Красивые рога и некрасивые ноги

В ясный, солнечный день, на водопое, олень увидел свое отражение и сказал:
“Какая у меня красивая крона рогов, и какие у меня безобразныые и тонкие ноги”.

Ушел олень с водопоя. Тут на него накинулись охотники. Они стали преследовать и стрелять в него. Олень убежал в густой лес. А там его ветвистые рога завязли в ветках деревьев. Понял олень, что стал добычей охотников, и горестно сказал:
“Меня спасли бы мои ноги, которые я пренебрежительно называл безобразными, а меня погубила крона рогов, которыми я гордился”.

122
Массанена товр дулургдац

Адама куц т1а а ийца, дуненна г1олла доладенна даха хиннад Джабраил-малейк. Наха фу леладу, цар хьал мишта да хьажа дага долаш леаш хиннад. Кхай т1а воаллаш ахархо б1аргавейнав цунна.
- Даллас хьайна жоп луш хилча, цунгара фу дехаргдар 1а? – хаьттад малейко.
- Дог1а дехаргдар аз, ер д1адийна к1а хьийкъа сай хургдолаш, - аьнна жоп деннад.

Йоачан т1айийхай Джабраил-малейко. Морхаш 1овш хиннай ер цхьан мангалхочоа т1аккхачача. Цунга а хаьттад:
- Жоп луш хилча, Даллагара фу дехаргдар 1а?
- Д1а-а йоаг1а охкаенна морхаш гой хьона? Дог1ана йоаг1а уж. Ч1оаг1а екханга сатувсаш ва со, кхы а йоккха цон йисай са хьакха езаш, - аьннад мангалхочо.
- Массанена товр де Даллана шийна а могаргдац, - аьнна, Джабраил-малейк сигала хьалдахад.

Даже Бог не сможет угодить всем

Ангел Джабраил сошел на землю. В облике простого смертного стал он ходить повсюду и наблюдать за людьми. Увидел он какого-то крестьянина и спросил его:
- Если бы можно было, чего ты попросил бы у бога?
- Я попросил бы дождя, - ответил крестьянин, - тогда у меня вырос бы хороший урожай пшеницы.

Попросив у бога дождя, ангел пошел далее. Увидел он другого горца. И ему он задал тот же вопрос. Горец ответил:
- Я только что приступил к косьбе, и мне надо скосить весь этот большой луг. Но вот беда, во-он движется большая черная туча. Дождь мне помешает. Я попросил бы у бога солнечной погоды.
- На всех не угодить даже самому богу, - сказал ангел и вознесся на небо.

123
Ламаз дег т1ара де деза

П1аьраска дийнахьа, жама1ата маьждиге водаш, Турпал-1аьлийна б1аргавейнав, бай т1а х1ама а тесса, ламаз деш латта цха саг. Ламаз сов сиха деш хиннад цо. Из дезаденнадац Турпал-1аьлийна. Ламаз даь из саг воаллашехьа а, цунна т1аваха, аьннад Турпал-1аьлас:
- Х1анз, сона а гуш, юха а д1адоладе ламаз. Сиха а ма дела из. Хьо сихлой, аз укх тураца т1ера корта д1абохийтаргба хьа!

Юха д1адоладаьд ламаз. Тур даьккха латташ Турпал-1аьла а хиннав. Ламаз ма хулла шорттига деш хиннад. Тоъал ха яьлча, даь даьннад. Хаьтта Турпал-1аьлас:
- Ламаз деш дикаг1а маца дар? 1а санна сихвенна деш, е сих ца луш, сабаре деш?
- Дикаг1а дар хьо т1авале аз деш хинна ламаз, - аьннад, йоах цу саго, - айса из сиха дой а, Далла дагалоаттавеш дора аз из. Тур а даьккха, 1а сога из ламаз шорттига дайтача хана, къегаш хьа тур гуш, Далла дагаахацар сона.
- Даьсара, хьо бакъ ма лув – велавеннав Турпал-1аьла, - Хьайна ма та-а де 1а ламаз, - аьнна, д1авахав из.

Молиться надо с душою

Ехал богатырь Али на пятничную молитву и увидел молящегося на лужайке какого-то человека. Молился он слишком быстро, и это не понравилось богатырю Али. Он подъехал, подождал, пока человек не закончит молитву, а затем сказал:
- Твори вновь молитву и молись медленно, иначе я снесу тебе голову.

