Преподобнаго Игумена Саввы Сторожевскаго

Мир возненавидев, Христа возлюбил еси, Сиона мысленна- го житель показался еси, наставлением учителя твоего совершен- наго послушания досгигл еси.

От юности, преподобие, плотская мудрования покорил еси духу, и, в живоносную мертвосгь одеявся, светильник, блаженне, явился еси пресветлый, благодатию Божесгвеннаго Духа исти­нен пастырь показався, словесною, Савво, цевницею собранное стадо о Христе <добре> упасл еси и на пажить духовную возвел еси.

Молчанием язык обуздал еси и немятежным житием во пло­ти ангельски, отче, пожил еси.

Христос моя сила, Бог и Господь, честная Церковь боголеп­но поет, взывающи, от смысла чиста о Господе празднующи.

Безмерное смирение возлюбив, своея мысли зрительное очистил еси и ныне, в райских селениих водворялся, вопиеши: слава силе Твоей, Господи.

Видети славу Вседержителя желая, обновил еси души кре­пость и славою обогатился еси Небесною.

Пучиною слез твоих, Пребогате, злоначальнаго змия пото­пил еси, яко победоносец изряден к небесам¹ возлетел еси, непре­станно вопиеши: благословен Бог отец наших.

VIII И

Святыя Великомученицы Варвары
и преподоб<наго> отца нашего Иоан<н>а Дамаскина

Отче Иоан<н>е всемудре, Церковь Христову уяснил еси песньми, Божественнейшая^{[128] [129]} сладкопоя, всеславне, действом, отче, Духа, твою цевницу ударяя, всесличней Давидове подобяся, еюже возглашая, Божественными песньми вся привлекл еси.

Отче Иоан<н>е славне, мирския отступль мятежный молвы, ко Христове притекл еси тишине, преподобие, и видении Боже­ственными и деянии, всебогатыми яве^[130] светлосгьми истинно обо­гатился еси, и верным преподал еси, Боголепным сияя житием, блаженнейше.

Православия насгавниче, благочестия учителю и чистоты, вселенныя светильниче, монашествующих Богодохновенное^[131] удобрение, Иоан<н>е премудре, ученьми твоими вся просветил еси, цевнице духовная, моли Христа Бога спасгися душам нашим.

О Тройце¹ Пребожественная Честная! Яже паче ума даро­вание Твоим рабом подаюгци, светоносную вдохни мрачному моему уму лучу Твою похвалити мученицу Варвару приснопа­мятную.

Похвалений всяк предел воистинну превзыде Твоих муче­ник слава, Человеколюбие; но, еже от веры по силе прием хвале­ние, всениспосли^{[132] [133]}, Владыко, богатно воздаяние.

Твоя похвалы начата хотящу ми, подаждь твой ныне глас медоточный, преподобие, имже Православную уяснил еси Цер­ковь песньми, отче Иоан<н>е, яже твою почитает память.

Уязвляема любовию Твоею, яко жениховою, Владыко, неодержным стремлением страстотерпица Варвара все отеческое^[134] безбожие возненавиде.

Ни сладости красота, ни цвет доброты, ни богатство же, ни сладости юносгныя усладиша тя, Варваро славная, Христу уневе- сгившуюся, добрая дево.

Труба Богогласна освященна, священнейше, нам явил­ся еси, песнопоющи образно учения Господа и Спаса концем, и твоими словесы мир просветил еси, Иоанне преподобие, Христа Бога моли даровати нам велию милость.

Просветався Духа благодатью, Божественных и человече­ских знание<м> вещей ясно обогатався, требующим, Иоанне, не­завистно преподал еси.

IX TÔT

Преподобнаго и Богоноснаго отца нашего
Саввы Освященного

Зритель был еси умом мысленных Сил, яко детелен^[135] Боже­ственных словес, полагая в твоем сердце, в немже и восхож­дения, яко лесгвицу, утвердил еси, Преподобие Савво, отче наш, и ныне молися даровати душам нашим мир и велию ми­лость.

Слез твоих теченьми пустыни бесплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, Савво, отче наш, моли Христа Бога спасгися душам нашим.

Постническое обучение собрав на земли, преподобие Савво, и страстей прилоги течением слез твоих вся притупил еси; лесг- вица Божественная и честная, на Небо возводящая, всем познася Богоприятное житие твое, благочестия бо плоды в нем показав, врачуеши ими немощи страстей верно вопиющих ти: радуйся, восточная звезда златозарнейшая, и монашествующих лампадо светлая, и пастырю; радуйся, приснопеваемый, пустынное зело добрейшее воспитание и Церкве непоколебимое утверждение; радуйся, заблуждших великий путевожде; радуйся, наша хвало и вселенныя светлое радование.

