Статья 9. Еретики легкомысленны как дети: об одном толкуют различно: сегодня так, а завтра иначе

1) Св. Василия Великого богоугодных трудов

388 Люди облакам подобны суть, которые по переменам ветров на разной части воздуха переносятся. А наипаче сии, о коих у нас есть слово, из всех тех, которых мы опытом познали, оказались непостояннейшими. Ежели и в прочих делах житейских, тое пусть скажут жившие с ними: но которое в них усмотрел я непостоянство в вере, или сам видел, или от других слышал. Сначала Арию последовали, потом преложилися к Ермогену, явному врагу ариева зловерия, яко доказывает самая та вера, которая в Никее от сего мужа проповедана была сначала. Помер Ермоген, и паки перешли к Евсевию, начальнику общества ариева, яко опытом познавшие говорят. Оттуда отпадши каковых-либо ради причин, паки возратилися в отечество, и паки арианское скрывали мудрование. Достигши до епископства [да между тем бывшее оставлю] сколько вер издали? Иную во Анкире, иную в Селевкии, иную в Константинополе, и тое преславную, в Лампсаке иную, по сим в Ниссе Дракийской иную, и ныне паки иную в Кизике, которые прочего содержания – я не знаю: но сии токмо слышу, что о единосущии умолчавши, подобно сущее ныне вносят, и на святого Духа хулы с Евномием сочиняют. Сии же веры, которые я исчислил, хотя не все между собою противны: однако непостоянство нрава все равно показывают, поелику они никогда в тех же словах не стоят. Все сие есть истинно: о иных же бесчисленных поступках умалчиваю.

2) Беседы св. Иоанна Златоустого на 14 посланий св. апостола Павла

389 Человеци растленни умом, неискусни о вере. Но не преуспею множае. Безумие бо их явлено будет всем, якоже и онех бысть. Но не преуспеют, рече. Како убо глаголет инде. Яко преспеют на множайшее нечестие. Зде же, не преуспеют. Тамо сие глаголет, яко начинающе нововводити и прельщати, не станут в прелести, но присно изобретати восхощут прелести новыя и доматы растленныя: ибо прелесть нигде же стоит. Зде же, не преуспеют? Тамо сие глаголет, яко не прельстят, ниже спохитят, аще и взмнятся из начала премыслити некоих. но удов емлеми будут скоро, яко бо о сем рече слыши что глаголет. Безумие бо их явлено будет всем. Откуду? отовсюду. Яко же и онех бысть. Аще бо и первее процветут яже прелести, в конец не пребудут. Сицевая бо суть яже не по естеству добрая, но мнящаяся быти добрая. На время цветут, и являются, и погибают, но наша не такова суть: и сих ты свидетель не в прелести бо наша суть. Кто бо за прелесть умрети изволил бы?

3) Маргарит

390 Якоже бо мышь, огрызуя писмена, многащ отемлет обличение. Тако и еретицы сии, огрызующе писания, и ова убо обрезующе, ова же оставляюще, непщуют избежати обличения, но и та оставляема, показуют тех навет, и неистовство.

