Статья 3. Самих себя рукополагать свойственно только еретикам

1) Св. Киприана, епископа Карфагенского избранные сочинения

353 Сии суть, кои добровольно у безрассудного скопища людей творят себя начальниками без Божественного распоряжения, кои себя определяют властелинами без всякого закона постановления, кои, никому же дающу епископств, присвояют себе имя епископа: коих означает в Псалмах первых Дух Святый седящими на седалищи губительства, язвами и заразами веры, обманывающими чрез уста змеиные, и художниками развращения истины, смертоносный яд гортанью изрыгающими, коих слово как гангрена распространяется, коих беседа вливает смертоносный яд в сердце каждого (2Тим.2:17). Против таковых вопит Господь, от сих удерживает и отвлекает заблуждающий свой народ глаголя: «слушайте словес пророков, иже пророчествуют вам и прельщают вас. Видение от сердца своего глаголют, а не от уст Господних. Глаголют отвергающим мя глагола Господь: мир будет вам и всем, иже хотят в похотех своих. И всякому ходящему в строптивстве сердца своего рекоша: не приидут на вас злая (Иер.23:16)». «Не посылах пророки, а они течаху, не глагола к ним, и теи пророчествоваху. И если бы стали в совете моем, слышаны сотворили бы словеса моя, и отвратили бы людей моих от» пути их лукавого, и от начинаний их лукавых (Иер.23:21). Сих же самих, ещё Господь означает глаголя: «Мене оставиша источника воды живы, и ископаша себе кладенцы сокрушенные, иже не возмогут воды содержать» (Иер.2:13). Когда другое крещение кроме единого быть не может, то думают, что можно им крестить, оставив источник животный, обещают благодать животной и спасительной воды. Не омываются у них люди, но паче оскверняются, ниже очищаются грехи, но ещё умножаются. Не Богу рождение оное, но диаволу детей рождает. Чрез ложь рождённые, не приемлют обетования истины. От вероломства произведённые, губят благодать веры. К награде мира прийти не могут, кои мир Господа неистовством распри прервали.

То же и в Трудах Киевской Дух. Академии за 1861 г., кн. 12, стр. 12, стр. 172–179.

2) Преподобного Никона Черногорца

354 Поведаше нам отец Иоанн, и отец Софроний, глаголюще как шедше к отцу Нилу, на святой неделе в гору Синайскую. Бяше бо старец безмолвствуя наверху святой горы, имея двух учеников. Пришедшим же нам на вечерняя, начат старец пети слава отцу с прочими, и рекохом блажен муж, и господи воззвах без тропарей, и по еже рещи свете тихий, и сподоби господи, начахом глаголати, и ныне опущаеши с прочими. Внегда же совершихом вечерняя, предложи нам трапезу, и по вечерне, начахом правила, и по еже рещи и Псалом и отче наш, послание, начат глаголати старец, Господи помилуй до пятидесят, и седшим нам прочти един от ученик его соборное послание Иаковле, и воставше паки начахом пети второе статие, 8 Псалом, и по совершении, 8 Псалма, даст другому брату, и прочте в той же книге первое соборное послание, и воставше начахом пети третие статие 8 Псалма, и совершивше, 150 Псалмов, и рекше отче наш, и Господи помилуй, и седохом и дасть ми старец книгу, и прочёл соборное послание иоанново, и, встав, начал также тихо петь песни моисеевы без тропарей, и ни на третей, ни на шестой не сотворил междопесния но отче наш, и Господи помилуй. Рекше же и хвалите Господа без тропарей. И начал глаголати слава в вышних Богу, верую во единого Бога, и тако отче наш и Господи помилуй, приложи убо старец и се глаголя, сыне и слово Божие, Господи те Христе Боже наш помилуй нас, и помози и спаси душу нашу, и рекшим нам аминь. Седохом и глаголахом к старцу. Почто авва не храните чин соборной, и апостольской церкви, и глагола старец: не храня чин соборной и апостольской церкви да будет анафема в нынешнем веке и в будущем, и глаголах ему како ты сам. С ночи на вечерне святой недели, ни на Господи воззвах тропаря нет, ни на свете тихий, ни на сподоби Господи ни же на каноне Бог Господь, ни на стихолопсаломстей седални воскресни, ни на песни святых триех отрок тропаря. Но ни же на евангелии всяко дыхание, ни на славословии воскресение спасово еже хвалим. И глагола старец ко мне: аз ти скажу, чадо, почто иноцы сие не глаголют, как да не претворяют себе священничество. И как да не уставы отческие разоряюще. Горе наследуем, разоряя убо уставы отческие и корчемствуя, развращая любо благочестивая и божественная правила, горе наследует. Сия бо яже рекл еси, певец и чтец суть, и у поддиакон и пресвитер, и иже рукоположения имущих, а аже рукоположения не имущим, на сия дерзати не подобает. Сего ради бо и церковний чин поставляет чтеца и певца, и поддиаконы и пресвитери, певца убо за еже пети и начинать с пением и гласом и песнию, и преднаставляти люди в святый Боже, и предлежащая и предпевания и олтарная, и во происхождении тайнам, иже херувим, и причастная чтеца же на приточной, и пророческия и апостольския книги, и поддиакони же и диаконы за еже служити жертвеннику, пресвитеры же за еже священнодействовать и свершать и крещать.

