Молитвы Святого Священно Мученика Киприяна

 

"Да воскреснет Бог и разыдутся врази его, и да бежат от лица Его ненавидящии Его; яко исчезает дьм, да исчезнут беси от лица Божия, а праведницы возвеселятся о силе Божии, в Тройцы славимаго.

Начинаем глаголати молитву святаго священномученика Киприяна в день и в час, в оньже упражняется сила его, сопротивнаго, ради славы Божия. Сей святый священномученик Киприян, молящеся Богови всею душею, глаголя: Господи, Боже, сильный, содержай вся, свят сый и прославлен, царь царствующим и Господь господствующим, слава Ти во свете безчисленном – егоже ужасаются всяческая, егоже никтоже виде и не видети может, иже тысяща тысящ и тьмами тем ангел и архангел предстоят пред Тобою, Господи, и Ты веси, Тебе работают, еликоже тайная раба твоего, яко не познавшим Тебе первие сия держах: облаки, яже не одождити; древеса садовная, еже не творити плода; непраздныя жены – не ражати, и иныя ж не зачати; на ограждение винограда токмо взирах и творях – розги, еже не цвести, такожде и злак вертоградный, не прозябати; и рыбы морския не плавати, и птицам лесным возбраних летати.

Господь наш, Исус Христос, услыша мя в час сей, недостойнаго раба твоего. Идеже аще почтется сия молитва, да разрушится, яко воск тает от огня, всяко лукаво ухищрение от всякого вида человеческаго и животнаго безсловеснаго, четвероножнаго, или винограднаго, или вертограднаго; и от всякаго имения малых и великих, яко во имя святыя и единосущныя Троицы суть просвещени и разве Тебе – Бога не знаем. И якоже от камени Моисеовым сыновом Израилевым источал еси воды, тако, Господи, Боже силам, положил руку свою державную, святую свою, полну сущу благословения надо мною, глаголющаго сию молитву. И якоже насадил еси, Боже, рай во и от того исходят четыре реки: Фиссон и Илтигрей, Ендрантъ, и обходят всего мира в тихости, и Адам, райский человек, не может их удержати. Якоже умножил еси лета Иезекии царю, да умножатся лета, имущаго сию молитву службою ангел, пением серафимским, Благовещением пресвятыя Богородицы и от архангела Гаврила, плотцкаго от Духа Святаго славнаго рождества, заколения младенец, святаго крещения восприем во Иотранстей реце, пост и искушение, еже подъят от диявола; ужаснаго суда, ужаснейших твоих чудес, в мире бывших и просто всяко чародейство творити, и вси лукавии беси мне работаху. И се убо, Господи Боже, сильный и великий, благоволивый оть недостойнаго достойну ми быти и спричаститимися священному твоему стаду, и преставленным величеством, милостивным о мне, и не восхоте погубити беззаконием, знаема мя сотвори твоей правой и непорочной вере; не гнушай мене грешного и недостойнаго раба твоего. Прападаю к Тебе, прося твоея от Тебе милости о всех христианех твоего, Христа, стада словесных овецъ; и прошу пресвятое твое имя во славных християнех, ихже имеют чародеяние, исцеления дарования, прокаженныя очищая, мертвыя оживляя их; во Иеросалим вход и в церкви младенцом, воспевающим: осанна, сыну Давидов, святый страстный распятие и еже из мертвых воскресение, и еже на небеса вознесение, тмочисленных словес восходнаго твоего песнословия, ежеодесную седания, втораго и страшнаго пришествия, и власть, ея же дал еси своим учеником и апостолам, и рекъ: имже держите грехи – держатся, а имже отпустите – отпустятся; и, аще елико разрешите на земли, суть разрешени И сих ради имен и ради силы твоея великия, честнаго и животворящаго Креста твоего, заклинаю и проклинаю вся духи лукавыя и от злых человек – от раба Божия (имя) и от дому его: созданным Адамовым, жертвою Авелевою, искушением Иевлим, пренесение Енохово, вера Авраамлею и пророчество пророк святынею патриарх и святитель, и священномученик кровию и апостольских преставления мученическая и венчания их, заколения святых апостолъ Павла, девства Иоанна Богослова, благоволения Сиѳова, жезла Моисеова, священничества Аронова, девства святость Самойлову, Корнильеву ревность, моления Елисеево, пророчество Ионы, видения Данилова, жертву Исакову, последнее преступление Иовле, продание Иосифова, кротость Давидову, премудрость Соломонову, неопалимую купину в горе Синайстей, силою ста и шестидесят ангел, иже во Египте сшедших подати исцеления человеком: молением честнаго, славнаго пророка и, предтечи крестителя Господня, Иоанна; страшнаго и несказаннаго имени твоего, всесильнаго и всевида Бога, емуже предстоят тысяща тысящ и тьмы тъмами ангел и архангелъ, и святых мученик, и преподобных отец, и святых праведных богоотец Иоакима и Анны, и святых, и праведных, и блаженных, и Христа ради уродивых, пустынножителей, пустынник и пустынниц, и святых постник, постившихся постом и молением, иже в горах и в пещерах, и в пропастех земных, и всех святых, иже от века Тебе благоугодивших Господу Богу нашему. Ради бо сих имен и ради святых ангел, молитвами их, прогоняем и отдаляем всякую злобу и лукавства, и зависть, и ревность, и связание, и удержание, и злостреление, и лукаво око, и злоглаголание, и язычное уядение, и примолвы и все, что бедное, и советование злых человек, лихой згляд и иных уроки, злыя, пакостныя, и злыя примолвы бесовския, и клятвы, и заклинания душепагубныя и теловредныя, и недугования, и к смертоносным язвам, и всяких шкот жития сего суетнаго ко убожию и умалению живота и имени, к получению злых всяких страстей, бедных, насилованных и на всяких, всяким волхвованием волхвующих, наглость, или худость и всякую шкоту, что зло да отдалится от раба Божия (имя), аще глаголю и милися дею единаго непобедимаго Бога, иже в трех лицех воспеваемаго, яко да подаси всем человеком православным спасение и рабу своему (имя), в немже лежит святая сия молитва. И что лукаво бысть в дому том, в немже прочтется сия молитва, яко да разрешится, аще будет на небеси связано или на земли, да разрешено будет, или в мори, яже на земли сей, или на пути, или на поли, или в горах, или в пещерах, или в пропастех земных, или в реце, или