Иже: Знамения о гласе и речи

Аще средний глас – сей человек мудр и правдив.

Аще толстый глас – указует на крепость сердца.

Аще у кого глас гладок – се указует на дуровство, и малосмыслен, и рев­нив ко всем, завистлив.

Аще у кого глас груб преизлишне – сей гневлив и жесток обычай имеет.

Аще глас вельми велик и толст – сей есть воин великий, силен, смел, горд, блуден, драчлив, обманчив, сердит и ненавистлив.

Аще глас тонок и слаб – сей слаб, боязлив, доброго разума, остер и малоядец.

Аще глас светел и хорош звуком – прозорлив, остроумен, лжив и скороверчив.

Аще глас высок – сей храбр, смел и насмешлив.

Аще глас вельми нескладный – прост, многоядец, тщателен, непостоянен, боязлив, лжив и скороверчив.

Аще глас приятен и тих – сей смирен, скрытен, боязлив, воздержан и гневлив.

Аще глас начинает тяжко, а заканчивает высоко – гневлив, смел и защитен.

Аще борз в речах – непоставен подобным телесною добротою и мужеством.

Аще на говоре руками машет – тот разказлив, с тако­вым не твори и не плоди речей, да не обругает тебе, и не буди тому верен.

Аще говорит ред­ко – непроворен в людех.

Аще в нос гораздо гундосит, а говорит редко – не проворен в людях.

Аще в нос гораздо гундосит, а речью борз – тот крут и нерассудителен.

Аще кто к смеху скор – прост, тщетен, непостоянен, скороверчив, многоядец, услужлив и не скрытен.

 

И: Знамения о шее и горле

Аще шея долга – прост сей, нескрытен, боязлив, лжив и неучен.

Аще у кого шея долга и тонка – сей есть худ, и мягкосерден, а тайный уд долог. Аще к тому глава ему мала – сей есть ни умен, ни безумен, токмо прожора.

Аще у кого шея толста – сей есть великий прожора, ум невелик, в блуде силен, пьяница.

Аще шея широка – остр, обманчив, скрытен, гневлив, умен, храбр, тишину любит.

Аще шея низка, толста – здрав и зол ко всему злохитрству, и завистлив.

Аще у кого мохнатая шея – се знаменует ревность и дуроство.

Аще горло сухое и тонкое, даже жилы видать – худого счастья тот, слаб, боязлив, ленив, многоядец, скороверчив и ко всему склонен.

Аще горло белое или сухое, или жирное – суетен сей, тщетен, хвастлив, боязлив, лжив и многогневлив.

Аще кадык велик – сей винолюбив.

 

Дервь: Знамения о лице и голове

Аще лице круглое и многим местом надуто – сей глуп и дурного прирожения и груб, и немочен.

Аще лице вельми в теле – вельми боязлив тот, податлив, худой памяти, скороверчив, не много счастлив, ко всему склонен.

Аще лице круглое и мало – прост, боязлив, слаб, многоречив, малопамятен.

Аще лице сухое – остр, добр, разумен и жесток.

Аще лице опухлое – охотник до вина, походен, силен.

Аще лице долго – тот все кривду любит и бесстыден.

Аще лице долгое и сухое – вельми смел, языкаст, духом прост, насмешлив, горд, вздорен, обманчив, тверд в обычаях.

Аще лице жирное и широкое – прост, тщетен, ко всему склонен, похотлив, скорозабывчив, обманчив.

Аще лице долго, а голубцы(?) выпученыя, а жилы надуты – сей есть бесстыж и гневлив вельми.

Аще лице посредственно в частях и жирное – в словах верен, услужлив, разумен, остр и памятлив.

Аще лице шире чела – в делах и речах прост, ненавистен, лжив, отчасти смел, отчасти боязлив, великодушен, ссору ищет, многоядец, а смыслит мало.

Аще лице изрядно, приятно всем и весело – таковые или вельми добродетельны или в злодеяниях упражняются.

Аще худое лице желтое – той есть злой, драчун и обманщик.

Аще лицеем блед – нездрав тот, лжив, горд, блуден, ненавистен и неверен.

Аще лицем блед и сине под очми – той завистлив.