Обаче вопрошу вы и аз главизну церковную как да истинною речете ми, в божественных службах и вечерних мольбах, и нощных бдениях и утренних служениях. Кто суть иже аллилуйя и предпевания, и прокимены, и седальны, и чтения и антифоны предвоспевающей и предначинающей, и глаголахом ему певцы и чтецы и поддиаконы, и глагола старец: право реклы есте, в нарочитыя же праздники, и в святыя неделя, кто суть иже Бог Господь и в началех канону, и в междопеснех пения триех отрок, и всяко дыхании и во славословии воскресшия спасова еже хвалим, и на концы канону начинающей, и глаголахом ему, сия и сицевая пресвитерская суть. В церковнем бо предании, сице прияхом, как да от иереи предвозглашаются. и глагола старец, да како иноки укорять, иже своя меры видящих, и устав соборной церкви хранящих, и утверждённые правила, и воображения уставы не предваряющих, но и со мнозем опаством хранящих? И глаголахом ему: согрешают ли убо иже на сия дерзающей? Глагола старец, иже руковозложения не имящей, и от иереи не повелеваеми, и в церкви или в кельи в певческая благающеся. Всем благомысленым ведомо есть, яко да сами себе поставляют. Паче же от тщеславия и гордости имения поставляемы суть, и ко полезным убо и успешным тупо зрят и слепи суть, ко не ползующим же, но зело вредящим благордерзостни и удобни и быстро зряще обретаются. Что бо есть украшающе поднебесную разве церковный чин, той содержит небесное да и земное, чинов мысленных, и чинов чувственных. И чину убо одержащу всяческая, утворение красно все, и доброта церковная недвижима, безчиние же и не лепота, на воздусе убо громи, на земли же труси, в мори же потопления, в градех же и домах брани, в душах же греси, в церквах же истощание, и еже не хранити степень церковный, рукоположения бо не приемшей Иерейския чины, и возглашения предвосхищающей, ни мир, ни благочиние, ни единомыслие, но мятеж и безчиние приносят, и сия глаголю, не как пения и творения соборной и апостольския церкви отметая, но как молчальником и иже своя грехи плачущим, не подобни суть тропаре.

И глаголах ему: Что убо кроме Иерея, несть ли мощно кому пети и молитися и чести?

И глагола старец: да не будет, не се согласую еже престати не прочитати, но се молю не восхищати саны, ни посвевати прочитания, и пачеже в церкви. Аз первый от хвалящих и блажащих, иже поистинне молящихся, и иже божественным книгам упражнятися хотящих. И согласуя молитися на всяк час прилежне и с трезвением, и вещати духовная. И если бы мощно ниже ино что вещати, добро бо се и божественно, еже памятию божестевенных писаний прилеплятися к Богу, и в книгах его поучатися. Павел бо апостол есть, иже сия глаголяй, хощу убо мужем молитися на всяком месте воздевающим преподобныя руки без гнева и помышления и предидый глаголет: вся ми леть суть, но не вся на ползу. Кождо в немже зван бысть в том да пребывает, яже повелени быхом сия и помышляти и творити должни есмы. что убо себе творим пастыря овца суще, что бываеши глав, нога сы что воеводствовати начинаем учинении в воинех, таже и слышаще божественного писания глаголюща, да не уклонишися ни на десно, ни на лево. Ниже за сопротивное равне в зло впадеши въсходя в недерзаемая, и дерзая в недостижная.

Но паче мы иночествующеи, купно и мирстии воздадим своя в таине молитвы, иже вся ведящему, в немже и деяния и помышления, праведными мерилы Божьими измеряются, когда приидет судити земли, и совести, и словеса, и помышления, и дела собирая, и обнажая запечатленая у него и хранимая. Занеже Бога убо исповедуем ведати, дела же отметаемся его, и образованием убо благочестия обложени есмы, силы же его отметаемся. Постави бо священники Бог, и даст церкви власть, имже бо судом предизбра не лицемерне, сих силою обложи не поборимою. Ничтоже бо от всех есть, еже не прежде всех весть Бог, и весть чесо ради сих отрицаемся. Не яко пагубна и отвержена и от церкве чужда, но как нам иночествующим тщеславию и возношению, ходатанственна и виновна.

