Память Святыя преподобномученицы Евгении. 24/5

Мира оставлыни красоту, души благородие, благородия свыше добротами уяснила еси, Евгение Всехвальная, образа благодать немутну житием сохранили, мученице непобедимая, девства забрало Боговидно и цвете естества всеблагородней- ший.

Песнопения, невесго Христова, Божественнаго послушав­ши, к высокому вперилася еси благородию: яко бо свет возсия в сердце твое, песней Духа Богословие, всяко безбожие отгоня.

Женское естество твой ум забыв, к мужеским деянием востече, вмужився благодатию, и Богу промысленне управ­лялся, мученице Евгение, Божесгвеннаго благородия тезоиме­нитая.

Осиявшися светом умным, множайшия осияния соприча- сгитися соделала еси, Богомудрая; егоже ныне поющия тя избав­ляющей греха, сподоби твоими мольбами, мученице Евгения все- блаженная.

Якоже жертва непорочна Владыце принеслася еси мыслию совершеннейшею и богатство тлеемое отринула еси, вопиющи, всемудрая: Ты еси Бог наш, и несть свят, паче Тебе, Господи.

Всечистая, познася твоя чистота, просия страданий твоих крепость, деяние бо восхождение видения соделала еси, вопию­щи: Ты еси Бог наш, и несть свят, паче Тебе, Г<оспо>ди.

Целомудрия желанием одержася, соблюла еси хвалу чисто­ты, была еси приятна премудрости, Христу вопиющи: Ты еси Бог наш, и несть свят, паче Тебе, Господи.

Дремания твоим веждом не дала еси, дондеже сладострастие все угасила еси и чистую Зиждителю твоему себе^[197] самую соверши­ла <еси> обитель.

Египтяныни, нравом поревновавши, очерневшая делом и именем, клеветати острится честное житие твое, Всечесгная.

Твердую показавши светлость и врачеваний благодатью обогатившися Богатством веры, черноризиц составлению бысгь учительница.

Пажить исцелила еси смертную, безсеменно рождши Жизнь Ипостасную, Дево Всенепорочная, Богородительнице Чистая. Тем же Тя, радующеся, источник безсмертия именуем.

К Божественному <ныне> изшла еси прохлаждению, Все- добляя, ран прошедши огнь нестерпимый и непостоянную воду искушений, мученице Евгение. Христа убо моли спасти души наша.

XXXIV

День Рождества Г<оспо>да Бога
и Спаса нашего Иис<ус>а Хр<ис>та. 25/6

Возсиял еси, Христе, от Девы, разумное Солнце Правды, и звезда Тя показа в вертепе, вмещающася Невместимаго. Волхвы наставил еси на поклонение Твое, с нимиже Тя величаем: Жизно- давче¹, слава Тебе.

Высотою царсгвуяй Небес милосердием совершает о² нас из Безневесгныя Отроковицы: невеществен Сый прежде, но после- жде Слово, одебелевшо плотию, да падшаго к Себе привлечет первозданнаго.

Иже бе исперва к Богу, Бог Слово ныне утверждает немощ­ное древле: видев сохраните, еже по нам существо, имже Себе вторым общением абие проявляя страстей свободное.

Грядет нас ради из Авраамовых³ чресл темнопадшия во мра- це прегрешений сыны воздвигнута, долу поникших, иже во свете обитаяй и яслех чрез достояние, ныне благоволив в человеческое спасение.

Пасгырие, свиряюще, ужасно светоявление получиша: сла­ва бо Господня облисга их, и Ангел, воспойте, вопия, яко родися Христос, отцев Бог благословенный.

Зле неудержанно возвышаемый, нечестно бесящийся от развращения мира, низложил еси всемощне грех, яже привлече прежде, днесь же от сетей спасаеши, воплощся волею, Благоде­телю.

¹ В автографе: Жизнедавче

² В автографе: от

³ В печатном источнике: Авраамлих

Любити убо нам яко безбедное страхом удобее молчание, любовию же, Дево, песни ткати, спротяженно сложенныя, неудоб­но есть; но и, Мати, силу, елико есть произволение, даждь.

