О пострижении святаго во иноческий образ. — КиберПедия 

Папиллярные узоры пальцев рук - маркер спортивных способностей: дерматоглифические признаки формируются на 3-5 месяце беременности, не изменяются в течение жизни...

Состав сооружений: решетки и песколовки: Решетки – это первое устройство в схеме очистных сооружений. Они представляют...

О пострижении святаго во иноческий образ.

2017-07-09 168
О пострижении святаго во иноческий образ. 0.00 из 5.00 0 оценок
Заказать работу

По чюдеси же оном блаженный отрок, не хотя слышати славы от человек, отходит оттуду и прииде на реку, глаголемую Каму, в монастырь Всемилостиваго Спаса, нарицаемый Пыскорский, и ту//(л. 70) пребываше, поучаяся монастырских уставов и иноческаго чина прежде даже не приим его. Не по мнозе же времени приходит блаженный к настоятелю обители тоя, ко иеромонаху имянем Варламу, мужу благочестиву сущу, началник бо бе месту тому и создатель обители тоя. И пад, поклонися ему до земли, и моля его, со слезами глаголя: «Отче святый, приведе мя Бог к Твоей святыни, да сотворищи мя//(л. 70 об.) инока. И буди ми наставник ко спасению души моея». Иеромонах же Варлаам виде блаженнаго отрока на земли лежаща и слезы многи точаща на долг час, и прозуме хотящую благодать явитися на нем, и начат глаголати к нему: «О чадо, видиши ли, яко место се скорбно суще и подвижно на всяко дело. Ты же юн сый, мню бо, яко не имаши терпети скорбных на месте сем». Се же не токмо//(л. 71) искушая его глаголаше, но и прозорливыма очима зряше на блаженнаго, яко Богом наставляем бе и хощет Богу сосуд избран быти (Деян 9:15) и наставник многим душам ко спасенному пути. Блаженный же отрок со многим смирением отвещав к настоятелю, глаголя: «О честный отче, провидец бо всяческих Бог приведе мя к твоей святыни, яко да наставиши мя на всяко дело благо. И елико аще//(л. 71 об.) повелиши ми сотворити, повеленная тобою вся сотворю, но точию сотвори мя инока и буди ми наставник ко спасению души моея». Иеромонах же Варлаам, слышав сия, рече ему: «Благословен Бог всяческих творец, укрепивый тя на се тщание и да благословит и сподобит тя великому святому ангельскому образу, и будеши сосуд избран (Деян 9:15) Божественнаго Духа.//(л. 72) И яко же хощеши, буди по вере твоей. Отселе буди служай братии со всяким терпением и покорением, купно же и послушанием».

Сия же слышав блаженный настоятель, и пад поклонися ему до земли и тако радостне преклоняет главу и остризает власы ея, вкупе же с отъятием власов отлагает и долу влекущая мудрования. И нарекоша имя ему Трифон. Бе же//(л. 72 об.) святый тогда от рождения своего двадесяти двою лет, егда приим святый ангельский образ. И оттоле всего себе предаде Богови, и нача на болший подвиг простиратися, во дни убо в требах потских служаше братии, смиряя плоть свою, труды многими мучаше себе, воспоминая пророка, глаголюща: «Виждь, Господи, смирение мое и труд мой и остави вся грехи моя» (Пс 24:18) //(л. 73). В нощи же бодрствоваше, на молитве стоя и долу леганием мало сна приемляше, постом и воздержанием плоть свою изнуряя, и яко враг телу своему бываше. И тако преподобный со всяким воздержанием смиряше душу свою, тело же свое томяше трудом и подвигом, яко же наставнику и всей братии дивитися великому его смирению и воздержанию и совершенному его смирению// (л. 73 об.) и послушанию ко всем без роптания, иже во юности таковому благонравию вдав себе. И сия видевши, братия вельми прославляху Бога. Посем же преподобный братиею избирается в пономарство и от настоятеля багословения сподобляется, яко и в божественней службе в дароношение просфоры печаше и свещи скаше, и вся церковныя службы со всяким смирением и послушанием//(л. 74) устроеваше со страхом и благоговением, и со всяким благочинием, яко же подобает быти лепо. По сих же и во иныя монастырския службы отсылается: в поварни на братию ядь варяше, и в пекарнице хлебы печаше, и повсегда от леса на рамех своих ношаше. Потом же и болящим на послужение от настоятеля посылается и ту доброе со всяким смиреномудрием строяше,//(л. 74 об.) служаше братии, и ис келлии братии болных кал изношаше, и вся терпяше со благодарением, и всякия монастырския службы прохождаше с радостию. И во всем преподобный собою многим образ показа и мнози, видевши и слышавше его смирение многое и терпение, и послушание, и любовь, и прочие добродетели. Всеми любим бе и удивлен, и мнози ревнующе житию//(л. 75) святаго. Иногда же бывающим оводом сущим многим, и мшицам, и комаром, преподобный же ношию тай излазяше ис келлии и тело свое обношаше до пояса. От множества же комаров и мшиц все тело его обагрено бываше. Преподобный же стояше, яко столп непоколебим и неподвижим, и из уст своих молитву испущаше непрестанну, дондеже утренняго//(л. 75 об.) пения год беяше. И прежде всех братий в церкви обреташеся, и пребываше непоступен, и ум свой к Богу постираше, и никако же ис церкви исхождаше, кроме нужды, дондеже божественное славословение совершашеся. По отпусте же соборнаго пения из церкви последи всех исхождаше и в келлию свою с молчанием прохождаше, ни с ким же беседоваше, празднословия же//(л. 76) ни слышати от кого хотяше, правила же своего келейнаго никогда же измени, но всегда пребываше в молитвах и коленопреклонениих, в посте же и воздержании, ядь же его во уреченныя дни хлеб и вода и то в меру, юностный бо цвет изнуряше и плоть свою духови порабощая. Одра же и постели же святый не имяше, но точию на земли мало покоя приимаше. Таков бо бяше устав//(л. 76 об.) у преподобнаго отца иноческаго жития его.

