Радуйся, цвете Божественнаго саждения.

Радуйся, лозо добродетельная винограда Христова;

Радуйся, древо чудоточное рая Иису­сова.

Радуйся, жилище и дом Христа Бога нашего;

Радуйся, вместилище неизреченныя Его славы.

Радуйся, Владычице, Всемилостивая Пода­тельнице щедрот;

Радуйся, яко много может молитва Твоя пред Сыном Тво­им и Богом нашим.

Радуйся, Мати Божия Державная, Заступнице усердная рода христианскаго.

Кондак 11

Пение хвалебное и благодарствен­ное приносим Ти, Владычице, под державным бо покровом Твоея благо­сти пребываем в непостыдней надеж­де всесильнаго заступления Твоего за нас, грешных, и все упование наше на Тя возложивше, радостно вопием Бо­гу: Аллилуиа.

Икос 11

Светильницы наши угасоша, елея же благих дел не имамы, во еже возжещи благодать Духа Святаго. И где обрящемся, окаяннии, сном грехов­ным отягченнии, егда постигнет нас внезапу в полунощи час кончины нашея? Но да не услышим и мы, якоже юродивыя девы, грознаго гласа Жени­ха: не вем вас! Помози нам, Владычи­це, наполнити сосуды душ наших еле­ем благих дел, паче же милосердия и смирения, да благодарственно воспо­ем Ти сице:

Радуйся, яко воспомина­нием грядущаго грознаго суда Божия от грехов нас отреваеши;

Радуйся, яко души наши, аки невесту, ко сретению прекраснаго Жениха Христа предуготовляти нас поучаеши.

Радуйся, яко возбуждаеши нас на всяк день же и час приносити Христу Богу молитвы, прошения и благодарения;

Радуйся, яко с мудрыми девами, душами пра­ведных, внити в брачный чертог Сы­на Твоего и Бога нашего помогаеши.

Радуйся, яко в ризу непорочности и чистоты облещися нам способствуеши;

Радуйся, яко стати нам на Страшнем суде Христово одесную Его ходатайствуеши.

Радуйся, яко благоутробие Божие о причастии нас лику избранных умоляеши;

Радуйся, яко ум наш, омраченный небрежением, светом Своим озаряеши.

Радуйся, яко голубину простоту и агнчу кро­тость стяжати нам приискренне желаеши;

Радуйся, яко самоотвержению и отречению от злыя нашея воли приобучити нас тщишися.

Радуйся, яко младенческое незлобие даровати нам способствуеши;

Радуйся, яко хладное сердце наше молитвами воспламеняти нам помогаеши.

Радуйся, Мати Божия Державная, Заступнице усердная рода христианскаго.

Кондак 12

Благодать прияла еси, Владычице, от Всемогущаго Господа Бога миловати благочестивых чад Церкве Христо­вы и вразумляти нечестивых сынов ея. Сего ради, притекающе под державный покров Твоея благости, усердно молим Тя, Владычице: избави нас от ухищрений духов злобы, разслабляющих наши душу и тело леностию и нерадением, и возбуди нас от сна греховнаго, да благодарствен­но вопием Богу: Аллилуиа.

Икос 12

Поюще Твоя чудеса, бывшая в древняя и настоящая времена, хва­лим Тя, Владычице, яко живоносный источник благодати и неисто­щимую чудес реку, бездну бо мило­сти и щедрот даровала еси роду хри­стианскому явлением честных икон Твоих. Сего ради и мы, припадаю-ще к честней иконе Твоей «Держав­ней», со умилением вопием Ти сице:

Радуйся, Церкве Небесныя и земныя украшение;

Радуйся, девст­ва честный покрове и ограждение.

Радуйся, светлое пророческое сбытие;

Радуйся, всехвальных апосто­лов восхваление.

Радуйся, честная похвало иереев благоговейных;

Радуйся, молние, неверных устрашаю­щая.

Радуйся, славою чудес Твоих верных смыслы озаряющая;

Радуйся, печаль и скорбь нашу в радость претворяющая.

