных, да не пришед поражу землю в конец (Мал.4:5–6; Лк.1:17)». Они пришедше будут проповедовать имеющее быть с небес явление Христа, сотворят и чудеса, и знамения, дабы хотя сим тронуть и обратить людей к покаянию по преизбытку их беззакония и нечестия.

 

3) Беседы св. Иоанна Златоустого на евангелие

508 Беседа пятьдесят седьмая. И вопросиша его ученики его, глаголюще: что убо книжники глаголют, яко Илии подобает прийти прежде? Не от писаний убо сие уведеша ученицы, но книжники им изъявляху, и обношашеся слово сие в простом народе, якоже и о Христе. Тем же и Самаряныня глаголаше: Мессия приидет, и когда той приидет, возвестит нам вся. И сами вопрошаху Иоанна: Илиа ли еси, или пророк? возмогаше бо, якоже рех, слово и о Христе, и о Илии, но не яко подобаше от онех сказуемо. Два бо, глаголет писание Христова пришествия, сие бывшее, и будущее, о сих являя Павел, глаголаше: Явися благодать Божия спасительная всем человеком. Показующи им, да отвергшеся нечестия и мирских похотей, целомудренно и праведно и благочестно поживем. Се едино: слыши, како являет и о другом. Рек бо сия, наведе: Ждуще блаженного упования и явления славы великого Бога и Спаса нашего Иисуса Христа. И пророки такожде обоя воспоминают: но второго пришествия Предтечу глаголют Илию быти имеющего: первого бо бысть Иоанн, его же и Илию Христос нарицает не яко Илия бе, но яко служение исполняще оня же. Яко же бо той Предтеча будет второго пришествия тако и сей первого бысть. Но книжницы сия сливающе и развращающе народ, оное воспоминаху едино пред народом второе пришествие, и глаголаху: яко аще... есть Христос, подобаше Илии предварити. Сего ради и ученики глаголют: Како книжницы глаголют Илии подобает прийти прежде? Сего ради и ко Иоанну пославше Фарисее вопрошаху, аще ты еси Илиа не показующе нигде же первого пришествия. Кое убо есть решение, еже Христос наведе яко Илиа приидет тогда прежде второго моего пришествия, и ныне прииде Илия. Иоанна тако нарицая. Сей прииде Илиа, аще же Фесвитянина взыщеши, приидет. Сего ради и глаголаше: Илиа убо приидет, и устроит вся. Кая вся? Яже пророк глаголаше Малахия: Се послю вам Илию Фесвитянина. Иже устроит сердце Отца к сыну, да не пришед поражать землю в конец. Видишими опасство пророческого речения, когда во Иоанна Илию нарече Христос общего иже ради служения, то да не возомниши, яко сие и от пророки глаголется ныне, приложи его и отечество рек: Фесвитянина. Иоанн же не бе Фесвитянин. И ино же сим знамение полагает глаголя, да не пришед понежу землю в конец, второе его страшное являя пришествие, в первом бо не прииде поразити землю. Не приидох бо, рече, да сужду мирови, но да спасу мир. Являя убо, яко прежде оного суд имеющаго от пришествия приидет Фесвитянин, сие рече, и вину вкупе объявляет пришествия его. Кая же вина? да пришед увещает Иудеев веровати Христу, и да не вси вконец погибнут пришедшу ему. Темже убо и сам то им приводя на память, рече: и устроит вся, сиречь, исправит неверие Иудеев тогда обретаемых. Тем же и зело опалне рече: не глагола бо, обратит сердце сына к отцу, но отца к сыну. Понеже бо, отцы беху Апостолам Иудеи, сие глаголет, яко обратит ученьями сынов их, сиречь, Апостолов, сердца отцов, сиречь, рода Иудейского мысль. Глаголю же вам: яко Илия уже прииде, и не познаша его: но сотвориша о нем, елика восхотеша: тако и Сын человеческий имать пострадати от них. Тогда разумеша, яко об Иоанне рече им. Аще ни же книжницы сии реша, ни же писания: но понеже острейши уже быша и внимательнейши ко глаголемым, вскоре уразумеша. Откуда же познаша сие ученики? Бе уже прорекл им, Той есть Илия хотяй приити: зде же, яко прииде: и паки, яко Илия приидет, и устроит вся. Но да не смутишися, ни же погрешительно быти слово возомниши, аще овогда его приити имуща, овогда же пришедша глаголет; вся бо суть истина сия. Когда бо рече, яко Илия приидет, и устроит вся, самого Илию речи, и будущее тогда Иудеев обращение; когда же рече, яко той есть Илия хотяй приити, Иоанна глаголет, по образу службы Иоанна Илию нарицая. Ибо пророки коегождо от благознаменитых царей Давида нарицаху, и Иудеев князей Содомских и сынов Ефиопских от нравов их. Яко же бо Илия второго пришествия будет, тако Иоанн первого бысть предтеча. Не сего же ради токмо Илию его именует везде, но да покажет себе ветхому земо согласующа, и по пророчеству и сие его быти пришествие. Тем же и наводит паки, яко прииде, и не познаша его: но сотвориша о нем вся, елика восхотеша. Что есть, вся елика восхотеша; всадиша в узилище, досадиша, убиша, принесоша главу его на блюде: тако и Сын человеческий имать пострадати от них.

