Маленьких хороним по двое-трое

В некий дом пришел гость. Хозяйка была бесстыдной и жадной. Она наготовила гостю весьма маленькие галушки.

Когда их поставили перед гостем, он остался недоволен таким отношением к себе. Назло жадной хозяйке он стал цеплять вилкой зараз по две-три галушки и отправлять их в рот. Хозяйка, видя это, заерзала, стала думать, как заставить гостя кушать по одной галушке. Наконец, она спросила гостя:
- Скажи, гость, в ваших краях в одну могилу сколько покойников кладут?

Гость догадался, что хозяйка хотела сказать. Он ответил:
- Богом клянусь, если покойники телом маленькие, то мы их кладем в могилу по два, а то и по три. Нормального сложения покойников мы кладем в могилу по-одному.

Хозяйка больше не вымолвила ни слова.

165
Дади виц ма валийталахь

Хьоашалг1а венача цхьан къонахчо хаьттад фусамдаьга:
- Во1 миштав хьа? Даьна, нанна хоза новкъостал деш вий ер?
- Воллах1и, талхаша-м латт, деш х1ама доацаш, айлаюкъенца мара сакъердам боацаш ва. Х1анз сихха саг а йоалаяь, був а ваьккха, ше 1о ца хоавойяь, цунна фу дергда ма хац сона, - аьнна, леткъав фусамда.

Из къамаьл хезад на1ар т1ехьашка лаьттача во1а. Шоллаг1ча дийнахьа сахилале хьал а г1етта, диг ира а даь, ший вир д1а а дежа, хьунаг1ара дахча да водача во1о ший наьнага аьнна хиннад:
- Селхан вай хьаьшага ше дийцар диц ма де алалахь вай даьга.

Пусть отец не забудет

Некий гость поинтересовался у хозяина:
- Ну, каков твой сын? Помогает он своим родителям или нет?
- Клянусь Всевышним, портится на глазах. Бездельник, все его мысли только о том, как погулять и повеселиться. Не знаю, что с ним делать. Думаю, может, незамедлительно женить его и отделить от себя, - пожаловался хозяин.

Сын был в соседней комнате и слышал весь этот разговор. На второй день юноша, как никогда, встал рано, отточил топор, запряг осла и собрался поехать в лес по дрова. Выезжая со двора, он сказал своей матери:
“Скажи отцу, чтобы он не забыл то, о чем вчера говорил нашему гостю”.

166
Нана яле а, сесаг ца хилча дош дац

Х1ара денна хьунаг1а десга ухаш хиннаб даи во1и. 1уйранна, ераш балха баха безача хана, даь хулчеш хиннай ц1енъяь, даьтта хьекха. Х1аьта ви1ий яраш б1еха а ийтт1а а хиннай. Иштта хулаш хиннад х1арача денна. Кхы сатоха ца луш аьннад йоах во1о:
- Даьсара, дади, нана яле а, сесаг ца хилча, дош дац хьона!

Хотя и есть мать, но без жены не обойтись

Отец и сын ежедневно ходили в лес на заготовку строительного леса.Утром, когда им надо было идти на работу, сыромятные чувяки отца бывали вымыты и смазаны жиром, а чувяки сына были грязные и потрескавшиеся. И так бывало ежедневно. Наконец, не вытерпел сын и сказал:
“Клянусь, отец, хотя и есть у меня мать, но без жены не обойтись!”

167
Деха ди

Боккха т1ом а хьайна, ц1енош а даьга, мар а вийна йола ши энгар махулла едда-едда юртара д1аеддий хьунаг1а г1олла. Шоашта кхы саг т1ехьакхувш воацалга сакхийча, цхьан гаьн к1ала к1аьдъенна д1алийгай энгараш. Са метта деча, з1амаг1ча энгара аьннад:
- Ма х1алак хилар вай! Ма деха ди да ер!
- Укхал вог1а а долаш деха ди хул хьона, - аьннад йоккхаг1а йолча энгаро.
- Из малаг1а ди да? – хаьттад.
- Бокъонца дола деха ди дар вай марас хьо сона т1айоалаяь хинна ди, - аьннад йоккхаг1а йолча энгара.

Селлара хала хет кхалсага маро шийна саг т1айоалайича.