Человек начал вновь молиться, причем как можно медленнее. Наконец, молитва окончилась. Богатырь Али спросил:
- Ну, как было лучше молиться? Так быстро, как это делал ты, или медленно, как я тебе велел?
- Было лучше, когда я молился быстро. При этом я вспоминал имя бога. А когда ты заставил меня молиться медленно, я все думал про твою угрозу и совсем не вспоминал бога.
- Ты прав, - рассмеялся богатырь Али и поехал на свою пятничную молитву.

124
Хьо ва бокъонца вола хьажо

Тхьовра, хьалха, хьажц1а нах говраца е г1аш а ухача хана вай ши саг хьажц1а ваха хиннав. Шоай ц1енах дикка гаьн а баьнна, хьажц1а д1акхача массехка ди мара ца дисача хана, цхьан юртах чакхбаьнна д1ахо ваха везаш хиннав ер шиъ.

Цу шера 1алаьмате йоккха йокъал а этта, нах моцалла леча кхаьча хиннаб. Вай из ши саг юртах водаш, моцалла бийста ухка нах байнаб царна. Саг1а дехаш хиннад бераш, истий. Хьажц1а ухача наха шоашта наькъа ахча в1ашаг1атохаш хулар. Цу шиннех цхьанне аьннад:
- Къа да укх наьха, воашка долча ахчах ераш кхаба беза вай.
- Цох х1ама хургдац, - аьннад шоллаг1чо, - 1а яхар вай дой, хьажц1а кхоачаргдац вай, юхадерза дезаргда.

Барт бехаб цар. Цхьанне ше ц1аваххал мара шийна х1ама ца дуташ, юхе мел дисар моцаллах леча наха д1адийкъар, т1аккха ц1енгахьа вийрзар. Шоллаг1вар хьажц1а а ваха, ц1авенав, чоалба а хьоарчая, 1охайнав.

Уж шиъ цхьана волча хана лаьтта десса хиннад Джабраил-малейк, воккхача сага куц а т1аийца. Т1аккха малейка аьннад царга:
- Моцалла нах леча хана саг1ийна х1ама ца луш, ийккха д1авахар хьо, цудухьа хьажол дехад хьа, хьажц1а хьо д1акхачалехьа а. Чоалба 1ояьккха, из лелае бокъо яц хьа, - аьннад цхьаннега, т1аккха шоллаг1чунга аьннад, - хьажц1а ваха араваьннача моцал бовш латтача нахах т1ехьваьнна д1а ца водаш, уж нах моцалах боахаш хьо хиларах, хьо хьажц1а кхаьчарех ва, бокъонца вола хьажо а ва хьо. Кертах чоалба хьоарчае мара езац хьа.

Именно ты настоящий хаджи

Раньше, когда совершали паломничество (хадж) в Мекку на лошадях и пешком, двое наших отправились к этому святому месту. Далеко они ушли от родного дома. До Мекки им оставалось несколько дней пути, когда они проходили через некое тамошнее село. В это время была неслыханная засуха, и в том селе люди гибли от голода. Наши паломники видели опухших от голода людей, детей и женщин, просящих милостыню. Паломники обычно имеют с собою сбережения. Один из этих богомольников сказал:
- Жаль гибнущих людей, надо нам на свои деньги купить им запас еды и тем самым спасти от голодной смерти.
- Ничего не выйдет, - ответил второй, - если тебя послушаться, то нам придется прервать свой путь.

Расстались паломники. Один из них, оставив себе денег ровно столько, чтобы добраться до дома, все остальное раздал голодным. Другой дошел до Мекки, затем вернулся домой и стал ходить в белой чалме, положенной сану хаджи.

Когда эти двое уже встретились на родной земле, к ним подошел ангел Джабраил в облике старца: “Ты не дал подаяния людям, гибнущим от голода, а пошел мимо них в Мекку; хотя и дошел до нее, ты не приобрел сана хаджи и поэтому сними с себя чалму, - сказал он одному. Потом обратился к другому. – Хотя ты и вышел в путь, намереваясь дойти до Мекки, но ты его прервал, чтобы спасти людей от голода. Ты милосердный человек. Вот ты и есть истинный хаджи и удостаиваешься этого сана. Надень на себя чалму”.

