Статья 4. Пресвитеры, бежавшие от своих епископов, приносят проклятие, кто их приемлет, и не могут совершать правильно ни одной тайны

1) Константина Арменопула

307 Пресвитер, или диакон, как опороце убо осудив своего епископа, и прежде синодального раззнания, отступи ти его общения дерзнув, да не извергуется (читай: да низвергуется), и всея иерейския лишается чести и последующи, священствовании убо да низвергуются, монаси же и людяни да отлучаются.

2) Макарьевская Минея

308 Если же хотят лгати по своему обычаю глаголюще, как Христиан есмь, не имете им веры. Лжеве бо суть, якоже и отец их диавол. И како убо хотят Христиане ся нарицати, не имеюще крестящихся попов, ни самого знамения брегуще крестного. Ни еовхии (т. е. жертв) поповских пиюще, ни попов честно творяще. но если и есть поп впад в веру их, то вся наша повергл есть.

3) Книга Кириллова

309 Тому же не дивися, иже владыки друг друга ненавидят, ибо и во апостолех обретеся Христопродавец. В то же время прельстятся мнози, и о том убо мало есть потребы писали, но еже ныне содеется, иже не токмо мирстии вкупе человецы, но и духовни прельстятся укоризны ради и убожества ради церкве Христовы отбегают а к гордому и властью обогащенному князю мира сего окаяннии приходят, как убо и Иуда Христопродавец от Христа убогого, не чего ради иного к богоубийцам жидом, но ради лакомства, и славохотия отъиде. Такожде и тех святых патриарх и епископов убогих и укоризненных рабов Христовых отступать, и великих добродеев своих, от них же восприяша благодеяние, ненавидят, наипаче же предают их в скорби. Всякий же, если сие узриши, разумей, как учит святый Кирилл, не вера зла от неяже они отступающие погибнут, но их неподобство на них же таковая знамения исполнятся. Как святой Иуда апостол пишет, как в последнее время будут ругатели по своих похотех и нечестиях ходяще, сии суть оделяюще себе о единости веры. И суть телесни, Духа Святого не имуще. Вы же возлюбленнии святою вашею верою назидающе себе Духом Святым, отнюд не отступайте святых отец наших, и до конца с ними пребывающе, спасемся.

310 Слышахом бо с великим недоумением, как некое иже в вас архиерее оставивши, увы, апостольское учение, в нем же крестишася, и крестиша, его же научишася и учиша, его же прияша, и доселе преподаваху. И пренебреже и спасов путь тесный сущь и прискорбный, но в живот вечный вводящий. И вдаша себе к широкому и пространному пути. Вам же от Бога улучим начало и владущим многим с верными православного народа людьми, пребывающи в толиких волнах необуреваемым, речет грядый домовладыка, блазии рабы вернии добрии, приидите и внидите в радость Господа своего. Коих похвал несте, достойни, коих венцов, каковых честен? во истину Духа Святого есте насаждение, а не тростие, ветром колеблемое. Здание и делание есте Христово, наздаяшееся на основании апостол и пророк. Якоже и апостол глаголет: сущу краеуголу каменю самому Иисусу Христу, основания бо иного никтоже хотяй Христов быти может положити, паче лежащого, иже есть Иисус Христос. Сей есть камень, якоже апостол вопиет: на сем истинном камени наздасте домы своя благочестивая братие. И сего ради ни дохновение бурливых ветров, ни же собрание многих вод превратити возмогоша. А как Иоанн Богослов глаголет, от нас изшедше, но не беху от нас. Если бы от нас были, пребыли убо быша с нами. Но изыдоша от нас, как же рече Господь, возлюбивше славу человеческую, паче нежели славу Божию.

311 Но обратитеся, сынове отступившии, глаголет Господь и самим пророком призывая вас. Если убо обратятся, о боголюбивии князи и господие, сию токмо едину вину отступления, а иного ничтоже имуще да улучат прощение, прощения первее просяще, и укоряюще себе как удобь прельстишася; сия сотворше, да будут прощени от вашея церкве, и от всякого человеколюбия. Пребывающии же в вине, священства да отлучаться, и да пребудут праздни отнюд, по правиле девятом иже в Никее триста и осмь надесять богоносных отец. Три же и не менше православных архиереов вкупе сущих по правилах богоносных отец, умышлением твоим боголюбивый князю Василию собравшися, с благоизволящим и прочим господием и моему духу предстоим бо вам, сице творящим, как да воспоминани будем. Да хиротонисают архиереов и митрополита православного. Отступники же да делают своя их, вне церкви Христовы, вы же Христовы наследники, и снаследники Божии, род избран, церковь Христа спаса священие, язык свят, мир имейте, то же мудрствующе иже бе изначала, идуще от славы в славу, утверждаемы Духом Утешителем, исходящим от отца якоже научи Божии единородный сын и слово.

312 А иже оставиша свой сан же и чин, и оступиша восточной церкви, в ней же окрещени быша, в ней же научени, к ней же рукоположена. О! неразумия и клятвы. О! дерзости, еюже на свою матерь, матернии недостойнии чада дерзнуша. Теи убо если пребудут во отступлении? да будут не токмо низложени священнического, или святительского чина, но и отлучени и не прощени, и вне церкве Христовы. И сами они и последующие им. Закон убо сей церковный есть праведный, иже приобщается не приобещному, да будет не приобщен. Праведно убо тем, не токмо извержению им же осужены быша, и от вас соборно, но и клятвам и проклятию подлежат. Понеже пребыша во отступлении. Да рекут не имущии совести благи, коего не достойны мучения, с таковыми плищи, и ведами гражданству, оступившии от церкви. В ней же и крещение прияша на рекшеся Христиане, и священное помазание Духа, святительства сподобившеся.

То же и в Острожском издании 7106 г. тетрадь 4, лист 1 оборот, тетрадь 11, лист 5 оборот, тетрадь 14, лист 7 оборот и лист 8 оборот.

К сему читай в первом отделении, во 2 статье, под числом 3 (стр. 8) выписку из Апостола Толкового.

4) Православно-Догматическое Богословие преосвященного Макария

313 До́лжно повиноваться пресвитерам, находящимся в церкви, и происходящим преемственно от Апостолов, и по благоволению Отца вместе с преемством епископства получившим истинные дары: прочих же, кои получили пресвитерство не по такому преемству, и собираются во всяком месте, тех считать людьми подозрительными, еретиками и злонамеренными, горделивыми, самолюбивыми, лицемерами, делающими это ради прибытка или суетной славы.