Гостеприимство превыше мести

Некие братья пленили своего самого большого врага, который причинил им много вреда, и решили убить его, но сделать это каким-нибудь особым образом. Крепко связали они его веревками и заперли в доме. Отлучаясь по срочному делу из дома, наказали матери:
- Мы уходим на три дня и три ночи. Вернувшись, мы воздадим должное нашему врагу. В наше отсутствие не давай ему ни пить, ни есть. Ничего не давай, как бы он ни просил.

Братья ушли. Прошел день, за ним второй. На третий день пленник попросил у старухи:
- Принеси мне хоть немного еды и воды, не дай мне умереть в мучениях.
- Наши наказывали ничего тебе не давать, - ответила старуха.
- Да отлучит тебя твой бог от себя, если ты будешь столь жестока ко мне! Завтра убьете меня, я готов к смерти, но сегодня дай мне глоток воды и немножко еды, - попросил пленник.

Пожалела его старуха и дала ему воды и еды. Пришли братья домой и, как только увидели пленника, спросили у матери:
- Дала ли ты ему воды и еды?
- Да, - призналась мать.
- Что же ты наделала? Как же мы теперь убьем человека, вкусившего наш хлеб? Придется отпустить его, - сказали братья и отпустили пленника с миром, чтобы потом изловить его вновь.

Отведав пищи в их доме, он уже не являлся пленником, а был гостем.

95
Хьаьший бекъаш хилац

Пайхамарий замах Хьумазати Лумазати яхаш ши воша хиннав. Дукха жа хиннад царга. Ший эздешца цкъа накъах ваьнна водаш хиннав Ибрах1ам-пайхамар. Уж вежарий бахача ц1енгахьа д1ачубийрзаб уж. Шоашка хьоашалг1а нах боаг1алга а дайна, Лумазат хола юкъе чуийккхав, х1аьта Хьумазат, цамогаш волчог1а кеп а оттаяь, ц1аг1а д1авижав.

Цар ц1енга хьат1аэттар Ибрах1ам-пайхамар. Духьала енача Хьумазата сесаго, ший мар цамогаш ва, аьннад. Х1аьта а пайхамари цун оздойи ц1ап1а чу баьнна, шуна хайшаб. Г1атта дийзад Хьумазата. Хьаьшашка моаршал а хаьтта, коа а ваьнна, хьаьшашта фу йийча бакъахьа я-те, яхаш, уйла еш хиннав из: жий бийча, хургболча 1аьхарах воал; ка бийча, жа дахкаргдац, яхаш. Коа г1олла додаш циск дайнад. Из дувргда-кха аз, цох 1аьхарг ба аргда, царна из циск долга ховрг а дац, аьнна, из д1адийнад цо. Сесаго кийчадаьд.

Шу оттадича, цох шекваьннав Ибрах1ам-пайхамар. Шуна т1а кулгаш 1от1а а дехка, ду1а даьд цо. Тамаш йолаш х1ама хилар: дийнденна циск ийккха д1адахар. Циггач хайра Хьумазата ше волча Даллас дакъа денна нах баьхкалга. Коа а ведда, устаг1а бийнаб цо. Дукха ца говш кийч а баь, шуна оттабаьб. Дуача х1амах кулг тоханзар пайхамарои цун эздеши. Ибрах1ам-пайхамара аьлар:
- Тхо цхьа моллаг1а нах да аьнна хийтта, хьа воша хола юкъе ийккхар, х1аьта 1а тхона циск оттадир. Далла дакъа денна нах тхо долга хайча, устаг1а а бийна, из оттабир 1а тхона. Дикеи вои хьаьший къестабеча ц1аг1а ирази беркати хургдац. Уж доацача, сои са оздойи шунах мотт тохаш дац.

Уж д1абахар. Дукха ца говш вежарий а къийлуш, къийлуш, боахамах баьлар.

Гостей не разделяют

Жили два брата – Хумазат и Лумазат. Это были времена пророков. У братьев было много овец. Со своими сподвижниками ехал как-то пророк Ибрахим. Они завернули к братьям. Те, чтобы не тратиться на гостей, поступили так: Лумазат нырнул в копну, а Хумазат лег, притворившись больным.

Пророк Ибрахим подъехал к дому. Навстречу им вышла хена Хумахата и сказала, что он болен. Пророк и его сподвижники все же вошли и сели за стол. Хумазат встал, приветствовал гостей и вышел во двор, думая, что бы такое зарезать для гостей. Овцу зарезать – ягненка лишиться, барана зарезать – овцы останутся непокрытыми. Через двор шла кошка. “Зарежу-ка я ее, они ничего не узнают, скажу, что это ягненок”, - решил Хумазат и зарезал кошку, а его жена приготовила ее.

Когда подали на стол, пророк Ибрахим засомневался в пище. Он положил на нее руки, произнес молитву, и чудо свершилось. Кошка ожила и убежала. Понял Хумазат, что у него в гостях святые люди, выбежал во двор и зарезал барана. Вскоре его приготовили и подали на стол. Пророк Ибрахим и его сподвижники не дотронулись до пищи. Пророк Ибрахим сказал:
“Когда вы думали, что мы какие-то прохожие, брат твой спрятался в копну, а ты подал кошку. Узнав, что мы отмечены Всевышним, вы зарезали и подали барана. В доме, где гостей разделяют по степеням, счастья и благодати не будет. А где их нет, там ни я, ни мои сподвижники пищи не вкусят”.

