Статья 2. Приношение тела и крови Христовой должно продляться до второго Христова пришествия: когда же приношение престанет, тогда и мир скончается

 

1) Апостол

270 Аз бо приях от Бога, еже и предах вам, как Господь Иисус в нощь, в ню же предан бываше. Прием хлеб, и благодарив, преломи и рече: приимите ядите, сие есть тело мое еже за вы ломимое, сие творите в мое воспоминание.

 

Такожде и чашу по вечерянии глаголя. Сия чаша новый завет есть о моей крови. сие творите елижды если пиете в мое воспоминание. Елижды бо если ясте хлеб сеи, и чашу сию пиете, смерть господню возвещаете, Дóндеже убо приидет.

 

То же и в Катехизис Малом, лист 32.

 

2) Преподобного Ефрема Сирина

271 Преломив (Христос), хлеб подаде им глаголя, возмите и ядите. се есть плоть моя, юже разламляю за вы на оставление грехов. Такожде налияв чашу вина и воды, даде им глаголя, пиите от сего все, се есть кровь моя нового завета, яже изливается за вы на оставление грехов, се творите на мою память. Елижды бо если хлеб сей ядите, и чашу сию пиете, смерть Сына человеческого проповедаете. Ельма убо слово Божие, живо есть и действенно. И все сие, елико восхоте Бог, и сотвори. И если есть глаголал буди свет, и бысть свет. Буди твердь, и бысть. И если словесем господним небеса утвердишася. Да если небо и земля, вода же и огнь, воздух же и вся тварь, словесем Божиим совершися, и словущии человек, и если восхоте всяческих, Бог слово, сотворитися человеку, то убо не может ли просфору сию, плотию своею сотворити, и вино и воду кровию. В начало убо земли траву повелел есть извести, и даже до сего часа, дождю бывшу, абие изводит своя ращения, Божиим повелением, и как женома грядет из земли, силу словесем господним исперва приимши. рече бо Бог, се есть плоть моя, и сие есть кровь моя, и сие творите на мою память. Да убо всемощным его повелением, бывает Дóндеже приидет, тако бо и глагола. Дóндеже прииду. И как дождь пришед на землю, абие возрастит траву, такожде и святы сей дождь, реку же Святый Дух, молитвою иереовою призываем, и силою своею посетив, абие сотворит хлеб сей плотию, и вино кровию. как бо исперва сотворил есть Бог, того Святого Духа действием, сотворил есть сия, да и ныне духовным действием выше естества творит, егоже не может никтоже домыслитися, разве верою. Рече бо святая дева ко архангелу: како ми се будет, понеже мужа не знаю? Отвеща ей Гавриил глаголя, Дух Святый найдет на тя, и сила вышнего осенит тя. Ты же ныне вопрошаеши, како хлеб плотию христовою может быти? Реку ти убо и аз, Дух Святый творит сия пришествием своим, его же человечески ум домыслитися не может.

 

Подобно сему в Макарьевской Минее, 4 Декабря, лист 65 оборот. Рукопись Синодальной библиотеки 1, и в книге Небеса Иоанна Дамаскина, Москва. 7172 (1663) г., книга 4, глава 14, лист 47.

 

3) Беседы св. Иоанна Златоустого на 14 посланий св. апостола Павла

272 Якоже бо Христос о хлебе и о чаши: в Мое воспоминание творите сие, рече, вину открывая нам тайны подаяния, и с иными и сию быти глаголяй, довлеющую нам в положение благоговения [когда бо помыслиши что пострада Владыка твой тебе ради, любомудрственнейший будеши]. Тако и Павел здесь глаголет: Елижды абие ясте, смерть Господню възвещаете, и сия оная есть Вечеря. Таже показуяй, как даже до скончания та пребывает, рече: Донеле же если прийдет.

 

273 Показав разньственное елико Архиерея, и жертв, и скинии, и завета, и обетования, и многое среднее [зане оная убо привременная, сиа же вечная, оная близ истления, сия же пребывающая, оная худая, сиа же съвершенная, оная образи, сия же истинна. Не бо по закону, рече, заповеди плотскиа, но по силе живота неразрушенного. И паки, Ты иерей в веки. Се всегдашнее Иереово, и о завете, Он, рече, ветхий есть: еже бо обетшаемое и стареющееся, близ есть истления, сей же есть нов, и оставление грехов имущий: он же ничтоже таково.

