Читается 9-е Евангелие Святых Страстей

Священник: От Иоа́нна свята́го Ева́нгелия чте́ние. [Ин. 19, 25 - 37], зачало 61:

Во вре́мя о́но, стоя́ху при Кресте́ Иису́сове Ма́ти Его́, и сестра́ Ма́тере Его́, Мари́я Клео́пова, и Мари́я Магдали́на. Иису́с же ви́дев Ма́терь, и ученика́ стоя́ща, его́же любля́ше, глаго́ла Ма́тери Свое́й: Же́но, се, сын Твой. Пото́м глаго́ла ученику́: се, Ма́ти твоя́. И от того́ часа́ поя́т Ю́ учени́к во своя́ си. Посе́м ве́дый Иису́с, я́ко вся уже́ соверши́шася, да сбу́дется Писа́ние, глаго́ла: жа́жду. Сосу́д же стоя́ше полн о́цта. Они́ же испо́лнивше гу́бу о́цта, и на трость во́нзше, приде́ша ко усто́м Его́. Егда́ же прия́т о́цет Иису́с, рече́: соверши́шася. И прекло́нь главу́, предаде́ дух. Иуде́е же, поне́же пято́к бе, да не оста́нут на кресте́ телеса́ в суббо́ту, бе бо вели́к день тоя́ суббо́ты, моли́ша Пила́та, да пребию́т го́лени их, и во́змут. Приидо́ша же во́ини, и пе́рвому у́бо преби́ша го́лени, и друго́му распя́тому с Ним. На Иису́са же прише́дше, я́ко ви́деша Его́ уже́ уме́рша, не преби́ша Ему́ го́лений. Но еди́н от во́ин копие́м ре́бра Ему́ прободе́, и а́бие изы́де кровь и вода́. И ви́девый свиде́тельствова, и и́стинно есть свиде́тельство его́, и той весть, я́ко и́стину глаго́лет, да вы ве́ру и́мете. Бы́ша бо сия́, да сбу́дется Писа́ние: кость не сокруши́тся от Него́. И па́ки друго́е Писа́ние глаго́лет: воззря́т Нань, Его́же прободо́ша.

Лик: Сла́ва долготерпе́нию Твоему́, Го́споди.

Читаются Хвалитные псалмы

Чтец: Хвали́те Го́спода с небе́с. Тебе́ подоба́ет песнь Бо́гу. Хвали́те Го́спода с небе́с, хвали́те Его́ в вы́шних. Тебе́ подоба́ет песнь Бо́гу. Хвали́те Его́, вси А́нгели Его́, хвали́те Его́, вся Си́лы Его́. Тебе́ подоба́ет песнь Бо́гу.

Псалом 148.

Хвали́те Его́, со́лнце и луна́, хвали́те Его́, вся зве́зды и свет. Хвали́те Его́ Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. Поста́ви я́ в век и в век ве́ка, повеле́ние положи́, и не ми́мо и́дет. Хвали́те Го́спода от земли́, зми́еве и вся бе́здны: огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты. Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго, испове́дание Его́ на земли́ и на небеси́. И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́.

Псалом 149.

Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о Сотво́ршем eго́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.

На 6: Сотвори́ти в них суд напи́сан. / Сла́ва сия́ бу́дет всем преподо́бным Его́.

Псалом 150.

Хвали́те Бо́га во святы́х Его́, / хвали́те Его́ во утверже́нии си́лы Его́.

На 4: Хвали́те Его́ на си́лах Его́, / хвали́те Его́ по мно́жеству вели́чествия Его́.

Стихиры не хвалитех, гл.1,:

Два и лука́вная сотвори́, перворожде́нный сын Мой Изра́иль: / Мене́ оста́ви, Исто́чника воды́ живо́тныя, / и ископа́ себе́ кладене́ц сокруше́нный, / Мене́ на дре́ве распя́т, / Вара́вву же испроси́ и отпусти́. / Ужасе́ся не́бо о сем и со́лнце лучи́ скры, / ты же, Изра́илю, не усрами́лся еси́, / но сме́рти Мя пре́дал еси́. / Оста́ви им, О́тче Святы́й, / не ве́дят бо, что сотвори́ша.

