Молитвы к святому священномученику Киприану

«Призываем Владыко невидим, благодетелю высокий мирный, Господи, Царю сотворивый небо и землю, отнюду же возсия сиречь начаток и конец, предавый человеком четвероногая гадина и зверия земныя, ты покорил еси Господи, прострил Господи руку твою крепкую и мышцу твою святую, и посещением святым посети нас и здравия подаждь и посли ангела тепла, телу и души хранителя, иже запретит и отженет от него дух неприязнен, яко ты еси Господь высок, отцу-утешителю благослове(имя) Заклинаю тя, душе неприязненный, духом вдохнувшим человеком живот вечный, его же имя страшно незъмогают уста человека изглаголати, заклинаю тя огнем горячим с серою и пеплом и трубою, емуже явльшуся солнце побежит на запад, и звезды спадут на землю, и сплачются племена племеном и людие людем; заклинаю тя сошедшим в долняя части земли и разверзшим твердая верея и разрешившим болезни смертныя, и благовестившим патриархом из мертвых воскресение; заклинаю тя ходившим по морю, воскинети в нем с топившим, и по земли, в ней же лежащим мертвым Богу на судищи; заклинаю тя повелевшим морю не преступати от предела своего, дондеже Господь приидет судити миру; заклинаю тя вшедшим на Синайскую гору и глаголавшим Моисею и Аарону, явльшемся им во пламени огнем и в столпе облачнем; заклинаю тя изведшим люди от земли Египетския и давшим из пламени воду сладкую пити, превратившим воду в кровь; заклинаю сидящим на престоле славы, пред ним же станут тмы тмами ангел и архангел, херувим и серафимов, вопиющих: свят, свят, Господь Саваоф! исполнь небо и землю славы твоея; благословен еси вовеки, аминь. И ты душе лукавый даде славу имени его, идеже сидиши, или во удеси тела его, или во главе, или в темени, или в крови, или очесех, или в ушах, или во устех, или во языцех, или в шеи, или в плечях, или между плечями, или в мышце, или в персех, или в душе, или в сердце, или в селезени, и в пельках, или во чреве, или под чревом, или в точилех, или во естественных пределех, или в крепости и во жилах, или в костех, или в мозгу, или в крови, или во власех, отлучи душе лукавый, яко Бог силен есть над всеми, яко клятся, иже аще призовет имя Господне, исчезнути вам. Заклинаю тя именем Господа Иисуса Христа, распятаго при Понтийстем Пилате; заклинаю тя рекшим: небо ми престол и земля подножие ногама моима; заклинаю тя архангелы его, Михаилом и Гавриилом и Уриилом и Рафаилом; заклинаю тя великим именем Божиим, отлучися от создания сего, заклинаю тя всеображное на злобу стремление, нападение дневное и полудневное и полуношное, отлучися от создания сего и не изведи душа, ни разсыпати, ни разрушити тела, но устрой чисто живу Богу на судищи, заклинаю тя пред идущим. Утвердите престол между небом и землею, суди всякому роду грешных и ужников и ты, душе нечистый, убойся имени его святаго, отъиди от создания сего, убойся огня негасимаго, убойся родства огненнаго, всеядущаго, убойся уготовавшаго тебе огнь и серу и пепел, убойся явльшагося Моисею и Аарону на реце Иорданстей, егоже виде река уступися, и ты, душе лукавый, убойся, отступися от создания сего; заклинаю тя одеющимся светом, яко ризою едною, имеяй безсмертнаго, яко тому подобает всякая слава, честь и поклонение Отцу и Сыну и святого Духу, ныне и присно и вовеки веков, аминь. Христос град рубит около меня, раба Божия (имя), со всех четырех сторон, три стены железны, четвертая камянная, кроет Христос город небом, замыкает замки о пяти спицах, ключь мечет во синее море и скрозь тот железной и камянной тын стрелы на прострелить и птицы не пролететь; такоже бы у меня, раба божия (имя), не опортить и не опризорить век повеку, отныне и до веку, аминь. Господи Боже благослови Отче. Во имя Отца и Сына и святого Духа аминь. Есть святое море акиян, среди святаго моря акияна есть бел камень, струи бъютце денная в полуденная и полуношная, поутру рано и вечером поздо и середи темныя ночи, такоже бы у меня, раба Божия (имя), жилы не билися пуповая и становая исердечная; и как того бела камени с места не ворохнуть, так бы у меня, раба Божия (имя)а, не уваливать пупа, нескрививать становой (жилы?), и меня раб Божий (имя) не испарчивать век по веку, от ныне и до веку. И тем моим словам закрепа ныне и присно, и вовеки веков, аминь».