 

Ничтоже бо совершил есть закон, рече. И паки, Жертву и приношение не восхотел еси. И убо рукотворен, сей же нерукотворен, и он убо козлию кровь имеяй, сей же Владычнюю, и он стоящего Иереа, сей же седящого.

 

4) Соборник Большой

274 Но время убо к страшней сей приступити трапезе, все убо идем с добрым воздержанием и чистотой,не буди никто же Июдою ту, никтоже зол, не буди никтоже яд имея, ни ино что во устех имея ни во уме; прииде Христос, и ныне тойже, иже трапезу ону устрои; сей и ныне сию творит. Не бо есть человек творяи прилежащая быти плоти и крови Христове, но распныйся за ны Христос, образ исполняя строит. Молитвенник словеса господня она, но сила и дар все (весь) есть Божий. Се ми есть плоть рече, се слово предлежащая устраяй, и как он глас глаголяй раститеся и множитеся, и наполните земли, единью речено бысть. но по вся лета дело бывает, силу творя естеству нашему на плодотворение. Сице и сей глас единою рече, но выну трапезу в церквах от того дне и до пришествия ему жертву совершену творит.

 

То же в книге преподобного Никона Черногорца, слово 53, лист 445 и в Катихизисе Великом, о тайне тела и крови Христовой, лист 335, в переводе глава 77, лист 384.

 

275 Таинници же и самовидци Божественному слову, иже мирский круг живо ловльщии, ученики спасовы, Божественные апостолы над страшными пречистыми и животворящими тайнами, память сотворяти верно усопшим узакониша, еже держит известнейше же, и несопротив глагольне Христа и Бога, от конец до конца апостольская церковь, оттоле даже и до ныне, и до мирского конца. Не бессловесне и ни суетне, ни же туне, или как прилучися, се взаконивше: ничто же бо несмыслено но христианская непрелестная вера прият, и в веки подаде непоколеблемо, но вся полезна и Богоугодна, и зело утешна, и спасения велика ходатайствена.

 

5) Апостол Толковый

276 Ибо когда вразумееши что тебе ради Господь твой претерпе, премудр будеши. Сие бо знаменает глаголя, елижды если ясте смерть господню возвещаете. А как даже до второго его пришествия пребудет. Наведе Дóндеже приидет.

 

277 Якоже бо Илия вообразе остави и Елисею милоть в нем же хождаше, тако и Господь наш Иисус Христос оставил возлюбленней церкви своей одежду драгу порфиру Царьску ею же покры Божество свое ради спасения мира. Сиречь тело и кровь свою как велий дар, да с ним Богу Отцу предстательствует, творя память смерти его в жертве святой, и будет причастницею во удах своих когда приемлют ю̀ на утверждение душ своих. Обаче же не тако оставил как же Илиа. Он же хотяше милоть испустити, совлечеся с нея. Господь же наш вся могий с плотию своею на небеса взыде, и зде велицей тайне разумом человеческим непостижимый сей хлеб с небеси нам всегда дает на жертву и на пищу, ничесоже себе не умаляющи с сим даром, предстательствует возлюбленная христова (т. е. церковь) Богу Отцу, его же имеют дару и велия благοсти, Сына его возлюбленного своего в нем же есть умирен гнев Божий и род человеческий в любовь свою прият. При сей жертве, Богу приятной, молимся да над нами умилосердится не на грехи наша, но на страдание Сына своего зряще и нам да будет милостив его ради, он же для нас бысть ему послушлив до смерти и смерти крестной. Жертва же приносимая по всей вселенней в церкви християнской несть ни едина от жертв древнего закону, ни же знаменование еже погибе истинне пришедши, но жертва нового завета на воспоминание смерти господни, понеже Бог хочет да память благодеяния его не престанет, ибо пророк рече память сотворил еси чудес своих. Милостив и щедр Господь, пищу дал есть боящимся его. Сия бо жертва не иноя коея вещи, но тояжде на кресте принесенной, ибо едину жертву принеси совершену святую и да не речет кто уже не требе жертвы святые якоже ложнии. Пророцы глаголют: юже бо иерей наш Христос жертву нас очищающую принесе, туюже и мы приносим яже во оно время принесена бысть. сиеже творим на память еже уже бысть, ибо рече: сие творите в память мою, в то бо время не толико род человеческий страшным гласом к Богу вопит, но и ангелы и архангелы молятся, имеющи сие время приятно, и сию святую жертву на помощь. И как людие, носящи ваия масличной в руках царей к милости приклоняют ваиями милосердия им на память приводяще, тако и ангели кто время вместо масличных тело возносящи молятся о роде человеческом аки глаголя: о тех молимся, их же еси тако возлюбил как смерть спасения ради их подъят, и душу на кресте Богу Отцу предаде. Ибо жертва видимая есть служба и хвала, яже единому Богу достоит и еюже Бог бывает хвален. И понеже древняя есть хвала Божия в жертве, два братия Каин и Авель являют. Старейшаго же жертву Бог отрину, на юнейшаго же жертву призре и прият ю̀, ибо язы́цы разумом естественым сие видяху, и никто же гордостию вознесшися. но Дóндеже человеком себе быти ведяше не повеле себе жертвы приносити, а еже в так велие неистовство пришед и возмнив себе Богом быти. Таже жертву себе повелеваше приносити.

