Кондак Пресвятой Богородице пред иконой Ея «Калужской»

глас 6

Не и́мамы пе́сней, ниже́ слове́с,/ ка́ко досто́йно восхваля́ти Тя,/ Ма́ти Христа́ Бо́га на́шего,/ явле́ния ра́ди чудотво́рныя ико́ны Твоея́ земли́ Калу́жстей,/ то́кмо мо́жем вопи́ти Тебе́:/ не отврати́ ми́лости Твоея́ от нас// и низпосли́ ю́ всем притека́ющим к цельбоно́сней ико́не Твое́й.

Перевод: У нас нет ни молитвенных песнопений, ни слов, чтобы достойно прославлять Тебя, Матерь Христа Бога нашего, за явления чудотворной иконы Твоей в Калужской земле, но только можем взывать к Тебе: «Не скрой милость Твою от нас и ниспошли ее всем обращающимся к подающей исцеления иконе Твоей».

Величание Пресвятой Богородице пред иконой Ея «Калужской»

Велича́ем Тя,/ Богоро́дице Де́во,/ и почита́ем чудотво́рную ико́ну Твою́,/ е́юже благоволи́ла еси́ спасти́ зе́млю Калу́жскую// от наше́ствий вра́жиих и всегуби́тельных боле́зней.

 

Молитва Пресвятой Богородице пред иконой Ея «Калужской»

О, Пресвята́я Де́во, Ма́ти Христа́ Бо́га на́шего, Ди́вная Цари́це Небесе́ и земли́! Вонми́ многоболе́зненному воздыха́нию серде́ц на́ших; при́зри с высоты́ святы́я Твоея́ на нас, с ве́рою и любо́вию предстоя́щих пред чудотво́рною Твое́ю ико́ною и со умиле́нием моля́щихся Тебе́, Влады́чице! Не преда́ждь умале́нию Це́рковь Правосла́вную, помози́ нам, Пресвята́я Богоро́дице, святооте́ческую Правосла́вную ве́ру до конца́ дней на́ших непоро́чно сохрани́ти, во всех за́поведех Госпо́дних неукло́нно ходи́ти и изба́ви ны от па́губных душевре́дных уче́ний. На Твою́, Ди́вная Цари́це Небесе́ и земли́, ми́лость упова́ем, раби́ Твои́: очи́сти умы́ на́ша от грехо́вных по́мыслов, душе́внаго разслабле́ния, обурева́ния страсте́й, от искуше́ний, собла́знов и грехопаде́ний; Ты бо еси́, Влады́чице, кре́пкое прибе́жище гре́шников ка́ющихся. Воздви́гни нас из глубины́ грехо́вныя и и́стинным покая́нием ороси́ изсо́хшая сердца́ на́ша, просвети́ серде́чная очеса́ на́ша ко зре́нию спасе́ния, и прельще́нных бесо́вскою пре́лестию на путь пра́вый наста́ви; вся́кое де́ло зло́е и богопроти́вное разруши́; вся́кому же благо́му и богоуго́дному де́лу научи́ и споспе́шествуй; вложи́, Влады́чице, в сердца́ на́ша дух стра́ха Бо́жия, дух благоче́стия, дух кро́тости, смире́ния, терпе́ния, незло́бия; умягчи́ зла́я сердца́ на́ша и ниспосли́ нам ре́вность о спасе́нии бли́жних на́ших. Вразуми́ и научи́ ны, о, Всеми́лостивая Засту́пнице на́ша, ка́ко безгре́шно ходи́ти по пути́ земна́го сего́ жития́: я́ко Ты, Пресвята́я, ве́си ве́ру на́шу, и упова́ние на́ше ви́диши. О, Влады́чице ми́ра! Скорбя́щих уте́ши, бе́дствующим помози́; сохрани́ от молниено́снаго гро́ма, тлетво́рных ветр, лю́тых боле́зней, смертоно́сныя я́звы, междоусо́бныя бра́ни, наше́ствия враго́в иноплеме́нных. О, Пресвята́я Богоро́дице! Избави́ ны от внеза́пныя и наси́льственныя сме́рти; всем нам да́руй обраще́ние на путь и́стинный и христиа́нскую кончи́ну живота́ на́шего безболе́зненну, непосты́дну, ми́рну, Святы́х Тайн прича́стну. Во вре́мя исхо́да на́шего предста́ни нам, Де́во Богоро́дице, и изба́ви ны от вла́сти бесо́вския, возду́шных го́рьких мыта́рств и огня́ ве́чнаго. Сконча́вшимся внеза́пною сме́ртию ми́лостива бы́ти Сы́на Твоего́ умоли́, и о всех усо́пших, и́же не и́мут сро́дников, о упокое́нии их Сы́на Твоего́ умоля́ющих, Сама́ бу́ди непреста́нная и те́плая Моли́твенница и Хода́таица. Преста́вльшихся же в ве́ре и покая́нии от вре́меннаго жития́ сего́ отцы́, бра́тию, ма́тери и сестры́ на́ша сподо́би Твои́м хода́тайством всели́тися во оби́телех Небе́сных со А́нгелы и со все́ми святы́ми, иде́же непреста́нно гла́сы пра́зднующих и ра́достно сла́вящих Пресвяту́ю Тро́ицу, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.