Аще мало блед, а сине под очми на скулах – сей вельми лих, и исполнен нечистоы, и завидлив.

Аще лицем желтость мало пролегла – сей лжив, и кознив, и пья­ница.

Аще лицем будет, как старообразен – зломыслен. Аще не толст при том – зол есть.

Аще угреват рожей – вздорен разумом.

Аще правое лице больше – той проворен и к женам любовен.

Аще кожа на лице худа – льстив.

Аще тонкая на лице кожа – состарится быстро тот.

Аще лице потеет часто и умеренно подвижно – тщетен сей, блуден и многоядец.

Аще голова велика и кругла везде – скрытен, остр в деле, разумен и трудолюбив.

Аще голова долгая и лицо долгое, и великое, и непригожее – злой тот, прост, скороверчив и ненавистен.

Аще голова толстая, а лицо широкое –подозрителен, многодушен, прост, остер, скрытен, смел и нестыдлив.

Аще лице движливо чрез меры – нечист сей, нескрытен, тщетен, непостоянен, лжив и неверен.

Аще лице на разговоре движливо редко – остер, тверд, услужлив и умен.

Аще лице без причины движливо – прост и зол сей.

 

Како: Знамения о плечах, раменах [49]

И хребте

Аще широка кость плечная и хребетная – указует на крепость мужества, и добр ум имеет, прост, работен и умен.

Аще плечи широки и могучи – ни смысла в том не бывает.

Аще равность ставная – знаменье доброе во всем.

Аще неравны плечи – ленив, нескороразумен, прост, многоядец, смел, изменник и непонятный.

Аще плечи сухи и малы – слаб сей, боязен, смирен, малоработен, скороверчив и ко всему склонен.

Аще плечи высоки – неверство в том.

Аще вглубились плечи привычкою – се на зломыслие указует.

Аще плечи вниз опали – сей сварлив и завистлив, ленив, скрытен и разумен.

Аще рамена так долги, что до колен – щедр, смел, горд, слаб, прост и тщетнословен.

Аще рамена коротки ко телу – драчлив и воин тот, неприятен, смел, ненавистлив и горд.

Аще рамена широки костью, жилами и телом – храбр тот, горд, ненавистлив, скороверчив.

Аще рамена волосаты, или сухи, или жирны, или рыхлы – блуден тот, слаб, подозрителен и на злое скор.

Аще рамена вельми чисты и безвольны – великого гнева тот, суетен, лжив, скор на злое, слаб, малопонятлив и скороверчив.

Аще ребра жирны и тельны – сей храбр, нескор и прост.

Аще ребра сухия вельми и тонки – сей слаб, малоработлив, остер.

Аще хребет согбен – злонравен.

Аще хребет прям – нрава доброго.

 

Люди: Знамения об устах

Аще уста широки, просторны – се указует на крепость сердечную, ест да пьет помногу, смел, бесстыден, драчлив, лжив, говорлив, скуп и немудр.

Аще губы тонки – поведает се дуровство.

Аще губы тонки и немного наружу – скрытен сей, остер и многоумен, гневлив.

Аще среднею толстотою губы и вельми червлены – се указует на правду и на всякую прямость.

Аще губы хороши и скорее тонки, нежели толсты – склонен ко добру больше, нежели на злое.

Аще губы словно остры и жестки – ненавистен, обжорлив, смел, лжив.

Аще губы велики и наружу выставились – сей прост, скороверчив, многоядец.

Аще одна губа больше другой – сей прост, малоразумен, нескоро рассуждает, пустой судьбы человек.

Аще уста пространны – не скажи ему тайны.

Аще уста малы – сей смирен, боязлив, верен, скрытен, податлив, воздержан, стыдлив, многоучен.

Аще у жены уста велики – лоно велико ее.

 

Мыслите: Знамения о языке

Аще который человек язык свой вытуляет изо рта – сей пустобрех, ил дурен, или смехотворник.

Аще язык на разговор скорый – прост, худого разума и скороверчив.

Аще язык большой и острый – сей острый и злой, услужлив, тщетен, скрытен, изменчив, боязлив и неблагочестен.

Аще язык тонкий – сей остер, умен, боязлив, скороверчив и склонен ко всему.