Тяжелый день

Две жены многоженца бежали в лес. В разгоревшейся большой войне убило их мужа, сгорел их дом. Сами они еле унесли ноги. Бежали они, пока не уверились, что за ними нет погони. От усталости они попадали на траву под деревом. Когда отдышались, младшая жена произнесла:
- Несчастные мы, какой тяжелый день настал!
- Бывает и более тяжелый день, чем сегодняшний, - промолвила старшая жена.
- Какой же это день?
- По-настоящему тяжелым был тот день, в который наш муж привел тебя на мою голову, - ответила старшая жена.

Настолько тяжело переносит женщина, когда ее муж приводит вторую жену.

168
Тийшача балхах даь васкет

В1аший дукха безаш, мерза бахаш хиннаб къона мари сесаги. Ц1аьхха цхьа лазар а кхийтта, вала аьнна метта вижав мар. Сесаго хаьттад цунга:
- Сона малаг1а васкет дут 1а?
- Х1ара 1урра, со дагавохаш, й1айха йолаш сискал яа, цу вай хьастара хий т1а а молаш. Кхы хьога ала х1ама дац са, - аьннад маро.

Мар венначул т1ехьаг1а, цун васкет кхоачашдеш хиннай сесаг. Й1айхача сискала шийла хий 1от1амелаш хиларах ши-кхо бутт балалехьа бага мел йола царг 1оежай цу кхалсага. Мочхалаш в1ашка денад цун. “Из-ма йоккха саг ма йий”, - оалаш, цхьанне а маьре йигаяц из.

Маро из васкет даь хиннад, ший йиса сесаг кхычунга маьре ца яхийтар духьа. Цхьайолча хана безам а хул шийх къизал йоаллаш.

Коварный завет

В любви и достатке жили молодые муж и жена, но внезапно муж заболел и слег в постель. Настал его смертный час. Жена спросила его:
- Какой завет ты мне оставляешь?
- Каждое утро, - отвечал муж, - вспоминая меня, испеки и съешь горячий кукурузный чурек, запивая его водою из нашего родника. Больше нечего мне тебе завещать.

Мужа похоронили. Жена свято стала исполнять его завет. По утрам, вспоминая мужа, она ела горячий чурек и запивала его холодной водою. Через два-три месяца у молодой женщины повыпадали все зубы. Челюсти ее сомкнулись. Говоря: “Да она же старуха”, никто не захотел на ней жениться.

Муж оставил ей такой завет, чтобы она ни за кого другого замуж не вышла. Иногда и любовь бывает жестокой и эгоистичной.

169
Мишта доаккх къонахо мехка сий

Цхьа къонах вена хиннав зирак волча. Хаьттад цо:
- Зирак, наха юкъе дукха сий долаш а дош отташ а вац со. Алал-хьей, фу де деза аз, мехко са сий дергдолаш?
- Ц1аг1а а хьай юрта а сий долаш вий хьо? – хаьттад зирака.
- 1а яха кхы дукха сий а дац са цар. Иштта, цхьа моллаг1а волча сагага санна мара сога кхы хьахьажац, - аьннад къонахчо.
- Воле, - аьннад зирака, - хьай ц1аг1еи юртеи сий хьалдаккха, т1аккха со волча юхавоаг1аргва хьо.

Мегад, аьнна, вахав къонах. Ц1ен кхоачонга хьожаш; даь-наьнага, берашка хьожаш; сесагаца дика волаш, д1акхестав къонах. Юрта дика-во мел хиннача юрта отташ, мискашта саг1а луш, юрта наькъаши т1аьши тоадеча хьинаре дакъа лоацаш хиннав. “Хьанехк, хьанехк” оалаш, укхан ц1и хестае болабеннаб нах. Цун юртхой шоаш дика-во мел долча кхыча юрташка бахача, из къонах дикаца вувцаш, хеставеш хиннав цар. Иштта мехка ц1и д1ахезай цу сага.

Т1аккха юха а зирак волча ваха, аьннад цу къонахчо:
- 1а яхар дир аз, юрта а дезала юкъе а сай сий хьалдаьккхар аз. Бакъда, х1анз мехко а ду са сий. Мишта хиннад из?
- Иштта хила а доаг1а, - аьннад зирако, - мехка ший сий хазийтар духьа къонахчо хьалхаг1а ший ц1аг1еи ший юртеи сий хьалдаккха деза.

Харца алац вай кицо: “Дика а во а ший ц1аг1ара, ший юртара хьадоаг1а”.