Димитрия Прилуцкаго, Чудотворца — КиберПедия 

Организация стока поверхностных вод: Наибольшее количество влаги на земном шаре испаряется с поверхности морей и океанов (88‰)...

Своеобразие русской архитектуры: Основной материал – дерево – быстрота постройки, но недолговечность и необходимость деления...

Димитрия Прилуцкаго, Чудотворца

2017-07-25 175
Димитрия Прилуцкаго, Чудотворца 0.00 из 5.00 0 оценок
Заказать работу

Добродетелию Божественною, преблаженне Димитрие, на Небесныя славныя круги возшел еси, не во мраце зашед неведе­ния, но в благодати Божественней явился еси, приемля неизре­ченная сияния.

Всегубительное стремление страстей, Отче, увядил еси, сло­весным объят Богомудрием, благопребытен бо был еси и бла- гогласен, кроток же и смирен, словом премудрости, Димитрие, и разума венчан.

Священноукрасил еси себе, Отче, разумом и деятельным[299] [300] видением благодати, Богоглаголиве Димитрие, желая венца славы Христовы, и твою надежду изрядно, преблаженне, не погре­шил еси.

Воздержанием крайним плоть твою умертвил еси, Димит- рие, сего ради Духом Божественным окрилився, достиг еси Свя­щенноначальных служителей, идеже Небесных Божиих слуг без- плотных радования.

Премудрости глубину испытав, Димитрие, досгигл еси обрести, елико благопотребно, и бисер многоценный болезньми стяжал еси, преблаженне, разума.

В души своей Божественная богатства Духа Святаго собрав, непорочну молитву и чистоту краснолепну, бдение и воздержа­ние, сего ради жилище Святей Троице явися.

Благоухают, Преподобие, твоих учений словеса, благодатию Духа сияюще, Божество бо Едино чтивый1 в Трех Лицех, Слова же воплощение поя, благоухаеши нас, пребогате.

Ума чистотою и помысла, Богоразумия светлостию житие прешел еси, чистотою же телесе и девства сиянием изрядно воз­ложение явлься Всевидцу и Вседержителю.

Желанием зельным, преблаженне, изследил еси Богонос­наго Сергия великаго житие Божественное, жизни светлостью поревновал еси, прехвальне, быв убо и собеседник сего изряден воистинну.

Яко Солнце просиял еси в монашеских соборех, от младых ногтей освящен был еси, якоже зарю, испущая добродетели твое­го жития, пресладкий Димитрие, Богоносе Отче преподобие.

В печатном источнике: чтый

<ЬХХХУН> ьсш

<Святаго> слаговернаго Великаго Князя Всеволода,
во Св<ятем> крещении Гавриила

Имея душу милостивну, и чист помысл, и сердце бодрели- во, веру неблазнену и любовь нелицемерну, от земли преставился еси к Небесным, ликом праведных причтен. Темже чтим тя свя­щенными песньми и благочестно вси ублажаем, Блаженне княже Всеволоде.

Начальнику благовестил Божия Слова и неизреченных тайн служителю, Небесному воеводе Вышних сил тезоименитаго, бла- гочесгиваго великаго стратига Всеволода, сошедшеся, праздно- любцы, хвалами и песньми духовными возвеличим и согласно возопием ему: о Всеблаженне и Богомудре Княже Гаврииле, яко имея дерзновение ко Пресвятей Троице, моли победу дата Импе­ратору правоверному и воем благочестивым во бранех, и от супо­стат нашествия град свой Псков сохраните, и спасти души наша.

Твердаго Адаманта и столпа, непоколебима вражиими при­логи, великаго князя Всеволода песньми почтам, иже в велицей славе и во изобилии жив лета своя, непоколебим пребысгь, тер­пением бо во изгнании за Истину посрами врага и ныне молит спасгися нам.

Мироуханная любя учения, и во чтении Священных Писа­ний упражнялся, сластей уклонился еси, Блаженне, смрадных и безчесгных и облаговонился еси, Божественными добротами украшаем.

Дремание очию от души, Блаженне, отгнал еси, бдя и Бого- ви приединеваяся всенощными стоянии, непреклонен нуждами естества, темже ко дню невечернему досгигл еси.

Яко чертог одушевлен[301] Божий и кадильницу мысленнаго и светоноснаго угля, Присноблагодатную ублажаем Богородицу, зовуще: радуйся, Ходатаице спасительного воскресения.