во истоцех, или в кладези, или в кровли, или в дверех, или во оконце, или в верхнем пороге, или в нижнем, или на зде, или в тине, или в основе, или в стене – да разрешится. Или во дворе, или, или во входе, или во дверце, или на пути, или на поли, или в горах; ли в пещерах, или в пропастех земных – да разрешится. Или во брусе, или во рве, или в древе, или в листе и корени, и в ветвии – да разрешится. Или на поли в нивах и в виноградех, или во рвех, или в траве, или в древе, или в бани, или в пещи, или в капищи идольском, или во власех брадных, или в кожи плотской, или в главнем убрусе, или в ножных обувении5), или в злате, или в сребре и в меди, или в свинце, или в олове, или в железе, или в морских рыбах, или в животных четвероногих земных, или во птицах, летающих по воздуху, движимых и недвижимых, или в харатьи, или в бумаги, или в черниле, или в некоторой вещи – да разрушится. Аще ли есть написано в семидесяти двою языцех – да разрушено будет, понеже аз разреших и разрешаю, прогнах и прогоняю Калуса, Пира, Маруса, Лукми, Лурами6), Рахана прогнах и еще от раба Божия (имя) и от дому его, имущаго сию молитву, и от всего имения его малаго и великаго силою честнаго и животворящаго Креста Господня и со всеми небесными силами, предстоящими пред высоким и страшным престолом Господним сил, ангел и архангел, и святых и праведных патриарх – Авраама и Исаака, и Иакова. Таже молю святого собора пророкскаго: Захарию и Иоанна Предтечю, и Елисея7), и Осия, Наума, Аввакума, Софония, Аггея, Михея, Малахия, Иеремия, Иезекиля, Исайю, Данила, Амоса, Самуйла, Илию и святых триех отрок – Ананию, Азарию, Мисайла. Молю сословие святых, праведных Богоотец Иоакима и Анны, Иосифа Обручника, Давида, пророка и царя, Иякова, брата Господня, Симеона Богоприимца и Симеона, сродника Господня, святаго, праведнаго Иова и Ионы, и всегь святых, молитвами их от века благоугодивших и послуживших Господу Богу нашему, Исусу Христу. Молюся и прошу лики святых и славных, и всехвальных двенадцать апостол и собора семидесяти апостол, иже во святых отец наших вселенских учителей: Василия Великаго, Григория Богослова, Иоанна Златоустаго, Иерофия Афинейскаго и Дионисия Ареопагита, и Иоанна Милостиваго, Амфилохия, епископа Иконийскаго, Аверкия Ерапольскаго, Афонасия Великаго и Кирилла; иже во святых отца нашего Николы, архиепископа, Мир Ликийских чюдотворца, и иже во святьих отца нашего Петра, митрополита Московскаго, чюдотворца; иже во святых отца нашего Леонтия, епископа Ростовскаго, чюдотворца1), и Амбросия, епископа Медиоламскаго, Потапия, Ипатия и Спиридона, и Елеуферия, Епифания, Андрея Критскаго, Софрония Иеросалимскаго, Селивестра, папы Римскаго, Григория чюдотворца, Лазаря, иже в Галасии, Григория Акраганскаго, Прокопия Десятоградца, Григория великаго Армени, преподобных и богоносных отец наших: Сергия и Варлаама, и Кирила, и Семиона Столпника, Евмения чюдотворца, Даниила Столпника, Алимба и Аникиты, и преподобных отец наших, иже в Синаи и в Раифе избиенных, и преподобных отец наших: Козмы Халкидонкскаго, Иоанна Дамаскина, Стефана Саваита, Георгия Никодимийскаго, Феодора Написаннаго, Антония Великаго, Арсения, Евфимия и Саввы, Ефрема Сирина, Павла Фивейскаго, Иоанна Кушника, Павла, иже в Латре, Феодосия общия жизни, Викулы, епископа Змирскаго, Илариона чюдотворца, Марка, епископа Фряческаго. Кирила диякона, святаго священномученика Власия, епископа и Поликарпа, Ипатия Ганграскаго, Дорофея Тирскаго, Феодота Киринейскаго и всех святых священномученик молением и молитвами, соблюди раба своего (имя). Молю убо лики святых, славных, добропобедных Христовых великомучениковъ воинства: первомученика Стефана, архиепископа, Георгия Победоносца, славнаго чудотворца, Димитрия великомученика, Сидора Лиоградскаго, Феодора Тирона, Феодора Стратилата и иже с ними, всех четыредесяти тысяч мучеников и мучениц, всех небесных твоих силъ; и трех святых мученик Евстратия, Авксентия, Евгения, Мардария и Ореста; и святых мученик Мины, Виктора и Викентия; и святых исповедник Гурия и Самона, и Авива дьякона; и святых мученик Мины, Ермогена, Евграфа; и святаго великомученика Никиты; и святых великомученик сорок, иже в Севастии; и святых младенец, избиенных за Христа, четырнадцать тысящъ; и святых седми отрок, иже во Ефесе, и святых мученик Карпа и Папилы, и Ермила, Стратоника, святаго мученика Иакова Пермскаго и святаго праведнаго Алексея, человека Божия, и святых мученик Изария, Гервасия, Протасия и Келесия, и святых чюдотворцев и безсребреников Козмы и Домияна, Кира, Иоанна, Пантелеймона и Ермона, Самсона и Деомида, Моисея и Фалелия, Фотея и Аникиты, и всех святых мученик, иже пролиявших кровь за Тебе, Христа Бога нашего, и всех святых твоих молитвами. И лик святых мученицъ: Евдокии, Феодоры Александрийския и святыя великомученицы Екатерины, и Парасковии, Варвары, Ульяны, Мавры, Пелагии, Ирины, Гликерии и святыя Елены царицы и со царем Константином, и святыя Феодосии девицы, преподобныя мученицы Февронии, святыя мученицы Евфимии всехвальныя и святых Кирика и матери его Улиты, и преподобномученицы Евдокии, и всех святых молитвами. Молитвъ пречистыя твоея матери помилуй и спаси раба твоего (имя), яко благий Бог и человеколюбец. Аще хто сию молитву держит в дому, не придет к нему злой, ни лукавой дух, зависть и ревность, и чародеяние, и бедами болезными, которое злое лукавство ни в утре, ни в день, ви в вечер, ни в нощ, ни в полунощ, яко написана бысть сия молитва от святаго священномученика Киприяна и утвержена, и назнаменана бысть от святыя Тройцы единосущныя, от Отца и Сына, и Святаго Духа на погубление и на прогнание всякому злу злых сетей ловящих саддукей, нарицаемых Елефан, аще рех, Самосовых и всего рода их, Исамена и всего лика их, и все отбегает их словесем Господним, о немже утвердися небо и земля, и молитвами Матери твоея и святых небесных сил со всеми святыми ныне и присно, и во века веком. Аминь".