 

4) Беседы св. Иоанна Златоустого на 14 посланий св. апостола Павла

509 Достоит же и оно поискати: аще антихрист приидет, и Илия приидет, како егда реку: мир, и утверждение, тогда на них внезапное губительство нападёт.

 

510 Илия приидет тогда (во время антихриста) верных утверждая: и сие Христос глаголет, Илия приидет, и устроит вся. Сего ради речеся о Иоанне еже, силою и духом Илииным. Ни же бо знамении сделал, ни же чудес, якоже Илия, Иоанн бо убо, рече, знамения ни единого сотвори: вся же, елика рече Иоанн о сем [Христе], истинная бяху.

 

Како убо силою и духом Илииным? Сиречь, тую же воспримет службу якоже сей Предтеча бе перваго пришествия, тако и он будет предтеча второму и славному его пришествию, тако предтеча второго и славного его пришествия: и на сие храним есть. Да не убоимся убо. Потряси слышателей помысл, не к тому сотворил лютая непщевати настоящая, но благодарению достойна.

 

511 Мнози же ищут где преложися Енох, и почто преложися, и почто не умре, ни же той, ни же Илия и аще еще живут, како живут, и в каковом образе суть. Но излишнее есть всячески еже сих искати, яко бо преложися сей, и яко взят бысть он, рекоша Писания: где же суть и како суть, не приложиша к тому. Ничего же бо паче нужных глаголют.

 

5) Толкование на Апокалипсис св. Андрея Кесарийского

512 Креститель же Иоанн, и Фесвитянин Илия деннице нарекостася. Ов убо, первого Востока солнца Праведного, сей же, второго Востока разумеется Предтеча, с ними же, яко поведники диавола, часть имети будут, веруем. Не дивно же аще зело противолежащих друг с другом именем разумехом тожде.

 

То же и в русском переводе, Москва. 1884 г., стр. 24.

 

513 И глагола ми: подобает ти паки пророчествовати в людех, и в племенах, и в языцех, и в царях многих.

 

И глагола ми: подобает ти паки пророчествовати. Сими показуется, или яко не абие [по видении] Божественного Окровения виденная конец восприимут, но подобает Блаженному и через Евангелие свое и через настоящий Апокалипсис даже до скончания пророчествовать будущее чтущим. Или яко не все смерти вкуси, на конци же приидет, прелести Антихристовы приятелище взбранити имый514.

 

515 И дам двум свидетелям Моим, и они будут пророчествовать тысячу двести шестьдесят дней, будучи облечены во вретище. Сия еста две маслины, и два светильника пред Господом земли стоящие.

