Правило внегда случится кому искуситися во сне

ОТ ОСКВЕРНЕНИЯ, ПО ДЕЙСТВУ ДИЯВОЛЮ

 

Встав от ложа, творит приходное начало

Глаголет же правило сие со умилением и сокрушением сердца, яко осуженик; потреба же тогда и слезам быти.

З а молитв святых отец наших, Господи, Исусе Христе, Сыне Божии, помилуй мя грешнаго, аминь.

Перекрестись и говори:

С ла́ва Тебе́, Бо́же наш, сла́ва Тебе́ вся́ческих ра́ди (трижды).

Б о́же, очи́сти мя гре́шнаго, я́ко николи́же бла́го сотвори́х пред Тобо́ю (поклон), но изба́ви мя от лука́ваго, и да бу́дет во мне во́ля Твоя́ (поклон), да неосужде́нно отве́рзу уста́ моя́ недосто́йная и восхвалю́ и́мя Твое́ свято́е: Отца́ и Сы́на и Свята́го Ду́ха, ны́не и при́сно и во́ веки веко́м, ами́нь (поклон).

Перекрестись и читай:

Ц арю́ небе́сныи, Уте́шителю, Ду́ше и́стинныи, Иже везде́ сы́и и вся исполня́я, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, душа́ на́ша.

С вяты́и Бо́же,Святы́и Кре́пкии, Святы́и Безсме́ртныи, поми́луй нас. (трижды).

С ла́ва Отцу́ и Сы́ну и Свято́му Ду́ху, и ны́не и при́сно и во́ веки веко́м, ами́нь.

П ресвята́я Тро́ице, поми́луй нас. Го́споди, очи́сти грехи́ на́ша. Влады́ко, прости́ беззако́ния на́ша. Святы́и, посети́ и исцели́ не́мощи на́ша. Имене Твоего́ ра́ди.

Г о́споди, поми́луй (трижды).

С ла́ва Отцу́ и Сы́ну и Свято́му Ду́ху, и ны́не и при́сно и во́ веки веко́м, ами́нь.

О́ тче на́ш, Иже еси́ на́ небесех. Да святи́тся и́мя Твое́. Да прии́дет царствие Твое́. Да бу́дет во́ля Твоя́, я́ко на́ небеси и на земли́. Хлеб наш насу́щныи даждь нам днесь. И оста́ви нам до́лги на́ша, я́коже и мы оставля́ем должнико́м на́шим. И не введи́ нас во искуше́ние, но изба́ви нас от лука́ваго.

Г о́споди Ису́се Христе́, Сы́не Бо́жии, поми́луй нас. Ами́нь.

Г о́споди поми́луй (12 раз).

О т сна́ воста́в, благодарю́ Тя, Всесвята́я Тро́ице, я́ко мно́гия ра́ди бла́гости и долготерпе́ния, не прогне́вася на мя гре́шнаго и лени́ваго раба Твоего́, и не погуби́л еси́ мене́ со беззако́нии мои́ми, но человеколю́бствова. И в неча́янии лежа́ща воздви́же мя у́треневати и славосло́вити держа́ву Твою́ непобеди́мую. И ны́не, Влады́ко, Бо́же Пресвяты́и, просвети́ о́чи се́рдца моего́ и отве́рзи ми устне́ поуча́тися словесе́м Твои́м, и разуме́ти за́поведи Твоя́, и твори́ти во́лю Твою́, и пе́ти Тя во испове́дании серде́чнем. Воспева́ти же и сла́вити пречестно́е и великоле́пое и́мя Твое́, Отца́ и Сы́на и Свята́го Ду́ха, ны́не и при́сно и во́ веки веко́м, ами́нь.

Далее читай:

П рииди́те, поклони́мся Царе́ви на́шему Бо́гу (поклон). Прииди́те, поклони́мся Христу́, Царе́ви и Бо́гу на́шему (поклон). Прииди́те, поклони́мся и припаде́м к Самому́ Го́споду Ису́су Христу́, Царе́ви и Бо́гу на́шему (поклон).

Затем псалом 50 (покаянный).

П оми́луй мя, Бо́же, по вели́цей ми́лости Твое́й. И по мно́жеству щедро́т Твои́х очи́сти беззако́ние мое́. Наипа́че омы́и мя от беззако́ния моего́ и от греха́ моего́ очи́сти мя. Яко беззако́ние мое́ аз зна́ю и грех мой предо мно́ю есть вы́ну. Тебе́ еди́ному согреши́х и лука́вое пред Тобо́ю сотвори́х. Яко да оправди́шися в словесе́х Свои́х и победи́ши внегда́ суди́ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся. Омы́еши мя, и па́че сне́га убелю́ся. Cлу́xy моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́рзи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Tвоего́ и Ду́хом Влады́чным утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от кро́вий, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Яко а́ще бы восхоте́л же́ртвы, дал бых у́бо; всесожже́ния не благоволи́ши. Же́ртва Бо́гу - дух сокруше́н: се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на; и да сози́ждутся сте́ны Иеросали́мския. Тогда́ благоволи́ши же́ртву пра́вды, возноше́ние и всесожига́емая. Тогда́ возложа́т на олта́рь Твой тельца́.

Таже, тропари сия, глас 7-й.

Пастырю добрыи, Иже душу Свою положивыи о нас, сведыи сокровенная, содеянная мною, едине Блаже, упаси мя разумом заблуждьшаго, и исхити мя от волка, Агньче Божии, и помилуй мя.

Отягчен сыи сном уныния, и мечтаюся прелестию греховною. Но даруй ми утро покаяния, просвещая очи мысли моея, Христе Боже, Просвещение души моея, и спаси мя.

Мглою греховною, и сластьми житейскими, сплетаем ум окаянныя души моея, страсти различныя ходатайствует; и помысл умиления не имам. Но ущедри Спасе смирение мое, и даждь помысл умиления, да и аз спасаемь, прежде конца воззову благоутробию Твоему: Господи Христе, Спасе мой, отчаяннаго спаси мя и недостойнаго.

Яко впадыи в разбойники и уязвен, тако и аз впадох от многих грехов, и уязвена ми есть душа. К кому прибегну повинныи аз? Токмо к Тебе, милосердому душам Врачю. Излей на мя Боже, великую Твою милость.

Слава. Яко блудныи сын приидох аз, Щедре. Приими мя Отче, возвращающася, яко единаго от наемник Твоих Боже, и помилуй мя.

И ныне. Избави Богородице, от одержащих нас грехов, яко иного упования вернии не имамы, разве Тебе, и от Тебе рождьшагося Господа.

Таже, Господи помилуй (40 раз).

И поклонов 50 (земных, с молитвою: Боже, очисти мя грешнаго и помилуй мя).

Аще ли есть суббота, или неделя, или великий праздник, в них же днех несть пкkонов, да глаголет сие, 100: Без числа согреших Господи, прости мя за имя Твое святое (поклоны поясные).

Таже, глаголи молитвы сия со умилением сердца, тихо и разумно.