Несмь подобен, како воспети от части Небесному Воеводе тезоименитаго великаго князя Всеволода, возсиявша в словянех насельшихся, идеже первозванный во апостолех жезл водрузи!

Всепетая, воинствы Горними певаемаго Бога породила еси, Человека воистинну бывша, Его<же> о рабех Твоих молящи не престай, Приснодева.

Всечестную память почтим угодника Христова, великаго князя Всеволода, отеческою Диадимою от юности украшена, храбраго воина на супостаты и властеля благоутишна, и радост- ныя глаголы от сердца воззовем к нему, сице вопиюще: радуй­ся, яко из младых ногтей Бога возлюбив; радуйся, яко заповедей Его неложный хранитель; радуйся, земли словенстей украше­ние; радуйся, церковный строителю и обогатителю нескудный; <радуйся, церквам украшение и истинный поборниче;> радуйся, неложный правитель отческих преданий; <радуйся, благочестия столп, непоколебим вражиими прилоги; радуйся, яко во вре­мя великаго глада преизобильный нищим и сирым питателю; радуйся, бедным утешение и заступник;> радуйся и веселися, яко сугубу мзду Небесную сугуба ради изгнания от Бога обрел еси; радуйся, яко сподобился еси восприяти сугубыя благодати венец пресветел и источник исцеления; радуйся, преславный княже Гав­рииле, князем Российским похвала; радуйся, утверждение граду нашему.

Мудростью украшен и разумом просвещен, смирением сердца лепотсгвуя, высотою жития сияя, к мысленным прешел еси двором, идеже нас поминаеши, почитающих тя, Всеволоде.

<БХХХУШ> БС1У

<Иже во святых отца нашего> Мелетия,
Архиепископа Антиохии Великия

Украсишася, Всемудре, писательне ланиты твоя, яко гор­лицы, любягция воздержание и пищу оплеваюгция[302], желанием,

Мелетие, пищи разумный, юже тебе Христос дарует, прием мно­гия твоя труды и ревность разж<ж>енную, юже имел еси, пред- бедствуя веры ради.

Яко молитву неусыпающу и мольбу пребывающу имущи, Пречистая, ко Господу, напасти успи, волны укроти окаянныя моея души и в скорби сущей сердце мое утеши, Отроковице, молю Тя, и облагодати ум мой, яко да достойно Тя прославлю.

Светодавцу предстоя весь светел, светом разума омраченное око души моея просвети и мглу отжени страстей твоими молит­вами, яко святитель бо, преподобный[303], имаши дерзновение, Мелетие.

В недрах Отца седяй, Соприсносущное и Соестественное Слово рождшему, проповедника Своего Божества поставляет един, яко апостолом единонравна тя ныне, о Богоявление Меле­тие.

Воплощеннаго, Пресвятая, родила еси, прежде безплотнаго, Богоначальнаго Слова: Едина бо от века лучами чистоты, девства же добротою и всенепорочными даровании была еси достойна, Всенепорочная.

Твердейшу душу адаманта имея<й>, гнилое ересей мнение ты, ученьми благочестья просвещся, всеблаженне, оплевал еси. Темже, вернии, тя вси песньми, Богомудре, почитаем.

Всыновлен Богу, иже от Бога Бога Слова не низвел еси в тварь безумно, но прославил еси, Отцу Собезначальна и Сопре- стольна, Содетеля и Зиждителя всех веков, Богоприятне.

Воспитався добротами, Богоученне, и зарею тоя вообража­ем, и просветився Божественными блистаньми по причастию, Церкви свет вторый был еси, Богоявление, просвещение благо­честия являя верою притекающим.

Жирующей безместно всякой ереси злодемонстей, превшел еси, Отче, благородием души, и светлостию, и всесвятым нравом, и твердым благочестием, Богоявление преблаженне Мелетие.

Пребожесгвенныя Троицы тайник1 был еси всеистинней- ший, Отцу Слово Единосущно чествуя и сопрестольно и Боже­ственный Дух, единоестествен Отцу и Слову, Всечестный Отче Мелетие.

Изсушив мутный Ариев ток и безбожный, напоил еси богат­но благодатными водами верных соборы и церковное благолепие украсил еси.

Живый подобно Божественными начинаньми, был еси пре- светел, Отче, делатель, неуклонно забрало благочестия и пасты­рей наставник.

Ум имея осгрейш, к Боговидению простерт, еретичествую- щих тупозрению поругался еси, благочестивыя же уча, взывал еси: благословен еси, Боже отец наших.

