Радуйся, причастникъ всёмъ боящимся Господа и хранящимъ заповёди Его.

Радуйся, смиренъ бывъ Господомъ, яко научися оправдан\емъ Его.

Радуйся, яко возвеселилися о Тебё суть вси боящ\ися Господа.

Радуйся, яко присно жива душа Твоя, и Господа хвалитъ.

Радуйся, взысканный Господомъ, о Немъ же радуются легеоны ангеловъ.

Радуйся, Царевиче Алекс\е, защитниче теплый цёломудр\я.

КОНДАКЪ IX

Всякое естество ангельское удивися великому Твоему смирен\ю: егда извёщенъ былъ еси объ отречен\и святаго отца Твоего, ниже единымъ словомъ вопросилъ еси о порфирородныхъ правахъ Твоихъ, человёче Бож\й: обаче первое слово Твое о Росс\и бысть, тёмже умоли Троицу Святую, Ейже предстоиши нынё, сохранити намъ русскость нашу сиречь Православ\е, поюще Богу: Аллилу\а.

ИКОСЪ IX

Вет\я многовещанныя, яко рыбы безгласныя, видимъ о Тебё, Царевиче: хотяще оклеветати Тя, якоже отца и матерь Твоихъ, ничтоже успёваютъ: Богъ бо сохрани Тя неприкосновенна отъ лести бёсовск\я, тёмже молимъ Ти ся сице:

Радуйся, яко аще не станутъ премудр\и, яко Ты, не внидутъ въ Царство Небесное.

Радуйся, яко не избра Господь премудр\и и сильн\и, но Тя избра.

Радуйся, суемудрыя студа изполняющ\й.

Радуйся, словоблудныя потоки изсушающ\й.

Радуйся, яко Тобою лютые взыскател\е посрамляются.

Радуйся, смрадъ новёйшихъ баснотворцевъ проявляющ\й.

Радуйся, \удейск\я плетен\я разтерзающ\й.

Радуйся, души наша миромъ изполняющ\й.

Радуйся, невёден\е умное теплотою сердечною превращающ\й.

Радуйся, разумъ въ вёрё неколеблемъ утверждающ\й.

Радуйся, чадо, отцевъ укрёпляющее.

Радуйся, блудныхъ сыновъ за покаян\е отцовства сподобляяй.

Радуйся, Царевиче Алекс\е, защитниче теплый цёломудр\я.

КОНДАКЪ X

Спасти хотя м\ръ тысящелётн\й на земли сей устрояемый, многажды снизходилъ отецъ Твой блудному народу: послёди же Тя въ Свое мёсто предложилъ есть, да устыдятся сына: Ты же въ страдан\и навыклъ еси, тёмже и страждущимъ и обремененнымъ грёхи многими заступникъ быти вожделёлъ еси, Богу зовый: Аллилу\а.

ИКОСЪ X

Стёна еси младенцемъ, отрокомъ и отроковицамъ Ты, о Царевиче, гной и смрадъ мерзостей содомскихъ нетрудно изгоняющ\й, иго благое и бремя легкое въ сердца водворяющ\й, гласъ хлада тонка, воню райскую слезоподательную намъ туне дарствующ\й, да благодаримъ:

Радуйся, ратнаго отечестволюб\я образе.

Радуйся, воинскаго цёломудр\я начертан\е.

Радуйся, дётск\я чистоты благород\е являющ\й.

Радуйся, чадъ увёчныхъ царскихъ вёнцевъ за терпён\е сподобляяй.

Радуйся, отроковъ воиновъ мучениковъ новыхъ созидающ\й.

Радуйся, юнёйш\й ратникъ въ войскё отца Твоего.

Радуйся, архистратиже всёхъ чадъ уб\енныхъ.

Радуйся, противу блудных прилогов поборствуяй.

Радуйся, угрожаемыхъ отъ насил\я сохраняяй.

Радуйся, тепле кающимся цёломудр\е возвращаяй.

Радуйся, безвинно дёвтво иждившихъ нёвесты претворяяй.

Радуйся, глумящихся материнству и дёвству страдан\емъ очищаяй.

Радуйся, Царевиче Алекс\е, защитниче теплый цёломудр\я.

КОНДАКЪ XI

Пён\е всякое побёждается, спростретися тщашеся простерту Ти множицею лютою язвою Твоею, наконецъ же простерту Ти сущу въ подклётё дома ипат\ева посреде державы Твоея, надолзё закалаему, не могущу аб\е умрети. О чадо сладчайшее! О славо русская! О лёпото неприступная! Како вдался еси христоненавистникомъ, спростретися тщащ\йся на Крестё простерту Богу Своему, Ему же поемъ: Аллилу\а.

ИКОСЪ XI

Свётопр\емную свёщу сущему во тьмё скорби по уб\енному сыну воеводё альб\онскому зримъ Тя, Царевиче; невещественный бо вжигая огнь, состраждеши сему: не должно Ти быти единому въ часъ сей - глаголеши, сосёдя ему, научая насъ пёти Тебё:

Радуйся, во страдан\и жизнь Свою изтощивый.

Радуйся, сострадан\е намъ източаяй.

Радуйся, великомучениче въ жит\и Твоемъ.

Радуйся, обретш\й очи зрёти страдан\е ближняго.

Радуйся, царскую порфиру кров\ю Твоею обагряяй.

Радуйся, въ скиптра мёсто крестъ пр\емляй.

Радуйся, кровь Твою, яко алавастръ м`ра Христу приносяй.

Радуйся, неизцёльныя болёзни легце изцёляяй.

Радуйся, за царство земное Небесное Царство пр\емый.

Радуйся, вразумляяй земное отечество любити, да Небеснаго сподобимся.

Радуйся, аще и пресёчеся Тобою родъ Твой:

Радуйся, рождая насъ въ Жизнь Вёчную.

Радуйся, Царевиче Алекс\е, защитниче теплый цёломудр\я.

КОНДАКЪ XII

Благодать дати возхотёвъ чадомъ, аще и невёрнымъ, Отецъ Небесный открываетъ намъ с\ян\е крестной славы Твоея, да усрамимся новаго сего мученика-Царевича, сей же сквозе все жит\е распинаемъ бывъ грёхми народа русскаго, присно поетъ: Аллилу\а.

ИКОСЪ XII

Поюще Твое рождество трет\е, хвалимъ Тя вси, храме одушевленный воскресен\я нашаго: веселятъ бо страдан\я Твоя насъ ничесоже боятися кромё утраты любве Христовой, научающе въ малыхъ скорбехъ нашихъ пёти Тебё:

Радуйся, младенческимъ незлоб\емъ мученическ\й вёнецъ преукрасивый.

Радуйся, загражденными усты обличаяй жестосерд\е христоненавистниковъ.

Радуйся, яко увёрен\е истинныя вёры являешися.

Радуйся, потокомъ крови Твоея донынё заграждающ\й потоки беззакон\я.

Радуйся, древнимъ седми Маккавеямъ твердост\ю души уподобивыйся.