 

* * *

 

"Призываем тя Владыко, Боже Вседержителю, вышний, неискусимый, мирный Царю! Призываем Тя, сотворшаго небо и землю, от Тебе бо произыде алфа и омега, – сий есть начаток и конец, предавый человеком в послушание четвероножныя и безсловесныя животныя. Ты бо покорил еси, Господи, простри руку твою крепкую и мышцу твою высокую и святую, и просвещением твоим святым посети создание твое сие, и исполни ему ангела мирна, ангела державна, души и тела хранителя, яко да запретит и отженет от него всякаго лукаваго и нечистаго демона. Ты бо еси един Господь высокий, Вседержитель благословенный в веки веков. Аминь.

Заклинаю тя Духом, вдохнувшим человеком живот вечный, егоже имя страшно и усты человеческими неизглаголанно!

Заклинаю тя грядущим огнем и жупелом, и песком, и трубою; ему же явшуся, солнце побежит на запад и звезды спадут на землю, и восплачутся вся племена и людие!

Заклинаю тя сшедшим в дольняя страны и земли и расторгшим твердыя вереи, и разрушившим болезни смертныя, и благовестившим патриархом из мертвых воскресение!

Заклинаю тя ходившим по морю и укротившим волны его!

Заклинаю тя повелевающим морю издати1) вся в нем истопившияся и земли в ней лежащих мертвых преставити живых на суд Богу!

Заклинаю тя повелевшим морю не преступати предела своего, дондеже приидет Господь судити миру!

Заклинаю тя сошедшим на Синайскую гору и глаголавшим с Моисеем и Ароном, и явившимся им в пламени огненном и в столпе облачном!

Заклинаю тя изведшим люди своя от земли Египетския и давшим им из камени сладкую воду пити, и претворившим воду в кровь.