Яко зерцало чисто, Твоея чистоты блисгающося благода­тию, Светородительница, Дево, и Богородица Всечистая была еси. Темже согласно Рождеству Твоему поем: благословен еси, Боже отец наших.

Пресветло научил еси Едино чтити Божество, еже во Отце, и Сыне, и Дусе, и силу безмерну, и царство едино яве свойством, крепко соблюдаемым коейждо Ипостаси. Емуже и поя, вопиял еси: людие, превозносите во вся веки.

<ЬХХХ1Х> ЬСУ

Иже во Св<ятых> Отца нашего Алексия
Митрополита, всея России Чудотворца

Блаженне святителю Алексие, ты, Слова глас восприем, о те­лесных небрегл еси, угодия и свойства оставив жития и мысленное

В печатном источнике: таинник

прешед море, и благочестия учением, и гремении премирными Христу послужил еси, Богоблаженне.

Неиздаема есть благодать Святителя Алексия, юже прият от всех Христа Бога, тем и чесгныя его мощи Божиею силою выну содевают чудеса и всех, верою призывающих имя его, от неис- цельных недуг изменяют. Егоже молитвами, Господи, христолю­бивому Императору нашему пособствуй на враги и належащих скорбей душевных и телесных свободи, яко Человеколюбец.

Колесницегонителя фараона1 погрузи чудотворяй иногда Моисейский жезл, крестообразно поразив и разделив море, Из­раиля же беглеца, пешеходца спасе, песнь Богови воспевающа.

Колесницею благодати Твоея, Господи, возвыси наши помыс­лы от дольних на Горняя и сподоби восхвалите угодника Твоего, Святителя Алексия, песнь Тебе, Богу, воспевающа.

Колесницею ходатайств твоих ум наш, отягченный житейски­ми печальми, возвыси от земных к Небесным и насгави восхвалите тя достойно, отче Алексие, песнь победную Богу воспевающа.

Колесницу гордости мира сего превозшел еси смирением, и, взем крест твой, последовал еси Христу добротами, и, во приста­нище горняго селения достиг, песнь Богу победную воспеваеши.

Колесницею добродетелей, яко Илия огненною, возшел еси на Небо, от<о>нудуже моли Бога низпослати яко милоть2 благо­дать Духа, учащую ны песнь победную Богу воспевати.

Колесница огнеобразная, носившая Бога Слова, во чреве Твоем воплощеннаго, моли Его прилежно спасгися рабом Тво­им, к Тебе притекающим и победную песнь Богу воспевающим.

Богосиятельными Триипостаснаго Света зарями Боговид­но озаренный, златозарный светильниче Церковный, Богомудре

1 В печатном источнике: фараоня

2 В автографе: милость

Алексие, молим тя: светоносными твоих молитв лучами в досто- лепую твою похвалу просвети ум тя хвалящих.

Христоподражательный Ангеле земный, Богомысленный Небесным Ангелом собеседниче, Боговенчанный адских аггел1 победителю, удостоивыйся зрети великаго совета Ангела, Бога воплощенна, треблаженне Алексие, молим тя: твоими Боговну­шаемыми мольбами избави ны от душевредных прилог адских.

Горьководною душетленных прегрешений бурею потопляе- ми, к тебе, яко досточудну влающагося моря утешителю, прибе- гающе, вопием: святе Алексие, твоими Богоугодными молитвами утиши волнующееся страстей наших море.

Тя, Богомудра кормчия, Небесным слова Божияго корми­лом Богохранимый корабль Российский Церкви к благоутишно- му вечныя жизни пристанищу праве кормильствовавша, блажа- ще, молим: всечесгне Алексие, к благоведрой покаяния тишине кормильсгвуй души наша.

Душеспасительну всемогцнаго моря Творца заповедь благо­поспешно сохранила и бурная влающа<го>ся моря треволнения молитвою утишивша, твоим чудодействительным предстательст- вом утиши волнующуюся скорбей наших бурю.

В Боголепную[304] [305] Невещественнаго Бога славу веществен­ный храмы Божия Боготщательно создавый, мысленный храме Божий, Богоносе Алексие, молим тя, Богоугодными твоими мольбами Богоприемный храм Божий созижди сердца наша.

Пагубородное гордаго кичения терние исторгнувый и доб- рорасленныя смиренномудраго Богомыслия летораспи Богопо­спешно возрастивый, благоплодовитый Небеснаго сада кореню, всечудне Алексие, насади в сердцах наших Богорастительный Богоугоднаго смирения корень.