* * *

"Господи, Боже сильный, содержай вся, свят еси, Господи, сый прославлен, Царь царствующим и Господь господствующим, слава Тебе сидящему во свете несочисленнем, Его ужасаются всяческая, Его же никто не виде, ни видети может, иже тысящи тысящ и тмою тем святых ангел и архангел предстоят пред Тобою, Ты веси тайная раба твоего, яко не познавшу ми Тебе первые твари же сие держах, облаки не одождити древеса садовная, еже не сотворити плода, на праздныя же неражати и иныя еще не зачати, на ограждение токмо винограда взирах и творях розгнеж не цветати, такоже и злак вертоградный, еже не прозябати, и рыбы морския возбраних лежати и, просто рещи, всяко чародейство деях и вси лукавии беси мне работаху. Ныне убо Господи, Отче сильный и великий, благоволивый от недостойна достойну ми быти и причаститися священному Твоему стаду и преестественному величеством, милосердовавый о мне грешном и не восхоте погубити мя со беззаконнии моими, знаемаго сотвори и недостойнаго раба Твоего, припадаю бо и прошу Твое пречистое имя о всех православных християнах. И прочтется сия молитва на котораго главе, яко да разрешится от вязания и удержания и зависти и ненависти злаго сретения и действеннаго отравления и языческаго ядения и клеветания и клятвы, и кто убо стяжать будет молитву сию во своем дому, да будет соблюден от всякаго ухищрения, потвора и отравы лукавых человек.

Господи Боже, Отец наш всея твари, небу и земли услыши, Господи, глас раба своего, (имя), и молящегося тебе, аз бо создание Твое и дело руку Твоею, молюся Тебе и милосердию: пошли, Господи, мне на помощь небесных воевод, Михаила и Гавриила, Рафаила и Уриила, херувимов и серафимов и всю небесную силу, и все архангельски и ангельски полцы с пламенными орудием, с покровом крил твоих, да послеши, Господи, с ними небесными силами помощь и силу, десницу руку Твоею, еще же и пошли, Господи, ризу Твою святую, да нас одеешь ризою Твоею чесною, и наставят на путь истины, да станут округ и около всех нас рабов Божиих во весь свет крепостию Твоею и помощию и заступлением, яко столпи непоколебимии, и утвердят стены недвижимыя от земли и до небес, да защитит светом не мерцающим от видимых и невидимых враг наших, которые враги ополчатса на насъ; пошли, Господи, стрелы молняны на супостат наших видимых и невидимых, врагов наших, да проженеши и победиши и сокрушиши всех вскоре под ноги наша, яко прах пред лицем ветра; который враг ополчится на нас со бесовскою силою, начнет портити, бури ветреннии посылати или ветр роздымать или стрелы вражии посылати или дождь, или мраз, или воды потопляти, и дороги засекать или мрак темный посылать или к дороги морозити, или из седел вышибати, или на дороги прожити, или горы и холми ставити или какия скорби посылати, или угорелыя паданцы, или умом обходная, или какие иные напуски, или уветки, естественные уды или недуги какие посылати, или завертки рвати, или супони верхныя и нижныя или оглобли ломати, или из гужов дуги выпрядывать и гужи рваться, или храмины разрушаться, или переды ломати, или землю колыбати, или половицы воздымати, вражиим привидением казати, или черного зверя в избу пущати или волка пущати, или кошкою или собакою портити, или ножем, или стрелою, или копием, или жеребей….. в кашу метати, или в питие или в ядение или в бани угаром или по ветру спущати…. или собаки, или кошки, или с копья, или с рогатины или какими видами вражьими казати жениха или невесту, от тех всех сетей вражиих и привидений бесовских от всяких насыльных скорбей колдуновых и колдуньих и сорокою, или вороною, или какою птицею воружатся, супостат наш найдет портити; Господи, Боже наш, Ты ныне и сам приди, с небесными воеводами и грозными силами, отжени от мене, от нас всякаго врага и супостата нашего и со всею силою вражьею вскоре сокруши под ноги наша, яко прах пред лицем ветра, и ныне же, Господи, осени нас десницею Твоею, небеса добродетелию своею, под твердию тремя святыми полками и шестию столпами, крепостию Твоею непоколебимою или окрест враги наша, и даруй победу на них и на нечистые духи их во имя Отца и Сына и святого Духа, аминь. Востани, Господи, в