Священномучениче Иоанне , моли Бога о нас. — КиберПедия 

Таксономические единицы (категории) растений: Каждая система классификации состоит из определённых соподчиненных друг другу...

Наброски и зарисовки растений, плодов, цветов: Освоить конструктивное построение структуры дерева через зарисовки отдельных деревьев, группы деревьев...

Священномучениче Иоанне , моли Бога о нас.

2017-07-31 255
Священномучениче Иоанне , моли Бога о нас. 0.00 из 5.00 0 оценок
Заказать работу

Шествуя путем Господним к предуготованному страданию твоему, /пределы Эстонския оставив, во Отечество твое Господь тя возврати./ Царскосельским пастырем тя постави, верного служителя Своего.

Богородичен: Тя Предстательницу, Пречистая Дево, молим:/ преложи нашу печаль на радость и скорби належащия избави, Заступнице Усердная наша.

Богородичен: Стена необоримая и Покров всемощный Российстем новомучеником явилася еси, Пресвятая Дево,/ темже Тя величаем.

Песнь 5

Ирмос: Ты, Господи, мой Свет,/ в мир пришел еси,/ Свет Святый, обращаяй из мрачна неведения/ верою воспевающия Тя.

Припев: священномучениче Иоанне, моли Бога о нас.

Во Отечестве своем веру Христову поругаему обрел еси отче Иоанне, ты молился еси о людех твоих погибающих, верный делатель вертограда Христова: «призри с небесе, Боже, и виждь, и посети виноград сей, и утверди и, егоже насади десница Твоя и прослави, славою Твоею».

Священномучениче Иоанне, моли Бога о нас.

Веру свою не токмо бдением и постом показавый, но желающи мира, заповедь Христову, Блажении Миротворцы, яко тии Бога узрят, даже до смерти мученическия исполнил еси, поношения и смерть приял еси, за многосрадальныя чада страны твоея. Ныне в блаженстве зриши Господа твоего.

Припев: священномучениче Иоанне, моли Бога о нас.

Первый в чине пресвитерстем посреде новомучеников ты явился еси, отче Иоанне, во Америце прежде престолу Божию предстоявый, яко лютых безбожников в Царском Селе обличителя. Темже, яко дивнаго в славе и мужестве пред мучители, венча тя Господь венцем мученическим.

Священномучениче Иоанне, моли Бога о нас.

Пророку Захарии уподобился еси, отче Иоанне, ибо из рода священнического произшел еси, усердно и смиренно Воле Божией повинуяся, подобно пророку смерти предан был еси иерейское служение исполняя.

Богородичен: Иже от Девы неизреченно рождейся, Господи,/ сохрани молитвами Ея Церковь Твою,/ православно поющую Тя.

Песнь 6

Ирмос: Пожру Ти со гласом хваления, Господи,/ Церковь вопиет Ти,/ от бесовския крове очищшися/ ради милости от ребр Твоих/ истекшею Кровию.

Священномучениче Иоанне, моли Бога о нас

Слово Господне в сердце своем носив, блаженни миротворцы, яко тии сынове Божии нарекутся, проповедая Евангелие правды, о гонимых пред гонители предстательствуя, к житию праведному сих призывая.

Священномучениче Иоанне, моли Бога о нас

Свет добродетелей твоих ослепляет избравших тьму. На смерть предавшии тя, свет Христов в тебе сиявший угасить хотяще. Ныне же предстоиши, священномучениче Иоанне, в свете неугасимом славы Божия, мир просвещая.

Священномучениче Иоанне, моли Бога о нас

Авелю кроткому уподобился еси, незлобиве Иоанне, братоубийственную ненависть народа своего всем сердцем желая умалить. О мире к законопреступным взывая, не проливайте крови неповинныя! Тии же, Каинову убийству поревновав, тебе связавше, тайно изведше убиша.

Священномучениче Иоанне, моли Бога о нас

Безчеловечные мучители тебе на смерть ведоша, избиша тя и ругахуся ти. Мы же видевше в тебе Агнца Божия на заколение ведома, вопием, избави нас, священномучениче Иоанне, от козней и наветов диавольских.

Священномучениче Иоанне, моли Бога о нас

Молился о мучителех своих Христу подражая, священномучениче Иоанне: «Господи прости им согрешения их, не ведают бо, что творят», призывая милостиваго Бога.

Священномучениче Иоанне, моли Бога о нас

Якоже первомученик Церкви Христовой архидиакон Стефан, ты Иоанне, добропобедный мучениче, полк новомученический Церкви Российския возглавил. Подобно Стефану изведен бых из града и тамо биен быв, молился о убивающих тя: «не ведят бо, что творят, остави им, Господи, грех их».

Богородичен:

Поем Тя, Предстательнице теплая и Заступнице христиан, Богородице Всепетая,/ яко со всеми святыми молиши Сына Твоего и Бога нашего/ обрести нам велию милость.

Кондак, глас 8

Ревностно пастырское служение свое исполняяй, / ты яко жертву благоприятную / душу свою Богу принесл еси, / моли Христа Бога, отче Иоанне, / мир миру даровати // и душам нашим велию милость.

Икос: глас тойже.

Неустанно в трудех своих веру православную в Америце утверждая, священномучениче Иоанне, во Отечество свое возвратився, деяния добрыя совершал еси. Молитву Богу приносил еси о мире всего мира, за сие от безбожных мучение приял еси. Мы же, овцы паствы твоея, просвещенныя словом и делом твоим, благодарственно взываем сице: Радуйся, священномучениче Иоанне, пастырю добрый стада Христова!

Ин кондак, глас 8

Яко первомученика Церкве Российския/ ублажаем тя, священномучениче Иоанне,/ пастыря Села Царскаго,/ кровию своею известившаго поднебесную / о начале гонений лютых и жестоких,/ в нихже просия велий сонм новомученик,/ имиже дивно прославися Дом Господень,/ Емуже святыня подобает в долготу дний.

Песнь 7


Поделиться с друзьями:

Поперечные профили набережных и береговой полосы: На городских территориях берегоукрепление проектируют с учетом технических и экономических требований, но особое значение придают эстетическим...

Особенности сооружения опор в сложных условиях: Сооружение ВЛ в районах с суровыми климатическими и тяжелыми геологическими условиями...

Таксономические единицы (категории) растений: Каждая система классификации состоит из определённых соподчиненных друг другу...

Папиллярные узоры пальцев рук - маркер спортивных способностей: дерматоглифические признаки формируются на 3-5 месяце беременности, не изменяются в течение жизни...



© cyberpedia.su 2017-2024 - Не является автором материалов. Исключительное право сохранено за автором текста.
Если вы не хотите, чтобы данный материал был у нас на сайте, перейдите по ссылке: Нарушение авторских прав. Мы поможем в написании вашей работы!

0.013 с.