<ХС> ЬСУ1

Преподобн<аго> отца нашего Мартиниана

Испещрен одеждою чистоты и просвещен молитвою Боже­ственною, живуща же имея Христа <в себе>, от Девы рождшагося, женским украшением не восхитися, ни сласти плотския прият, но взыде усердно на тождеработный огнь, Божественный огнь в сердцы имея, и чувственным и временным огнем страстный огнь попалил еси, и геенский пламень угасил еси. Темже молися, Мартиниане Блаженне, и нам всепагубнаго и вечнаго избавится огня.

Неуклонно страхом Христовым, отче, ограждаем, страха вражия, якоже молния, отгнал еси, <сграшен бо был еси> на них терпением воздержания и мечтаньми непоколебим пребыл еси, прехвальне.

Добльственнеи и красней твои нозе, прехвальне, к течению простерл еси, от страны в страну преходя: бежал бо от града стра­стей и в безсграсгие досгигл еси.

<ХС1> ЬСУН

Преподобн<аго> Отца нашего Авксентия

Богоносец, веру и любовь, юже к Богу, возрастив, к Горней высоте Божественнаго присвоения возвысился еси, зовый: слава силе Твоей, Господи.

Близ сущия твоего пути, Отче, соблазны острым умом невредно прешел еси и душевною чистотою.

Житие твое светло, и вера православна, воздержание чудно, растворено слово благодатию, Авксентие.

Равностию мыслей жизнь прешел еси, нривременная прете- кая, вечным же, Отче, присно прилагался.

Мирскаго благострастия, яко от скверны, уклонился еси, и, неядением плоть увядив, обновил еси душевную крепость,

Преподобие, и славою обогатился еси Небесною, славне. Темже моляся не престай о всех нас Господеви.

<ХСИ> БСУШ

Св<ятаго> Апостола Онисима

Всыняема[306] благодатию веры ради Богу и рождена Павловою верою, Божесгвеннаго апостола Онисима Богомученика, днесь священную его память песньми совершающе, восхваляем.

Причастием сияния мысленнаго светлейший явился еси, благочестия свещами сердца верных просвещая светло и свето­носною зарею проповеди.

Божествен показался еси, преблаженне, священнодействен- ник и, Божественным Духом сияя светло, всюду протекл еси, Христа возвещая благочестно, Богоблаженне.

<ХСШ> БС1Х

Св<ятаго> Мученика Памфила и иже с ним

Памфил, Селевкий, вкупе со Валентом и с Павлом верою, Порфирий же и Феодул, с сими Иулиан и пяточисленное собрание египтян да поется песненно, якоже цевница двана- десятна.

Силою Всесвятаго Духа дванадесяточисленный собрався полк, крепко злочестивых безбожное и лукавое ополчение яко победоносец победи.

Посрамися, страстотерпцем мучеником враг приразився, свой бо тул льстивый испразднив горчайше, низложите не возмо- же доблейших крепости.

Гнев еллинскаго шатания попрасте Божественным разумом, мученицы Христовы, и мудросгию украшени, ейже противитися не возмогоша благочестию противницы.

Текуще к разуму Божественнаго[307] и чесгнаго звания, яко победителие венец от Владыки приясге.

<ХС1У> с р

Св<ятаго> великомученика Феодора Тирона

Велия веры исправления, во источнице пламене, яко на воде упокоения, Святый мученик Феодор радовашеся: огнем бо все- сожегся, яко хлеб сладкий Троице принесеся. Того молитвами, Христе Боже, спаси души наша.

Избави молитвами твоими одержащия мя печали, мучени­че Христов, все углаждая житейское стропотсгво.

Все сердце мое и помышление простираю к тебе и душу, тво­ея, страстотерпче, помощи требуя.

Устави непостоянное помышлений моих смущение, Мати Божия, еже к Сыну Твоему направляющи движение.

Правителя тя предлагаю, Божий угодниче, ты мя управи ветрилом Духа и Божественными ветры, преславне.

Побеждаем любовию Зиждителя, житейская от<т>рясл еси пристрастия и Богу благоугодил еси.

Утверждение ми буди и стена, мучениче, непобедима, немощь и гнилость ума моего утверждая, Феодоре, твоими пред- стательствы и сохраняя невредно.

<ХСУ> С1

<Иже во> св<ятых отца нашего> Льва, Папы Римскаго

Что тя именуем, Богодохновенне: главу ли Православ­ный Церкве Христовы, око ли благочестия, зрети явленно серд­цем разум духовный, всем источающий концем слово жизни,

Богоначертанный свиток веры правыя? Моли спасгися душам нашим.

