Статья 3. Жиды примут антихриста, который во их свое приидет

 

1) Евангелие

550 Аз приидох во имя отца моего, и не приемлете мене. Аще ин приидет во имя свое, того приемлете.

 

2) Апостол

551 Зане любви истинны не прияша во еже спастися им. И сего ради послет им Бог действо льсти, во еже веровать им лжи, да суд приимут вси не веровавшие истине, но благоволиша о неправде.

 

3) Слово св. Ипполита об антихристе

552 Глаголет Даниил и смотрих звери тому. И се десять рог потом. В них же взыде другой рог мал. Аки отрасль и еже пред ним искорени. Яко прям сим указа, не ин есть но антихрист встаяй. Яко прям сим указа, не ин есть антихрист встаяй, то бо и жидовское царство встави.

 

553 Той бо призовет вся люди жидовскыя к себе от всех стран рассеянных, чуждых творя аки своя чада, обещая им исправить землю и восставить царство им и города быша ся ему аки Богу поклонились яко же пророк глаголет. И берёт всю силу свою, от востока солнца до запада, и их же звал и их же не звал и ти идут с ним.

 

Т. е. говорит Даниил: рассмотрел зверя, и вот десять рогов сзади его, между ними выйдет другой отросток, и трёх, бывших прежде него, искоренит. Сим показывается не кто другой, яко антихрист, который также восстановит царство иудейское... Он призовёт к себе весь народ (иудейский) из рассеяния по всем странам, усвояя их себе яко собственных чад, обещая им возвратить их землю и восстановить их царство и народ, дабы они покланялись ему яко Богу, яко говорит пророк: соберёт всё царство своё от востока солнца до запада: кого он звал, и кого не звал, все пойдут с ним.

 

4) Беседы св. Иоанна Златоустого на евангелие

554 Видиши ли, что он повсюду для того глаголет, яко послан есть и от Отца приял суд, и ничто же может творить от себя, дабы всякий пресечь к неблагодарности повод: Кого же глаголет прийти имущего во имя своё? Антихриста здесь назнаменует. И явное неблагодарства их полагает доказательство. Ибо еже де вы меня из любви к Богу гоните, то гораздо больше антихриста гнать подобало бы. Он бо ничего такого не речет, ни же яко послан от Отца, ни же яко по изволению оного пришёл. Но, напротив, мучительским образом нимало ему не принадлежащую власть похитит, и над всеми богом себя поставит, якоже Павел глаголет. Превозносящегося паче всякого глаголемого Бога, или чтилища, показующа себе, яко бог есть. Сие бо означает во имя своё прийти. Но я де не тако, но во имя Отца моего пришёл. Довольно убо было и сие показати, что они не любят Бога, понеже не принимали того, который глаголал о себе, что он послан есть от Бога. Но он ещё от противного показывает их бесстыдство, то есть, что они антихриста имеют принять. Когда бо не приемлют того, который глаголет, что он от Бога послан есть, не ведущему же Бога и величающемуся и глаголющему себе над всеми быть бога поклониться имеют, то явно, что от зависти происходило гонение и оттуда, что ненавидят Бога. Сего убо ради две полагает вины вышученных глаголов, и первее, благоприятнейшую.

 

Да спасены будете, и да живот имате. Но понеже они смеялись ему, то полагает и язвительнейшую, показуя, что хотя они и не послушают его, однако своё Бог везде творить будет. Павел убо, об антихристе беседуя, пророчески рекл: яко пошлёт им Бог действо льсти, да суд примут все не веровавшие истине, но благоволившие в неправде. Христос же не рекл, яко приидет: но аще приидет, щадя слушателей. Понеже не всё ещё совершилось их неблагодарство, сего ради вину умолчал пришествия его: Павел же для хотящих ведать, известно оную означил, и всё извинение у иудеев отнял.

 