Посетил ны есть свыше Спас наш, Восток восгоков, и сущии во тьме и сени обретохом истину, ибо от Девы родися Господь.

Богородице Дево, рождшая Спаса, упразднила еси первую клятву Евину, яко Мати была еси благоволения Отча, носящи в недрах¹ Божие Слово воплощенное. Не терпит тайна испыта­ния. Верою единою <Сию> вси славим, зовуще с Тобою и глаго- люще: Неизреченне Господи, слава Тебе.

XXXV

Собор Пресвятыя Богородицы
и память святого Священномученика Евфимия,
Епископа Сардийского. 26/7

Стефана^{[198] [199]} подобник, первомученика Христова, был еси, о спасении убивающих тя моляся, Евфимие.

Твердостию ума и доблестию души обличил еси злочестива- го Леонта, на Спаса шатающагося.

Тебе, Владыко, пастырь благодушия тезоименит, раны теле- се Твоего нося на своем теле, приносится.

Язык, движимь Духом, и вещающь яве истины учения, Бого­данною благодатью боголепно искапающь, благочестия цевница Боговещанна, Православия основание недвижимо, уста медоточ- на, сокровище премудрости, Церквей труба велегласна показался еси, преподобие.

XXXVI

[Святых праведных Иосифа Обручника,
и Давида Царя, и Иакова, брата Господня]¹
26/7

Святаго апостола, первомученика и архидиакона Стефана.
И преподобнаго отца нашего и исповедника Феодора
Начертаннаго и брата Феофана Творца
27/8

Духа благостью^{[200] [201]} просветив помышление, зраком яко Ангел явился еси, Стефане, облисгавшу телеси внутреннею светлостию и зарю душевную являющу видящим, еяже ради получил еси и света зрение, Небесем, тебе преславно отверзенным, начало мучеников и похвало.

Яко степени и лесгвица на Небесный восход, каменная мета­ния быша тебе. На няже вшед, видел еси стояща Господа одесную Отца, Тебе тезоименит венец простирающа десницею живонос­ною, Егоже близ яко^[202] добропобедник, предстоиши и страдалец^[203] верховный.

Ни темница тя, ни теснота, ниже тьма несветлая, ни раны, ни биения, отче, возмогоша к Богу любве разлучите, Феодоре, ниже недуг лют, и долг, и нестерпим, ниже скудость пищи, Бого- глаголиве, но непреложне претерпел еси, провидя твоих трудов воздаяние.

<Православия наставниче, благочестия учителю и чистоты, вселенныя светильниче>, монашествующих Богодухновенное удобрение, Феодоре премудре, ученьми твоими вся просветил еси, цевнице духовная. Моли Христа Бога спасгися душам нашим.

Нося Учителев кроткий смысл и еже от любве Боготворное смирение, достойно, Стефане, дьяконов старейшина и предста­тель вдовицам был еси.

Водрузивый на ничесомже землю повелением Твоим и пове- сивый неодержимо тяготеющую на недвижимем, Христе, камени заповедей Твоих, Церковь Твою утверди, Едине Блаже и Челове­колюбие.

Неистовсгвующееся бурею душетленною, Владыко Христе, страстей море укроти и от тли возведи мя, яко Благоутробен.

Подобник всеизряднейший быв, Владыко Христе, чесгныя страсти Твоея, Стефан убийцам благословением отмщает.

Потом подвигов еще капая, Подвигоположнику предстал еси, праведным судом всю тварь правящему, Богоносе всеблажен­не Феодоре.

Ничтоже тя Христовы любве отлучи^[204], ни уранение тела, ни смертнаго осуждения прещение, ни тщета присущих, всеблажен­не Феодоре.

Сын сый и света и дне пресветлый, полн света, преставился еси, к Божественному сиянию возрастаем, днем и нощию неоску- деваем, Богоприятне.

Тя едину посреди терния обрет, яко честнейший крин и удольный цвет, о Богомати, Жених мысленный в Тя вселися.

