Сказание о списавшем житие преподобнаго.

Повем убо вам, братие, и сие. Егда хотящу ми о житии преподобнаго начати повесть писати и о сем молящу ми ся Господу Богу и Пречистей Его Богоматери, и угоднику их преподобному отцу Никодиму Чюдотворцу, да явит ми Господь, аще угодно есть дело сие. И во един убо день служих божественную литургию и ту такожде молихся по божественней литургии,// (л. 48 об.) егда приидох в келлию мою и возлегох на одре моем мало почити, и видех видение сицевое: обретохся ходя по манастырю и видех посреди церкви мног народ людей стоящих. И приидох аз к ним, и узрех землю раскопану и гроб лежащь. И вопросих людей, стоящых при гробе, глаголя: «Поведите ми, братие, чий есть гроб сей?» Они же реша ми: «Сей есть гроб преподобнаго Никодима. Аз же начах прилежно зрети на// (л. 49) гроб его. И помышлях во уме моем, дабы не пасти ми на гроб той. И абие падох на гроб и велми убояхся. Преподобный же воста во гробе своем и седе. Ят же мене руками своими и прилежно держаше мя, утверждающе словесы своими, дабы не ужасался и прилежно зря на мя веселым образом. И егда же аз узрех его весела, и весь страх тогда отиде от мене, и начах вопрошати его, «како подвизался еси в пу//(л. 49 об.)стыни и не устрашися в толикое время диаволскаго нападаниа, различных его приведений». И вопросих его: «Тако ли есть, честный отче, яко же слышах от многих о твоем пребывании и дерзнух написати трудолюбное житие твое?» Преподобный же радостне отвеща ми, глаголя: «Добре, чадо, вся бо сия претерпе царствия ради небеснаго и чистоты ради телесныя и душевныя». И абие, обьемши мя, рече: «Чадо, потщися и сохрани//(л. 50) чистоту свою, и подвизайся о Господе». И ина многа наказав мя о ползе душевней, и в том часе воспрянух от сна своего. И от таковаго видения обретохся весь радости духовныя исполнен, и благодарих Бога, и Пречистую Его Богоматерь, и угодника их преподобнаго Никодима, яко не презре моления моего.

О пришествии игумена Аврамиа ко преподобному в пустыню и о Иоанне Дятлеве. //(л. 50 об.)

Поведа нам некий человек именем Иоанн, нарицаемый Дятлев, сице глаголя: «В лето 7107-го (1599) в пост святых апостол Петра и Павла изволися игумену Аврамию поити в пустыню Хоз`югу посетити преподобнаго, взя же с собою брата именем Моисеа, такожде поим и мене. И ехавшим убо нам по езеру и по реце Хоз`юге, и приплыхом ко пристанищу, и идеже обычай имут приставати, и оттоле поидохом//(л. 51) в пустыню преподобнаго пеши. Бяше же от пустыни до пристанища поприще едино.

В то же время, не бывшу никого у преподобнаго прежде нас многиа дни в пустыни и идущым нам по пути, ведущему ко преподобному. Преподобный же срете игумена от келлии своея за полпоприща. Егда же убо им бывшим близ друг друга, поклонися преподобный игумену до земли и рече: “Благослови мя, грешнаго”. Игумен//(л. 51 об.) такожде поклонися преподобному и благословения прося, таже рече игумен: “Благословен Бог...” и прочая. Преподобный рече: “Аминь”. И паки рече игумен: “Кто тебе возвести, отче преподобне, о нашем пришествии к тебе?” Преподобный же рече: “Аз ожидах тебе, отче, в сия дни, а не возвести ми никто же о тебе, ни изыдох во сретение твое”. Игумен же зело о сем удиви и прослави Бога в сердцы своем, еже дарова Господь Бог рабу своему ведети безвестная и тайная,//(л. 52) и оттоле поидохом к келлии преподобнаго. И егда внидохом в келлию, игумен же сотворив молитву. И кочане ей бывши, рече преподобный: “Аминь”. И благослови игумен преподобнаго. Он же, взем благословение, поклонися игумену до земли.