Заклинаю тя казнившим Египта Моисеем десятию язв!2)

Заклинаю тя поразившим первенца Египетскаго!

Заклинаю тя попалившим Содома и Гоморру, и пять градов иных одождением с небеси огненнаго града!

Заклинаю тя седящим на престоле славы, пред нимже огнь течет и емуже предстоят тьмами тем ангел и тысящами тысяща архангел и серафим, вопиющих: «свят, свят, свят, Господь Саваоф, исполнь небо и земля славы твоея: Благословен еси во веки. Аминь!»

И ты, душе лукавый, аще и не хотя, воздаждь славу имени святому его, идеже аще седиши в удеси тела создания сего, или в главе, или в телеси, или в крови, или в очи, или в сетех, или в языце, или в выи, или в плещу, или между плещами, или в мышцах, или в персях, или в души, или в сердцы, или в селезне, или в плющах, или в чреве, или под чревом, или в точилех, или в естественных пределах, или в крепости, или в жилах, или в костех, или в лыстех, или в голенех, или в ногу, или в жилицах, или в кровицах, или в костех, или в мозгу, или в крови, или в властех, или в нохтех, или во всем телеси – отлучися, отстранися и изыди, душе лукавый, и даждь славу Господеви, яко Господь сильный над всеми есть; ибо клястся, идеже аще кто призовет имя Господне, еще исчезнути вам.

Заклинаю тя именем Господа, Иисуса Христа, распеншагося при Понтийстем Пилате!

Заклинаю тя рекшим: «небо мне престол есть, земля же подножие ногама моима!»

Заклинаю тя архангелами его Михаилом и Гавриилом, Уриилом и Рафаилом!

Заклинаю тя великим именем сына Божия отлучитися от создания сего и виже с ним ясти, ниже с ним сложну быти с ним, подати славу имени святому его!

Заклинаю тя всеобразне на злостретение и нападение дневное и полуденное, и полунощное, идеже аще еси, отлучися от создания сего и не изведи душу, не разсыпли, ниже разруши тело его, но остави его чиста и жива на службу Богу!

Заклинаю тя грядущим утвердити2) престол между небом и землею и судити всему роду человеческому, праведным же и грешным!

Ты убо, душе нечистый, убойся имени святаго его и отъиди от создания сего, убойся огня неугасимаго, ровва огненнаго, всепоядающаго; убойся и уготованнаго огня и жупела и приклони губителей; убойся явльшагося Моисееви и Ааронови на горе Синайстей; убойся явльшагося Иоанну на реце Иорданстей, егоже видевше, река убояся, и уступи, и возвратися вспять. И ты, душе лукавый, убойся, отступи, отстранися от создания сего. Заклинаю тя одеющимся светом, яко ризою, единем, имеющим безсмертие. Тому подобает всякая слава, честь и поклонение Отцу и Сыну, и Святому Духу ныне и присно, и во веки веков. Аминь".

 

* * *

 

«Господи, Боже, великий, всесвятый сый и препрославленный, Царь царствующим и Господь господствующим. Слава ти седевшему во свете безсмертном, егоже никтоже виде, ниже видети можетъ; иже тысящами тысящ и тьмы тьмами святых ангел и архангелъ: 1. Михаил, 2. Гавриил, 3. Рафаил, 4. Уриил, 5. Семфиилъ1), 6. Рагудиил, 7. Варахиил – предстоят пред тобою. Ты веси рабу твоему (имя), яко не познавшю ми тебе, истиннаго Бога, первее сие дерзах: блуд творях с тмочисленными женами и во образ человеком, и спроста рещи – всякое чародейство делах, и лукавы беси мне работаху. Ныне убо, Господи сильный и великий, благоволивый от недостойнаго достойному быти, и сотвори мя причастника быти священному ти стаду, и преестественным величеством милосердвовавый о мне, рабе твоем (имя), не восхоте погубити мя со беззаконии моими, знаема мя сотвори святей твоей непорочной вере, не отверзи мя, грешнаго и недостойнаго раба своего (имя), припадающаго; Отче всесильный, Михаил архангел, иже ко Владыце благоразумне, яко слуго верный сохраняя, архангельским и мысленным старейшинствовати учинен быв от Вседержителя и, видев отступника падша, собрав архангельския лики, и рече: вонмем добре пред сотворшим ны. Спасению же нашему сопротивник и ратник, разгордев на Зиждителя и не сумневся, рекъ: престол мой на облацех поставлю и Вышнему подобен буду. И тако похвалихся, архангельския испаде власти, яко же рече Господь: видех Сатану, яко молнию, с небесе спадша; данный же ему чин такожде с ним низпаде, и, презорствовав, пострада».

