Молитвы от двенадцати трясавиц и лихорадок

«За молитв святых отец наших, Господи Иисусе Христе, сыне Божие, помилуй нас, аминь. Тресвятое и по Отче наш. Господи помнлуй, 12. Слава и ныне. Приидите поклонимся Цареви нашему Богу, поклонимся. Приидите поклонимся Христу нашему, поклон. Приидите поклонимся и припадем к самому Иисусу Христу (имя), поклон».

* * *

"Во имя Отца и Сына и святого Духа аминь. Заклинаю вас окаянных трясавиц и дияволиц Богом Вседержителем и Господом нашим Иисусом Христом и святым именем Его и святым архангелом Михаилом и ангелом Сихаилом и четырьми евангелистами Матфеем, Марком, Лукою и Иоанном и святым отцем Сисинием, и положи крест в воду недержанную и погружай крест трижды с молитвою воскресною: и давай пить болящему воду сию по многия утра на тоще сердце, проглаголывай сию молитву над водою тако:

Ты еси трясея окаянная, отъиди,

Ты еси гнетея окаянная, отъиди,

Ты еси злобея окаянная, отъиди,

Ты еси гладея окаянная, отъиди,

Ты еси глущея окаянная, отъиди.

Ты еси ломея окаянная, отъиди,

Ты еси пухлея окаянная, отъиди,

Ты еси желтея окаянная, отъиди,

Ты еси неядея окаянная, отъиди,

Ты еси корчея окаянная отъиди,

Ты еси хрипущея окаянная, отъиди,

Ты еси плясея окаянная, отъиди.

Заклинаю вас окаянных святым Богом Саваофом и возлюбленным его сыном, Господом нашим Иисусом Христом и всесвятым и благим и животворящим его Духом, и всеми небесными его силами, и святым архангелом Михаилом, и ангелом Сихаилом, и четырьми Евангелистами и святого отцем Сисинием, побежите вы окаянныя трясавицы и дияволицы от раба Божий (имя) за 30 поприщъ; аще не побежите, то приведу на вас окаянных святого архангела Михаила и ангела Сихаиза и четырех евангелистов, и начнут вас бити и мучити железными прутьями, дадут вам по 3 и 300 ран на день и прогонять вас и отженут окаянных трясавиц и дияволиц от раба Божия им. в землю мрачную, темную, непроходную и безводную, в землю кипящую и горящую огнем и жупелом, навфою и смолою, на нейже человек не обитает, а Бог един презирает, и заключат вас тамо в безконечныя веки, веком, аминь".

* * *

Во святую и великую пятницу, егда распяша жидове Господа нашего Иисусу Христа, он же на кресте висяще и дрожаше, а жидове у креста Господня стояще и мучаху Господа рекоща Иисусу: «что дрожиши». Иисус же рече им: – дрожу ради великия немощи, студеныя трясавицы. – Иисус же Христос моляся ко Отцу своему глаголя: – Отче, молю тя о всех людях страсть мою поминающих и сею болезнию страждущих, избави их от тоя́, и сию мою молитву кто при себе носяще от всех трясавиц, да будет больным Иисус исцеление, грешным спасение, немощным избавление, и посем Иисус рече: – заклинаю вас окаянных трясавиц отцем моим святым Богом Саваофом и всем воинством ангел божиих, еще вас всех сестер дневних и нудящих раба Божьего имяр. и неимете никакия власти и не вредите его ничем; заклинаю вас окаянных трясавиц и дияволиц именем отца моего Господа Саваофа, отъидите вы окаянии от раба божия (имя), и побежите дияволицы, заклинаю вас святым отцем Сисинием и святого архангелом Михаилом и ангелом Сихаилом и четырми евангелистами Матфеем, Марком, Лукою, Иоанном Богословом и егда на одре лежаще святый апостол Петр пред враты Галилейскими и той боля трясавицею студеною, и прииде к нему Иисус Христос, рече же Петру: о чем лежиши? Петр же отвеща ему: «Господи, болен есмь трясавицею студеною». Рече ему Иисусъ: – возстани, Петре, от трясавицы: – и воста Петр и помолись Господу Богу: «Господи Иисусе Христе, Боже мой, молю тя, даждь всем людям твоим такое же избавление от трясавиц молящихся святому отцу твоему». Да аще кто сию молитву при себе носит или почасту прочитывать будет и востая рано и на тощее сердце пити будет освященную воду, той воистину от всех трясавиц избавлен будет вовеки веков, аминь".

