Начало житию преподобнаго отца нашего Трифона чюдотворца.

Житие Трифона Вятского

РНБ

Собрание рукописей А. А. Титова в Ростове Великом № 563. Полуустав. XVII–XVIII вв.

(л. 40) Месяца октовриа в 8 день житие и подвизи и от части чюдес исповедание преподобнаго отца нашего Трифона архимандрита чюдотворца началника обители Успения Пресвятыя Богородицы, яже есть близ града Хлынова. //(л. 40 об.)[1]

Слава Богу Вышнему, Иже в Троице славимому, Иже есть упование наше, свет и живот наш, в Него же веруем, вонь же крестихомся, о Нем же живем, и движемся, и есмы (Деян 17:28). Слава показавшему нам житие мужа свята и старца духовна, весть бо Господь славити славящих Его (1 Ц. 2:30) и благословляти благословящих Его, иже и присно прославляет своя угодники,//(л. 41) славящия его житием чистым, и богоугодным, и добродетелным, благодарим Бога за премногую Его благодать, бывшую на нас, яко же рече апостол: «Благодать Богу о неизреченнем Его даре» (2 Кор 9:15). Паче же ныне должни есмы благодарити Бога о всем, иже дарова нам такова мужа свята и старца духовна, глаголем же преподобнаго отца Трифона, иже ныне ново в последняя времена//(л. 41 об.) и лета во дни наша в земли нашей Рустей в стране Вятской просиявшаго житием добродетелным, сказати же вам возможем, присныя раби богатаго Владыки и Господа, иже и гроб его при его во обители Богоматере пред нами есть, в нему же с верою повсегда притекающе, великое утешение душам нашим приемлем и от сего зело пользуемся. Да поистинне велико то есть нам от Бога//(л. 42) дарование даровася, юже подобну вашего достоинства предложити трапезу полну сущу словесе ангельския пищи, еже добро есть о Бозе начати, и о Бозе кончати, и о Божием угоднице повести счиняти. Слово же, от разума текущее, и языка уяснение от неоскудных сего сокровищ молим подати нам прежде сих света зарю, ею же мрак души и ума очистив си,//(л. 42 об.) добродетели жития бодренно сказати возможем не яко онаго ищущи похвалити, «похвала бо праведнику от Господа» (Ср. Рим 2:29). Паче же полезно, что бы и нам от сего снискающе ползоватися, не бо и древних изрядных мужей жития потребна бяху писати и почитати пользы ради бываемыя от них человеком, а еже ныне нашего последняго рода, вон же век//(л. 43) кончина достиже, в нем же мало спасаемых, не точию потребно, но и вельми желателно, яже сих писати, и частее почитати, и на жития их зрети. И елико от них остающе, себе зазрети и совестию осудитися, ово же за сущия в нас лености, да яко на сих жития зрящи, поучаими ими и яко остном подстрекаеми, к добродетели поне мало подвигнемся, да негли многи велики// (л. 43 об.) повести святых жития возбудят сердца наша к житию исправления. И самая бо истинна Господь Наш Иисус Христос глаголет: «Не вжигают светилника и полагают под спудом, ни под одром, но на свещнице, да светит всем, иже в храмине суть» (Мф 5:15). И паки: «Не укрыется град, верху горы стоя» (Мф 5:14), такожде и сего праведнаго мужа добродетелное его житие, утаитися не может.// (л. 44) И несть бо полезно таити жития святых. Слышим бо апостола Павла вселенныя учителя, глаголюща: «Готови будите всякому просящему в вас слова, еже в вас надежда» (1 Петра 3:15), яко же и пророк рече: «Елико мы слышахом и разумехом я, и отцы наша поведаша нам, да не утаится от чад их в род ин, возвещающе хвалы Господни, и силы Его, и чюдеса, яже сотвори» (Пс 77:3-4) рабом своим.//(л. 44 об.)

Такожде и ныне сего достохвалимаго и всеблаженнаго отца нашего Трифона житие должно воспомянути, род его и воспитание, иже в пустыни труждьшася и постившася, и особь хождение его, последи же и архимандрита бывшаго в созданнем от него монастыре, яже в повести предлагаеме слышим. Но аще бо не писано будет святаго старца житие и оставленно// (л. 45) купно без воспоминания, то сие никако же повредит сего святаго отца – не получити ему от нас воспоминания, «их же бо имена написаны суть на небесех» (Лк 10:20). Им бо никая потреба есть, яже от человек требовати писания и воспоминания, но мы сами от сего не пользуемся, оставляюще толикую пользу. И того ради сия вся собравше, начинаем писати, яко да и прочии// (л. 45 об.) иноцы, иже не суть видели святаго отца, да и тии прочтут и поревнуют добродетели и, его житию верующе, последуют. «Блаженни бо, рече, невидевшии и веровавшии» (Ин 20:29). Обаче же Бога в помощь молитвами его призываем и начинаем повествовати, взыскующе отнюдуже удобно. Подобает же взыскати от корене отрасль, и обрящем, и вемлем (так!) не от терния, но от благоплодныя лозы грозд.// (л. 46)

О видении ангела Господня.