 

Завещание Киприаново

 

"И аз, окаянный, обещаюсь и кленусь всемогущим Богом, пред святым его образом, да разрушатся, понеже и аз разреших и разрешаю, прогнах и прогоняю, и всю силу бесовскую проклинаю:

1. Калу,

2. Сапус,

3. Мараса,

4. Лук Малоубийской,

5. Ехорана, князя бесовскаго,

6. Верзаула совсею силою его проклинаю и прогоняю,

7. Чирила и всю силу его проклинаю,

8. Гайку,

9. Тагайку,

10. Марту Фраску,

11. Фараонка,

12. и высокоумнаго Войну,

13. Обденка,

14. Измаила Измаиловича и всю силу его,

15. и темнаго блуднаго беса Сольцу проклинаю,

16. проклинаю Каржикалка,

17. Картиналову жену,

18. и Птипильлимку,

19. Акфенееса,

20. Дунейса,

21. Хрисокулиса,

22. Оракушку,

23. Дуйдукулиса,

24. Пантикалиса,

25. и Ерлидякевеса,

26. Ернидевоса,

27. Фекфектипилиса,

28. Анфирияла,

29. Факфияла,

30. Мардикияла.

Проклинаю и прогоняю:

Ихида беса, Ефиопа грознаго,

31. Езуйта страшливаго,

32. Синца блуднаго,

33. Истукана грубнаго и огневиднаго,

34. Политама смутнаго

35. и водянаго беса Ярахту.

Проклинаю и прогоняю:

36. Тахия,

37. Сенахия,

38. Елизду,

39. Даила,

40. Мара,

41. Салуктамара,

42. Еремиорка и в глубине проклятаго змия, который привел Христа на распятие.

Прогнах и прогоняю, и их бесов проклинаю, и где кладезь со огнем адским, из котораго дан был ключ лютому змию:

43. Люципера, егда спаде с небесе в преисподняя земли, где суть купно с ним и осужденныя,

44. Мамон беззаконный,

45. Сатана треокаянный,

46. Амодей похотливый,

47. Велияр превратный,

48. Верзаул, князь бесовский,

49. Бемер окрутный,

50. Левитан, начальник над всеми сыны гордыми, и вси дуси подземныя, которыя часто отверзают землю и творят быть ветром прежестоким, и причиняют за грехи наша многия пакости.

Обаче же, Богу попущающу, проклинаю и прогоняю:

51. Сисайка,

52. Вентирка,

53. Обдулка.

Проклинаю и прогоняю:

54. Вентилируску,

55. Дуйдуску,

56. Дойдунка.

Проклинаю и прогоняю:

57. Афикола,

58. Голифито,

59. Кор,

60. Корчала,

61. Тымусита,

62. Подра,

63. Артимана,

64. Елолима,

65. Амикрота,

66. Дивита,

67. Затайку,

68. Ливитута,

69. Ливакраса,

70. Ликраса,

71. Луфроса,

72. Пулла,

73. Галифита,

74. Сайча,

75. Ссора,

76. Чала,

77. Помалита,

78. Фовру,

79. Актимана,

80. Елофома,

81. Амихала,

82. Натолетку,

83. Ливотуса,

84. Ливокраса,

85. Хикраса,

86. Лифроса,

87. Меркулка,

88. Амодея лукаваго беса и всю силу сатанинскую прогнах и прогоняю, и проклинаю от сего раба Божия (имя), от дому его и от всего имения его, малаго и великаго. Боже всевышний, иже суть, разреши болезнь сердечную своим рабом (имя) и мне, рабу твоему больному, и разреши болезнь сию. Заклинаю вас, бесов, одевающимся светом, яко ризою, един, имеяй власть, един, имеяй безсмертие, и как я пред Богом и судом его всесильным в том когда ответ дать могу, что предъ2) их всей диявольской силы ни под каким видом их не иметь и ни от кого впредь не принимать, и об них разглагольствия проклятых бесов не чинить, и никаковых их писен себе в руки ни от кого не принимать, и ничему не учиться. Как суще мне, рабу Божию (имя), Господь Бог душевно и телесно да поможет.

В заключение же сей моей клятвы целую слова и крест Спасителя моего, яко тому подобает всяка слава, честь и поклонение Отцу и Сыну, и Святому Духу ныне и присно, и во веки веком. Аминь".

 

Молитва от болезней зубов

 

«Радуйся, стен и корения. Изми болезнь от челюстей и зубов раба Божия (имя), да не обрящутся во веки. Христе Боже, дай же ему, Господи, помощь и здравие, исцеление болящим зубом и главою челюстей рабу своему (имя). Святый Тихон, утиши, Господи, болезни и вся недуги зубные, молитвами Богородицы и всех святых ангел и архангел, и святых апостол, и мученик, и всех святых отец ради молитвами укроти недуги у раба Божия (имя), яко Ты еси сам Бог и Владыка всех. Христе Боже наш, и Тебе славу возсылаем Отцу и Сыну, и Святому Духу ныне и присно, и во веки веков. Аминь».

