Стр. 33 № 135равноапостольной княгине Ольге.

Владычице премилосердая,/Мати святая Невместимаго вместившая,/ вразумляющая неразумных и утешающая малодушных/прибежище отчаявшихся и больных детей врачевание./Яви нам, Дево Пресвятая, своя богатыя милости,/спаси и сохрани люди Тебе почитающая,//Ты бо граду Твери покров и заступление.

______________________________________

Стр.47 № 214«Калужская», глас 4

Заступнице от враг иноплеменных Необоримая Калужския земли/ и Избавительнице от смертоносныя язвы Милостивая!/ Избави рабы Твоя от всяких бед и болезней,/ с верою и любовию прибегающия к чудотворней иконе Твоей,// и спаси души наша.

 

Стр. 50 № 228"Живоносный Источник" глас 4

Почерпем, человецы, цельбы душам и телом молитвою, / Река бо всем предтечет — Пречистая Царица Богородица, / источающи нам чудную воду / и измывающи сердец черности, / греховныя струпы очищающи, / д у ши же освящающи верных // Божественною благодатию.

_________________________________________________________

 

Стр. 18 № 53 «Споручница грешных» глас 4

Умолкает ныне всякое уныние/ и страх отчаяния исчезает/, грешницы в скорби сердца обретают утешение/ и Небесною любовию озаряются светло/: днесь бо Матерь Божия простирает нам спасающую руку/ и от Пречистаго образа Своею вещает, глаголя/: Аз Споручница грешных к Моему Сыну/, Сей дал Мне за них руце слышати Мя выну/. Тем же, людие, обремененнии грехи и скорби многими/, припадите к подножию иконы Ея, со слезами вопиющие/: Заступнице мира, грешным Споручнице/, умоли Матерними Твоими молитвами Изб а вителя всех/, да Божественным всепрощением покрывает грехи наша/ и светлыя двери райския отверзет нам//, Ты бо еси предстательство и спасение рода христианскаго.

__________________________________________

Стр.16 № 40 «Державная» глас 4

Г рада Сионска взыскующе,/ под Твой покров, Дева Чистая, днесь притекаем,/ и никтоже возможет на ны,/ яко несть град силен, аще не Сущаго Бога,/ и несть ина крепость, аще не милость Владычицы Девы.

 

Стр. 15 № 38 «Владимирская» глас 4

Д несь светло красуется славнейший град Москва,/ яко зарю солнечную, восприемши, Владычице,/ чудотворную Твою икону,/ к нейже ныне мы притекающе и молящеся Тебе, взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей/ и вся грады и страны христианския невредимы от всех навет вражиих// и спасет души наша, яко Милосерд.

_______________________________________

Стр. 16 № 42«Жировицкая», глас 5

П ред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают/ Темже и нам, к Тебе припадающим,/ грехов оставления испроси,/ помыслами благочестия сердца наша просвети/ и к Сыну Твоему молитву вознеси// о спасении душ наших.

Стр. 18 № 50«Почаевская» глас 5

П ред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают./ Темже и нам, к Тебе припадающим,/ грехов оставление испроси,/ помыслы благочестия сердца наша просвети/ и к Сыну Твоему молитву вознеси// о спасении душ наших.

Стр. 17 № 45 «Иерусалимская» глас 4:

Б огорадованная Владычице,/ препрославленная Мати щедрот и человеколюбия,/ всемилостивая о всем мире Ходатаице!/ Прилежно раби Твои ко Твоему предстательству прибегаем,/ и ко пречудному образу Твоему со умилением, припадающе, молимся:/ молитву теплую Сыну Твоему и Богу нашему сотвори,/ о, Всепетая Царице Богородице,/ да от всяких болезней и печалей нас Тебе ради избавит,/ и от грехов всяких свободив,/ Царствия Своего Небеснаго наследники ны покажет:/ велие бо и неизреченное яко Мати к Нему дерзновение имаши/ и вся от Него испросити можеши,// Едина во веки преблагословенная.

__________________________________________

 

Стр. 19 № 56 «Толгская» глас 4

Днесь светло сияет на Толге/ образ Твой, Пречистая Дево Богородице,/ и, яко солнце незаходимое,/ всегда верным подадеся,/ Егоже видев на воздусе,/ невидимо Ангелы, яко никим, держима,/ преосвященный епископ града Ростова Трифон/ тече ко явленному светящемуся столпу огненну,/ и по водам, яко по суху, прейде,/ и моляшеся Ти верно о пастве и о людех./ И мы, к Тебе притекающе, зовем:/ Пресвятая Дево Богородице,/ верно Тя славящих спасай,/ страну нашу, архиереев и вся Российския народы от всех бед избавляй// по велицей Твоей милости.