 

Но оставивши языков, воспомянем истинных рабов, они же прославляху Бога, и обрящем как сия хвала Божия в жертве бысть изначала миру, и яже до скончания века будет. Когда бо изначала в законе естественнем не принесе жертвы Авель праведный, не имеющий еще закону писаного, еда Бог видимо не извести как сию воню благоухания прият. Еда и последи отцы святии не приношаху жертвы пред потопом, и абие по потопе еда Ной прежде Богу олтаря не содела и на нем жертву не принесе, еда последи и прочии патриархи Авраам, Исаак, Иаков далече пред законом моисеовом, и по законе от Бога на горе синайской данном не приношаху жертвы. ихже ради прежде бысть Аарон иереом постановлен от колена леввиина, и все сыны его и сыны сынов его на ирейство отлучены, и старейшии иерейство приимаше, и того ради наречен бысть чин ааронов.

 

Их же жертвы окровавления все знаменоваху едину жертву, юже Господь наш Иисус Христос на кресте Богу отцу за грехи всего мира собою принеси. И юже имеху достойность не о себе имяху, но еже и сию едину жертву знаменоваша и в сии вере приносими бываху. Но и когда истина явится тогда знамение престает, когда солнце прейдет, тогда мрак погибает, ибо жертвы все древнего закону когда Господь Иисус Христос на кресте имел жертву себя принести имяху престати, и престаша. Понеже днесь июдеи ни церкви, ни же иерея, ни жертвы не имеют и понеже жертвы июдейские престати имеху, единого (читай: единаче) не хотяше Бог быти без жертвы, дабы сия чести и хвалы не имел в церкви своей даже до скончания века. Того ради Господь наш, Сын Божий, новый иерей из иного колена нежели аароновую жертвы нового завета предаде на тайней вечери, и новы иереи по чину мелхиседекову апостолы своя постави, и не иной коея вещи предаде жертву, но тояжде, юже на кресте принеся, сиречь тела и крови своея святые. Якоже рече: се есть тело мое еже за вы ломимое, се есть кровь моя нового завета за вы и за многия изливаема во оставление грехов, сии творите в мое воспоминание. Но иным чином не кровавым ни же на смерть, но под лицы хлеба и вина по чину мелхиседека иерея, того ради сию предаде да сия жертва будет памятию и обновлением в сердцах человеческих жертвы на кресте принесенной страсти, и смерти его яже до скончания века.