 

Сия [два свидетеля] Еноха и Илию, мнози от учителей разумеша, яко время от Бога еже пророковати [яже] на кончине приймета, над три [полчетверта] лета от трёхсот и шестидесяти дней, числимая. И облечением во вретища, сетование и плача достойное о попираемых являющая, и обретающихся тогда от прелести Антихристовы отводимых. Аже Захария [пророк] в виде двею маслину, и двою светильнику назнаменова, сего ради, яко пищу света разумного приносят елеом Богоугодных деяний.

 

И аще кто я̀ (их) хощет обидети: огнь исходит из уст ею, и снедает враги ею. И аще кто хощет я̀ обидети сице подобает ему убиену быти. Сия имата власть затворити небо, да не снидет дождь в днех прорицания ею: и область имата над водами обращати я̀ в кровь, и поразити землю всякую язвою, единожды аще восхощета.

 

И аще кто я̀ [сиречь, их] хощет обидети, оле Божесвенноя [дивныя] благости и благодательства, яко равномощную на язву приносит цельбу. Понеже бо во всяких знамениях и чудесах ложных, от всех чаровных отравников и обаятелей Лжехристос будет объявленней и обаятелей Лжехристос будет объявлененнейший [знаменит], аки всякое диаволе действо приемляй в силе истинных знамений же и чудес Святого сия вооружит Бог, приложением истины и света, [ложь и] тьму хотяща обличити. И прельщенных убо обращающа, словом же учительным, жезлы же казнительными, бездождием и огнем, и изменением стихий, и подобными. Льстеца же изобличающа и ничто же ни же от оного, ни же от другого постраждут, даже до конца своего си прорицания.

 

И егда свершита свидетельство свое: зверь восходяй из бездны сотворит брань с нима, и победит я̀, и убиет я̀. И телеса ею [оставит] на стогнах города великого [непогребенна] яже нарицается духовне Содом и Египет, идеже [ѝ] Господь ею распятся.

 

По засвидетельствовании бо ею [глаголет] еже от прелести отбежания, зверь, сиречь, Антихрист, исходя из тёмных и пропастных земных мест, в них же диавол осужден бысть, убиет я̀ по Божественному оставлениию и не погребенная оставит телеса ею, в самем тем Иерусалиме, сиречь, ветхом и превращеннем, в нем же и Господь пострадал. В сем [якоже подобится] поставляя царственная, и престол царский по подобию Давидову, его же Сын Христос, истинный Бог наш, по плоти бысть, да и в сем себе быти Христа известит, исполняюща [обаче] пророческое слово, глаголющее, Восставлю Скинию Давидову падшую, и превращенная ее паки созижду Еже прельщаемые Иудеи, на оного пришествие восприемлют и сказуют.

 

И узрят от людей, и колен, и язык, и народов, трупа ею дни три и пол, и трупа ею оставит вложити в гроба. И живущие на земли, возрадуются о нею, и возвеселятся и дары даруют друг другу: яко сия два пророка мучиста живущие на земли.

 

И узрят о людей, и колен, и язык. Предпостижени единощи [глаголет] дивами ложными Антихристовыми, и богомерзкое его имя не истребленне в сердцах вписавшие от Иудей же и от язык: погребсти убо Святые телеса возбранят, о избытии же и свобождении жезлов, ихже о возращении пострадаша, возвеселятся, не помышляюще, яко его же любит Господь наказует. Биет же [всякого] сына, его же приемлет. И браздою и уздою востягнеши не приближающихся к нему. Яко да поне от нужды к правому пути возвратятся, из него же прельщены бывше извратишася516.

 

517 И по трех днех и полдня, дух животный внийде в ня. И стаста на ногу свою. И страх нападе велий на зрящия я̀. И слышах глас велий с небесе има: взыйдета семо, и взыйдоста на небо в облаце.