 

Стр. 17 № 47 «Неопалимая Купина» глас 4

И же в Купине, огнем горящей и несгораемей,/ показавый Моисеови Пречистую Твою Матерь, Христе Боже,/ огнь Божества неопальне во чреве Приимшую/ и нетленну по Рождестве Пребывшую,/ Тоя молитвами от пламене страстей избави нас/ и от огненных запалений град Твой сохрани,/ яко Многомилостив.

__________________________________________

 

Стр. 16, № 43«Знамение» глас 4

 

Я́ко необори́мую сте́ну/ и исто́чник чуде́с/ стяжа́вше Тя, раби́ Твои́,/ Богоро́дице Пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.

 

Стр. 19, № 54 «Страстная» глас 4

Днесь возсия неизреченно царствующему граду нашему Москве/ икона Богоматере,/ и, яко светозарным солнцем,/ пришествием тоя озарися весь мир,/ Небесныя силы и души праведных/ мысленно торжествуют, радующеся,/ мы же, на ню взирающе, к Богородице со слезами вопием:/ о Всемилостивая Госпоже, Владычице Богородице,/ молися из Тебе воплощенному Христу, Богу нашему,/ да подаст мир и здравие всем Христианом// по велицей и неизреченней Своей милости.

Стр. 19 № 57 «Троеручица» глас 4

Д несь всемирная радость возсия нам велия:/ даровася святей Горе Афонстей/ цельбоносная Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созываеши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающии к Тебе, верою/ приемлют неоскудно от всех зол свобождение,/ от врагов защищение,/ сего ради и мы вкупе со Афоном вопием:// радуйся, Благодатная, Господь с Тобою.

Стр. 20 № 58«Умиление» глас 4

К Богородице со умилением припадем,/ вси, грехми обремененнии,/ чудотворную Ея икону Умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,// велию Твою милость.

________________________________________

Стр. 22 № 72 Святителю единому, глас 4:

П равило веры и образ кротости, / воздержания учителя / яви тя стаду твоему, / яже вещей истина: / сего ради стяжал еси смирением высокая, / нищетою богатая, / Отче [имя рек], / моли Христа Бога // спастися душам нашим.

Стр. 52 № 235 Святителю Луке,архиепископу Крымскому, глас 1

В озвестителю пути спасительного, / исповедниче и архипастырю Крымския земли, / истинный хранителю отеческих преданий, / столпе непоколебимый, Православия наставниче, / врачу богомудрый, святителю Луко, / Христа Спаса непрестанно моли / веру непоколебиму православным даровати // и спасение, и велию милость.

стр. 28№ 108 Спиридону, еп. Тримифунтскому, глас 1:

С обора перваго показался еси поборник и чудотворец/, богоносне Спиридоне, отче наш/. Темже мертву ты во гробе возгласив/, и змию в злато претворил еси/, и внегд а пети тебе святыя молитвы/, ангелы сослужащия тебе имел еси, священнейший/. Слава Давшему тебе крепость/, слава Венчавшему тя//, слава Действующему тобою всем исцеления.

________________________________

стр. 45№ 200 Иоанну Кронштадскому, прав., глас 1:

П равославныя веры поборниче,/ земли Российския печальниче, / пастырем правило и образе верным,/ покаяния и жизни во Христе проповедниче,/ Божественных Таин благоговейный служителю/ и дерзновенный о людех молитвенниче, / отче праведный Иоанне,/ целителю и предивный чудотворче, / граду Кронштадту похвало / и Церкве нашея украшение,/ моли всеблагаго Бога // умирити мир и спасти души наша.

стр. 38№ 163 Алексию, человеку Божию, глас 4:

В озвысився на добродетель и ум очистив,/ к Желанному и Крайнему достигл еси,/ безстрастием же украсив житие твое,/ и пощение изрядное восприим совестию чистою,/ в молитвах яко безплотен пребывая,/ возсиял еси яко солнце в мире,// преблаженне Алексие.

Стр. 47 № 209 Прав. Симеону Верхотурскому, глас 4

М ирска́го мяте́жа бе́гая,/ все жела́ние обрати́л еси́ к Бо́гу,/ да в виде́ния восхо́д обря́щеши горе́,/ отню́дуже не уклони́вся в лука́вствия се́рдца,/ но очи́стив ду́шу и те́ло,/ прия́л еси́ благода́ть точи́ти цельбы́ ве́рным и неве́рным,/ притека́ющим к тебе́, пра́ведный Симео́не. Те́мже по да́нному ти да́ру,/ испроси́ у Христа́ Бо́га исцеле́ние нам,/ боля́щим душе́вными страстьми́,// и моли́ спасти́ ду́ши на́ша.