Лествица небомерная яве житие твое бысть, Богомудре, еюже на высоту возвысился еси и Владыце Христу беседовати, всеблаженне, сподобился еси; ум просветив тамо сущими осия- нии, лучами же Того просвещаем, равноангельну приял еси свет­лость.

Светозарением Святаго Духа, Савво, озари благочест­ною любовию песньми восхваляющия тя, постников похва­лу, монашествующих славу, пустыни украсителя, благочестия учителя.

Всю любовь к Богу возложив¹ от юности, и к Нему, радуяся, все твое желание имея, плоти движения и страстей находы воздер­жанием умертвил еси, Савво Богоносе всехвальне.

Странна твоя чудеса: звери бо укротил еси, утишив стра­стей волны, предглаголеши будущая пророческим даром, полки демонския прогоняя, язвиши благомощными бдении же и молит­вами, и пощеньми, и Креста силою непобедимою, Богоносе.

х Т

Иже во Святых Отца нашего Николая,
Архиепископа Мир Ликийских ^{[136] [137]} , Чудотворца.
Декабр<ь> 6/18

Николае блаженне, припадающа мя ущедри, молюся тебе, и очи, премудре, просвети души моея, да чисте узрю Светодавца и Щедраго.

Пристанище тя небурное, и стену необоримую, Иерарше, тя стяжахом, вернии, и столп утверждения, и дверь покаяния, и наставника душ, и поборника.

Велий заступник и теплый в бедах обретающимся еси, слав­не, Святе Николае, священнопроповедниче Христов, сущим на земли и плавающим, сущим далече и близ обретающимся яко зело милостивнейший и молебник крепкий. Темже, сошед- шеся, вопием: молися ко Господу, яко да всякаго избавимся об- стояния.

Отче Николае, аще и Мирская^[138] страна молчит, но мир весь, иже тобою просвещенный, мирра же благоухании и чудес множе- ствы взывает благохвальными песньми; и спасшийся тобою осуж- деннии, с сущими в Мурех и мы, поюще, вопием: моли спасгися душам нашим.

Вся Боголепно научил еси, святителю Николае, и ныне неувядаемым венцем увязлся¹ еси, молися о душах наших.

На хвалу потекл еси Господню, Николае, во временней жиз­ни, и Той тя прослави на Небесней и истинней жизни. Темже дерзновение стяжав к Нему, моли спасти души наша.

Радуйся, священная главо, чистый добродетелей доме, Боже- ственнейшаго священства правило.

Радуйся, священнейший уме, Троицы чистое обиталище, столпе церковный, верных утверждение, побеждаемым помощь.

<Радуйся, ревности Божесгвенныя исполнивыйся и наведе­ния зла избавль неправедно хотящих умрети предстанием страш­ным и сна запрещеньми, источниче, источаяй в Мгрех, Николае, миро богатно и души напояющее, смрады же страстей отгоняю­щее, меч, плевелы прелести посекающий>, лопата, развевающая Ариева плевельная учения. Христа моли ниспослати душам нашим велию милость.

В Мирех^{[139] [140]} живый чувственне, Иерарше, миром разумно духовным явился еси помазан, Отче Николае. Темже миры чудес твоих мир облаговонил еси, миро приснотекущее проливая, мир­ными твоими благовонными словесы и памятию твоею.

Наследниче Божий, сопричастниче Христов, служителю Гос­подень, Святе Николае, по имени твоему тако и житие твое: спро­сил бо седине разум, свидетельствоваше^[141] светлость лица твоего душевного незлобие, извесгвоваше^[142] кротость слова молчаливое. Жизнь твоя славна и успение со святыми, моли о душах наших.

Песнь победную поим вси Богу, сотворшему дивная чудеса мышцею высокою и спасшему Израиля, яко прославися.

Премудрости бездну рождшая, капли мудрости ми источ­ник благодатно точащий, Чистая, низпосли, песнословити благо­датей Твоих пучину.

Словом Слово породила еси, словом все к существу при- ведшаго словесное естество, купно и безсловесное, безсловесия избавляющаго человеки, Всеблагословенная.

Скрижаль в сердцы стяжав, Богомудре, многих добродете­лей, написану безсмертным и пречистым перстом Христа Бога, Николае, паче меда и сота сладость точиши из устен твоих.

Показа благодать на тебе преславне чудеса, Николае: чистое бо житие твое, воистинну злата светлейши, облисгает мрачныя души зарею Божесгвеннаго Духа.

<Реку исцелений, обильне изливающую, и источник тя чудес неоскудный показа, Николае, милости бездна:> тяжкими <бо> недугами горце дручим<ии> и злоключень<м>и жития люте мучимии всякия скорби целебную воистинну обретают лечбу, теплое твое защищение. <Сего ради вопием ти: молися Христу Богу прегрешений оставление даровати празднующим любовию святую память твою>.