Востав от земли, воззрев на мя и рече ко игумену: “А сей Иоанн Дятлев, очима зело болну сущу”. Игумен же рече ко преподобному: “Ты, отче, по чесом//(л. 52 об.) сего веси? Что именем его зовеши?” Преподобный же, преклонив главу свою долу, и рече: “Аз у тебе, отче, вопрошаю о нем”. Игумен же паки о сем удивися, како преподобный сказует яве, яже о мне, иже никогда мя виде и слыша. Такожде и аз ужасохся о сем, что называет мя именем, а прежде сего никого же вопросих о мне, а мне токмо две недели минуло, отнели же приидох в манастырь. Игумен же поведа ему вся, яже о мне, и о болезни очей// (л. 53) моих, вкупе же подвизая преподобнаго, яко да помолит Бога о мне, такожде и аз припадох к ногам его, да помолится о мне ко Господу и о болезни очей моих исцелении. По сих же игумен и преподобный, седше, полезная глаголюще о спасении своем. Доволно же им беседующим и много ползовавшеся, таже воста игумен и сотвори игумен молитву, рече ко преподобному: “Помолися, честный отче, о мне, непотребнем, ко Господу Богу, яко да подаст ми о//(л. 53 об.)ставление грехов и спасет душу мою”. Такожде и преподобный поклонися ко игумену и рече: “Ты помолися, честный отче, о мне, грешнем, ко Господу, егда приносиши святыя дары Господеви Богу Нашему, яко да помилует мя, непотребнаго своего раба”. И по сем пойде ис келлии преподобнаго. Преподобный же изыде во след его и доволно проводив игумена. Игумен же, едва умолив преподобнаго, яко да возвратится в келлию свою. И тако, поклоншеся друг другу до земли, по//(л. 54)идоста кийждо в путь свой. Мне же, грешному, от того времене начат очная болезнь уступати молитвами преподобнаго.

В предидущее же лето паки игумен Авраамий пойде в пустыню ко преподобному, поим паки и мене с собою. Преподобный же по обычаю изыде на сретение игумена. Игумен же вниде ко преподобному в келлию, и сотворше молитву, седоша беседовати. Аз же идох в другую келлию и ту возлегох опочинути. Спя//(л. 54 об.)щу же мне в той келлии и велми угоревшу, едва возмогох изыти ис келлии. И лежаще ми на траве во единой срачице без памяти, преподобный же прииде ко мне и вопрошаше мя о скорбех моих. Аз же едваа возмогох проглаголати к нему, а востати нимало возможе. И сказах ему вся приключившаяся. Преподобный же рече ко мне: “Не скорби, чадо Иоанне, но молися всемилостивому Богу, и Той поможет ти”. И се рек, отиде от мене. Аз же в том//(л. 55) часе молитвами преподобнаго бысть и востав от земли, нимало чуях болезни от угара во главе моей. Таже игумен поехал вверх по реце новоросчистных пожен досмотрити, поемше и мене с собою.

Егда же паки возвратихомся вспять, и пловущы вниз по реце, и се увидехом преподобнаго в лесе близ реки ходяща, окрест же его дивии звери, глаголемии елени, ходят, не боящеся преподобнаго. Егда же мы начахом глаголати, елени же услы//(л. 55 об.)шавше наш глас, и побегоша постыни. Игумен же вопроси преподобнаго о еленех. Он же рече ему: “Сии зверие, честный отче, часто семо приходят”. И о сем игумен велми подивися, яко дивии зверие близ преподобнаго ходят, не боящеся нимало. Паки же игумен молитву сотвори и, целовавше друг друга, разидошася в пути своя. Мне же от того часа очная болезнь до конца преста молитвами преподобнаго отца Никодима. И//(л. 56) божественная книги прочитах без всякия скорти.

По неколицех же летех паки грех моих ради и небрежения о своем спасении в Филипов пост за неделю до Рожества Иисус Христова пих вино и от сего изнемогох велми тяжце очною болезнию и всею главою моею. И ко Христову Светлому Воскресению тоя нощи врачевахся от некоего человека былием, и ничто же успе, но наипаче в горшее приидох. И потече из гортани моея кровь неуставная, аки//(л. 56 об.) вода во всю нощь. Призывах же к себе иных врачев, и от тех такожде ни единыя ползы себе приях. Воспомянух же преподобнаго отца Никодима и како Бог его ради святых молитв исцеление подавает с верою к нему прибегающым. Имея же аз у себе малую некую часть мантии преподобнаго, и тою частию захватих уста моя и ноздри, и от того часа помалу преста кровь тещи из мене молиитвами преподобнаго и 144-го (1636) лета сеп//(л. 57)тевриа ко осмому на десять числу лежащу ми на одре моем и тонце сне бывшу, явися преподобный, еще ему живу сущу, и прикоснуся руками своими утробе моей и рече ми: “Чадо Иоанне, аз всегда молюся Богу о тебе, яко да подаст ти исцеление”. И сия рек, и невидим бысть. И оттоле и доныне его ради святых молитв облегчение приемлю в болезнех моих призыванием святаго имене его».

По неколицех летех сей Иоанн//(л. 57 об.) пострижеся и бысть монах в том же Кожеезерском манастыре. И нареченно бысть имя ему Иаков, и поживе неколико лет, и преставися ко Господу.