 

________________________________________________

 

Стр. 27 № 104 Свят. Димитрию Ростовскому, глас 8:

П равославия ревнителю и раскола искоренителю,/ Российский целебниче и новый к Богу молитвенниче, / писаньми твоими буих уцеломудрил еси, / цевнице духовная, Димитрие блаженне, // моли Христа Бога спастися душам нашим.

 

Стр. 29 № 114 Святит. Тихону, епископу Воронежскому, Задонскому Чудотворцу, глас 4

П равославия наставниче, благочестия учителю, / покаяния проповедниче, Златоустаго ревнителю, / пастырю предобрый, / новый России светильниче и чудотворче, / паству твою добре упасл еси / и писаньми твоими вся ны наставил еси, / темже венцем нетления / украшен от Пастыреначальника, // моли Его спастися душам нашим.

___________________________________________

святителю Иннокентию, еп. Иркутскому, глас 3:

Свети́льниче Це́ркве пресве́тлый,/ озари́вый луча́ми добро́т твои́х страну́ сию́,/ и исцеле́ньми мно́гими притека́ющих к тебе́ с ве́рою/ Бо́га просла́вивый,/ мо́лим тя, святи́телю о́тче Инноке́нтие,/ огражда́й моли́твами твои́ми град сей// от всех бед и печа́ли.

_________________________________________

Свят. Нектария Эгинского, митр. Пентапольского, глас 4:

П реподобнически пожив, яко мудрый иерарх,/ прославил еси Господа/ добродетельным житием, Нектарие преподобне./ Темже, Утешителя прославлен силою,/ Божественными мощми твоими,/ демоны отгониши и болящия исцеляеши,// верою приходящия ти.

 

святителю Иоанну Шанхайскому и Сан-Францисскому, глас 5:

Попече́ние твое́ о па́стве в стра́нствии ея́, / се проо́браз и моли́тв твои́х, за мир весь при́сно возноси́мых. / Та́ко ве́руем, позна́вше любо́вь твою́, / святи́телю и чудотво́рче Иоа́нне! / Весь от Бо́га освяще́н священноде́йствием пречи́стых Та́ин, / и́миже сам при́сно укрепля́ем, поспеша́л еси́ ко стра́ждущим, цели́телю отра́днейший. // Поспеши́ и ны́не в по́мощь нам всем се́рдцем чту́щим тя.

Стр. 29 № 115 святителю Тихону, патриарху Всероссийскому, глас 3:

В годину тяжкую Богом избранный / в совершенной святости и любви Бога прославил еси, / во смирении величие, в простоте и кротости силу Божию являя, / положил душу за Церковь, за люди своя, / исповедниче патриарше святе Тихоне, / моли Христа Бога, / Емуже сораспялся еси, // и ныне спасти землю Русскую и паству Твою.

Стр. 25 № 91Иоанну Предтече (Усекновение главы) глас 2:

 

П амять праведнаго с похвалами,/ тебе же довлеет свидетельство Господне, Предтече:/ показал бо ся еси воистинну и пророков честнейший,/ яко и в струях крестити сподобился еси Проповеданнаго./ Темже за истину пострадав, радуяся,/ благовестил еси и сущим во аде Бога, явльшагося плотию,/ вземлющаго грех мира// и подающаго нам велию милость.

__________________________________________

Прор. Захарии и прав. Елисавете, глас 4

С вященства одеждею обложен, премудре,/ по закону Божию всесожжения приятна священнолепно приносил еси, Захарие,/ и был еси светильник и зритель тайных,/ знамения в тебе благодати нося явственно, всемудре,/ и, мечем убиен быв в храме Божии, Христов пророче,// с Предтечею моли спастися душам нашим.

______________________________________

Стр. 25 № 92 Илии, пророку, глас 4

В о плоти Ангел,/ пророков основание,/ вторый Предтеча пришествия Христова, Илия славный,/ свыше пославый Елиссееви благодать/ недуги отгоняти/ и прокаженныя очищати,// темже и почитающим его точит исцеления.

 

Стр. 52 № 236 Блаженной Матроне Московской, глас 4

З емли Тульския прозябение, / града Москвы ангелоподобная воительнице / блаженная старице Матроно. / От рождения в слепоте телесней до конца своих дней пребывшая. / Но от Бога щедро духовное зрение приявшая, / прозорливице и молитвеннице. / Наипаче дар исцеления болезней стяжавшая. / Помогай всем с верою к тебе притекающим и просящим в болезнех душевных и телесных, / радосте наша.

_________________________________________

Стр. 45 № 203 блаж. Ксении Петербургской, глас 7

 

Н ищету Христову возлюбивши,/ безсмертныя трапезы ныне наслаждаешися,/ безумием мнимым безумие мира обличивши,/ смирением крестным силу Божию восприяла еси,/ сего ради дар чудодейственныя помощи стяжавшая, Ксение блаженная,/ моли Христа Бога// избавитися нам от всякаго зла покаянием.

