Священномученицы Петре, Александре и Петре,

молите Бога о нас!

ВЕЛИЧАНИЕ

    Величаем вас, священномученицы Петре, Александре и Петре,

и чтим честная страдания ваша, яже за Христа претерпели есте.

 

 

МОЛИТВА

    О, святии священномученицы Петре, Александре и Петре,

земли Челябинския и веси Каслинския отрадо и утешение!

    Умолите Христа Бога нашего даровати нам здравие духовное,

душевное и телесное, долгоденственное и мирное житие, душ наших спасение и во всем благое поспешение!   

    Вы убо подвигом своим и мощьми своими нетленными,

в веси Каслинския до времени под спудом сокрытыми, даруйте нам

чрез них освящение и преображение душ и телес наших,

да сподобимся вкупе с вами и со всеми святыми в бесконечнем веце славити и воспевати Пречестное и Великолепое 

Имя Господне, Отца, и Сына, и Святаго Духа, ныне и присно,

и во веки веков. Аминь.

*(Общая их память 12 октября / 29 сентября (в день принесения  их иконы в храм Вознесения Господня города Касли

В 2013 году).

МОЛИТВОСЛОВИЯ

СВЯЩЕННОМУЧЕНИКУ ПАВЛУ (СОКОЛОВУ),

ПРЕСВИТЕРУ НЯЗЕПЕТРОВСКОМУ И КУНГУРСКОМУ

ТРОПАРЬ, ГЛАС № 3:

    Нязепетровска и   Кунгура светило пресветлое, / ангелов велие ликование, / паствы своея пастырю предивне и попечителю о душах наших неленостне, / священномучениче отче наш Павле, //

моли Христа Бога спастися душам нашим.

 

 

КОНДАК, ГЛАС № 5:

    Светильниче земли Челябинския и Пермския, / Нязепетровска

и Кунгура пресветлая красото, / дивный предстателю наш пред

Господем Славы, / священномучениче отче наш Павле, //

моли Христа Жизнодавца да спасет души наша.

 

 

ИКОС, ГЛАС № 8:

    Пред образом апостолов Петра и Павла в веси Нязепетровстей

проповеди Евангелия навыкнул еси, / пред образом Владычицы Тихвинския во граде Кунгуре благословение свыше на венец мученичества приял еси. / Такожде, священномучениче отче наш Павле, // моли Христа Бога да спасет души наша.

 

 

СТИХИРА, ГЛАС № 1

(КОЛЕНОПРЕКЛОНЕННАЯ):

    Владычицы Богородицы любимиче изрядне, / апостолов

Петра и Павла единокровне сопрестольниче, / Нязепетровска

и Кунгура преславне в Бозе Истиннем украшение, /

священномучениче отче наш  Павле, // моли Христа Бога

подати нам мирови мир и душам нашим велию милость.

 

 

ПРИПЕВ НА МОЛЕБНЕ:

Священномучениче отче наш Павле,

моли Бога о нас!

ВЕЛИЧАНИЕ

    Величаем тя, священномучениче отче наш Павле,

и чтим честная страдания твоя, яже за Христа претерпел еси.

 

МОЛИТВА

    О, святый священномучениче отче наш Павле, Нязепетровска

и Кунгура славо и похвало, молитвенниче усердне о душах наших!

    Приими сие малое моление нас, грешных и недостойных

чад Божиих, тебе со умилением сердец и душ наших пред образом твоим тебе приносимое!

    Умоли Христа Бога даровати нам здравие духовное, душевное и телесное, душ наших спасение, во всем благое поспешение,

избави нас от ловитвы бесовския, сохрани нас от паралича душ и телес наших, сотвори нас быти невредимы от козней вражиих

и   отыми от нас жестокосердие, тщеславие, гортанобесие,

прелюбодеяния сети разори, упраздни в нас немилосердие

и окамененное нечувствие с самоугождением.

    О, святый священномучениче отче наш Павле! Буди нам врач

душам и телесем нашим, заступницем буди сирым, вдовицам, убогим и всем чающим твоего о нас пред Господем заступления,

да сподобимся вкупе с тобою и со всеми святыми непрестанне

славити и воспевати Пречестное и Великолепое Имя Господне,

Отца, и Сына, и Святаго Духа, ныне и присно,

и во веки веков. Аминь.

 

* (Память священномученика Павла (Соколова) - 20 / 7 июня).

МОЛИТВОСЛОВИЯ

СВЯЩЕННОМУЧЕНИКУ