Кому уподобилася еси, окаянная душе, к покаянию никако- же возничущи и огня не ужасающися, злых ожидаюгцаго, востани, и едину к заступлению скорую призови, и возопий: Дево Мати, моли Твоего Сына и Бога нашего избавити мя от сети льсгиваго.

Священства помазанием, всеблаженне, удобрен, украсил еси сие добродетельными виды, пребогате.

Якоже зрел грозд, Отче, изгнел еси разум, веселия кратир, Треблаженне, премудрости твоея всем предложил еси.

Петра верховнаго престола наследник был еси, того имея нрав и ревность, Богомудре, веры.

Небеснаго круга Верхотворче, Господи, и Церкве Зиждите­лю, Ты мене утверди в любви Твоей, желаний краю, верных утвер­ждение, Едине Человеколюбче.

Светом пресветлейшим озарився, преподобие, неизглаго- ланнаго и Божественнаго вочеловечения, Слово уяснил еси, сугу­бо, рек, существо и сугубо действо воплощшагося Бога.

Лев ты яко истинно, преблаженне, явился еси, смущающия лисы отгоня, царским рыканием ужасая нечестивых умышления.

Скрыл еси приложением твоих догматов богомерзких ере­сей следы, сокровенную истину взыскав, священнотаин<н>иче всечестне.

Петра чесгнаго преемник, и сего начальством обогатався, и теплу стяжав ревность, Богодвижимый свиток написал еси, еретическое веление отметая смущенное, растворение несмесно соединяя.

<ХСУ1> СП

Св<ятаго> Апостола Архип<п>а

Глагол Божественными пленицами уловлен был еси Пав­ла проповедника, и из глубины злобы вражия люди преславно уловил еси, и словесно брашно на Божественную трапезу при­неся еси.

В ризу одеян, Архип<п>е, Божесгвенныя благодати, обна- жившияся славы Божесгвенныя, в нетления ризу и спасения, славне, одежду Божественную одеял еси.

Видевше пророческими очесы издалеча, Всечисгая, еже паче ума Твоего Божесгвеннаго Рождества страшное Таинство, Бого- глаголивии, Пречистая, различными образы уясниша.

Распаляем мысленно Утешителя огнем, попалил еси вещь горькую, Архип<п>е, идолонеисговства, всехвальне.

Житие твое светозарно добродетельными молниями про- сия, просвещая, Архип<п>е, благочестно тя почитающия.

Повествующа Божественная и безбожныя явление обли- чающа, беззаконный гонитель биением предаде тя, и ранам, Архип<п>е, и различнообразным мукам.

Божественными молниями всемудраго проповедания просве­тил еси неведения нощию одержимыя, Богомудре всеблаженне.

Божественная река, прошедши из сердца твоего, потопи потоки лестныя и разумы верных, преблаженне, напои.

Иже камению нечувственным сердцем служащий, камением побивают тя, блаженне, живота камень исповедающа и прелести утверждение, мучениче, сокрушающа.

Умерщвления1 совлекся, в жизнь облечеся в рай, Дево, Адам, Твоим же обезсмертвися живоносным Рождеством, Всесвятая Богоневесто.

1 В автографе: Умерщвлением

<ХСУИ> сш

Преподобн<аго отца нашего> Льва,

Епископа Катанскаго

Столп, тя, Льве, Христова Церковь жив и глагольника держащи правых учений Слова, сего зрящи неспожолебима истины, присно пребывает, славящи Владыку всех и Г<оспо>да, тя прославльшаго.

Г<оспо>ди, Ты святителя слово изощрен показал еси меч <на злочесгвующих в Православную веру Твою>.

Земледелав ниву твоего разума, стократный клас принесл еси, пребогате, добродетелей Божественных и исцелений.

Разгоревшуся <огню> посреди стал еси, неопалим, Преслав­не, Божественная бо роса Святаго окружи тя Духа, яко священ- нотайника1, яко служителя Божесгвенныя славы, яко Вышния светлости причастника.

Был еси царю, чудне, страшен, внегда идый во дворы его, носил еси одеждою углие горящее: прославляше бо тя Бог, Егоже житием твоим, Льве, прославил еси.

Уши глухия, всеблаженне, молитвами твоими отверзл еси Божественными и хромым явственно подал благотечение, благо­словен еси, вопия, Господи Боже, во веки.