Взят быв Духом Святым, Стефане, неизречено видел еси Сына с Родителем, зовый Троице: Боже, благословен еси.

Пение Владыце принося, Отче, и мольбы, не престай о моей немощи, и сообитании, и братстве, яко да, вкупе поживше, улу­чим вкупе обожение.

Одесную стояща Отца, видел еси Слова Пребезначальнаго, и Света неизглаголаннаго лицо исполнил еси, апостолов похвало и мучеников славо; украсился же еси венцем камений метаньми и кончину приял еси Божественную.

XXXVII

Святых мучеников дву тьму,
в Никомидии сожженных. 28/9

Юноши, девы, старцы и младенцы едину показаша доблесть. Темже и равная получиша возмездия благодатию, всех Царю и Богу спребывающе. Яже почтим священными песнопеньми, яко светозарный светильники вселенныя, две тьмы сущия.

Множество многочисленное честных мучеников, множе­ство очистите многих прегрешений моих ходатайством вашим и дадите слово воспета ваше торжество.

Высотою царствуяй Небес милосердием совершает о нас из Безневестныя Отроковицы: невеществен Сый прежде, но после- жде Слово, одебелевшо плотию, да падшаго к Себе привлечет первозданного.

Управивше, святаи, ко пристанищу спасения души ваша Духом, бури убежасте идолонеисговства, блаженнии.

Непреложни явистеся в подвизе мучения, непоколебими и неужасни, гонителей противление Божественною верою побе- дивше.

Верховник священных был еси людей и предпослал еси я в радости на Небеса, пострадавший, священномучениче Анфи- ме славне.

Зле неудержанно возвышаемый, нечестно бесящийся от развращения мира, низложил еси всемощне грех, яже привлече прежде, днесь же от сетей спасаеши¹, воплощся волею, Благоде­телю.

Просвещение знания Христова предносящи² внутрь души всеблагоговейно, темный безбожия облак воистинну страдальцы проидосте и в Вечный Свет приидосте.

Песнословцы в пещи спасшаго дети и громопламенную пре- ложшаго на росу, Христа Бога пойте и превозносите во вся веки.

Точат Божественнаго благовония врачевание мира мучени­ков мощи и страстей смрад отьемлют верою песнословящих Тя, Христа, во веки.

Свет рождшая Божественный, от Отца возсиявший, омра­ченную мою душу лесгьми жития и бывшую врагом, Всенепо­рочная, игралище, ущедри и светом покаяния спасительного спо­доби³, Чистая.

XXXVIII

Святых младенцев 14.000, <Христа ради> избиенных от Ирода в Вифлееме <Иудейстем>. И преподобнаго отца нашего Маркелла, игумена Обители Неусыпаемых. 29/10

Царя Безлетнаго, под летом бывша, царь пребеззаконный взыска и, не обрет убита Его, младенцев пожат неискусозлобное множество, яже содела мученики, яко не мняше, и гражданы Вышняго Царствия, того во веки пребезумие обличающия.

Таинство ужасное зрю: Бог бо, Иже горстию содержай всю тварь, объемлется плотию в яслех безсловесных и рубищи пови­вается, повиваяй мглою море.

Тризнище днесь младенцев отверзеся верным за Христа и Бога, врагов обличая начала и власти и Иродов обличая муже­ски младоумный гнев смысленно.

¹ В автографе: спасаешься

² В автографе: предстоящи

³ Далее в автографе написано и зачеркнуто'. Честная

Чистоты угльми предочистив душу, тело обуздал еси к не­тленней крепости, всехвальне Маркелле, тем и показался еси оби- телище Божественное, недуги отгоняя и просвещая верою присно приходящия к тебе и восхваляющий тя.

Твердостью души на враги мысленный вооружився, Бого- носе, посекл еси тех ополчения державно и победы увязался еси венцем.

Божественное Слово во утробе заченши, страшным Словом паче слова породила еси плотию, Всенепорочная. Темже Тя, Бого­родицу, хвалим¹.

Видевше, Господи, еже в вертепе Твое снятие, чинове мыс- леннии страхом ужасошася и воспеша, Христе, недомысленную Твою милость.