__________________________________________

Стр. 48 № 218святым чудотворцам и бессребреникамКосме и Дамиану Римским, глас 8

 

С вятии безсребреницы и чудотворцы Космо и Дамиане,/ посетите немощи наша:// туне приясте, туне дадите нам.

Стр. 32 № 133 Николаю II, страстотерпцу, глас 5:

Ц арства земнаго лишение, /узы и страдания многоразличныя /кротко претерпел еси, /
свидетельствовав о Христе даже до смерти от богоборцев,/ страстотерпче великий Боговенчанный царю Николае, /сего ради мученическим венцем на небесех, /венча тя с царицею и чады и слуги твоими Христос Бог, /Егоже моли помиловати страну Российскую /и спасти души наша.

____________________________________________

Стр. 50 № 225СВЯТЫМ БЛАГОВВ. КНЯЗЮ ПЕТРУ И КНЯГИНЕ ФЕВРОНИИ МУРОМСКИМ, глас 8:

Яко благочестиваго корене пречестная отрасль был еси,/ добре во благочестии пожив, блаженне Петре,/ тако и с супружницею твоею, премудрою Феврониею, / в мире Богу угодивше/ и преподобных житию сподобистеся./ С нимиже молитеся Господеви / сохранити без вреда отечество ваше, // да вас непрестанно почитаем.

__________________________________________

Стр. 32 № 131Благов. князю Михаилу Тверскому, глас 8:

В озвысив ум твой к Богу,/ и жития со Ангелы возжелел еси,/ тленную славу земную оставил еси, блаженне,/ и положил еси душу твою за люди твоя,/ восприял еси венец противу трудов твоих, Богомудре Михаиле,/ моли Христа Бога о чтущих любовию святую память твою.

великомученику Георгию Победоносцу, глас 4

 

Я ко пленных свободитель и нищих защититель,/ немощствующих врач, православных поборниче,/ победоносче, великомучениче Георгие,/ моли Христа Бога// спастися душам нашим.

__________________________________________

Стр. 36 № 157святому великомученику и целителю Пантелеимону, глас 3

С трастотерпче святый и целебниче Пантелеимоне,/ моли Милостиваго Бога,/ да прегрешений оставление// подаст душам нашим.

__________________________________________

Стр. 34 № 145 мучеников и исповедников Гурия, Самона и Авива, глас 5

Ч удеса святых Твоих мученик/ стену необориму нам даровавый, Христе Боже,/ тех молитвами советы языков разори,/ Церковь святую укрепи,// яко един Благ и Человеколюбец.

____________________________________________

Стр. 21 № 54 Ангелу Хранителю, глас 6:

 

А нгеле Божий/, хранителю мой святый, / живот мой соблюди во страсе Христа Бога, / ум мой утверди во истиннем пути, / и к любви горней уязви душу мою, / да тобою направляемь, // получу от Христа Бога велию милость.

 

Стр. 46 № 208 Сщмч., Киприану, глас 4

И нравом причастник,/ и престолом наместник апостолом быв,/ деяние обрел еси, богодухновенне,/ в видения восход:/ сего ради, слово истины исправляя,/ и веры ради пострадал еси даже до крове,/ священномучениче Киприане,/ моли Христа Бога// спастися душам нашим.

 

Мученицы Иустины глас 4:

А гница Твоя, Иисусе, Иустина / зовет велиим гласом:/ Тебе, Женише мой, люблю, / и, Тебе ищущи, страдальчествую, / и сраспинаюся, и спогребаюся Крещению Твоему, / и стражду Тебе ради, / яко да царствую в Тебе, и умираю за Тя,/ да и живу с Тобою,/ но яко жертву непорочную, приими мя, с любовию пожершуюся Тебе. / Тоя молитвами, // яко Милостив, спаси души наша.

________________________________________

великомученице Варваре, глас 4

А́ гнице всеблаже́нная Варва́ро,/ Боже́ственне озари́вшися Све́том Святы́я Тро́ицы Трисо́лнечным/ и в купе́ли Креще́ния утверди́вшися, в побежде́ние ле́сти оте́ческия,/ ве́ру испове́дала еси́ Христо́ву./ Те́мже, всечестна́я, свы́ше благода́ть тебе́ дарова́ Бог,/ исцеля́ти неду́ги и боле́зни вся.// Его́же моли́, великому́ченице, да спасе́т ду́ши на́ша.

 

великомученице Параскеве Пятнице, глас 4

 

П ремудрая и всехвальная Христова мученица Параскева,/ мужескую крепость приимши,/ женскую же немощь отвергши,/ диавола победи и мучителя посрами,/ вопиющи и глаголющи:/ приидите, тело мое мечем ссецыте и огнем сожгите,/ аз бо, радующися, иду ко Христу, Жениху моему./ Тоя молитвами, Христе Боже,// спаси души наша.