Да тя Божественными гласы блажим, преподобно поживша, и на Небеса возшедша, и радующася: от страстей, и скорбей <нас> молитвами твоими спасай, <и> от обсгояний, святителю и пасты­рю досгочудне.

В печатном источнике: священнотаинника

<XCVIII> CIV

сПреподобнаго отца нашего> Тимофея [308] ,

<иже в Символех>, и <иже во святых отца нашего>
Евстафия, Архиепископа Антиохийскаго

Словом священных твоих течений запалил еси яве хврастие Ария злочесгиваго хуления, Отцу невмещающа Сыну естест­вом именоватися равночесгну, всесвященне Евсгафие, и сердца просветил еси, и истиною удержал еси верою творящих память твою.

Помавая жезлом словес твоих, всесвященный пастырю, стадо Божие словесное соблюл еси тем от волк всяких невреди­мо. Темже тя добрый Пастырь введе во ограду Небесную, идеже отечестии избраннии праведных дуси, Евсгафие Богоносе пребла­женне.

Имея к Богу протяженно ума твоего око, уныния сон от души от<т>рясл еси, отче, и храм был еси Божественнаго Духа и место священия, Тимофее.

Иже отцев верх, яко Слова благодатию одеянна, великаго Евстафия песньми восхваляем.

Поборник веры явлься, Христову Церковь неплененну боре­нием ереси сохранил еси, преподобие.

Уста Словесе быв, отрыгнул еси учения пучину, преподобие, в нейже потопил еси Ариево злочестие.

Старейшинствуя со славою Истинному, сущаго воистинну начальника лжи Ария, Богоблаженне, поразил еси камением сло­вес твоих.

В пристанище мысленное устремился еси, волнами сластей не омочився, всеблаженне Тимофее, но Духа живоносными вет­ры добре преплыл еси, всеславне.

Удалился еси псаломски, в горах живый, в пустынях присно, мудре водворялся, дондеже вшел еси в Божий град Небесный, Тимофее Блаженне.

Словес твоих Богодохновенных ветром утишил еси бурю еретичесгвующих, в пристанище благочестия Церковь направ­ляя, преблаженне.

<ХС1Х> СУ

Обретение мощей Св<ятых> мученик, иже во Евгении

Мученическими украшени дарованьми и великому Свету всесветли любовию предстояще, мученицы, облаки душ наших и страстей зиму разорите благодатию Всесильнаго Бога нашего.

Огнем Божественным, страстотерпцы мученицы, распаляе- ми и мысленною силою души вжиливше, яко углие, явистеся, попаляюще вещь многобожия и просвещающе сиянием благо­честия концы.

Святителей предъизбранный священно<с>подвижен прене­сение священное сотвори ваше, всеблаженнии, и летно сие почи­тает, поя со всем священным сословием: отроцы, благословите, священницы, воспойте, людие, превозносите во вся веки.

<С> СУ1

Св<ятаго> Священномученика Поликарпа,
епископа Смирнскаго

Христова делания розга Богонасажденная, словесныя Боже- сгвенныя предлагая грезны, явился еси, Богоблаженне, от них же честную почерпаем сладость верно и сердцем во вселенную поучения твоя приносим.

Многоплодный добродетелей доброплодный сад Владыце явился еси, Отче Поликарпе.

Всесожжение совершенно и чиста жертва принеслся еси Спасу всех, Отче Поликарпе.

Песнословим, славне, души твоея крепкое терпение и твоих подвигов доблесть.

Юношеское в седине и глубочайшее мужество показал еси: крестною силою воздвигл еси себе к Божественным под­вигом, Богомудре, священномучеников Христовых слава, пре­подобие.

<С1> СУН

сПервое и второе> обретение честныя главы Предтечевы

Сокровище Божественных даров, Богохранимая глава твоя, Предтече, от земных недр возсия, юже мы, верно приемлюще и покланяющеся, славне, обогащаемся от тебе, Христов Крестите­лю, чудесы преславными и согрешений прощением.

Издавшися, яко злато от руды, священная твоя глава пре­славно от незаходимых недр земных, обогати верных вся мысли разумением Божественным, ныне покайтеся, вопиюще обыч­но. Ейже покланяющеся, Предтече, Христа велегласно верою славим.

<СН> СУШ

<Иже во святых отца нашего> Тарасия,
Архиепископа Константинограда

Мастию твой верх честный Духом Божественным помазав- ся1, Тарасие, на браду богатно, яко Аароню2, сниде на ометы твоя, яко роса Аермонская.