Радуйся, яко молиши Сына Твоего и Бога нашего всем нам спастися;

Радуйся, яко твориши милости всем в державный Твой по­кров притекающим.

Радуйся, За­ступнице всех сущих в скорбех и болезнех;

Радуйся, всем с верою Тебе молящимся полезная дарующая.

Радуйся, Мати Божия Державная, Заступнице усердная рода христианскаго.

Кондак 13

О всепетая Мати, Державная Вла­дычице! Приими ныне сие малое мо­ление наше и величия ради благости Твоея и неизреченных щедрот Твоих не помяни множества грехов наших, но исполни во благих прошения на­ша: даруй нам вся потребная к жиз­ни и благочестию, избави нас от гла­да, болезней и печали, и Царствия Небеснаго наследники всех сотвори, вер­но вопиющих Богу: Аллилуиа.

(Этот кондак читается трижды, затем икос 1 и кондак 1)

Молитвы Пресвятой Богородице перед Ея иконой, именуемой «Державная»

Молитва первая

О, Державная Владычице Пресвятая Богородице, на объятиях Своих держащая Содержащаго всю вселен­ную Царя Небеснаго! Благодарим Тя за неизреченное ми­лосердие Твое, яко благоволила еси явити нам, грешным и недостойным, сию святую и чудотворную икону Твою во дни сия лукавыя и лютыя, яко вихрь, яко буря внутренняя на­шедшая на страну нашу, во дни уни­чижения нашего и укорения, во дни разорения и поругания святынь наших от людей безумных, иже не точию в сердце, но и устнами дерзостно глаголют: несть Бог: и в делех сие безбожие показуют. Благодарим Тя, Заступнице, яко призрела еси с высоты святыя Своея на скорби наша и горе нас православ­ных, и яко солнце светлое, увеселяеши изнемогшия от печали очеса наша пресладостным зрением Державного образа Твоего. О, Преблагословенная Мати Божия, Державная Помощнице, крепкая Заступнице! Благодаряще Тя со стра­хом и трепетом, яко раби непотребнии, припадаем Ти со умилением, с сокрушением сердечным и со слеза­ми, и молим Тя и стеняще вопием Ти: спаси нас, спаси! Помози нам, помози! Потщися: погибаем! Се живот наш аду приближися: се обышедше обыдоша нас греси мнози, беды мнози, врази мнози. О, Небесная Царице! Ски­петром власти Твоея Божественныя разсей, яко прах, яко дым, нечистивыя козни врагов наших видимых и неви­димых: сокруши велеречивыя помыш­ления их и запрети им: и яко Мати всех, на путь правый и богоугодный настави их. Вкорени в сердца всех нас правду, мир и радость о Дусе Святе: водвори в стране нашей тишину, бла­годенствие, безмятежие, любовь друг ко другу нелицемерную. Державою Твоею всесильною удержи, Пречис­тая, потоки беззакония, хотящия потопити Землю Русскую в страшней пучине своей. Поддержи нас слабых, малодушных, немощных и унылых, укрепи, возстави и спаси: яко да под Державою Твоею всегда храними, по­ем и величаем Пречестное и Великолепое имя Твое, ныне и присно и во веки веков. Аминь.

Молитва вторая

О мира Заступнице, Мати Всепетая! Со страхом, верою и любовию припадающе пред честною иконою Тво­ею Державною, усердно молим Тя: не отврати лица Твоего от прибегающих к Тебе. Умоли, милосердная Мати Света, Сына Твоего и Бога нашего, Сладчайшего господа Иисуса Христа, да сохранит в мире страну нашу, да утвердит державу нашу в бла­годенствии и избавит нас от междоусобныя брани, да укрепит святую Церковь нашу Православную, и непозыблему соблюдет ю от неверия, раскола и ересей. Не имамы бо иныя помощи, разве Тебе, Пречистая Дево: Ты еси всесильная христиан Заступ­ница пред Богом, праведный гнев Его умягчающая. Избави всех, с верою Тебе молящихся, от падений грехов­ных, от навета злых человек, от глада, скорбей и болезней. Даруй нам дух сокрушения, смирение сердца, чистоту помышлений, исправление греховныя жизни и оставление согре­шений наших; да вси, благодарна воспевающе величия Твоя, сподо­бимся Небеснаго Царствия и тамо со всеми святыми прославим пречестное и великолепое имя в Троице славимаго Бога: Отца, Сына и Святаго Духа. Аминь.