 

Юже прежде вся жертвы от начала миру знаменоваху, и Мелхиседек бо иерей Бога вышнего знаменоваше Господа нашего Иисуса Христа, чрез пророка бо рече: еси иерей вовеки по чину мелхиседекову того ради и на кресте рече: совершишася. ибо вся пророчествия и знамениа в нем исполнишася, и тако и сему знамению в Господе нашем нужда бе исполнитися, понеже Мелхиседек принесе в жертву Богу хлеб и вино, ины яже (читай: иныя же) ни единой жертвы не обретаем, и того ради сие в Господе нашем исполнися. Не хлеб бо и вино в жертву Богу отцу принеся, но тело и кровь свою, ибо во истине достоит болей быти нежели в знамении, как зрим и в знамении манны на пустыни данной, яже тело господне знаменоваша, а яже сам Господь содела, сие и учеником своим, и по них сущим яже до пришествия своего творити повеле, ибо если бы сие знамение Мелхиседека иерея по вечери господней не исполнилося, тогда инде нигде же места не имеет. И пророком бо рече Бог ко июдеом: несть воля моя в вас, глаголет Господь Вседержитель, и жертву не прииму от рук ваших, зане от восток солнца и до запад его, имя мое славится в языцех, и на всяком месте фимиам приносится имени моему и жертва чиста. Зане велие имя мое в языцех. Глаголя Господь как не хочет уже жертвы от рук июдейских, и нарече ину жертву себе любезну треми чинми написавше. Имеяше быти между языки, и на всяком месте, и жертва чиста, и сия есть та жертва, юже церковь христианская, от языков избранная, приносит по всей вселенней Господу Богу. И до скончания века приносити будет тело и кровь Господа нашего Иисуса Христа на воспоминание смерти его. И сие пророчество довольно на уверение, понеже крепко и непреодоленно есть. Сим бо трем вещем в нем написаным (ни) в единой, иной жертве кроме сия невозможно обрестися, ибо первее ни обретается в жертве господней, на кресте бысть бо не между языки новоиюдействе, и не на всяком месте, но толико на едином на горе Голгофе, и не всегда, но толико единою.

 

Невозможно же сему прииматися и о жертве хвалы, и коей иной жертве нашей внутренней, ибо ни едина та жертва несть чиста пред лицом Божиим как писание глаголет. Кто ся похвалит чисто имети сердце, или кто дерзнет чист быти от грех и паки инде, небо же несть чисто, и звезды нечисты суть пред ним. И никако же сего словеси невозможно разумети ни (о) единой иной жертве, ни же о жертве Господа нашего на кресте, ни же о нашей внутренней или внешней. Оттуду является невина жертва от Бога чрез пророка проповедана, толико сия, яже от вознесения господня на небеса и доныне в церкви христианской на всяком месте приносится, жертва чиста тела и крови агнца Божия, иже греха не сотвори, и не обретеся лесть во устех его. Ибо исповедуем как новый завет честнейши древнего. Он бо бысть толико сеннем, сеи же истинною. Того ради если тамо бысть жертва вседневная, тогда в новом далече лучшая есть и честнейшая, ибо Павел святый глаголет как древнего закону преложися священство и закон. И если иерейство, то и жертва. Ибо сие вкупе бывает, единому без другого быти невозможно. Имеет убо новый завет иное иерейство новое по чину мелхиседекову, еже на Духе нашем Иисусом Христом начася, как древнего закона на Аароне. Имеет же и жертву иную новую, далече честнейшую юже на всяк день и на всяком месте Господу Богу к славе и хвале иереями приносит. А сия несть ни жертва хвалы, ни сокрушенного сердца, ни молитвы, ни милостыни, ибо сии не суть новые жертвы, ибо быша в древнем законе и в новом. Но имеет единую жертву новую в законе древнем никогда не бывшую, тело и кровь господню, как и сам Господь рече: сия чаша новый завет моею кровию яже за вы проливается. Сию церковь христианскую присно на всяк день Богу Отцу в жертву приносит ради восприятия благодати и милосердия на воспоминание смерти Сына его на кресте. Исполняется же всем знамение жертвы вседневной в церкви соломонове в ней же на всяк день утро и вечер агнца на жертву приношаху, ибо прочие жертвы не на всяк день, по разным временам приношаше. Сию же жертву новую Господь наш сам начал на тайной вечери, ибо сам есть иереом и жертвою, и по сем творити ю̀ повеле апостолом, и по сих сущим иереом глаголя, сие творите в мое воспоминание, и не толико тамо (тако) ясти и пити повеле как ложнии пророцы глаголют, но вся творити повеле еже творяше. и те глаголы, якоже присно церковь приимаше, достоят ко всему чину вечери господни. Когда взем хлеб, благодари и благослови, и по сем преломи и даде, и всем еже взят хлеб благодари и благослови жертву сотвори, и по сем жертву принесши ломал и давал.