125
Къа да саг1а ца далар

Ши къонах хинав вахаш. Ца1 хиннав шийна дуне дуаш, сакъердаш лелаш. Вож хиннав ч1оаг1а марха-ламаз долаш. Кхерий т1а ламаз деш хиннав из. Сов дукха ламазаш даь, корта 1обийттача метте кхерах къорг яьннай.

Къемата дийнахьа сакъердаш лийна къонах ялсамала хьожаваьв, вож, ламазаш деш хинна къонах, жожаг1ата хьожаваьв. Цу бахьанце леткъав из:
- Фуд ер? – аьннад, - сакъердаш, дуне дуаш лийнар ялсамала хьожавар, х1аьта со санна марха ламаз дола саг жожаг1ата хьожавар?

Малейкаша аьннад:
- Ер дуне дуаш лийна къонах шийгара саг1а дийхача, ший т1ехьар адар а, шийна т1ера 1одаьккха а, д1алуш хиннадаь, х1аьта 1а, хьайгара дийхача, хьайга доккха рузкъа долашехьа а, саг1а луш ца хиннадаь да ер иштта.

Саг1а ца далар доккха къа да.

Грех не дать подаяния

Жили двое мужчин. Один из них ел, пил, веселился, радуясь жизни. Другой был очень набожным, настолько, что на камне, на котором он молился, образовалась ямка от прикосновений его головы.

В день Суда на том свете того, гуляку и бражника, отправили в рай, а набожного фанатика – в ад. Это его возмутило:
- Как так? – воскликнул он. – В рай идет весельчак, не совершивший ни одного намаза, а такой, как я, неустанно предававшийся молитвам и постам, направлен в ад?

Ангелы ответили:
- Этот весельчак, не совершавший намазы, когда у него просили подаяния, отдавал последнее, даже последнюю рубаху снимал с себя, а ты, несмотря на то, что богач, никому не подавал милостыни, а это есть самый тяжкий грех. Так что твое место в аду.

126
Хьай эшам наха д1а ма хайта

Гаьн т1а 1охайна яг1аш бов хиннай. Цунна юххе дена 1охайнад кер. Керо аьннад бовнага:
- Из бедар ма к1аьда я хьа, ва бов, - аьнна.
- Бедара к1аьдала-м х1ама даьра дац хьона, са дега к1аьдал мара, - аьннад бовно керага.
- Уж б1аргаш ма доккхий да хьа, фуд из? – хаьттад юха а.
- Доккхий уж хилар пайда бий, бийда уж хилча, - аьннад бовно.
- Х1аьта хьа-м лергаш а ма хиннадий, - цецдаьннад кер.
- Да-м дар уж, х1аьта а къоро я-кха со.

Керо уйла яьй: “Дега к1аьда я, б1арза я, къора я. Иштта ер йолче-ма сога йита 1а!”. Т1акхийттача керо бов йоатт1аяьй.

Скрывай свои недостатки

На ветке спокойно сидела сова. Подлетел коршун и сел рядом. Разговорились о том, о сем, и коршун поинтересовался:
- Сова, что это у тебя перо столь мягкое?
- Да это бы еще ничего, вот сердце у меня еще мягче, - ответила сова.
- Чего это глаза у тебя столь большие? – поинтересовался коршун.
- Что толку в том, если они сырые (подслеповатые), - ответила сова.
- У тебя и уши есть? – вновь спросил коршун.
- Есть то есть, и все же я почти ничего не слышу, - был ответ.

Коршун смекнул: “Сова трусовата, глуховата да к тому же еще и подслеповата. Это легкая добыча”.

Накинулся коршун и расклевал сову.

127
Вайла зовзаг1а х1амаш хиннай

Пхьагалаша кхетаче яь хиннай. Шоаш зовза хилар дийцад. Ча, бордз, цогал, моллаг1а кхыдола аькха вайла толашаг1а да, сов ч1оаг1а царех кхераш хиларах, чухьа са доацаш лел вай, яхаш дийцад.
- Вайла зовзаг1а дийнат дац укх дунен чу, - аьннад йоккхаг1а йолча пхьагало, - ер дуне дита деза вай.

