Статья 3. Кто не причащается тела и крови Христовой, не будет иметь живота вечного: он еретик, предтеча антихристов, враг Божий, а бесам друг

 

1) Евангелие

282 Аз есмь хлеб животный, отцы ваши ядоша манну в пустыни, и умроша. Сей есть хлеб, сходяй с небесе. Да если кто от него яст, не умрет. Аз есмь хлеб животный, иже съшедый с небесе. Если кто снесть от хлеба сего, жив будет вовеки. И хлеб, его же аз дам, плоть моя есть. Юже аз дах за живот мира. Пряхужеся между собою жидове глаголюще, како может сей нам дати плоть свою ясти? Рече же им Иисус: аминь, аминь глаголю вам, если не снесте плоти Сына человеческого и пиете кровь его, живота не имате в себе. Яды мою плоть, и пияи мою кровь, имать живот вечный, и Аз воскрешу его в последний день. Плоть бо моя, истинно есть брашно, и кровь моя, истинно есть пиво. Ядый мою плоть, и пияй мою кровь, во мне пребывает и Аз в нем. Якоже посла мя живый отец, и Аз живу отца ради. И яды мя, и той жив будет мене ради. сей есть хлеб сшедый с небесе. Не якоже ядоша отцы ваши манну, и умроша. Яды хлеб сей, жив будет вовеки.

 

Сия рече на сонмищи уча в Капернауме. Мнози убо слышавше от ученик его, реша: жестоко есть слово се, и кто может его послушати? Ведый же Иисус в себе, как ропщут о сем ученики его, рече им: се ли вы блазнит, если убо узрите Сына человеческого восходяща, идеже бе прежде, Дух есть иже оживляет, плоть не пользует ничтоже. Глаголы, яже Аз глаголах вам, Дух суть, и живот суть, но суть от вас нецыи иже не веруют. Ведяше бо искони Иисус, кто суть неверующие, и кто есть предаяи его. И глаголаше: сего ради рех вам, как никтоже может приити ко мне если не будет ему дано от Отца моего. От сего, мнози от ученик его идоша вспять, и ктому не хождаху с ним. Рече же Иисус обема надесяте: еда и вы хощете ити? отвеща убо ему Симон Петр глаголя: к кому идем? глаголы живота вечного имаши. И мы веровахом и познахом, как ты еси Христос, сын Бога живого.

 

2) Беседы св. Иоанна Златоустого на Деяния св. Апостолов

283 Како ли, мните, болети ми, когда услышу как не приобщився кто таинством отшед от жития сего, нестерпимыя помышляя муки оныя, неотрочно томление? Како ли снедаюся в себе паки, когда других увижу к последним достигших издыханиям, и ниже отсюду уцеломряющихся; Сего убо ради многая дару сему недостойная бывают. Подобаше бо веселитися и ликовствовати, и радоватися и венчанным быти, другому таинствам приобщающуся.

 

3) Беседы св. Иоанна Златоустого на 14 посланий св. апостола Павла

284 Верою, рече, створи Пасху и пролитие крове, да не погубляяй перворожденная, коснется их.

 

Что же есть Пролитие крове?

 

Агнец жряшеся по дому, и кровь его помазовашеся на празех, и се вяше преграждение от погибели Египетские. Если убо кровь агнча посреде Египтян, и в пагубе толицей невредных сохраняще Иудеов: много паче спасет нас, не на празех, но в душах помазующися кровь Христова. Ибо и ныне всегубитель в глубоцей нощи сей обходит, но вооружаймося оною жертвою. Пролитие Помазание нарицает, от Египта бо извел ны есть Бог, от тмы, идолослужения. если и бывшее ничтоже бе: исправляемое же, велие, бывшее убо кровь: а исправляемое, спасение, и заграждение, и взбранение погибели. Убояся крове Ангел, видяше бо чей есть образ, устрашися, Владычнюю смерть помыслив: сего ради не коснулся прагов. Рече Моисей: Помажете: и помазаша, и дерзаша помазавше. Вы же самого Агнца имуще Кровь, не дерзаете ли?

 

Подобно сему и в Апостоле Толковом, на те же слова апостола Павла, лист 1025 оборот.

 

4) Благовестник

285 Темже лепо нам слышавшем, как если не снемы плоти Сына человеческого, не имамы живота. В причащение Божественных таин, веру имети несомненну, и не вопрошати како? Душевен бо человек [се же есть человеческими помыслы и душевными помышляя] не приемлет яже выше естества духовных, как же паче и духовного брашна, господни плоти не разумеет, еяже не причащающеся не причастии будем вечного живота, Иисуса суща живота истинного. Не бо человека проста плоть есть яже ямы, но Божию, и обожити могущую, как смесившуюся Божеству.