Зарею молитвы Твоея, Богородительнице Чистая, слепоту сердца моего озари, яко едина светильника Господа и славы солн­це возсиявши² Христа.

Вещнаго <преподобне> души помрачения и всякия земныя и тленныя красоты болезньми очистив твоего постничества, рав- ноангелен показался еси в мире, Маркелле.

Струи источи мысленный безсмертия из Тебе плотию рож- дейся в вертепе, Чистая, и человеческое естество напои нетлени­ем, обогатив сие, яко Благоутробен.

Мира благовоннейшая издаде земля в себе паче смысла, неистощеннаго мира, от Чисгыя плотию исгочившаго и человеки благовония Божесгвеннаго исполнившаго.

Жития привременное и нестоянное мудре усмотрив, Мар­келле, к присностоящим душевное возвысил еси желание, еже получил еси болезньми постничества.

¹ В печатном источнике: славим

² В автографе: возсиявшаго

Яко сотвори мне величия Сильный, и свято Имя Его <и милость Его> в род и род боящимся Его.

Весь в Тебе вмещается, Иже в недрех сый Отца, и зиждет­ся Зиждитель Небесе, и истощавается мене ради, <и> в пеленах повився, разрешает прегрешений пленицы.

XXXIX

Святыя мученицы Анисии,
и препод<обныя> матере нашея¹ Мелании,
и преподобнаго Зотика.

30, 31/11, 12

<И богатство расточивши, и нищия удовливши> уневести- лася еси Нетленному Жениху твоему и, якоже вено, принесла еси Тому, всеславная, кровей токи и страстей подражание, яже пре­терпела еси, Анисие. Един в чертог вселив тя Вышний, яко стра­стотерпицу и мученицу.

Поющу светоносную память твою, Свет мне низпосли, яко Отцу Светов предстоящи в радости, Всехвальная, страстей моих бурю твоими молитвами отгоняющи^{[205] [206]}.

Воздержанием душевную обновила еси Богомудрия ниву^[207], мучения клас плодивши Делателю, соблюдшему и крепость тебе вдохнувшему, дево^[208] мученице досточудная.

Руце твоей, богатейте подающей богатство тленное, бога- тотворную приобрела еси жизнь, никаможе мимотекущую, и сокровище неистощимое, мученице, и славу Небесную.

Призри на пения рабов, Благодетелю, врага смиряя возне­сенную гордыню, носяй же, Всевидче, греха превышше, непоко- леблемо утвержденный, Блаже, певцы основанием веры.

Страсти Безстрастнаго, умертвившагося нас ради, умерщ­вление, мученице честная, любящи, мученическою умираеши смертию.

Не мудрости<ю>, и силою, и богатством хвалимся, но То­бою, Отче<ю> Ипосгасною Мудросгию, Христе: несть бо свят, паче Тебе, Человеколюбче.

Яже нижних отступльше желаний, все желание дала еси бла­гочестно произволением, славная, к будущим токмо и вечную- щим.

Мучения сияющи светлосгьми и нетления венцем увязши- ся, радующися, предстоиши Христу, Жениху твоему, мученице Анисие Всехвальная.

Немокренно подвигов прешла еси бурю непотопленно, тем­же в пристанище невлаемо устремилася еси и истинныя наслаж- даешися тишины, преславная.

Немокренно житейское прешла еси обуревание, направляе­ма мановением вся словом Сотворшаго, и в пристанище спасе­ния, Мелание, достигла еси.

Воздержания орошением угасивши страстей пещи, одожде- нием молитв врачеваний пучины источила еси, и страстей при- вержения потопляющи, Мелание, чтущих тя.

Смыслом, мужеством, целомудрием и Божественною прав­дою блистающи, имела еси возносящее тя на высоту небесную высокотворное смирение, имже низложила еси, преподобная, ве- личаваго змия: тем тя почитаем, яко истинную победоносицу.

Страстей мя смущают треволнения, глубина отчаяния пото­пляет мя, спаси мя, Всенепорочная Мати, и спасуся: Спаса бо <Господа> родила еси, во яслех яко Младенца положена, Егоже превозносим во вся веки.