Всем утверждение сердцам был еси хлебом словес твоих, Святителю, умащая же, яко елеем, веселиши, яко вином, сердца наша.

Острогал еси дебельство писания разума глубоким истонче­нием, Церкве был еси скорописца, Тарасие, трость.

Ты, яко облак утренний, и яко капля каплющая, и роса, явил­ся еси, благотворения богатство собрал еси на земли, алчущих сердца умастил еси и светлу вжегл еси, мудре, душевную свещу.

1 В печатном источнике: помазася

2 В автографе: Аароне

<СШ> С1Х

<Иже во святых отца нашего> Порфирия,
Архиепископа Газскаго

Глагол твоих огнем хврастие Манентово1 мудре попалил еси и верным просвещение учения простерл еси.

Изсушив огнем словес твоих, Порфирие, потоки нечестия, благочестия вещанием человеки просветил еси.

Уста львов мысленных, зле хулящих, заградил еси молитвами твоими, Порфирие, и челюсти сокрушил еси стрелами твердыми Божественных словес твоих, Сему взывая прилежно, укрепляю­щему тя: благословите, вся дела Господня, Господа.

<CIV> сх

Преподобнаго Отца нашего
и Исповедника Прокопия Декаполита

Напаяя, преподобие, слезными теченьми сердце твое, Бла­женне, добродетелей семя возделал еси помыслом чистым, пре­подобие Прокопие.

Разрешен от тли и прежде смерти явлься, преставился еси отсюду к нетленней, преподобие, жизни, смерть прием лествицею светло, Прокопие, Богомудре.

Тленен Слово Божие нетленное зрак прием, человеки в нетление облече, благоволением Отчим вселився в Тя, Обрадо­ванную. Темже, Пречистая, с Небесными воинствы Тя величаем.

<CV> CXI

Преп<одобнаго> От<ца нашего> и Исповедн<ика>
Василия, спостника Св<ятаго> Прокопия

Всякое сладострастие, порабощая тело твое, отвергл еси, Богомудре, огорчевая чувство воздержания болезньми и жесто­ко! фебываньми, терпением же напастей и пожданием обстояний,

1 В автографе: Маментово

имиже безконечное приемлеши наслаждение, и сладость непре­емную, и радость неизглаголанную.

Сострадальца и Своина мудра1, Отче, получил еси, доброде­тельми преспевающа присно, с нимже[309] [310], радужй>ся, Пребогате, подвиг страдания прошел еси мучением.

Яко красно твое, всеблаженне, терпение, в старости юност- ную показуя, преподобие, твердость, в нейже взывал еси: слава силе Твоей, Господи.

Ты, преподобие, светло подвизался еси, Василие, Львову уко­рив неукротимую дерзость, и нрав неразумный.

Рачением Царствие Вышнее восприем, земнаго царя несмыс- ленный нрав, и повеления, и заповеди, Богоносе, доблесгвенне пренебрегл еси.

<СУ1> схн

Преподобн<аго> Отца нашего
и Исповедника Кассиана Римлянина

Чудесе вещь всякия есть добродетели, Богомудре, с неюже и в плоти на земли первее, смотряя молча, Преподобие, и гла­голя послежде и словесы[311], и вещми[312], смирен и кроток, незлобив и вельми благогласник пророческий: множае же ныне паче, егда к Богу востек, удивился еси и приял благодать исцелений.

Венчав Божественными добродетелями[313], преподобие, житие твое, Кассияне[314], к Богу отшел еси, от Негоже нам проси избав­ления прегрешений, молимся, совершающим верою святое твое преставление.

Дремание уныния отвергл еси и, пребдевая в видениях и дея­ниях, Ангельски пожил еси на земли, Богоносе Всеблаженне.

Зашел еси, умер, яко солнце, преблаженне, яко зарю же, оставил еси незаходима словеса твоя, просвещающая души наша, верою святую твою, преподобие, совершающих память.

<Сентябрь>

<СУИ> схи

<Преподобнаго и Богоноснаго отца нашего> Симеона Столпника, Архимандрита, и проч.

Самословнаго и Божественнаго учения Христова, молитве научившеся, на всяк день возопиим Зиждителю: Отче наш, Иже на Небесех обитаяй, насущный хлеб подавай нам, презирая наша прегрешения.

Преподобие отче, тело омочив слезами, и душу очистив, на высоту возшел еси добродетелей; чувственное убо жилище имея столп твой, мысленный же и небесный град горний Сион, Ангелы удивил еси, человеки ужасил еси, демоны посрамил еси добро­детельми твоими, Симеоне преподобие, моли спасгися душам нашим.