__________________________________________

мученику Трифону Апамейскому, глас 4:

М ученик Твой, Господи, Трифон,/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

______________________________________

Стр. 47 № 210 великомученику Никите, глас 4:

К рест Христов яко некое оружие усердно восприим,/ и к борению врагов притекл еси,/ и за Христа пострадав,/последи огнем священную твою душу Господу предал еси,/ отонудуже и даров исцеления от Него сподобился еси прияти,/ великомучениче Никито.// Моли Христа Бога, спастися душам нашим.

 

мученику Лонгину сотника, глас 4:

 

М ученик Твой, Господи, Лонгин,/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

_______________________________________________

Стр. 48 № 216Мученику Уару, глас 4:

 

В оинством святых страстотерпец страждущих законне,/ зря о нех, показал еси мужески крепость свою./ И устремився на страсть в о лею,/ и умрети вождел е за Христа,/ Иже приял еси почесть победы твоего страдания, Уаре,// моли спастися душам нашим.

_________________________________________

Стр. 35 № 151 Святому мученику Иоанну Воину, глас 4-й

Всеблагаго Бога и Царя / благоверный раб и воин явился еси, / Иоанне чудодетелю, / пострадав бо ради веры мужески, / блаженно же скончав течение, / зриши Всетворца Господа / в небесех светлейше. / От Него же прием дарование чудес, / страждущим человеком во всяких напастех помогаеши, / укрепляеши воины в ратех, / от врагов пленения, / ран же и внезапных смертей / и от бед лютых изымаеши. / Темже моли Владыку Христа, приснопамятне, / да во всяком обстоянии сотворит нам милость, / и не введет нас во искушения, / но спасет души наша,// яко Человеколюбец.

Вмч. Иоанну Новому, Сочавскому, глас 4:

Житие на земли добре окормляя, страдальче,/ милостынями, и частыми молитвами, и слезами,/ паки же ко страданию мужески устремився,/ персское обличил еси нечестие./ Темже Церкве был еси утверждение/ и христиан похвало,// Иоанне приснопамятне.

_________________________________________

Стр. 23№ 79 Мученице единой, глас 4:

А гница Твоя, Иисусе, (имярек) / зовет велиим гласом: / Тебе, Женише мой, люблю, / и, Тебе ищущи, страдальчествую, / и сраспинаюся, и спогребаюся Крещению Твоему, / и стражду Тебе ради, / яко да царствую в Тебе, / и умираю за Тя, да и живу с Тобою, / но яко жертву непорочную, приими мя, с любовию пожершуюся Тебе. / Тоя молитвами, // яко Милостив, спаси души наша.

__________________________________________

Стр. 35 № 148 великомученицы Екатерины, глас 4:

Д обродетельми, яко лучами солнечными,/ просветила еси неверныя мудрецы,/ и, якоже пресветлая луна ходящим в нощи,/ неверия тьму отгнала еси/ и царицу уверила еси,/ вкупе же и мучителя обличила еси,/ богозванная невесто, блаженная Екатерино,/ желанием востекла еси в Небесный чертог/ к прекрасному Жениху Христу,/ и от Него царским венцем венчалася еси:/ Емуже, со Ангелы предстоящи,/ за ны молися,// творящия пречестную память твою.

Стр. 22 № 75 Священномученикуединому, глас 4:

И нравом причастник, / и престолом наместник апостолом быв,/ деяние обрел еси, Богодухновенне, / в видения восход, / сего ради слово истины исправляя, / и веры ради пострадал еси даже до крове, / священномучениче (имярек), / моли Христа Бога // спастися душам нашим.

_____________________________________________

Стр. 47 № 213 священномуч. Харалампию, глас 4:

 

Я ко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,// молися спастися нам.

_________________________________________

Стр. 23 № 78 МУЧЕНИКУ единому, глас 4:

 

Мученик Твой, Господи, (имярек), / во страдании своем венец прият нетленный от Тебе, Бога нашего, / имеяй бо крепость Твою, / мучителей низложи, / сокруши и демонов немощныя дерзости. / Того молитвами // спаси души наша.

_________________________________________

Стр. 12 № 22 Кресту Господню, глас 1:

 

Спаси, Господи, люди Твоя / и благослови достояние Твое, / победы православным христианам на сопротивныя даруя / и Твое сохраняя Крестом Твоим жительство.

Стр. 42 № 87 Преп. Паисию Величковскому, глас 2

 

С транен быв на земли,/ Небеснаго Отечества достигл еси/ преподобне отче Паисие,/ добротолюбия подвижниче,/ верных научил ум к Богу возводити/ и сердцем к Нему взывати:/ Господи Иисусе Христе, Сыне Божий,// помилуй мя, грешнаго.