5) Беседы св. Иоанна Златоустого на 14 посланий св. апостола Павла

555 И во всякой прелести неправды в погибающих. Почто убо, рече, попустил Бог сему быти? И каково сие есть смотрение? Какой же прибыток оного пришествия на пагубу нашу приходящего? Не бойся, возлюбленный, но слыши того глаголюща, в погибающих может, иже, аще бы и не пришел он, не быша веровали. Кий убо прибыток рече? Зане сии истыи погибающие заустятся. Как? Яко аще бы и не пришел он, не бы веровали Христу. Приидет убо, обличая их, да не имут бо глаголати, яко понеже Бога себе быти глаше Христос, аще и нигде же рече явленно, но обаче понеже сущии по сих проповедаша, не веровахом, понеже слышахом яко Един Бог, из него же вся, сего ради не веровахом: сие их непщевание Антихрист отнимет. Когда бо приидет он, и ничтоже повелевая здраво, но вся законопреступная, от знамении точию ложных уверится, зашиет им уста, аще бо Христу не веруеши, много паче не подобаше антихристу веровати. Он бо убо глаголаше от Отца послан быти, сей же супротивное. Сего ради глаголаше Христос: Аз приидох о Имени Отца моего, и не приясте мя; аще ин приидет о имени своем, оного приимете. Но знамения видехом, рече. Но и от Христа быша многая знамения, и велия: Тем же много паче тому веровати подобаше, аще и о сем убо многая прежде рекошася, яко беззаконный, яко сын погибели, яко пришествие его по действу сатанину: о оном же противная, яко Спас, яко бесчисленная благая приносит.

 

Заняже бо любве истинной не прияша в еже спастися им, Сего ради послет им Бог действо лести, в еже веровати им лжи. Да суд приимут вси не веровавшие истине, но благоволиша о неправде.

 

Да суд приимут. Не рече, да муку приимут [ибо и кроме сего имяху муку прияти] но да суд приимут. Сиречь, да будут осуждены на страшном судищи, в еже быти им безответным. Кии же суть сии? Сам сказует наводяй, неверовавше истинне, но благоволивше о неправде. Любовь же истинну Христа нарицает. За ня бо, рече, любве истинной не прияша. Обоя бо бе, и обоих ради прииде, и любя человеки, и о истинных вещех. Но благоволиша, рече. о неправде. На погибель бо человекам прииде, и обидети их имея. Что бо не сделает тогда вся подвигнет, вся возмутит и повелений ради, и страха. Страшен будет отовсюду: от власти, от суровства, от законопреступных повелений. Но да не убоишися: в погибающих, рече, имети будет крепость.

 

6) Благовесник

556 Аз убо, рече, приидох во имя отца моего, ибо везде отца хвалит и величает, и от того речи послахся и ничто же мощи творити. О себе предлагает, и всяко смиренная глаголет, всяку вину не разумия. Сим отрезати хотя, ин же, рече, приидет, антихрист яве, яко себе единого хочет явити, яко един Бог есть. Мене убо во имя отчее пришедша, и глаголюща себе от отца послана, не приемлете, оного же во имя свое приходяща, приимете.

 

7) Преподобного Ефрема Сирина

557 Егда бо узрят его (антихриста) люди многих народов, толика его добродейства, красотою же и силою суща утворена, все вкупе во единой воле будут, и с радостью великою поставят его царя, глаголюще сами к себе, где убо ин обретается, толик человек благ и праведен? Паче же убо погании убийцы жидове, чтити его начнут, и радоватися царству его, тех бо почитати будет и место, и церковь. Явит во ся всячески им прилежание творя.

 

8) Поучения огласительные св. Кирилла Иерусалимского

558 Но якоже хотящему первее вочеловечиться, и из Девы родитися ожидаему Богу, предоболгал диавол вещь ону злодейски идолослужением, боги лживые рождающиеся, и рождаемые от жен баснословствуя. Да предварившей лжи якоже мняше, не веруема будет и истина: тако и хотящему второе приити Христу истинному, в напутие взем ожидание легковерных, наипаче же от обрезания сущих приведет противник некоего человека волхва, и в чародеяниях и в напеваниях лестной злохитрости зело уметелна: восхищающа себе Римского царства власть, ложно же Христа себе нарицающа, и тем Христовым именованием иудей убо яко ждущих Мессиина пришествия прельщающа, а сущих от язычников волшебными привлекающа мечтаниями.

 

9) Соборник Большой

559 Сказал Даниил: смотрях бо зверя, сиречь четвертого, и десять рогов по нему, в них же взыде ин рог, якоже отрасль. И три яже прежде его изкорени; его же являет рога отрасль, самого антихриста быти, иже восставити хочет июдейское царство.

 

560 Еврейский род, яко паче всех возлюблен будет от самого мучителя, глаголюще к себе, еда обрящется сицев благ и праведен человек в роде нашем. Изряднее якоже предрекохом, еврейский род мняше, яко царство их хочет восстати. Прочее яко того видят в таковом начальство, приидут к нему, глаголюще: вси тебе покоряемся, вси на тя уповаем, тебе бо познаваем праведна по всей земли. Вси тобою спастися надеемся, и усты твоими приимем суд совершен, а не дарочаятелен.