 

5) Преподобного Никона Черногорца

286 Дадите убо устремление сердца вашего чисто, как да воспримете от Тела и Крови Господа нашего Иисуса Христа. Не имящи, никоего же порока в сердцах ваших, как да сей живот изгоняет вся силы темныя от души. Зане если кровь юнча и козлия, и пепел юничный оскверненныя освящает ко плостей чистоте. Колми паче кровь Христова, иже Духом Святым ту принеси непорочну Богу, очистит совести ваша от мертвых дел, служити вам Богу и истинну. И Господь рече: ядый мою плоть, и пияй мою кровь, во мне пребывает и аз в нем. Иже убо не прилежит крове сих, лукавство умножится в нем.

 

6) Матфея Правильника

287 Еретики же глаголем быти, всех не причащающихся священней от священник во святей Божии церкви.

 

7) Блаженного Симеона Солунского

288 Якоже не возродивыйся чрез воду же и Духа, не внидет в царство небесное, тако и не ядый плоти сына человеческого [как рече сам Господь] и (не) пияй его крове не возъимать жизни вечныя.

 

В русском переводе см. «Писания св. отцов и учителей церкви», т. I, стр. 76, в «Христианском Чтении», за 1856 г.

 

289 Исповедую едино крещение во оставление грехов. И сей даров величайший: не бо законное некое измовение, ни же служба чувственная или жертва, яже не можаху чистит совершаемая и многащи, и тая от словесных безсловесная приносимая. Не убо истине возъявившейся безгрешному Христу, ни же живей жертве телу его чрез крест вознесшейся, ни же чищение совершенное, ни же возновление бе, ельмаже. Сие бысть, и Христос пожреся за ны, из ребра его воду имамы и кровь теми возобразуемся. И кровию убо живем, водою же соединеною Духу, трищи низводими чистимся призыванием, вседетелной троицы, абие же воззиждаеми, сыны света и сыны Божии, по благодати бываем, во истинного сына одеяющеся, Иисуса Христа, Бога нашего обретается бо нас ради крестивыйся с нами в воде (по другим спискам: и своего нетления и святыни образ влагает нам), и восклицает сие Павел: Елицы во Христа крестистеся во Христа одеястеся, и того ради Христос крестися, да благодать Духа, и вид святыни своея вложит воде. И всяк крещаемый Духа водою призыванием Троицы, приемлет вид в плоти, чистой и безгрешия и светозарения Христова. И сие есть крещение. Человек одеваяся во Христа незренно и безгрешен весма, и полон Духа бывает, наще сохранит благодать, как облагодатствованных рече некий пророк, апостол и ангел бывает: и не чудно. Если бо сообразен Христе сыноположивыйся поблагодари, много же паче и ангелом быти сообразен может. Сей дар даде нам Христос Божие слово, создавый ны изначала, и ныне возсоздавый на лучшее. Иже безстрастно воплотивыйся из девы, и безстрастно родився, безстрастно и ны из ребра своего и духовно раждает и поит, и питает и живит духом: кровию же и водою, из него текшими ребра. Водою убо, как речеся, возраждает Духом: кровию же животворит и не есть кроме сего спастися. Тем же и не разумеюще еретичествующих мнози с нечествующими, на сие демоном с движущим тыя, на священной сия и спасительной Христовы тайны изъято носятся: крещение явление явленно Божественное, и священное причащение, как да не сих получивше, вечной жизни не получат. Изречение бо страшно и на не приемших крещение, и на не получивших животворящаго общения. Если не возродитеся бо, глаголет, чрез воду и Духа не внидете в царство небесное. И если не снесте плоти сына человеческого и пиете его крове, не имате жизни вечной в вас самых. Едино убо Божественное крещение, как и един Господь сие предавый, и единощи сам укрестовався за ны, и единощи сам излияв кровь, и жертву себе Отцу за ны дав. И сие глаголет Павел: един Господь, едина вера, едино крещение. Не есть убо ино крещение по сем ниже ино по благодати оставление, ни же возрождение, или воздание, ни же избавление (искупление), подобное от греха.

 

В русском переводе см. «Писания св. отцов и учителей церкви», т. II, стр. 109–111, в «Христианском Чтении» за 1857 г.

 

8) Пролог

290 Христианин всякий иже кроме неверных, да пребывает без делания грехов, аки друг Божий, а враг дияволь и причасти Христовых таин. Отметаяжеся сатанинских дел, и прелестей бесовских, чист и преподобен, боголюбив и часто моляся господеви глаголя, отче наш иже еси на небесех, да не достоин, Бога отца себе нарицая, и укорен будет от него. Но аки сын славя отца, и аки раб господина своего бояся. Глаголет бо Господь, если отец есмь вам, то где ми от вас честь и слава? Если ли господин, то где страх мой у вас?