 

Молитва от грыжи избавлять

 

"Господи, Боже. Благослови, отче! Во имя Отца, и Сына, и Святаго Духа. Аминь. Есть море-окиян. И в том море-окияне есть белой камень Латырь, высота его сажен, долгота его 60 саже (имя) На том камени Латыри стоит хрустальной терем. И во том хрустальном терему стоит золот стул. На том золотом стуле седит красная девица, подпоясалась золотым поясом, подперлась золотым посохом. – «Государони ты, красная девица, дай ты мне, рабу Божию (имя), грыжных слов добрых. Грызет у раба Божия (имя) и вотчину золотная грыжа, лстова грыжа, пуповая грыжа, мокрая грыжа, костянная грыжа, белая грыжа, красная грыжа, родимая грыжа, привязанная грыжа, кила грыжа и изотеческая грыжа, сердечная грыжа, делная грыжа, подпуповная грыжа, поясовая грыжа, водянная грыжа, кровавая грыжа, пригнойная грыжа, суставная грыжа, нутрянная грыжа, верхняя грыжа, ручная грыжа, ножная грыжа. Грызет та грыжа ветха месяца и молода месяца, и в перекрои месяца; по утрянным зорям и по вечерним; по всякой день, по всякой час и по всякое время». – И зговорит красная девица: «Ой еси ты, Грыжа! пошла еси ты, Грыжа, от раба Божия (имя) в отчину щукою; и ты выйди из него (или из нея) и пади к белому каменю; буди тамо до скончания века. Доспей себе грыжа в камени гнездо крогло, а не грызи ты у меня, раба Божия (имя), вотчины, ни крови, ни тела, ни кости, ни мозгов. Грызи себе, злая Грыжа, у тридевяти рек головы, а не ешь ты, злая Грыжа, у раба Божия (имя) ни тела, ни крови, ни костей, ни мозгов. Грызи себе, злая Грыжа, у тридевяти головы, а не ешь ты, злая Грыжа, у раба Божия (имя) ни крови, ни тела, ни костей, ни мозгов. Грызи себе, злая Грыжа, у тридевяти древ головы, а не ешь ты, злая Грыжа, у меня, раба Божия (имя), ни крови, ни тела, ни костей, ни мозгов. Грызи себе, злая Грыжа, горькое древо осину, а не ешь ты, злая Грыжа, у раба Божия (имя) ни крови, ни тела, ни костей, ни мозгов отныне и до века, и до гробной доски; в день и в ночь, по всякой час. Спаси, пречистая Богородице, святый Господь, Козмо и Дамиян, – и предстаньте, государи, в помощь к сему нашему делу. Которое слово вырвано, то б было вставлено; которое слово напреди то б было назади; кое слово назади, то б было напереди. Чтоб не было больше мастера меня, раба Божия (имя); ко мне, рабу Божию (имя), от востоку и до западу, от юга и до севера, и мне, рабу Божию (имя) на здравие, души моей на спасение, болезни моей на исцеление, словам моим на прибыль – до умертвия тела моего, во веки веков. Аминь».

 

Молитва от сердоболи

 

«Боже великий, Господи, Исусе Христе, Сыне Божий, иже еси разрешил по твоему смотрению, иже суть были во гробех от всех век. Разреши, Господи, болезнь сию сердечную рабу своему (имя) всегда и ныне, и присно, и во веки веком. Аминь».

 

Молитвы от нечистых духов

 

«Боже вечный, избави нас от пленения дияволя, изми раба твоего (имя) от всякаго действа духов нечистых, – и им бесом отступити от души и тела от раба твоего (имя), и да не пребудут, ниже таятся в нем, или на него нападающи, но да отбежит именем твоим единороднаго ти Сына, Господа нашего, Исуса Христа, и животворящаго Креста, и Святаго твоего и животворящаго Духа от создания рук твоих, да очистится от всякаго диявольскаго действия, навета, преподобне и праведне, и благочестне поживет, сподобляем пречистых и животворящих таин, единороднаго ти Сына и Господа Бога нашего, Исуса Христа, с нимже благословен еси и препрославлен, с пресвятым и благим, и животворящим ти Духом, – всегда, ныне и присно, и во веки веком. Аминь».

 

* * *

 

«Да отбегнут и отступят от дому сего и от места сего и яже вхождении всяком путном и путешествии, в ядении и питии, от раба Божия (имя) – всякаго диявольскаго обстояния и чародеяния волшебная действа окровлением молитвы и воды сея окроплением исчезните вси диявольския силы во имя Отца и Сына, и Святаго Духа. Аминь».

 

Молитва заклинательная

 

"Заклинаю тя, гордыни и всякой злобы, лукавства же и отступства изобретателю и начальниче, диаволе, превеликим, предивным, страшным именем единаго, в Троице славимаго и поклоняемаго Отца и Сына, и Святаго Духа, небо и землю и вся, яже на них, видимая и невидимая, и тебе, добра и свята, от небытия сотворшаго и извергшаго тя и всех споспешников твоих злоб, нечистых духов, с небес, узами мрака связавши их. Убойся сего, осужденниче, и скоро изыди от создания сего!

Заклинаю тя, вселукавый враже человеческаго рода, древним змием, превеликим и страшным именем Господа нашего, Иисуса Христа, ему же всяко колено небесных и земных, и преисподних с трепетом покланяется. Убойся, проклятый низверженниче, изыди, устранися, отъиди от создания сего!

