Ирмос: В пещи авраамстии отроцы персидстей,/ любовию благочестия паче,/ нежели пламенем, опаляеми, взываху:/ благословен еси в храме славы Твоея, Господи.

Священномучениче Иоанне, моли Бога о нас

Иерархов Тихона и Рафаила и с ними же священномучеников Александра и Алексия, Север Америки просветивших, прославим, с ними ныне и ты, священномучениче Иоанне, предстоиши у престола Царя Славы, веру Христову Православную в Новом Свете утвердивый.

Священномучениче Иоанне, моли Бога о нас.

Духовное достояние твое, Отче Иоанне, в Земли Новей тобою собранное, молится тебе в Церкви Святей, подвигом и жертвою святых ея утверждаяся.

Священномучениче Иоанне, моли Бога о нас

Якорь истины и чистоты Православныя веры пастве своей подал еси, славне, спасая их от бури богопротивных мечтаний.

Священномучениче Иоанне, моли Бога о нас

Храм святый во имя Отца и Сына и Святого Духа, Троицы Святыя, в Чикаго со святителем Тихоном воздвигнувый, тобою хвалится земля Американская,прославляет тя и земля Русская и Эстонская яко истинного пастыря и апостола Христова.

Богородичен: Яже паче ума и естества Бога рождши, Неискусомужная Марие,/ чтущия Тя от враг видимых и невидимых избави,/ Ты бо еси земли отцев наших Держава необоримая.

Песнь 8

Ирмос: Руце распростер, Даниил/ львов зияния в рове затче;/ огненную же силу угасиша,/ добродетелию препоясавшеся,/ благочестия рачители отроцы, взывающе:/ благословите, вся дела Господня, Господа.

Священномучениче Иоанне, моли Бога о нас

Воздвигнув, яко Соломон, дом молитвы Господу нашему,священномучениче Иоанне, Богу взывал еси, благословите вся дела Господня Господа.

Священномучениче Иоанне Царскосельский и Чикагский, моли Бога о нас

От юности твоея Богу последовал еси, священномучениче Иоанне, орудием правды Божией был еси, образ Божий в себе показав, непрестанно Господу воспевал еси, благословите вся дела Господня Господа

Благословим Отца и Сына и Святаго Духа.

Отцу,и Сыну, и Духу Святому, Богу Единому, в триех лицах познаваемому, Троице послужив, священномучениче Иоанне, истинного Бога проповедал еси,за Негоже и смерть приял еси. Мы же с тобою вопием, благословите вся дела Господня Господа.

Богородичен: Христа зрящи умерщвляема, Многопетая Владычице,/ и, видящи исполнение Симеонова проречения, слезящи взываше:/ Боже благословен еси.

Песнь 9

Ирмос: Камень нерукосечный/ от Несекомыя Горы, Тебе, Дево,/ краеугольный отсечеся,/ Христос, совокупивый разстоящаяся естества./ Тем, веселящеся, Тя, Богородице, величаем.

Священномучениче Иоанне, моли Бога о нас.

К божественней преложился еси ныне радости, к райстей широте пространней, к мысленным и премирным обителем, идеже мучеников чинове, идеже есть глас чист празднующих, Иоанне добропобедне, темже тя вси величаем.

Священномучениче Иоанне, моли Бога о нас

Поюще песнь хвалебную с лики Ангельскими, священномучениче Иоанне, испроси и нам грешным немолчными усты и чистым сердцем с ними Христа славити.

Священномучениче Иоанне, моли Бога о нас

Отпадшия от веры Православныя и спасительныя, на путь истинны наставляяй и суетная шатания языков лживых истребляяй, священномучениче Иоанне, сохрани паству твою от ересей, раскола и нестроений.

Священномучениче Иоанне, моли Бога о нас

Путь всея земли скончав отче Иоанне, Небесного Иерусалима достигл еси, ныне, прославляют тя земныя грады, Село Царское, Нарва и град Чикаго, в нихже семя жизни вечныя насадися.

Богородичен: Иконами твоими, Пречистая, благословление на землю нашу низпослано бысть, о Пресвятая Богородице Дево! Благодарственно вопием ти, сохрани нас невещественным Покровом твоим.