355 Аще убо иже от Бога помазан быв царь (Озия), и правое пред богом творя. И точию же в храм Божий вшед, и покадити хотя, и здешняго и тамошняго царствия отпаде. И праведен сый, нечист бысть, и в проказе житие скончавает.

Что сотворят и что постраждут, иже поставления не имящеи, и в час молитвы в церкви, или в келии, или вне келии управления Псалмы с песнию и глаголом провозглашающеи, и людие на концы стиховом отпевающе, со гласом и пением, от прокимен же и предпетии олеарных и чтений тии восхищаще, и себе певца и чтеца и у поддиаконы поставляюще, и никакоже в уме примлют о заново дерзнутие. Кивоту бо господню на колесници лежащу, и волом ходящим, и Давиду ликовствующу, левите и певцы в цевницах и кимвалах, и священники в Псалмех и пениих впред и окрест кивота воспевающе бяху и поюще. Мало убо что кивот господень преклонися пасти. Озан же един от преимущих и старчеству первый сый, и от всех почитаем, видев кивот завета господня хотяще пасти простер руку и удержа кивот, и абие умертви его Господь, умилену смерть претерпевша. И что убо сотворят иже в таковая смеяния дерзающей и сами себе поставляюще, и чин господень корчемствующе, и божественная правила, и любоблагочестные законы и уставы отеческия превратити смеющей. И еже лютейший яко сия дерзающе, священники убо охуждают, себе же возвеличают, и Бога прогневляют, убо не слышат ли таковии апостола Павла глаголюща: если и мы или ангел с небеси благовестит вам паче еже приясте, анафема да будет.

3) Макарьевская Минея

356 Послание патриарха Антония Царя града о новгородских и псковских стригольниках, рекше вземших на ся собою достоинства учительства, а не от Бога или от большого святителя поставлены в учители.

357 Якоже древо разумное показа им писание книжное, еже списа на помощь ереси своей дабы чим уставити народ на священник, уподобляясь оному Корею и Дафану Навирону, их вставиша на Моисея и на Аарона, глаголюще освящий приносите Богу темиан. И мы такоже священники есмы. И отлучиша народ, 200 и 50 вслед себе. И рече им Моисей: искуйте себе кадильницы новы, и вложите в них огнь и положите на мя темиаян. Пренесите я̀ пред Богом якоже Господу угодно так будет. Они же не покоривии, взяша на себя святительство и сами принесоша темиян. И покадиша пред храмом свидения. И разгневался на них Господь Бог и повелел земле зинути и пожрети я̀, и с женами и с детьми их. И снидоша живи в ад, а оставшихся огнём сожже. Тогда убо Моисей и Аарон ветхий закон уставиша святой и образ бысть новому закону христову. Тогда убо Корей, Дафан и Авирон сами мнимые священники, восставиша народ на святителя живых сведша в ад, такоже и ныне стригольники, ни священства не имеющие, ни святительского сана, сами ся поставляют в учители народом, от тщеславия и высокумия, и слушающих сводят в погибель.

358 Вы стригольники встаёте на святых и на попов сами себе хотяще честь прехватити. Изучисте словеса книжная яже суть сладка слышати христианам, и поставистеся учители народом, а не помянусте слово христово, еже рече: не входяй дверьми во двор овчий, но пролазя инуде тать есть и разбойник. Всяк бо не имея поставления святительского, учити покушаяся и учителя укорити, сей не дверьми вошел есть. Тати и разбойники убивают человеков оружием, а вы, стригольники, убиваете людей духовной смертью.

359 О самопоставляющихся учителях апостол рече, яко мнози лжепророки изыдоша в мир, но не послушайте словес их, и в домы свои не принимайте их, да не приобщайтеся делам их злым. Слуги бо льстивые преображаются как слуги истинны, и сам сатана преобращается в ангел светел. Тем же недостойно есть слушати стригольнических учений никакому христианину, да не уловлен будет в диаволе пругле (т. е. сети).

4) Соборник Малый

360 Еретики же ложным своим учительством возбраняют заповеди Божии творить и глаголют учить им истину, не ведят же, яже глаголют, и на них же утвержаются. Несть учение их учение, но буесловие есть и празднословие, а не учения, кто бо еретиков рукоположи в учительство? Понеже и в новом и в ветхом завете, не обретается кто когда сам себя поставляет учителем, и сам себе повелевая учительство, но от святого Духа повелеваемы и избираемы учители Богом посланы. Противятся же Богу зело еретики Мартин и Калвин, понеже возбраняют творити заповеди Божия, и себя самих поставивше учителя.

5) Книга Кириллова

361 Хиротонисанные, сиречь, святительский руковозложенный чин, еже поставляти епископы и попы, и дияконы, и иных церковных чиновников, отринул и вместо совершенного, от простых мужей рукополагатися им уставил, детским играниям небесная образования, и ангельскую службу уподобил, паче же наруга.