И в той болезни бывшу преподобному во иступлении, явися же ему ангел Господень во одежде светле и ста одесную его, глаголя: «Аз есмь храняй тя, послан есмь от Бога, повелено ми душу твою из`яти от тебе». Преподобному же мневшу востати сущу и яко крилату, и забы болезнь свою, яко никогда болевшу, и зряше на одр//(л. 78) свой, идеже лежа. Той же видяшеся, яко земля. Идяше же вослед ангела, и абие ангел Господень возлете на воздух, преподобному же мнящу в след ангела летящу, и зря преподобный, и не виде ни неба, ни земли, но точию свет неизреченный. И бысть свыше глас велий и к ангелу глаголющ: «Ускорил есмь взяти его семо, но паки возврати его вспять, идеже пребываше». Ангел же Господень постави// (л. 78 об.) преподобнаго в келлии, идеже лежаше, и ктому невидим бысть. Бысть же преподобному видение сие во дни от шестаго часа даже до последняго, в то же время настоятель того манастыря и братия быша на селе собрания ради плодов. И аще бы в то время братия были во обители и видели преподобнаго тако безгласна лежаща, мнели бы его мертва суща. И егда преподобный возбну от видения, и быв//(л. 79) в себе, и возре на иконы святыя, стоящыя над ним. Бе бо образ Пресвятыя Богородицы, и Предтечи Иоанна, и чюдотворца Николая, и повеле брату своему Серапиону в келлии фимианом покадити, и нача молебно глаголати, со слезами глаголя: «О Пресвятая Госпоже Владычице Богородице, всемилостивая Царице небесная, Мати Христа Бога Нашего, крепкая заступнице и помощнице роду человеческому! Буди о мне грешнем хода//(л. 79 об.)таице присномолящися к Сыну и Богу Нашему, яко да наставит мя, грешнаго, на путь спасения». И тако плачющуся преподобному на мног час, и помалу преста от слез, и паки зрит вскрай одра своего. И виде близ себе человека стояща светоносна во светлых ризах плещащася, брадою и власы бел, плешив не яко во сне, но яве, в руце имеяше крест Господень. И рече ко преподобному сий:// (л. 80) «Рабе Божий Трифоне, болезнуеши ли?» Преподобный же отвеща: «Ей, Господи мой, зело изнемогаю». Светлый же он муж рече рече: «Востани и ходи». Преподобный же отвеща: «Не могу никако, господи мой». И паки той муж, взем преподобнаго за руце, и под`ят его, глаголя: «Востани и ходи». И благословив его честным крестом, иже ношаше. И в той час преподобный Трифон укрепися и бысть здрав. И по сем дерзну вопросити// (л. 80 об.) оного светоноснаго мужа, и глагола к нему: «Ты кто еси, господи мой?» Рече же ему оный светлый муж: «Аз есмь Николае, раб Бога Вышняго, от Него же приидох посетити тя и исцеление даровати ти, понеже вера твоя велия ко общему всех Владыце и мене всегда призываеши на помощь. Ты же, рабе Божий Трифоне, по сему разумевай, яко аз ти помощник буду во всяко дело благо. И ты же// (л. 81) обещания своего не забывай и заповеди Господни не преступай, но подвизайся всякими добродетельными труды и утвержайся в всем о Господе». И сия изрек святый Николае, невидим бысть. Преподобный же отец Трифон по явлении святаго Николы бысть душею светел и радости духовныя исполнися, яко Господь Бог таковаго дара сподобил видети.

И по сем преподобный Трифон наипаче//(л. 81 об.) нача в духовных добродетелех подвизатися, и труды к трудом прилагати, и на молитву упражнятися. И елико сей угодник Божий преподобный Трифон Бога прославляше, толико и Бог раба Своего в мире сем знамении и чюдесы прославляше.

Чюдо о беснующейся девице.

Муж некий имянем Симеон, живый близ тоя обители волости Зырянския. Сего же мужа дщи одержима//(л. 82) бяше бесноватым недугом. Уведев же о преподобнем отце Трифоне, яко свято и богоугодно житие его, и слава о нем прохождаше, той же муж Симеон приложи веру ко всемилостивому Спасу, и прииде в монастырь со дщерию своею, и Господу Богу молящеся на мног час, и потом прииде к преподобному отцу Трифону, и припадает к ногама его, плачася, и моляше святаго, дабы сотворил молитву Господу Богу//(л. 82 об.) о дщери его, о изгнании лютаго беса. Преподобный же виде дщерь его, от беса мучиму, и велию веру мужа сего, и рече ему: «Брате, моли Господа Бога о прощении согрешении твоих. И обещайся ему, дабы жити ти впредь богоугодно и праведно, и ходити по заповедем его, и от всякаго греха удалятися. И Господь Бог поможет ти и дщери твоей, и печаль вашу в радость преложит». Сам же преподобный иде//(л. 83) в внутренную келлию свою, и ста на обычном своем месте пред святыми иконами, и на мног час молитву Господу Богу простираше со слезами о изгнании лютаго беса. И по молитве преподобный, взем святя воды и покропив беснующуюся отроковицу, и даде ей святыя воды пити, и повеле ей ко образу Божии Матере приложитися, и в той час прия от Господа Бога милость. И молитв ради преподобнаго отца Трифона исце//(л. 83 об.)ление получи и свободися от лукаваго беса. И отидоша в дом свой радующеся, славяще Бога и преподобнаго отца Трифона.