 

9) Макарьевская Минея

291 Не своя износяще словеса, но Христова вещающи учения, тем же елико нас, во Христа крестихомся, Христова послушаем учения, да не с еретики и с жидми осудимся. Подобает же нам воследовати сих словес. Великого и преславного учения учителя нашего Павла апостола, купно с ним возопити глаголюще: проклят всяк, иже не пребудет во всех писанных книгах законных, якоже сотворитися. Аще бо, рече, и ангел проповесть вам, не как мы благовестихом вам, проклят да будет. Да и мы должны есмы с ним возопити, глаголюще велегласно: иже не любит Господа нашего Иисуса Христа, да будет проклят. И не верует во святую и неразлучимую Троицу, да будет проклят.

 

Иже не слушает святого комкания и крове Христовы не приемлет, да будет проклят.

 

10) Макарьевская Минея

292 Прельщаху (стригольники) худоумныя, отлучаху от причастия святых пречистых животворящих тайн Христовых. И пущи змииныя прелести постави прелесть змия бо прельсти ино смертию умирают. А сего прелестию в муку вечную идут сам бо Господь рече: небо и земля мимоидет, а словеса моя не мимо идут, ядый плоть мою и пиа кровь мою во мне пребывает и Аз в нем, если не снесте плоти сна человеча ни пиете крови его живота не имате в себе стригольники же противницы Христу повелевают, как от древа животного от причащениа удалитися.

 

293 Вы, стригольники, убиваете человеки разумно смертию, удаления ради от пречистых тайн тела и крови Христовых. Христу богу глаголющю: если кто не снеть плоти моея ни пиете крови моея, не имать света ни живота. ядый мя тот имать живот в последний день. Вы о нем отметником, и се слово слышавше, идоша вспять от Христа, и ктому не хоша с ним. Не разумеете ли стригольники, еже в святем евангелии написано есть: когда вечеряше Христос с ученики своими, приим хлеб, преломль и даяше ученикам, глаголя: приимете и ядите се есть тело мое ломимое за вы, за многи в оставление грехов. Потом же приим чашу вина, и хвалу воздав, рече своим ученикам: пиите от нея вси се есть кровь моя нового завета. Се творите в мое воспоминание. такоже и до ныне иереи службу сотворяют в воспоминание спасительных страстей Христовых. Если ли кто от сих пречистых тайн удаляется, той несть истинный христианин. Не послушает Господа Бога, глаголюща: ядый плоть мою и пия кровь мою во мне пребывает и Аз в нем.

 

294 Тем же недостойно есть слушати стригольнических учений никаковому христианину. Да не уловлен будет в диаволе пругле (т. е. сети) да не отлучится от бессмертного источника, от тела и крови Господа Бога и Спаса нашего Иисуса Христа, да не будет осужден в вечную муку.

 

11) Просветитель преподобного Иосифа Волокаламского

295 Обычай бо есть Божественному Писанию, еже святых жития и повести писати. И нужнейшие вещи писанию передавати, ненужная же мимо тещи, якоже предречеся. Ничтоже бо нужнейши есть Божественного крещения и причащения святых Христовых пречистых таин. Но во множайших житиях Апостольских, и мученических, и отеческих не явленна есть о сем когда убо не вси крещени быша. Или не вси причащахуся святии Апостолы и мученики, и преподобнии отцы наши. Ей вси бо крестишася и вси причащахуся. Но сего ради списатели умолчаша о сем. Ведяще как не нужно есть о сих писати, яже вси человеки ведят как не можно есть Христианину именоваться, если не будет крещен или не причащается Христовых таин.

 

12) Миротворный круг Геннадия, архиепископа Новгородского

296 Если кто не крестится водою и Духом во имя Отца и Сына и Святого Духа, таже телу Христову и крови причастник не будет, не имать оставления грехов получити.

 

13) Книга Златоуст

297 Если же кто и чисте живя в покаянии, а не приемлет тайн Христовых, не может спастися. Господь бо рече: ядый мою плоть и пияй мою кровь во мне пребывает, и Аз в нем.

 

14) Потребник Иоасафовский, Иноческий

298 Иже не исповедует безскверной жертвы суща телеси Господа нашего Иисуса Христа, да будет проклят.

 

То же и в Иосифовском Потребнике 7160 года, глава 79, лист 659, и в Иоасафовском Мирском, лист 508 оборот.

 

15) Послание Иова, патриарха Московского, к Грузинскому митрополиту Николе

299 Иже святого комкания честного тела и крови Христовы не приимает, да будет проклят.., иже хулит святую литургию.., да будет проклят.