Каноны и Акафисты

Акафист Пресвятой Богородице пред иконой «Калужская»

Кондак 1

Возбранной Воеводе, пренепорочней Деве Богородице, земли Калужския избавительнице, хвалебныя песни приносим Ти, раби Твои, яко иконы Твоея явлением даровавшей нам стража неусыпна. Ты же моления нашего, пред иконою Твоею возносимаго, не отвержи, но защити ны, Владычице от всех врагов видимых и невидимых и избави ны от всяких болезней душевных и телесных, да во умилении сердца зовем Ти:

Радуйся, Владычице, милость Свою нам и заступление являющая.

Икос 1

Ангелов множество славят Тя, Царицу всех и Богородицу, Ты бо исполнила еси радости сердца наша явлением нам чудотворныя иконы Твоея в Тинкове и чудесы во храме имене Рождества Твоего в веси Калужке; сей убо иконе Твоей поклоняющеся, Тебе, богоизбранная Дево, моление возносим, со страхом и любовию глаголюще:

Радуйся, от патриархов прообразованная и от пророков предвозвещенная; радуйся, рождшая Агнца, вземшего грехи мира.

Радуйся, Адама и Еву от древняго проклятия свободившая; радуйся, чудотворною иконою Твоею всю землю Калужскую озаряющая.

Радуйся, икону Твою во знамение милости нам давшая; радуйся, яко на икону Твою взирающе, Самой Тебе, истинней Богородице, покланяемся.

Радуйся, Владычице, милость Свою нам и заступление являющая.

Кондак 2

Видяще начертание лика Твоего, девица Евдокия в развращении сердца своего дерзновенно оплеванием поругася ему, не ведущи, яко сей Твой лик есть, Пресвятая Дево; Ты же вразумления ради наказала еси ю разслаблением всего телесе, смягчением руку и ногу, ослеплением очию и отъятием языка, и сим показала еси, яко начертание лика сего есть икона Твоя чудотворная, да вси людие вопиют к рождшемуся от Тебе Богу Слову: Аллилуиа.

Икос 2

Разум человеческий не может постигнути великаго Твоего милосердия, Пресвятая Богородице, яко искреннее покаяние болящия девицы прияла еси и совершенное исцеление ей даровала еси, да молитву приносит пред иконою Твоею, взывающи сице:

Радуйся, лествице небесная, Иаковом предвиденная; радуйся, тайну воплощения Божия, от веков в Бозе сокровенную, открывшая.

Радуйся, ведущим брань противу мира и диавола добрая споспешнице; радуйся, от грехопадений наших, имже несть числа, избавляющая.

Радуйся, яко призывающии имя Твое от падения страстнаго восташа; радуйся, благодатное безстрастие ищущим его усердно подающая.

Радуйся, Владычице, милость Свою нам и заступление являющая.

Кондак 3

Силою, данною Ти свыше, чудотворную Твою икону, Пречистая Богородице, даровала еси нам в знамение милости Твоея, являющися родителем тоя девицы, и рекла еси им: Буду ходатайствовати о граде Калуге и о всех людех страны сея. Мы же, взирающе на икону Твою и множество чудес, от нея изливающихся, видяще, с радостию к ней припадаем и из глубины сердца благодарим Тя, дивную заступницу, взывающе Богу: Аллилуиа.

