Сказание о князьях Владимирских // Государство российское: власть и общество с древнейших времен до наших дней. Сборник документов. М., 1996. С. 21-22.

СКАЗАНИЕ О КНЯЗЬЯХ ВЛАДИМИРСКИХ

(1520-е годы)

[... ] Август же начят дань покладати на вселенней. Постави брата своего, Патрикиа, царя Египту; Августалиа, другаго брата своего, постави Александрии властодержца [... |, а Пруса, сродника своего, в брсзс Вислы реце во граде Малборок, и Турн, и Хвоини, и пресловый Гданеск, и ины многи грады по реку, глаголемую Нсмон, впадшую в море. И жит Прус многа времена лет и до четвертаго роду; и оттоле и до сего времяни зоветься Прусьская земля.

И в то время некий воевода новгородьцкий именем Гостомысл окончевает свое житье и созва вся владелца Новагорода и рече им: "О мужис новгородьстии. совет дато вам аз, яко да пошлете в прусьскую землю мужа мудры и призовите от тамо сущих родов к себе владелица". Они же шсдше в Прусьскую землю и обретоша тамо некоего князя именем Рюрика, суща от рода римьскаго Августа царя.

И молиша князя Рюрика посланьницы от всех новгородцев, дабы шел к ним княжити. Князь же Рюрик приидс в Новгород, имея с собою два брата: единому имя Трувор, а второму Синеус, а третий племенник его именем Олег. И оттоле наречен бысть Великий Новград;.и начя князь великий Рюрик первый княжити в нем.

А великого князя Рюрика четвертое колено великий князь Володимср, иже просветил Русьскую землю святым крещеньем в лето 6496. А от великого князя Владимира четвертое колено князь великий Владимир Всеволодович Мономах, правнук. Егда седе в Киеве на великом княжении, совет начят творити с князми своими, и с боляры, и вслможи, тако рек: "Егда аз мал есмь преже мене царствовавших и хоругви правящих скипетра великиа Русиа, яко же князь великий Олег ходил и взял с Цариграда великую дань на вся воа своа и здрав въсвояси возвратися; и потом Вссслав Игоревич, князь великий, ходил и взял на Коньстянтине граде тяжьчайшую дань. А мы семя божиею милостью настолницы своих прародителей и отца моего великого князя Всеволода Ярославичя и наследницы тоя же чьсти от бога. Ныне съвета ищу от вас, моея полаты князей, и боляр, и воевод, и всего христолюбиваго воинства; да превознесется имя святыа живоначальныа Троици вашея храбрости могутьством божьего волею с нашим повелением; и кий ми совет против воздаете?" Отвещаста же великому князю Владимиру Всеволодичю его князи, и боляре, и воеводы: "Сердце царево в руце божьи, а мы вси семо в твоей воле". Князь же великий Владимир сьбирает воеводы благоискусны и благоразумны и поставляет чиноначальники над различными воиньствы — тысищники, сотники, пятдесятники над различными чины боренья; и съвокупи многия тысяща воиньства, и отпусти их на Фракию Цариграда области; и плениша я доволно, и возвратишася с многим богатеством.

Тогда бе в Цариграде благочестивый царь Констянтин Манамах и в то время брань имея с персы и с латыною. И съставляет совет мудре и царьски, отряжает послы к великому князю Владимиру Всеволодичю: Неофита митрополита ефссьскаго и с ним два епископа, милитиньска и митилиньска, и стратига Антипа антиохийскаго, игемона иерусалимъскаго Еустафья, и иных своих благородных. От своея же выя снемлст животворящий крест от самого животворящего древа, на нем же распятся владыка Христос. Снемлет же от своея главы венец царьский и поставляет его на блюде злате.

Повелевает же принести крабьицу сердоликову, из нея же Август, царь римьский, веселящеся, и ожерелье, иже на плещу своею ношаше, и чепь от злата аравьска исковану, и ины многи дары царьския. И предаде их митрополиту Неофиту с епископы и своим благородным посланником, и посла их к великому князю Владимиру Всеволодичю, моля его и глаголя; "Прийми от нас, о боголюбивый благоверный князе, сиа честныа дарове, иже от начатка вечных лет твоего родьства и поколенья царьский жребий на славу и честь и на венчание твоего волнаго и самодержавнаго царствиа. И о нем же начнут тя молити наши посланницы, что мы от твоего благородна просим мира и любве; яко церкви божьа безмятежна будет, и все православие в покои пребудет под сущею властью нашего царства и твоего волнаго самодержавъства Великиа Русиа; яко да нарицаешися отселе богов енчаньный царь, венчан сим царьским венцем рукою святейшаго митрополита Кир Неофита с епископы". И от того времени князь великий Владимир Всеволодичь наречсся Манамах, царь Великиа Русиа. И пребысть потом прочаа времена с царем с Коистянтином в смирении и любве. И оттоле и доныне тем венцем венчаются царским велиции князи володимерьстии, его же прислал греческий царь Коньстянтин Манамах, егда ставятся на великое княжение русьское. [... ]

Печатается по: Дмитриева Р.П. Сказание о князьях Владимирских. М.; Д., 1955.

"Сказание о князьях Владимирских" — литературно-публицистическое произведение, написанное неизвестным автором в 20-е годы XVI в. Использовалось в политической борьбе за укрепление авторитета великокняжеской, а затем царской власти.

Государство российское: власть и общество с древнейших времен до наших дней. Сборник документов. М., 1996. С. 21-22.