391 О сем же прежде всего вас молю, и моля не престаю, святых писаний испытывать всегда, и истины яже о Христе навыкнути, а не издавать себе еретической злобе, многи бо и ныне диявол имать змия. Сеет плевелы греховныя, да пожнет тлю нечестия. И молюся заградим слухи от еретическия злобы. Вем яко уже глаголах вам, но и ныне глаголю: всякия ереси явленны суть начальницы, от Ария – ариане, от Македония – македониане, от Евномия – евномиане, от Маркиона – маркионяне, от Савелия – савелиане, от Манента – манихеи, от Монтана – монтаниане. И прочие ереси такоже поряду. Аще же вера церковная есть ересь? И да рекут еретики, кто есть её начальник. Да рекут яко от он сица человека, начастя ересь ваша. Да рекут, не попустит Бог славе апостольской, нарешися во имя человече. Не наречембося македонияне, или инаго таковаго, но аще и рекут единосущницы, не имя реша, ко веры согласие показаша. Аще же вопросиши тех, кто первие речен единосушный, не имут рещи ябо сице, и он сица. Но триста и осмьнадесят отец, согласен глас испустивше, исповедания в благочестие. Внемли, како и самое то добродетели и истины сияет исповедание. Не начаша согласнее веры нашея, ни два ни три, но весь собор от востока до запада, полунощия и полудния. Идеже бо истина является, вся соглашаются. Вопроси же еретика, еже хощеши глаголати, аще согласно со инеми отвещает, аще же вопросиши православна, аще и груб будет, аще и неискусен, сия глаголет согласно: аз Отца и Сына и Святого Дуxа, едино царство, и едину силу исповедую. Вопроси же еретиков, двух или трех, како веруете? И не сойдутся на един глас, и не единомыслено веруете. И не сойдутся на един глас, и не единомыслено рекут. Но ов убо глаголет созданна, ов же нерожденна, ов же смертна, ов же неприсносущна. И аще ли возникнет, глаголет аз вем яко отец сотвори сына, сыном же вся бысть. Паки ин исправляя сего глаголет, не тако, но убо отец сотвори сына, сын же вся состави. Идеже бо несть истины, тамо ни твердости. Но яко гнилая риза раздирается, и якоже старая, и ветхая, аможе аще торгнеши ю̀, дерется. И аще или мало кого от еретик привлечеши в беседу, обличается гнилость, и от прилучающих вин раздирается. Такожде и еретицы, ов исповедует сице, ов же инако. Ереси странны. И имена странны. И имена торжников, и корчемников, се пострадаша еретики.

То же и в Маргарите, Остог. 7104 (1595) г., лист 42 второго счёта и лист. 91 оборот того же счёта.

4) Апостол Толковый

392 Истину рече святой Павел, и ничтоже дивно, ибо сама правда чрез его глаголет, яко еретики не ведят что глаголют и от чего утверждаются.

393 Апостол, хотяще быти законоучители, не разумеющи ни яже глаголют, ни от них же утверждаются. Златоуст говорит, яко от самовластия приидоша хотяще быти учители. Ни закона бо ведаша ни отних же утвержахуся, сиречь от десятословий. Аще бо быша ведали закон, Христови быша веровали.

5) Μакарьевская Μинея

394 Вся словеса их смеху суть, не имеющим ума, не бо состоятся вкупе речи их но разно влекутся. Аки гнила свита, друг бо друга их прехитрити хотяще. И своим кождо умышлением, имя творят своему си отцу и учителю.

6) Книжица о вере

395 Яко убо некий от святых глаголет аще рече: кому треба бывает не такого дерева кривого, а не обрящет ли такового? Тогды и правое туды кривит куды ему надобно есть.

То же в книге Кириллοвοй на листе 291.

7) Книга Кириллοва

396 Дух антихристов слугами своими, якоже апостол пишет, во лжи человечестей начнет сводити прелестью юных и не утверженых в разуме. От того нам соблюдаться учит глаголя: да не бываем к тому младенцы умом влающеся и скитающеся во всяком ветре учения, во лжи человечестей, в коварстве козней льщения. Того же ради и Златоустый глаголет, детем убо свойство есть, неуставным быти в разуме, слушающе ложного учения. Ныне сие, а потом иное, преходяще вся разумная хотяще солгати. Тако убо и еретики творят апостол же глаголет: блюдем истинствующе в любви, да возрастим в него всяческая, иже есть глава Христос. Того ради Златоустый ложь нарицает, они исповедают напрасно, и лживому учению учат, а мы правду творим во учении житием, словом и любовию. Инако бо никтоже может правды творити, токмо аще созидает старое в слове и учении нашем, во Христе, главе нашей, якоже апостол глаголет, из него же все тело составляемо и счиниваемо прилично, всяцем осязанием подаяния по действу в меру единой коейждо части возращение телу творит, в созидание себе любовию.