Чюдо о соляном росоле.

В то же время Божиими судбами в Спаском Пыскорском монастыре у соляных их промыслов отяся соляной росол. Настоятель же и братия слышаху о преподобнем отце Трифоне, яко в пустыне пребывает и молитв ради его бывают многая чюдеса и знамения. По сем же и настоятель//(л. 109 об.) и братия воспоминают своя согрешении еже ко преподобному, глаголюще: «О како мы Бога прогневахом и такова старца мужа сожития его лишени быхом за оскорбление наше и озлобление, еже к нему злонравием нашим изо обители его изгнахом». И тако им глаголющим и кающимся много, понеже бо егда преподобный в моностыре оном живяше, тогда мнози от человек при//(л. 110)хождаху ко святому молитвы ради, и недужныя своя приношаху, и молитвами его здравие получаху, и знаем бысть святый тамо многим и славим ими, яко же о сем и прежде рехом. Дьяк же Василий манастыря того и нецыи от братии, завистию диаволию подстрекаеми бяху, и вместо блага злое святому творяху. В соборе же и везде яко неключимаго раба поношаху его. И укоряюще,//(л. 110 об.) нань клеветаху и пакости многи святому деяху. Последи же той дьяк Василий прият возмездие от Бога, иже впаде в болезнь люту, и бысть разлаблен, тако же и братия, поносящии нань, пострадаша. Строитель же и братия послаща к преждереченному прикащику Строгановых имянем Третьяку, и молят его, дабы он умолил преподобнаго//(л. 111) отца Трифона и из Строгановых вотчны прислали бы с честию в Пырской монастырь, и пишуще сице к нему: «Присылал бо еси ты к нам в монастырь солянова своего мастера для исправления росольных течений. Судбами же Всесильнаго Бога той мастер исправити таковаго дела не возмогл. И о сем в велицей печали есмы и точию требуем о сем молитв преподобнаго отца Трифона, яко да его ради//(л. 111 об.) молитв посетит ны Бог и печаль нашу в радость преложит, прославляя своего угодника». Слышав же таковая прикащик Третьяк прошения их, и повеле скоро людем своим лучшим – Василию прозванием Хорошему с товарищи – взяти струг, и ехати ко преподобному, и молити его, дабы изволил ехати в Пыскорской монастырь по молению братии благословения ради. Посланнии, шедше, угото//(л. 112)ваша струг, и Божиими судми воста буря велия и струг той сокруши о брег до основания. Посланнии же, видевше таковое чюдо, вельми ужасошася и в недоумении быша. Во вторый же день паки взяша другий струг и ехаше, идеже преподобный живяше. Пришедше же к преподобному, и начаша молити его, сице глаголюще: «Святче Божий, Спасскаго Пыскорскаго монастыря строитель з братиею//(л. 112 об.) желают твою честность видети. Господин же наш посла нас к тебе по умолению их, дабы ты шествовал с нами к ним в монастырь. И ныне они зело ожидают тебе и чают твоего пришествия вскоре быти». Преподобный же, слыша сия, прослезися горце и рече им: «Кто есмь аз грешный? И чесо ради мое окаянство ищут? Не дейте мене, братия, не дейте[2]. И да//(л. 113)дите ми время, да плачюся грехов моих в пустыни сей». Они же реша: «Благоволи, святче Божий, ехати с нами, понеже господин наю повеле твою святыню умолити и привести с собою в монастырь посещения ради братий. И аще волиши, но и паки оттуду свободу имаши улучити, но точию моления нашего не презри, еди с нами». Преподобный же и неволею повинуяся молению их, и все свое упование//(л. 113 об.) возложи на Бога, и еде с ними.

И егда быша близ того Спаского монастыря, строитель же и братия, слышав же приход святаго, и изыдоша ему в стретение на брег. Святый же изыде к ним на брег же. Они же приидоша к преподобному и падоша вси на землю, просяще прощения о согрешении своем, яже к нему, вкупе же и благословение прияти тщахуся. Такожде и преподобный отец наш Трифон поклонися строителю//(л. 114) и братии, прося у них благословения и прощения со слезами, сице глаголя: «Отцы и братия, отдайте ми, грешному, елико вашей святыни повинен бых, Господа ради отдайте». Они же прияша его с радостию и введоша его в монастырь с честию, и по немнозе времяни строитель и братия начаша преподобнаго молити, дабы молитву сотворил к Богу и испросил у него, еже бы даровал в их монастырских//(л. 114 об.) промыслех соляному росолу течение по прежнему. Преподобному же рече: «Отцы и братия, простите мя Господа ради, дело сие, еже изрекосте, выше моея меры есть, но понеже реченно бысть пророком: “Благ Господь всем призывающим Его воистинне, волю боящихся его сотворит, и молитву их услышит” (Пс 144:19) посему же вам буди разумно, яко да и вы имате дерзновение о сем и, аще хощете,//(л. 115) то сотворим молитву вси единодушно вкупе. Пишет бо: “Близ Господь сокрушенных сердцем, и уши Его в молитву их, и от всех печалей их избавит я Господь” (Пс 33:19-20). И аще угодно будет Богови, то может и нам даровати милость свою, точию аще с верою просим». И по сем преподобный нача в сердцы своем непрестанно молити Господа Бога, дабы прошение их исполнил и даровал бы еже на пользу. И по сем повеле святый тую//(л. 115 об.) соляную трубу чистити паче прежняго. И егда начаша очищати, и абие по благодати Божией молитв ради святаго внезапу пойде росол вящи прежняго. Видевше же строитель и братия таковое Богом дарованное чюдо, и о сем прославиша Господа Бога и угодника Его преподобнаго отца Трифона похваляюще.