Икос 3

Имущи о Церкви Христовой попечение и видевши, яко посреде обителей земли Калужския живут людие неции, святыя Христовы Церкве отвергшиися, Пресвятая Богородице, непременное желание изрекла еси, да вси чтут Православную Церковь. Родителем же тоя девицы повелела еси, да совершено будет молебствие пред Твоею иконою со освящением воды и да окропит иерей ею дщерь их, болезнию пораженную, яко да исцелеет от недуга своего. Нас же спаси, Госпоже Богородице, верою и любовию воспевающих Ти:

Радуйся, в защиту Церкве Православныя чудеса показующая; радуйся, хулителей православныя веры невидимо наказующая.

Радуйся, православныя веры ограждение и утверждение; радуйся, крепкая стено Церкве Православныя.

Радуйся, святителей веселие и благоговейных иереев похвало; радуйся, иноков и инокинь благочестивых изрядная покровительнице и обителей их неусыпная блюстительнице.

Радуйся, Владычице, милость Свою нам и заступление являющая.

Кондак 4

Бурю напастей провидя, угрожавших краю нашему от озлобления Наполеона, устремившагося на землю Калужскую, святитель Евлампий моляшеся пред Твоею иконою, Богородице, о избавлении града Калуги и всея ея области от врагов, весть же прием, яко войско вражие поражено бысть на реце Чернушце, благодарственно Спасу Христу возопи: Аллилуиа.

Икос 4

Слышавше милость Твою, Богородице, чрез Твою икону на поле брани близ веси Тарутина нам низпосланную, егда явила еси ю на воздусе иноплеменником, якоже свидетельствоваша плененнии от них, и тако даровала еси победу воем российским, радуемся о Твоей, Владычице, помощи и со упованием воспеваем Ти сице:

Радуйся, купино неопалимая, боговидцем Моисеем предзримая; радуйся, от потопа греховнаго нас спасшая.

Радуйся, кадильнице златая, яко фимиам благоуханный, молитвы Твоя к Богу, Сыну Твоему, присно возносящая; радуйся, праведно движимый гнев Божий на ны молением Своим скоро утоляющая.

Радуйся, яко явлением на воздусе иконы Твоея страх и трепет нападе на враги иноплеменныя; радуйся, яко явлением иконы Твоея во время брани победу российской рати подала еси.

Радуйся, Владычице, милость Свою нам и заступление являющая.

Кондак 5

Боготечная звезда явилася еси нам, Богородице, смыслы наша озаряющая и на путь спасительный наставляющая, врагом же нашим была еси, яко молния, устрашающая их и отражающи от нас, егда Наполеон, поразив близ града Малоярославца рать нашу, понуди ю отыти ко граду Калуге, сам же, услышав сие по Твоему милостивому, Заступнице, повелению, неверным же неведомыя ради вины, вместо еже ко граду Калуге ити, иде по пути, егоже сам разори и опустоши, ко граду Гжатску, и тако рать свою погуби. Сего ради, Твое крепкое заступление ведуще, со умилением глаголем Богу: Аллилуиа.

Икос 5

Проявивши велию любовь к людем, живущим в стране Калужстей, Пресвятая Богородице, землю нашу сохранила еси и множество врагов, обышедших ю, далече от нея отгнала еси, сии же врази наши уведеша, коль крепка есть помощь Божия Матере. Мы же, Твое всемощное заступление, нам бывшее, добре ведуще, в радости сердца воспеваем Ти сице:

Радуйся, клеще таинственная, Исаием провиденная; радуйся, примирение наше с Богом соделавшая.

Радуйся, Спасителя падшему человечеству рождшая; радуйся, в годину брани помощию Твоею уповающих на Тя не оставляющая.

Радуйся, всемощным заступлением Твоим от меча иноплеменных нас избавляющая; радуйся, без пролития крове одоление православным воем даровавшая.

Радуйся, Владычице, милость Свою нам и заступление являющая.