____________________________________________

преподобной Марии Египетской, глас 8:

В тебе, мати, известно спасеся еже по образу,/ приимши бо крест, последовала еси Христу,/ и деющи учила еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобная Марие, дух Твой.

__________________________________________

Стр. 46 № 207 св. вмц. Анастасии Узорешительнице,

глас 4:

 

П обедоноснаго Воскресения / истинноименитая наречена еси мученице Христова Анастасие, / победы на враги поставила еси мук терпением, / Христа ради, Жениха твоего, / Егоже возлюбила еси. / Того моли // спасти души наша.

Стр. 48 № 217Преподобному Паисию Великому, глас 1

Пустынный житель, и в телеси ангел,/ и чудотворец показался еси, Богоносе отче наш Паисие:/ постом, бдением и молитвою Небесная дарования прием,/ исцеляеши недужныя и души верою притекающих ти./ Слава Давшему тебе крепость,/ слава Венчавшему тя,// слава Действующему тобою всем исцеления.

_____________________________________

Преп. Пафнутия Боровского, глас 4:

 

Ж ития светлостию просветив твое отечество,/ в молитвах и постех дарований Божественнаго Духа исполнился еси,/ и, во временней сей жизни добре подвизався,/ милость благоутробия всем скорбящим отверзл еси,/ и нищим был еси заступник./ Тем молим тя, отче Пафнутие,/ моли Христа Бога, да спасет души наша.

 

 

Стр. 38 № 165 Андрею Критскому, прп., глас 4:

По́стнически преподвиза́вся на горе́, / у́мная враго́в ополче́ния всеору́жием Креста́ погуби́л еси́, всеблаже́нне. / Па́ки же ко страда́льчеству / му́жески обле́клся еси́, / уби́в Копрони́ма мече́м ве́ры; / и обои́х ра́ди венча́лся еси́ от Бо́га, // преподобному́чениче Андре́е, приснопа́мятне.

Стр. 24 № 85 ПРЕПОДОБНОЙ ЖЕНЕ, глас 8:

 

В тебе, мати, известно спасеся еже по образу, / приимши бо Крест, последовала еси Христу, / и деющи учила еси презирати убо плоть, преходит бо, / прилежати же о души, вещи безсмертней, // темже и со Ангелы срадуется, преподобная (имярек), дух твой.

_______________________________________

 

Стр. 48 № 215 Св. Прп. Роману Сладкопевцу, глас 6

 

П ервое добрых начало/ явился еси спасение вина, Романе, отче наш./Ангельское бо составив песнопение,/ Боголепно показал еси житие твое;/ Христа Бога моли// напастей и бед избавити поющия тя.

Или ин тропарь, глас 8

В тебе, отче, известно спасеся еже по образу: приим бо крест, последовал еси Христу / и, действуя, учил еси презирати убо плоть, преходит бо, / прилежати же о души вещи безсмертней. // Темже и со Ангелы срадуется, преподобне Романе, дух твой.

_________________________________________

Моисею Мурину, глас 1:

П устынный житель, и в телеси Ангел,/ и чудотворец явился еси, богоносе отче наш Моисее:/ постом, бдением, молитвою Небесная дарования приим,/ исцеляеши недужныя и души верою приходящих ти./ Слава Давшему тебе крепость,/ слава Венчавшему тя,// слава Действующему тобою всем исцеления.

 

Стр. 24 № 84Преподобному единому,глас 8:

В тебе, отче, известно спасеся еже по образу: / приим бо Крест, последовал еси Христу, / и дея учил еси презирати убо плоть, преходит бо, / прилежати же о души, вещи безсмертней, // темже и со Ангелы срадуется, преподобне (имярек), дух твой.

__________________________________________

Стр. 20 № 62 Собор Архистратига Михаила и прочих Небесных Сил бесплотных, глас 4:

 

Н ебесных воинств Архистратизи,/ молим вас присно мы недостойнии,/ да вашими молитвами оградит е нас/ кровом крил невещественныя вашея славы,/ сохраняюще ны, припадающия прилежно и вопиющия:/ от бед избавите ны,// яко чиноначальницыВышних Сил.

Стр. 43 № 192Сергию, игумену Радонежскому, прп., глас 4:

 

Иже добродетелей подвижник, / яко истинный воин Христа Бога, / на страсти вельми подвизался еси в жизни временней, / в пениих, бдениих же и пощениих образ быв твоим учеником; / темже и вселися в тя Пресвятый Дух, / Егоже действием светло украшен еси. / Но яко имея дерзновение ко Святей Троице, / поминай стадо, еже собрал еси, мудре, / и не забуди, якоже обещался еси, / посещая чад твоих, / Сергие преподобне, отче наш.