Они встали и уехали. Братья вскоре вконец обнищали.

96
Эггар вог1а дола ди

Мар венна хиннав цхьан йоккхача сага. Таьзета венача цун вошас аьннад:
- Укхул вог1а кхы ди ма доаг1алда хьона.
- Укхул вог1а а ди доаг1аш хул хьона, - аьннад йишас.

Дукха ха яьлалехьа йо1 кхелхай цу йоккхача сага. Юха а аьннад вошас:
- Укхул вог1а кхы ди ма доаг1алда хьона.
- Укхул вог1а а ди доаг1аш хул хьона, - юха а аьннад йишас.

Кхы а цхьа ха яьннача г1олла во1 кхелха хиннав цу йоккхача сага. Хьалха санна юха а къамаьл хиннад йишийнеи вешийнеи юкъе.

Тоъал ха яьннача г1олла ше цхьакха йиса йиша фу деш я-те хьажа, аьнна, из йолча зерате эттав цун воша. Ц1аг1а а коа г1олла а хьал-1о йодаш, отара к1ала хьожаш, геттара сагота хьайзай йоккха саг.
- Фу хиннад? Ма ч1оаг1а корзаг1аяьнна хьувз хьо? – хаьттад вошас.
- 1а дийца дола вог1а ди тахан т1аэттад сона, - аьннад йишас, - кхы мел 1аьржаг1а ди доаг1аргда хьаьшийна шуна оттае ц1аг1а х1ама йоацаш хилча?

Самый тяжкий день

Овдовела некая старуха – умер ее муж. Пришедший на похороны брат старухи, сказал ей:
- Пусть не будет у тебя более тяжкого дня, чем сегодняшний.
- Бывают и более тяжкие дни, - ответила старуха.

Вскоре умерла ее дочь. Брат старухи и тут сказал:
- Да не будет у тебя более тяжкого дня.

Но старуха ответила, что бывают и более тяжкие дни.

Прошло какое-то время, и у старухи умер ее единственный сын. И тут брат пожелал сестре не иметь более тяжкого дня. Старуха же вновь отвечала, что бывает и хуже.

Прошло еще какое-то время, и брат навестил свою одинокую, старую сестру. Она засуетилась по дому, во дворе, стала шарить в кладовке, курятнике.
- Чего это ты так засуетилась? – поинтересовался брат.
- Более тяжкий день, о котором ты говорил, - это мой сегодняшний день, - ответила старуха и продолжила, - разве может быть более черный день в жизни человека, чем, когда он не может своему гостю накрыть стол!

97
Дийнабараш баха а сакъерада а безаш ба

Боад берзаш цхьан юрта вена хьаэттав цхьа къонах. Ше г1аш а волаш, йоа лаьца говра а йоалаеш, говра букъа т1а доккха ши талс уллаш хиннад. Цхьан коа чу кхайкав из, хьаьша т1аэце оаш, аьнна. Эц, мишта эцац, оалаш, коа ваьккхав. Талсаш говра т1ара 1одаха белча, къонахчо, ше 1одоах уж, аьннад. Д1а а дихьа, уйча дехьа саьнга д1аоттадаьд цо. Фусам-даьша говрана фуъ биллаб, къонах хьаьшац1а вига, кулг-юхь дилийтад. Пхьор хьадаллалца, хьаьший саготлургдоацаш, цунна тоам бола къамаьл деш хиннав фусамда. Кастта шу оттадаьд. Х1ама дуаш баг1аш, хьаьшас аьннад:
- Сох визза хьаьша хетац шоана. Вай г1алг1ай 1аьдалаг1а доаг1ача тайпара х1ана дац оаш хьоашалг1а? Пандар мичаб, мехкарийи кагий нахи мичаб, ловзар х1ана оттадац?
- Цкъа вай шунах мотт теха даьлча, цох дола хабар дувцаргда вай, - аьннад фусамдас.

Шу диа баьнначул т1ехьаг1а, фусамдас аьннад:
- Дехьарча ц1аг1а хьажийтал вай.

Мегад, аьнна, д1адехьачу баьннаб. Цигача д1адолла аьнна, кийчадаь уллаш дакъа хиннад. Аьннад фусамдас:
- Тахан кхелха са да ва ер, тахан д1аволла ца кхоадеш, кхоана д1аволла аьнна кийчваь уллаш ва.
- Х1анз хьо вел соца, - д1авийхав хьаьшас.

Уйче ше д1аоттадаьча шин доккхача талса т1авигав цо фусамда. Т1аккха аьннад:
- Сои са во1и Эдал дехьа дахача во1 вийнав са. Со т1акхачалехьа моастаг1аша ах даьккха хиннадар цун дег1. Цу дакъан ши дакъа да укха талсашка чу доаллар. Кхоана к1ира дузаш хул дакъа а дахьаш, со г1аш хьавоаг1аш. Ер дуне-ма нах 1обеш, нах леш а хьадоаг1а. Веннар венна ва, дийна бараш баха а сакъерда а безаш ба.
- Укх сахьате пандарца мехкарий боалабу аз, - аьнна тохавеннав фусамда.
- Эшац, - аьнна, хьаьшас соцаваьв из.

Шоллаг1ча дийнахьа ше д1аводаш заг1ана х1ама дала хьаьша велча, вай шиннена цхьаттарра бохам хиннаб, аьнна фусамдас д1аэца тигадац. Иштта д1акъаьстаб уж.