Молитва ко Пресвятой Богородицѣ

 

О, Пресвятая Госпоже Владычице Богородице! Вышши еси всѣхъ Ангелъ и Архан­гелъ, и всея твари честнѣйши; помощница еси обидимыхъ, ненадѣющихся надѣянiе, убогихъ Заступнице, печальныхъ утѣшенiе, алчущихъ кормительница, нагихъ одѣянiе, больныхъ изцѣленiе, грѣшныхъ спасенiе, христiанъ всѣхъ поможенiе и заступленiе.

О, Мати Милосердая, Дѣво Марiе, умоли возлюбленнаго Сына Твоего и Господа Бога Спаса нашего Iисуса Христа: да отверзетъ народу русскому двери соборнаго покаянiя въ грѣхѣ измѣны Самодержавнымъ Царямъ изъ Дома Романовыхъ; дабы принесши должное покаянiе избавилъ Господь Церковь и страну нашу Россiйскую отъ грознаго посѣщенія гнѣва Своего: ига жидовскаго и прочихъ чашъ бѣдствій; вѣмы, яко сiе есть попущенiе и гнѣвъ Господень за отреченiе Россiи отъ своего Богопомазанника.

О, Богоблаженная и Пренепорочная Отроковице, Мати и Дѣво, умоли: да воскреситъ Господь Русь Святую, ради Христоподобной изкупительной жертвы Давида, раба Своего́: Святаго Благовѣрнаго Великаго Государя и Отца Отечества нашего IМПЕРАТОРА НIКОЛАЯ АЛЕКСАНДРОВИЧА, еже (который) для спасенiя Россiи изкупилъ на Екатеринбургской Голгофё грѣхъ измѣны Народа Русскаго, дабы сынамъ Россiйскимъ въ разумъ истины пр\ити и душамъ нашимъ спастися.

О, Милосердiя Източниче, Дѣво Богородице, моли со Святымъ Царемъ - изкупителемъ Николаемъ, Небесными Силами Безплотными и всѣми Святыми Сына Твоего возлюбленнаго: да воздвигнетъ Господь рогъ спасенiя Русскаго и даруетъ намъ Помазанника Своего, Царя Самодержавнаго и Царство Его Православное въ щить и огражденiе, сохраненiе и спасенiе Церкви Своей Святёй, Богоизбраннаго народа русскаго и Государства Россiйскаго. Да повергнетъ убо Помазанный Давидъ подъ Нози Сына Твоего всѣхъ враговъ Его (т.е. всѣхъ враговъ Христа), Землю Русскую объединитъ, вся ереси, крамолы, раздоры и нестроениiя удалитъ; правовѣрiе же, благочестiе, миръ, тишину, рогъ православныхъ христiанъ по всей земли утвердитъ и подъ власть Сына Твоего всѣхъ обратитъ; ца́рство антихриста изничтожитъ, и Невѣсту Христову: Едину Святую, Соборную и Апостольскую Церковь ко Второму и Славному Пришествiю Небеснаго Жениха (т.е. Господа нашего Iисуса Христа) пр\уготовитъ; да прославится убо въ насъ и черезъ насъ Всесвятое Имя Господа Бога нашего, въ Троицѣ Единаго, Славимаго и Поклоняемаго: Отца, и Сына, и Святаго Духа, Егоже есть Царствіе, и Сила, и Слава, Честь и Поклоненіе, нынѣ, и присно, и во вѣки вѣковъ. Аминь.

20,1,18,3,16,5,14,7,12,9

2,19,4,17,6,15,8,13,10,11