 

10) Богословие св. Иоанна Дамаскина

561 Требе есть знати, яко имать приити антихрист. Но и всяк не исповедуяй Сына Божия, во плоти пришедша, Бога совершенна, и человека совершенна с тем, яко Бог есть, антихрист есть: обаче собственным образом и изъятым, антихрист глаголется, иже при кончине века приити имать. Первее убо подобает проповедатися Евангелию во всех языцех, якоже рече Господь, и тогда приидет на изобличение противобожным Иудеям. Тако бо им рече Господь: аз приидох во имя отца моего, и не приемлете мене: приидет ин во имя свое, и того приимете. И паки Апостол: Зане любве истины не прияша, во еже спастися им: и сего ради послет им Бог действо льсти, во еже веровати им лжи: да суд приимут вси не веровавшии истине, но благоволившие в неправде. Иудеи убо Господа Иисуса Христа, Сына Божия, и Бога сущего не прияша, льстеца же, иже себе Бога наречет, приимут. А яко он богом сам себе назовет, ангел Даниила научая, сице рече: о бозех отцев своих не смыслит. И Апостол: Да никто же вас прельстит ни по единому же образу: яко аще не приидет отступление прежде, и откроется человек беззакония, сын погибели, противник и превозносяйся паче всякого глаголемого бога, или чтилища, якоже ему сести в церкви Божией, показующу себе, яко бог есть. В церкви же Божией глаголяй, не в нашей, но в ветхой, Иудейской глаголет: не к нам бо, но ко Иудеям приидет, ни же за Христа, но на Христа, еяже ради вины и антихрист глаголется.

 

То же и в книге его Небеса, Москва. 7173 (1665) г., кн. 4, глава 27, лист 56 оборот и в 47 слове его, находящемся в Макарьевской Минее, хранящейся в Московской Синодальной библиотеке под {?}, 4 Декабрь, лист 106, столб. 1.

 

11) Макарьевская Минея, месяц Февраль

562 Плоть да не ужасает тя, госпоже моя вещь сия, дивно есть, ничто же в попущает быти или содеятися. О всех содеяти от всех бывающих, туне и всуе такое Павел апостол яве прорече во втором фталийском послании, добре зело. И разруши недуменное, и искомое тебе возмогает. Антихрист в погибающих рече, и елика хощет творити бестуда в них сиа убийцах Христа моего. Занеже не прияша сущу истину яве убо в еже спастися им, любовь всяко истинную Христа прославляя и сего ради бе действо прелестное послеть им яко же пишет, в еже веровати им лжи, супротивника Христова знаменуя всяко. Аще убо не бы пришел льстивый он, не быша покорилися ти, яко повиннии убийству. Прочее приидет зелнеиши. И обличая тех, ибо яко неимуть ти глаголати тогда, поне же глаголаше Xристос Бог есмь аз. Но убо и Божий единородный сын, о сем не веровахом ему, яко богопротивну. Сие те же непщевание отиметь он, внегда приидет той ничто заповедуя, истинно или здраво, но ложна убо вся законопреступна богопротивна, бога показающа, покушающагося его быти живуща в векы. Уста те же убо заградит вправду, аще Христа не услышаша в еже веровати ему. Множае паче неподобаше антихристу веровати. Христос же глаголаше от отца послан быти, ничто бо творити мощи кроме оного воля. Ты же с противно презимаяся некого, никто, глаголемый бог или чтилище иное что, яко разве менее никтоже есть ин бог в мире. Сего ради убо глаголаше Иисус к Евреям: аз приидох от имени отца моего и Бога, и не приясте мене. Приидет же другий прочее о своем имени, и приимете оного с любовью.

 

12) Книга Кирилова

563 А якоже первое когда восхоте на землю снити, и от девицы родитися ожидаемый Бог, диявол первее омерзи, лукавым льщением сведе человеки идолопоклонением лживыми богами, иже от человек родишася, и их же они родиша, да же ложью первее нечестиву учинит правду. Такоже и во второе паки когда приити имать Христос истинный, помощь диявол себе взяв, буи сопротивников ожидание, наипачеже от жидов, приведет незаконна человека волхва, еретика и отметника чародея, и в мечтании все злое хитрствующего, восхищая себе власть римского царства. И ложно христом прозовётся, и тем прозванием жидов прельстит, иже они его надеются, да с ними пребудет. А окрестные же царства и власти, и всех человек, своим волшебством и чародейством приведет к себе.

 

То же и в книге: Казанье св. Кирилла Иерусалимского об антихристе, Вильна. 7104 (1596) г., лист 62.