Чюдо о изсцелении диака Василиа. //(л. 116)

По сем же пребываше преподобный во обители той, не излазя из келии, но присно молящеся Господеви. Слышав же преждереченный диак Василий, иже прежде святому многи пакости деяше, иже и разслабление страсть под`ят, и прииде в чювство, и каяся о гресе своем, и восхоте преподобнаго видети, яко да получит о гресех своих прощение, иже прежде досады творя святому. И неким//(л. 116 об.) от ту живущих умолен бывает преподобный, и приходит в келлию к сему Василию, и дает ему благословение, вкупе же и прощение. И прииде в келлию свою, и по обычном своем правиле приложи молитву за творящих ему пакости, по реченному внимая: «Любите враги ваша, добро творите ненавидящим вас, и молитеся за творящих//(л. 117) вам пакости» (Мф 5:44). И молитвами святаго той болный Василий здрав бысть и прослави Бога и чюдотворца святаго отца Трифона.

Глаголем же и Ионе Мамине.

Егда убо преподобный от святейшаго Иова патриарха Московскаго и Всеа России архимандрическаго сана сподоблен бысть, тогда же преподобный//(л. 186) быв во глубоцей старости, в та же времена Иона Мамин юн бяше леты, егда прият от преподобнаго иноческий образ. Изначала же быв послушлив к преподобному, и сего ради святый любляше его духовне, и уча его, и наказуя совершенному иноческому житию. И не токмо се, но и при животе своем преподобный в телесной своей немощи, написав духовную свою//(л. 186 об.) грамоту, и нарек его Иону вместо себе быти наставником и вожду братии. Иона же, не дождав времени, и самохотением своим похитив начальство отай преподобнаго, понеже бо святому тогда не бывшу во обители своей, но бысть в северных странах собрания ради манастырских потреб.

Преподобный же отец архимандрит Трифон виде братское насилие, паче же//(л. 187) сих и ученика своего ненависть и сего ради моляшеся Господеви, слезы от очию испущаше и пояше псалмы пророка Давила, глаголя: «Боже, хвалу мою не премолчи, яко уста грешнича и уста лстиваго на мя отверзошася, и вместо любве оболгаху мя, и положиша злая воз благая и ненависть за возлюбление мое, да будут пред Господем выну и да потребится от земли память,//(л. 187 об.) занеже не помяну сотворити милость и погна человека нища и убога, и возлюби клятву, и приидет ему, и не восхоте благословения, и удалится от него. И Ты, Господи, Господи, сотвори со мною имене ради Твоего, яко блага милость Твоя, и яко нищ и убог есмь аз, и сердце мое смятеся во мне» (Пс 108:1, 2, 4, 5, 15, 16, 17, 21, 22). И прочия псалмы пояше, и благодаряше Бога, и паки преподобный, подражая смире//(л. 188)ние Христово и, яко истинный учитель, ко ученику своему Ионе Мамину любовь показует и, яко отец чадолюбив, сына своего наказуя, глаголя сице: «Чадо, аще приступил еси работати Господеви, уготови душу свою во искушении, и управи сердце свое, и прилепися Ему, и отступи, дендеже посетит тя вышний, яко же бо во огни искушается злато, тако и вернии человецы, искусившиися во огни терпения,//(л. 188 об.) приятни Богу суть, иже в злостраданиих благодарне и целомудренне пожиша, боящиися бо Господа не противятся божественней воле Его, но соблюдают во всяком смирении глаголы Его и любящии его сохраняют пути его. Но послушай мене, чадо, отца твоего, и сице твори, да спасешися». И тако многажды преподобный от святых книг учение простираше, еже бы от манастырских//(л. 189) суемудренных вещий уклонятися и Христову бы смирению подражати, яко же и апостол глаголет: «Не любите мира, ни яже в мире. Аще бо кто любит мир сей, несть любве Божия в нем, но все, яже в мире суть, похоть плотская, и похоть очию, и гордость житейская. Сия бо несть от Бога, но от мира сего суть. И мир сей преходит и похоть его, а творяй волю Божию пребывает вовеки» (1 Ин 2:15-17).//(л. 189 об.) И паки глаголаше: «Не оскорбим духа святаго скверными деяньми, о нем же знаменахомся в день избавления» (Еф 4:30). И паки: «Мняйся стояти еже не пасти» (1 Кор 10:12). И паки: «Не дивитеся, братие, аще мир вас возненавидит, мы вемы, яко преидохом от смерти в живот» (1 Ин 3:14). И паки: «Должни есмы, братие, друг друга любити. Всяк бо не любяй брата своего человекоубийца есть и пребывает в смерти. И весте,//(л. 190) яко всяк человекоубийца не имать живота вечнаго в себе пребывающа» (Ин 3:14-15). И тако святый всегда ученика своего Иону архимандрита и братию поучая, даже и до исхода души своея, яко отец чад своих с любовию наказуя.