Кондак 6

Проповедница богознаменитаго чудесе явися некая жена во граде Боровске, юже врачеве никакоже возмогоша исцелити, и рекоша, яко надлежит ей не по мнозе времени умрети. Она же, веру имущи, яко сила Божия всемогущая есть, не закосне просити, да в веси Калужке пред Твоею, Богородице, иконою совершено будет о здравии ея молебствие, и по вере своей абие от недуга своего исцелена бысть. Темже и мы, благодарственно прославляюще Бога, вопием Ему: Аллилуиа.

Икос 6

Возсияла еси икона Твоя, Богородице, чудеснаго исцеления ради жены, живущия во граде Боровске, даже и посреде жителей его, в расколе пребывающих, сего ради и синклит градский, в немже по преизбыточеству бяху людие, в расколе упорствующии, устави, да будет совершено на стогнах града молебное пение пред Твоею иконою, яже принесена бысть во град сей, прежде же николиже в онь бяше приносима. Темже, яко благая Владычица, научи ны разумети промышление Божие о спасении людей, да взываем Ти радостно:

Радуйся, двере, Иезекиилем прореченная; радуйся, вочеловечению Единаго от Святыя Троицы непорочно послужившая.

Радуйся, рождением Сына Твоего спасение миру являющая; радуйся, с верою имя Твое призывающих от смерти спасающая.

Радуйся, раскольников на путь благий обращающая; радуйся, яко божественную веру прославила еси, прелесть же раскола посрамила еси.

Радуйся, Владычице, милость Свою нам и заступление являющая.

Кондак 7

Хотящи возгрети в сердцах людей страны Калужския любовь к иконе Твоей, Заступнице наша, токи чудес изливаеши от Твоея иконы: молитвою бо, к Тебе возносимою, глухому внезапу слух даровася, ослепшему зрение открыся, разслабленному крепость во удесех его возвратися, здравие душею страждущей и бесом одержимей дадеся, люте болящей и врачми оставленней житие во здравии на многая лета продолжися; темже и мы, с любовию к иконе Твоей припадающе и прославляюще Бога, вопием Ему: Аллилуиа.

Икос 7

Необоримая еси ограда, охраняющая ны от всяких болезней душевных и телесных, Пресвятая Богородице, и заступающая всех, к Тебе прибегающих с молитвою. Темже и мы, припадающе к иконе Твоей, молим Тя, Владычице: от всяких болезней душевных и телесных избави ны, вопиющия Ти из глубины сердца:

Радуйся, солнце селения Христова, Псалмопевцем предъявленное; радуйся, рождшая Избавителя, беззакония наша туне очищающаго.

Радуйся, стамно пресвятая, в нейже алчущим правды соблюдается Хлеб жизни вечныя; радуйся, яко всякия болезни душевныя и телесныя милостивно врачуеши с верою к чудотворней Твоей иконе приходящих.

Радуйся, болезнующих, оставленных врачми, от смерти избавляющая; радуйся, яко молитвами Твоими престают тлетворнии ветри и смертносныя язвы.

Радуйся, Владычице, милость Свою нам и заступление являющая.

Кондак 8

Великое и уму человеческому неудобопостижимое чудо явила еси, Владычице мира, егда внезапу исцелила и укрепила еси в трезвенном житии некую жену, в области града Жиздры живущую, яже пиянству предана бе; совестию своею терзашеся, яко страстию порока порабощена бысть, и сея ради вины обратися с верою к Тебе, Владычице, молящися пред Твоею иконою и от Тебе исцеление желающи получити. Сего ради и мы, на милость Твою уповающе, восхваляем Твое милосердие, взывающе Богу: Аллилуиа.

Икос 8

Видят и слышат жители Калужския земли новую купель Силоамскую, паче оныя древния явльшуюся, Пресвятая Богородице, в храме Рождества Твоего в веси Калужке, в немже покланяются чудотворней иконе Твоей; не единожды бо в лето и не точию первее входяй здравие приемлет, но выну всяк недуг врачуеши всех с верою к Тебе прибегающих. Сего ради вопием Ти:

Радуйся, Еяже радиад стенет и дуси злобы трепещут; радуйся, Еяже ради врата рая всем нам отверзаются.