Заклинаю тя и запрещаю ти спасительным воплощением Господа нашего, Иисуса Христа, и преславным его от приснодевы Марии рождеством, имже ключи девы невредимы, целы сохрани. Убойся сего, истины сопротивниче, от создания сего!

Заклинаю тебе, всех злых искусителю, плотию осмодневною обрезавшимся Господем и четыредесятим днем с двою материю во Иерусалиме приведенным, и на обьятиях праведнаго Симеона возлегшим, и дванадесятолетняго возрастом сый возшедшим во Иерусалим, и посреде учителей сшедшим и разумом своим Божественным и ответы предивными всех послущих удививый. Убойся сего, отступниче мерзкий, скоро изыди.

Заклинаю тя, скверный демоне, Господем, во Иордане плотию крестившимся, и Духом Святым, во образе голубином сошедшим нань и гласом Отчим с небесе бывшим: «Ты еси сын мой возлюбленный, в Тебе благоволих!» Убойся сего, безстудный лестче, и отъиди, и ктому не возвратися!

Заклинаю тя, погибельный душе, четыредесять дней и четыредесять нощей постившимся и твое искушение, диаволе, победившим; рекъ: «не искусиши Господа Бога твоего!» Убойся сего, всякия лжи отче, и абие от создании сего устранися!

Заклинаю тя, диаволе, Богом воплощенным, на земли явившимся и с человеки пожившим, неизщетнаго благодеяния сотворшим и путь спасения мирови показавшим, и повеления спасительныя давшим, и бесы словом прогнавшим, и различные недуги исцелившим. Се, убойся сего, адский вселукавый смотче, вострепещи, устранися!

Заклинаю тебе, адский, всепагубный льве, прокаженныя очистившим, слепыя прозрети, немыя глаголати, глухия слышати, хромыя ходити, разслабленныя возстати сотворшим и мертвыя воскресившим. Убойся сего, исконный человекоубийца, диаволе, и скоро с трепетом бежи!

Заклинаю тя, прегордый лукавства рачителю, смирение нам показавшим в низложение твоея высокия гордыни умовением ног святым своим апостолом. Убойся сего, гордынею вознесыйся и до ада низвержением смиривыйся, и абие изыди и бежи!

Заклинаю тя, всякаго сороства и немилости исполненный мучителю, на тайной своей вечери преестественно существо хлеба в тело свое пречистое и существо вина в кровь свою пречистую претворившим и верным своим в снедь и питие в оставление грехов подавшим и сие творити в свое воспоминание повелевшим. Убойся Того, всех ересей изобретателю и нечестия всякаго кореню, диаволе, к ничтоже умедли, но абие изыди, устранися!

Заклинаю тя, всех грехов и погибели источниче, безкровною, страшною, животворящею жертвою тела и крове Господа нашего Иисуса Христа, еюже вернии спасаются, ты же и погибельная твой сила испражняется. Убойся сего, непокаятельная злоба, мерзкий нечистый душе, и бежи от создания сего!

Заклинаю тя, зависти глубина преестественная, в вертограде молитвою Господнею и каплями крове, яко пот от пречистаго тела его на землю капнувшими. Убойся сих, доброненавистниче и погибели сыне, и скоро изыди!

Заклинаю тя, прелести всякия источниче, изволившим связан, биен и веден к Анне и Каиафе, заушен же и оплеван, и люто мучим в нощь быти, и Пилату представшим, и от него много истязанным мучимый, и у столпа нагопривязанным, и битым, и в хламиду на ругание облеченным, венцем терновым обложенным, тростию по главе биенным, от Ирода укоренным и поруганным, и на смерть от Пилата осужденным. Убойся сего, древняя злоба, всякия муки достойный, и его лютых болезней, и страшных, вам же спасенных мук, имиже твою немощную силу сокруши, и с трепетом в бегство претворися!

Заклинаю тя, с небесе спадшаго, Деннице, на смерть ведомым Господем и крест свой понесшим, и многая уничижения, и раны тогда от верующих его спасения нашего погибели же тогда от верующих его ради претерпевших!

Заклинаю тя, безстудный оболгатель и клеветниче, наго на кресте посреде двою разбойнику пригвожденным, оцтом и желчию напоенным и лютыми и неизглаголанными болезнми Его, яже лютыми на кресте нашего ради спасения, осуждения же твоего, диаволе, претерпе; и святыми Его пречистыя крове нещадными излиянии. Убойся сих, Божий враже и лжи, и лукавства источниче, ужаснися и абие изыди!

Заклинаю тя, безстудный оболгателю и клеветниче, седмию словес Господних на кресте на спасение наше, на твою вечную погибель изреченными, и животворною его смертию, еюже мы ожихом, ты же умерщвлен еси. Убойся сего, всякия благости вечно осужденниче, возстени и скоро исчезни от создания сего!