 

стр. 9 № 4 ко Господу о путешествующих, глас 2

 

Путь и истина сый, Христе,/ спутника Ангела Твоего рабом Твоим ныне/, якоже Т о́ вии иногда,/ посли сохраняюща/, и невредимых, к славе Твоей, от всякаго зла/ во всяком благополучии соблюдающа//, молитвами Богородицы, Едине Человеколюбче.

__________________________________________________________

 

Стр. 28 № 108 Святителю Спиридону Тримифунтскому глас 1-й

Собора перваго показался еси поборник и чудотворец/, богоносне Спиридоне, отче наш/. Темже мертву ты во гробе возгласив/, и змию в злато претворил еси/, и внегд а пети тебе святыя молитвы/, ангелы сослужащия тебе имел еси, священнейший/. Слава Давшему тебе крепость/, слава Венчавшему тя//, слава Действующему тобою всем исцеления.

Стр. 46 № 208 Святым священномученику Киприану и мученице Иустинии глас 4-й

И нравом прич а стник,/и прест о лом наместник ап о столом быв, /деяние обрел еси, Богодухн о в е нне, /в видения восход: /сего ради слово истины исправл я я, /и в е ры ради пострадал еси даже до кр о ве, /священномучениче Кипри а не,// мол и Христа Б о га// спастися душ а м наш и м.

Стр. 52 № 237 Святителю Николаю Чудотворцу глас4:
Правило веры и образ кротости/, воздержания учителя/ яви тя стаду твоему/ яже вещей истина/: сего ради стяжал еси смирением высокая/, нищетою богатая/. Отче священноначальниче Ник о лае/, моли Христа Бога// спастися душ а м нашым.

_________________________________________

Стр. 186 № 42преподобному Нилу Столобенскому глас 4

Я́ко светильник всесве́тел/ яви́лся еси́ во о́строве Селиге́ра е́зера,/ преподо́бне о́тче Ни́ле:/ ты бо Крест Христо́в от ю́ности своея́ на ра́мо взем,/ усе́рдно Тому́ после́довал еси́,/ чистото́ю Бо́гови прибли́жився,/ отону́дуже и чуде́с дарова́нием обогати́лся еси́./ Тем и мы, притека́юще к ра́це моще́й твои́х, уми́льно глаго́лем:/ о́тче преподо́бне,// моли́ Христа́ Бо́га спасти́ся душа́м на́шим.

_________________________________________

Стр. 9 № 2 Благодарственный Спасителю, глас 4:

 

Благодарни суще недостойнии раби Твои, Господи, / о Твоих великих благодеяниях на нас бывших, / славяще Тя хвалим, благословим, благодарим, поем и величаем Твое благоутробие, / и рабски любовию вопием Ти: / Благодетелю Спасе наш, слава Тебе.

 

Стр. 30 № 122 равноапостольному Князю Владимиру

глас 4:

Уподо́бился еси́ купцу́, и́щущему до́бpаго би́сеpа,/ славнодеpжа́вный Влади́миpе,/ на высоте́ стола́ седя́ ма́теpе гpадо́в,/ богоспаса́емаго Ки́ева:/ испыту́я же и посыла́я к Ца́pскому гpа́ду/ уве́дети пpавосла́вную ве́pу,/ обpе́л еси́ бесце́нный би́сеp - Хpиста́,/ избpа́вшаго тя я́ко втоpа́го Па́вла,/ и оттpя́сшаго слепоту́ во святе́й купе́ли,/ душе́вную вку́пе и теле́сную./ Те́мже пpа́зднуем твое́ успе́ние,/ лю́дие твои́ су́ще:// моли́ спасти́ся душам нашим.

_______________________________________________

Стр. 30 № 121 страстотерпцем Борису и Глебу

Глас 2

П р а вдивая страстот е рпца/ и и стинныя Евангелия Христова посл у шателя,/ целом у дренный Романе с незлобливым Дав и дом,/ не сопротив ст а ста врагу сущу бр а ту,/ убив а ющему телес а ваша,/ душам же коснутися не мог у щу/ да пл а чется убо злый властол ю бец,/ вы же радующеся с лики а нгельскими,/ предсто я ще Свят е й Тр о ице,/ мол и теся о стране нашей Богоуг о дней быти, // и сын о вом Российским спаст и ся.

_______________________________________________ стр. 36 № 155 равноапостольной Марии Магдалине

Глас 1

Христу, нас ради от Девы рождшемуся, / честная Магдалино Марие, последовала еси, / Того оправдания и законы хранящи: / темже днесь всесвятую твою память празднующе, / грехов разрешение // молитвами твоими приемлем.