 

Равночисленыя дны летам прорицания ею [глаголет] умерщвленна бывша, [паки] воскреснета и на небо Владычней колесници на облаце взыйдета, страх и ужас зрящим бывающа518.

 

519 Человеколюбец бо сый Бог, к еже умалити бесконечные муки в будущем, и в настоящей жизни, достойным попустит да наведены будут через Еноха и Илию пророку мучительные язвы, и через припадающия болезненные от браней противомерному согрешенных возмездию520.

 

521 Не велие есть в Божественной силе [и] на обличение немощи Антихристовы, и на удобство прельщаемых, святыми пророками Енохом и Илиею, преложити море в кровь аки мертвого, сиречь [аки] закланного, и тлю содеяти сущих в нем, якоже древле в Египте чрез Моисея сотвори, на обличение жестоты Фараоновы, и на указание своея силы. Яко да известнии в вере вожделятся, и неутверженнии убоятся, зряще тварь противоополчающуюся им о чести губителя522.

 

6) Благовестник

523Иоанн бо первому пришествию предтеча бысть, Илия же второму хочет быти.

 

524 Евангелие. И вопросиша и учеников его глаголюще, что убо книжники глаголют, яко Илии подобает прийти прежде.

 

Толкование. Прельщающе народы книжники глаголаху, яко несть он Христос. Аще бо Христос бы глагола Христу, Илия пришёл бы прежде: не ведяще яко два пришествия суть Христова, им же предтеча первому Иоанн, второму же Илия, еже бо Иисус сказуя ученикам глаголаше.

 

525 А еже глаголет, яко Илия убо прииде? Предтечу Иоанна глаголет. Сотвориша же ему елика восхотеша, сиречь убиша его. Понеже бо оставиша Ирода убити его, могуще возбранити ему, и не возбраниша, тии убиша его. Тогда убо возостроумившеся ученики, разумеша яко Иоанна, и Илию глаголет, понеже предтеча бысть первому его пришествию, якоже и Илиа будет, второму пришествию.

 

526 Об Илии слух некий держашеся от людей, яко Илиа прииде первее Христа, обаче фарисеи не яко лепо есть толковаху о Илие, но превратиша зле, истину крыюще. Два бо еста господня пришествия: первое и будущее. Первому убо Иоанн бысть предтеча, второму же хочет быти Илия, Илию, зовет Христос Иоанна, яко обличника суща и ревнителя, и пустынника. Темже противится Господь к фарисейской славе, помышляющим, яко первого пришествия Христова, предтеча бысть Илия. Како же противится? Илия убо пришед и устроит вся: и како писано есть о сыне человеческом, да много постраждет; еже глаголет сице есть. Илия Фесвитянин когда хочет приити, мир хочет сотворити непокоривым июдеям, и в веру их привести, им же и второго пришествия есть предтеча. Аще бы первого пришествия был предтеча Фесвитянин, хотяй устроити вся, како уже писано, яко хочет сын человеческий пострадать? От двою убо некоему не быти Илии первого пришествия предтечи, аще паче истинствуют писания, яко подобает пострадать Христу: аще и неистинствовать писанием глаголюще, яко постраждет Христос, или веруем по слову фарисеев, яко первого пришествия будет Фесвитянин предтеча. Илия убо устроити хочет вся, и не будет тогда ни верна, ни евреи, но все веруют проповеди, елико их услышат Илию. Злой обычай возражая фарисейский, Господь рече, яко Илиа уже прииде, се же есть Иоанн, и сотвориша елико хотеша на нем. Не вероваша бо ему, и конец усечением прият, игранию тризнище быв.

 

527 Илия второго пришествия предтеча, Иоанн же первого, и силою же илииною. Да якоже сице можета пришествия обою, предтечево и илиино, ко Христу бо собираета.