Иже на плещах Херувимов страшно носимый, на руку ныне сидит Отроковицы Чисгыя, и пеленами повивается, разрешая¹ пленицы зол наших, и млеком яко Младенец питается, питаяй всякое дыхание.

<Январь>

хххх^[209] [210] м

Обрезание Господа нашего Иисуса Христа и память
иже во Святых Отца нашего Василия Великаго,
Архиепископа Кесарии Каппадокийския
1/13

Сущих извык естество и всех усмотрив нестоятельное, Еди­наго обрел еси непоколеблема, Пресущнаго суща Содетеля всех, Емуже и паче приложився, не сущих желание отвергл еси, моли и нам Божественного желания получити, Священноявленне Василие.

Труба с Небесе шум гласа твоего есть и огнь, имже попаля- ются еретическая вся, Василие, учения.

Добродетелей ты жестокий шествовал еси путь, в гладкий досгигл еси и несопротивный Небесный восход и всем явился еси образ, Василие.

Страстное взыграние, томящее плоть, любомудрия желани­ем наказал еси, тем же^[211] в нетленных водворяеш<и>ся Царствиях, отче Василие.

Глубины открыл есть дно и сушею Своя влечет, в ней покрыв противныя, крепкий во бранех Господь, яко прославися.

Страхом Господним утверждаем, начало бо мудрости сей есть, любовию лучшею вперился еси премудрости, о Василие.

Наказания быв всякаго исполнен, не токмо дольнаго и попираемаго, много же паче лучшаго, показался еси миру свет, Василие.

Василие премудре, вшел еси деянием, и деяние вшествие видения <Божественнейшаго> показал еси, и сущих разуму на­учился еси яве.

Елицы древних изрешихомся сетей брашен Львовых, сотренных членов<н>ыми, радуемся и разширим уста, слово плетуще от словес сладкопения, имже к нам наслаждается даро­ваний.

Непреборим явился еси, по Бозе боря, Василие, во всех Того повелению покаряяся.

Церкви подадеся от Бога ограждение и стена тверда, Васи­лие всеблаженне.

Сопротивобожным сечиво ты секательное и огнь, поядаяй прелесть, явился еси, отче Василие.

Нощи уподобися, яко сень законную любящи Израиля, Рождшая, из Неяже облиставший Свет мира, Христос, явися.

Непостижимый свет почив в тебе, преподобие, пресвет- лу свешу миру тя показа Христос, темже память твою поем, Василие.

Субботство, обрезание же шатания^[212] еврейскаго явльшагося Христа мановением преста, и возсия благодати весна.

Напитал еси богатно алчущия пищею Небесною: хлеб бо Ангельский есть слово твое, Василие, имже изряден пшенице- давец был еси.

Углубив ум во глубины Божия непостижимый и собрав многоценный ты бисер разума, наполнил еси мир премудростию и звати научил еси: благословен еси, Боже отец наших.

Очистив от всякаго тиннаго сквернения ум, Василие, сраз- смотрил еси духовная желанным твоим духом. Темже, воспевая Троицу, со дерзновением взывал еси: благословен еси, Боже отец наших.

ХЫ

<Иже во Святых отца нашего> Сильвестра,

Папы Римскаго. 2/14

Сыноположився благодатию, Сильвестре, Богу Отцу, чисто житие облобызав и Божественными блистании душею световиден быв, прешел еси к Свету, зовый, невечернему: Господу воспоим, славно бо прославися.

Ища мя, безпутием заблуждшаго, Боже мой, нищетою богатною одевся, предстоиши кресгитися, всех Избавление.

Исцели, Отроковице, язвы сердца моего и наведи души моей¹ движения к Божиим, Дево, хотением.

Крепкими твоих словес явленьми обличил еси суемудрен- ники, недугуюгция неверием, и, радуяся, поеши, преславне Силь­вестре: отцев наших Боже, благословен еси.