И не повелеваше в дому Пресвятыя Богородицы во обители своей хмелнаго пития держати, ни в келлиах стола творити, тако бо преподобный заповеда и не токмо в житие сем,//(л. 190 об.) но и по преставлении своем явлением наказуя. Архимандрит же Иона презираше отческое благословение и не восхоте наказания его восприяти и учителю и отцу своему повинутися, но паче возлюби мир сей суетный и яже в нем прелестная мудрования, и восхоте жити по своему самопроизволному обычаю, и начат в манастыре вино и пиво держати, и воевод, и градских старейшин, и//(л. 191) прочих мирян всякаго чина к себе в келлию звати, и сам к ним в домы их входити, и пиры частыя творити, и безмерно упиватися.

Еще же той Иона имеяше у себе слугу зело злонравна имянем Феодора, и той немилостив бяше и жесток, лукав, и к человеком непримирителен, и годен бяше во всем архимндриту Ионе. Архимандрит же Иона, не могий терпети//(л. 191 об.) обличения о своем безчинии от преподобнаго отца Трифона, и повеле преждереченному слузе своему, яко да творит пакости преподобному, яко же рече апостол: «Даст ми ся ангел сатанин, да ми пакости деет» (2 Кор 12:7). Злообразный слуга оный много преподобному досаждения творяше. Посмеянием же и укоризнами поношаху ему, и всегда яко пес лаяше, сквернословием охуждаше его, и не точию//(л. 192) злоязычныя деяше, но и руками на святопомазанную главу дерз бываше, и в темницу преподобнаго вверже.

И по сем конечно преподобный от обители Богоматери изгоним бывает, и в последней нищете быв, не имяше где главы подклонити (Мф 8:20; Лк 9:58), о таковых бо сам Господь, утешая, рече: «Блажени бо, рече, изгнани правды ради, яко тех есть царство небесное» (Мф 5:10). И паки рече: «Аще гонят вас из града, бежите в другий//(л. 192 об.) град. Аминь бо глаголю вам, не имате скончати грады израилевы в хождении вашем» (Мф 10:23). Сими христовыми словесы и апостольскими учении преподобный отец утешаше душу свою, и крепля ю на болший подвиг, и благодаряше о сем Бога, яко сподобился таковое изгнание терпети Господа ради, и паки возложих всю надежду свою на Господа Бога и на Пречистую Его Богоматерь.

О приходе преподобнаго отца Трифона во град слободский. //(л. 193)

Преподобный же отец архимандрит Трифон возжеле итти во град слободский, понеже бо судбами всех праведнаго Бога некоторая сила божественная, яко ужем, влечаше его тамо на создание манастыря христоименитым людем, еже и место под манастырь Богом бе устроено и яко преподобнаго ждаше иноческому водворению и его житием, да и тамо обитель составится,//(л. 193 об.) добродетелным и учением просветится. Народи же града слободскаго, уведавше приход преподобнаго, и о сем зело возрадовашася, прославиша Бога, яко святый и их не презре, и зело возлюбиша его, и воздаша ему честь велию.

Преподобный же рече им о создании манастыря, понеже бо прежде того времени в том граде не бысть манастыря. И о сем в народе совет благ бысть,//(л. 194) и преподобнаго отца прошение испониша, и место под манастырь даша, и о манастырском строении и церковном здании всячески ему помогающе, со всяким усердием и с трудолюбным тщанием Богови работающе. И Божиею помощию и молитвами преподобнаго отца Трифона не во мнозе времяни церковь состроиша и освятиша во имя Господа Бога и Спаса Нашего Иисуса Христа Честнаго и Славнаго Его Богоявления.//(л. 194 об.) И мнози того града и уездов, преподобнаго житию поревноваше, и к нему прихождаху, и во иноческий чин постригахуся, и братству множашуся. Преподобный же всех с любовию приемляше, и иноческому житию наставляше их, и поучеваше всегда о спасении душевнем, и сам преподобный наипаче сам собою образ показоваше. И оттоле начат преподобный отец Трифон труды ко трудом//(л. 195) прилагати, келлии братиам поставляти, и ограду и святыя врата сострои, и над теми враты церковь созда во имя собор архистратига Михаила и прочих безплотных небесных сил, и всем украси и освяти ю. И вси с ним о Бозе радовахуся, яко Господь Бог благоизволи и тому месту освятитися. И не по мнозех временех Божиею помощию и молитвами преподобнаго отца Трифона все исправися//(л. 195 об.), яже и до днесь тая Богоявленская обитель всеми видима есть.