Некогда же случися преподобному в полезнь люту впасти, и на многи дни не могий пищи вкусити, ни сна причаститися, ниже на одре двигнутися можаше, но никими боящимися Бога обращаемь бяше и носим нужды ради телесныя. И тако пребывающу ему, продолжися болезнь его на 40 дний и вящи,// (л. 77) пророку глаголющу: «Многи скорби праведным, и от всех их избавит я Господь» (Пс 33:20), «его же бо любит Господь, того и наказует» (Притчи 3:12). И паки рече: «Аще наказание терпете и яко сыновом вам обретается Господь» (Евр 12:7).

Во един же от дний, лежащу преподобному, и плачущюся, и рыдающу, не яко света сего жития насладитися желаше или облегчение телу своему прияти, но о гресех скорбяше и бущия//(л. 77 об.) жизни со святыми насладитися желаше.

О видении ангела Господня.

И в той болезни бывшу преподобному во иступлении, явися же ему ангел Господень во одежде светле и ста одесную его, глаголя: «Аз есмь храняй тя, послан есмь от Бога, повелено ми душу твою из`яти от тебе». Преподобному же мневшу востати сущу и яко крилату, и забы болезнь свою, яко никогда болевшу, и зряше на одр//(л. 78) свой, идеже лежа. Той же видяшеся, яко земля. Идяше же вослед ангела, и абие ангел Господень возлете на воздух, преподобному же мнящу в след ангела летящу, и зря преподобный, и не виде ни неба, ни земли, но точию свет неизреченный. И бысть свыше глас велий и к ангелу глаголющ: «Ускорил есмь взяти его семо, но паки возврати его вспять, идеже пребываше». Ангел же Господень постави// (л. 78 об.) преподобнаго в келлии, идеже лежаше, и ктому невидим бысть. Бысть же преподобному видение сие во дни от шестаго часа даже до последняго, в то же время настоятель того манастыря и братия быша на селе собрания ради плодов. И аще бы в то время братия были во обители и видели преподобнаго тако безгласна лежаща, мнели бы его мертва суща. И егда преподобный возбну от видения, и быв//(л. 79) в себе, и возре на иконы святыя, стоящыя над ним. Бе бо образ Пресвятыя Богородицы, и Предтечи Иоанна, и чюдотворца Николая, и повеле брату своему Серапиону в келлии фимианом покадити, и нача молебно глаголати, со слезами глаголя: «О Пресвятая Госпоже Владычице Богородице, всемилостивая Царице небесная, Мати Христа Бога Нашего, крепкая заступнице и помощнице роду человеческому! Буди о мне грешнем хода//(л. 79 об.)таице присномолящися к Сыну и Богу Нашему, яко да наставит мя, грешнаго, на путь спасения». И тако плачющуся преподобному на мног час, и помалу преста от слез, и паки зрит вскрай одра своего. И виде близ себе человека стояща светоносна во светлых ризах плещащася, брадою и власы бел, плешив не яко во сне, но яве, в руце имеяше крест Господень. И рече ко преподобному сий:// (л. 80) «Рабе Божий Трифоне, болезнуеши ли?» Преподобный же отвеща: «Ей, Господи мой, зело изнемогаю». Светлый же он муж рече рече: «Востани и ходи». Преподобный же отвеща: «Не могу никако, господи мой». И паки той муж, взем преподобнаго за руце, и под`ят его, глаголя: «Востани и ходи». И благословив его честным крестом, иже ношаше. И в той час преподобный Трифон укрепися и бысть здрав. И по сем дерзну вопросити// (л. 80 об.) оного светоноснаго мужа, и глагола к нему: «Ты кто еси, господи мой?» Рече же ему оный светлый муж: «Аз есмь Николае, раб Бога Вышняго, от Него же приидох посетити тя и исцеление даровати ти, понеже вера твоя велия ко общему всех Владыце и мене всегда призываеши на помощь. Ты же, рабе Божий Трифоне, по сему разумевай, яко аз ти помощник буду во всяко дело благо. И ты же// (л. 81) обещания своего не забывай и заповеди Господни не преступай, но подвизайся всякими добродетельными труды и утвержайся в всем о Господе». И сия изрек святый Николае, невидим бысть. Преподобный же отец Трифон по явлении святаго Николы бысть душею светел и радости духовныя исполнися, яко Господь Бог таковаго дара сподобил видети.