На Небесах присносущую славу ныне^[143] зря, и неизглаго- ланныя и Божесгвенныя зари светлейшими наслаждался сия­нии, покрый мя предсгательсгвом твоим, преподобие, угодниче Христов всечесгне.

Умерщвленна мя, блаженне, прегрешеньми и страстей тре- волненьми погружаема, яви<в>ся, спаси ко пристанищу Божест­венный воли.

Странна и ужасна содеваеши чудеса, Николае, по всей земли и в мори далече бедствующим, скоротечными молитвами пред­стательствуя.

Оком умным провидя будущая, учений правых наполнил еси вся концы: <Единосущна Отцу Сына возвещая нам, Ариево неистовство потребил еси, столп Православный веры, честная твоя предложив исправлениях

Утверди ума моего вращение, помышление мятежно <укре- пи> на недвижимом камени покровом Твоим, Мати Дево.

Незаходимаго света невещественными лучами облистаем, сущия во тьме скорбей озлобленныя исхити и к просвещению веселия настави, поющия: благословен еси, Боже отец наших.

Премудрости чаши приближився Таинственно, устнами твоими, Отче Николае, капли одождения почерпл еси, паче меда и сота, людем повелевая вопити: отцев Боже, благословен еси.

Яко одушевленный^[144] чертог и вдохновенная червленица, хла­мида червленошарная всех Царя явилася еси, Дево, и порфира, из неяже плоть с<о>просия Богочеловека Слова.

Светом просвещся неприступным, отче, души сущих в скор­би озаряеши, разоряя всю мрачную тьму напастей, облисгав же веселием сердца наша. Имиже далечесиятельно просвещаеми, вопием: да благословит тварь вся Господа и превозносит во вся веки.

Свещами <благодати>, Богомудре, просвещаем, и светиль­ник благочестия яве был еси.

Воззрев неуклонно на высоту разума и узрев неявленно пре­мудрости глубину, твоими ученьми мир обогатил еси, отче. О нас присно молися Христу, Святителю Николае.

Вострубим трубою песней, взыграем празднесгвенная и ли- ковствуем, радующеся, в молебное торжество Богоноснаго отца. <Людие да стекутся и иже сонным страшным явлением царя препирающа неповинно держимыя три отпустите воеводы, да воспоют. Пастырие и учителие, Добраго Пастыря> подобнорев- нительна пастыря, <сошедшеся восхвалим, иже в недузех врача, и иже в бедах избавителя, грешнии заступника, нищии сокро­вище и иже в скорбех утешителя>, спутника путешествующий, на мори сущии правителя и вси везде тепле предваряюща, велика­го святителя восхваляюще, сице рцем: пресвятый Николае, пред­вари, и избави ны от настоящия беды, и спаси стадо твое молит­вами твоими.

XI А1

<Иже во святых отца нашего> Амвросия, Епископа
Медиоланского, <преподобнаго> Антония,
Сийскаго Чудотворца, и преставление¹
<преподобнаго> отца нашего Нила,
новаго Чудотворца. Декабрь 7/19

Всегубительных страстей моих огнепальная стремления росою Божественною, вольным одождением твоим угаси, Дево; да и аз, якоже отроцы, Бога, из Тебе рожденнаго, благодарю и славлю и благословлю благодать Твою, Владычице.

Иерарх показался еси, помазався миром священства, совер­шая священники, всем спасительное даруя очищение.

Соблюл еси паству твою от всякаго вреда противных, бла­женне, и Ариеву лесть всю омрачил еси сиянием словес твоих.

Утреневав ко Христу, тамо сущими светлосгьми озарился еси богатно, и Света наполнился еси Божесгвеннейшаго^{[145] [146]}, и про- свещаеши верно чтущия тя всегда.

Рим твоя честная благохвалит исправления: яко бо звезда световидна, всюду лучи чудес твоих, Иерарше, испустил еси, вер­но удивляем.

Законоположением Спаса ты последуя, отче, данный тебе талант, яко раб блажайший¹, тщательно умногосутубил еси, Вла- дычния сподобляем радости.

Изострив Богословный твой ум, струи священных догматов, яко реку, испустил еси, напояя верных исполнение, священнота- инниче Отче Амвросие.

Камень нерукосечный от несекомыя горы, Тебе, Дево, крае­угольный отсечеся, Христос, совокупивый разсгоящая<ся> есте­ства. Тем, веселящеся, Тя, Богородице, величаем.

Тя, златозарный отче, Божесгвеннаго Духа светильник, свет благочестивых учений и врачеваний лучу испущающ и верныя просвещающ, велегласно ублажаем.

XII В1