По создании же тоя обители, поим преподобный отец Трифон с собою ученика своего инока Досифея, и поидоша в поморскую страну для собрания на церковное строение и на манастырския потребы. Прииде же святый во град Соли Вычегоцкой и ста на манастырском подворье Николая Коряжемского. Имя//(л. 196)ше же с собою чюдотворныя иконы образ Спасов, и Пресвятыя Богородицы, и чюдотворца Николая, и святыню просфоры, и святую воду, юже привезе святыи из своих обителей. И взем преподобный крест Господень, и три просфоры, и святую воду, и пойде в дом Никиты Строганова, да благословит дом его. И егда приидоша к нему в дом, Никита же возярися на преподобнаго безстрашне, и глаголы нелепы изрек, и хулу//(л. 196 об.) на преподобнаго возлагая, и не восхоте от преподобнаго благословения прияти. Преподобный же отец Трифон, видя Никиту смущенна, изыде из дому его и иде ко прочим братиям и сродникам его. Они же, приемше преподобнаго в домы своя с радостию, он же домы их благослови и молитвою освяти. Они же воздаша ему честь, яко же подобаше, и отпустиша их с миром.//(л. 197)

И уже день к вечеру преклонися. Преподобный же нача Господеви вечерняя молитвы возсылати и по отпущении вечерняго правила беседова ко ученику своему Досифею многия душеполезныя повести от божественнаго писания, яже о смирении, и о терпении, и о любви и яко добро есть любити ненавидящих нас, “понеже бо любовь покрывает множество грехов” (1 Петра 4:8). И по сем рече ему сице: «Брате Досифее, утро, востав по церковному //(л. 197 об.) благовестию, и иди в соборну церковь благовещения Пресвятыя Богородицы. И егда внидеши в храм, и первее воздаждь Божие Богови, яко же подобает входящему творити, и потом воздаждь честь Никите Строганову и братии его, яко же довлеет. И о чем начнет Никита тебе вопрошати, ты же отвещай ему о всем, елико возможно, и не устыдися лица его, и проси у него милостыни//(л. 198) в дом Богоявления Господня на церковное здание и на манастырское строение и братии на потребу. И аще что ти Никита речет, прииди и поведай ми». Ученик же его Досифей, слышав от святаго таковое наказание и рече: «Божия воля да будет и твое, отче, благословение, яко же заповедал ми еси, тако и сотворю». И почи мало преподобный, и воста от сна своего, и нача пети полунощныя и утренния//(л. 198 об.) молитвы, яко же ему обычай бе должная отдавати Богови. Во время же утренняго звону, возбудив ученика своего Досифея, и благослови его, и отпусти с миром, да тамо повеленное им сотворит.