 

Славословие великое

На хвалитех стихиры, глас

Ныне Чикаго град Нарва и Царское село,/ радуются, яко священномученик Иоанн,/ венцем мученическим венчается/ от Царя славы Христа Бога нашего./ Ему же даже до крови и смерти послужив,/ моли Христа Бога, земли нашей и Отечеству твоему спастися.

Верный делатель винограда Христова был еси,/ священномучениче Иоанне,/ кровию своею, яко водою напоил еси землю сию./ Ныне же, напояеши виноградник сей, молитвами твоими.

О священномучениче Иоанне,/ кому уподобился еси?/ Авелю, яко незлобив был еси;/ Аврааму, яко Господу последовав Отечество свое оставил еси;/ Соломону, яко воздвигл еси храм Господень;/ Моисею, яко провел еси паству свою сквозе пустыню страстей;/ Ною, яко сохранил народ свой от потопа греха;/ Мироносицам, яко не отреклся от Христа;/ первомученику Стефану, яко немолчно славил еси Христа Бога!/ Священномучениче Иоанне, молися о всех, празднующих святую память твою.

О, священномучениче Иоанне!/ свещниче Христов, просветивый всех; /река, напоившая нас верой и доброделанием;/ Агнче Божий, безвинно на заколение ведомый;/ каменю краеугольне, веры Христовой;/ проповедниче и учителю истины Божией;/ пастырю добрый, за паству даже до смерти пострадавый!/ Моли Христа спастися душам нашим.

Пеньми и песньми духовными прославляем тя, священномучениче Иоанне,/ столпе крепкий и учителю веры христовой/ в странах Америки явился еси,/ жизнь свою за люди во Отечестве твоем положивый, и венец мученический приемый,/ молися о нас, духовных чадах своих.

Слава:

Ликуй ныне мученическое воинство, блаженнаго проповедника и священномученика Иоанна Царскосельского и Чикагского восхвалим, предстоит бо ныне пред Престолом славы Божия. Молися за ны, Христу Бессмертному Царю, о оставлении прегрешений наших, испроси у Него нам велию милость.

И ныне и присно….

О, Мати Божия, Господа нашего Иисуса Христа, Мучеников похвало и преподобных радование. Молимся Тебе, со священномучеником Иоанном, о спасении душ наших.

 

НА ЛИТУРГИИ

Блаженны от канона, песни 3-я и 6-я. Прокимен, глас 7: Честна пред Господем/ смерть преподобных Его. Стих: Что воздам Господеви о всех, яже воздаде ми. Апостол к Римляном, зачало 99 (гл. 8:28-39). Аллилуйя, глас 6: Священницы Твои облекутся в правду, и преподобнии Твои возрадуются. Стих: Бог нам Прибежище и Сила, Помощник в скорбех, обретших ны зело. Евангелие от Луки, зачало 106 (гл. 21:12-19). Причастен: В память вечную будет праведник:

МОЛИТВА

О, избранниче и угодниче Христов, священномучениче Иоанне Царскосельский, Нарвский и Чикагский! Церкве Русския столпе непоколебимый, земли нашея благое прозябение и красный плод, сродников твоих предстателю и наставниче! Ты во время гонения безбожнаго от сокровищницы души твоея спасительное исповедание Православныя веры изнесл еси, и людем верным пастырь добрый явился еси, душу твою за Христа и Его овцы полагая и лютыя волки далече отгоняя. Ныне убо, призри на нас, недостойных чад твоих, умиленною душею и сокрушенным сердцем тя призывающих. Умоли Господа Бога, да простит согрешения наша и избавит от адовых уз и вечнаго мучения. Утверди нас в Вере Святой, научи нас всегда творити волю Божию и хранити заповеди Божия и предания церковныя. Буди пастырем нашим - правило веры, воином - вождь духовный, болящим - врач изрядный, печальным - утешитель, гонимым - заступник, юным - наставник, всем же - благосердый отец и теплый молитвенник, яко да молитвами твоими соблюдется в Православии Святая Русь и непрестанно славится в ней Имя Пресвятыя Троицы, Отца, и Сына, и Святаго Духа во веки веков. Аминь.