Статья 5. Еретики, не имея права священнодействовать, вместо разрешения грехов вяжут диавольскими узами и себя, и приходящих к ним для покаяния

1) Тактикон преподобного Никона Черногорца

371 Глаголет бо во еже на мессалианскую рекше евхаитскую ересь, якоже без священнической власти без степени иже правилы сказанными прощаеши грехи.

К сему читай выписку из сей же книги в третьем отделении, в 5 статье, под числом 4, с листа 50 и 72 (стр. 211).

2) Макарьевская Минея

372 Апостол глаголет, что если кто болеет у вас, да призовёт попы церковные и да молитву творят над ним, помазав маслом во имя Господне. И молитва с верою спасёт болящего. Если же и грех будет сотворил, отпустится ему. Еретики же сами в себе исповедь творят. И решать, сами суще связаны диаволями узами. Не же точию мужи того творят, но и жены еже ругу достойно есть. Жене бо рече апостол: не велю учить ни владети мужем, но в молчании быти. И паки жена молчанию да учится со всем говением. К мужам же рече: не многие же учители бывайте братие, ведуще, яко болий грех приемлет. Рех, бойся мнети хитру и велику велик срам есть. К единому убо Петру рече Господь. Его свяжеши на земли и будет связан на небесех, и его если разрешиши на земли будет разрешен на небесех. И по воскресении из мертвых явился апостолам, рече к Петру: Симоне Ионин любиши ли мя ономуже рекшу, ей, Господи, ты веси как люблю тя. Рече к нему: паси овца моя, еже есть образ епископом. Ти бо суть пастырями и учителями поставлены словесным овцам Божиим и тем повелено есть вязати и разрешати. Еретики же елико не ведят хулят, по словеси блаженного Иуды. Елико бо, рече, естеством аки скот животный сведят, всё сквернят, люте им как в путь каинов идут, и власть валаамову, мзды истощишася, и в пререкании кореове погибоша. Сии суть сквернители, иже блюдвах ваших с вами веселятся, без боязни себе пасуще, облацы безводнии. Им же мрак темен в веки блюдется сий болши сих. Святии апостоли о еретицех человек деля писаша. Вы же, по словеси верховного апостола, роде избранный, царьское святительство, стадо святое людей обновления. Все священиков чтите, а к добрым и умеющим теците. Внидоша бо, рече, неции в сей сосуд нечестиви. Бога нашего прелагающе в скверну, и к вам глаголет, и приходит, и сего же учения не приносит. Не приемлете его в дом свой. Ни целования ему не говорите, ибо говорящий ему целование, причащается его дел злых. Яко мнози рече пришельцы, льстецы приидоша в весь мир, блюдитеся их, да не погубите еже зделаете. И если кого разумеете, держаща еретическую веру, ти умеет кто в вас учити, – учите и наставите их на путь сии истинный.

Иаков. Ведущему бо добро творити, и не творящему грех ему есть если ли вас не послушают ни приимут здравого сего учения и стрясите и прах от ногу вашею глаголюще: кровь ваша на главах ваших. И такового знаменавше отлучите его душею и телом. Буди бо вы, рече Господь, как странник и поганин и се видете яко уне будет в день судный Содому Гомору неже человеку тому, не дадите убо сего учения псом непокоривым. не и сыплите бисер ваших пре свиниами. Ащели слышавше святая си словеса, и покаются обращающеся от льсти еретическия, приимете и с радостию блюдущеся еда на лукавых, а не бо истинну каются, зело бо суть лукави, крыюще на дне сердца мысли своя и аще, якоже рех, обратятся воистинну исповедающе со слезами блюдя своя прелестныя, то с любовью приведете я̀ на истовый путь сий. Верующе яко тамо велику мзду приимем, рече бо Бог, иже изведет честнаго от недостойных. Аки уста моя будет имам бо рече Господа ины овца яже не суть от двора сего, но и тех ми подобает, если гласа моего послушают, и будет едина паства и един пастух. Слыши же Иоанна Евангелиста, глаголюща: Братие если кто от вас заблудит о истины, и обратить кто его, да весть как обратив грешника от прелестного пути его, и спасет душу от смерти, и покрывает множество грехов.

Павел. Вся же творите без роптания и размышления, якоже рече блаженный Павел. Да будете непорочны и цели чада Божии совершены среде рода лукава и развращена, в них же светитеся, аки светила в мире слово жизненное поддержаще на хвалу мне в день, Иисус Христов. Наше бо житие на небесех есть, отнюдуже и Спаса чаем Иисуса Христа. Да ктому не будем младенци, плавающе и пореваеми всяцем ветром учения, в луках (т. е. лукавствиях) человеческих и мыслех по художеству лестному.

3) Макарьевская Минея

373 Аще же и сию ересь прилагаете, стригольники, велите к земле каятися человеку, а не к попу. Не слышите ли Господа, глаголюща: исповедайте грехи своя, молитеся друг за друга да исцелеете. Потом еже святые отцы уставиша духовных отец. Да исповедуются им христиане. Яко же бо вольный человек объявит врачу вред свой, и врач приложит ему зелие по достоянию вреда того – исцелеет. Такоже и духовному отцу исповедает грехи своя человек, и духовный отец от греха того престать повелит и противу греха того воздаст ему епитимью понести, того для ему Бог отдаст греха того. А кто исповедается к земле, то исповедание несть ему в исповедание. Земля бо бездушна тварь есть и не слышит и не умеет отвещати, и не встретит согрешамому того для не подает Христос Бог прощения грехов к земли кающемуся. Сию бо злую сеть положи дьявол Карпом дияконом, что не велел каятися к попам, дабы от попов честь иерейскую отъял, еже дал Христос вязать и разрешать грехи. Сам бо со стригольниками связан бысть и отлучен о церкви, своея деля ереси того деля иных в ту неисповеданную погибель ведет. Еже в животе своем уразумел то оже тело его не будет погребено с псалмы и песнями. Того деля почал людем глаголати.

Глаголет: недостоит над умершими пети, ни поминати, ни службы творити, ни приноса за мертвыя приносити к церкви, ни пиров творити, ни молитвы давати за душу умершего. Диявол отпаде ангельского сана того для многий люд прельщает, дабы не единого свел в погибель. Тако и стригольники, связаны бывше, иных в своих узах неправедных привлачают, дабы ни едины связаны на небеси и на земли и отлученые от соборной церкви злые их ереси ради.