 

528 Некие же тако разумевают, слыша речи Пётр яко умирает за Христа, рече, яко Иоанн не умрет ли и той. Христос же не глагола сего, всяк бо рожденный умирает. Рече же, аще хощу сему пребывати? Се же есть, живу быти до скончания миру, и тогда мучитися за мя, имже и рекоша жива его. От антихриста же хочет убиен быти, со Илией проповедающа Христа. Аще же и гроб его является, что се? Жив бо вниде в который, и повеле погребсти себе до персий стояща. И приидоша заутра ученики его, и не обретоша ѝ, преставися бо, якож Енох и Илия. Тем возражая евангелист лжую славу, мнящи яко не умирает ученик, но без смерти есть, лжа бо поистине лжа, еже без смерти быти человеку. Аще бо и Енох и Илия не умроста, но обаче смертна, тако и сей аще и не умер бе, но убо умрет. Еже бо не умрет, се же есть без смерти будет, лжа есть, а не истина. Инии же известуют яко умре. А еже аще хощу сему пребывати, якоже выше сказахом, вся же сия славы ради зде рекохом, якоже о се, ни единой не неразумети, иже учение любящим. Яко еже пребывати Дóндеже прииду, тако достоит разумети, якоже и Божественному златоязычному Иоанну мнится, не о животе речеся, но о том, еже не идти с Петром.

 

7) Апостол Толковый

529 При времени Христова второго пришествия и скончанию мира, якоже во апокалепсеи пишет. Еда Илия и Енох посланы будут от Бога на обличение антихриста, и обратят от всякого колена Израилева по дванадесяти тысяч ко Господу Богу их, сиречь ко Господу Иисусу Христу, пришедшему плотию спасения их ради.

 

8) Преподобного Ефрема Сирина

530 Внегда послет Господь Илию Фесвитянина и Еноха, яко милосерд, яко да скажет благовестие роду человеческому, и проповесть с дерзновением богоразумие всем, да не веруют ни владутся страха ради ложного. Тем же вопиют рекуще, льстец есть от человецы, никтоже вас веруй нечестивому; никтоже от вас послушай мучителя богопротивника: никтоже от вас убойся, вскоре бо престанет? Господь же убо святой, се грядет с небесе судити всем веровавшим в знамение антихристово. Обаче мнози суть тогда приидут послушати, и веровати глаголом обою пророку. Се спаситель Бог наш все творит, да явится на всех нас милосердие его, яко николи же той хочет смерти грешнику и нечестиву, но всем хочет спастися. Разумеем возлюблении бесчисленое милосердие Спаса нашего, яко ни во время оно оставит человеческого рода, без проповедания истины, но послет пророки проповедати Божия разума, да вси на суде без ответа будут, когда приидет с небесе, со славою отчею.

 

9) Макарьевская Минея

531 Пролог. И составлю аз завет с тобою и увеси язык Господь.

 

Сказ. Первое в жидовех проповедася Евангелие. Потом во всех странах. Но и паки проповестся великим Ильею, пред скончанием мира сего.

 

10) Макарьевская Минея

532 Послет своя же Енох ти и Илия Фесвитский, и обратятся сердца отец к чадом еже есть к збору, Господу нашему Иисус Христу и апостольскому преданию. И от того умрут. Ти приидет Господь с небесе, якож святии апостоли видеша его грядуща на небо. Бог совершен и человек, со славою и силою и погубит человека беззаконного, сына изгибели Духом уст своих. Никтоже убо от земли не жди Господа, но с небеси. Якоже сам нам безблазна сказа.

 

То же и в книге Иоанна Дамаскина, именуемой Небеса, кн. 4, глава 27, лист 56 оборот и в его же Богословии, кн. 4, глава 26, число 4.

 

11) Макарьевская Минея

533 Первого убо пришествия, Христа и Бога моего Иоан предтеча есть, покаяние проповедуя. Второго же предтеча будет Илия пророк, Фесвитянин прозванный, и еще и ревнитель. Прорече се исперва Малахия, но Иоанна же богослова паки откровение научило есть вельми. Рече бо яко прииде Илия пророк являет же с ним и другого древняго, глаголю же праведного Еноха, обоих глаголя купно. И во вретища облекутся, и проповедят всем пришествие скверного антихриста льстеца. Предтекут Христово пришествие.