помощь нам пресветлого лица Твоего, умываемся, Господи, светом лица Твоего, утираемся, Господи, зарею разума Твоего, святого евангелия; сохрани нас, Господи, в утри рано и вечерях поздо, во дни и нощи, от колдунов и от колдуней, от ведуна, от ведуньи, от всякаго зла сохрани нас, Господи, от старца, от старицы, от ведуницы, от молодицы, от рыжаго, от чернаго, от двоезубаго, от трезубаго, от плешиваго, от шелудиваго, от всякаго человека; а еще который человек начнет вооружаться со враги, портити нас посылати леших и водяных, дворовых или подпольных или каких невидимых, или нас отсылати начнет невидимым, сохрани нась, Господи, от тех всех врагов насильных, видимых и невидимых, зрак защити ризою своею и нетленным щитом от земли и до небес, и вкруг около всех нас во весь свет сохрани нас, Господи, от всякия скорби от Огнянеи и от Гнетеи, и от Коркуши и от Трясовицы, и от Трясуницы и от черной Плясовицы, и от Блядовицы и от Яровицы, и от мимоходящих и от малоходящих, от стрелы и от прострела, от ворогуши, от жабы, от закосу, от винокосу и кружачей, от вертячей и от уроков, от оговоров и от призоров, и от всех скорбей, от всех седмидесяти двух немощей насильных и от лихого глаза, и от лихой думы и мысли. Крест хранитель всей вселенной, крест красота церковная, крест апостолом слава, крест царям держава, крест бесом язва, крест на враги победа и одоление, крестом ограждаемся, крестом врага прогоняем, крестная сила с нами, крест Господень помогай нам силою Иисус Христовою прогоняти силу вражию, всегда и ныне, тойже и во веки, аминь. Хомада Мудросота. Комада Дромулота".

* * *

«Боже сильный, Святый Сын, Царь царствующим и Господ господствующим, неприкосновенный небесным силам, егоже ужасаются всяческая, егоже нигдеже и никтоже видети может, емуже тысяща тысящами и тмы1) тмами святых ангел и архангел предстоят. Ты веси тайная сердца раба твоего, яко, не познавшу тебе первее, потворных сия неприязненная дела держах: облак еже не одождит, древа садовная, еже плода им не творити, еже не родити, а иныя не зачинати рости; на ограждение винограда токмо отверзох рости, творях, еже не цвести им, такоже и класом хлебным, еже не прозябати и плода не творити, и рыбам морским, еже им не плавати, и птицам, не летати; и прости всяко чародейство деях: вси лукавы беси работаху мне. Сия вся дел ради своих и грехов многих, и ныне убо, Господи, Боже, сильный и великий, благоволивый от недостойна достойну ми быти и сопричаститися святому твоему стаду, и преестественным величеством милосердовав о мне, и не восхоте погубити со беззаконными моими, знаема мя сотвори быти, связавый мя любовию своею твоей вере, не омерзи мене, грешнаго и недостойнаго раба твоего; припадаю бо, прошу пресвятое имя твое о всяком дому и о всех православных христианех, иже страждут от чародейств лукавых человек льстивых или от бесов, идеже прославится имя твое святое и призовут имя мое именем твоим, или прочтется молитва сия над которою главою, или в дому его, яко да разрешится от всякия пакости и одержания, и от зависти, злаго устрения и действеннаго отравления, и язычнаго ядения. И кто убо держать будет сию молитву во своем дому, да будет соблюден от всякаго ухищрения и потвора, и отравы лукавых и ближних сосед, да бежат от него бесове, злии дуси, и да отступит от него всяко мечтание бесовское. Грсподи, Боже, ты область имаши небесным и земным; ради имени твоего великаго и ради несказанныя твоея благодати, ради единороднаго Иисуса Хруста, услыши мя недостойнаго раба твоего в час сей: идеже аще прочтется житие мое или молитва сия, да разрешится, яко воск тающе от огня, тако лукаваго ухищрения и всякаго вреда человеческаго или животнаго, или винограднаго имения их малых и великих во имя живоначальныя Тройцы да будут просвещении суть и разрешени и разве Тебе иного Бога не знаем. Якоже от камени Моисею воду источил еси жезлом израилевым, тако Ты, Боже силен, положи руку твою державную и сильную, святую, полну благословения дому, имущему сию молитву. Яко насадил еси рай во Едеме и от того исходят твоим повелением четыре реки: Геон, Фисон, Тигр