Радуйся, помощь Твою святую благовременно подающая всякой душе, верно Тебе молящейся; радуйся, от страсти к пиянству обратившихся к Тебе с молитвою избавляющая.

Радуйся, от рова погибельнаго безнадежных извлачающая; радуйся, притекающих к покрову Твоему сладкое успокоение.

Радуйся, Владычице, милость Свою нам и заступление являющая.

Кондак 9

Вси гордынею одержимии страх Божий скоро забывают. Сице две жене, в стране Калужстей живущии, гордынею преисполненнеи, ясно являста сомнение свое, яко икона Твоя цельбоносна есть, Владычице, и сим толико прогневаста Бога, яко праведным судом Его тяжкими недуги наказание прияша. Мы же, таковое вразумление видяще, с любовию покланяемся Твоему образу, взывающе Богу: Аллилуиа.

Икос 9

Витии века сего отрицают поклонение иконе Твоей, Пречистая Дево, не разумеют бо в своем суемудрии, яко честь, иконе воздаваемая, на первообразное восходит. Мы же, не токмо сие ведуще, но и благодеяния, иконою Твоею нам являемая, видевше, душею радующеся, Тебе, Богородице, глаголем:

Радуйся, стамно всезлатая, в нейже плоть и кровь божественнаго Агнца уготовашася; радуйся, трапезо святая, хлебом жизни нас питающая.

Радуйся, суетную мудрость нечестивых витий посрамляющая и ослепленных ею на путь правый наставляющая; радуйся, яко по благостыне Своей угашаеши в нас огнь нечестия пламенем огня божественнаго.

Радуйся, вразумляющая знаменьми и чудесы колеблемых в вере; радуйся, Богоблагодатная, страх Божий и смирение в сердца наша вселяющая.

Радуйся, Владычице, милость Свою нам и заступление являющая.

Кондак 10

Спасти хотящи люди, покланяющияся Твоей иконе, от бед, благоволила еси, Богородице, явитися некоей девице, в Лужецком, близ града Можайска, монастыре жительствовавшей, и предварити, да не имать общения с женою развращенною, и тем сохранила еси ю от грядущия беды. Темже и мы прославляем Господа Бога, давшего благодать таковую иконе Твоей, и вопием Ему: Аллилуиа.

Икос 10

Стена еси крепкая, ограждающая род человеческий от бед, Пресвятая Богородице, и скорую помощь являеши от Твоея иконы всем чтущим ю во градех, весех и обителех. Сего ради и мы, осеняемии Твоим, Богомати, заступлением, на Твой взирающе пречистый образ, молим Тя, да избавиши ны от всяких клевет, бед и скорбей, вопиющих Ти:

Радуйся, явльшая миру обетованнаго Сокрушителя главы змиевы; радуйся, радость вечную, Спасителя миру, рождшая.

Радуйся, рождением Сына Божия двери царствия Христова нам отверзшая; радуйся, казнь Божию за беззакония наша от глав наших отклоняющая.

Радуйся, любящих и чтущих Тя от всяких бед и скорбей избавляющая; радуйся, радосте всего мира, Еюже слезы скорбящих отъемлются.

Радуйся, Владычице, милость Свою нам и заступление являющая.

Кондак 11

Пение непрестанно приношаше Ти, Пресвятая Богородице, некий житель Жиздринския веси, с верою пред Твоею иконою моляше, да даруеши ему дщерь. Ты же, Богородице, благоволила еси вняти мольбам его и даровала еси ю ему. Мы же, зряще на Твою икону и видяще токи чудес, от нея изливаемыя, благая Богородительнице, из глубины сердца благодарим Тя, Царицу нашу дивную, воспевающе Богу: Аллилуиа.

Икос 11

Светлыми лучами чудес икона Твоя сияет, Богомати Пречистая, и прогоняет всякое вражие действо силою Божиею, от нея исходящею; темже и мы, грешнии, имуще таковое знамение Твоего к нам благоволения, радуемся, глаголюще: ОПресвятая Богородице! Умоли Господа, да спасет ны имиже весть судьбами, да не погибнем в нераскаянии о наших грехопадениих, и услыши похвалы сия, Тебе возносимыя:

Радуйся, Творца небесе и земли безсеменно воплотившая; радуйся, осенением святыя иконы Твоея всякое вражие действо от нас отгоняющая.