 

12) Антологион

534 Яже прежде зачатия сый освящен. Плотный Ангел огненный ум небесный человек, второго Христова пришествия Божественный предтеча. Илия славный пророкам степень.

 

535 Вземшая тя колесница огненосна, в трусе яко на небо огнедухновенную благодать тебе подаст Илие Фесвитянин. Еже не видети смерти Дóндеже проповеси всяческих кончину тем же прииди подаяй нам, твох исправлений освящение.

 

536 Сей и второму пришествию Христову с Енохом приити к обличению всеконечна нечестия Антихристова, и утешению благочестия вверенный.

 

То же в Антологе или Трифологе, Львов. 7140 (1632) г., в тех же местах.

 

13) Пролог

537 Αнгелοм же взят бысть Енох, и пренесен бысть на место рая, яко не видети ему общия с человеки смерти, даже и до второго снития господня еже на землю.

 

14) Триодь Постная

538 Преди же седми лет, якоже глаголет Даниил, приидет Енох и Илия, проповедающа людем не приимати сего (антихриста). Сей же ем их и мучит, таже и главы их отсечет.

 

15) Пролог

539 Пророцы убо вси, воплощении единородного сына Божия послани быша жестокосердечному проповедати Израилю. Илия же един не токмо ко Израилю послан бысть, но и ко второму его пришествию предотеча сохранен есть, за еже проповедати, яко уже при дверех владычний приход, и лукавое предсказати мечтательное и мерзкое царство антихристово.

 

540 Илия хотяй быти последний мученик в пророцех, яко же во апостолех Стефан первый.

 

16) Святцы с летописью

541 Святого и славного пророка Илии... Колесницею огненною, яко на небеса вознесен, сугубу благодать Елисею оставил. И на Фаворе в преображении Христу представ. И паки пред вторым пришествием Христовым с Енохом прийти имать.

 

542 Плотский ангел и пророком степень, вторый предтеча пришествия Христова, Илия славный.

 

17) Преподобного Максима Грека

543 Есть писано, и не обреташеся Енох по сродников его, его же по человеколюбному смотрению соблюдает жива, даже до явления богопротивника антихриста. Да тем блаженным и Илию, посетит и утвердит в вере и любви своей, благоверный язык Христианский. И обратит к нашей неблазненей и непорочней вере, елицы достойни спасению июдейского языка, у Бога возмнятся вкупе же да и нечестивого и богопротивника оного обличит и ов явит лжива, и льстеца, содеянными тогда предивными чудесы, от преподобных пророк своих.

 

18) Книга Кириллова

544 егоже (антихриста) Христос истинный обличити своих угодников, Еноха и Илию пошлет, не приимати лживого. Оньже окаянный пред всеми повелит их убити.

 

То же и в книге: Казанье св. Кирилла Иерусалимского о антихристе, лист 64 оборот.

 

19) Соборник Большой

545 Первому убо того пришествию (Христову) Иоанна крестителя имеяше предтечу, второму же его, в нем же хочет приити со славою, Еноха и Илию и Иоанна Богослова явити хочет. И зри владычнее человеколюбие, како и в последних временах человеческий род промышляют и милует; яко ни же тогда кроме пророк нас оставляет. Но и тех послет к научению нашему, и обращению извещению о сопротивного пришествии.

 

20) Минея Служебная Июль

546 Яже на воздусе колесница тя подъемши огненосна, яко в трусе на небеса. Огнедохновенную благодать тебе чудесем подаст, Илие Фесвитянине. Нетленна тя сотворь, еже не видети смерти, Дóндеже убо проповеси всяческим кончину тем же прииди подая нам твоих исправлений наказание.