ХП1

Святого пророка Малахии
и святаго мученика Гордия. 3/15

Глаголы Богодвижимаго твоего языка сбываемы зря, тя ны­не ублажаю, Пророче, истинне удивляемь: ты бо гласом светлым мир облистал еси, Господне провозглашая пришествие спаси­тельное.

В печатном источнике: моея

Очистивше умы и предызмывшеся Таинства причастием сграшнаго смотрения, вси вернии, грядуща Христа срящем Иор­данскими струями очисгити ны.

Весь на тя, Богомудре, мучителя воздвигл еси неудержимый гнев, удивлынася, всеблаженне, умышлению и души твоей¹ воз- сганию.

Дивится всяка душа, помышляющи Твое, Слове, страшное смотрение: како, наздати вся хотя, грядеши внити в речныя струи обнажен, Иже светом одеваяйся.

От ночи^{[213] [214]} неведения Боговедением просветивый концы, про­свети мя утром человеколюбия Твоего, Господи.

Страшный день Христова пришествия провозвестил еси, Малахие Богомудре, Божественным просвещаемь Духом.

Высота неизреченна и глубина неизмерна есть, Владыко, смотрения Твоего, всяко преходя ума постижение: како водою и Всесвятым Духом земныя очищаеши?

Ядометное терние греха исцелений одождением Твоих о<т>мываеши, Богородительнице Благословенная Всечистая, Бога безсеменно рождшая.

В непроходимыя веки пребывает мучеников Твоих слава и без- смертное благохваление: благословим Тя, вся дела, яко Господа.

Наста Богосиянный пророка праздник и честный, оза­ряя приходящия верою и поющия пророческими блистании, и всем точащий душам исцеления, и просвещающий ясно Богомудрыя.

хпи

Собор 70 Святых Апостол
и преподобнаго отца нашего Феоктиста <игумена,
иже в Кукуме Сикелийстемх 4/16

Егда уязвил еси душу желанием Божественным, Всебла­женне, радуяся, взял еси твой крест, и последовал еси Христу, и, умертвив мудрование плотское воздержанием, Духа действо живо восприял еси, решити недугов зиму теплотою молитв твоих Богоприятных, темже тя согласно ублажаем.

Тленных оставлыпе оскверненное и нестоянное, Христу последоваша Крисп, и Прохор, и Андроник, Фаддей и Никанор, светильницы бывше Боговиднейшии.

Крепость губителя победисте, славнии, крепостию Духа, неистовством же безбожия конечне ослабленныя крепости испол- нисте и Божественнаго разумения.

Божественную Палату Цареву почтим, в Нюже вселися, якоже восхоте, Неискусомужную и Едину Богородицу, Еяже ради обожихомся, воспеснословим.

Якоже реки, вас Слово посла во всю землю, наполняющия сию, всемудрыи, напоении Божественнаго Духа и пламень отьем- лющия безбожия благодатию.

Напряг, посла стрелы вы яко изощренны Благоутробный, стрелы, сокрушающий вражия и люте уязвленныя, славнии, бла­годатию Божиею исцеляющия.

Тя блаженнейший древле лик пророчествующих Духом Богоглаголании священными боголепно именует, Всечисгая, дверь же и гору приосененную.

Очи просвети, Дево, сердца моего, осияй ми зарю покаяния, тьмы мя избави вечнующия, двере Света, христиан всех Прибе­жище, верно воспевающих Тя.

Молитв ралом обновив землю сердца, сию насеял еси Слова семенем, Отче Богомудре, и клас пожал еси благоплодия, восхва­ляющих тя всех благочестивых души питающий.

Бодр ум всегда принося, отче Богомудре, страсти успил еси душетленныя, к Божественному утру тщася досгигнути, к^[215] неза- ходимаго Света светлости, веселящихся в немже есть жилище.

Словесною палицею твоею, Преподобие, на пажити пост­ничества, отче, воспитал еси словесную твою паству и ко ограде Небесней направил еси.

Жизнь Ипосгасную нам рождши, смертию смерть, Дево, упразднившую, лютыми обуреваньми умервщленна мя оживи мольбами Твоими, Чистая, Благословенная и Препрославлен­ная.