Прииде же ученик он инок Досифей во храм, и по пророчеству святаго обрете Никиту у церковнаго столпа з братиею стояща, и по приходной молитве прииде к Никите и к братиям его,//(л. 199) и сотвори им поклонение по обычаю. Видев же Никита ученика Досифея, и вскоре отлучися от братии своей, и взем его за руку, и удержа, и нача вопрошати со умилением: «Ты ли еси ученик преподобнаго отца Трифона? Яко же бо и вчера видех тя с ним. И где ныне великий отец Трифон пребывает? Во истинну бо он раб Божий есть и благодати духа святаго исполнен».//(л. 199 об.) И прослезися Никита, и рече: «Вчера бо аз внезапным своим малодушством оскорбих преподобнаго, и того ради аз грешный в сию нощь много пострадах его ради (Мф 27:19) и без сна пребых, стеня и трясыйся (Быт 4:12; 4:14). Тако бо противу моего неразумия за преподобнаго отца месть мне бысть, и ныне душа моя желает видети его святость. И аще волит исправити душевредство мое, всяко чаю от Бога обрести//(л. 200) милость и грехов своих отпущение, яже сотворих ко преподобному отцу. Ты же, отче, послушай мене Бога ради. Что ти повем о преподобнем отце Трифоне и коея ради вины враг воздвиже гнев в сердце моем, еже гневатися и яритися нань тако безсловесно? И о сем буди ти известно: егда преподобный Трифон бысть на Вятке архимандритом, и потом никто на его место воста ин//(л. 200 об.) архимандрит Иона, нарицаемый Мамин (бяше бо родом честных московских дворян), и мнози ему о архимандричестве помогаху, яко же им обычай бе честь воздавати друг другу по мзде, а не Бога ради. Преподобный же Трифон, видя его неправду и безчинное насилие, и изыде из своего манастыря, и прииде к Москве некия ради манастырския потребы, и хождаше, странствуя,//(л. 201) яко един от убогих. Мне же о нем уведано бысть. Аз же зжалився зело, ведая о нем, яко во обителех своих труды и подвизи полагая великия, яко же никто ин тако, и праведен бе зело, и любовь имея ко всякому человеку нелицемерну. По диаволи же зависти в наследие его покоя себе не обрете. И сего аз, Никита, быв на Москве, шед в соборную церковь и государю царю//(л. 201 об.) и святейшему патриарху бил челом о нем преподобнем Трифоне и просих его к себе, дабы ему сотворил место покойно. И государь царь и святейший патриах, ведая преподобнаго добродетелное его житие, пожаловали меня, велели взяти его и покоить. И аз умолих его с честию, и привез его до сего града Соли Вычегоцкой в Веденской манастырь Пречистыя//(л. 202) Богородицы, и устроил ему келлию особную, и для келейнаго правила дал ему священноинока, да ту в келлии Бога молит. Пищу же и питие ово манастырское повеле ему даяти доволно, ово же из дому своего посылах ему в келлию всякия потребы такожде доволно. Он же по мале времяни не изволи ту пребывати, и восхоте ити во обитель Соловецкую помо//(л. 202 об.)литися, и испросих у мене судна, людей и запасу. Аз же имех у себя струг, и зело угоден ми бысть. И сей дах ему, и людей такожде, и запасу всякого доволно и лишше потребы. И отпустих его с любовию, он же ехав по Двине, и умысли некако, и отпустив работников, а запас мой, даной ему, весь и судно продал, сам же по своему обычаю нищим образом достиже//(л. 203) Соловецкия обители и, мало пребыв тамо, и паки оттуду, и прииде к Вятке. Яко же младенец, плачася, ищет матерь свою, тако и сей преподобный Трифон, плачася, ищет Вятскую страну и рыдает духовне о разлучении созданныя им Вятския обители Успения Пресвятыя Богородицы, понеже бо в ней и телом свои почивати хощет. И тако он своею хитростию иное//(л. 203 об.) имение на создание Вятским монастырем, аз же о том ему о всем претерпех и не оскорбих на спасение душам нашим и воздаяния ради будущих благ. И се ныне паки прииде семо и уже стар сый многолетен, вем бо его мужа свята и зело о монастырском строении печется. И того ради тако творит, вся//(л. 204) полезная строя. Аз же ныне с яростию его оскорбих и в том к Богу согреших. Ныне же желаю святых его молитв и прощение от него получити о своем согрешении. Ты же, отче Досифее, шед скоро и рцы ему, дабы в сий день своим пришествием и святыми своими молитвами благословил дом мой». И рече Досифей к Никите: «Преподобный отец Трифон Бога за тя//(л. 204 об.) молит и тебе посла мир и благословение, да просит у тебя милостыни в дом Богоявления Господня на строение новаго манастыря, и книг, и риз, соли, железа, и прочих потреб, что ти Бог по сердцу известит». Никита же слыша слово сие, зело возрадовася и рече Досифею: «Паки глаголю ти, отче, шед скоро и рцы преподобному, яко по прошению его все желанное им//(л. 205) будет им исправлено, яже аще что хощет, точию да приидет и обедует в дому моем».

По утреннем же отпусте Никита отиде в дом свой, Досифей же иде к учителю своему и яже виде и слыша от Никиты, вся преподобному поведа. Преподобный же, слыша таковая, о сем прослави Бога, дающаго ему таковую благодать, и по//(л. 205 об.)спешествующу во всяко дело благо, и отпев часы келейныя, и иде с учеником своим Досифеем в соборную церковь помолитися во благополучное время в год божественныя литургии. По совершении же пения молит Никита преподобнаго Трифона, дабы посетил дом его. Преподобный же некако ослушався, но радостною душею прииде в дом его и, со//(л. 206)творше молитву приходную, яко же обычно. И рек: «Мир дому сему». И по сем благослови Никиту и весь дом его, и по сем вечери бывши доволне, и по вечери Никита даде преподобному милостыню в дом Богоявления Господня на церковное здание и на манастырское строение икон, и риз, и книг, и соли, и железа, и братии на потребу, елико преподобному доволно бысть. И испросив//(л. 206 об.) от преподобнаго прощение о своем согрешении, и получивше, приим от преподобнаго благословение. И тако отпусти его из дому своего с честию.

Посем же преподобному Трифону бывшу со святыми иконами в манастыре Николы Коряжемскаго, их же преподобный Трифон имяше с собою, и мнози от православных прихождаху, и молящеся Всемилостивому Спасу, и Пресвятей//(л. 207) Богородице, и Николаю Чюдотворцу, и повелеваху преподобному молебная пети. Преподобный же по данней ему от Бога благодати в молебнем пении нимало без слез пребываше, но яко воды от благотекущаго источника непрестанно исходят, тако бо от очию преподобнаго слезы точатся. Видев же преблагий Бог раба своего тако творяща, но и паче слез его ради прочих добродетелей бысть//(л. 207 об.) от образа Николая Чюдотворца Можайскаго знамения и чюдеса велия на приходящех людех и молящихся верою, просящих от него помощи и заступления о получении милости Божия. И того ради народи наипаче начаша велию веру дерьжати ко преподобному отцу Трифону, да молится о них Богови и чюдотворцу Николаю, яко да его ради молитв обрящут от Бога милость.//(л. 208)

Житие Трифона Вятского

РНБ

Собрание рукописей А. А. Титова в Ростове Великом № 563. Полуустав. XVII–XVIII вв.