И по сем преподобный Трифон наипаче//(л. 81 об.) нача в духовных добродетелех подвизатися, и труды к трудом прилагати, и на молитву упражнятися. И елико сей угодник Божий преподобный Трифон Бога прославляше, толико и Бог раба Своего в мире сем знамении и чюдесы прославляше.

Чюдо о беснующейся девице.

Муж некий имянем Симеон, живый близ тоя обители волости Зырянския. Сего же мужа дщи одержима//(л. 82) бяше бесноватым недугом. Уведев же о преподобнем отце Трифоне, яко свято и богоугодно житие его, и слава о нем прохождаше, той же муж Симеон приложи веру ко всемилостивому Спасу, и прииде в монастырь со дщерию своею, и Господу Богу молящеся на мног час, и потом прииде к преподобному отцу Трифону, и припадает к ногама его, плачася, и моляше святаго, дабы сотворил молитву Господу Богу//(л. 82 об.) о дщери его, о изгнании лютаго беса. Преподобный же виде дщерь его, от беса мучиму, и велию веру мужа сего, и рече ему: «Брате, моли Господа Бога о прощении согрешении твоих. И обещайся ему, дабы жити ти впредь богоугодно и праведно, и ходити по заповедем его, и от всякаго греха удалятися. И Господь Бог поможет ти и дщери твоей, и печаль вашу в радость преложит». Сам же преподобный иде//(л. 83) в внутренную келлию свою, и ста на обычном своем месте пред святыми иконами, и на мног час молитву Господу Богу простираше со слезами о изгнании лютаго беса. И по молитве преподобный, взем святя воды и покропив беснующуюся отроковицу, и даде ей святыя воды пити, и повеле ей ко образу Божии Матере приложитися, и в той час прия от Господа Бога милость. И молитв ради преподобнаго отца Трифона исце//(л. 83 об.)ление получи и свободися от лукаваго беса. И отидоша в дом свой радующеся, славяще Бога и преподобнаго отца Трифона.


Поделиться с друзьями:

Общие условия выбора системы дренажа: Система дренажа выбирается в зависимости от характера защищаемого...

Типы сооружений для обработки осадков: Септиками называются сооружения, в которых одновременно происходят осветление сточной жидкости...

Семя – орган полового размножения и расселения растений: наружи у семян имеется плотный покров – кожура...

Таксономические единицы (категории) растений: Каждая система классификации состоит из определённых соподчиненных друг другу...



© cyberpedia.su 2017-2024 - Не является автором материалов. Исключительное право сохранено за автором текста.
Если вы не хотите, чтобы данный материал был у нас на сайте, перейдите по ссылке: Нарушение авторских прав. Мы поможем в написании вашей работы!

0.009 с.