 

И то всем апостолом и иереом творити повелел, ибо если тамо (тако) толико ясти и пити повелел, да исповедят ложнии пророцы где посвящати повелел. Понеже без знамения креста честного или освящения слова господня им же вся бысть тайне статися не возможно. И тако хощут ли имети тайну нужда им исповедати как Господь сим глаголом, то творити не толико ясти и пити повеле, что есть последнего, ино что есть первое посвящати и жертву приносити, и от апостола же накажемся сему как прежде быти подобает жертве тела и крови господни, нежели приятие. Ибо тако глаголет: чаша благословения, еяже благословляем, не общение ли крови христовы есть, хлеб, его же ломим, не общение ли телу христову есть, и да не разумееши аки просто пити и ломати без жертвы как еретики творят. И абие наведи от древнего закону да лучши вразумееши. Видите, рече, Израиля по плоти, не ядущей ли жертвы обещницы олтареви суть. Откуду зриши, как в древнем законе по жертве приимаху то еже бываше приносимо на олтарь. Такожде и в новом завете, по жертве тела и крови господни причастницы бывают прежде иерей, по сем же и прочии вернии. Еще же сие и лучши вразумееши когда прочии словеса апостоловы рассмотриши. Ими же завещает жертве бесом приносимых, различие полагающи между чашею жертвы господни, и чашею жертвы бесовские, между жертвою трапезы господни и жертвою трапезы бесовские ибо тако глаголет, зане яже жрут язы́цы, бесом жрут, а не богови.

 

Не хощу же вас обещники быти бесом. Не можете чашу господню пити, и чашу бесовску. Не можете трапезе господни причащатися, и трапезе бесовской. И что же чаша бесовская? Толико питие, идолом приносимое. Что же трапеза бесовская? Толико пища, идолом обещанная, еже язы́цы творяху.

 

Что же есть чаша Господня? Толико ей же иерей глаголы господними благословляет, и Богу в жертву приносит чашу завета в крови господни в лице вина. Что же трапеза Господня? Толико пища душевная тела Господа нашего Иисуса Христа, Господу Богу в лице хлеба жертва принесена. Якоже и сам Господь жертву принесе, и сия жертвы чистыя, сия трапезы и чаши господни христиане бывают причастниками. Якоже бо людие израильские под сенем причастницы быша олтаря, и жертв плотских, Господу Богу приносимых. И якоже язы́цы быша причастниками вещей, бесом приносимых, ядуще и пиюще их, а понеже не на всяк день и не тако часто христиане к вечери господни приступают как прежде бысть. Не сего ради имеет престати вседневная жертва на воспоминание страсти господни, ибо иерей жертвы причащается, прочие же сущии при сем умидене страсть и смерть господню воспоминающи, мысленне её причащаются. Тело же истиное и кровь истинная яже Господа нашего Иисуса Христа есть, ибо Павел святый глаголет: живо слово Божие и действенно. И вся, елика восхоте Бог и сотвори на небеси и на земли, в морех и во всех безднах. Речено: да будет свет и бысть свет. Да будет небо, и бысть. Словесем господним, рече пророк, утвердишася, и духом уст его вся сила их. Сиеже слово предвечное Бога Отца им же вся быша на небеси и на земли рече, то есть тело мое, тем же словом и ныне и присно хлеб обращается в плоть его святую презъестество, ибо слову Божиему покорено, и послушно когда присно за благодеяние и откупление церковь благодарит, и нам пользы умножается, когда вкупе с церковию аки многоценну масть страсти и смерти господни чрез пластырь той жертвы святые на язвы и немощи грехов наших себе прикладаем.