Радуйся, прошения наша на пользу исполняющая; радуйся, неоскудеваемый источниче благословений и милостей Божиих к людем Твоим.

Радуйся, благочестивых супружеств незримое ограждение; радуйся, молитв ради усердных плод безчадным низпосылающая.

Радуйся, Владычице, милость Свою нам и заступление являющая.

Кондак 12

Благодать умиления молитвеннаго от Твоея, Владычице, иконы источаемая, да исполнит души наша, аще грех ради в безчувствие впадаем. Пробуди наше душевное усыпление, да не погибнем люте без покаяния, и приими нас в вечныя кровы, Богородительнице, да, радующеся, поем Богу, Тобою нас спасающему: Аллилуиа.

Икос 12

Поюще чудеса, являемая от Твоея иконы, Мати Христа Бога нашего, и припадающе к ней, молим Тя, Владычице: буди нам защищение в день кончины нашея, егда имамы предстати на суд пред страшным престолом славы Сына Твоего, Господа нашего, да вопием Ти:

Радуйся, от власти лютаго миродержца уповающих на Тя избавляющая; радуйся, гнев Божий от рода православнаго отводящая.

Радуйся, благую христианскую кончину ублажающим Тя подающая; радуйся, славящих Тя на воздушных мытарствах заступающая.

Радуйся, заступнице усердная рода православнаго и крепкая надеждо вечнаго его спасения; радуйся, отверзающая райския двери православному роду, присно Тя блажащему.

Радуйся, Владычице, милость Свою нам и заступление являющая.

Кондак 13

О всепетая Мати Христа Бога нашего! Приими милостивно сие моление наше, еже принесохом пред Твоею иконою, и в час смертный явися нам Сама, Пречистая, простирающи руку помощи, отгоняющи духи злобы, ищущия поглотити души наша при разлучении от телесе, и умоли приснопокланяемую Троицу избавити ны мучения вечнаго, да предстательством Твоим наследуем Царствие Небесное и сподобимся со святыми пети Богу: Аллилуиа.

Этот кондак читается трижды, затем 1-й икос «Ангелов множество …» и 1-й кондак «Возбранной Воеводе …».

Икос 1

Ангелов множество славят Тя, Царицу всех и Богородицу, Ты бо исполнила еси радости сердца наша явлением нам чудотворныя иконы Твоея в Тинкове и чудесы во храме имене Рождества Твоего в веси Калужке; сей убо иконе Твоей поклоняющеся, Тебе, богоизбранная Дево, моление возносим, со страхом и любовию глаголюще:

Радуйся, от патриархов прообразованная и от пророков предвозвещенная; радуйся, рождшая Агнца, вземшего грехи мира.

Радуйся, Адама и Еву от древняго проклятия свободившая; радуйся, чудотворною иконою Твоею всю землю Калужскую озаряющая.

Радуйся, икону Твою во знамение милости нам давшая; радуйся, яко на икону Твою взирающе, Самой Тебе, истинней Богородице, покланяемся.

Радуйся, Владычице, милость Свою нам и заступление являющая.

Кондак 1

Возбранной Воеводе, пренепорочней Деве Богородице, земли Калужския избавительнице, хвалебныя песни приносим Ти, раби Твои, яко иконы Твоея явлением даровавшей нам стража неусыпна. Ты же моления нашего, пред иконою Твоею возносимаго, не отвержи, но защити ны, Владычице от всех врагов видимых и невидимых и избави ны от всяких болезней душевных и телесных, да во умилении сердца зовем Ти:

Радуйся, Владычице, милость Свою нам и заступление являющая.

Молитва

О Пресвятая Дево, Мати Христа Бога нашего, дивная Царице небесе и земли! Вонми многоболезненному воздыханию сердец наших; призри с высоты святыя Твоея на нас, с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую православную веру до конца дней наших непорочно сохранити, во всех заповедех Господних неуклонно ходити и избави ны от пагубных душевредных учений.