Два преступления совершил первородный сын Мой Израиль: он оставил Меня, Источника живой воды, и вырыл себе родник отравы; Меня распял на древе, а Варавву выпросил и отпустил. Небо содрогнулось при этом и солнце скрыло свои лучи. Ты же, Израиль, не устрашился, но предал Меня смерти. Прости им, Святый Отче, ибо они не знают, что сделали».

Хвали́те Его́ во гла́се тру́бнем, / хвали́те Его́ во псалти́ри и гу́слех.

Та же стихира

На 2: Хвали́те Его́ в тимпа́не и ли́це, / хвали́те Его́ во стру́нах и орга́не.

Ки́йждо уд святы́я Твоея́ пло́ти, безче́стие нас ра́ди претерпе́: / те́рние, глава́; лице́, оплева́ния; че́люсти, зауше́ния; / уста́, во о́цте растворе́нную желчь вку́сом; / ушеса́, хуле́ния злочести́вая; / плещи́, бие́ния; и рука́, трость; / всего́ телесе́ протяже́ния на Кресте́; / чле́нове, гво́здия; и ре́бра, копие́. / Пострада́вый за ны и от страсте́й свободи́вый нас, / снизше́дый к нам человеколю́бием и вознесы́й нас, / Всеси́льне Спа́се, поми́луй нас.

 

Каждый член святого Твоего тела /претерпел бесчестие за нас: глава - терния, лицо - оплевания, / щеки - удары, /уста - вкус в уксусе растворенной желчи, /уши - нечестивые поношения, /спина - бичевание, и рука - трость, /все тело - растяжение на Кресте, / конечности - гвозди, и ребра - копье. / Пострадавший за нас /и от страданий освободивший нас, /сошедший к нам по человеколюбию и вознесший нас, / всесильный Спаситель, помилуй нас.

Хвали́те Его́ в кимва́лех доброгла́сных, хвали́те Его́ в кимва́лех восклица́ния. / Вся́кое дыха́ние да хва́лит Го́спода.

Распе́ншуся Ти, Христе́, вся тварь, ви́дящи, трепета́ше, / основа́ния земли́ позыба́шася стра́хом держа́вы Твоея́; / Тебе́ бо возне́сшуся днесь, род евре́йский поги́бе, / церко́вная заве́са раздра́ся на дво́е, / и ме́ртвии от гробо́в воскресо́ша; / со́тник, ви́дев чу́до, ужасе́ся. / Предстоя́щи же Ма́ти Твоя́ вопия́ше, рыда́ющи ма́терски: / ка́ко не возрыда́ю и утро́бы Моея́ не бию́, / зря́щи Тя на́га, я́ко осужде́на, на дре́ве ви́сяща? / Распны́йся и погребы́йся, и воскресы́й из ме́ртвых, / Го́споди, сла́ва Тебе́.

 

Когда Ты, Христе, был распят, вся природа, видя эго, затрепетала, основания земли колебались в страхе от силы Твоей; Когда Ты вознесен был на крест, еврейский народ погиб, завеса в храме разорвалась надвое и мертвые воскресли из гробов; сотник, видев чудо, ужаснулся. Предстоящая же Матерь Твоя рыдала в материнской скорби, взывая: «Как Мне не плакать и не бить от горя в Свою грудь, видя Тебя, как осужденного, обнаженным, висящим на кресте? Распятый и погребенный и воскресший из мертвых, Господи, слава Тебе».

 

Сла́ва Отцу́ и Сы́ну и Свято́му Ду́ху. Глас 6:

Совлеко́ша с Мене́ ри́зы Моя́, / и облеко́ша Мя в ри́зу червле́ну, / возложи́ша на главу́ Мою́ вене́ц от те́рний, / и в десну́ю Мою́ ру́ку вда́ша трость, / да сокрушу́ их, я́ко сосу́ды скуде́льничи.

Совлекли с Меня одежды Мои / и облекли Меня в плащ багряный, / возложили на голову Мою венец из терний / и в правую Мою руку дали трость, /чтобы Я сокрушил их, как сосуды горшечника.

И ны́не и при́сно и во ве́ки веко́в. Ами́нь.

Плещи́ Моя́ дах на ра́ны, / лица́ же Моего́ не отврати́х от заплева́ний, / суди́щу Пила́тову предста́х и Крест претерпе́х / за спасе́ние ми́ра.

«Плечи Мои Я дал на бичевание и лица Моего не отвратил от заплевания. Я предстал на суд Пилата и претерпел крестные страдания ради спасения мира».