Цу деша раьза хиннай пхьагалаш. Мишта ла вай, аьнна, дийцад. Т1аккха ва1ад яьй хи чу кховсаена д1аяла. Йоккхача тоабанца тетта 1ам болчахьа д1айолаеннай пхьагалаш. 1ам т1а ераш д1акхаьчача, царех кхераенна кога к1алхара пхьидарч “т1алкъ-т1алкъ” аьнна, хи чу кховсаеннай.
- Сабарделаш! – аьннад йоаккхаг1а пхьагало. – Вайл а зовзаг1а х1амаш хиннай шоана; гой ер пхьидарч, вайх кхераенна хи чу кховсаенна.

Циггач пхьагалаш юхайийрзай.

Есть и трусливее нас

Зайцы устроили собрание. Разговор велся о заячьей трусости. Говорили, что медведь, волк, лиса, другие звери храбрые, а они, зайцы, всех их боятся, живут в постоянном страхе перед ними.
“Нет на свете тварей, трусливее нас, - сказал старший из зайцев, - нам надо уйти из этого мира”.

Зайцы согласились и стали думать: как им это лучше сделать. Дружно порешили они утопиться. Большой стаей двинулись зайцы к озеру. Лишь подошли, как из-под их ног, перепуганные лягушки стали прыгать в озеро.
“Остановитесь! – окликнул старший из зайцев. – Оказывается, есть твари трусливее нас. Видите, лягушки нас испугались и побросились в озеро”.

Довольные зайцы повернули назад.

128
Харшанешка лел ер

Шийна хьакхаштаг1а болча уцц1аьшта ший сесагах леткъав цхьа къонах:
- Х1ара денна укх йоккхача шахьара г1олла лелаш, цхьанна харшаке, закусочни, кафе т1ех ца юташ, царна чулелхаш, ч1оаг1а хьаьръяьнна лел из шун йо1-йиша.
- Аь-аьъ! – оалаш, цецбаьннаб уцц1ай, - тхона в1алла хеза а дий тха Напсатах пьяница хинналга!
- А, а, - аьннад найцо, - из-м, кхыметтале, малара хьадж а ловш яц. Цу харшанешкеи, ресторанашкеи, кхычахьеи со лехаш лелаш хул из.

Иштта хул маларашта т1ехьабаьннача наьха дезала г1улакхаш.

Она ходит по харчевням

Некий мужчина пожаловался родственникам своей жены:
- Совсем взбесилась ваша сестра. Каждый день ходит по всему этому большому городу и не пропускает ни одной харчевни, закусочной, кафе, чтобы не наведаться в них.
- Как так, - удивились родственники жены, - разве когда-нибудь и кто-нибудь сказал, что наша Напсат пьяница!?
- Нет, нет, - поспешно ответил зять, - она не выносит даже запаха спиртного. Это она в харчевнях, ресторанах и других местах постоянно ищет меня.

Такими бывают у пьяниц семейные дела.

129
Яьсса моттиг лех цо

Къаракъа т1ера волча цхьанне аьннад ший доттаг1чунга:
- Фуд а хац сона. Къаракъ мелча, из деррига а кертах доал-кха сона.

Доттаг1 хьаькъал долашаг1и маларашта т1ера воацаши хиннав. Жоп деннад цо:
- Иштта хила доаг1аш а да из. Къаракъо шийна яьсса моттиг лехалга хаций хьона?

Она ищет пустое место

Один выпивоха пожаловался другу:
- Не знаю, что и делать. Как выпью водки, так она сразу же идет мне в голову.

Его друг был умнее и был трезвенником. Он ответил:
- Так и должно быть. Разве ты не знаешь, что водка всегда ищет пустое место?

130
Дауд-пайхамарах хьаьрча къа

Дауд хиннав пайхамар а паччахь а волаш. Дукха истий ший боллашехьа а цхьан эздечун дала теха 1алаьмате хоза хинна сесаг дагайоаллаш хиннав из. Хоза из кхалсаг шийна хьаерзаяр духьа эзде мишта д1авоаккхаргва ца ховш, Дауд сагота хьувзача хана, т1ом хьайр. Из эзде т1ом эггар лираг1а болча хехка ваьлар Дауд. Т1еххьара вийр из эзде.

