Благословен еси, Господи, научи мя оправданием Твоим.

Ангельский собор удивися, / зря Тебе в мертвых вменившася, / смертную же, Спасе, крепость разоривша, / и с Собою Адама воздвигша, / и от ада вся свобождша.

Благословен еси, Господи, научи мя оправданием Твоим.

Почто мvра с милостивными слезами, / о ученицы, растворяете? / Блистаяйся во гробе Ангел мvроносицам вещаше: / видите вы гроб и уразумейте, / Спас бо воскресе от гроба.

Благословен еси, Господи, научи мя оправданием Твоим.

Зело рано мvроносицы течаху / ко гробу Твоему рыдающия, / но предста к ним Ангел и рече: / рыдания время преста, не плачите, / воскресение же апостолом рцыте.

Благословен еси, Господи, научи мя оправданием Твоим.

Мvроносицы жены с мvры пришедшия / ко гробу Твоему, Спасе, рыдаху, / Ангел же к ним рече, глаголя: / что с мертвыми живаго помышляете? / Яко Бог бо, воскресе от гроба.

Слава: Поклонимся Отцу / и Его Сынови, и Святому Духу, / Святей Троице во едином существе, / с Серафимы зовуще: / Свят, Свят, Свят еси, Господи.

И ныне: Жизнодавца рождши, / греха, Дево, Адама избавила еси, / радость же Еве / в печали место подала еси, / падшия же от жизни / к сей направи / из Тебе воплотивыйся Бог и Человек.

Аллилуиа, Аллилуиа, Аллилуиа, слава Тебе, Боже. трижды.

После песнопения «Ангельский собор» (или «Благословен еси Господи») произносится малая ектения.

Свящ.(диакон): Паки и паки Господу помолимся! Народ: Господи помилуй!

7. Свящ.(диакон): Заступи, спаси, помилуй и сохрани нас Боже Твоею благодатию! Народ: Господи помилуй!

8. Свящ.(диакон): Пресвятую….со всеми святыми помянувши, сами себе, и друг друга, и весь живот наш Христу Богу предадим! Народ: Тебе Господи!

Свящ: Яко благословися Имя Твое, и прославися...и во веки веков! Народ: Аминь!

Далее происходит чтение Евангелия. Поется после чтения Евангелия «Воскресение Христово видевше»

Воскресение Христово Видевше

Лик: Воскресение Христово видевше, / поклонимся Святому Господу Иисусу, / единому безгрешному. / Кресту Твоему покланяемся, Христе, / и святое Воскресение Твое поем и славим: / Ты бо еси Бог наш, / разве Тебе иного не знаем, / имя Твое именуем. / Приидите вси вернии, / поклонимся Святому Христову Воскресению: / се бо прииде крестом радость всему мiру. / Всегда благословяще Господа, / поем Воскресение Его: / распятие бо претерпев, / смертию смерть разруши.

Далее, после помазания читается канон. После третьей, шестой и девятой песней канона произносится малая ектения. После возгласа священника «Богородицу и Матерь Света…» во время чтения канона поется «Величит душа моя Господа»

Величит душа моя Господа

 

Величит душа Моя Господа / и возрадовася дух Мой о Бозе Спасе Моем.

 

К коемуждо стиху припеваем: Честнейшую Херувим / и славнейшую без сравнения Серафим, / без истления Бога Слова рождшую, / сущую Богородицу, Тя величаем.

 

Яко призре на смирение рабы Своея, / се бо, от ныне ублажат Мя вси роди.

 

Честнейшую Херувим:

Яко сотвори Мне величие Сильный, / и свято имя Его, / и милость Его в роды родов боящимся Его.

 

Честнейшую Херувим:

Сотвори державу мышцею Своею, / расточи гордыя мыслию сердца их.

 

Честнейшую Херувим:

Низложи сильныя со престол, / и вознесе смиренныя, алчущия исполни благ, / и богатящияся отпусти тщи.

 

Честнейшую Херувим:

Восприят Израиля отрока Своего, / помянути милости, / якоже глагола ко отцем нашим, / Аврааму и семени его даже до века.

 

Честнейшую Херувим:

После канона поются хвалитные псалмы. После возгласа «Слава Тебе показавшему нам Свет!» поется «Великое славословие»

Великое славословие

 

Слава в вышних Богу, и на земли мир, в человецех благоволение. Хвалим Тя, благословим Тя, кланяем Ти ся, славословим Тя, благодарим Тя великия ради славы Твоея. Господи, Царю Небесный, Боже, Отче Вседержителю, Господи Сыне Единородный, Иисусе Христе, и Святый Душе. Господи Боже, Агнче Божий, Сыне Отечь, вземляй грех мiра, помилуй нас. Вземляй грехи мiра, приими молитву нашу. Седяй одесную Отца, помилуй нас. Яко Ты еси Един Свят; Ты еси Един Господь, Иисус Христос, в славу Бога Отца, аминь.