* * *

«В мире идущу святому отцу Сисинею и виде на горе синайстей столп огненный от земли и донебеси, и с того столпа изыдоша 12 дев простоволосых окаянных, и святого отец Сисиней вопроси их: – кто вы есте за жены окаяныя волницы? – они же рекоша ему: „мы есть трясавицы, Ирода царя дочери“ и глаголюще им св отец Сисиней: – вам окаянным волницам дня не велено выходить из моря и почто вы сами вышли без веления Божия – рекоша же они окаянии: „мы пришли в мир мучити род человеческий, аще кто в вас упивается вином или кто заутреню просыпает и Богу не молится часто со усердием, и праздника Божии не чтит, и блуд творит, не чист востает, и рано пьет, той нам есть угодник, того мы и мучим. Помолись святого отец Сисиней Господу Богу своему, дабы избавил от скорбей сей род християнский, от акаянных трясавиц и дияволиц. Иисус Христос призва святаго архангела Михаила и ангела Сихаила и четырех евангелистовъ: Матфея, Марка, Луку, Иоанна, повеле им бити их окаянных трясавиц и мучити железными прутьями, и даша им по 3 и 300 ран на день; окаяния же начаша молитися архангелу Михаилу и ангелу Сихаилу и 4-мя евангелистам святого Матфею, М., Л., И. вопиюще тако: Помилуйте ны рабы Христовы, оставите ны тако мучити, ибо мы побежим от сюду, от р. Божия (имя) бежим в землю пусту непроходную и безводную, на ней же человек не обитает, а Бог един призирает и не возвратимся семо, и аще который человек в болезни сей имена ваши помянет и вас на помощь призовет и мы от того человека бежим и невозвратимся паки; и вопроси святый отец Сисиней: како есть вам окаянным имена? И рече ему 1-я: мне имя трясея, 2-я рече: мне имя гнетея, 3-я рече: мне имя злобея, 4: мне имя гладея, 5 рече: мне глущея, 6 рече: мне имя ломея, 7 рече: мне имя пухлея, 8 рече: мне у имя желтея, 9 рече: мне имя неядея, 10 рече: мне имя корчея, 11 рече: мне имя хрипущея, 12 рече: плясея, сестра их старейшая, коего человека поймаю, той жив небудет, аще ли тогда прилучится православный или священник, да чтет молитвы вышеписанныя над главою болящаго и потом налей в сосуд воды недержаной, и погружай свойкресть, его же носиши на персех, трижды, с молитвою воскресною, и давай пить болящему воду сию по многия утра и на тощее сердце Во имя Отца и Сына и святого Духа. Аминь“.

Молитва на всякую немощь

«Владыко Вседержителю, врачу душ и телес, смиряяй и возносяяй, наказуяй и паки исцеляяй, исцели раба твоего (имя), немощьствуща, посети милостию твоею, простри мышцу твою исполнену исцеления и врачбы, исцели его, возставляя его от одра немоши, запрети духу немощи, отстави от него всяку язю, всяку рану, всяку огневицу и трясавицу, аще в нем есть согрешение или беззаконие, ослаби, остави, прости твоего раба ради твоего человеколюбия. Ей Господи, пощади создание твое, во Христе Иисусе Господе нашем, с ним благословен еси с пресвятым и благим и животворящим твоим Духом и ныне, и присно, и вовеки, веков, аминь».