и Ефрат в тихости и адамский человек не может удержать, яко да не могут чародейственная дела или ловление бесовское апостольская удержати запрещения, еже има аз разреших и разрешаю, прогнах и прогоняю противная, злая, от злых человек пущена и лукавых бесов – от раба Божия, имя река, призывающаго мя именем твоим от всего имения его, яко же умножил еси лето Иезекию царю, тако да умножится вся земная и духовная имущему сию молитву служению ангел, пением серафимским Благовещение пресвятыя Богородицы от архангела Гавриила плотьскаго ради зачатия Сына Божия, Бога нашего Иисуса Христа, славнаго ради рождества его в Вифлиеме, засланием младенец от Ирода, святаго ради крещения, восприятием во Иорданстей реце, постом посте, искушением от диявола, ужасныя его победы на враги, ужаснаго суда его, ужасных чудес его, иже в мире бывших, исцеление даруя, прокаженных очищая, мертвыя оживляя, бесы изгоняя, иже во Иерусалим вход его, осанна сыну Давыдов, младенцем вопиющим ти, страсти ради распятия и погребения, и из мертвых воскресения, и еже на небеса вознесение, пение тмы тмами ангел и архангел, славы восходнаго твоего восхождения, песнословия, втораго и страшнаго пришествия твоего, власть ея же дал еси святым твоим учеником и апостолом, рече: „имже держите – держится, и елико аще разрешите на земли, будут разрешении на небесех. Ради бо сих имен и ради силы твоея заклинанаю и прогоняю духи лукавых, аще убо в небеси или на земли, или на пути, или на распутии, или во истоце, нли в реце, или в корени, или в кровли, или во дворех, или во оконце, или в верхнем порозе, или в нижнем, или в корени, или в ветви, и да разрешенно будет на поле, в нивах или в виноградех, или в вертоградех, или в ямах, или в траве, или в пещи, или в бани, или в капищи идольских, или в кожи рыбной, или в кожи змииной, или во власех брадных, или во главе, или во главном убрусе, или во зголовии, или в постели, или во обрезание ногтей ручных и ножных, или во обувениих, или в злате, или в сребре, или в меди, или в свинце, или в олове и железе, или в воску, или в кости, или во лбу человеческом или зверином, или в морских рыбах, или в животных морских, или земных животных, или в летающих по воздуху движимых и недвижимых, или в хартии, или в черниле, или в некоторой оной вещи и от студа затворены, да разрешатся. Аще ли есть писано в седмидесятих двух языцех, да разрешатся, понеже аз разреших и разрешаю тако Лукасуса, Марасалуна, Малуремираха, Ниона погнах и еще прогоняю; имена Тихиа, Сихахиа и Елизду, и протчия, иже от человеческаго рода самих ся и предавших в бесы – и сии да разрешатся, да изыдут от раба Божия, имя рек, Твоим повелением, Господи, и от дому его, имущему молитву сию святую, и от всего имения его малаго и великаго силою чеснаго и животворящаго креста и молитв ради пречистыя твоея матери, владычицы нашея, Богородицы, и молитв ради святых небесных сил, херувим и серафим, престол, грозных воинств, сил, начал и властей, ангел и архангел, и святых праведных патриарх Авраама, Исаака, Иякова, Мельхиседека и Иова; молитвою Иисуса Навина, иже солнце ста на мног часъ; молитв ради пророк и апостол, и мученик, и мучениц, святителей, священия человек, преподобных отец и преподобных жен, и святых исповедник, и безсребренникъ; молитв ради трех сот и осьмидесяти перваго собора и поручников нашего покаяния Василия Великаго и Григория Богослова, Иоана Златоустаго и Николы Чуднаго, и всех угодивших молитвами – да прогонятся, да удавится всяка злоба и лукавство, и зависть, и ревность, и удержания, и зло глаголание, и язычное ядение, и все, что деянная злых человек всякое совещание, да отдалится от раба Божия, имя река. Молитв ради пречистыя твоея Матери помилуй и спаси раба своего или рабу, имя река, да не прикоснется к нему и к дому его ни кое зло, ни зависть, ни чародейства, ни разбойства, ни беда, ни болезнь, ни какое зло, ни лукавство, ни во утренний день, ни вечерни, ни в нощи, ни в полунощи и во вся дни живота его, яко ты еси Бог наш и милуя, и спасая. И Тебе славу возсылаем“. Отцу и Сыну, и Святому Духу, и ныне, и присно, и во веки веков. Аминь».