 

На всяк день благословлю Тя и восхвалю имя Твое во веки, и в век века. Сподоби, Господи, в день сей без греха сохранитися нам. Благословен еси, Господи Боже отец наших, и хвально и прославлено имя Твое во веки, аминь.

 

Буди, Господи, милость Твоя на нас, якоже уповахом на Тя.

 

Благословен еси, Господи, научи мя оправданием Твоим. трижды.

Господи, прибежище был еси нам в род и род. Аз рех: Господи, помилуй мя, исцели душу мою, яко согреших Тебе. Господи, к Тебе прибегох, научи мя творити волю Твою, яко Ты еси Бог мой, яко у Тебе источник живота, во свете Твоем узрим свет. Пробави милость Твою ведущим Тя.

 

Трисвятое

 

Святый Боже, Святый Крепкий, Святый Безсмертный, помилуй нас. трижды.

Слава Отцу и Сыну и Святому Духу, и ныне и присно и во веки веков, аминь.

 

Святый Безсмертный, помилуй нас.

Таже высочайшим гласом: Святый Боже, Святый Крепкий, Святый Безсмертный, помилуй нас.

 

После «Трисвятого» поется воскресный тропарь « Д несь спасение мiру» или « В оскрес из гроба»(зависит от гласа недели). После тропаря произносятся сугубая и просительная ектении:

Сугубая ектения:

9. Свящ.(диакон): Рцем вси, от всея души и всего помышления нашего рцем! Народ: Господи помилуй!

10. Свящ.(диакон): Господи Вседержителю Боже отец наших, молим Ти ся услыши и помилуй! Народ: Господи помилуй!

11. Свящ.(диакон): Помилуй нас Боже, по велицей милости Твоей, молим Ти ся услыши и помилуй! Народ: Господи помилуй!(трижды)

12. Свящ.(диакон): Еще молимся о велицем господине и отце нашем, святейшем патриархе Кирилле, и о господине нашем высокопреосвященнейшей митрополите Никодиме, и всей во Христе братии нашей! Народ: Господи помилуй!(трижды)

13. Свящ.(диакон): Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте! Народ: Господи помилуй!(трижды)

14. Свящ.(диакон): Еще молимся блаженных и приснопамятных создателех святаго храма сего, и о всех прежде почивших отцех и братиях, зде лежащих и повсюду православных! Народ: Господи помилуй!(трижды)

15. Свящ.(диакон): Еще молимся о милости, жизни, мире, здравии, спасении, посещении и оставлении грехов рабов божиих – братии, прихожан святаго храма сего !(трижды)

16. Свящ.(диакон): Еще молимся о плодоносящих и добродеющих во святем и всечестнем храме сем, труждающихся, поющих и предстоящих людях, ожидающих от Тебя великия и богатыя милости! Народ: Господи помилуй!(трижды)

                    Свящ: Яко Милостив….и во веки веков! Народ: Аминь!

Просительная ектения:

1. Свящ.(диакон): Исполним утренюю молитву нашу Господеви! Народ: Господи помилуй!

2. Свящ.(диакон): Заступи, спаси, помилуй и сохрани нас Боже Твоею благодатию! Народ: Господи помилуй!

3. Свящ.(диакон): Дне всего совершенна, свята, мирна и безгрешна у Господа просим! Народ: Подай Господи!

4. Свящ.(диакон): Ангела мирна, свята, хранителя душ и телес наших у Господа просим! Народ: Подай Господи!

5. Свящ.(диакон): Прощения и оставления грехов, и прегрешений наших у Господа просим! Народ: Подай Господи!

6. Свящ.(диакон): Добрых и полезных душам нашим, и мира мирови у Господа просим! Народ: Подай Господи!

7. Свящ.(диакон): Прочее время живота нашего в мире и покаянии скончати у Господа просим! Народ: Подай Господи!

8. Свящ.(диакон): Христианския кончины живота нашего, безболезненны, непостыдны, мирны, и добраго ответа на Страшнем судищи Христове, просим! Народ: Подай Господи!

9. Свящ.(диакон): Пресвятую….со всеми святыми помянувши, сами себе, и друг друга, и весь живот наш Христу Богу предадим! Народ: Тебе Господи!

Свящ: Яко Бог милости….и во веки веков! Народ: Аминь!

Свящ: Мир всем! Народ: И духови твоему!

Главы наша Господеви приклоним Народ: Тебе Господи!

Свящ: Твое бо есть...и во веки веков! Народ: Аминь!