На Твою, дивная Царице небесе и земли, милость уповаем раби Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений; Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием ороси изсохшая сердца наша, просвети сердечная очи наша к зрению спасения и прельщенных бесовскою прелестию на путь правый настави; всякое дело злое и богопротивное разруши, всякому же благому и богоугодному делу научи и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злая сердца наша и злыя благи сотвори, низпосли нам ревность о спасении ближних.

Вразуми и научи ны, о Всемилостивая Заступнице наша, како безгрешно ходити по пути земнаго сего жития, яко Ты, Пресвятая, веси и веру нашу, и упование наше видиши, Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносныя язвы, междоусобныя брани, нашествия врагов иноплеменных.

Пресвятая Богородице! Избави ны от внезапныя и насильственныя смерти; всем нам даруй обращение на путь истинный и христианскую кончину живота нашего, безболезненну, непостыдну, мирну, Святых Таин причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая молитвенница и ходатаица. Преставльшияся же в вере и покаянии от временнаго жития сего отцы, братию и сестры наша сподоби Твоим ходатайством вселитися во обителех небесных со ангелы и со всеми святыми, идеже не престают гласи празднующих и радостно славящих Пресвятую Троицу, Отца и Сына и Святаго Духа, ныне и присно и во веки веков. Аминь.

 

15 СЕНТЯБРЯ - ПАМЯТЬ ИКОНЫ БОЖИЕЙ МАТЕРИ "КАЛУЖСКОЙ"
Тропарь, глас 4:
Засту́пнице от враг иноплеме́нных Необори́мая Калу́жския земли́ / и Изба́вительнице от смертоно́сныя я́звы Ми́лостивая! / Изба́ви рабы́ Твоя́ от вся́ких бед и боле́зней, / с ве́рою и любо́вию прибега́ющия к чудотво́рней ико́не Твое́й, // и спаси́ ду́ши на́ша.

Кондак, глас 6:
Не и́мамы пе́сней, ниже́ слове́с, / ка́ко досто́йно восхваля́ти Тя, / Ма́ти Христа́ Бо́га на́шего, / явле́ния ра́ди чудотво́рныя ико́ны Твоея́ земли́ Калу́жстей, / то́кмо мо́жем вопи́ти Тебе́: / не отврати́ ми́лости Твоея́ от нас // и низпосли́ ю́ всем притека́ющим к цельбоно́сней ико́не Твое́й.