 

Но и еретики глаголют: дарова нам Господь единою оставление грехов чрез жертву на кресте, и уже нам жертва на воспоминание смерти его несть полезна ни же потребна, тогда такожде возможно быти глаголати, уже не треба крещения, ни покаяния, ни же разрешения от иерея, ни причащения тела и крови господни и прочая их же ради Господь Бог даёт нам благодать свою, и от грехов оставление. Ибо того ради нам отпущение грехов даровал на кресте святом да его в вере истинной чрез сию жертву вседневную страсти и смерти его, аки от источника неисчерпаемого присно черплем, понеже присно согрешаем но еще еретики глаголют меншему болшого на жертву приносити невозможно, кто же больший – Христос, или человек, чесо же ради и они суще меньшими приносят на жертву большего. Истину рече святый Павел, и ничтоже дивно, ибо сама правда чрез его глаголет, как еретики не ведят что глаголют и о чесом утверждаются, что бо иного есть жертва, толико с чим Господу и творцу своему предстательствуемы и ему честь и хвалу воздаемы, себе же благодать испрошаем да в молитвах наших милостиво прияти будем. Понеже и естество человеков наказа дан де удобнейший приступ и слышание у господей своих обют, и не тако то еже им обещаемо, якоже себе щи своиваемо при сем же обещаеми ласки и милосердия себе просим, и как больший есть дар, таче (читай: паче) честнейша жертва и Богу любезнейша, и того ради Богу Отцу тело и кровь (читай: драгую) Сына его в жертву приносим, понеже сами себе ничтоже очию Господних достойного не имамы, Бог же не хочет да тощно пред лицем его явимся.

 

И паки еретики глаголют, како в жертву возможно приносити его же не имамы? Но и аз вопрошу: како могут приимати его же несть? Мы же тело и кровь Сына Божия имамы на пищу о неизречения благοдати его, и ни един верный не сумнится о сем силою слова его им же небо и земля и вся быша. Тожде имамы и в жертве. Даде бо нам тело свое на откупление и на пищу в странничестве нашем. И еще глаголют еретики да тело и душу нашу, а не господне тело Господу Богу приносимо. Но мы вемы всем научение Святого апостола Павла, и елико мощно по силе нашей исполняем.

 

Сия жертва, о ней же глаголем, небраждает (чит. не вреждает) сего, но нам воспоминает и приводит нас да вси плоти и душу нашу с телом и в теле Господа нашего Богу в жертву приносим, как уды з главою, без нея же вы неприятна, не (но) гнушательна жертва была.

 

Глаголют же и сие еретики, как уже не приносят они в жертву, Христа толико примлют и ядят тело его и пиют кровь его. Но соблажняются о сем, ни в жертву бо не приносят, ни же примлют тело Господне. Понеже иереов в благочинных посланных не имеют. Если бы и имели от нас отбегших единаче тайны без единости церкви христианские ничесо же суть, ибо всем отлучившимся от единения церковного Бог пророком рече: послю на вы клятву, и проклену благословение ваше, и оклену е и разорю благословение ваше и не будет в вас. Сиречь положу клятву на благословение ваше, им же тайна совершаема бывает, ибо церковь Божия есть, как глаголет писание, вертоград заключен, и источник запечатлен, и того ради невозможно нигде же тайне совершатися толико во единости церкви Божия, еяже между соньмищи еретическими несть. Тогда и тайны ни единой в них несть, разве крещения Святого от них еже тако есть достойно как крещаемого от них когда приходит к соединению церкви, паки крестити не требе. Если ли неприидет к церкви ничесоже ему несть полезно.

 

И паки глаголют еретики, не разумеюще словес апостола святого: идеже отпущение сих, ктому несть приношения о гресе, и наводят Господь нам дарова отпущение на кресте, того ради не требе иной жертвы. И вопиют как ни единому на сие невозможно им отвещати. Но не без вины, рече, пророк, о сатане блицы Моав слышах укоризну моавлю укорен бысть зело, презор отверже не тако волхвование твое не тако восплачется Моав, зри же, как растает сие все пред истиною Божией аки снег пред солнцем, и уже прежде мало? Нечто на сие отвещах, ине же свойственне на словеса апостольская ответ дам.

 

Вопрошаю: кому тамо Павел глаголал, июдеом, о чесом глаголал? О жертвах древнего закону по чину ааронову, их же Павел святый являет как уже места не имут. чесо же ради, ибо оной жертвы знаменаху отпущение грехов чрез жертву еже на кресте бысть. И понеже, отпущение и примирение уже исполнися, того ради не требе уже оных жертв, но жертва, юже приносит по всей вселенней церковь христианская, несть ни едина от оных же жертв древнего закону, ни же знамение еже погибает истинне пришедши. Но есть жертва нового завета на воспоминание смерти Господни.