Руками создавый, Христе, человека, под руку Предтечеву подклоняешися, яко Человек смирялся, яко да возвысиши мя, древле смирившагося и погибша. Слава славному и страшному строению Твоему.

ХЫУ

Святых мученик Феопемпта и Феоны
и Преподобныя Синклитикии. 5/17

Господи Боже мой, светоименное пение и предпразднсг- венную песнь Тебе поем, Божественным явлением Таинственно обновившему нас и к светлости Божественней возводящему.

Да кропят, веселящеся, облацы веселие вечное: Христос Иисус предгрядет водами Иорданскими потоки греховныя пото­пите, просвещение всем даруя.

Горящу юностному цвету отбеже теснотою и болезньми воз­держания и паление очес твоих слезными течении угасил еси.

Всю напоиша вселенную словесы Божественными Христовы великомученицы и лесть упраздниша.

Богатство некрадомо обретоша воистинну страстотерпцы, богатство, славу и светлость земных оплеваша.

Твоя ныне уклонися от треволнений жития к благоутишно- му душа пристанищу, богата сущи добротами в Божественных пребываниих, мудрая, идеже приуготовися твоим терпеливостра- данием многим покоище.

Добротою естества лучши многих сущи, о^[216] души попеклася еси, яко вид доброты душевныя мудре сохранивши, тем же доб­роту телесную угасивши, распалилася еси воздержанием души твоея.

XIV

Святое Богоявление. Крещение Г<оспо>да Бога
и Спаса нашего Иисуса Христа. 6/18

Еже от Девы Солнце, видя иже от неплодове светильник светлый, во Иордане просяща Крещения, ужасом и радостию вопияше к Нему: Ты мя освяти, Владыко, Божественным явле­нием Твоим.

Иордане реко, что удивился еси, зря Невидимаго нага? Видех и вострепетах, рече, и како бо Сего не хотех устрашитися и зайти? Ангели Его устрашишася, зряще, ужасеся Небо, и земля вострепета, и смятеся море, и вся видимая и невидимая. Христос явися на Иордане освятити воды.

Море виде и побеже, Иордан возвратися вспять. Что ти есть, <море,> яко побегло еси, и тебе, Иордане, яко возвратился еси вспять?

Глубины открыл есть дно и сушею Своя влечет, в ней покрыв противныя, крепкий во бранех Г<оспо>дь, яко прославися.

Шествует морскую волнящуюся бурю, сушу абие Израиль явльшуюся. Чермный же понт тристаты египетския покры куп­но, водостланен гроб, силою крепкою десницы Владычни.

Велиим гласом в пустыни вопиет Предтеча: Христу угото­вайте пути и стези Богу нашему правы со делайте, верою взываю- ще: несть свят, якоже Бог наш.

Егда явлением Твоим просветил еси всяческая, тогда сланое неверия море побеже, и Иордан, доле текий, возвратися, к Небе­си возвышая нас. Но высотою Божественных заповедей Твоих соблюди, Христе Боже, молитвами Богородицы и помилуй нас.

Услышах, Господи, глас Твой, егоже рекл еси, глас вопию- щаго в пустыни, яко возгремел еси над водами многими, Твоему свидетельсгвуяй Сыну, весь быв сошедшаго Духа, возопи: Ты еси Христос, Божия мудрость и сила.

Душевное совершая мудре и словом почтенный, бездушных сгыждуся. Аще бо крещу Тя, клеветна ми есть огнем дымящаяся гора, побегше<е> же море на двое и Иордан сей, возвративыйся: Ты бо еси Христос, Божия мудрость и сила.

Якоже на Небеси, с трепетом и чудом предстояху во Иорда­не силы Ангельския, смотряюще толика Божия схождения: яко Держай превышних вод состав, в водах Плотоносец стояше, Бог отцев наших.

Опали струею змиевы главы пещный высокий пламень, юноши носящ благочесгивыя, утишивый неудободержимую мглу из греха всю же омывает росою Духа.

Х1ЛТ