Поим Господеви вси людие, в мори Чермнем фараона погру­зившему, победную песнь поюще, яко прославися.

[Благодати исполнився духовныя,] сот пастушеских бо ста- нищ, яко Иаков, Давид и Моисей, началовождь словесных явил­ся еси паств, блаженно

Даждь ми, органом языка гнилым, о Богоносе Симеоне, песнь тебе плетущему, мольбами твоими, знания свет Богонаучен.

Благодати исполнився духовныя, от пастушеских бо станищ, яко Иаков, Давид и Моисей, началовождь словесных явился еси паств, блаженне.

Приклонил еси, радуяся, покорливый слух твой, Всеблажен­не, Владыце блажащу и блаженную обрел еси жизнь.

Вселив тело твое в жилище жестоко, страхом пригвоздил еси духа и жилище наследия Божественнаго обрел еси, препо­добие.

Исполняяй всяческая благости, Христе, Ты благорастворе­нием и благоплодием, благословенми венчаемо, многокружное лето рабом Твоим даруй.

Яко златозарным, Симеоне, монистом, преподобие, ужем облагаемь, небошесгвенник показался еси Божественными крилы.

Уяснивый Иова страсгию, согнившия плоти твоея гнилость в бисер претвори многоценен, тя, Христов угодниче Симеоне, Славяй во вся веки.

Возшед, преподобие, небеснаго течения на добродетельный воздух, страданми препоясан, возлетев к скиниям небесным, моли спасгися душам нашим.

<СУШ> СХ1У

Св<ятаго> Мученика Маманта и Преподоб<наго>
Иоанна Постника, Патриарха Царяграда

Отче Иоанне всечестне, мирскаго отступив мятежнаго сме­шения, Христове же притекл еси тишине, Всепреподобне, и виде­ния <и> Божественнаго деяния всебогатными ясно сиянии истин­но обогатился еси, и верным предал еси, Боголепным житием уясняем, Всеблаженне.

Благородие и по всем совершенное ума твоего, проповедай Слово, Маманте, от пелен тя разума исполни, и добрых сладость- ми многовидно украси, мучениче страсготерпче всехвальне.

Возшед на гору истиннаго знания и облистався видении ума чистотою, естество безсловесное к словесному песнопению Боже­ственными повелении, блаженне, воздвигл еси.

Воздержанием, отче, и молитвою неуклонною возшел еси к вышнему граду добродетелей, Богоносе, идеже сладости поток, питаешися.

Величайшия претерпевая подвиги, явился еси превеличайш, в страдальцех чуден, в мученицех же искусен. Тем и величайших тя Подвигоположник воздаяний сподоби.

Вместо меча языком и словом вооружился1, преподобие, блядивая отсекл еси учения вся, и <у>яснил еси всем Тройцу[315] [316] яве.

Побиваху камением тя, блаженне, камению служащий, и окамененнии душею пребеззаконнии, око воздвизающа свя­щенныя твоея, мучениче, души, к неразседному и неуклонному Каменю, и поюща усердно: священницы, благословите, людие, превозносите во вся веки.

Жезлом Духа Святаго люди яко упасша чесгныя Церкве и отгнавша богоборныя ереси, вси Иерарха восхваляем тя.

Радуйся, присноживотный Исгочниче нетления, радуйся, Всесветлый Солнца мысленнаго Облаче; радуйся, носило Боже­ства всего; радуйся, Ковчеже Священия.

<С1Х> СХУ

Св<ятаго> Священномученика Анфима,

Епископа Никомидийскаго, и Преподоб<наго>


Поделиться с друзьями:

Организация стока поверхностных вод: Наибольшее количество влаги на земном шаре испаряется с поверхности морей и океанов (88‰)...

Общие условия выбора системы дренажа: Система дренажа выбирается в зависимости от характера защищаемого...

Адаптации растений и животных к жизни в горах: Большое значение для жизни организмов в горах имеют степень расчленения, крутизна и экспозиционные различия склонов...

Семя – орган полового размножения и расселения растений: наружи у семян имеется плотный покров – кожура...



© cyberpedia.su 2017-2024 - Не является автором материалов. Исключительное право сохранено за автором текста.
Если вы не хотите, чтобы данный материал был у нас на сайте, перейдите по ссылке: Нарушение авторских прав. Мы поможем в написании вашей работы!

0.139 с.