(л. 40) Месяца октовриа в 8 день житие и подвизи и от части чюдес исповедание преподобнаго отца нашего Трифона архимандрита чюдотворца началника обители Успения Пресвятыя Богородицы, яже есть близ града Хлынова. //(л. 40 об.)[1]

Слава Богу Вышнему, Иже в Троице славимому, Иже есть упование наше, свет и живот наш, в Него же веруем, вонь же крестихомся, о Нем же живем, и движемся, и есмы (Деян 17:28). Слава показавшему нам житие мужа свята и старца духовна, весть бо Господь славити славящих Его (1 Ц. 2:30) и благословляти благословящих Его, иже и присно прославляет своя угодники,//(л. 41) славящия его житием чистым, и богоугодным, и добродетелным, благодарим Бога за премногую Его благодать, бывшую на нас, яко же рече апостол: «Благодать Богу о неизреченнем Его даре» (2 Кор 9:15). Паче же ныне должни есмы благодарити Бога о всем, иже дарова нам такова мужа свята и старца духовна, глаголем же преподобнаго отца Трифона, иже ныне ново в последняя времена//(л. 41 об.) и лета во дни наша в земли нашей Рустей в стране Вятской просиявшаго житием добродетелным, сказати же вам возможем, присныя раби богатаго Владыки и Господа, иже и гроб его при его во обители Богоматере пред нами есть, в нему же с верою повсегда притекающе, великое утешение душам нашим приемлем и от сего зело пользуемся. Да поистинне велико то есть нам от Бога//(л. 42) дарование даровася, юже подобну вашего достоинства предложити трапезу полну сущу словесе ангельския пищи, еже добро есть о Бозе начати, и о Бозе кончати, и о Божием угоднице повести счиняти. Слово же, от разума текущее, и языка уяснение от неоскудных сего сокровищ молим подати нам прежде сих света зарю, ею же мрак души и ума очистив си,//(л. 42 об.) добродетели жития бодренно сказати возможем не яко онаго ищущи похвалити, «похвала бо праведнику от Господа» (Ср. Рим 2:29). Паче же полезно, что бы и нам от сего снискающе ползоватися, не бо и древних изрядных мужей жития потребна бяху писати и почитати пользы ради бываемыя от них человеком, а еже ныне нашего последняго рода, вон же век//(л. 43) кончина достиже, в нем же мало спасаемых, не точию потребно, но и вельми желателно, яже сих писати, и частее почитати, и на жития их зрети. И елико от них остающе, себе зазрети и совестию осудитися, ово же за сущия в нас лености, да яко на сих жития зрящи, поучаими ими и яко остном подстрекаеми, к добродетели поне мало подвигнемся, да негли многи велики// (л. 43 об.) повести святых жития возбудят сердца наша к житию исправления. И самая бо истинна Господь Наш Иисус Христос глаголет: «Не вжигают светилника и полагают под спудом, ни под одром, но на свещнице, да светит всем, иже в храмине суть» (Мф 5:15). И паки: «Не укрыется град, верху горы стоя» (Мф 5:14), такожде и сего праведнаго мужа добродетелное его житие, утаитися не может.// (л. 44) И несть бо полезно таити жития святых. Слышим бо апостола Павла вселенныя учителя, глаголюща: «Готови будите всякому просящему в вас слова, еже в вас надежда» (1 Петра 3:15), яко же и пророк рече: «Елико мы слышахом и разумехом я, и отцы наша поведаша нам, да не утаится от чад их в род ин, возвещающе хвалы Господни, и силы Его, и чюдеса, яже сотвори» (Пс 77:3-4) рабом своим.//(л. 44 об.)

Такожде и ныне сего достохвалимаго и всеблаженнаго отца нашего Трифона житие должно воспомянути, род его и воспитание, иже в пустыни труждьшася и постившася, и особь хождение его, последи же и архимандрита бывшаго в созданнем от него монастыре, яже в повести предлагаеме слышим. Но аще бо не писано будет святаго старца житие и оставленно// (л. 45) купно без воспоминания, то сие никако же повредит сего святаго отца – не получити ему от нас воспоминания, «их же бо имена написаны суть на небесех» (Лк 10:20). Им бо никая потреба есть, яже от человек требовати писания и воспоминания, но мы сами от сего не пользуемся, оставляюще толикую пользу. И того ради сия вся собравше, начинаем писати, яко да и прочии// (л. 45 об.) иноцы, иже не суть видели святаго отца, да и тии прочтут и поревнуют добродетели и, его житию верующе, последуют. «Блаженни бо, рече, невидевшии и веровавшии» (Ин 20:29). Обаче же Бога в помощь молитвами его призываем и начинаем повествовати, взыскующе отнюдуже удобно. Подобает же взыскати от корене отрасль, и обрящем, и вемлем (так!) не от терния, но от благоплодныя лозы грозд.// (л. 46)

Начало житию преподобнаго отца нашего Трифона чюдотворца.

Сей преподобный отец наш Трифон родися от родителю благочестиву, доброродну и благоверну христиану, отца, нарицаемаго Димитриа, матере же Пелагии. Сие же благ