Цхьа ха яьннача г1олла жералла яьнна цун сесаг Дауда шийна д1айигар. Бакъда, х1арача бусса из эзде г1анахьа духьала аха ваьлар цунна, ше верахи Дауда зудал совдаларахи бехкаш доахаш, на1алташ кхайкхадора цо. Сатем байнача Дауда лаьрх1ар из вийна эзде шийна къинт1ера ваккха. Кашамашка ер хьалвахача, малейкий новкъосталца цхьан юкъа дийнвир из саг. Дауда аьлар цунга:
- Хьа сесаг сайна хьаерзаяр духьа хьо т1ем т1а хехкаш, хьо х1алак хилийтав аз. Сона къинт1ера валар дех аз хьога.
- Дукхача х1аманна къинт1ера вала йиш йолаш ва саг, - аьннад цу эздечо, - бакъда дега цхьаккха дарах могаргдац тийшача балхах къинт1ера дала.

Из аьнна воаллашехьа а саг каша д1авижар, боарз къовлабелар. Из доккха къа т1ерадаланзар Дауда т1ера.

Грех пророка Дауда

Пророк и царь Дауд имел много жен. Тем не менее он стал заглядываться на невиданной красоты жену одного из своих воинов. Дауд не знал, как его извести, чтобы жениться на той красавице. В это время началась война, и Дауд отправил воевать мужа той красавицы, причем послал его в самую гущу сражений. Наконец, тот погиб.

Через какое-то время Дауд женился на красавице-вдове, но каждую ночь во сне ему стал являться погибший воин, укорявший и проклинавший Дауда в беспутстве и в том, что он загубил его, безвинного человека. Жизнь Дауда стала невыносимой, и он решил сходить на могилу того воина и попросить прощения. На кладбище пророку помогли ангелы. Они оживили покойника. Дауд ему сказал:
- Я тебя отправил на войну, чтобы ты погиб, а твоя жена досталась мне. Прости мне этот грех.
- Многое может человек простить, - ответил оживший покойник, - но его сердце и душа никогда не смогут простить подлости и предательства.

Покойник вновь лег в могилу. Так и остался на Дауде этот непрощенный грех.

131
Харжа хьайна

Эрий ара, бийсанна, тувла а венна виса хинна къонах т1анийсавеннав цхьан йилбазий поала. Царех дикадар шийна даргдоацалга а ховш, ший ма хулла царех к1алхаравала веннав из. Х1ама хиннадац. Цхьан ц1аг1а д1ачувигав из къонах. Йилбазаша аьннад цунга:
- Гой хьона, укх чу йола ер тоам бола кхалсаги, из д1ара лела бери, шун т1а латта къаракъа шушеи.
- Гу, - аьннад.
- Гуче, оаха маьрша вохийт хьо, кхаьннех ца1 1а дой. Е цу кхалсага низ бе беза 1а, е бер де деза 1а, е из къаракъа шуша д1амала еза 1а. Цу кхаьннех ца1 дича, оаха мукъ воалийт хьо.

Уйла яьй къонахчо: уж б1еха х1амаш леладечул аттаг1а деций сона из къаракъа шуша д1амелча. Вахарг мара вий со. Х1ама а дац, хьакхетаргва. Къаракъ хорж аз, аьнна, шуша д1аерзаяьй цо. Чоапилг к1алт1аяьннай къонахчун. Кхалсага низ бе эттав из. Нана елхарах т1адетталуш хинна бер лосттадаь д1адахийтта денна хиннад.

Къаракъо шийна т1ехьа ц1аккха а дикадар денадац!

Выбирай

Шел по лесу охотник и угодил в руки скопища чертей. Никакого выхода у него не было. Завели они его в один дом и сказали:
- Видишь, в этом доме красавицу-женщину, видишь, во-он бегает ребенок, видишь, на столе стоит бутылка водки?
- Вижу, - ответил пленник.
- Тогда, если хочешь уйти с миром и невредимым, сделай одно из трех: или изнасилуй женщину, или убей ребенка, или выпей водки.

Мужчина решил: не лучше ли мне выпить водки, чем марать свои руки и честь. Подумаешь, выпью, протрезвею и уйду. Он сказал чертям, что выбирает водку. Выпил он бутылку водки и потерял разум. Начал он насиловать ту женщину. Видя, что мать отбивается и плачет, ребенок по-своему стал спасать ее. Мужчина отшвырнул ребенка так, что ударившись о стену, он скончался.