Калужская икона Божией Матери — почитаемая в Русской церкви чудотворная икона Богородицы. Считается покровительницей Калуги и Калужской земли.
Явление чудотворной иконы случилось в 1748 году в доме помещика Василия Кондратьевича Хитрово в селе Тиньково (ныне Жуковский район Калужской области). Во время уборки на чердаке служанки обнаружили большой свёрток холста, на котором была изображена женщина в тёмном одеянии с книгой в руках. Одна девушка приняла его за изображение монахини и показала второй, Евдокии, пригрозив ей гневом игуменьи за нерадивость и сквернословие, на что та, плюнув на образ, сказала: «Вот как я боюсь твоей игуменьи» — и тотчас же упала, разбитая параличом, не в силах пошевелиться. Служанка рассказала обо всём помещику, который приказал перенести Евдокию в родительский дом и положить под иконы. В ту ночь родителям девушки явилась Богородица и сообщила:
"...Дочь ваша своим дерзким поступком в изображенном на полотне лице оскорбила не инокиню, но Меня, потому что это изображение есть Мой образ, чрез который, по воле Сына Моего и Бога, Я буду ходатайствовать за город ваш и жителей его. Утром объявите об этом священникам и вместе с ними помолитесь пред поруганной Моей иконой, окропите расслабленную водой, которая истекает из-под храма, и дочь ваша исцелится..."
Родители сделали так, как велела Матерь Божия, и Евдокия исцелилась, принеся покаяние. Икона была вставлена в раму, помещена на почётное место в барском доме.
Вскоре в том же доме слуга Прохор, долгое время страдавший глухотой, трижды видел во сне Богородицу, которая наказала ему усердно молиться перед иконой. Он так и сделал, после чего заснул на двое суток, а проснувшись, обнаружил, что здоров.
Единственная дочь помещика Евдокия тяжело заболела. Ночью ей явилась Пречистая, сказав: «Молись пред этою иконой — и получишь исцеление». Евдокия рассказала о сне родителям, и они все вместе молились и девушка исцелилась.
После этих чудодейственных событий икона с почестями была перенесена в приходской храм в честь Рождества Богородицы в селе Калужка (Калуженка).
В 1771 году в Калуге и окрестностях свирепствовала моровая язва. Жители города просили благословения архимандрита Лаврентьева монастыря Никодима принести из Калужки в город чудотворную икону. С иконой в течение трёх дней обходили все улицы Калуги, служили всенародный молебен. Чума прекратилась. В память о чудсном избавлении было установлено ежегодное празднование иконе 2 (15) сентября с крестным ходом вокруг города.
В 1812 году во время Отечественной войны икона была перенесена в город Ефремов. В конце октября после сражений под Тарутиным и Малоярославцем наполеоновское войско, отступая, направилось в сторону Калуги, но неожиданно свернули на Гжатск (ныне город Гагарин), окрестности которого были сильно разорены ими же во время наступления. Пленные позже рассказывали, что не раз им являлось видение Божией Матери. Видения каждый раз сопровождались победами русских войск. Об этом было доложено Александру I, император распорядился с благословления Святейшего Синода установить ежегодное празднование Калужской иконе 12 (25) октября с крестным ходом вокруг города.
28 августа 1868 года опасно заболел Оптинский старец Амвросий (Гренков). Игумен Исаакий послал в село инока с просьбой принести в Оптину пустынь Калужскую икону. Чудотворную икону доставили в монастырь. В кельях старца был отслужен молебен с акафистом Пресвятой Богородице. После молитв старец Амвросий выздоровел. В летописях Оптиной пустыни также говорится, что икону ежегодно приносили из Калуги, и совершалась торжественная служба.
В 1899 году молитвами иконе была исцелена жена коллежского асессора из Боровска. С позволения епископа Калужского и Боровского Макария икона была принесена впервые в город. На городской площади было совершено торжественное молебствие.
После революции икона была спасена от богоборцев. Она хранилась в Московской духовной академии Троице-Сергиевой лавры. При участии Патриарха Алексия II святыня была возвращена городу. Список с иконы был торжественно передан и хранится в Свято-Георгиевском соборе.

МОЛИТВА К ПРЕСВЯТОЙ БОГОРОДИЦЕ ПЕРЕДЕЯ ИКОНОЙ, ИМЕНУЕМОЙ “КАЛУЖСКАЯ”

О Пресвятая Дево, Мати Христа Бога нашего, Дивная Царице Небесе и земли! Вонми многоболезненному воздыханию сердец наших; призри с высоты святыя Твоея на нас, с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую Православную веру до конца дней наших непорочно сохранити, во всех заповедех Господних неуклонно ходити и избави ны от пагубных душевредных учений. На Твою, Дивная Царице Небесе и земли, милость уповаем, раби Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений; Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием ороси изсохшая сердца наша, просвети сердечная очеса наша ко зрению спасения, и прельщенных бесовскою прелестию на путь правый настави; всякое дело злое и богопротивное разруши; всякому же благому и богоугодному делу научи и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злая сердца наша и ниспосли нам ревность о спасении ближних наших. Вразуми и научи ны, о Всемилостивая Заступнице наша, како безгрешно ходити по пути земнаго сего жития: яко Ты, Пресвятая, веси веру нашу, и упование наше видиши. О Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносныя язвы, междоусобныя брани, нашествия врагов иноплеменных. О Пресвятая Богородице! Избави ны от внезапныя и насильственныя смерти; всем нам даруй обращение на путь истинный и христианскую кончину живота нашего безболезненну, непостыдну, мирну, Святых Тайн причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умоли, и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица. Преставльшихся же в вере и покаянии от временнаго жития сего отцы, братию, матери и сестры наша сподоби Твоим ходатайством вселитися во обителех Небесных со Ангелы и со всеми святыми, идеже непрестанно гласы празднующих и радостно славящих Пресвятую Троицу, Отца, и Сына, и Святаго Духа, ныне и присно и во веки веков. Аминь.

http://hram-nikola.kiev.ua/o-presvyatoj-bogoroditse/chudotvornye-ikony/1022-kaluzhskaya-ikona-bozhiej-materi2