 

16) Триодион св. Четыредесятницы

300 Не примлющим на всяк день приносимую жертву, от приемших от Христа Божественных таинств священнодействие, Святей Троици приноситися, как противовещателей отсюду священным и Божественным Отцом, Василию же и Златослову, им же соглашают, и прочии Богоноснии Отци в своих словесех же и списанниих: Анафема, Трижды.

 

17) Книга Кириллова

301 Иже антихристу предотечи суть и помощники. Иже строятся совершшую Христову жертву везде помрачити.

 

То же и в книжице Казанье св. Кирилла Иерусалимского, лист 49.

 

18) Книга о вере

302 Аминь. Аминь глаголю вам, если не снесте плоти сына человеческого, и не пиете крови его, живота не имате в себе. Страшен ответ Христовых словес; и как истинна есть словеса его, сим заключает: Небо и земля мимо идет, словеса же моя не мимо идут. Кто не ужаснется от вышереченного запрещения и не послушает гласа господня? Разве той, иже живот вечный погубити хочет. Таковыя ради вины мы правоверно превеликое благодарение Христу Иисусу нашему с нижайшим поклонением возсылати должны есмы, как не отлучи нас от такового знаменитого дара, но умореных нас оживляет пречистою кровию своею, якоже рече святый Иоанн, кровь Иисуса Христа Сына его очищает нас от всякого греха.

 

303 Господа ради иже пречистую кровь свою излия о нас, не послушаем гласа чужого иже в погибель ведет, но сего послушаем иже рече: овцы мои гласа моего послушают, и Аз знаю я̀, и ко мне грядут, и живот вечный дам им. Темже ради живота вечного послушаем Христова гласа. Пийте от нея вси. Чесоже ради? Слыши. В древнем законе Господь Бог повеле: иже кто кийждо прагов дому своего не помажет кровию агнца, в таковом дому ангел первородных убивааше. Такожде и в новой благодати кто кийждо сего истинного и единого себе за нас жертву принесшаго агнца Божия, кровию предражайшею не помажет дому своего, в таковом коиждом первородная душа его жива быти не может.

 

304 Без причастия тоя истинной святыни, спастися не возможно.

 

19) Барония

305 Похищен потом на муки, Феликс, иже и глаголаше: христианин есмь. Судия же Анулин рече: не вопрошаю тя христианин ли еси: но был ли еси в собрании? или писание святое имаши ли? А мученик рече: како Христианин без литургии быти может? и в муках оных бием древколми, победу восприя.

 

К сему читай выписку из Соборника Большого в 13 статье первого отделения, под числом 1 (стр. 53).

 

20) Катехизис Великий

306 Вопрос. Кий есть вид, или видотворение сея жертвы и тайны?

 

Ответ. Сия глаголы господни: примите, ядите, се есть тело мое, за вы ломимое во оставление грехов. И пийте от нея вси, се есть кровь моя нового завета, за вы и за многих изливаемая во оставление грехов. И сие творите в мое воспоминание. Сиречь, жрите и приносите со благословением. О сем и Павел к Коринфянам пишет: Чаша благословения, её же благословляем, не общение ли крове Христовы есть? Хлеб его же ломим, не общение ли телу Христову есть? Также Матфей во сто восьмом зачале евангелия своего яви. Паки же и Лука глаголет то же. Сия вся к видотворению жертвы и таины сея ключима суть. Но сия глаголи действеннейшия в той святой таине: се есть тело мое, се есть кровь моя. О сем святый Иоанн Златоустый во третьем томе, сиречь книзе, о предательстве Иудином, сице глаголет: как же оно слово, еже рече Господь Бог, растит и множитеся, и исполнит землю, единою реченно бысть, и во вся времена совершительно есть, внегда к рождению естество прилагается. Сице и сие слово господне ениною реченно бысть, еже на всех престолех олтаревых, даже до сего дне, и до пришествия его, подает силу жертве. Зриши ли, еретиче, как не самем чтением послания святого апостола Павла, или проповедию, но ниже простыми молитвами содеянна бывает сия таина, но благословением, и освящением, как же глаголет святый апостол Павел.

 

Чашу благословения, юже благословляем, не общение ли крове Христовы есть? Чашу благословляем, сиречь, вино в чаши освящаем, и глаголем глаголы Христовы, се есть кровь моя. Не проповедию се, ни же чтением действуют, но благословением, как же Христос благословил хлеб, тако и мы благословляем на Божественной трапезе, сим же отгонится и прочая еретическая прелесть, непщующая не во освящении, но во употреблении самем совершатися тайне.