Водка к хорошему не приводит.

132
Малар боарамаг1а хила деза

Цхьан фусамдас, геттар вез а ваь, ший хьаьшана каст-каста 1одетташ хиннад къаракъ. Моло-ош, кеп йодаш хиннача хьашас аьннад:
- Хьай эзделах сога хатта мича хоат 1а, со малав. Х1аьта халахь: со Байсара Мочкхий йиший-во1 ва хьона!
- Даьллахьи, ма дика болх ба! Мехка ц1и йолча наьхах хиннавоав хьо-м! – аьннад фусамдас.

Арг1анара кад баьккхача, хьашас аьннад:
- Из х1ама дац хьона. Уцига Малсага дув биаь доттаг1а ва со!
- Доттаг1ал даькъала хилда шун! – ловца баьккхаб фусамдас.

Юха малара кад баьккхача, ший доккхал даьд хьаьшас:
- Кхы а ха деза хьона со Шамала на1иб хинналга. Хоарашхой Заьлмахас банк йоаккхаш цунна аьтта оаг1ув со хинналга!

Ший дагахьа аьннад фусамдас: “Кхы а 1а моле-ма, хьох 1умар 1аьлий веший во1 а хургва. Турпала 1аьлий доттаг1а а хургва”.

Шорттига малар д1алочкъадаьд фусамдас. Цул т1ехьаг1а хайнад цунна: хьаьша вале а, моллаг1а вале а, малар боарамах дотташи молаши хила дезалга.

Пить надо в меру

Некий хозяин, оказывая гостю всяческие почести, раз за разом наливал ему водки. Пьянеет гость и говорит:
- По нашему обычаю ты не спросил, кто я. Так знай же, я племянник самого Байсара Мочки, основателя села Базоркина.
- Славно, - ответил хозяин, - ты, оказывается, являешься родственником именитых людей.

Выпил гость очередной бокал и сказал:
- Это еще ничего. Я являюсь еще и присяжным братом самого благородного мужчины Ингушетии Уцига Малсага!
- Пусть крепнет ваша клятвенная дружба, - пожелал хозяин.

Вновь выпил гость и продолжил самовосхваление:
- Ко всему тебе еще надо знать, что я был шамилевским наибом, что я был правой рукою знаменитого абрека Харачоевского Зелимхана, когда он брал банк!

Тут хозяин решил про себя: “Э-э, если ты еще выпьешь, то ты станешь племянником самого легендарного абрека Умара Али и сподвижником зятя пророка Мухаммеда, героя Али”.

Тут хозяин и припрятал выпивку. Понял он: гость ли, другой ли кто, но наливать и пить надо в меру.

133
Фуаш деча оал хьона “варкъ”

Цхьан дас катехха ший котам лаьцай. Аьннад:
- Тоъаргда! Дукха лайнад 1а леладер. Из фуд? Д1аяхе, наьха горинга чу фуаш а дий, юхаяьй, са коа “варкъ, варкъ” яхаш хьо лелаш хилар. Фуаш деча оалаш хул хьона из “варкъ”. Из тийшаболх сона кхы лелабергбац 1а.

Циггач котама урс хьекхад.

Кудахтают там, где несутся

Во дворе некоего хозяина раскудахталась курица, которая перед тем снесла яйцо в чужом курятнике. Хозяин схватил ее и сказал:
“Хватит! Долго тебя терпели. Надоело. Ходишь нестись в чужой курятник, а кудахтать возвращаешься в свой двор. Кудахтают там, где несутся, а несутся всегда в своем дворе. Теперь не будешь ни нестись, ни кудахтать”.

Тут курицу и прирезали.

134
Дог доатт1адаь саг вувргва 1а

Базар т1а дото шалта йохкаш латтача лоамарочунга Цагена хаьттад, из сеннах йохкаш я, аьнна. Шийтта тумах йохк ше аьннад.
- Х1аьта сона кхаь сомах хьалой 1а иза? – хаьттад Цагена.
- Сенна еза хьона шалта? – хаьттад лоамарочо.
- Пхьа леха безаш ва со, - аьннад Цагена.
- Хьанехк, - аьннад лоамарочо, - хьона е шалта а езац, е топ а езац. 1а-м духхьал дог доатт1адаь саг вуврг ма вий!