 

6) Блаженного Симеона Солунского

278 Не бо когда Отцем возмнеся терпеливо быти некий прейти, и не зрети Господа чрез таинства, яже рече и сам едино быти с нами, и еже, се аз с вами есмь вся дни до скончания века. Сие бо рече, не как по сих не имяше быти всегда с нами, како ко Отцу всегда молитися, глаголя: Отче! яже дал еси мне, хощу идеже есмь аз и они будут со мною да видят славу мою и перед тем: и аз славу, юже дал еси мне, дах им да будут едино, как мы едино есмы, и аз в тех, и ты во мне, да будут совершении воедино, но до скончания, убо века будет чрез таинства его. Еще же сие рече, и за еже не зретися ныне по еже вознестися телесно доньдеже приити тогда да не кто возомнит, занеже не зрим нам, с нами не есть ныне, но да верует, как нерасстоянно есть с нами, и едино бывает с нами таинствами своими.

 

Тогда же узрим как есть, как возлюбленный глаголет, и тако всегда с Господем будем.

 

См. «Писания св. отцов и учителей церкви», т. II, стр. {?}, в «Христианском Чтении» за 1857 г.)

 

7) Святцы с летописью

279 Господь наш Иисус Христос, живожертвену пасху принесши себе Богу Отцу, о всем мире, оную же (иудейскую) как непотребну упразднил и отринул. Новую же свою вечнующую пасху, уставлением преже страсти на тайней вечери, причастие пречистого тела, и животворящия крове, излианной на кресте во утрие от боку, пречтых ребр его, всем нам верным до скончания века в воспоминание искупления от клятвы законной, как иногда в свобождение от работы египетские, новому Израилю в живот вечныя дарова.

 

8) Книжица о вере

280 И не единою вроку (т. е. в году), как жидове только в четыренадесятый первого месяца баранка изъядают, как речь до часу уставленую: але нам на всяко время и на всякий час, по вся лета, аж до скончания света, Иисус Христос ценный наш, пречистое тело свое, и животворящую Божественную кровь свою, излияную за мир, на отпущение грехов верным своим устави, съедаючи в Божественное и нетленное прироженье (т. е. ествество).

 

То же и в книге Кирилловой, лист 350 оборот и 351.

 

9) Книга о вере церкви всходней

281 Бо кгды мел (Христос) волную смерть подняти, тоеи ночи, которой самого себе дава, Тестамент (т. е. Завет) новый Святым своим учеником и Апостола, а през (т. е через) них всем, которые в него веруют, уставлял и подавал. А то на ст. и светолого сиону горници напрод (т. е наперёд) умыл ноги Апостолам, [что Крещение Святое и всякое проживанием таемниц (т. е. пред употреблением таинств), Тела и крове его очищение значило] а потом ломал хлеб и давал им, мовячи: Берете и ежте тое есть тело мое, за вас ломимое, на отпущение грехов: то чинете на мое вспоминание. Также взявши чашу, давал им, мовячи: Пийте з неи все, тая бо вам есть кровь моя нового тестаменту, за вас и за многих изливаема на отпущение грехов. Тое чините на мое вспоминание. Иле крот бо вем (т. е. сколько раз, елижды бо если) будете той хлеб ели, и чашу тую пили, смерть Господню оповедаете аж прийдет. О! доброти! О! любве! дарованя, и упоминку не ошацованого и пренадорожного (т. е. воспоминания не оцененного и вседражайшего)! Христос Збавитель наш пренасолодший, раставаючися з Апостолами, и отходячи о них, как сынолюбячий Отец, не оставил учеников и нас всех без покарму и напою (т. е. без пищи и пития), а покарму и напою не ледаякого (т. е. не какого-либо), але самого власного своего тела и крове. Зостави и положил тую ст. оферу (т. е. жертву) в Церкви, на столе олтаря своего с. оферовати (т. е. приносить), мовячи: Тое чинете на памятку мою аж прииду.