Заклинаю тя, всякия правды противниче, Тем, егоже солнце на кресте висяща, видевши, померче и земля вострепета, и завеса церковная раздрася, и его же силою камение распадошася и гробы отверзошася, и телеса усопших святых восташа и, по воскресении Его, внидоша во святый град, Иерусалим, и явишася многим. Убойся сего, суровый мучителю и лукавства бездно, и скоро изыди, устранися от создания сего.

Заклинаю тя, развратниче вселукавый, прободением пречистаго ребра Господня, из негоже истече кровь и вода в наше спасение и обновление, в твое же конечное сотрение и силы твоея сокрушение. Убойся силы сего огня вечнаго вещество и скоро устранися!

Заклинаю тя, безчиния всякаго и раздорства изобретателю, Боготелесным Господа нашего, Иисуса Христа, погребением и всесильным Его во ад с душею и Божеством сошествием, иже тамо силою своею Божественною тебе, во злобе сильнаго злоначальника, связа и силы твоя, твоея злобы, изпраздни, и души праведных, тамо связанных плени, и с Собою, яко силен в крепости, возведе. Убойся сего, вечнаго Божия гнева наследниче, и скоро от создания сего отъиди!

Заклинаю тя, крамольниче наветливый, смертию смерть поправшим и твою мучительскую державу разрушившим, преславно же из мертвых силою своего Божества самовластно воскресшим, Господем нашим, Иисус Христом. Убойся крепкаго победоносца, Божий сопротивниче и погибельный сосуде, и стрепетно вскочи, устранися!

Заклинаю тя, клятвы осуждения наследниче, по воскресении своем апостолом своим преславно плотию явившимся и мир свой тем, и власть свою на прогнание тебе давшим, и с ними рыбы печеной и от пчел сот ядшим, и Фому прикосновением своих ребр пречистых, ручных же и ножных язв уверившим и четыредесять дней на земли пребывшим. Убойся сего, вечныя муки повинниче, скоро изыди и далече отскочи от создания сего!

Заклинаю тя, мерзкий и всякия нечистоты исполненный душе, плотию вознесшимся на небеса Господем нашим Иисус Христом, со славою одесную отца седящим и, скончавшимся днем Пятьдесятницы, по своему неложному обещанию Духа Святаго, от Отца исходящаго, на своя апостолы во огненных языцех ниспославшим, и тем благоразумием тем же весь мир просветившим, и от идолослужения к себе обратившим, тебе же и твою лесть испразднившим. Убойся, всякой злобы неистощимая пучино, вострепещи, убойся, отбежи!

Заклинаю тя, напрасный, свирепый и напущенный душе, паки со славою многою на облацех грядущим судити живых и мертвых великим Богом и Спасителем нашим, Иисус Христом, тебе же и всю споспешную, злобную силу вечному огню в нескончаемую муку предати хотящим. Убойся сего, дух хищный, зверю, огня же геенскаго и муки вечныя виновниче! Изыди, что медлиши? небесныя брани побежденный начальниче! Отступи, Божий отступниче! Устранися, Богом побежденный хульниче! Бежи, Христом испражненный и попранный, враждоначальниче!

Бог, сильный в крепости и крепкий в силе, страшный в бранех и дивный в чудесех, – Той тебе, милости недостойному, всякия неправды исполненному и светоносия лишенному прелестнику, крепко и грозно мною, рабом своим (имя) повелевает отъити от создания сего в пустая и безводная места, идеже ниже человек, ниже зверь обитает, и ктому во веки не возвратитися к нему, яко сила и держава, царство, слава Христа Бога нашего с безначальным его Отцем и пресвятым, и благим, и животворящим его Духом ныне и присно, и во веки веков. Аминь".

 

Утренняя молитва

 

"Ангелю мой,

Сохранителю мой,

Сохрани душу мою,

Скрепи сердце моё.

Врагъ-сатана,

Отступись от меня —

Есть у меня

Почище тебя,

Да получше тебя:

Марко да Лука,

Третей Никита, святого мученик,

За меня муку терпит,

За меня Христа молитъ;

Есть Иванъ-богослов,

Друг Христов.

Поперед меня крест,

Назади меня крест,

Я крестом крестилась (лся),

«Богородицей» оградилась.

Господи, благослови.

Аминь".

 

Молитва Антипе чудотворцу

 

«О, великий священномучениче Антипо, помилуй мя, грешнаго раба своего (имя), от такой великой и тяжкой болезни зубовной, тебе бо дана от Бога таковая благодать – целити болезнь зубную. О, великий священномучениче Антипо, помилуй мя, грешнаго смиреннаго раба своего (имя); виждь мою скорбь и воздыхание и преложи мою печаль».

 

Молитва за усопших

 

«Упокой, Господи, в великом житие сем, яко человек согреши, яко человеки Бог простит и помилует их, вечныя муки избавит и причастия ученикам нашим болезням сотвори. Избавь, Господи, от вечныя муки раб и рабынь, и родительския души безгрешныя и безвременныя. Отведи меня, Господи, от муки от вечныя, от огня от горючаго, от смолы от кипучия, от червей от ядучиих, от морозов трескучиих, раба Б<