Стр. 28 № 108 святителю Иоасафу Белгородскому глас 3

 

Святи́телю Христу́ Бо́гу возлю́бленне,/ пра́вило ве́ры и о́браз милосе́рдия лю́дем был еси́,/ бде́нием же, посто́м и моли́твою,/ я́ко свети́льник пресве́тлый просия́л еси́,/ и просла́влен от Бо́га яви́лся еси́;/ те́лом у́бо в нетле́нии почива́я,/ ду́хом же престо́лу Бо́жию предстоя́,/ чудеса́ пресла́вно источа́еши./ Моли́ Христа́ Бо́га,// да утверди́т Отечечтво наше в Правосла́вии и благоче́стии/ и спасе́т ду́ши на́ша.

_____________________________________

Стр. 52 № 234 Сергию Серебрянскому, архим.,исп., глас 1:

 

Б лаженство чистоты сердечныя свяжав,/ богомудре отче Сергие,/ богозрачныя доброты наслаждаяся,/ орган божественнаго Утешетеля явился еси,/ страждущаго Христа в ближнем узрел еси,/ Того смирению причастник явился еси./ Слава, на камени исповедания Утвердившему тя./ Слава, Венчавшему труды твоя.// Славаявльшемутобою доброту пастырства.

_________________________________________

Мученице Татиане

Глас 4

А́гнцу Пречи́стому и Па́стырю после́дуя, / а́гнице слове́сная Татиа́но / мы́сленных звере́й не убоя́лася еси́, / но зна́мением кре́стным вооружи́вшися, / до конца́ тех низложи́ла еси́, / и вошла́ еси́ в Небе́сную огра́ду, // иде́же помяни́ и нас, му́ченице Христо́ва многому́драя.

_______________________________________________

Прп. Амфилохию Почаевскому,

гл. 4

 

З емли Волынския преславна подв и жника / и обители Почаевския достойна насельника/людей православных изрядна цел и теля /яви тя Церкви Своей Христос Бог наш, /преподобие отче Амфилохие, /Ему же усердно мол и ся/ от навет вражиих свобод и тися // и спастися душ а м нашим.

__________________________________________

Прп. Паисию Святогорцу

Глас 5

П одо́бен: Собезнача́льное Сло́во:

Боже́ственныя любве́ о́гнь прие́мый, / превосходя­́щим по́двигом вда́лся еси́ весь Бо́гови, / и уте­ше́­ние мно́гим лю́дем был еси́, / словесы́ боже́­ственными наказу́яй, / моли́твами чудотворя́й, / Паи́сие Богоно́се, / и ны́не мо́лишися непреста́нно // о всем ми́ре, преподо́бне.

 

Свят. Нектарию эгинскому

Глас 1

Силиврии отрасль и эгины хранителя, в последняя лета явльшагося, добродетели друга искренняго, Нектария почтим вернии, яко божественнаго служителя Христова: точит бо цельбы многоразличныя благочестно вопиющим: слава Прославльшему тя Христу, слава Давшему ти чудес благодать, слава Действующему тобою всем исцеления.

 

Глас 5:

Яко радугой вселенную опоясавший/ от горы Афонской даже до горы Севернаго Афона горы Валаамской достигший/ преподобне отче наш Антипе примерный,/ дивным отцам Молдавским уподобился еси/ и ныне во славе Горняго Валаама пребываеши,//моли Христа Бога Спаса нашего,// деланию иноческому нас наставити.

Св. Живоначальной Троице

глас 8

Благословен еси, Христе Боже наш, / Иже премудры ловцы явлей, / низпослав им Духа Святаго, / и теми уловлей вселенную, / Человеколюбче, слава Тебе

Мученице Христине, Тирской

глас 4:

Зва́нием ева́нгельски Христу́ уневе́стившися, / Христи́но сла́вная, / сла́ву ми́ра сего́ и по́хоть бре́нную вмени́ла еси́ ни во чтоже,/ о само́м телеси́ небрегу́щи, / му́ки претерпе́ла еси́ до́блественно, / тем твое́ страда́ние хвала́ми почита́ем, // му́ченице, Христу́ тезоимени́тая.

Князю Роману, Рязанскому

глас 1:

Муче́ньми странноужа́сными/ и до́блестию терпе́ния/ всех преудиви́л еси́, кня́же Рома́не:/ честны́х бо чле́нов твои́х по соста́вом ре́зание/ и всего́ телесе́ твоего́ раздробле́ние/ претерпе́л еси́ за ве́ру Христо́ву./ Те́мже и возше́л еси́ к Престо́лу Царя́ Христа́ Бо́га/ и яви́лся еси́ но́вый предста́тель Це́ркве Ряза́нския./ Моли́ся у́бо ко Го́споду,/ да мир и благоде́нствие да́рует гра́ду на́шему,/ и испроси́ у Него́ ми́лость и спасе́ние // чту́щим свяще́